(1)TïKKon k«k I Umt

Hele tekst

(1)TïKKon k«k I Umt. N«. ISU.

(2) I. LANÛOANINLAH. MAANDBLAD. I NOVELLE g. Sekali seboelan, dengen diboekoeken.. I. Pada tjetakan jang rapi, Formaat jang bagoes. Memoeat tjerita-tjerita jang indah, Menarek, Meresep, Riang, Gembira, Sedih, Tragedisch lebihlebih lagi Romantisch.. i I § Î § I. i. I |. I A. 1 A. a 2 |. Langganinlah dari sekarang djoega.|. I I. i. I K W A R T A A L SOENGGOEH. MOERAH.. f l — I |. i I i. Mintak dari ini waktoe sertakan wang lang- ^ ganan boewat 3 boelan atawa lebih.| Permintaan jang tiada disertaken ^ ABONNEMENT tiada dikaboelken. | i «S 0 MAANDBLAD. %. I. %. NOVELLE % J.S.CH. i. 1. ST. JERNI 1-6. I. — BASO | FORT DE KOCK, j,. DRUKK. AURORA. BANOOCNa. HÄBEP SOEKÄ SEBOtI „IIERIU Slim" Bim MEMOEIIS PÄ0I1 HOBES 01MÄS..

(3) TJERITA SILAT TAON KA I. 25 JULI 1933. No. 6.. DI BAWAH PIMPINANNJA. Mr .. k:wo l a y yejv.. Terbantoe oleh bebrapa penoelis T J E R I T A SILAT jang terkenal. Harga abonnement boe wat satoe KWARTAAL (TIGA BOELAN) f 1.50 Pembajaran lebih doeloe. Berlangganan paling se dikit satoe KWARTAAL. Terbit tetap saban boelan tanggal 25 KA N T OOR:. REDACTIE DAN ADMINISTRATIE', ANDIRWEG 12. -. BANDOENG. -. T E L . No. 2073. AGENT-AGENT: DI BATAVIA:. TOKO „ K R A K A T A U " Pinto© Besar 5. D l S E M A R A N G ; H O K I M YOE. D I SOERABAJA: T A N T J H O E N H W A ,.

(4) TJOEMA TINGGAL SEDIKIT •. Oleh KwofLay Yen Tiga Djago Silat Kie le Hiap Kek Tjhit Kiam Sip Sam Hiap Kiam Kong Yiam Eng Siao Lim Sie Sam Tiam Hwee Bie Djin Eng Hiong Hong Bo Tan Tan King Tjan Ampir djadi Korban Monsieur Hsu Korban Boedi IVladonna Pembalesan Haloes IVliss Kin. Doenia rasanja antjoer Nos 30, 31 en 32 jang moewat permoelahan Tay Beng Kie Hiap dan Siao Lim Lie Hiap. Semoewa boekoe di atas toelisannja Kwo Lay Yen kaloe djoewal katengan f 0 30 per boekoe, tapi kaloe beli sedikitnja tiga boekoe saban tiga boekoe f 0.80 dan salebihnja dari tiga boekoe di itoeng f 0.27 per boekoe. Toelisannja laen-laen pengarang saban boekoenja f 0.25 tapi kaloe beli sedikitnja tiga boekoe, saban boekoenja direken f 0.20. Semoewanja soeda teritoeng onkost porto. Semoewa pesenan tjoema bisa dikirim kaloe kita soeda trima oewangnja. Kaloe bikin pesenan zonder oewang, boewat meringanken tempo dan porto TIDA aken dibales.. Administratie „Tjerita Silat," Andirweg 12 — Bandoeng Telefoon No. 2073.. •?,. (..

(5) KANG HONG. GADIS GAGA DAN BERBAKTI OLEH:. W O. LAY. YEN.. ^Vo/kenkü^ Pada waktoe terbit pembrontakan jang dikapalai oleh Ang Sioe Tjwan, sabagimana biasanja pada waktoe djeman hoeroe-hara, sana sini timboel kawanan begal jang goenaken itoe koetika kaloet, boewat melakoeken perampokan, pada waktoe mana pembesar negri ampir kahiiangan marika poenja kakoewasahan dalem pamerentahannja. Tjhio Tiong Tjeng ada saorang jang berasal kalahiran di provincie Kwisay, satoe tempat kalahiran dari Ang Sioe Tjwan jang mengepalai itoe pembron takan Taiping jang terkenal, dari sebab ia ada satoe pemales dan tabeatnja djahat, ia menoentoet penghidoepan jang berglandangan, hingga achir-achir ia mendjadi pendoedoek di Yangtjioe. Bermoela ia bekerdja sabagi toekang mengangon babi, tapi kamoedian ia mendjadi perampok, oleh kerna kabraniannja oleh kawan-kawannja ia diangkat mendjadi kapala. Dengen perlahan ia bisa mempoenjai kawan jang kira sariboe orang banjaknja, hingga iapoenja napsoe berboewat djahat djadi samingkin berkobar. Boekan djarang Tjhio Tiong Tjeng mengepalai iapoenja kambrat-kambrat kaloewar merampok sana sini. Sasoeatoe pendoedoek Yangtjioe jang terkenal hartawan, satoe per satoe di satronin bersama kawankawannja. Itoe waktoe kaoem Taiping soeda mendoedoekin kota Kimleng..

(6) Sala-satoe pendoedoek Yangtjioe jang bernama Kang Tay Tji, satoe student jang bergelaran sioetjay, boewat membela diri dari serangannja perampok l^loe mengoempoelken orang-orang gaga limapoeloeh orang banjaknja dididik dalem ilmoe baris dan paperangan. Oleh kerna ia ada saorang pande dan pintar, bisa sekali mengendaliken orang-orang sabawahannja, maka semoewa orang jang bakerd ja padanja dengen senang hati soeka korbanken marika poenja djiwa boewat membela. Kang Tay Tji ada mempoenjai satoe istri jang parasnja sangat eilok, dari siapa telah didapatkèn satoe poetri jang dikasi nama Kang Hong, biar poein itoe waktoe Kang Hong baroe saöja beroemoer doewa taon, tapi soeda ternjata ia ada satoe gadis jang eilok. Pada waktoe kaädahan negri samingkin kaloet dan tida aman, Kang Tay Tji kirim iapoenja poetri pada iapoenja ipar — entjinja iapoenja istri, jang menikah pada satoe pendoedoek kampoeng di sabelah loewarnja kota Kimleng. Malah kaloe menoeroet kahendakannja Kang Tay Tji ia maoe soeroe istrinja pergi menoempang djoega pada itoe ipar, tapi sang istri tida maoe berboewat begitoe, kerna ia bilang maoe mati hidoep bersama-sama soewaminja. Pada waktoe Tjhio Tiong Tjeng saban-saban mçlakoeken perampokan, pembesar negri sama sekaU tida brani toentoet itoe perkara, hingga itoe kapala rampok djadi samingkin brani sadja. Blakangan Tjhio Tiong Tjeng taoe kaloe Kang Tay Tji ada mempoenjai istri jang moeda dan eilok, sedang hartanja poen sangat besar djoemblanja. Tjoema dari sebab Kang Tay Tji bersama iapoenja limapoeloeh orang gaga bikin pen-' djagahan dengen keras, itoe kapala begal sama sekali tida bisa mendapat koetika boewat sampeken maksoed^ nja jang djahat..

(7) Pada soeatoe hari dengen diatoer lebih doeloe Tjhio Tiong Tjeng prentahken orang-orangnja pergi mengepoeng roemahnja Kang Tay Tji. Bermoela bebrapa rampok sabawahannja dateng mentjari stori sama Kang Tay Tji poenja orang-orang gaga, tapi biar poen itoe kawanan rampok bisa diboenoeh mati dan diloekai, tapi samingkin lama djoemblanja djadi samingkin banjak. Salaennja itoe, Tjhio Tiong Tjeng telah pren tahken orang-orangnja madjoe menjerang dari segala djoeroesan. Biar poen itoe orang-orang gaga bikin pembelahan dengen nekat, tapi lantaran djoemblanja itoe kawanan rampok ada sangat besar, achir-achir itoe limapoeloeh orang gaga kaloe boekannja binasa tentoe roeboe lantaran loeka heibat, boleh dibilang achirnja tida ada satoe jang tinggal hidoep. Kang Tay Tji dan istrinja taoe jang iaorang tida aken terlepas dari bahaja, laloe iaorang terdjoenken diri ka dalem soemoer. Pada waktoe kawanan pendjahat mendobrak pintoe dan masoek ka dalem roemahnja, biar poen iaorang gleda sana sini, tapi Kang Tay Tji dan istrinja tida bisa dikatemoeken. Tjhio Tiong Tjeng menjangka kaloe orang-orangnja telah makan sogokan dan melepasken pada itoe sapasang soewami istri. Tapi^ itoe bebrapa rampok jang diwadjibken bikin pendjagahan semoewanja membantah keras bahoewa iaorang sama sekaji tida dapat liat barang satoe manoesia jang lari kaloewar dari dalem itoe roemah. Pada sabelonnja orang bisa bitjara teroes, sala-satoe antaranja jang membantah paling keras, lehernja soeda poetoes dan kapalanja bergloetoekan ka moeka boemi, lantaran ditabas oleh goloknja Tjhio Tiong Tjeng iang kedjem. = j » j & „Hati-hati!" berseroeh ia, „barang siapa jang brani berhianat pada'koe, liatlah ini tjonto!".

(8) Itoe waktoe djoega iaorang moelai menggleda iagi, dan kabetoelan ada bebrapa rampok jang melongok ka dalem soemoer dan dapat liat pada itoe sapasang soewami istri jang lagi tenggelem timboel di dalem soemoer. Laloe iaorang goenaken tangga boewat angkat naek Kang Tay Tji dan istrinja. Tjhio Tiong Tjeng kasi prentah boenoeh mati pada Kang Tay Tji, tapi istrinja ditawan dan dibawa balik poelang ka sarangnja. Istrinja Kang Tay Tji lantaran maoe memboenoeh diri tida bisa mendapat koetika, laloe memaki kalang kaboetan. Kapala brandal Tjhio Tiong Tjeng prentahken bebrapa boedjang prampoewan jang koewat mendjaga keras pada istrinja Kang Tay Tji, soepaja djangan ia bisa mendapat koetika memboenoeh diri. Oleh kerna ia taoe kaloe istrinja Kang Tay Tji ada satoe pram poewan jang berhati keras dan tida nanti bisa dipaksa dengen lantas, maka ia goenaken tipoe, perlakoeken itoe njonja dengen manis, dikasi makan minoem jang enak dan rawatan jang sangat menjenangken. Berbareng dengen itoe, diboedjoek oleh itoe boedjang-boedjang prampoewan jang merawatin padanja dengen berkatahan manis soepaja soeka menoeroet sadja. Tapi istiinja Kang Tay Tji tida bisa dibikin berobah pikirannja, dengen segala kapastian ia bilang bahoewa ia lebih soeka menjoesoel soewaminja ka acherat dari pada moesti pasrahken diri pada itoe kapala brandal. Pada soeatoe malem, itoe kapala brandal dengen kaädahan mabok masoek ka dalem kamarnja njonja Kang Tay Tji dan maoe goenaken kakerasan boewat memaksa padanja. Tapi dengen satjara pintar njonja Kang Tay Tji gigit idoengnja Tjhio Tiong Tjeng sampe petjah dan mengaloewarken banjak darah hingga djato pangsan. Njonja Kang taoe jang itoe pendjahat belon 4.

(9) mati, dengen tjepat ambil pedangnja itoe kapala rampok dengen apa ia toesoek dirinja sendiri sampe mati. Tjhio Tiong Tjeng lantaran idoengnja digigit djadi begitoe kasakitan dan pangsan, koetika ia mendoesin lagi lantas sadja djadi sangat goesar, ia prentahken orang-orangnja potong-potong badannja njonja Kang dan dikasi andjing makan, sedang salebihnja ia soeroean orang djoewal dengen dibilang daging babi. Itoe kabar achir-achir sampe di koepingnja njonja Kang poenja entji, hingga ia djadi sangat sedih dan menangis. Kang Hong itoe waktoe poen toeroet me nangis, tapi dari sebab ia masi ketjil sekali tida taoe apa sebabnja ia menangis. Sebab ia poen tjoema taoe twa-ienja ada iapoenja iboe, dan tida taoe kaloe iboe jang melahirken padanja ada njonja Kang. Tatkala Kang Hong soeda mendjadi besar iapoenja roman sangat mirip sama iboenja. Di waktoe ia dikasi adjar ilmoe soerat ternjata otaknja sangat pintar, apa jang dikasi adjar dengen tjepat ia bisa inget dan me ngarti. Salaennja itoe, tabeatnja soeka sekali sama ilmoe silat, dan oleh kerna ia berdandanan seperti satoe lelaki banjak tetangga jang kiraken ia ada satoe pamoeda tjakap. Pada soeatoe hari ada dateng satoe nikoh jang minta derma ka roemahnja Kang Hong poenja twa-ie, kabetoelan ia meliat Kang Hong lagi mejakinken ilmoe silat, laloe ia menjataken bahoewa itoe gadis ada mempoenjai bahan jang sangat bagoes, apabila bisa mendapat goeroe jang pintar dan pande, nistjaja ia aken bisa mendjadi satoe achli silat jang ilmoenja tinggi. Achirnja ia bilang, bahoewa ia mengarti djoega sedikit ilmoe silat dan soeka mengadjar pada Kang Hong dengen tida meminta bajaran.

(10) Kang Hong bergoeroe pada itoe nikoh tiga taon lamanja, hingga iapoenja ilmoe kapandean djadi samingkin bertamba madjoe dengen pesat sekali. Pada soeatoe hari itoe nikoh pamitan dan berlaloe dengen lebih doeloe mamesen soepaja moeridnja soeka berlakoe sabar djangan terlaloe berangasan ; sedang iapoenja ilmoe kapandean silat boleh dibilang soeda sampe Ijoekoep boewat ia mendjagoin di kalangan Kang-ouw. Memang dengen sasoenggoenja djoega Kang Hong poenja tabeat sangat keras, tapi kaloe beroeroesan sama pendoedoek kampoengnja ia senantiasa berlakoe manis dan sabar. Satelah ia bergoeroe pada itoe nikoh, saban-saban ia soeka bertanding sama toekang-toekang mendjoewal silat jang dateng ka kampoengnja, tapi tida satoe antaranja jang bisa tahan bertanding lebih dari doewapoeloeh djoeroesan, hingga iapoenja nama djadi sangat termashoer. Tjoema sadja semoewa orang kirakan ia ada satoe pamoeda Ijakap dan tida satoe jang taoe kaloe ia ada satoe prampoewan jang masi gadis. Sapandjang itoe waktoe Kang Hong tida perna dikasj taoe oleh iapoenja twa-ie prihal iapoenja sakit hati pada itoe kapala rampok Tjhio Tiong Tjeng jang telah binasaken iapoenja iboe dan ajah. Tjhio Tiong Tjeng samingkin lama kambrat-kambratnja djadi samingkin banjak, oleh kerna ia ada mendjadi orang sasama kampoengnja Taiping Thianong Ang Sioe T j w a n . laloe ia mengepalai bebrapa riboe pasoekan brandalnja menaloek pada itoe kapala pembrontak. Pada saban kali pasoekannja bertempoer sama pasoekan pamerentah Boan marika bisa oendjoek kabranian dan kagagahan. Pada soeatoe kali Tjhio Tiong 6.

(11) * * '. , ». , ^. ^ '. v. Tjeng kena dikepoeng oleh pasoekan balatentara negri dan terpaksa moesti melariken diri, entah bagimana ia djato dari koedanja hingga sala-satoe kakinja pata. Ang Sioe Tjwan tjariken thabib jang pande boewat mengobatin pada Tjhio Tiong Tjeng, dan achir-achir toelang kakinja jang pata bisa disamboeng kombali, sekali poen ada sedikit pintjang. Tapi moelai dari itoe waktoe ia diangkat mendjadi tjiangkoen oleh Ang Sioe Tjwan dan diandelin sabagi iapoenja tangan kanan, serta dikasi persen djoega gedongnja satoe orang ternama jang terletak di dalem kota jang sabelah sela tan. Itoe gedong ada sangat besar dan bagoes, malah mempoenjai djoega satoe taman jang sangat permei pemandangannja. Blakangan atas prentahnja Ang Sioe Tjwan itoe gedong dibetoelin hingga djadi samingkin indah dan mentereng, kerna Ang Thian-ong maoe gandjar djasanja itoe bekas kapala rampok, moelai dari itoe waktoe boleh tinggal senang dalem roemah dan tida oesa kaloewar berperang lagi. Oleh kerna itoe djoega, moelai dari Ang Sioe Tjwan hingga soldadoe-soldadoe, semoewa bahasaken Tjhio Tiong Tjeng Tjiangkoen. Ini Tjhio „Tjiangkoen" ada saorang jang soeka sekali sama paras jang tjantik, hingga mempoenjai banjak goendik-goendik, belon teritoeng iapoenja istri kawin. Ia ada mempoenjai doewa anak lelaki dan prampoewan ; jang lelaki bernama Tjoe Hoa, dan jang prampoewan bernama Tji In ; tapi jang prampoewan perna entji, kerna lebih toewa dari Tjoe Hoa doewa taon. Marika poenja iboe-iboe semoewa ada selirnja Tjhio Tiong Tjeng dan itoe waktoe doewa-doewanja soeda lama mati. Tji In itoe waktoe baroe sadja roemadja poetri, tabeatnja soeka sekali membatja boekoe, menoenggang.

(12) koeda dan menembak sama panah. Toeboenja tinggi langsing dan parasnja tjantik, hingga soeker boewat dikatahoei kaloe ia ada anaknja satoe kapala begal ; tapi iapoenja tabeat keras dan adil, hingga semoewa orang dalem roemah ajahnja merasa sangat takoet padanja. Tapi Tjoe Hoa sabaliknja sangat lemah lemboet, tida berbeda sabagi satoe anak prawan. Itoe waktoe Tjhio Tjiangkoen merasa dirinja soeda tinggi kadoedoekannja dan penghidoepannja poen sangat senang, hingga ia soeda meloepaken kaloe doeloenja ia ada satoe brandal jang soeka merampas orang poenja harta dan djiwa, hingga ia poen maoe menoeroet laen orang poenja toeladan boewat mendjadi saorang haloes dan menghormat pada orang-orang pintar, serta ingin djoega soepaja iapoenja kadoewa anak lelaki dan prampoewan bisa mendapat goeroe jang pintar dan pande. Kabetoelan ada orang poedjiken saorang terpladjar jang bernama Yo Tjhioe Pouw boewat mendjadi goeroenja iapoenja kadoewa anak itoe. Tjhio Tiong Tjeng perlakoeken itoe goeroe dengen hormat sabagimana lajiknja satoe goeroe, sedang rawatannja poen sangat baek satjara lojar sekali. Yo Tjhioe Pouw ada saorang jang baroe beroemoer ampatpoeloeh taon lebih, dan sadari masi moeda ia soeda mempoenjai angan-angan jang tinggi, sedang iapoenja peladjaran dan pengetahoean poen sangat tinggi dan loewas, boleh dibilang banjak sekali tjabang peladjaran jang ia paham Saban hari Tjhio Tiong Tjeng tentoe soeka dateng ka kamar sekola boewat menanja iapoenja kadoewa anak poenja peladjaran, malah ia berlakoe sangat hormat terhadep pada Yo Tjhioe Pouw. Oleh kerna ia mendenger peroendingannja itoe goeroe ada sangat berbeda 8.

(13) sama goeroe-goeroe jang biasa, hingga ia merasa girang sei<ali kadoewa anaknja bisa mendapat satoe goeroe jang begitoe pintar dan terpladjar tinggi. lapoenja kadoewa anak poen kaloe di waktoe abis beladjar soeka sekali dateng padanja, hingga mem bikin Tjhio Tiong Tjeng merasa bahoewa kadoewa anak-anaknja tida mempoenjai temen memaen di waktoe peladjarannja senggang, sedang orang-orang dalem roemahnja boleh dibilang semoewanja ada bangsa ka sar dan tida terpladjar hingga tida ada orang jang boleh diadjak beroending oeroesan peladjaran dan pengatahoean. Pada soeatoe hari pada Yo Tjhioe Pouw ia berkala : ,Akoe poenja kadoewa anak kaliatannja boekannja orang-orang bodo, beroentoeng sekali iaorang bisa mendapat goeroe jang seperti sinshe, tjoema di waktoe iaorang lagi mengaso dari peladjarannja, perloe sekali dikasi koetika boewat iaorang oendjoek marika poenja sifat-sifat jang hidoep dan gesit, soepaja iaorang poenja badan djadi samingkin seger hingga bisa menoentoet peladjaran dengen bikin kamadjoean jang samingkin pesat. Kaloe sinshe ada taoe di antara sobat atawa kenalan jang mempoenjai anak jang pintar dan baek, akoe harap sinshe soeka toeloeng bitjaraken soepaja ia soeka mendjadi temen sakolanja akoe poenja ka doewa anak." Kaloe didenger dari omongannja Tjhio Tjiangkoen kaliatannja ia mengarti tentang ilmoe pendidikan ; tapi sabetoelnja boekan begitoe, oleh kerna ia ingin tida terganggoe sapandjang waktoe ia senangken hati dan pikirannja sama lapoenja kawanan goendik, maka ia merasa terikat kaloe saban waktoe kadoewa anaknja dateng katemoeken padanja boewat menanjaken iapoenja kawarasan, hal mana, menoeroet ia, tjoema membikin.

(14) ia djadi tida merdika dan tida laloewasa boewat poewasicen iapoenja napsoe kasenangan. Yo Tjhioe Pouw menjanggoepin jang ia aken perhatiken itoe oeroesan. Laen harinja koetika bertemoe lagi sama Tjhio Tjiangkoen, Yo Tjhioe Pouw berkata padanja : ,Akoe ada mempoenjai satoe sobat baek jang mempoenjai satoe poetra pintar melebihken dari kabanjakan anakanak, kaloe sadja ia soeka dateng ka sini, tentoe Tjiangkoen poenja kadoewa poetra tida oesa koewatir kasepian. Tjoema sadja iapoenja iboe soeda toewa, hingga kaloe boekannja akoe sendiri jang pergi membitjaraken ini oeroesan tida aken bisa berhasil." Tjhio Tjiangkoen djadi sangat girang koetika tnendenger itoe omongan. ,,Kaloe menoeroet akoe poenja pikiran boleh soeroean sadja sala satoe soldadoe'koe pergi membawa sinshe poenja soerat ka sana," kata ia. „Tjoema dari sebab sinshe maoe pergi sendiri, belon taoe perdjalanannja perloe memake tempo brapa hari ?" ,,la tinggal di soeatoe kampoeng soenji jang ter letak di sabelah loewarnja kota," kata Yo Tjhioe Pouw. „Akoe rasa perdjalanan poelang pergi tiga hari soeda sampe tjoekoep." Tji In dan Tjoe Hoa koetika mendenger itoe oe roesan hatinja djadi sangat girang, iaorang mendesak soepaja sang goeroe lekas brangkat. Begitoelah Yo Tjhioe Pouw lantas brangkat pada itoe hari. Tiga hari berselang, kira-kira djam tiga lohor, Tji In bersama Tjoe Hoa djoestroe lagi naek ka atas tanah tinggi di depan roemahnja menoenggoein marika poenja goeroe, jang berdjandji aken balik poelang pada hari itoe, sembari menjedot hawa oedara jang seger, menda dak kaliatan ada satoe penoenggang koeda jang lariken 10.

(15) ,. ^ '. ^ ^. f. 1. '. toenggangannja dari sabelah limoer dengen tjepat selcali. Itoe penoenggang koeda ternjata ada saloe pamoeda tjakap dan sikapnja sangat keren tapi djoega lemah lemboet. Tji In dan Tjoe Hoa sama-sama toeroen dari itoe tanah tinggi boewat meliat lebih tegas pada itoe penoenggang koeda, djoestroe pada waktoe iaorang sampe di bawahnja itoe tanah tinggi, itoe penoenggang koeda poen meliwatin itoe tempat. Itoe gadis dan ade leiakinja pada ngeiamoen, kaloe sadja iaorang bisa dapatken itoe pamoeda sabagi iaorang poenja temen sekola, iaorang aken merasa senang dan poewas sekali. Tjoema dari sebab marika poenja goeroe masi belon dateng, hingga iaorang tida taoe iloe orang jang dioendang bagimana matjemnja. Tida antara lama kamoedian dari kadjaoehan kaliatan Yo Tjhioe Pouw mendatengin dengen tindakan perlahan, laloe iaorang boeroe-boeroe menjamperin dan menanjaken bagimana hasilnja sang goeroe poenja pakerdjahan. ,,Baroesan ada satoe penoenggang koeda jang berdjalan lebih doeloe dari akoe, apatah kaoe orang ada dapat liat atawa tida?" kata Yo Tjhioe Pouw. Tji In dan Tjoe Hoa dengen bersenjoem berpaling ka blakang, ternjata itoe penoenggang koeda soeda toeroen dari toenggangannja dan itoe waktoe djoestroe berdiri menoenggoe di depan marika poenja roemah dengen menjekal tali lesnja iapoenja koeda. Laloe ia orang mengikoetin marika poenja goeroe dan adjar kenal sama itoe pamoeda. Itoe pamoeda sikapnja anteng dan laloewasd sekali, maoe poen biijaranja atawa poen gerakannja. Satelah diadjar kenal baroelah iaorang mendapat taoe bahoewa itoe bakal temen sekola ada she Kang dan bernama satoe hoeroef Hong. Itoe pa moeda oleh soldadoe pengawal diantarken masoek.

(16) boewat bertemoe sama Tjhio Tiong Tjeng, sedang Yo Tjhioe Pouw dan kadoewa moeridnja poen mengikoetin. Tatkalala Tjhio Tjiangkoen meliat romannja itoe pamoeda ada begitoe tjakap, sikapnja sopan santoen, tapi iapoenja katjakapan ada banjak mirip sama kaeilokannja satoe prampoewan, kaloe sadja boekannja lelaki, iapoenja katjantikan bisa dibandingken sama iapoenja poetri, Tji In. Bahna kagirangan ia djabat tangannja itoe pamoeda tjakap, tanjaken iapoenja she, nama dan tempat tinggal. Itoe pamoeda kasi djawaban jang sangat pantas dan sopan, tida angkoeh dan djoega tida mendjilat, hal mana soeda membikin Tjhio Tiong Tjeng djadi sangat girang, laloe kasi prentah iapoenja boedjang-boedjang menjediaken satoe kamar boewat tempat tinggainja Kang Kongtjoe. Serta pesen djoega iapoenja segala rawatan moesti sama dengen iapoenja poetra dan poetri, sedikit poen tida boleh dibikin perbedahan apa-apa. Pada Tji In dan Tjoe Hoa ia berkata : .Anakanak, kaoe orang dapatken temen sekola jang begitoe roepa, boekan sadja di wakloe sekola kaoe orang aken bisa dapatken banjak kabaekan, malah di waktoe mengaso dan memaen poen aken mempoenjai temen jang berharga. Itoe anak tentoe ada poetranja saorang terpladjar, makanja iapoenja sikap begitoe sopan dan lemah lemboet, tapi djoega toapan, sedikit poen tida pamaloean. Sateroesnja kaoe orang djangan dateng mengganggoe lagi pada ajah, saban doewa hari satoe kali kaoe orang boleh dateng pada'koe boewat menoetoerken kaoe orang poenja peladjaran." Moelai dari itoe waktoe Tji In dan Tjoe Hoa mendjadi kawan dan sobat jang sangat akoer sama Kang Hong, boleh dibilang iaorang tida taoe berpisahan ba rang sakedjap sekali poen. Kang Hong membahasaken 12.

(17) enlji pada Tjt In dan ade pada Tjoe Hoa ; sedang Tji In dan Tjoe Hoa semoewanja membahasaken engko pada Kang Hong. Tapi sabetoelnja Tji In itoe wakloe baroe sadja beroemoer toedjoebelas taon, se dang Tjoe Hoa limabeias. Tjoe Hoa lantaran mendapat temen sekoia Kang Hong, iapoenja ilmoe soerat djadi samingkin bertamba madjoe, sebab pada saban kali ada apa-apa jang Tjoe Hoa tida mengarti dan menanjaken, tentoe Kang Hong bisa mengasi katerangan jang sadjelas-djelasnja, hal mana berbeda sama Tji In jang soeka permaenken pada ade lelakinja, kaioe ada pertanjahan apa-apa dari fihaknja sang ade, sabaliknja ia tida maoe kasiken katerangan. Pada sasoedanja Tji In dan Kang Hong djadi bersobat lebih baek, iaorang soeka bertanding djoega dalem ilmoe silat. Tji In pande goenaken toembak, tapi Kang Hong paham sekali ilmoe silat tangan kosong, tapi tenaga Kang Hong ada lebih besar dari jang terseboet doeloean. Tji In anggap hal itoe memang samoestinja, kerna Kang Hong ada lelaki. Dan oleh kerna ia anggap Kang Hong ada satoe djadjaka, sikapnja soeka mengoendjoek pengrasahan jang menjinta pada itoe „pamoeda," tapi sabaliknja Kang Hong sama sekali tida memperhatiken itoe kaädahan. Samentara Tjhio Tjiangkoen poen sangat sajang pada Kang Hong, tida berbeda sabagi iapoenja anak sendiri, hal mana soeda membikin Kang Hong poen djadi merasa terharoe atas itoe katjintahan jang telah dioendjoek pada dirinja. Begitoelah dengen tida terasa lagi Kang Hong Soeda berdiam di dalem gedongnja Tjhio Tjiangkoen |iga boelan lamanja. Mendadak pada satoe hari Kang Hong ada menerima soerat dari roemahnja jang mengasi taoe bahoewa iboenja sakit dan panggil itoe anak moeda 13.

(18) poelang ka roemah. Tji In dan Tjoe Hoa kasi taoe hal itoe pada marika poenja ajah, bahoewa Kang Hong perloe moesti poelang boewat tengokin iboenja jang lagi sakit, dan kaloe soeda semboe tentoe ia aken balik kembali boewat meneroesken peladjarannja. Tjhio Tjiangkoen loeloesken dan maoe soeroean iapoenja bebrapa soldadoe pengawal mengantarkan ia poelang; tapi Kang Hong menoelak dengen keras. Begitoelah dengen menjewa lagi satoe koe da ia maoe brangkat poelang. Tapi Tji In dan Tjoe Hoa doewa-doewanja merasa sangat tida tega boewat berpisahan. .Akoe doaken soepaja iboe lekas mendjadi semboe dan seger kombali," kata Tjoe Hoa. „Akoe harap sadja Engko Hong bisa balik kombali ka sini dalem tiga hari, sebab kaloe terlaloe lama tentoe aken membikin akoe djadi sangat kangen." Sedang Tji In dengen sorot mata jang menjinta mengawasin pada Kang Hong, tapi sabaliknja ia tida bisa oetjapken barang sapata perkatahan. Tatkala Kang Hong sampe di roemahnja dengen sangat heran ia meliat iboenja menjamboet padanja di pintoe, tapi berbareng dengen itoe ia poen merasa sangat girang jang iboenja sama sekali tida sakit. ,Kaoe pandang akoe sabagi djoega iboe, tapi sabetoelnja akoe tjoema kaoe poenja twa-ie sadja," kata itoe njonja toewa jang mendjadi entjinja njonja Kang. „Tapi apatah kaoe taoe tjara bagimana kaoe poenja iboe dan ajah telah mati dalem kaädahan jang sangat mengenesken ? sedang itoe sakit hati besar sampe sekarang masi belon terbales? Doeloean dari sebab kaoe poenja oemoer masi terlaloe moeda, malah kaoe poenja ilmoe pedang poen masi belon sampoerna, sedang akoe poen tida taoe di mana adanja itoe moesoe besar. Sekarang Yo sinshe telah adjak kaoe ka gedongoja 14.

(19) ^. Tjhio Tjiangkoen, sedang itoe Yo sinshe ada sobat baeknja kaoe poenja ajah almarhoem, jang telah bersoempa maoe tjari moesoenja kaoe poenja iboe dan ajah sampe dapat, doeloean ia soeda perna menoelis soerat pada'koe menoetoerken sedikit tentang kaädahannja itoe Tjiangkoen. Malah akoe poen koetika mendenger itoe Tjiangkoen she Tjhio telah merasa tjoeriga, sedang kaoe jang saban hari soeka bertemoe padanja, boekantah kaoe liat iapoenja oedjoeng idoeng ada tanda somplak dan di bawah matanja ada tanda bekas ioeka ? »Itoelah ada tanda-tanda jang disebabken oleh gigitannja kaoe poenja iboe almarhoem. la berboewat begitoe perloenja boewat melindoengin iapoenja kahormatan dari perkosahannja itoe manoesia boesoek. Kaloe boekannja kaoe tida nanti bisa membales ini sakit hati heibat. Tjoema sadja sekarang Tjiangkoen telah berlakoe begitoe poenja manis dan baek pada kaoe, inilah sasoenggoenja ada sangat soeker boewat kaoe ambil poetoesan. Malah iapoenja anak prampoewan dan lelaki poen berlakoe sangat manis dan baek pada kaoe, soeda tentoe sadja kaoe tida nanti tega boewat bikin antjoer iaorang poenja sarang jang angat, atawa poen boenoeh mati pada itoe doewa anak jang berada dalem itoe sarang. Tapi kaoe haroes pikir dengen mateng, kaoe poenja roemah tangga makanja mendjadi antjoer dan kaoe poenja iboe dan ajah binasa, semoewanja di sebabken oleh perboewatannja itoe Tjiangkoen, sedang akoe makanja menahan sakit hati sampe sekarang, kerna rnengharap kaoe aken bisa bikin pembalesan, tapi tida maoe sembarangan boeka ini resia kerna koewatir 'toe maksoed bisa mendjadi gagal. Lagi satoe kali akoe minta soepaja kaoe pikir ini oeroesan lebih mateng." Mendenger itoe katerangan Kang Hong baroe taoe jang ia boekan anaknja ini iboe, jang sabetoelnja 15. 2.

(20) ada iapoenja oewa, hingga aer matanja mengoetjoer sabagi djoega oedjan deres. la bersoempa maoe menoesoek peroetnja itoe moesoe besar sampe mati boewat membales sakit hatinja iapoenja iboe dan ajah. Salaennja itoe, ia merasa maloe jang ia moesti menerima boedi kabaekannja satoe moesoe besar; tapi daiem ini oeroesan, biar bagimana djoega, ia soeda mengarti maksoednja Yo sinshe jang sangat dalem dan hati-hati, hingga ia haroes merasa sangat bersoekoer pada itoe goeroe. Oleh kerna itoe djoega, kaloe kamoedian ia bertemoe sama Tjhio Tjiangkoen, ia moesti tinggal tetap sabagi djoega tida taoe satoe apa tentang itoe permoesoehan, soepaja ia bisa menoenggoe satoe waktoe jang baek boewat lakoeken iapoenja pembalesan sakit hati. Tapi terhadep pada Tji In dan Tjoe Hoa ia soeda pikir tetap satoe djalan jang ia rasa baek. Sebab ia tjoema bermoesoe sadja sama marika itoe poenja ajah ; sang ajah jang berboewat dosa dan itoe kadosahan tida haroes dipikoel djoega oleh iapoenja anak-anak. Sasoedanja ia berpikir dengen tetap, dengen bertjoetjoeran aer mata ia pamitan sama iapoenja twa-ie atawa oewa, ia bersoempa jang itoe sakit hati tentoe ia aken bales, sebab biar poen itoe moesoe besar soeda perna berboewat kabaekan pada dirinja, itoelah ada ketjil bila dibandingken sama itoe sakit hati jang begitoe poenja besar. Kaloe sadja lantaran itoe boedi ketjil ia moesti meloepaken sakit hati jang besar, ia boekannja satoe anak manoesia lagi. .Kaloe kaoe poenja maksoed bisa kasampean tentoe akoe aken pindah salekas-lekasnja ka laen tempat," kata sang oewa, „hal itoe kaoe sama sekali djangan mendjadi koewatir satoe apa, Akoe poenja ade prampoewan tjoema melahirken kaoe satoe orang sadja, hingga tida mempoenjai engko atawa poen ade. Kaoe 16.

(21) makanja bisa masoek ka dalem gedongnja Tjiangkoen, itoelah Thian kasiken kaoe satoe koetika baek boewat lakoeken pembalasan. Rohnja kaoe poenja iboe dan ajah mengikoetin kaoe boewat menegoeken kaoe poenja hati dan tangan." Kang Hong lantas balik kembali ka Kimleng dan tinggal lagi di dalem gedongnja Tjhio Tiong Tjeng, Tji In dan Tjoe Hoa dengen girang menjamboet iapoenja kadatengan, malah Tjhio Tiong Tjeng poen poedji itoe anak moeda jang bisa pegang djandjinja dengen betoel. Tjhio Tiong Tjeng jang sekali poen moelanja ada mempoenjai banjak sekali goendik-goendik, tapi kaloe sadja ia soeda merasa bosen lantas diboenoeh mati, hingga jang katinggalan pada itoe waktoe tjoema tinggal ampat selir sadja. Sala-satoe antaranja she Lie jang tabeatnja sangat baek dan menoeroet, malah ia paham djoega ilmoe soerat dan itoeng. Ia berasal dari Souwtjioe, ajahnja poen berasal dari toeroenan ber pangkat; oleh Tjhio Tiong Tjeng ia dirampas dan dibawa ka Lamkhia sabagi goendiknja. Oleh kerna ia ada sangat pintar dan eilok, maka Tjhio Tiong Tjeng sangat sajang padanja. Sedang itoe tiga selir jang laennja semoewanja mempoenjai paras tjantik tapi jingka lakoenja sangat genit dan bisa sekali mengambil hati ; sabagimana biasanja prampoewan genit, moeloetnja poen bawel dan hatinja sirik, hingga sabansaban iaoiang soeka gosok dan obor orang jang ia hentji dan tida soeka. Begitoelah, terhadep pada itoe selir she Lie poen marika sangat koerang senang, dan siang malem pikirken daja oepaja boewat mendjatoken pada itoe selir she Lie. Tapi tabeatnja itoe goendik she Lie boekan sadja sangat sabar, malah tida soeka mengiri, maka terhadep pada Tji In dan Tjoe Hoa ia bisa tjampoer dengen 17.

(22) akoer dan manis, hingga biar poen itoe tiga goendik jang laennja maoe bikin tjilaka padanja, tapi tida bisa dapatken koetika jang baek. Pada soeatoe hari, sala-satoe selir poenja boedak prampoewan jang sekali poen romannja sangat djelek, tapi soeka sekali iseng moeloet dan banjak djoega akal boesoeknja, dengen kabetoelan ia telah dapat poengoet satoe pasang sepatoe lelaki dan teroes ia tare di kolong randjangnja itoe goendik she Lie. »Tjiangkoen sajang pada njonja tida seperti sajang pada Lie lethaythay; tapi akoe denger kabar Lie lethaythay ada mempoenjai kendaK, maka kaloe sadja Tjiangkoen pergi menggledah iapoenja kamar, akoe rasa tentoe Tjiangkoen aken bisa katemoeken boektinja iapoenja perboewatan serong," begitoelah itoe boedak prampoewan mengobor pada madjikan prampoewannja. Itoe goendik poen lantas mengarti bagimana maksoednja iapoenja boedak prampoewan. Maka pada waktoe Tjiangkoen dateng ka kamarnja laloe ia sampeken omongannja iapoenja boedak prampoewan, hingga soeda membikin goesar pada Tjhio Tiong Tjeng jang memangnja beradat djelek dan kedjem. Laloe ia bawa itoe boedak prampoewan dan laen-laen boedjang prampoe wan pergi lakoeken penggledahan ka dalem kamarnja itoe goendik she Lie. siapa koetika meliat paras moekanja Tjhio Tiong Tjeng oendjoek kagoesaran lantas sadja djadi sangat kaget dan katakoetan hingga sakoedjoer badannja djadi bergoeraeteran. Itoe boedak pram poewan djahat lantas sadja masoek ka kolong randjang dan ambil itoe sapasang sepatoe lelaki ditrimaken pada Tjhio Tiong Tjeng. Itoe selir she Lie lantaran kaget dan bingoeng, sama sekali tida bisa membelaken dirinja. Sedang Tjhio Tiong Tjeng dengen tida menanjaken katerangan lagi lantas sadja prentahken boe18.

(23) djang-boedjang prampoewan seret itoe goendik she Lie dan ia maoe boenoeh mati sendiri. Tji in koetika mendenger itoe kabar boeroe-boeroe dateng dan dengen berloetoet di hadepan ajahnja ia mengasi tanggoengan bahoewa itoe goendik ada saorang baek dan tida nanti maoe melakoeken perkara jang tida pantas, la terangken djoega bahoewa itoe sepatoe tentoe ada perboewalannja orang djahat jang maoe menjiiakaken pada itoe goendik she Lie, maka ia minta soepaja kasi tempo doeloe dan djangan lantas boenoeh mati padanja sabelonnja iapoenja kadosahan mendjadi terang. Tjhio Tiong Tjeng koetika mendenger itoe omongan lantas djadi mendoesin djoega sedikit, tapi tida oeroeng ia prentahken soepaja pendjara pada itoe goendik she Lie jang sama sekali tida berdosa, dengen dikasi makanan djeiek dan didjaga oleh ampat soidadoe pengawainja dengen keras. Oleh kerna itoe kamar tahanan ada sangat gelap dan di waktoe malem poen tida dikasi panerangan lampoe sama sekali, itoe goendik she Lie tjoema bisa koetjoerken aer matanja. Ia berdoa pada Thian soepaja pada soeatoe hari iapoenja perkara bisa mendjadi terang, hingga iapoenja diri bisa mendjadi bresih di matanja orang banjak. Tji In moelai dari itoe hari dengen diam-diam bikin penjelidikan pada kamar-kamarnja itoe tiga goen dik jang laennja. Sedang menoeroet katanja bebrapa banjak boedjang dan boedak prampoewan, itoe selir she Lie alamken itoe fitenahan kedji, iaorang merasa sangat menjesal dan kasian padanja. Tapi pada waktoe 'a sampe di sabelah loewar kamarnja itoe selir jang telah mengobor pada ajahnja, lantas sadja ia denger soewara tertawa dan bitjara dengen girang, itoe selir sendiri membilang bahoewa moelai dari sekarang itoe 19.

(24) selir she Lie tida nanti bisa mendjadi saingan lagi, sedang itoe boedak prampoewan jang roepanja djelek dan boesoek hatinja banggaken iapoenja djasa. Sekarang Tji In baroe djadi mendoesin kaloe itoe fitenahan terhadep pada itoe goendik she Lie telah diatoer oleh ini madjikan dan boedak. Ia lantas menoenggoe pada waktoe itoe boedak prampoewan djelek kaloewar didjorokin sampe tengkoeroep kamoedian diindjak blakangnja. „Hajo, lekas kaoe mengakoe apa jang kaoe soeda berboewat terhadep itoe perkara tnemfitenah pada Lie lethaythay," kata ia; „kaloe kaoe tida maoe me ngakoe teroes terang, lantas akoe indjek kaoe sampe mentjrel." Oleh kerna memangnja itoe boedak prampoewan sangat takoet pada Tji In, dengen minta ampoen ia toetoerken apa jang ia soeda berboewat dari bermoela sampe di achirnja. Itoe katerangan soeda membikin Tji In djadi ter lebih goesar, hingga dengen sengit ia tjekek lehernja itoe boedak prampoewan djahat hingga lidanja meletlet dan djiwanja melajang ka laen doenia. Dari sitoe ia pergi ambil doewa botol arak dan dibawa pergi ka tempat pemboeiannja itoe goendik she Lie, siapa koetika meliat padanja lantas sadja menangis sedih sekali. Tji In kasiken itoe doewa botol arak pada itoe ampat soldadoe pengawal jang diwadjibken mendjaga pada itoe selir she Lie jang dikerem. „Kaoe orang, bakerdja tjape, dan sekarang akoe kasi kaoe orang persen ini doea botol arak boewat kaoe orang minoem," kata ia pada itoe soldadoe-soldadoe pengawal. „Trima kasi atas Lie-kongtjoe poenja persenan, kata itoe ampat soldadoe pengawal dengen berbareng; 20.

(25) Laloe iaorang moelai minoem dan tida antara lama kamoedian iaorang soeda pada mabok dan rebah menggletak di atas djoebin. „Nona, akoe harap kaoe poen soeka kasi akoe persen satoe botol," kata itoe selir she Lie ; „sebab akoe taoe kaloe itoe arak ditjampoerin ratjoen, dan akoe taoe djoega bahoewa siotjia ada sangat baek terhadep pada'koe, dan maoe kasiken akoe makan ratjoen soepaja akoe bisa mati dalem kaädahan toeboe jang oetoe, boewat mana akoe haroes hatoerken trima kasi atas siotjia poenja kabaekan hati." „le sama sekali djangan takoet," menghiboer Tji In, ,,akoe poenja kadatengan maoe iepasken kaoe dari ini pendjara, sedang itoe orang jang telah memfitenah pada kaoe soeda di mampoesin." Sahabisnja berkata begitoe laloe ia pergi seret maitnja itoe boedak prampoean djelek dan djahat dimasoekin ka dalem itoe pendjara, kamoedian mendesak soepaja itoe goendik she Lie malepasken iapoenja pakean dan toekar memake pakeannja itoe boedak prampoewan jang soeda mendjadi mait. i<amoedian ia kasiken itoe selir minoem arak sedikit soepaja iapoenja hati djadi lebih taba. Sapandjang itoe waktoe, itoe ampat soldadoe pendjaga semoewanja tinggal menggetak dalem kadaähan tida inget orang. Pada sasoedanja iaorang mengatoer dengen beres laloe Tji In gendong itoe goendik she Lie dibawa ka kamarnja Kang Hong. Sasampenja ia mengetok pintoe dan toetoerken sebabsebabnja pada Kang Hong jang memboekain pintoe. Achir-achir ia berkata : „Lie Ie ada mempoenjai roemah tangga dari fihak iboenja di Souwtjioe, sedang di sini boekannja soeatoe tempat jang bisa toempangin iapoenja hari toewa, tapi kaloe sekarang ia maoe poelang ka roemah iboe dan ajahnja, moesti ada saorang jang 21.

(26) mengantarken padanja sampe tiga ratoes lie djaoenja, baroelah tida aken berbahaja lagi bagi iapoenja kasiamatan. Malah kaloe maoe kaloewar dari ini gedong jang mempoenjai tembok-tembok tinggi djoega boekannja perkara gampang. Ini pakerdjahan djikaloe boekannja engko Hong tida nanti bisa lakoeken. Akoe harap sadja engko soedi membantoe." „Kaloe entji jang minta akoe lakoeken dengen segala senang hati akoe maoe bakerdja apa jang akoe bisa," saoet Kang Hong. „Akoe rasa pergi poelang ada perioe memake tempo anam atawa toedjoe hari lamanja." Tji In lantas kaloewarken sadjoembla oewang boewat itoe goendik she Lie poenja onkost djalan, kamoedian dengen pengrasahan sangat berat iaorang berpisahan. Kang Hong gendong itoe goendik she Lie dengen ambil djalan dari atas genteng dan meiompatin tem bok-tembok jang tinggi. Satelah langit ampir maoe djadi terang iaorang soeda bisa kaloewar dari kota Yangtjioe, dan troesken marika poenja perdjalanan sampe di bilangan Pieleng. „Dari sini pergi ka le poenja roemah soeda tida djaoe lagi," kata Kang Hong, ,,dan kaloe menoempang satoe praoe meneroesken kaoe poenja perdjalanan de ngen tjepat aken bisa sampe. Akoe maoe balik poeiang ka Yangtjioe boewat mengasi kabar pada entji Tji In." Dengen memesen wanti-wanti soepaja berhati-hati. Kang Hong berpamitan sama itoe goendik she Lie jang soeda dapatken satoe praoe boewat pergi ka Souwtjioe. Di tengah perdjalanan poeiang Kang Hong mampir di satoe toekang besi membeli satoe badi-badi pandjang, sebab ia berniat pada waktoe balik lagi kaloe.

(27) sadja bisa mendapat koetika baek lantas ia maoe melakoeken iapoenja pembalasan sakit hati besar terhadep pada Tjhio Tiong Tjeng. Sebab sedari ia mendapat taoe iapoenja oeroesan sakit hati terhadep pada itoe Tjiangkoen, soeda berselang satoe boelan lebih ia tida bisa lakoeken maksoednja kerna bersangsi sadja. Sadari Kang Hong brangkat, Tji In toetoep resia, bersama iapoenja ade ia masoek sekola sabagimana biasa. Yo Tjhioe Pouw poen sama sekali tida menanjaken Kang Hong mengapa tida masoek sekola dan pergi ka mana, sabagi djoega ia soeda mengarti apa jang lagi dilakoeken. Beroentoeng Tjhio Tjiangkoen lantaran oeroesannja itoe goendik she Lie hatinja merasa sangat djengkel, tida taoe dateng-dateng ka kamar sekola. Sedang di pagi jang berikoetnja pada maleman itoe goendik she Lie maboer, ada tersiar kabar bahoewa itoe goendik she Lie telah memboenoeh diri dengen menggorok lehernja sendiri. Itoe waktoe Tji In soeda terangken tentang itoe fitenahan atas dirinja itoe goendik, hingga pada waktoe mendenger itoe kabar kamatiannja, Tjhio Tiong Tjeng poen merasa sangat menjesei dan prentahken boeat dikoeboer maitnja dengen satjara pantas. Blakangan itoe ampat soldadoe pengawal jang disoeroe mendjaga dipanggil dan ditanjaken tentang itoe perkara tjara bagimana soeda terdjadi. Tapi ternjata semoewanja soeda berobah mendjadi gagoe dan tida bisa mengasi katerangan apa-apa, hingga Tjhio Tiong Tjeng lantas sadja kasi prentah soepaja potong marika poenja leher sabagi hoekoemannja atas marika poenja katledoran. Itoe ampat soldadoe pengawal makanja djadi gagoe lantaran terkena pengaroehnja itoe arak obat jang •elah dikasi oleh Tji In boewat iaorang minoem..

(28) Tatkala Kang Hong balik poelang ka gedongnja Tjhio Tjiangkoen, kaädahan masi berdjalan sabagimana biasa, tida ada terdjadi perobahan apa-apa. Pada soeatoe malem Kang Hong djalan-djalan ka dalem taman boewat meliat sinarnja remboelan, dan ia menampak satoe petahan toeboenja saorang prampoewan moeda lagi mendekem di lankannja satoe paseban sabagi djoega lagi berpikir. Kang Hong menjamperin dengen tindakan perlahan dan berkata dengen soewara ampir seperti berbisik; „Entji Tji In, malemmalem doedoek di sini, apa tida takoet hawa jang dingin ?" „Akoe baroe sadja tinggalken ajah'koe jang maoe masoek tidoer," saoet Tji in. „Sedang ade Hoa lagi menoenggoein ajah di dalem kamar." Mendenger itoe omongan hatinja Kang Hong djadi tergerak. ,,Kaloe maoe membales sakit hati, inilah ada koetika jang sangat baek," begitoe ia pikir. Sedang Tji In bitjara banjak sekali padanja, dan iapoenja maksoed sabagi djoega maoe bikin perdjandjian menikah. Antara laen-laen ia bilang bahoevva iaorang berdoewa soeda berkoempoel satengah taon lebih, satoe sama laen merasa sangat tjotjok, malah iapoenja ajah poen diam-diam sabagi merasa satoedjoe boewat marika berdoewa terangkep mendjadi satoe. Sebab salaennja Kang Hong, boleh dibilang tida ada laen pamoeda jang pantas boewat bisa mendjadi ia poenja pasangan. Mendenger itoe omongan Kang Hong mengelah napas pandjang. ,,Entji Tji In sasoenggoenja ada satoe prampoewan pintar dan gaga," kata ia, ,,dan kaloe dapatken satoe istri jang seperti kaoe memang djoega ada soeatoe hal jang sangat beroentoeng ; tjoema akoe ada mempoenjai 24.

(29) hal-hal jang sangat soeker dan tida gampang boewat akoe manerangken pada entji. Akoe dalem ini doenia ada sabalang karang, salaennja akoe poenja iboe akoe tida mempoenjai satoe apa lagi dalem ini doenia, dengen begitoe, tjara bagimana akoe bisa mendjadi entji poenja soewami ?" ,,Prihal engko Hong poenja kasoekeran-kasoekeran boleh dibitjaraken sadja teroes terang," kata Tji In. ,,Masatah terhadep pada'koe masi maoe disemboeniken ?" Begitoelah sateroesnja iaorang saling awasin de ngen tida berkata-kata dalem bebrapa sa'at lamanja, kamoedian Kang Hong pamitan balik ka dalem kamarnja, di mana ia malepasken iapoenja djoeba dan ringkesin iapoenja pakean dalem dan ambil itoe badi-badi pandjang jang ia telah beli di dalem perdjalanannja. Ia kaloewar dari kamarnja dan rapatken pintoe, kamoedian lontjat naek ka atas genteng dan menoedjoe ka kamar nja Tjiangkoen. Ia mengintip dari sabelah loewarnja djendela sembari memasang koeping. Ternjata Tjhio Tiong Tjeng masi bitjara saling saoetan sama Tjoe Hoa, dan kaloe sadja ia lantas lontjat masoek menikem pada ajahnja itoe pamoeda, soeda tentoe sadja aken membikin sangat sedih dan sakit hatinja jang mendjadi anaknja. Laloe ia pikir dengen menimpoekin iapoenja badi-badi ka djoeroesannja itoe pembaringan poen ia aken bisa binasakan itoe moesoe besar. Begitoelah ia soeda berboewat, tapi soenggoe sajang sekali lantaran sangat bernapsoe iapoenja tangan djadi bergoemeteran hingga iapoenja timpoekan djadi meledjit dan menge nakan kakinja Tjoe Hoa, hingga itoe anak moeda lantas roeboe. Tjhio Tiong Tjeng dengen tjepat mengangkat bangoen pada anak lelakinja itoe, sedang Kang Hong "engen tjepat lari balik poelang ka kamarnja. la merasa sangat menjesal jang iapoenja ilmoe kapandean masi 25.

(30) belon sampoerna hingga meloekain Tjoe Hoa jang sama sekali îida berdosa. Di hari jang berikoetnja dalem itoe gedong sama sekali tida ada terdjadi kagemparan apa-apa, satoe orang poen tida ada jang membitjaraken itoe perkara pertjobahan memboenoeh. Itoelah disebabken Tjhio Tiong Tjeng memangnja ada mempoenjai banjak sekali moesoe hingga tida maoe oewarken itoe oeroesan sampe menerbitken kagemparan. Tji In soeda tentoe sadja taoe hal itoe, laloe ia toetoerken itoe perkara jang berbahaja pada Kang Hong, siapa lantas minta Tji In soepaja soeka antarken ia dateng ka kamarnja Tjoe Hoa boewat menengokin. Sasampenja ia oendjoek sikap jang soenggoe-soenggoe boewat memberi hiboeran dan oesoet-oesoet itoe bagian kaki jang loeka, hal mana soeda membikin Tjoe Hoa djadi merasa sangat terharoe. ,,Engko Hong tjinta pada'koe sabagi djoega soedara dari satoe kandoengan, hal mana akoe merasa sangat bersoekoer," kata ia. ,,Tjoema sadja akoe sama sekali tida merasa sakit, sebab ajah'koe masi simpen obatnja itoe thabib jang doeloean mengobatin padanja, satoe kali dipakein itoe obat, loeka di kaki'koe djadi tida begitoe sakit lagi." Pada sasoedanja ia menghiboer lagi sakoetika lamanja. Kang Hong lantas kaloewar dari itoe kamar ; tapi lantaran meliat kaädahannja Tjoe Hoa pada itoe waktoe, hatinja merasa sangat menjesal. Itoelah tida oesa heran, sebab Tji In jang kiraken Kang Hong satoe djedjaka hatinja merasa sangat tjinta pada Kang Hong, sabaliknja Kang Hong jang memangnja satoe gadis, merasa sangat tjinta pada Tjoe Hoa jang tjakap dan baek, itoelah ada satoe soewal pertjintahan jang soeker 26.

(31) boewat diterangken dengen tjenglie, hanja orang tjoema Disa dirasaken, tapi tida taoe apa sebabnja.. Bebrapa hari kamoedian Tjoe Hoa sekali poen masi pintjang, tapi soeda bisa bangoen dari pembanngannja, laioe ia dateng ka kamar sekoia boewat pasang omong sedikit. Itoe waktoe baroelah hatinja Kang Hong merasa enak dan lega. Tjoema sadja ia itoeng-itoeng sadari ia balik mengantarken itoe goendik she Lie maboer, kombali soeda berselang ampir satoe boelan lamanja, tapi iapoenja moesoe besar masi tinega! tetap tida koerang satoe apa. Itoe waktoe lantaran sakit, Yo Tjhioe Pouw minta waktoe ia maoe brangkat ia mamesen pada Kang Hong: „Akoe harap kaoe djangan meloepaken omongannja kaoe poenja twa-ie." Kang Hong merasa sangat djengkel sama hatinja jang lemah dan tida bisa ambil poetoesan dengen tetap. Sedang pada itoe sinshe, soeda tentoe sadja ia menjanggoepin jang ia aken inget betoel pesenannia lapoenja twa-ie. Tida berselang lama kamoedian da em gedong ada tersiar kabar bahoewa pasoekan balatentara karadjahan Boan jang dikapalai oleh Tjan Kok Hwan, beroelangoelang telah beroleh kamenangan, dan tida antara lama kamoedian aken dateng mengoeroeng kota Kimleng. Ang Thian-ong Sioe Tjwan saban hari panggil Tjhio Tiong Tjeng Tjiangkoen dateng ka kraton boèwat bermoefaketan perkara-perkara penting. Pada waktoe Tjhio Tiong Tjeng balik poelang ka gedongnja selamanja ia soeka oendjoek paras moeka berdoeka dan keroetken halisnja. Pada soeatoe malem itoe tiga goendik sediaken arak dan minoeman boewat menghiboerin pada Tiianekoen. ' ^ 27.

(32) Saoepamanja pasoekan balatentara pamerentah Boan" bisa rampas kombali ini kota," kata sala-satoe antaranja, „boleh lantas menaloek sadja, sebab Tjiangkoen toch boekannja orang jang moelai timboelken ini pergerakan revolutie, mengapatah djoega moesti djadi djengkel ? Kaloe menaloek aken bisa pegang tegoe kadoedoekan jang tinggi dan djaja." Mendenger itoe omongan Tjiangkoen manggoetken kapalanja sabagi djoega satoedjoe, kamoediaii la makaii minoem dengen goembirah, hingga achir-achir la djad mabok dan balik masoek ka kamar tidoernja ; tjoema sadja lantaran dalem hatinja ada apa-apa jang dipikirin, ia tida bisa lantas poeles. Djoestroe pada waktoe la lagi pikirken daja oepaja sampoerna jang bisa slamatken iapoenja diri dan pegang tegoe iapoenja kadjajahan, mendadak ia menampak Kang Hong berdiri di depannja dan dalem tangannja ada mamegang satoe pedang. Pada sabelonnja Tjhio Tiong Tjeng bisa mendapat kasempetan menanjaken Kang Hong dateng maoe apa, itoe gadis jang menjamar sabagi lelaki soeda beber itoe bekas kapala rampok poenja kadosahan dengen menieboet itoe bekas kapala brandal poenja perboewatan lang telah dibinasaken iboe dan ajahnja, hingga Ijhio Tiong Tjeng djadi kamekmek dan tida bisa bergerak atawa poen oetjapken barang sapata perkatahan. Tapi Kang Hong lantaran menginget iapoenja katjintahan terhadep pada Tji In dan Tjoe Hoa- «a diadi tida tega boewat bikin poetoes lehernja itoe bekas kapala rampok jang telah memboenoeh mati iboe dan ajahnja, tapi dengen oedjoengnja iapoenja pedang ia tiam oerat jang di sabelah bawah keteknia, dalem sakedjapan mata sadja Tjhio Tiong Tjeng telah poetoes djiwanja..

(33) Pada waktoe Kang Hong mace berlaloe, ia merasa koewatir membikin sedih teriaioe pada Tji In dan Tjoe Hoa, lagian saorang jang djoedjoer moesti berlakoe teroes terang, kaloe perloe iaaken memboeka iapoenja resia prihai permoesoehan sama Tjhio Tiong Tjeng. Oleh kerna itoe djoega, ia fida merat hanja balik kembali ka dalem kamarnja. Oleh kerna Tjhio Tiong Tjeng poenja loeka lantaran ditiam ada begitoe ketjil, orang sama sekali tida taoe kaloe ia telah binasa lantaran diboenoeh orang, hanja lantaran samatjem penjakitjang tida kataoean sebabnja, maka sama sekali tida ada terdjadi kariboetan apa-apa, hanja dioeroes sadja sabagimana biasa. Tjoema sadja Tji In dan Tjoe Hoa jang ditinggal mati oleh marika poenja ajah merasa antjoer hatinja dan menangis sedih sekali. Kang Hong poen lantaran sedihken kamatian iboe dan ajahnja jang begitoe heibat, menemenin itoe doewa soedara menoeroenken bebrapa banjak aer mata. Malah di waktoe sembajang ia sesambatan: „Tjiangkoen pandang akoe sabagi djoega poetranja, tapi tida pjana ia moesti begitoe lekas meninggalken akoe dari ini doenia jang fanah." Samentara di fihaknja Ang Sioe Tjwan sama sekali Jida bisa pertjaja kaloe Tjhio Tiong Tjeng telah mati {antaran penjakit, terlebih lagi djika menginget perkara 'toe pertjobahan memboenoeh jang telah kasalahan meloekaken pada Tjoe Hoa, maka lantas dikasi prentah soepaja mentjari dan mengoesoet pada itoe pemboenoeh. Sedang kamatiannja Tjhio Tiong Tjeng dioeroes dengen satjara rameh dan besar. Tjoema sadja, baroe sapoeloeh hari sadari matinja Hhio Tiong Tjeng, kota Kimleng-poen telah bisa di Poekoel petjah oleh pasoekan balatentaranja pamerentah °oan. Kang Hong, Tji In dan Tjoe Hoa semoewanja 29.

(34) melariken diri dengen terpentjar. Kang Hong pikir itoe waktoe Tjoe Hoa poenja kaki masi pintjang, soeda tentoe sadja ia tida nanti bisa djaian tjepat atawa poen djaoe, hingga ia dan Tji In aken bersemboeni doeloe dalem kota, kamoedian kaloe fihaknja pasoekan balatentara negri soeda tida begitoe keras lagi mamereksa sasoeatoe orang jang kaioewar masoek kota, baroelah iaorang merat. Oleh kerna itoe djoega, Kang Hong poen berdiam doeloe dalem kota dengen menoempang pada soeatoe pendoedoek itoe kota jang ia kenal baek. Pada soeatoe hari koetika ia mengikoetin sarombongan pendoedoek negri jang maoe menjingkirken diri ka laen tempat, ia liat di satoe podjokannja roemah ada berdoedoek Tjoe Hoa sambil menangis, kerna loeka dikakinja kamboeh lagi dan tida bisa djaian. ,,He, ade Hoa, kaloe kaoe maoe kaioewar dari ini kota, boleh djaian bersama-sama akoe," berseroeh Kang Hong. „Tapi kaoe mengapa, apatah kaoe poenja kaki merasa sakit lagi ?" Tjoe Hoa koetika mendenger ada orang berseroeh memanggil padanja lantas mengangkat kapala, satelah meliat pada Kang Hong lantas sadja djadi sangat girang. ,,Engko Hong ! toeloengin akoe," kata ia. „Akoe poenja kaki sakit lagi dan tida bisa berdjalan." Kang Hong lantas pimpin Tjoe Hoa menoedjoe ka dekat pintoe kota boewat menoenggoe marika poenja giliran dipreksa oleh soldadoe-soldadoe jang mendjaga kota. Itoe waktoe soldadoe-soldadoe jang mendjaga kota dan lakoeken penggledahan pada orang-orang jang maoe kaioewar kota, ada terdiri dari soldadoe-sol dadoe pasoekan koeda dari Ouwlam, jang semoewanja kaliatannja gaga dan garang. Pada waktoe iaorang menggleda pada Tjoe Hoa lantaran meliat itoe anak 30.

(35) moeda begitoe lemah lemboet dengen lantas dikasiken la liwat; tapi pada waktoe iaorang menggledah pada Kang Hong mendadak sala-satoe antaranja berseroeh dengen keras : »Ini orang sekolahan ada prampoewan jang menjamar sabagi lelaki, boleh djadi ia adà satoe spion, dan djangan kasiken ia liwat. Sebab baroesan akoe kena raba iapoenja boewa dada jang masi kentjeng dan berpentol besar, boleh djadi djoega ia ada selirnja Ang Thian-ong, maka haroes ditangkap dan dibawa pada kita poenja officier soepaja bisa dipreksa lebih djaoe. Inilah ada mendjadi kita poenja kawadiiban iane tida boleh dilanggar." Kang Hong koetika mendenger itoe omongan djadi sangat terkedjoet, taoe kaloe iapoenja resia menjamar sabagi lelaki telah terboeka, maka dengen sebat ia tjaboet pedangnja jang ia semboeniken dalem badjoenja sembari berdiri tegar dan kadoewa mata mendelik. „Barang siapa jang brani dateng dekat, dengen lantas akoe kasi rasa akoe poenja pedang," kata ia dengen soewara bengis. Tapi itoe kawanan soldadoe koeda jang didiriken oleh Tjan Kok Hwan boewat melindoengin kakoewasahannja karadjahan bangsa Boan, soeda biasa hadepken paperangan, sama sekali tida merasa djerih. Koenjoengkoenjoeng kaliatan Kang Hong lontjat meliwatin kapalanja itoe kawanan soldadoe jang lagi mengeroeboengin padanja dan teroes maboer; tapi itoe kawanan soldadoe lantas tjemplak marika poenja koeda dan mengedjar, hingga terpaksa Kang Hong moesti balikin badannja sembari melawan sembari lari. Mendadak ia dapat hat Tjoe Hoa djoestroe lagi berdoedoek di bawahnja poehoen lioe, kerna ia kombali rasaken kakinja sakit dan tida bisa djalan lagi.. 3.

(36) ,Ade Hoa ! djangan takoet, akoe dateng melin^ doengin pada kaoe," kata ia. Tapi itoe waktoe itoe barisan koeda mengedjar samingkin dekat dan mengoeroeng dari segala djoeroesan. Koenjoeng-koenjoeng Kang Hong baiikin badannja dan serangan itoe kawanan soldadoe berkoeda jang paling dekat dengen katjepatan sabagi djoega kilat, dalem sedikit sa'at sadja ia soeda bisa roeboeken bebrapa belas soldadoe, tapi kawan-kawannja jang laen teroes mendesak madjoe dan tida ada jang maoe moendoer. Djoestroe pada waktoe kaädahan sedang berbahajanja mendadak kadengeran soewaranja kaki koeda jang mendatengin dengen tjepat dari sabelah loewar kalangan itoe kawanan soldadoe jang mengepoeng pada Kang Hong, siapa itoe waktoe soeda mendapat loeka di bebrapa tempat, hingga iapoenja gerakan tida begitoe gesit seperti doeloe lagi. »Engko Hong! djangan koewatirakoe dateng membantoein pada kaoe !" kadengeran itoe penoenggang koeda jang baroe dateng berseroeh. Kang Hong jang soeda moelai merasa kawalahan koetika mendenger itoe soewara djadi sangat girang, sebab ia kenalin itoelah ada soewaranja Tji In, hingga dengen mendadak iapoenja kakoewatan djadi dateng kombali, sabagi djoega satoe singa jang telah diloekai, lantas sadja ia berseroeh dengen keras : »Entji Tji In ! mari kita sama-sama boenoe mampoes ini penghianat bangsa dan negri jang menindes bangsa sendiri boewat mendjilat-djilat bangsa asing!" Sembari berkata begitoe sembari kasi kerdja iapoe nja pedang dengen tjepat, hingga itoe waktoe tjoema tertampak sadja satoe goendoekan sinar poeti jang menjamber ka djoeroesan kapala koeda atawa poen menoesoek peroetnja itoe kawanan soldadoe, hingga 32.

(37) kadengeran soewara koeda jang berbenger dan teroes roeboe ka moeka boemi, dan soewaranja orang bertreak lantaran kasakitan jang teroes tergoeling dari atas selanja. Sedang bebrapa banjak soldadoe koeda jang laennja pada roeboe mali lantaran terkena toesoekan toembaknja Tji In jang itoe waktoe mengamoek sabagi satoe harimau betina jang diambil anaknja. Dalem sedikit waktoe sadja, itoe pasoekan cavalerie jang sama sekali berdjoembla limapoeloeh orang, tjoema katinggalan kira-kira satoe losin orang lagi sadja, tapi banjak antaranja jang soeda mendapat loeka. Tida lama kamoedian dengen beroentoen Kang Hong tabas kakinja dan toesoek peroetnja tiga soldadoe jang teroes roeboe dalem kaädahan loeka heibat atawa poen mati, dan di laen fihak, Tji In poen toesoek dan lemparken ampat soldadoe sama toembaknja, hingga semoewanja mati tida lama kamoediannja, dan itoe waktoe tjoema katinggalan lima Soldadoe sadja jang masi bisa berdoedoek di atas marika poenja sela. ,Ach, soedara-soedara, kita bodo sekali, mengapa satadian dari kita tida goenaken kita poenja senapan boewat binasaken pada ini doewa orang," berseroeh satoe soldadoe sembari tarik iapoenja senapan jang ^jsangkoetken di poendaknja, tapi pada sabelonnja ia o'sa menoedjoe lebih siang ia soeda ditoesoek oleh Tji In poenja toembak dan teroes dilemparken sampe terpental bebrapa belas kaki djaoenja. Satoe lagi poen ditabas pinggangnja oleh Kang Hong hingga roeboeka moeka boemi dan teroes mati. Apa maoe sala-satoe dari antara itoe tiga soldadoe jang masi katinggalan telah mendapat kasempetan djoedjoeken moeloet senapannja ka djoeroesan dadanja Kang Hong. Der I kadengeran itoe sendjata api maledak, biar poen lebih doeloe Kang Hong soeda membong-. 33.

(38) kokin badannja tida oeroeng ia roeboe djoega ka atas tanah sembari mengaloewarken satoe treakan keras. Tji In djadi kalap, dengen satoe kali toesoek ia bikin temboes bebokongnjaitoe soldadoejang menembak dan teroes dilemparken menimpa pada sala-satoe kawannja jang di sabelah kanan dan sekalian ditoesoek djoega lamboengnja hingga poetoes djiwanja dalem sa'at itoe djoega. Tji In balikin koedanja dan liat itoe soldadoe koeda jang masi katinggalan djoestroe djoedjoekan moeloet senapannja ka djoeroesan iapoenja dada, ia menoenggoe pada waktoe itoe soldadoe maoe menarik pelatoeknja iapoenja senapan lantas bongkokin badannja dengen tjepat, dan itoe pelor mengioek di atasan blakang kapalanja, tapi oleh kerna ia sembari membongkokin badan sembari tendang peroet koedanja, itoe waktoe ia soeda dateng dekat di depannja itoe soldadoe jang menembak, siapa djadi bingoeng dan katakoetan, sebab ia taoe Tji In poenja toembak sangat lihay. Pada sabelonnja itoe soldadoe koeda bisa djoedjoeken lagi senapannja, Tji In poenja koeda soeda sampe di depannja dan berbareng dengen itoe Tji In kasi kerdja iapoenja toembak dengen sebat dan bernapsoe ditoedjoeken ka djoeroesan lehernja itoe soldadoe, hingga itoe leher mendjadi poetoes dan terpanggang keras di oedjoeng toembaknja Tji In, sedang badannja terlempar bebrapa kaki djaoenja dengen berloemoeran dara. Tji In dengen mata beringas tjelingoekan boewat meliat apatah masi ada moesoe, tapi ternjata soeda tida ada lagi barang satoe moesoe jang perloe dikoewatirken, kerna semoewanja soeda menggletak di atas tanah dalem kaädahan pangsan atawa poen mati. Se karang ia inget pada Kang Hong jang baroesan djato 34.

(39) kena katembak, boeroe-boeroe ia kedoet koedanja menjamperin ka itoe tempat di mana Kang Hong menggletak dengan tida berkoetik, iontjat dari koedanja dan memboeroe padanja. Paling doeloe ia raba dadanja, dalerH sa'at itoe djoega ia djadi sangat girang, sebab hatinja Kang Hong masi memoekoei. Biakangan dengen terliti ia preksa kaädahan loekanja Kang Hong, ternjata itoe pelor melanggar iapoenja poendak dan berdiam di sitoe ; tapi kaädahannja tida begitoe mengoewatirken. Saiaennja itoe, di lengan dan pahanja poen mendapat bebrapa loeka jang disebabken oleh golok, semoewanja ada sedikit besar, tapi tida terlaloe mengoewatirken. Tji In kaloewarken satoe boengkoes obat loeka dari dalem sakoenja, pakein di semoewa ioeka-loekanja Kang Hong dan dibebet sama salampe dan sebetan dari iapoenja satoe badjoe dalem. Tida antara lama kamoedian Kang Hong soeda bisa seder dari pangsannja dan melekin iapoenja kadoewa mata, koetika meliat pada Tji in lantas sadja ia mesem sambil manggoetken kapalanja sedikit. „Akoe poenja kaädahan tida terlaloe heibat," kata ia, „tapi ade Hoa loeka di kakinja kamboe lagi, dan baroesan koetika kaloewar dari dalem kota kombali ia paksaken diri boewat berdjalan, maka akoe rasa kaoe perloe lekas bebat loekanja dan tjari doewa koeda boewat kita merat, sebab kaloe tida, nistjaja bakal ada lagi pasoekan moesoe jang mengedjar, itoe waktoe pasti sekali kita aken binasa, kerna kita soeda tida mempoenjai lagi tenaga boewat melawan." Tji In manggoetken kapalanja dan pergi menjam perin pada Tjoe Hoa jang itoe waktoe lagi merintih-rintih sembari berdoedoek di bawahnja itoe poehoen. „Bagimana, apatah kaoe poenja loeka kamboe lagi?" menanja Tji In. 35.

(40) „Tida apa, tida apa, tjoema baroesan lantaran akoe terlaloe banjak djalan roepanja itoe loeka telah petjah lagi hingga rasanja sakit sekali," saoet sang ade dengen paksaken diri boewat bersenjoem. ,.Marilah akoe obatin, kamoedian kita moesti lekas berlaloe dari sini, soepaja djangan sampe terdjato ka dalem tangannja moesoe," kata Tji In. Tida antara lama kamoedian loekanja Tjoe Hoa soeda diobatin dan dibebat, dan sakitnja poen djadi ilangan. Tji In boeroe-bocroe pergi ambil doewa koeda jang tida loeka, kerna tjoema penoenggangnja sadja jang ditoesoek mati, sedang itoe koeda sendiri tida koerang satoe apa. Tji In kasi naek Tjoe Hoa di atas sela, kamoedian menanja pada Kang Hong apatah ia sanggoep menoenggang koeda. ,.Lebih baek akoe mati di atasnja blakang koeda dari pada moesti terdjato ka dalem tangannja moesoe." saoet Kang Hong dengen gaga. Begitoelah iaorang bertiga dengen berkoeda berlaloe dari itoe tempat dengen meninggalken mait-maitnja itoe limapoeloeh soldadoe koeda jang mendjadi marika poenja korban. Beroentoeng pada sasoedanja berdjalan kira-kira lima anam lie, kaliatan ada satoe kreta jang ditarik oleh sapasang koeda-pranakan-kalde boeloe itam mendatengin, dan koetika soeda dekat ternjata orang jang pegang les boekan laen dari Yo Tjhioe Pouw, marika itoe poenja goeroe. „Akoe hatoerken slamat jang kaoe orang soeda bisa terlepas dari bahaja jang paling heibat," kata Yo Tjhioe Pouw. „Tapi sekarang masi belon terlepas sama sekali dari bahaja, dan Kang Hong bersama Tjoe Hoa jang mendapat loeka haroes doedoek dalem ini 36.

(41) kreia agar bisa menjingkir dengen satjepat-tjepatnja dari ini tempat berbahaja." Kang Hong dan Tjoe Hoa hatoerken trima kasi. Bebrapa sa'at kamoedian itoe kreta jang moewat itoe doewa orang loeka dan diikoetin oleh Tji In jang menoenggang koeda menoedjoe ka Selatan dengen katjepetan seperti angin. Sateroesnja orang tida denger kabar tjeritanja lagi tentang marika itoe Ada jang bilang marika singkirken diri ka Hokkian boewat terlepas dari pengaroehnja iaorang poenja moesoe-moesoe, tapi ada djoega jang bilang marika pindah ka Tjiatkang dan beroemah di pinggirnja telaga See-ouw jang terkenal mempoenjai pemandangan jang sangat permei. Blakangan koetika satoe pasoekan cavalerie laen jang kakoewatannja doewa kali lipat dari jang doeloean menjoesoel ka itoe tempat pertempoeran, kira-kira tiga djam kamoedian, semoewanja merasa heran sekali me liat mait-maitnja itoe kawan-kawannja jang semoewanja binasa lantaran kapala poetoes, peroet berlobang dan laen-laen lagi, sedang bebrapa banjak koeda poen pada poetoes lehernja atawa poen kena katoesoek peroetnja. Tapi, iaorang sama sekali tida bisa pertjaja jang ma rika itoe telah dibinasaken oleh tjoema doewa gadis sadja, sabaliknja marika anggap kaloe itoe gadis jang menjamar sabagi lelaki telah ditoeloengin oleh satoe bala bantoean kaoem Taiping jang berdjoembla besar, hingga itoe limapoeloeh kawan-kawannja semoewanja moesti binasa lantaran kala koewat.. t a m a t .. 37.

(42) BKSti^ ßl^TM?3. i. ([wa@(}ß)®k])^. -I-. PER DOOS 25 ST. F.1PEßPÄK 6ST.F0,25. -I-. i i. '^J^o^db.pel^ pöJob.t(myto/^7 Ini Doepa-Kraton terbikin dari kajoe-kajoe dan akarakaran jang soeda terpilih wangi dan bergoena bagi i kewarasan badan. Wanginja sengadja dibikin roepa-roepa, seperti: Jasmin, Melati, Kenanga, Heliotrope, Rose, Tjinta Hatie, Boenga Hatie, Soeka Hatie, Djantoeng Hatie, dan Senang Hatie, Dengen pengaroenja ini Doepa-Kraton bisa bikin djadi senang, goembira dan sehat. Dari ini Doepa-Kraton boekan sadja membri haroem (wangi), tapi djoega bisa djaoehken penjakit dan oesir njamoek. HOOFD DEPOT:. ^ ^ g Sj i S Ä i k (?: £ «. Patent Medicijnen Handel HIPPOCRATES 1001 %. I. Groote Postweg (Kanoman) 15, BANDOENG.. ^. HOOFD AGENT:. ^. Chemicaliën Handel. „LA BORA". Kedjaksan t/o Pasar Pagi 199,. CHERIBON.. ^. HI1R[P SQEKA S[BOEI „TjERlIA SILAI" BILA MEKOLLIS PADA ADRES DI ATAS..

(43) FEUILLETON TAY BENG KIE HIAP OLEH;. KWO LAY YEN. (Samboengan dari „Tjerita Silat" boelan Juni No. 559).. Itoelah sebabnja pada waktoe Soe-ma Peng dan Tio Hie Tan dateng minta mengadep, Ma Goan lantaran meliat Tio Hie Tan dengen sasoenggoenja djalan samasama Soe-ma Peng, djadi samingkin maoe pertjaja fitenahannja Ho In Liang, maka ia lantas menoelis itoe soerat jang mengoesir pada doewa moeridnja itoe, dengen zonder perkenanken iaorang masoek doeloe katemoeken padanja. ,Kaloe diliat begini, tentoelah soehoe poen soeda terkena gosokannja Ho In Liang," kata Soe-ma Peng pada soeteenja. „Biar bagimana djoega, kita moesti masoek bertemoe sama soehoe soepaja bisa bikin pembelahan." Tio Hie Tan satoedjoe, dan begitoelah iaörang lantas menerobos masoek ka dalem. Ma Goan koetika meliat itoe doewa orang masoek dengen paksa lantas sadja djadi sangat goesar. ,He, moerid-moerid koerang adjar!" berseroeh ia, .hajo lekas pergi kaloewar, kaloe tida, dengen lantas akoe potong kaoe orang poenja leher." Soe-ma Peng dan Tio Hie Tan boeroe-boeroe berloetoet di hadepan goeroenja, sedang Tjouw Giok poen toeroet berloetoet di blakangnja iapoenja goeroe dan soesiok. 560 4.

(44) Tapi baroe sadja Soe-ma Peng maoe menoetoerken tentang Ho In Liang poenja segala perboewatan djahat, dengen fjepat Ma Goan soeda menoetoepin koepingnja dan berlaloe. Biarken itoe tiga orang berloetoet di lataran sampe doewa djam lebih lamanja, Ma Goan tida maoe kaloewar lagi. Achir-achir satoe boedjang kaloewar mengasi taoe bahoewa lotjhungtjoe soeda pergi kaloewar dari pintoe blakang, maka biar poen berloetoet teroes poen tida ada goenanja. Soe-ma Peng dan Tio Hie Tan dengen apa boleh boewat berbangkit dan kaloewar dari itoe roemah. T jouw Giok poen mengikoetin dengen hati mendong kol, sebab ia sangat tida satoedjoe sama peiboewatanrja iapoenja goeroe besar, pada sabelonnja mendenger doeioe goeroenja poenja pembelahan lantas sadja maoe anggap goeroeiija jang berdosa. Itoelah sasoenggoenja ada satoe poetoesan jang terlaloe kaboeroe napsoe. Tapi ia tida brani njataken pengrasahannja itoe, sebab meliat iapoenja soehoe dan soesiok poen menerima sadja dengen hati ridlah. Samentara Soe-ma Peng dan Tio Hie Tan merasa sangat djengkel pada Ho In Liang jang soeda bisa mengebor pada goeroenja hingga mendjadi goesar pada iaorang. Pada sasoedanja iaorang bermoefaketan lantas pergi katemoeken pada laen-laen orang penting dari Ijabang Hong, ternjata marika samoewanja soeda kena diasoet lebih doeioe oleh Ho In Liang, hingga kaloe boekannja menoelak boewat bertemoe moeka, tentoe menoelak dengen goenaken alesan ini dan itoe, atawa poen menoelak dengen getas dan goesar. Hal mana soeda membikin Soe-ma Peng dan Tio Hie Tandjadi sangat goesar. Oleh kerna mamikir orang-orang dari satoe tjabang tida soeka membantoe, terpaksa aorang moesti minta bantoeannja orang-orang dari laen Ijabang. 561.

(45) ,Kaoe dan akoe,* kata Soe-ma Peng pada soeteenja, „dengen berpisahan pergi mengoendang orangorang panda di segala tempat. Pada tanggal ampatbelas Peegwee taon depan, kita berkoempoel kombali di itoe gredja Loei-tjouw-tian." Tio Hie Tan poen satoedjoe, kerna pikir lidaada lagi laen djalan, begitoelah iaorang lantas berpisahan boewat melakoeken masing-masing poenja pakerojahan. Soe-ma Peng bersama Tjouw Giok brangkat aoeloe ka Sansee ka roemahnja Han Leng. Tapi sasampenja di sana, ternjata pada doewa boelan berselang itoe soewami istri telah brangkat ka Peh-kee-tjee. Soe-ma Peng dan moeridnja lantas pergi ka Ngofay-san boewat katemoeken goeroenja Tjio Pin, Lay Thauw Hweeshio dan minta ia ini poenja bantoean. Dengen tida banjak soesa Lsy Thauw Hweeshio meloeloesken. Soe-ma Peng hatoerken trima kasi dan teroes pamitan toeroen goenoeng, dan teroes itoe goeroe dan moerid menoedjoe ka Peh-kee-ljee. Sasampenja ia lantas toetoerken pada orang banjak tentang perboewatannja Ho In Liang jang mengasoet sana sini, hingga semoewa orang merasa sangat goesar pada itoe pendjahat. Samentara Han Leng dan istrinja makarj'a dateng ka Peh-kee-ijee, sebab Mo Teng Tien bersama Tiensan-boen Hok houw-tay-sian-soe Go Leng dateng tjari stori. Itoe waktoe Lim Giok Eng jang lagi berhamil lima boelan soeda masoek tidoer, sedang Han Leng masi membatja boekoe di bawah panerangannja lampoe, maka ia jang denger di atas gènteng roemah ada soewaranja orang berdjalan. Oleh kerna ia soeda mendenger omongannja Soe-ma Peng jang soeroe ia mendjaga orang-orang dari tjabang Kee jang bikin pembalesan, maka dengen tjepat ia pademken lampoe, kamoedian dangen perlahan bangoenin Lim Giok Eng. Dari sebab 562.

(46) Lim Giok Eng itoe waittoe djoestroe doedoek peroet, Han Leng tida brani dengen tjerobo toeroen tangan, lîerna koewatir istrinja tida bisa menempoer moesoe, iagian ia tida taoe brapa banjak djoemblanja moesoe jang dateng dan bagimanä marika poenja ilmoe kapanr dean. Oleh kerna itoe djoega, ia tjoema sediaken sadja iapoenja notjiiie boewat lantas menjarang moesoe kaloe masoek ka dalem kamarnja, dan bersama istrinja ia mendekam di tempat gelap mengintip ka loewar. Mendadak di sablah loewar ada berklebat sinar terang dan di kaen djendela ada berbajang petahan doewa orang. Tapi sateroesnja tida kadengeran soewara atawa gerakan apa-apa lagi boewat bebrapa lamanja. Achir-achir baroelah kadengeran soewara orang jang lagi mendongkrak djendela, koetika itoe djendela terboeka lantas kaliatan lontjat masoek satoe bajangan itam. Han Leng lantas samboet sama iapoenja notjhie sambil berseroeh : „Nanti doeloe, sobat !" Dalem sa'at itoe djoega, itoe bajangan itam lantas roeboe dan bergedeboekan ka atas djoebin. Sedang di loewarnja djendela kadengeran soewaranja Mo Teng Tien jang berseroeh : ,Qo Leng soehoe, mari lekas maboer." Sasoedanja mehoenggoe bebrapa sa'at lamanja, baroelah Han Leng brani lontjat kaloewar djendela dan teroes naek ka atas genteng roemah, tapi soeda tida kaliatan lagi bajang-bajangannja barang satoe manoesia. Koetika ia balik masoek lagi ka dalem kamar, Lim Giok Eng soeda memasang lampoe dan itoe orang jang baroesan djato terkena notjhie boekan laen dari iapoenja boedjang sendiri jang bernama Han Hien. Laloe Han Leng boekain tali ringkoesannja dan kaen soempelan dari moeloetnja, tjaboet djoega anak panah ketjil jang menantjap di poendaknja. 563.

(47) Han Hien mengasi katerangan bahoewa baroesan ia telah kena ditangkap oleh satoe prampoewan moeda dan satoe hweeshio, kamoedian dipaksa moesti kagi oendjoek di mana kamar tidoernja Han Leng dan istrinj^j Pada waktoe iaorang lontjat toeroen ka lataran kamarnja Han Leng kabetoeian pada waktoe Han Leng menioep padem lampoe hingga soeda membikin Go Leng djadi tjoeriga, ialoe ia kaloewarken iapoenja iioe-hong-hwee dikipasken hingga mengaloewarken api, dengen maksoed boewat pantjing orang dalem kamar memboeroe kaloewar, djika benar soeda mendapat taoe di loewar ada orang dateng. Tapi tida taoenja di sabelah dalem kamar tida kadengeran gerakan apa-apa. laorang lantas merasa kaloe orang atawa orang-orang dalem kamar soeda mendapat taoe marika poenja kadatengan. Tapi iaorang mendongkrak djoega djendela sampe terboeka, lebih doeloe iaorang lemparken Han Hien masoek ka dalem boewat mendapat taoe apa betoel orang dalem kamar bikin pendjagahan atawa tida. Tat kala mendenger Han Leng berseroeh dan soewaranja notjhie jang dilepasken, itoe doewa tetamoe malem taoe kaloe marika soeda didjaga dan tida nanti aken bisa sampeken maksoednja, maka iaorang tida brani masoek, hanja teroes merat dengen ambil djalan dari atas genteng roemah, sabagimana djoega pada waktoe iaorang dateng. Beroentoeng Han Hien mendapat loeka boekannja di tempat jang berbahaja hingga tida aken membahajaken djiwanja. Han Leng lantaran istrinja lagi hamil, kaloe berdiam teroes di roemah, Mo Teng Tien saban-saban dateng tjari stori, dikoewatir achirnja aken menerbitken kaonaran, itoelah sasoenggoenja boekan perkara enak, maka i,toé malem djoega ia bermoefaketan sama istrinja boewat pergi menjingkir doeloe ka Peh-kee-tjee, nanti 564.

(48) kaloe soeda melahirken anak baroelah balik tinggal lagi di roeniah sendiri. Begitoelah malem-malem iaorang lantas beresin marika poenji barang-barang jang berVirga dan teroes brangkat dangen menjewa satoe praoe menoedjoe ka Kim-soei-pa dan achirnja sampe kâ Peh-kee-tjee. Tjouw Giok jang memangnja soeda lama merasa sangat mendongkol terhadep pada bebrapa banjak hal jang ia alamken, itoe waktoe tida tahan lagi lantas berkata: ,Ho In Liang sana sini terbitken kaonaran, semoewanja goenaken oeroesannja Mo Teng Tien sabagi pelabi, kaloe sadja menoeroetin akoe poenja pikiran, doeloean koetika di Tjoei-ko-hong, lebih siang soeda abisken djiwanja itoe prampoewan Ijilaka, hingga ini waktoe ia tida aken bisa mengganggoe tida soedanja. ,Ki;a tida boenoeh mati pada Mo Teng Tien toch orang banjak masi salaken pada kita," menjentak Soe-ma Peng, »katanja tida haroes mengganggoe pada satoe gadis jang berbakti pada orang toewanja, kaloe sadja itoe waktoe kita boenoeh mati padanja, terlebih enak lagi Ho In Liang goenaken boewat alesan boewat memfitenah pada kita. Kaoe taoe apa!" Tjouw Olok mendenger itoe omongan tida brani berkata apa-apa lagi. Itoe waktoe Sin-kie-biao-swan Peh Djoe Pin lantas tertawa. . ,Kaloe sadja Mo Teng Tien brani dateng ka sini, kata ia, ,akoe ada mempoenjai akal boewat bikin ia menaloek pada kita, hingga bisa membikin Ho In Liang djadi kahilangan dasar jang boleh diboewat alesan dan pelabi." ,Ini oeroesan ada sangat soeker,' kata bebrapa orang, »dan banjakan tida nanti bisa berhasil." .Itoelah kita aken liat sadja," saoet Peh Djoe Pin, .kaloe dengen sasoenggoenja Mo Teng Tien brani 565.

(49) dateng ka sini, pasti akoe aken bikin ia bisa dateng tapi tida nanti bisa poelang." ,Djoe Pin, kaoe djangan bitjara terkeboer," kata Soe-ma Peng sambil tertawa. »Sebab amat boléh djadi ia aken dateng ka sini, dan itoe waktoe kaoe moesti boektiken kaoe poenja omongan tadi." Ternjata dengen sasoenggoenja djoega, tiga hari kamoedian, Mo Teng Tien lantaran di Sansee pertama kali menjatronin roemahnja Han Leng ada dibikin persediahan hingga ia tida bisa sampeken maksoednja, lantas sadja ia dan kawannja kombali menjatronin, tapi sasampenja ternjata Han Leng dan Lim üiok Eng soeda tida ada di roemahnja, dan iaorang mendapat katerangan kaloe Han Leng dan istrinja telah brangkat ka Peh-keetjee, maka lantas iaorang menjoesoel dengen memake djalan darat ; tapi iaorang tida taoe kaloe Han Leng dan istrinja memake djalan di aer. Di sapandjang djalanan Mo Teng Tien mentjari katerangan, tapi tida ada jang taoe dan liat pada itoe soewami istri. Mo Teng Tien maoe djoega menjoesoel ka Peh-kee-tjee. ,Kaloe Lim Giok Eng dan soewaminja menjingkir ka Peh-kee-ljee," kata Go Leng, .tentoe sekali di sana ada orang pande, dan kita berdoewa kaloe pergi ka sana tentoe soeker bisa kalaken pada iaorang, tapi sabaliknja bisa mendapat Ijilaka." Mo Teng Tien pikir itoe omongan ada benar, maka iaorang lebih doeloe pergi ka Ho-kee-po, kabetoelan sekali di sana soeda berkoempoel istrinja Touw Liong, Kioe-thian-mo-lie Pian Lek In, istrinja Touw Houw, Say-louw-tja Kiong Yoe Yong, istrinja Siao-hong-sok Ong Kiat, Kiam-leng-seng-bo Tjee Keng Tjeng, ade prampoewannja Hoei-thian-pa-tjoe Tjia Yauw Tjong, Tji-bian-houw-lie Tjia Leng Tji, iboenja Bin-tian-sin 566.

(1)T&iuml;KKon k&laquo;k I Umt

(1)TïKKon k«k I Umt