• No results found

Jim -^«-Aî"

N/A
N/A
Protected

Academic year: 2022

Share "Jim -^«-Aî""

Copied!
152
0
0

Bezig met laden.... (Bekijk nu de volledige tekst)

Hele tekst

(1)taon. P l I A •• -^«-Aî". KE 1. H£ 5. JUNI 1Ç>33. Jim AI1DIRWf6lCS.

(2) SATENGAH GILA ! ! Otak tida beres artinja satengah gila. Orang bisa kaloet olaknja kaloe tertimpa roepa-roepa kasediiian, roepa-roepa katjilakaän atawa karoegian jang heibat. Otak itoe tida koeat memikirken nasib, tida koeat memikirken daja baroe boewat kombali mendjadi hartawan.. NEURA LECITHIN PEARLS Bikinan Germany oleh Prof. Dr. Schutsmarke, Arts, dokter dari roemah sakit orang gila (Krankzinigengesticht) ada digoenaken pada ampir75°/o roemah-roemah sekola di Duitschland, boeat bikin anak-anak sekola koeat otaknja boeat bladjar dan bikin marika tida mogok dalem klas-klas jang berat. Djoega ini obat digoenaken boeat orang-orang jang koerang beres otaknja, zenuwen atawa satengah gila.. NEURA LECITHIN PEARLS bergoena boeat; Zenuwen, darah lekas meloewap (marah), bikin seger otak dan bikin badannja orang toewa djadi tahan lelah dari segala katjapean, bikin orang tahan segala roepa kasedihan, bikin baik orang jang sering peloepaän, ilang karadjinan dan bergoena sanget boeat siapa jang bekerdja banjak dengen otak. Djoega perloe dimakan oleh iboe-iboe jang lagi menjoesoeken, atawa briken teroes pada anakanak jang sedeng membesarken. Harga per flesch f 3.50, bisa dapat pada kita poenja agent-agent atawa pesen pada : Eenige-Importeur : CHEMICAL1ËNHANDEL & DROGISTERIJ. „PROBITAS" MOLENVLIET WEST 209,. HÄREP setim. BATAVIA.. mm jeriiii siliii" biu henoelis pädji ädres di mäs..

(3) TJERITA SILAT TAON. KA i. 25 JUNI 1933. No. 5.. DI BXWAH PIMPINANISJÀ. M R. K W O l a y. Y E N .. . • Terbantoe oleh bebrapa pejioelis T J E R I T A SILAT jang terkenal. Harga abonnement boe­ wat satoe KWARTAAL (TIGA BOELAN) f 1.50 Pembajaran lebih doeloe. Berlangganan paling se­ dikit satoe KWARTAAL. Terbit tetap saban boelan tanggal 25.. KANTOOR: REDACTIE DAN ADMINISTRATIE, ANDIRWEG 12 — BANDOENG TELEFOON No 2073..

(4) I TJOEMAH I I § ® f ^ |) I. AMPAT PITJIS |. B R A P A H A R G A D O E L O E| ! B R A P A H A R G A S E K A R A N G !|. 1©. Tjobalah bandingkan itoe harga —AMPAT PITJIS— dengen iapoenja kwaliteit jang t i n g g i , boewatan k e k e r dan ko e wat, nistjaja sekalian orang rata-rata aken mengakoe memang betoel. § ^ ^ |. I. Ada moerah sekali |. ^. dan inilah ada harga per el dari:. ®. I TTG. speciaal en tjap Padi I GRIJSLINNEN|. I ^ § ^ ® § ® i). Made in Indonesia en Europa, Jang d i t r i ma langsoeng dari fabriek banjaknja 500 blok dan jang moesti terdjoeal abis dalem sedikit waktoe 1 Harga di atas masi blon teritoeng onkost kirimnja.. 1. 1. Firma TAN TJOEI GIN |. I. HIIREP SO[Kll. § ^ ® @ 1 ®. GROOT GABARDINE MAGAZIJN. I. g. PASAR BAROE 50. mm. -. BANDOENG. |. SIUI" Bim M[NO[LIS PHD« ADRES Dl HAS..

(5) v.Taal- /. FEUILLETON BENG KIE HIAP OLEH:. VolkenV-^. KWO LAY YEN.. (Samboengan dart ,Tjerita Silat" boelan Mei No. 477).. „Toewan poenja poetri ilmoe kapandeannja sasoenggoenja sangat tinggi," kala ia, „dan akoe boekannja iapoenja tandingan ; sedang baroesan kaloe akoe ada perboewatan apa-apa jang membikin tida senang padanja, diharap sadja soedi memberi maäf." ,,Akoe tida brani trima toewan poenja poedjian moeioek dan permintahan maäf," kata Yap Pin Sin. „Apatah akoe boleh mendapat taoe sekarang toewan tinggal di mana ? Sabentar lagi akoe maoe dateng mengoendjoengin." „Akoe djoestroe lagi menenamoe di Peh-kee-tjee," saoet Tjio Pin. Yap Pin Sin samboetin poetrinja poenja sepatoe dan balik kombali ka dalem kalangan. Sedang Tjio Pin kaloewar kombali dari itoe rombongan penonton jang berkroeman, bersama Soe-ma Peng dan laen-laennja pergi ka bawahnja itoe poehoen-poehoen boewat me­ ngambil marika poenja koeda jang ditambatken di sitoe. Kamoedian dengen berkoeda iaorang balik poelang ka Peh-kee-tjee. Tatkala Peh Gwat Tjwan menanjaken katerangan bagimana kasoedahannja itoe pertempoeran dan mendapat katerangan, hatinja merasa sangat girang. Itoe waktoe djoega ia soeroean orang sediaken makanan. 478.

(6) dan minoeman di dalem pertengahan besar. Hong Tjoe, Hong Hwan, Khong-sie dan Lim Giok Eng, semoewanja toeroet doedoek bersantap di itoe roewangan dengen memake medja jang terpisa sendiri. Djoestroe pada waktoe iaorang lagi makan minoem dengen goembirah, mendadak ada satoe boedjang masoek mengasi taoe bahoewa di loewar ada Yap Piri Sin, itoe toekang dangsoe, minta bertemoe sama Tjio Kongtjoe. Tjio Pin lantas berbangkit dari tempat doedoeknja sambil berkata ; .Oendang ia berdoedoek di kamar tetamoe." «Tetamoe tida menjamboet tefamoe lagi," kata Peh Gwat Tjwan sambil tertawa, »biarlah akoe jang pergi menjamboet padanja boewat sama-sama makan minoem sama kita di sini." Djoestroe pada waktoe Tjio Pin maoe menoelak, Peh Gwat Tjwan soeda mendoeloein kaloewar dan tida antara lama kamoedian ia soeda masoek kombali dengen bergandengan tangan sama Yap Pin Sin, ia adjar kenal itoe tetamoe sama semoea orang jang berada di sitoe, dan soeroean boedjang menjediaken lagi soempit, mangkok dan tjawan arak, kamoedian iaorang semoewa pada berdoedoek kombali di itoe medja makan. »Toewan poenja poetri mendapat peladjaran dari siapa ? " menanja Soe-ma Peng pada Yap Pin Sin. ,Ia mendapat pengadjaran dari Hong-yap-sian Hoei Thong Soethay dari Pek-in-am di Go-bie-san," saoet orang jang ditanja. Soe-ma Peng manggoetken kapalanja sambil ber­ kata : »Kaloe moeridnja Hong-yap-sian tidalah heran ia ada mempoenjai itoe matjem ilmoe kapandean jang mengagoemken. Pinto soeda perna bertemoe sama ianja di atas goenoeng Hongsan, dan taoe djoega ia-. 479.

(7) poenja nama pada waktoe masi belon mendjadi orang pertapahan, jaitoe Pang So Bwee. la bilang pada pinto ijoema mempoenjai satoe moerid jang sangat menjenangken hatinja, tapi tida seboet terang siapa namanja, maka akoe rasa tentoelah toewan poenja poetri itoe. Hoei Thong Soethay poenja iimoe kapandean mengentengken badan ada sangat tinggi, salaennja In-tionghong Tjoe Sam Kouw teritoeng Hong-yap-sian jang paling djempolan." Koetika Yap Pin Sin mendenger Soe-ma Peng ada kenal pada Hong-Yap-Sian dalem hatinja merasa sangat girang. Pada sasoedanja makan minoem sakoetika lamanja, Yap Pin Sin bilang ia maoe bitjara sedikit pada Soe-ma Peng dan lantas berbangkit dari tempat doedoeknja sambil meminta maäf pada jang laen-laennja, bersama Soe-ma Peng ia berdjalan kaloewar. Soe-ma Peng adjak Yap Pin Sin masoek ka dalem iapoenja kamar tidoer dan menanjaken ada oeroesan apa jang maoe dibitjaraken. Di bawa ini ada penoetoerannja Yap Pin Sin. Yap Pin Sin berasal dari Kanglam, dan pada waktoe masi moeda banjak sekali ia melakoeken pakerdjahan jang soeka membela kaädilan, hingga ia mendapat gelaran Hoe-goei-tjee-sie-kek. Istrinja poen ada paham ilmoe silat, dan tjoema mempoenjai sadja satoe poetri, jaitoe Tjeng Hoe. Tapi apa tjilaka pada waktoe itoe gadis baroe sadja beroemoer tiga taon ia telah kena ditjoelik orang dengen goenaken obat jang bisa bikin orang poenja pikiran djadi meloepaken segala apa, dan dibawa ka kota Kimleng (Lamkhia) boewat didjoewal. Tatkala soeda sampe di kota Kimleng, Tjeng Hoe djadi inget orang lagi, kerna pengaroehnja itoe obat soeda djadi loentoer, dan dari sebab ia tida meliat iboe dan ajahnja lantas sadja ia menangis tida brentinja.. 480.

(8) Itoe tjoelik jang menjoelik padanja, sekali poen meng­ gertak dengen roepa-roepa gertakan, toch Tjeng Hoe masi teroes menangis sadja, oieh kerna ia koewatir orang mengetahoei iapoenja perboewatan djahat lantas sadja bekam moeloetnja itoe gadis ketjil, tapi roepanja ia bekam terlaloe keras hingga Tjeng Hoe djadi tida bisa bernapas dan peparoenja brenti bakerdja. Itoe tjoelik lantas lemparken itoe gadis ketjil di pinggirnja satoe soengei. Kabetoelan Hong-yap-sian Hoei Thong Soethay jang itoe waktoe masi memake nama Pang So Bwee dan belon mendjadi nikoh, roemahnja berdekatan sama pinggirnja itoe soengei. Oleh kerna tabeatnja Pang So Bwee soeka sekali bernang di aer, dan itoe waktoe sekali poen ia soeda beroemoer doewapoeloeh sembilan taon, tapi ia telah ambil poetoesan tiada maoe menikah, hanja tinggal di dalem roemah merawatin sadja pada iapoenja iboe jang soeda beroesia tinggi, biar poen di waktoe siang, sabagi satoe prampoewan Tionghoa jang mamegang keras adat lembaganja, tida bisa bernang di soengei, tapi kaloe soeda djaoe malem dan iboenja soeda masoek tidoer, diam-diam ia pergi ka pinggir soengei, memboeka pakean dan terdjoen ka dalem aernja soengei itoe. Kira soeda djam sapoeloeh lebih baroelah ia naek ka darat dan balik poelang ka roemahnja. Pada soeatoe malem sinar remboelan ada sangat bagoes hingga moekanja itoe aer soengei djadi sangat terang. Kira djam delapan lebih Pang So Bwee kombali pergi ka pinggirnja itoe soengei, memboeka pakeannja dan terdjoen ka dalem aer. Tapi apa tjilaka ada satoe boewaja darat jang bernama Kim Tay Koei pada sasoedanja djam sabelas malem, baroe kaloewar dari roemah djoedi boewat poelang ka roemahnja, lantaran peroetnja sakit laloe ia berdjongkok di pinggirnja satoe. 481.

(9) gotnbolan alang-alang aer di pinggirnja itoe soengei boewat boewang aer. Tapi baroe sadja ia berdjongkok sakoetika lamanja ia denger dari djoeroesan aer ada soewara jang berketjebekan, hingga ia mendoega barangkali ada setan aer, laloe ia berpaling dan mengin­ tip dari antara selagannja itoe gombolan alang-alang aer, ia menampak di antara itoe pinggir soengei jang aernja tjetek ada satoe prampoewan moeda jang tjantik lagi berdiri dengen memblakangin padanja dalem kaädahan terlandjang, menjeka badannja sama satoe handdoek dan teroes memake pakean dan achirnja naek ka darat dan berlaloe. Kim Tay Koei lantaran pikir tengah malern boeta tjara bagimana bisa ada orang prampoewan moeda jang maoe mandi di pinggir soengei, sedang itoe waktoe poen soeda moesim rontok dan hawa oedara ada dingin, maka ia doega tentoelah ada satoe siloeman aer dan oleh kerna itoe djoega, ia tida brani boewang aer lagi, dengen tida kaboeroe tjebok lagi lantas sadja ia ikat pinggang tjelananja dan teroes lagi poelang ka roemahnja. Di waktoe ia rebahken diri di atas pem­ baringan, ia berpikir kalang kaboetan, hingga goelakgoelik satengah maleman, achirnja ia dapat pikir satoe niatan ; sesoedanja ampir pagi ia baroe djadi poeles. Di malem jang berikoetnja, kira djam sapoeloeh lebih kombali ia dateng kapinggir soengei dan mengoempat di antara itoe gombolan alang-alang aer boewat menoenggoein itoe »setan prampoewan dari aer." Kira djam sabelas ia liat lagi Pang So Bwee naek, seka badan dan pakean, sabagimana djoega kamaren malem. Pada sasoedanja Pang So Bwee berlaloe. Kim Tay Koei mengoentit dari kadjaoehan, ia liat Pang So Bwee poenja roemah letaknja sangat dekat sama itoe soengei, ternjata ada roemahnja saorang baek-baek.. 482.

(10) Kim Tay Koei kenalin dengen betoel di mana letaknja itoe roemah dan bagimana kaädahannja. Di hari jang berikoetnja ia pergi mentjari katerangan di dekat itoe roemah jang samalem ia liat itoe ,setan aer prampoewan" masoek, ternjata itoe »setan aer prampoewan" ada satoe gadis jang beion menikah biar poen oemoernja soeda ampir tigapoeloeh taon, hingga hatinja merasa sangat girang. Pada itoe malem, kira ampir djam delapan ia soeda pergi mengoempat dalem itoe gembolan alang-alang aer boewat menoenggoein. la sengadja menoenggoe sampe Pang So Bwee malepasken pakeannja dan terdjoenken diri ka dalem aer, kamoedian diam-diam ia ambil itoe gadis poenja semoewa pakean dan dioempatken di laen tempat, la sendiri teroes mengoempat di itoe gombolan alang-alang aer boewat menoenggoein itoe gadis naek dan aken mendjalanken iapoenja maksoed kedji. Pang So Bwee pada sasoedanja maen-maen di aer bebrapa lamanja, bernang dan saloeloep ka sana sini, laloe ia naek ka alas itoe pinggir soengei jang aernja tjetek. Di bawahnja sinar remboelan ia liat dengen njata iapoenja pakean soeda tida ada di tempatnja hingga ia djadi sangat terkedjoet. Mendadak dari dalem itoe gombolan alang-alang aer ada lontjat kaloewar satoe orang dengen sikap sabagi djoega satoe andjing gila mengawasin sakoedjoer badannja Pang So Bwee jang sama sekali tida berpakean, hal mana soeda membikin itoe gadis djadi sangat terkedjoet dan boeroeboeroe berdjongkok. la taoe kaloe iapoenja pakean tentoe diambil oleh ini manoesia boesoek dan dioem­ patken. Laloe ia minta dengen manis soepaja pakeannja dikombaliken. Itoe waktoe Kim Tay Koei poenja soemangat lebih siang soeda terbang kaloewar dari toeboenja, moeloetnja. 483.

(11) menjengir sabagi djoega koenjoek, ibarat satoe hari­ mau jang kaiaparan menoebroek pada Pang So Bwee. Menoeroet iapoenja anggepan dengen gampang sadja ia aken bisa peloek pada itoe gadis ; tapi tida taoenja Pang So Bwee boekannja seperti gadis jang biasa tida bisa hadepken perkara jang saroepa itoe, saiaennja menjerah tida nanti bisa berboewat satoe apa. Tatkala meliat itoe badjingan menoebroek padanja, dengen sebat Pang So Bwee berkelit, hingga Kim Tay Koei djadi menoebroek angin dan djato kasoempat di atas pasirnja itoe pinggir soengei. Dengen katjepatan seperti kilat Pang So Bweetjekal blakangnja itoe boewaja darat dan ditengteng ka aer dan teroes dilelapken. Dalem sedikit sa'at sadja itoe badjingan soeda kenjang dikasi »minoem" aer sampe kemboeng peroetnja dan matanja terbalik. Pang So Bwee lantas lemparken itoe boewaja darat di pinggirnja itoe soengei dan teroes tjari iapoenja pakean ; tapi dengen satjara kabetoelan ia katemoeken Yap Tjeng Hoe jang dilemparken oleh itoe tjoelik lantaran kiraken itoe gadis ketjil soeda mati, siapa pada sasoedanja menggletak di pinggirnja itoe soengei bebrapa lamanja lantaran kena angin jang dingin lantas sadja djadi mendoesin dan teroes menangis dengen keras. Pang So Bwee lantas pondong itoe gadis ketjil dan liat iapoenja paras moeka di bawah sinarnja remboelan, ternjata ada sangat bagoes dan menarik orang poenja pengrasahan soeka. Kaloe diliat dari iapoenja pakean, tida mirip sama satoe anak dari koelawarga miskin, hingga heran sekali mengapa ia dilemparken ka pinggir soengei. Koetika ia preksa dalem pakeannja itoe anak sama sekali tida bisa didapatken tanda apa-apa jang menandaken ia anaknja siapa. Samentara Yap Tjeng Hoe jang ketjil poen aneh sekali, koetika dipondong oleh Pang So Bwee lantas. 484.

(12) sadja brenti menangis dan oendjoek sikap jang sangat lengket dan familiar. Oleh kerna itoe djoega, soeda membikin Pang So Bwee djadi samingkin merasa sajang dan tida tega boewat tinggalken. Achirnja ia bisa katemoeken iapoenja pakean di dalem gombolan alangalang-aer, laloe ia pakean dan naek ka atas darat dengen memondong Yap Tjeng Hoe poelang ka roemahnja. Di hari jang berikoetnja laloe ia tjeritaken prihal itoe oeroesan poengoet anak pada iapoenja iboe, tapi ia bilang bahoewa itoe anak ia katemoeken menggietak di depan pintoe pada tadi pagi, oleh kerna meliat itoe anak prampoewan ketjil romannja sangat moengil maka ia lantas pondong masoek ka roemah. Ong-sie, iboenja Pang So Bwee, koetika meliat pada Yap Tjeng Hoe djoega merasa sangat girang. .Bagoes," kata ia, .lantaran anak telah ambil poetoesan pasti tida maoe menikah, nanti kaloe akoe soeda menoetoep mata boewat selama-lamanja, anak bisa mempoenjai kawan ini gadis, dan di hari kamoedian anak bisa poengoet satoe mantoe agar di kaoe poenja hari toewa bisa mempoenjai andelan." ,Ach, iboe, Ijara bagimana maoe dibitjaraken sampe di laen hari," kata Pang So Bwee sambil tertawa, »sekarang kaloe kita bisa piara ia sampe mendjadi besar itoelah paling baek, sedang perkara memoengoet mantoe masi tange sekali." So Bwee lantaran meliat Tjeng Hoe soeda bisa djoega beladjar mengomong, laloe tanjaken iapoenja she dan nama, dan itoe gadis ketjil tjoema bisa kasi djawaban Yap Tjeng H o e sadja, tapi laen-laen hal sama sekali ia tida bisa kasi katerangan apa-apa. Pang So Bwee pikir kaloe sadja soeda bisa taoe iapoenja she dan nama, laen hari gampang bisa dikasi poelang pada iapoenja kadoewa orang toewa.. 485.

(13) Begitoelah moelai dari itoe hari ia rawat Tjeng Hoe jang ketjil dengen sangat hati-hati dan terlaten. Lagian lantaran ia soeka pergi mandi di soengei ampir sadja menerbitken perkara onar, maka ia tida brani kaioewar mandi lagi di waktoe malern sabagimana biasanja ia soeka berboewat.. Kim Tay Koei jang oleh Pang So Bwee tjoema dilelapken sadja ka dalem aer sampe satengah mati, tapi tida lantas dilemparken ka dalem soengei soepaja iapoenja djiwa melajang, agar djangan menerbitken hal-hal jang tida diingin di hati kamoedian. Kabetoelan koetika dilemparken ka atas pasirnja itoe pinggir soe­ ngei kapalanja di bawah dan kakinja di atas, hingga dengen begitoe aer dari dalem peroetnja bisa mengalir kaioewar dari iapoenja moeloet. Maka sampe pada waktoe ampir fadjar ia soeda djadi sedar kombali. la . balik poelang ka roemahnja boewat berobat bebrapa hari lamanja sampe iapoenja badan djadi seger kombali. Koetika ia inget apa jang soeda terdjadi, hatinja merasa sangat penasaran, la mengarti bahoewa kaloe sendirian sadja ia tida nanti bisa dapatken maksoednja terhadep pada So Bwee, maka ia lantas timboel pikiran djahat, panggil bebrapa banjak kambrat-kambratnja pergi menoenggoein lagi di pinggirnja itoe soengei, dengen pengharapan bisa menangkap pada So Bwee dan poewasken iapoenja napsoe binatang. Tapi dengen sia-sia sadja ia menoenggoein sampe tiga malem lama­ nja, tida djoega kaliatan Pang So Bwee dateng mandi lagi. Sekarang itoe boewaja darat baroe mendoesin kaloe itoe gadis soeda tida maoe kaioewar mandi lagi, hingga ia tida aken bisa lampiasken iapoenja napsoe amarah terhadep pada gadis itoe. Boewat poewasken. 486.

(14) iapocnja kabentjian laloe ia siarken omongan djoesta di loewaran bahoewa itoe gadis she Pang ada mempoenjai perhoeboengan resia sama ianja. Koetiica orang bantah ia berdjoesta, lantas sadja ia kasi katerangan bahoewa di kiri kanannja itoe gadis poenja anggota resia ada terdapat doewa tai-laier oengoe jang sabesarnja katjang idjo, hal mana toch tida bisa dibilang dengen sembarangan djikaloe boekannja ia soeda saksiken dengen kadoewa mata sendiri. Blakangan koetika ia denger kabar bahoewa Pang So Bwee ada memiara satoe anak prampoewan, lantas sadja ia akoeh dirinja ada ajahnja itoe anak prampoe­ wan, jaitoe boewahnja dari ia dan So Bwee poenja perhoeboengan resia. Bebrapa tetangganja koelawarga Pang, djoestroe merasa sangat heran meliat satoe gadis toewa atawa prawan kolot mendadakan bisa mempoenjai satoe anak prampoewan, biar poen katanja itoe anak dapat dipoengoet di depan pintoenja, tapi orang masi bersangsi sama itoe katerangan, oleh kerna itoe djoega, dengen gampang sadja marika maoe pertjaja Kim Tay Koei poenja omongan djoesta, hingga kaloe di blakangnja Pang So Bwee iaorang senantiasa soeka omong djelek. Ada bebrapa di antaranja jang moeloetnja kewat, se­ ringkali soeka oetjapken omongan memaen jang bermaksoed menjindir di depannja Pang So Bwee, hingga lama-lama Pang So Bwee poen merasa kaloe sikapnja iapoenja bebrapa banjak tetangga ada menjoerigaken, dan lantas menaro perhatian atas marika poenja segala omongan. Pada soeatoe hari kabetoelan satoe tetangga di sabelah kiri poenja koetjing telah gigit mati iapoenja anak ajam, perboewatan mana dapat diliat oleh Pang So Bwee, dan laloe bawa itoe bangke anak ajam ka. 487.

(15) roemahnja itoe tetangga boewat minta soepaja ia soeka perhatikan koetjingnja djangan sampe berboewat lagi itoe ha! jang meroegiken pada laen orang. Tapi dasaran prampoewan ja prampoewan djoega, begitoeiah itoe tetangga lantas djadi koerang senang dan oeljapken perkatahan jang menjindir keras pada Pang So Bwee, maksoednja dibilang bahoewa satoe prawan toewa tjara bagimana bisa mempoenjai anak kaloe boekannja ada mempoenjai kendak. Soeda tentoe sadja itoe omongan membikin Pang So Bwee dan djadi sangat goesar laloe ia tjekal lengannja itoe tetangga prampoewan dan minta soepaja ia kasi katerangan kapannja ia telah melahirken anak. „Boekantah sekarang di kaoe poenja roemah ada dipiara saloe anak prampoewan ketjil ? " saoet itoe tetangga. „Apanja jang kaoe maoe poengkir lantaran soeda ada boektinja ? Kaloe sadja kaoe dengen sasoenggoenja ada satoe prampoewan jang poeti bresih tjara bagimana orang bisa liat kaoe poenja tai-laler jang toemboe di sabelah kiri dan kanannja kaoe poenja anggota resia ? Akoe kasi kaoe pikiran lebih baek kaoe djangan terlaloe olo-olo di depan'koe." Sabagimana biasanja kaloe ada doewa tetangga jang lagi bertjektjok, bebrapa banjak tetangga laen pada berkroemoen mendengerin, maka itoe waktoe koetika mendenger omongannja itoe tetangga jang lagi bertjek­ tjok sama Pang So Bwee lantas sadja iaorang tertawa dengen soewara keras dan rameh. Sedang Pang So Bwee koetika mendenger itoe omongan hatinja djadi sangat djengkel dan djoega iboek, sebab ia merasa heran sekali tjara bagimana itoe hal orang bisa taoe. Djoestroe pada waktoe ia maoe menanjaken katerangan jang lebih djelas, mendadak kadengeran soewara iboenja jang berseroeh di sabelah loewarnja roemah.. 488.

(16) „Bwee-dji, kaoe soeda begitoe besar masi sadja soeka bertjektjok sama orang," kata sang iboe. „Hajo, lekas poelang djangan kasiken kaoe poenja diri dihinaken laen orang, sebab kaloe kaoe sendiri bisa trima itoe hinahan, akoe tida bisa trima." Tatkala Pang So Bwee berpaling dan liat iboenja lagi berdiri di depan pintoe roemah dengen paras moeka poetjat lantaran goesar dan maloe, dengen tjepat ia lepasken itoe tetangga prampoewan jang moeloetnja kewat dengen bertjoetjoeran aer mata ia menjamperin pada iboenja, kamoedian sama-sama masoek ka dalem roemah. Tapi itoe waktoe soewaranja itoe tetangga kewat jang memaki masi sadja kadengeran. Pang So Bwee satelah antarken iboenja ka dalem kamar, lantas berloetoet di depannja sang iboe sambil berkata : ,,Anak ini sasoenggoenja tida baek hingga soeda membikin iboe djadi goesar." Ong-sie angkat bangoen pada poetrinja sambil mengelah napas. „Akoe poen sampe pertjaja kaoe poenja kalakoean jang poeti bresih, tida nanti maoe melakoeken perkara jang tida pantas," kata ia. „Itoe Tio Tayso memangnja ada satoe prampoewan katak, maka tida perloe moesti diladenin. Tjoema kaoe poenja doewa tai-laler dekat anggota resia, tjara bagimana orang loewaran bisa mendapat taoe, dan mengapa istrinja Tio Toa poen bisa taoe?" Pang So Bwee berpikir sabentaran, mendadak ia djadi inget tentang itoe hal jang telah terdjadi di pinggir soengei, dan apa barangkali itoe boewaja darat lantaran maksoednja tida bisa kasampean lantas sadja oewarken apa jang ia soeda liat pada orang banjak? Itoelah ada sangat boleh djadi, sebab di waktoe ia lagi tida merasa tentoe itoe badjingan soeda dapat liat ia-. 489.

(17) poenja saäntero kaädahan toeboe jang lagi terlandjang. Mengingat sampe di sini lantas sadja ia djadi sangat goesar, hiingga iapoenja kadoewa pipi mendjadi merah, tapi sabaiiknja tida bisa dapatken perkatahan boewat mendjawab pada iboenja. Sang iboe lantaran meliat moekanja sang poetri djadi berobah metah dan tida bisa oetjapken barang sapata perkatahan lantas sadja djadi sala mengarti, kirain dengen sasoenggoenja sang poetri telah lakoeken perboewatan jang tida pantas, hingga diam-diam ia djadi djengkel dan sedih, bebrapa hari kamoedian ia djato sakit dan achirnja itoe orang toewa lepasken napasnja jang pengabisan. Pang So Bwee jang taoe iboenja meninggal lantaran djengkel sama itoe oeroesan, tadinja maoe memboenoeh diri, tapi sebab menginget tida ada orang jang mengoeroes maitnja sang iboe, kadoewa Tjeng Hoe sekali poen boekannja iapoenja anak atawa poen familie, tapi lantaran ia soeda merasa sangat tjinta dan pandang sabagi djoega iapoenja poetri sendiri, ia tida tega biarken itoe anak djadi terlantar, maka dengen menahan fitenahan ia mengoeroes maitnja iapoenja iboe dan dikoeboer sabagimana biasanja. Sasoedanja ia oeroes kamatiannja iapoenja iboe, laloe ia tjari taoe dengen terlili dari mana asalnja itoe omongan boesoek jang memfitenah dirinja, ternjata memang betoel Kim Tay Koei jang siarken itoe omongan boesoek. Ia intip itoe boewaja dan tangkap padanja, lebih doeloe kompes Kim Tay Koei dengen kasi labrakan keras hingga ia mengakoeh betoel ia jang soeda siarken itoe omongan boesoek. Laloe ia bawa di hadepannja semoewa tetangga disoeroe mengasi katerangan jang sabetoelnja sambil berloetoet, bahoewa iapoenja ^moewa omongan tida lebih dari fitenahan belaka. Moelai dari itoe waktoe baroelah perkaranja Pang So. 490.

(18) Bwee djadi terang dan dirinja itoe gadis poen djadi bresih lagi di depan matanja orang banjak. Sedang itoe tetangga jang moeloetnja kewat, Tio Toaso poen, berloetoet dan mendjoera hatoerken iapoenja maäf. Pada itoe malem koetika Kim Tay Koei poelang ka roemahnja tida taoe siapa jang telah boenoeh mati padanja, sedang iapoenja kapaia kadapatan di kamarnja Tic Toaso, Di laen fihak Pang So Bwee dengen membawa Yap Tjeng Hoe meninggalken iapoenja roemah tangga entah pergi ka mana.. xxvn. Pada sasoedanja Kim Tay Koei diboenoeh mati orang, dan Pang So Bwee bersama Yap Tjeng Hoe mengilang entah ka mana, orang lantas mendoega kaloe pemboenoehan atas dirinja Kim Tay Koei dilakoeken oleh Pang So Bwee sabagi iapoenja pembalesan. Itoelah memang tida sala, dan pada sasoedanja Pang So Bwee boenoeh mati pada Kim Tay Koei lantas sadja ia balik poelang ka roemahnja bikin beres iapoenja pakean dan barang-barang berharga kamoedian adjak Yap Tjeng Hoe berlaloe. Sedang kapalanja itoe badjingan jang ia boenoeh mati, koetika di perdjalanan poelang dengen sengadja ia taro di dalem kamarnja itoe tetangga prampoewan jang moeloetnja kewat, soepaja ia taoe rasa atas iapoenja kalantjangan moeloet. Pang So Bwee bersama Yap Tjeng Hoe brangkat menoedjoe ka Oetara malem-malem djoega. Pada soeatoe hari iaorang sampe di bilangan provincie Ouwpak di tepinja soengei Han-yang-kang. Itoe waktoe soeda sore, hingga tjóema kaliatan sadja moeka aer soengei jang sangat loewas, dan dari kadjaoehan ter­ tampak goenoeng-goenoeng jang tinggi. Blakangan ia menampak satoe praoe jang lagi berlaboe di pinggirnja. 491.

(19) é. itoe soengei, dan di atas boentoetnja itoe praoe ada berdjongkok satoe orang lelaki jang djoestroe lagi masak nasi boewat makan sore, menioepin api ka djoeroesannja hanglouw sama satoe songsong hingga dari itoe hanglouw kaliatan ada banjak asap jang mengeboel naek ka atas. Tatkala Pang So Bwee soeda berdjalan dekat pada itoe praoe laloe ia berseroeh : „He, toekang praoe, apa ini praoe maoe disewaken ? " Di sa'at itoe djoega, dari dalem goeboeknja itoe praoe ada lontjat kaloewar satoe orang jang koelit moeka itam semoe oengoe, halisnja gompiok dan matanja besar. „Itoe njonja jang berada di atas darat memanggil pada'koe maoe ada oeroesan apa ? " menanja ia dengen soewara kasar. „Toekang praoe, apatah kaoe poenja praoe ini aken bikin perdjalanan djaoe ? " kata Pang So Bwee. „Njonja maoe pergi ka mana?" berbalik menanja itoe toekang praoe. „Akoe Lie Toa dan ade'koe Lie Dji ada terkenal sabagi toekang-toekang praoe jang soeka membawa moewatan djaoe, asal sadja tempat jang bisa disampeken oleh praoe kita maoe pergi." ,,Kaloe begitoe baek sekali. Kita berdoewa maoe pergi ka Soetjoan Go-bie-kwan boewat mentjari satoe familie di sana. Belon taoe ongkosnja pergi ka sana kita berdoewa moesti bajar brapa ? Kaloe sadja kaoe poenja harga akoe bisa satoedjoe, ini malem djoega kita maoe lantas naek ka atas kaoe orang poenja praoe.* Itoe orang lelaki jang lagi menioepin api di blakangnja praoe ada adenja itoe orang jang lagi bitjara, koetika mendenger itoe omongan lantas sadja berbangkit dari tempat doedoeknja dan mengawasin pada Pang So Bwee bebrapa sa'at lamanja, kamoedian ia berkata pada engkonja, Lie Toa: ,,Engko, kaloe bangsa njonja. 492.

(20) jang maoe pergi ka tempat djaoe boewat mentjari familienja moesti dikasi harga jang pantas, djangan diminta terlaloe banjak, nanti orang kataken kita menjoerangin pada bangsa prampoewan." Di waktoe bitjara ia kedipin matanja pada sang engko, siapa poen lantas mengarti apa maksoednja. Pang So Bwee koetika mendenger omongannja Lie Dji lantas berpaling. Ternjata itoe orang moekanja pandjang sabagi djoega kalde, romannja boekannja seperti orang baek-baek, malah bisa dibilang sangat djelek. Tjoema kaloe didenger omongannja boleh dibilang pantas. Maka dalem hatinja berpikir, perkara mengaloewarken onkost lebih banjak itoe tida mengapa. »Kaloe sadja kaoe orang djalanken praoe dengen tjepat dan mengasi rawatan jang menjenangken, tentoe akoe aken kasi kaoe orang banjak persen,* kata ia pada itoe doewa soedara Lie. Mendenger itoe omongan, LieToa oendjoek paras moeka tertawa. .Itoe oeroesan tida perloe dibitjaraken lagi," kata ia. »Tapi njonja apa ada mempoenjai laen barangbarang lagi ? Kaloe ada, akoe maoe naek ka darat boewat angkoet ka dalem praoe." ,Akoe tida mempoenjai laen-laen barang lagi salaennja ini jang akoe bawa sekarang.* Lie Dji lantas toelak itoe praoe sama iapoenja gala sampe menempel sama pinggirnja soengei itoe. Pang So Bwee dengen memondong Yap Tjeng Hoe toeroen ka atas itoe praoe. Lie Toa masoek ka dalem goeboek boewat kasi Pang So Bwee dan Yap Tjeng Hoe masoek ka goeboek jang depan, kamoedian antarken penoempangnja ka dalem goeboek jang tengah.. 493.

(21) ^. *. >. ". ^. Lie Dji dari boentoet praoe menjodorken satoe tempat lilin jang soeda dipasangin satoe lilin pendek, hingga kaädahan dalem itoe goeboek djadi terang. Oleh kerna meliat kaädahannja itoe goeboek ada sampe lega, sedang di atas vloer poen ada terdapat kasoer dan selimoet jang kaliatannja sampe bresih, Pang So Bwee merasa senang dan lepasken Yap Tjeng Hoe ka atasnja itoe kasoer soepaja berdoedoek, kamoedian ia lepasken iapoenja pauwhok dari atas poendaknja, di bawah panerangannja lilin ia boeka itoe pauwhok boewat mengambil sapotong perak jang beratnja doewa tail ditrimaken pada Lie Toa sambil berkata: »Kaoe boleh pergi membeli beras dan barang makanan, kerna kita berdoea masi belon dahar sore, harap kaoe orang soeka toeloeng masakin." Lie Toa liat dalem itoe pauwhok semoewanja terisi barang-barang berharga seperti moetiara, mas, perak dan sabaginja, matanja djadi mentjorot, sedang dalem hatinja merasa sangat heran, sebab tida njana satoe prampoewan begitoe poenja taba dan brani, dengan membawa begitoe banjak barang jang berharga bikin perdjalanan sendirian sadja. itoelah dasaran ia berdoewa soedara moesti mendapat oentoeng besar makanja bisa mendapat ini moewatan jang ,gemoek.* Itoe waktoe dengan menjanggoepin ia trima itoe sapotong perak, laloe kaloewar dan pergi ka boentoet praoe, dengen soewara perlahan ia berkata pada adenja: »Satoe kali ini kita aken dapatken nona tjantik dan djoaga harta." .Engko, akoe maoe bitjara dengen teroes terang sama kaoe,* kata ia, „harta kaoe boleh ambil sendiri, tapi orangnja akoe sendiri poenja bagian." Lie Toa boeka iapoenja mata lebih besar sambil t>€rkata : „Itoelah tida bisa: Kaoe ini selamanja maoe. IHISsbb. 494.

(22) enak sendiri sadja. Ini oeroesan kaioe bisa berhasil, kita berdoewa boleh bagi rata itoe harta, sedang itoe nona manis poen mendjadi kita berdoewa poenja ,milik* sama rata, sama sekali tida boleh dikangkangin oleh satoe orang sadja." Lie Dji tida bisa membantah. Begitoelah itoe doewa pendjahat bermoefaketan dengen resia boewat melakoeken marika poenja maksoed djahat dan kedji. Di laen fihak, Pang So Bwee pada sasoedanja berada dalem itoe praoe jang aken bisa membawa ia ka tempat jang ditoedjoe, hatinja merasa senang dan tida tjoeriga apa-apa. Tida taoenja itoe Lie Toa dan Lie Dji sabetoelnja ada badjak jang soeka mengambil korban pada penoempang-penoempang, dari marika poenja praoe, jang berdjalan tjoema sendirian atawa berdoewahan sadja ; kaioe iaorang poenja praoe soeda sampe di tempat jang soenji lantas sadja marika boenoeh penoempangnja dan maitnja di lemparken ka dalem soengei, dan harta miliknja iaorang lantas kangkangin. Ini matjem perboewatan terkoetoek marika soeda lakoeken bebrapa taon lamanja, tapi sabagitoe lama masi belon terboeka marika poenja resia. Satoe kali ini lantaran meliat Pang So Bwee boekan sadja parasnja eilok, malah mempoenjai djoega banjak harta, maka iaorang maoe djalanken lagi marika poenja kabiasahan. Sasoedanja marika bermoefaketan dengen beres, Lie Dji lantas mendarat boewat membeli barang ma­ kanan, beras, kajoe bakar dan laen-laen lagi. Koetika ia balik kombali itoe doewa soedara dengen repot lantas masak. Sasoedanja mateng Lie Toa bawain doewa roepa masakan dan nasi ka dalem itoe goeboek. »Oleh kerna dalem perdjalanan tida bisa disediaken makanan jang baek," kata ia, ,akoe harap sadja njonja soeka dahar sadja saadanja.'. 495. *. è. •*. ».

(23) Pang So Bwee liat itoe masakan masi baroe dan boleh djoega, maka ia lantas makan bersama Yap Tjeng Hoe. Sasoedanja abis makan Lie Toa lantas dateng lagi boewat mengangkatin piring mangkok jang bekas. ,Akoe harap sadja njonja soeka tidoer Siangan," kata ia, „sebab sabentar kaloe remboelan soeda kaioewar kita aken belajar.". .Baek," saoet Pang So Bwee. Satelah Lie Toa ka'.oewar ia lantas menoetoep pintoenja itoe goeboek, memboekain pakeannja Yap Tjeng Hoe dan soeroe itoe gadis ketjil tidoer doeloean, kamoedian ia ambil satoe pedang ketjil jang pandjangnja ampat duim dari iapoenja pauwhok ditaro di sabelah bawahnja bantal, ahirnja ia sendiri poen malepasken pakean loewarnja. Pada sabelonnja tidoer lebih doeloe ia memboeka djendela hingga sinarnja remboelan jang soeda naek mentjorot masoek ka dalem itoe goeboek, sedang itoe lilin pendek poen kabetoelan itoe waktoe padem. Meliat sinarnja remboelan jang bagoes dan terangnja melebihken dari api lilin, hingga dalem satoe waktoe ia masi belon bernapsoe boewat masoek tidoer, hanja dengen mendekem pada djendela ia memandang ka loewarnja itoe goeboek. la tjoema rasaken sadja itoe praoe jang bergerak-gerak tida brentinja dan soewara aer jang mendampar itoe praoe ; salaennja soewara tertawa dari itoe doea toekang praoe, kaädahan di sakiternja ada sangat soenji. Koenjoeng-koenjoeng kadengeran Lie Djie berkata : .Engko, kaoe djangan minoem terlaloe banjak, nanti kaloe kaoe djadi mabok tida aken bisa bakerdja, dan kaloe akoe moesti bakerdja sendirian ada terlaloe berat." »Soedara jang baek," kadengeran Lie Toa berkata, .kaoe boleh mendajoeng doeloe sakoetika lamanja, dan nanti kaloe soeda sampe temponja kaoe boleh mendapat. 496.

(24) hak doeloean. Akoe moesti minoem sainpe poewas dan teroes tidoer, di waktoe bangoen lantas boleh melakoeken pakerdjahan." Kadengeran soewaranja Lie Dji jang tertawa. ,Apa ini omongan dengen sasoenggoenja ?" mene­ gaskan ia. »Djangan kaloe soeda sampe temponja kaoe lantas poeter omongan, itoelah akoe tida maoe mengarti." Pang So Bwee mendengerin marika itoe poenja omongan tida bisa mengarti bagimana maksoednja, tapi lantaran koewatir iaorang mendjadi mabok sebab mi­ noem arak terlaloe banjak hingga praoe bisa mendapat katjilakahan, boewat ia sendiri jang pande bernang sama sekali tida oesa koewatir, tapi Yap Tjeng Hoe jang masi anak-anak dikoewatir aken mendapat tjilaka. ,Kaoe orang berdoewa moesti bakerdja mendjaianken ini praoe, paling betoel djangan minoem arak terlaloe banjak," kata ia ; ,hati-hati djangan sampe mendapat katjilakahan di perdjalanan." ,Akoe harap sadja njonja senangin hati," kata Lie Dji sambil tertawa. »Biar poen akoe poenja engko mabok, tapi masi ada akoe jang tinggal sedar, maka akoe menanggoeng jang njonja berdoewa aken slamat dalem perdjalanan, tida oesa salempang satoe apa!" ,ltoe memang jang akoe harap," kata Pang So Bwee jang lantas toetoepken djendela dan teroes tidoer. Djoestroe pada itoe waktoe di atas daratan dari kadjaoehan ada mendatengin satoe orang toewa jang ramboetnja soeda poeti dan dandanannja seperti saorang dagang, sedang di bawa kateknja ada mengempit satoe boengkoesan. lapoenja tindakan seperti djoega saorang jang maoe boeroe-boeroe dan koetika meliat pada itoe praoe lantas sadja ia berkata; ,He toekang praoe, akoe maoe menjewa praoe pergi ka Soetjoan.". 497.

(25) „Ach, soenggoe sajang sekali, toewan," saoet Lie Dji, ,sebab kita poenja praoe soeda diborong oleh satoe penoempang hingga tida bisa menerima lagi penoempang laen." Itoe orang toewa koetika mendenger itoe omongan lantas sadja oendjoek paras moeka jang sangat bingoeng. »Masatah satoe praoe jang begini besar diborong oleh satoe orang, dan itoe orang maoe pergi ka mana ? " , l a poen maoe pergi ka Soetjoan," saoet Lie Dji. Mendenger itoe omongan itoe orang toewa lantas sadja berbalik djadi girang. »Kaloe begitoe kabetoelan sekali," kata ia, »maka akoe harap sadja soepaja kaoe soeka berdamiken sama itoe penoempang jang memborong soepaja akoe bisa toeroet menoempang dalem ini praoe, dan akoe soeka membajar saparo harga sewahannja ini praoe. Oleh kerna sama-sama orang jang bikin perdjalanan di loewaran, akoe rasa tentoe bisa didamiken." .Kaoe djangan sala mengarti, toewan," kata Lie Dji sambil tertawa, »sebab itoe penoempang jang inemborong kita poenja praoe ada satoe njonja moeda, tjara bagimana ia bisa trima kaoe saorang lelaki toeroet menoempang? Oleh kerna itoe djoega, lebih baek tjari sadja laen praoe, sebab sekarang kita soeda maoe brangkat " Sahabisnja berkata begitoe lantas sadja ia toelak galanja hingga itoe praoe terpisa sama pinggirnja itoe soengei. Itoe orang toewa djadi sangat goegoep dan bingoeng terpoeter-poeter dengen tida berdaja di pinggirnja itoe soengei. Pang So Bwee lebih siang soeda denger itoe pembitjarahan dan memboeka djendela goeboeknja itoe praoe, koetika ia meliat itoe orang jang maoe toeroet menoempang ada saorang toewa, hatinja merasa sangat tida tega, laloe ia memanggil. 498.

(26) pada Lie Dji dan berkata: »Oleh kerna ia ada saorang jang soeda toewa dan djoega maoe pergi ka Soetjoan, sedang goeboek ini praoe jang sabelah depan tinggal kosong, kaoe orang boleh trima sadja ia menoempang, akoe sama sekali tida mendjadi halangan satoe apa. Hajo lekas tempelken lagi ini praoe ka pinggir soengei, dan oendang itoe orang toewa naek ka dalem praoe." Satelah Pang So Bwee bitjara baroelah itoe orang toewa dapat liat padanja, di bawah tjahjanja remboelan jang trang ia bisa liat paras moekanja Pang So Bwee memang ada satoe prampoewan moeda, hingga ia djadi sangsi dan tida brani lantas toeroen ka dalem praoe. Di laen fihak. Lie Dji koetika mendenger omongannja So Bwee lantas ia berbisik pada engkonja kamoedian toelak lagi itoe praoe menempel pada pinggirnja itoe soengei ; tapi lantaran meliat itoe orang toewa bersangsi lantas sadja ia berseroeh ; ,He, toewan toewa, lekas toeroen ! Itoe njonja lantaran meliat kaoe ada saorang jang soeda beroesia tinggi, maka ia soeka trima kaoe toeroet menoempang." Itoe orang toewa ada saorang jang soeda biasa bikin perdjalanan di loewaran, hingga ia anggap dirinja ada saorang jang soeda mempoenjai banjak pengalaman, baroesan koetika ia meliat paras moekanja So Bwee begitoe tjantik tapi soeda brani menoempang ini praoe sendirian boewat bikin perdjalanan djaoe, djangandjangan ada satoe penipoean jang memake pantjing orang prampoewan, sedang ia ada membawa banjak sekali barang permata jang berharga besar, maka tida boleh berlakoe tjerobo. Tjoema sadja, sekali poen ia maoe mentjari praoe laen itoe waktoe tida kaliatan barang satoe, hingga djadi soesa sekali boewat ia ambil poetoesan jang pasti. Begitoelah ia berdiri diam di atas daratan sembari menggaroek-garoek blakang koepingnja.. 499.

(27) Meliat masi sadja itoe orang toewa bersangsi, Lie Dji lantas berseroeh dengen keras: ,He, toe wan toewa, apatah kaoe toeli ? Baroesan akoe minta kaoe toeroen, kerna itoe njonja moeda soeka kasi kaoe toeroet menoempang, tapi mengapa tinggal diam sadja?" Itoe orang toewa beroelang-oelang didesak, tapi tida bisa mendjawab, dalem hatinja berpikir: »Dengen apa boleh boewat akoe moesti toeroet menoempang djoega dalem ini praoe, tapi akoe moesti sangat berhati-hati, djangan sampe orang taoe akoe membawa banjak barang permata jang berharga." Satelah berpikir tetap lantas sadja ia toeroen ka dalem itoe praoe, dan koetika ia mengoesoet masoek ka dalem goeboek, soewaranja penggajoe soeda kadengeran memoekoei-moekoel aer, dan itoe praoe poen soeda bergerak djalan. Itoe waktoe Pang So Bwee pake kombali iapoenja pakean, pasang lagi satoe lilin dan memboeka pintoenja itoe goeboek. Itoe orang toewa boeroe-boeroe menjamperin dan memberi hormat pada Pang So Bwee. ,Akoe telah mendapat njonja poenja kasian dan kamoerahan hati, soeka perkenanken akoe toeroet me­ noempang dalem ini praoe," kata ia, ,dengen ini djalan akoe hatoerken banjak trima kasi. Apatah akoe boleh menanja njonja maoe pergi ka bilangan provincie Soetjoan jang mana ?" ,Ka Go-bie-kwan," saoet Pang So Bwee dengen membales hormat, .kerna akoe maoe naek ka Go-biesan dan pergi ka Pek-in-am boewat menengokin goeroe'koe Seng Beng Soethay. Sabaliknja apatah akoe bisa mendapat taoe Lotiang poenja she dan nama jang moelia dan maoe pergi ka district mana dari provincie Soetjoan ? ". 500.

(28) Oleh kerna itoe orang toewa meliat Pang So Bwee poenja sikap dan tingka lakoe ada sangat sopan, mem­ bilang djoega maoe pergi ka Pek-in-am di atas Gobie-san boewat menengokin pada Seng Beng Soethay, siapa di bilangan Soetjoan terkenal sabagi satoe nikoh jang soeka membela kaädilan hingga sangat dihormatken oleh ampir semoewa pendoedoek Soetjoan, iapoenja saäntero pengrasahan tjoeriga djadi linjap sania sekali. ,Akoe she Yo bernama Sian Sin dan tinggal di kota * Tiongkeng," kata ia dengen sadjoedioernja, ,sedang akoe poenja pakerdjahan berdagang barang permata dengen mengider ka laen-laen tempat. Satoe kali ini akoe brangkat dari Soetjoan dengen membawa barang d .igangan jang berharga poeloehan riboe tail perak, maka akoe sangat perloe moesti bisa mendapat menoempang praoe agar djangan mendapat bahaja di djalanan." Pang So Bwee manggoetken kapalanja menjataKen benar dan minta soepaja Sian Sin soepaja siang-siang tidoer. Sahabisnja berkata begitoe ia lantas toetoepken kembali pintoe goeboek praoenja dan malepasken ia­ poenja koen, padamken lilin dan koentjikeri djendeia. Tapi biar poen ia rebahken diri tida djoega bisa poeles, sedang Yo Sian Sin jang tidoer di goeboek praoe jang sabelah d e p a n lebih siang soeda kadengeran menggeros -geros keras sabagi djoega babi jang maoe disembeleh. Tatkala soeda ampir djam doewabelas, dan So Bwee djoestroe lagi lajap-lajap maoe poeles. mendadak ia rasaken soewaranja orang mendajoeng tida kadengeran lagi, sedang itoe praoe sabagi djoega brenti dan berlaboe di. pinggir soengei. Bermoela la menjangka kaloe toekang praoe merasa tjape dan brenti doeloe boewat mengaso, menoenggoe sampe besok pagi baroe itoe perdjalanan diteroesken.. 501.

(29) Tapi tida lama kainoedian lantas kadengeran soewaranja Lie Dji jang berseroeh memanggil pada Lie Toa : .Engko, hajo lekas bangoen, sekarang soeda sampe waktoenja boewat toeroen tangan. Kaoe pergi gorok itoe babi kolot jang meringkoek di dalem goeboek-praoe sabelah depan, sedang itoe kambing moeda jang di dalem goeboek blakang kasiken akoe jang .beresin" doeloe." Satelah mendenger itoe omongan lantas sadja Pang So Bwee mengarti kaloe ia soeda kasalahan menoempang pada satoe praoe pendjahat, hingga ia djadi sangat terkedjoet, boeroe-boeroe berbangkit dan ambil itoe pedang ketjil jang ia taro di sabelah bawahnja bantal, koetika ia menjamperin ka djoeroesan pintoe, soeda kadengeran ada soewaranja orang jang lagi mendong­ krak pintoenja goeboek praoe jang sabelah depan. Itoe waktoe kadengeran Yo Sian Sin mengigo dan berkata : «Akoe ada satoe orang pelantjongan jang soeda kawakan dan taoe abis semoewa kaädahan dalem kalangan kang-ouw." Berbareng dengen itoe, soewara jang mendongkrak pintoe goeboek depan poen djadi sirep. Tida antara lama kamoedian Yo Sian Sin menggeros-geros lagi sabagi djoega babi, dan itoe soewara mendongkrak pintoe poen djadi kadengeran lagi. Pang So Bwee djadi merasa sangat geli dalem hatinja mendenger itoe orang toewa biar poen sasoedanja menoempang di atas praoenja pendjahat, toch masi mengigo menjeboet dirinja ada saorang pelantjongan kawakan jang taoe abis semoewa kaädahan di kalangan kang-ouw. Boekantah itoe ada sangat loetjoe ! Djoestroe pada waktoe ia lagi berpikir, kadengeran itoe pintoe goeboek praoe jang sabelah depan soeda dapat didongkrak sampe terboeka, kamoedian kadenge-. 502.

(30) ran soewaranja saorang jang lontjat masoek ka daiem itoe goeboek. »Siapa?" menanja soewaranja Yo Sian Sin dengen kaget dan mengantoek. ,He, babi kolot, lekas kasiken kaoe poenja barangbarang berharga dan oewang, agar djangan membikin akoe tjape mentjari dan menggledah," kadengeran soe­ waranja Lie Tea berkata. Pang So Bwee taoe bahaja soeda sampe di depan mata, oleh kerna itoe orang toewa ada membawa barang-barang permata jang harganja itoeng poeloehan riboe, kaloe sadja ia tida lekas kaloewar menoeloengin tentoelah djiwanja aken binasa. Dengen tjepat ia memboeka pintoenja itoe goeboek, dari kapala praoe itoe waktoe ada mentjorot masoek tjahjanja remboelan ka dalemnja itoe goeboek praoe depan, dan kaliatan Yo Sian Sin lagi meroengkoet sabagi satoe tenggiling, paras moekanja poetjat sabagi satoe mait, sedang Lie Toa sabagi djoega satoe iblis djahat dalem tangannja memegang satoe golok jang diajoen boewat ditimpaken ka djoeroesan badannja itoe soedagar barang permata kolot. Pang So Bwee lantas lontjat masoek ka dalem itoe goeboek sembari kasi kerdja iapoenja pedang ketjil menoesoek ka djoeroesan kateknja Lie Toa, siapa djadi sangat terkedjoet, biar poen maoe berkelit soeda tida kaboeroe, hingga poendaknja kena tertoesoek djoega sama pedangnja So Bwee jang ditoedjoeken ka djoeroesan iganja. Tapi Lie Toa masi bisa batjokin goloknja pada So Bwee, siapa lantas angkat sabelah kakinja menen­ dang ka djoeroesan gelang-gelangan tangannja itoe pendjahat, hingga goloknja terlempar kaloewar pintoe­ nja itoe goeboek dan tertjemploeng ka dalem soengei. Pang So Bwee teroesken iapoenja pedang ditoesoekin. 503.

(31) ka djoeroesan tenggorokannja Lie Toa, hingga ini pendjahat lantas roeboe ka atas papan decknja itoe praoe.. Djoestroe pada itoe waktoe koenjoeng-koenjoeng kadengeran soewaranja Yap Tjeng Hoe jang berseroeh : „Iboe, toeloeng !" Koetika Pang So Bwee berpaling ia liat Lie Dji dari pintoe goeboek praoe jang sabelali blakang masoek ka itoe goeboek tengah, dan soeda membikin Yap Tjeng Hoe djadi mendoesin dengen kaget dari tidoernja ; tapi lantaran ia masi belon taoe Lie Toa soeda mati itoe waktoe ia lagi mengoesoet-ngoesoet dan ternjata Pang So Bwee tida ada dalem itoe goeboek praoe. Tatkala ia berdongak ia lantas liat itoe gadis dengen paras moeka goesar dan di tangannja memegang satoe pedang ketjil jang berlepotan darah berlari-lari masoek ka dalem itoe goeboek praoe.. 504.

(32) Oleh kerna Lie Dji mengandel jang ia ada paham sedikit ilmoe silat, sama sekali ia tida merasa takoet pada Pang So Bwee. ,,He, bangsa prampoewan djoega bisa maen pedang," kata ia sambil oendjoek iapoenja tjetjengor jang seperti kalde, „tidalah heran kaloe djeman sekarang ada banjak sekali orang jang paham ilmoe silat. Mari sini, maenmaen sama akoe." Sahabisnja berkata begitoe lantas sadja ia ajoen iapoenja golok membatjok pada Pang So Bwee, siapa boeroe-boeroe lontjat berkelit, kamoedian menjapoe sama iapoenja sabelah kaki. Lie Dji lantas djato tjelentang di atas papan deck. So Bwee lantas menjamperin dan indjek iapoenja dada sambil mengantjem sama iapoenja pedang ketjil sabagi djoega maoe menoesoek, hingga itoe pendjahat djadi poetjat dan dengen soewara meratap ia minta dikasianin djiwanja. ,,Kaoe poenja engko akoe soeda boenoeh mati," kata Pang So Bwee. „Kaloe sadja kaoe taoe akoe poenja lihay, kaoe moesti antarken akoe ka Soetjoan, dan sasampenja di sana akoe aken kasi kaoe persen sabagimana pantasnja dan tida aken tarik pandjang ini perkara." „Baek, njonja, akoe menoeroet," saoet Lie Dji dengen tjepat. Pang So Bwee lantas lepasken kakinja kasiken Lie Dji berbangkit berdiri, lebih doeloe ia prentahken itoe pendjahat soepaja lemparken maitnja Lie Toa ka dalem soengei, bresihken djoega itoe tanda-tanda bekas darah. Kamoedian So Bwee lemparken Lie Dji poenja golok ka dalem soengei. Sasoedanja itoe semoewa dilakoeken oleh Lie Dji, lantas prentahken soepaja ia kasi djalan lagi itoe praoe.. 505.

(33) Lie Dji balik ka boentoet praoe, toelakin iapoenja gala ka pinggir soengei dan moelai mendajoeng. Yo Sian Sin hatoerken trima kasi pada Pang So Bwee jang soeda menoeloengin djiwanja dari bahaja maoet. ,,Oleh kerna kita menoempang sama-sama dalem praoe memang ada dengen sapantasnja saling menoeloeng," kata Pang So Bwee sambil tertawa, „maka Lotiang boleh tida oesa hatoerken trima kasi pada'koe. Tjoema sadja sateroesnja kaloe bikin perdjalanan di kalangan kang-ouw djangan soeka mengandel sabagi satoe pelanljongan jang soeda kawakan dan taoe abis semoewa kaädahan dalem kalangan kang-ouw hingga sabaliknja mendapat bahaja dengen zonder Lotiang poenja taoe." Yo Sian Sin dengen merasa maloe menjataken bahoewa itoe omongan memang benar, dan sateroesnja ia aken berlakoe lebih hati-hati. Lie Dji jang mendajoeng di boentoetnja praoe hatinja merasa sangat koerang senang, samingkin pikir samingkin djengkel, sebab ia sama sekali tida bisa sangka kaloe satoe kali ini bisa alamken kagagalan besar di tangannja satoe orang prampoewan sadja, hingga iapoenja engko poen tiwas djiwanja. Blakangan ia pikir biar poen ini prampoewan paham ilmoe silat, tapi belon tentoe ia paham ilmoe di dalem aer, sebab kaloe sadja ia paham tentoe lebih siang ia soeda boenoeh mati padanja, masatah sabaliknja ia tetap soeroean ia jang dajoeng itoe praoe boewat antarkan marika pergi ka Soetjoan. Maka kaloe sadja sekarang ia terdjoen ka dalem soengei dan bikin terbalik itoe praoe, dengen gampang ia aken bisa sampeken iapoe­ nja maksoed jang masi belon kasampean. Sedang itoe babi kolot dengen gampang sadja aken bisa dirampas iapoenja harta milik.. 506.

(34) Sasoedanja ia berpikir tetap hatinja mendjadi sangat senang, dengen tida merasa lagi lantas sadja ia menjanji : „Ombak di soengei berboesa poeti, praoe ketjil berdjalan sendiri, kaloe sadja praoe bisa diterbalikin lantas bisa tangkap poetri, tinggal tetap akoe aken dapatken satoe istri." Lie Dji sambil menjanji sambil dajoeng lagi itoe praoe ka pinggirnja soengei, kamoedian ia brenti mendajoeng dan tantjapken iapoenja gala boewat menahan pada praoe itoe. Pang Sc Bwee dan Yo Sian Sin lantaran baroe mengalamken hal jang menggontjangken pikiran, itoe waktoe masi belon poeles. Sedang Pang So Bwee koetika medenger soewara njanjiannja Lie Dji lantas berkata Yo Sian Sin ; ,,lni pendjahat masi belon djoega hilang iapoenja pikiran djahat, kaloe didenger dari iapoenja njanjian itoe, ia bermaksoed maoe terbalikin ini praoe boewat berlakoe hianat pada kita." Mendenger itoe omongan kombali Yo Sian Sin djadi sangat katakoetan. „Djangan koewatir," kata Pang So Bwee dengen menghiboer, „segala apa ada akoe jang menanggoeng." Djoestroe pada itoe waktoe praoe soeda bibrentiken, maka Pang So Bwee boeroe-boeroe kaloewar dari itoe goeboek tengah dan menjamperin ka boentoetnja itoe praoe. Lie Dji koetika meliat padanja lantas sadja tertawa bergelak-gelak. ,,Njonja, apatah, kaoe brani terdjoen ka dalem soengei boewat maen-maen sama akoe ?" Sahabisnja berkata begitoe ia lantas terdjoen ka dalem soengei. Pang So Bwee lantaran koewatir itoe pendjahat aken bikin terbalik itoe praoe, hingga bisa membikin binasa pada Yap Tjeng Hoe dan Yo Sian. 507.

(35) Sin, tida perdoeli iapoenja pakean bisa mendjadi basa, lantas sadja ia poen terdjoen ka dalem soengei, kabetoelan itoe waktoe Lie Dji djoestroe lagi timboel ka moeka aer, meliat So Bwee djoega paham ilmoe di aer, ia djadi sangat kaget dan menjesal soeda ambil itoe tindakan. Tapi itoe waktoe lantaran soeda dilakoeken, dengen apa boleh boewat ia lantas saloeloep ka dalem aer. Tjoema sadja Pang So Bwee poenja ilmoe di dalem aer ada sangat tinggi, ia bisa melekin matanja pada waktoe saloeloep, sedang Lie Dji tida mempoenjai itoe kapandean. Maka pada waktoe Pang So Bwee saloeloep lantas sadja ia bisa liat di mana adanja Lie Dji, laloe ia menjamperin ka sabelah bia^ kangnja Lie Dji dan tjekel ia itoe poenja leher dengen sabelah tangannja, dan dengen sabelah tangannja jang satoe lagi ia sangga pantatnja itoe pendjahat, kamoedian diangkat ka atas sembari mengindjak aer.. 508 3.

(36) Tida antara lama kamoedian ia soeda timboel di moeka aer dan teroes bernang menjamperin ka boentoetnja praoe sambil teroes menjekal pada itoe pendjahat. Sedang Yo Sian Sin itoe waktoe djoestroe lagi berdiri di sitoe sambil mengawasin ka moeka aer, meliat Lie Dji soeda dapat ditangkap oleh So Bwee, hatinja merasa sangat girang. Tida antara lama kamoe­ dian So Bwee soeda bawa Lie Dji ka atas praoe ; tapi sekarang ini pendjahat beroelang-oelang meratap minta diampoenin djiwanja. Parg So Bwee minta Yo Sian Sin pergi mentjari satoe tambang; kamoedian ikat itoe pendjahat sama itoe tambang jang dibawa oleh itoe soedagar kolot, dan dilemparken ka boentoetnja praoe, minta soepajaSian Sin soeka djagaken doeloe boewat samentara waktoe sapandjargia menoekar pakeannja jang basa. Pang So Bwee lantas masoek ka dalem goeboek praoe koentjiken pintoerja dan toekar iapoerja pakean jang basa dengen jang kering. Sasoedanja berpakean laloe ia balik kombali ka boentoet praoe dan tandelken iapoenja pedang pendek ka atas lehernja itoe pendjahat. ,,Baroesan kaoe menjanji apa dan bagimana maksoednja itoe rijanjian ?" menjentak Pang So Bwee pada Lie Dji. „Akoe trima sala, njonja, harap sadja soeka kasi amp oen akoe poenja d jiwa," meratap itoe pendjahat. Yo Sian Sin mintain Lie Dji ampoen. Pang So Bwee bilang ia maoe kasi ampoen lagi satoe kali pada itoe pendjahat, tapi tida boleh timboel lagi pikiran djahat, hanja moesti djalanken itoe praoe dengen soenggoe -soenggoe hati, dan kaloe soeda sampe di Soetjoan aken dikasi persen sabagimana biasa. Tapi oleh kerna Lie Dji soeda satoe kali berhianat, ia moesti. 509. ^ ^. ^. ^. , ». ^,. ,.

(37) bersoempa jang sangat berat, baroelah djiwanja bisa diampoenin. Lie Dji lantaran sajang djiwanja lantas bersoempa berat sekali, dan itoe waktoe baroelah Yo Sian Sin memboekain iapoenja ringkoesan dan disoeroe toekar iapoenja pakean jang basa, kamoedian dajoeng lagi itoe praoe. Pang So Bwee dan Yo Sian Sin masoek kembali ka masing-masing poenja goeboek praoe. Satoe kali ini Lie Dji soeda merasa bahoewa Pang So Bwee poenja ilmoe kapandean sangat tinggi, hingga iapoenja hati jang djahat djadi koetjoep, sateroesnja ia tida brani timboel lagi pikiran djahat, dengen hatihati ia kasi djalan itoe praoe menoedjoe ka Soeljoan. Samentara Yo Sian Sin lantaran merasa sangat bersoekoer pada Pang So Bwee jang soeda menoeloengin djiwanja, oendang pada itoe gadis kaloe sasoedanja pergi ka Go-bie-san soepaja soeka dateng djalan-djalan ka roemahnja, iapoenja maksoed maoe membales itoe gadis poenja boedi kabaekan ; tapi ia tida brani bitjara teroes terang. ,,Tapi, dengen sangat menjesal akoe tida bisa trima Lotiang poenja oendangan itoe," kata Pang So Bwee, ,,sebab akoe satoe kali ini pergi ka Pek-in-am lantas maoe potong ramboet boewat mendjadi nikoh dan tida aken toeroen lagi ka bawah goenoeng." „Ai, mengapa njonja maoe masoek mendjadi orang pertapahan ?" menanja Yo Sian Sin dengen kaget. „Akoe dalem ini doenia sabatang karang, tida mempoenjai tanggoengan satoe apa, hingga akoe maoe masoek mendjadi orang pertapahan boewat liwatken akoe poenja hari sampe toewa." „Abis njonja poenja poetri ini bagimana maoe diatoernja ?". 510.

(38) Dengen teroes terang Pang So Bwee kasi taoe bahoewa ia masi gadis, sedang hal ichwalnja Yap Tjeng Hoe ia toetoerken dengen sabenarnja. Achirnja ia berkata : „Satoe kali ini akoe bawa ia ka Go-biesan kaloe ia soeda mendjadi besar akoe maoe adjarin ilmoe silat dan kaloe soeda tamat peladjarannja baroelah akoe maoe soeroe ia toeroen goenoeng boewat mentjari pada kadoewa orang toewanja." Mendenger itoe katerangan Yo Sian Sin djadi samingkin kagoemin Pang So Bwee poenja kalakoean jang baek dan berboedi. FATSAL XXVIli. Sasoedanja itoe praoe berdjalan bebrapa harl lamanja achir-achir sampe di bilangan provincie Soetjoan. Pang So Bwee soeroean Lie Dji brenti doeloe di Tiong-keng soepaja Yo Sian Sin boleh mendarat, kamoedian baroe meneroesken perdjalanan ka Go-biekwan. Yo Sian Sin mendarat di Tiongkeng dan hatoerken trima kasi pada Pang So Bwee. Lie Dji kasi djalan lagi praoenja menoedjoe ka Go-bie-kwan. Pada waktoe itoe praoe sampe di itoe district soeda menggerip. Pang So Bwee soeroean Lie Dji berlaboeken doeloe praoenja, kerna satoe maleman itoe ia maoe menginep lagi di dalem praoe dan besok pagi baroe aken mendarat. Tapi pada waktoe Lie Dji tidoer poeles di boentoet praoe pada itoe malem. Pang So Bwee lantaran anggap Lie Dji ada sangat djahat dan seeker bisa berobah mendjadi baek, kaloe dikasi tinggal idoep di dalem doenia tentoe aken menjilakaken pada orang banjak, lantas kerasken hati boenoeh mati pada itoe toekang praoe, dan maitnja dilemparkan ka dalem soengei.. 511.

(39) Pada waktoe langit baroe sadja terang lantas So Bwee pondong Yap Tjeng Hoe mendarat dan bawa djoega iapoenja boengkoesan. la mentjari djalan boewat naek ka atas Oo-bie-san poenja poentjak jang dinamaken Lo-han-hong, di mana ada terdiri Pek-in-am. Itoe Lo-han-hong terletak di Go-bie-san poenja poentjak jang paling tinggi, boewat sampe ka itoe poentjak tjoema ada satoe djalanan ketjil jang sangat berbahaja, oleh kerna itoe djoega, sedikit sekali orang jang dateng sembajang ka gredja terseboet. Seng Beng Soethay mendiriken itoe Pek-in-am di atas itoe Lo-han-hong, memangnja maoe menjingkir dari karamehannja doenia, makanja ia sengadja mamilih itoe poentjak jang sangat tinggi dan djalanannja soeker boewat disampeken manoesia, dengen begitoe ia djadi bisa mejakinken ilmoenja dengen tida terganggoe. Sedang orang-orang jang moendar mandir ka iapoenja gredja, semoewanja ada orang-orang jang ilmoenja tinggi dan loewar biasa. Dalem itoe gredja salaennja Seng Beng Soethay masi ada iapoenja satoe moerid jang dikasi nama Hoei Yan, tapi ia ini ada satoe prampoewan gagoe dan toeli, biar poen parasnja ada sangat eilok dan oemoernja baroe sadja tigapoeloeh taon. Di waktoe ia masi belon mendjadi orang pertapahan ia memake nama Tji Bie Lan, dan ia ada poetrinja satoe orang berpangkat, tapi dari sebab iapoenja iboe dan ajah soeda meninggal doenia, iapoenja sanak koelawarga lantaran anggap ia ada satoe anak prampoewan jang toeli dan djoega gagoe laloe rampas iapoenja harta kakajahan. Seng Beng Soethay lantaran merasa kasian pada itoe anak piatoe laloe adjak ia dateng tinggal ka atas itoe goenoeng dan diadjarin ilmoe silat. Tadinja poen memang ia bermaksoed kaloe sang moend soeda tamat beladjar aken disoeroe toeroen lagi. 512. i j. f.

(40) ka bawah goenoeng boewat merampas kombali iapoenja harta kakajahan, kerna ia liat Hoe! Yan memangnja boekan saorang jang bisa mendjadi saorang pertapahan. Tjoema sadja sabaliknja Hoei Yan sen Jiri jang berkeras tida maoe, katanja ia maoe toeroet pada Seng Beng bertapa dan mendjadi orang alim. Oleh kerna itoe djoega, dengen apa boleh boewat Seng Beng tjoekoerin ramboetnja dan kasi ia nama pertapahan Hoei Yan. Di atas itoe poentjak ada satoe soember aer jang dinamaken Lo-han-tjoan, aernja sangat bening dan sari manis, sedang di pinggirnja itoe soember aer ada toemboe bebrapa poehoen thee jang daonnja ada sangat baek dan wangi kaloe disedoe mendjadi aer thee. Di bagian bawahnja itoe poentjak ada satoe tanah datar jang besarnja satoe mouw lebih, dan oleh Seng Beng bersama Hoei Yan itoe tempat datar dibikin djadi kebon sajoer dan hasilnja boewat marika makan. Oleh kerna itoe djoega, sakali poen itoe gredja tida mendapat derma dari orang-orang jang dateng sembajang, atawa poen toeroen ka bawah goenoeng boewat poengoet der­ ma, itoe goeroe dan moerid bisa liwatken hari dengen tida kakoerangan satoe apa. Soeda lebih dari tiga taon lamanja iaorang tida perna berlaloe dari Lo-han-hong. Pada tiga taon doeloean Seng Beng seringkali soeka toeroen ka bawah goenoeng boewat melakoeken pakerdjahan jang menoeloeng pada orang-orang jang mendapat tjilaka atawa poen soesa hingga ia mendapat itoe djoeloekan Hiap-nie dan perindahken padanja de­ ngen nama seboetan Pek-in-hoet. Tapi dalem tiga taon blakangan ini dari sebab iapoenja pertapahan soeda samingkin madjoe, iapoenja tabeat poen djadi samingkin tawar dan tida gampang tergerak pengrasahannja, maka ia tida maoe toeroen lagi ka bawah goenoeng boewat mentjari oeroesan.. 513.

(41) Pada itoe hari koetika Pang So Bwee satnpe ka sabelah bawahnja Lo-han-hong ia berdongak meliat ka afas, ternjata itoe Pek-in-am tertoetoep sama awan poeti, lapat-iapat kaiiatan tembok merah. Laloe ia ikatken Yap Tjeng Hoe dan pauwhoknja dl atas iapoenja poendak, kamoedian gerakin iapoenja khikangsembari berdjalan seperti terbang ka atas itoe poentjak dengen menoeroetin satoe djalanan ketjil, Tida antara lama kamoedian ia soeda sampe di depannja itoe gredja ; tapi ia menampak kadoewa pintoenja gredja itoe tinggal tertoetoep rapat. Koetika ia mengetok pintoe sampe bebrapa iamanja, tida djoega kadengeran ada orang jang memboekain hingga ia djadi sangat heran, laloe ia berdiri bengong di loewarnja itoe gredja. Blakangan ia tjelingoekan meliat kaädahan di sapoeternja badan, ternjata pada sasoedanja ia meninggalken itoe tempat limabelas taon Iamanja, kaädahan di sitoe masi tinggal tetap sabagimana djoega doeloe, sedikit poen tidaa'da jang berobah. Menginget iapaenja kaädahan diri sendiri, doeloe ia masi anak-anak, tapi sekarang soeda djadi satengah toewa. Tida lama kamoedian iapoenja koelit moeka aken berobah kisoet dan ramboet djadi oebanan dan achirnja ia aken meninggalken in! doenia jang fanah, hingga dengen tida merasa lagi lantas sadja ia mengelah napas pandjang. Mendadak ia denger dari dalem gredja ada soewaranja lotjeng jang sangat njanng hingga ia rasaken hatinja merasa lega dan enak. Laloe ia mengetok lagi pintoe tiga kali dengen perlahan, iida lama kamoedian ia liat pintoenja itoe gredja djadi terboeka, dan Hoei Yan jang masi kaiiatan moeda de­ ngen tertawa memberi hormat. So Bwee boeroe-boeroe membales hormat sambil menanja : ,Apa soehoe se­ karang ada di dalem gredja ? '. 514.

(42) Hoei Yan manggoetken kapalanja dan teroes adjak So Bwee masoek ka dalem itoe kamar di mana Seng Beng lagi bersamedi. So Bwee liat iapoenja goeroe djoestroe lagi bersamedi dengen meremken kadoewa matanja, sedikit poen tida kadengeran soewaranja, laloe ia menjamperin dan berloetoet sambil mendjoera di hadepannja sang goeroe. .Moerid Pang So Bwee memberi hormat pada soehoe," kata ia. Tapi Seng Beng Soethay teroes tida kadengeran menjaoet alawa poen berklisik. Pang So Bwee lantaran belon mendapat prentah dari goeroenja tida brani berbangkit, hanja teroes berloetoet sampe satoe djam lebih lamanja. Koenjoeng-koenjoeng kadengeran Seng Beng menjentak : ,So Bwee, apatah kaoe taoe kaoe poenja kadosahan apa?" Mendenger itoe omongan Pang So Bwee djadi sangat terkedjoet. .Moerid bodo hingga tida bisa taoe soeda berboewat dosa apa?" kata ia. .Maka moerid memoehoen soepaja soehoe soedi memberi katerangan." ,Lie Dji pada sasoedanja ia taoe kadosahannja dan tida berboewat djahat lagi, antarken kaoe orang sampe ka Go-bie-kwan, tida pantas kaoe moesti melanggar kaoe poenja djandji dan boenoeh mati padanja," kata lagi Seng Beng Soethay. .Dengen perboewatan jang saroepa itoe, kaoe masi maoemendjadi moeridnja Boedha ?" Mendenger itoe omongan Pang So Bwee mengaloewarken keringet dingin di sakoedjoer badannja. .Sekarang moerid soeda taoe moerid poenja kado­ sahan." kata ia. .Itoe waktoe lantaran moerid pikir Lie Dji ada saorang jang tabeatnja sangat djahat dan kedjem, koewatir kamoedian ia aken menjilakaken lagi. 515.

(43) pada laen orang, maka lantas moerid boenoeh mati padanja." .Kaloe di hari kamoedian Lie Dji melakoeken lagi kadjahatan," kata Seng Beng Soethay, .tentoe ada orang jang aken beresken padanja ; tapi pada waktoe ia soeda menjesal sama iapoenja perboewatan djahat atawa sedikitnja ia tida timboel lagi pikiran djahat, tida perdoeli lantaran memang menjesal atawa poen tjoema lantaran takoet sadja, masi belon bisa ditentoeken apa sateroesnja ia tida bisa mendjadi saorang baek dan merobah iapoenja kalakoean djahat mendjadi baek, dan kaloe sekarang kaoe boenoeh mati padanja, itoelah ada sangat bertentangan sama toedjoean jang moerah hati dari kita poenja Boedha. Apatah ini boekannja kaoe poenja perboewatan jang berdosa ?" Pang So Bwee dengen tjepat akoeh bahoewa itoe memang iapoenja kadosahan. Seng Beng baroe soeroe moeridnja berbangkit. .Kaoe poenja maksoed kadatengan akoe soeda mengarti semoewanja," kata ia ini gadisnja orang she Yap di hari kamoedian aken mendjadi moeridnja Boedha jang berilmoe tinggi, dan iapoenja dasar ada djaoe lebih tinggi dari kaoe dan djoega dari akoe sendiri." »Satelah berpisahan limabelas taon lamanja, ternjata soehoe poenja ilmoe dan kasaktian soeda madjoe begitoe poenja pesat," kata Pang So Bwee dengen sikap hormat, »hingga sekarang soeda bisa mengatahoei perkara jang blon terdjadi." , Dalem bebrapa faon ini akoe poenja pikiran djadi samingkin djerni, hingga boleh dibilang soeda bisa masoek ka kalangan jang sawadjarnja, oleh kerna itoe djoega sasoeatoe sa'at pikiran'kce mamikirken apa dengen lantas akoe soeda bisa mengetahoei dengen terang perkara itoe.". 516.

(44) Pada itoe hari djoega, Seng Beng Soethay adjak Pang So Bwee bersembajang di depannja Boedhadan tjoekoerin iapoenja ramboet sabagi tanda jang ia aken menganoet pada peladjarannja itoe nabi dari bangsa Hindoe, dan dikasi satoe nama pertapahan Hoei Thong. Moeiai dari itoe waktoe dalem Pek-in-am bertambah lagi satoe moeridnja Boedha jang mejakinken ilmoe kasoetjian. Dalem sedikit waktoe sadja soeda berselang tiga taon lamanja, hingga itoe waktoe Yap Tjeng Hoe soeda beroemoer toedjoe taon. Hoei Thong lantas moeiai kasi ia pengadjaran ilmoe silat. Pada soeatoe hari di moesim dingin mendadak Seng Beng berkata pada Hoei Thong bahoewa ia maoe pergi mengoembara ka laen tempat dan kapannja ia aken balik poelang masi belon bisa dipastiken terlebih doeloe, achirnja ia berkata: »ini gredja tida lama kamoedian aken mendjadi roeboe, dan kawadjiban boewat mendiriken lagi mendjadi baroe, berada di atas kaoe poenja poendak. Sedang di hari kamoedian kaloe Hoei Yan maoe pergi ka laen tempat dan ada perboewatan jang tida pantas, kaoe djangan sembarangan melanggar larangan memboenoeh hingga membikin kaoe poenja diri djadi berdosa sadja. Memang djoega Hoei Yan boekannja ada saorang jang bisa mendjadi orang pertapahan, hingga tida heran kaloe ia melakoeken apa-apa jang melanggar larangan." Hoei Thong menjataken ia aken toeroet apa jang goeroenja pesen. Begitoelah Seng Beng lantas berlaloe dari itoe gredja entah ka mana. Pada waktoe moesim dingin soeda sampe di achirnja, di soeatoe sore mendadakan ada terdjangkit angin riboet hingga di loewar roemah kadengeran soewaranja angin jang menderoe-deroe laksana menggerangnja soewara hari­. 517.

(45) mau, bebrapa banjak poehoen soeda kena dibikin roeboe bersama akar-akarnja. Sedang letaknja Pek-in-am berada di bagian paling atas dari Lo-han-hong, soeda tentoe sadja katioep angin terlebih keras lagi. Hoei Thong djadi inget sama pesenannja iapoenja goeroe di waktoe maoe brangkat bahoewa ini gredja tida lama kamoedian aken mendjadi roeboe, dan itoe hal tentoe aken terdjadi pada ini malem, boeroe-boeroe ia panggil Hoei Yan dan Yap Tjeng Hoe sama-sama kaloewar dari itoe gredja. Baroe sadja iaorang berdjaian bebrapa poeloeh tindakan djaoenja dan berlindoeng di bawahnja satoe tjadas tinggi, mendadak angin santar dateng menioep ka djoeroesannja itoe gredja, Hoei Thong dan doewa kawannja mendekam di moeka boemi. Tida lama kamoedian lantas sadja kadengeran satoe soewara keras sabagi djoega goenoeng ambrek, dan pada waktoe angin soeda moelai djadi kendoran itoe gredja Pek-in-am lebih siang soeda mendjadi satoe toempoekan poeing. Pada satoe malem itoe Hoei Thong dan doewa kawannja tida bisa tidoer. Di waktoe terang tanah oaroelah pengaroehnja angin djadi tida begitoe santer jagi. hmgga itoe tiga orang bisa toeroen ka bawahnja Lo-han-hong. Hoei Thong titipken Yap Tjeng Hoe pada noei Yan, dan marika boewat samentara waktoe menoempang doeloe di Lian-hwa-am. Sedang Hoei Thong sendiri toeroen ka bawah goenoeng boewat minta derma goena mendiriken lagi Itoe Pek-in-am ; tapi tida njana pendoedoek hartawan d« Go-bie-kwan semoewanja moeris, sedang Hoei Thong ada saorarig jang tida bisa mengoempak-ngoempak, Diar poen ia soeda djalan mengider sampe di saloeroe district hasil jang ia dapat koempoel masi belon tjoekoep saratoes tail perak, tapi soeda memboewang tempo tiga boelan lamanja.. 518.

(46) Hoei Thong mendapat pikiran maoe minta derma di laen district, mendadak ia dapat inget pada Yo Sian Sin, itoe soedagar barang permata, tentoe ada banjak kenal pada orang-orang kaja, kaloe sadja ia minta pertoeioengannja boewat minta derma tentoe aken bisa berhasil. Laloe ia brangkat menoedjoe ka kota Tiongkeng, dan mentjari pada Yo Sian Sin menoeroetin sabagimana adres jang doeloean itoe soedagar barang permata telah kasiken padanja. Satelah sampe di roemahnja koelawarga Yo, ia minta bertemoe Yo Sian Sin, kabetoelan itoe waktoe Sian Sin djoestroe berada dalem roemahnja. Pada waktoe bermoela mendenger ada satoe nikoh jang minta bertemoe padanja, Sian Sin kiraken nikoh biasa sadja, maka ia prentahken boedjangnja boewat kasiken sadjoembla oewang dermahan biasa boewat dikasiken pada itoe nikoh. .Akoe harap kaoe soeka kasi taoe pada Yo Sietjoe bahoewa Pang So Bwee dari Go-bie-san Pek-in-am minta bertemoe," kata Hoei Thong pada itoe boedjang. Itoe boedjang masoek lagi ka dalem boewat mengasi taoe pada madjikannja. Yo Sian Sin koetika mendenger kabar Pang So Bwee dateng, boeroe-boeroe bersama istrinja, Tjoe-sie kaloewar menjamboet pada itoe Indjin jang telah menoeloeng iapoenja djiwa. Satelah diadjak masoek ka dalem kamar, Tjoe-sie berloetoet dan mendjoera di hadepannja Hoei Thong boewat hatoerken trima kasi atas itoe pertoeloengan jang dilakoeken pada soewaminja. Di laen pihak ia prentahken boewat menjediaken satoe medja santapan jang tida memake barang berdjiwa goena menjoegoehin pada Hoei Thong. Hoei Thong lantas kasi taoe iapoenja maksoed kadatengan. Yo Sian Sin dan istrinja dengen lantas menjanggoepin jang marikaaken mengasi derma sariboe tail perak. Blakangan ia toeloeng mintaken derma dari. 519.

(47) bebrapa banjak hartawan jang ia kenal. Achirnja samâ sekali telah dapat dikoempoel lima riboe tail perak lebih, djoembla mana Hoei Thong rasa soeda sampe tjoekoep boewat mendiriken lagi satoe gredja baroe, laloe ia balik poelang ka Go-bie-kwan dan panggil bebrapa banjak koeli dan toekang, lebih doeloe ia bikin itoe djalanan ketjil jang berbahaja mendjadi satoe djalanan jang besar dan bagoes, agar kaloe kamoedian Pek-in-am jang baroe soeda rampoeng, orang-orang lelaki dan prampoewan jang maoe dateng bersembajang tida djadi moendoer lantaran perdjalanannja soeker dan berbahaja. Satelah berselang tiga taon lamanja, baroelah itoe gredja dan djalanannja mendjadi rampoeng. Boekan sadja itoe gredja djadi baroe malah djadi lebih besar dan kekar dari doeloean, djika dibandingken sama jang lama besarnja ada kira-kira tiga kali lipat. Yo Sian Sin dan istrinja jang pertama kali dateng bersembajang ka itoe gredja kamoedian laen-laen orang jang telah mengasi derma poen dengen beroentoen pada dateng sembajang, hingga itoe gredja jang doeloenja ada begitoe soenji dan aman, sekarang mendjadi sangat rameh sama orang jang dateng sembajang. Sasoedanja berselang satoe taon lebih, baroelah orang-orang jang dateng sembajang djoemblarjî djidi lebih sedikit. Tapi dari sebab itoe djalanan keijil jang berbahaja sekarang soeda dirobah mendjadi djalanan besar dan bagoes, orang-orang pelantjongan jang mendenger tentang kabagoesannja pemandangan alam di Lo-han-hong dalem segala waktoe tida poetoesnja soeka dateng mengoendjoengin itoe gredja, hingga tida bisa tinggal soenji dan aman lagi sabagimana doeloean. Tida antara lama kamoedian Hoei Yan mengikoet satoe pamoeda jang dateng djalan-djalan ka itoe gredja kaboer entah ka mana. Blakangan ada tersiar kabar. 520.

(48) bahoewa Hoei Yan soeda mendjadi goendiknja itoe pamoeda. Hoei Thong dari sebab soeda mendapat pesenan dari goeroerja, maka sama sekali tida maoe ambil poesing iloe oeroesan. Tapi dalem hatinja ia merasa sangat menjesal soeda bikin itoe djalanan ketjil dan berbahaja mendjadi djalanan bagoes dan besar, hingga soeda membikin Pek-in-am jang soenji dan aman djadi tempatrja orang-orang jang dateng plesir. Tapi itoe waktoe lantaran beias soeda mendjadi nasi, ia tida bisa beiboewat satoe apa. Samentara Yo Sian Sin saban taon dengen tentoe dateng bersembajang ka itoe gredja. Pada soeatoe taon Yap Tjeng Hoe soeda tjoekoep beroemoer anambelas taon, dan iapoenja roman djadi samingkin eilok sadja, sedang iapoenja ilmoe kapandean poen ada sangat tinggi. Pada soeatoe hari mendadak kaliatan Yo Sian Sin dateng megoendjoengin ka Pekin-am, koetika melihat pada Hoei Thong lantas sadja ia berkata: .Lohan ada satoe kabar baek boewat dikasi laoe pada soehoe." .Kabar baek apa sih boewat satoe orang pertapahan ?" menanja Hoei Thong sambil tertawa. Ternjata pada moesim semi taon ini Yo Sian Sin brangkat berdagang lagi sabagimana biasa, dari Tiongkeng ia menoedjoe ka Koeiyang, dan di tengah perdjalanan ia kena ditjegat oleh sakawanan begal, beroentoeng ada satoe orang gaga jang kabetoelan djalan meliwat ka itoe tempat menoeloengin djiwanja dengen melabrak pada itoe kawanan begal. Blakangan Yo Sian Sin lantas oendang itoe orang gaga sama-sama menginep di satoe hotel, di mana ia sediaken satoe medja makanan dan minoeman boewat menjoegoehin pada itoe orang gaga.. 521.

(49) Pada sasoedanja bitjara baroelah ia mengetahoeï Uoe orang gaga jang menoeloengin padanja bernama Yap Pin Sin. Biai<angan Yo Sian Sin toetoerlcen prihai doeloean ia soeda perna ditoeloengin oleh satoe prampoewan gaga jang bernama Pang So Bwee, toetoericen djoega tentang i<aädahannja Pang So Bwee jang sabegiloe djaoe ia taoe. Koelika Yap Pin Sin mendenger Pang So Bwee pada bebrapa belas taon berselang telah dapat poengoet satoe anak prampoewan ketjil jang bernama Yap Tjeng Hoe, hatinja djadi sangat girang tertjampoer kaget. Laloe ia kasi taoe bahoewa lapoenja anak prampoewan jang djoega bernama Yap Tjeng Hoe, pada waktoe beroemoer tiga taon telah ilang ditjoelik orang, sampe sekarang bebrapa belas taon lamanja tida ada kabar tjeritanja, dan ditjari di segala tempat poen tida bisa katemoe. Sekarang lantaran tida sengadja menoeloengin pada Yo Sian Sin ia bisa mendapat kabar prihai Pang So Bwee telah poengoet satoe anak prampoewan jang bernama Yap Tjeng Hoe. _ Blakangan pada waktoe ditanjaken lebih terang bagimana roeparija itoe anak prampoean, oemoer dan tempat terdjadinja, ternjata semoewanja ada tjotjok, sebab tida terlaloe djaoe dari tempat tinggainja Yan Pin Sin pada itoe waktoe, maka amat boleh djadi kaloe itoe anak prampoewan jang dipoengoet ada poetrinia Yap Pin Sin. Yo Sian Sin koetika mendenger itoe katerargan hatinja djadi merasa sangat heran, laloe ia kasi taoe bahoewa Pang So Bwee sekarang mendjadi nikoh di Oo-bie-san Pek-in-am, sedang Yap Tjeng Hoe soeda mempoenjai ilmoe kapandean silat jang tinggi, dan ini waktoe masi tinggal dalem itoe gredja. Maka kaloe sadja maoe bertemoe ia kasi pikiran soepaja Yap Pin Sin lekas pergi ka itoe goenoeng.. 522.

Referenties

GERELATEERDE DOCUMENTEN

&#34;Sepertl akoe poenla kadoedoekan sekarang, memanglah pantes akoe: djadl dlnlsta dan dl- bentli, apalagl orang [ang memang ada poenja hoeboengan rapet dengen dlrlkoe.

&#34;Akoe poenja harta soeda moesna, kena orangtipoe, dan akoe poenja ajah sendiri soeda mati dengen mereres, akoe poenja iboe jang begitoe sajang dan tjinta pada- koe, iapoenja

&#34;Hoedjin, akoe ini boleh dibilang ada saorang jang telah menerima Hoedjin dan kongtjoe Liong Tjaij poenja boedi dan perloeloengan [ang teramat besar, lantaran mana soedah

boeatkerdjaken itoe perkara moelia. 0 I begimana &#34;Akoe soeda roba itoe niatan,&#34; kata Eugenio, besar adanja akoe poenja trima kasi pada kau &#34;kesatoe akoe tiada soeka

Mengapatah akoe poenja hati ada djadi begitoe soeka dan tjinta padamoe?! Itoelah akoe sendiri tida taoe, dan brangkali kaoe djoega jang poenja diri tida taoe. Akoe tentoe merasa

- ~aloe akoe keloear dari roernan]a, tida perna dapet Hat ada orang, tapi akoe tida berani tang- goeng jang tida ada orang daleng kaloe akoe soeda poelang. Sering akoe ketemoe

Tapi akoe poenja kainginan tida aken brenti, sabelonnja akoe bisa dapetken pangkat jang paling tinggi dalem tingkatan militair. la ini adalah satoe soldadoe jang sanget gaga brani,

&#34;Akoe poenja ajah tida taoe jang akoe ada di sini, ia tentoe kira akoe masi ada di Hangtjioe melakoeken kawadjiban Tjinsoe. Ai, kaloe inget ini akoe djadi inget pada