TJERITA ROMAN

„Oh, ja, saia denger kaoe dilamar orang. Mary, apa barangkali sekarang kaoe djoestroe asik pikir­

kan itoe soeal?!"

„Dari siapa kaoe mendengar itoa kabar, 'nko Jo-han?"

„Ada sadja jang kasih saia taoa ; tapi apa itoa ka­

bar ada batoel?!" menegasih Johan dengan roapa koaatir.

„Ja "

„Dan kaoe loapa dengan Johan jang miskin? "

„Oh, mana bisa? Ketahoeilah 'nko, Mary poenja batin tida begitoe rendah! Dalem perkawinan saia tida dasarkan pemilihan diatas kaja atawa miskin-nja itoe orang; ia boleh miskin, lebih miskin dari sa-toa koeli, asal ia ada manjotjokin angen-angen saia.

Sebaliknja ia boleh kaja, lebih kaja dari Rockefeller tapi saia tida aken perdoaliken, kaloe ternjata ia tida t jot jok dengen angan-angan saia!"

„Bagoas, bagoas." barsoerak-soerak Johan semba­

ri tapok-tepok orang poenja poendak. „Memang tida kliroe orang gelarken kaoe „The Belle of S ' Kerna memang boekan tjoema romannja jang tjan-tik manis, sedang hatinja poen sänget moelia dan pangrasahan dan angan-angennja ada begitoe tinggi dan aloes. Soenggoeh daar, kaloe kaoe maoe jakin-ken kasoasastra'an, saia garantie kaqa bakal men-djadi satoe penoalis dan panjair jang djarang ban-dingannja, hingga orang jang membatja aken toe-roet keloearken aer mata bila kaoe meloekisken hal

jang mendoekaken ,dan orang aken toeroet goem-bira bila kaoe meloekisken hal jang manggirang-ken!" Memoedji-moedji itoa pamoeda jang ternjata ada satoe achli toakang mengoempak, dengen Mary

'NONA MODERN 7' 45 jang masih moeda, masih idjo dan anggep dirinja sanget pinter djadi kegirangan.

,,Ach, kaoe kaloe bitjara soeka dilebih-lebihken, mana saia ada poen ja itoe matjem kepandean?"

„Kaoe taoe sendiri, nona, bahoea Jehan tida per­

nah bitjara djoesta! Teroes terang saia bilang, ba­

njak saia kenal nona-nona moeda, tapi tida satoe jang seperti kaoe, nona "

Mary tertawa dengen girang. Ia sanget bangga ! Memang orang prempoean soeka dipoedji-poedji.

Tida ada satoe prempoean jang tida gemar dengen poedjian, dan kaloe ada jang bilang tida dojan de­

ngen poedji-poedjian marika itoe berdjoesta!

Pepata ada bilang: Semoet mati digoela, manoe-sia mati dilagoe! Begitoepoen dengen Mary kita

jang gila-basa, selandjoetnja ia djadi anggep Jo-han itoe ada seorang lelaki jang paling djoedjoer, paling boleh dipertjaja dan last but not least paling tjakep dalem pemandengannja

O, poor Mary

„Mary, apa kaoe soeka kasih ketrangan tentang itoe lamaran?"

„Oh ja, lebih doeloe saia hendak hatoerken ma'af atas kekasaran orang toeakoe tempo hari." Berkata Mary jang dengen mendadak dapet inget kedjadian

itoe malem.

„Ach, boeat apa kaoe retjokin oeroesan jang soedah lama saia loepaken! Saja pandeng itoe tida lebih dari loemrahnja orang toea jang bawel dan kokati!"

„Trima kasih, 'nko, saia girang kaoe tida pandeng heibat itoe kedjadian jang saia sendiri tida bisa se-toedjoe." Kemoedian ia berdiam sedjoeroes. „Ten­

tang itoe lamaran, dengen ringkes saia bisa

toetoer-46 TJERITA KOMA N ken, saia telah tolak itoe dengen getas dan ke-doea orang toea saia menoeroet dengen keinginan saia jang pantes!"

„Soekoer, nona, tjoema apa saia boleh menanja lebih djelas?"

„Tentoe sadja!"

„Kenapa kaoe tolak lamaran itoe dengen getas?!"

,,Ach, kaoe memang djail!" Djawabnja sembari tjoebit orang poenja lengen, sementara kedoea pipi-nja djadi bersemoe mérah djamboe.

„Sebab saia pandeng itoe sanget penting."

,,Sebabnja? Ach, masa kaoe begitoe dogol! Boe-kankah kita soedah djandji boeat saling bersetia sa-toe kepada laen."

,,Djadi artinja kaoe tida sia-siaken pengharepan saia?" menegesin Johan dengen soeara jang rada goemeter.

Mary tjoema majiggoetken kepalanja sebagi dja-waban, tapi itoe tjoekoep bikin Johan madjoe men-deketin tempat doedoeknja. Mary agaknja mengerti dengen kehendakannja itoe kekasih, maka dengen tjepet ia kedipin matanja dan mojongken moeloet-nja ka djoeroesan erf roemah, dimana ada berdjong-kok satoe djongos jang menoenggoeken titah-titah.

Dengen lantas Johan dapet kendaliken dirinja.

„Mari kita pergi makan angin sore." mengoen-dang Johan.

Mary tida mendjawab tapi ia lantas berbangkit dan masoek toekar spatoe.

Tapi latjoer betoel boeat marika, kerna diloear doega'annja Mary tiba-tiba Hwat-tjay keloear dari kamar. Boleh djadi itoe orang toea djadi mendoe-sin kerna denger soeara pembitjara'an marika,

ata-'NONA MODERN? 47 wa bisa djadi djoega sang firasat mengisikin boeat ia bangoen pada sebelon temponja.

Mary djadi sanget terkedjoet hingga ia berdiri kemekmek. Dalem itoe keada'an, boleh djadi ia lebih soeka ketemoe dengen setan jang katanja mena-koetin dari pada ketemoe ajahnja dalem waktoe begitoe.

Hwat-tjay jang dapet meliat kebingoengannja itoe gadis lantas menegor;

„Kaoe maoe apa?"

„Tida, tida apa-apa 'pa "

„Tapi itoe spatoe?" menegor Hwat-tjay sembari intjer spatoe jang Mary pake. „Itoe boekan spatoe jang kaoe biasa pake diroemah! Kaoe maoe berpi-gian barangkali?!"

Mary djadi sanget bingoeng, ia tida dapet pikir bagimana moesti mendjawab atawa djoestaken sang ajah. Tapi ini sikep djoestroe membikin 'ntjek Hwat-tjay djadi lebih bertjoeriga.

„Mary, akoe kirim kaoe sekolah boekan dengen maksoed boeat kaoe peladjarken hal-hal jang tida bagoes dan djoestaken orang toeamoe! Bilang te-roes-terang, kaoe hendak apa?!"

Mary djadi tambah bingoeng hingga tida bisa mendjawab sepata perkata'an. Hwat-tjay jang djadi tambah bertjoeriga lantas maoe keloear hingga membikin Mary djadi kekroepoekan.

„Pa, saja nanti bitjara teroes terang." Katanja itoe anak darah sembari memboeroe dan tjekel ta­

ngan ajahnja. „Saja aken pergi keloear sebentar."

„Kenapa kaoe moesti berdjoesta lebih doeloe ? Bi­

lang," sekarang dengen soeara bengis. ,,Sebetoelnja kaoe hendak kerdja apa dan sama siapa kaoe hen­

dak pergi?!"

48 TJERITA ROMAN