oleh iboe dan dirinja sendiri, maka Sardjan ada sänget bentji dengen lelaki boesoek jang selaloe mentjari korban kepada orang-orang prempoean jang berhati lemah. Ia pernah bersoempah kepada iboenja diwaktoe itoe iboe hendak brangkat mati, boeat nanti goenaken sebagian hidoepnja boeat menghoekoem kepada lelaki-lelaki doerdjana.
Maka tida mengheranken kaloe ia trima titahnja sang madjikan dengen hati mantap. Ia berdjandji dalem hati sendiri, boeat nanti boenoeh dan iroep darahnja Johan kaloe dapet diketemoeken ! Ia tida pikir melit-melit kepada larangannja wet, kerna ra-sanja ada sepantesnja boeat ia berkorban kepada Hwat-tjay dan soempanja sendiri.
Tapi bagimana dengen Tjwan-tiong?
Tjwan-tiong tida begitoe fanatiek seperti Sar
djan, tapi tjinta-soetji jang ia diam-diam tanem boeat dirinja Mary membikin ia djadi hilap dan sä
nget moerka. Ia pandeng Johan sebagi satroe jang mengantjoerken tjita-tjita hidoepnja. Ia anggep, kaloe Johan tida dateng menjelak tentoe Mary ba
kal mendjadi istrinja, kerna seperti pembitjara'an-nja Hwat-tjay waktoe itoe orang moeda maoe be
rangkat mendjalanken titahnja, bisa diliat dari menaroh Sympathien ja itoe orang toea terhadep di
rinja!
Ibarat harimau jang terloeka badannja Tjwan-tiong pergi mentjari Johan boeat lampiasken ke-moerka'an hatinja!
Begitoelah dengen giat dan dengen tida mengenal tjape, itoe doea orang pergi oebek-oebekan dari sa-toe doesoen ka laen doesoen, dari sasa-toe kota ka laen kota boeat mentjari ketrangan dan
djoeroe-74 ÏJERITA ROMAN san kemana marika telah maboer tapi djangan lagi ketrangan dimana sekarang itóe pasangan merpati telah terbang dan tinggal, sedeng kedjoeroesan ma
na sadja marika ada melariken diri tida.ada seorang poen jang bisa mengalih ketrangan.
Sekarang marilah kita tinggalken pada jang men-tjari boeat ikoetin maboernja itoe sepasang orang moeda jang sedeng mengedjer napsoenja.
Seperti pergerakannja Tjwan-tiong dan Sardjan, begitoepoen ada diambil oleh Johan bersama Mary.
Johan jang litjin sengadja bawa kekasihnja dari sa-toe kota pinda ka laen kota, kerna ia merasa djeri dengen pengaroeh dan kekaja'annja Hwat-tjay jang gampang soeroehan orang boeat bekoek dirinja.
Mary jang menaroh kepertjaja'an besar kepada itoe kekasih maen menoeroet sadja kemana djoe-ga Johan bawa, kerna boekankah boeat ia tjoema asal djangan ditelantarken oleh Johan!
Paling blakang Johan pilih Batavia sebagi tem
pat tinggalnja jang tetep, kerna ia pikir Betawi jang besar dan padet dengen pendoedoek aken me-njoekerken boeat orang mentjari dirinja.
Sebagi pendjaga'an, Johan djarang sekali bawa Mary kloear pintoe dan Mary jang gampang dika
sih mengerti tekend accoord, kerna ia poen insjaf aken berbahajanja djikaloe oendjoek diri sanget merdika diantara oemoem. Bener belon tentoe orang soeroehannja — kaloe ajahnja ada menitah — sang ajah berada di Batavia, tapi ia koeatir nanti kebe-toelan sala-satoe kenalan ajahnja jang pasti ada mengenalken djoega dirinja, dapet meliat dirinja!
Ia poenja minggat dari roemah ada membekel banjak oeang dan perhiasan badan jang berharga besar, maka djoega kendati soedah liwat tiga
boe-•NONA MODERN?' 75 Ian marika toentoet hidoep dengen merdika, dengen rojal dan dengen Johan zonder bekerdja, marika tida merasa soeker. Tapi ibarat pepata ada kata;
Biar goenoeng jang besar, kaloe dipatjoelin teroes saben hari, lama kelamahan bakal abis, begitoepoen dengen harta bekelannja.
6 boelan dapet diliwatken dengen tentrem, kenda
ti djoega Johan tida pernah berdaja boeat menam-bahken bekel hidoepnja, tapi pelahan-pelahan se-moea oeang dan barang perhiasannja mendjadi abis!
Satoe hari Mary tjoba peringetken kepada Johan tentang keada'an financiennja dan andjoerken ia boeat tjoba beroesaha atawa bekerdja sama orang, tapi Mary djadi ketjele, kerna kaloe ia tida toetoer-ken tentang crisisnja keada'an marika, barangkali Johan masih teroes lagoeken dirinja dengen boedi bahasa manis dan lemah-lemboet, tapi sebegitoe le
kas ia dikasih taoe tentang abisnja marika poenja bekelan, itoe lelaki jang ia djoendjoeng dan har-gaken sehingga tida berat meninggalken kedoea orang toeanja, lantas oendjoek roepa oering-oeri-ngan.
„Apa kaoe bilang, Mary?" katanja dengen mata melotot hingga Mary djadi kemekmek, kemoedian itoe njonja moeda koetjek-koetjek matanja dari sa
king herannja, kerna sadjek marika bersama-sama minggat ,baroe ini kali ia dapet menampak itoe ma-tjem sikep brutaal!
,,Oeang simpenan kita soedah moelai abis, saia harep kaoe soeka berichtiar goena kebaekan kita....
„Djaman lagi begini soesah,.di sana-sini toko pa
da lakoeken perhimatan, dimana saia bisa dapetken lowongan pekerdja'an. Menoeroet pikirankoe dari
76 TJERITA ROMAN pada berdaja mentjari pekerdja'an jang bakal per-tjoema ada lebilj baek kita beroesaha sendiri."
„Saia serahken bagimana kaoe rasa baek, Johan".
„Ja, ja, tapi kaoe tida boleh lepas ta«gan."
Mary memandeng tampangnja itoe kekasih de
ngen roepa tida mengerti.
„Saja maoe beroesaha, tapi tentoe sadja tida bi-sa dengen tangan kosong "
„Abis bagimana? Doeloe sewaktoe barang sedikit-sedikit saia masih poenja, kaoe tida maoe ambil perdoeli, dan sekarang bagimana?"
,,Apa betoel-betoel semoea barangmoe soedah abis, Mary?"
„Oh, djadi kaoe kira saia mendjoesta?"
„Boekan begitoe, Mary jang baek,; saia bilang, barangkali masih ada ketinggalan satoe doea ma-tjem."
Mary bersangsi boeat sebentar.
„Apa kaoe maoe berdagang dengen soengoeh-soenggoeh Johan?"
„Natuurlijk, Mary!"
,,Kaloe begitoe baeklah." sembari berkata begi
toe Mary berbangkit dan berdjalan masoek dalem kamar tidoernja dengen diboentoeti oleh Johan dengen tindakan pelahan-pelahan.
Mary tida mendoesin kaloe Johan mengoentit di-blakangnja, baroe kapan ia lagi keloearken satoe toesoek konde mata brilliant dari dalem latji lema
ri pakean dan Johan rampas dari blakang ia djadi kaget.
„Ha, saia poen soedah doega dari dimoeka!" ka-tanja Johan dengen menjengir sembari pandeng boelak-balik itoe toesoek konde.