TJERITA ROMAN Mary tida bisa mendjawab ketjoeali toendoeken

kepalanja.

Hwat-tjay lantas lepasken pegangannja itoe poe-tri dan bertindak keloear dimana ia djadi berdiri berhadepan dengen Johan jang djoestroe berdjalan moendar-mandir menoenggoein moentjoelnja Mary.

Tjahaja beringas sigra mentjorot dari matanja itoe ajah jang sebetoelnja masih sepet.

„Hei, manoesia koerang adjar!" memaki Hwat-tjay dengen sengit. „Mengapa lagi-lagi kaoe djoeal laga di sini!"

Kena didamprat dengen sekoenjoeng-koenjoeng selagi pikirannja penoeh dengen bajangan Tjinta-kasih, Johan djadi sanget kemekmek dan apa maoe ini dalem pemandengannja Hwat-tjay jang djoes­

troe goesar, ada actie hendak melawan.

„Bangsat, djahanam, akoe tida kesoedian meliat tetjangormoe lebih lama! Hajo pergi!"

„Oom "

„Djangan banjak tingka!"

„Saja harep kaoe soeka pake sedikit atoeran!"

„Atoeran? Manoesia renda minta diperlakoeken dengen atoeran?!" mendjengekin Hwat-tjay dengen soeara keras. „Pergi kaoe, d jangan bertinka!"

„Papa " memoehoen Mary sembari menangis dan peloek tangannja itoe ajah.

„Pergi kaoe djangan tjampoer bitjara!" membeii-tak Hwat-tjay sembari kibasken tangannja, hingga itoe gadis djadi sempojongan.

Tatkala itoe dari djoeroesan loear ada menda-tengin Tjwan-tiong, sala satoe keponakannja Hwat-tjay jang membantoe ia oeroes toko. Ia dateng de­

ngen satoe keperloean boeat oeroesan toko.

•NONA MODERN?' 49

„Tiong, seret dan oesir ini badjingan!" menitah Hwat-tjay.

Tjwan-tiong madjoe menjamperin, Johan kelia­

tan hendak melawan, tapi djepitannja Tjwan-tiong, satoe sportman jang dimaloein, bikin ia djadi me­

ringis dan menoeroet diseret keloear.

„Ati ati kaoe, orang sombong." Demikian kede-ngeran Johan mengantjem dengen tjahaja mata be­

ringas. „Boeat ini hari poenja perhina'an ,nanti kaoe moesti bajar dengen mahal!"

Berbareng dengen itoe 'ntjim Hwat-tjay jang dja­

di kaget mendoesin dari tidoernja menjelak:

„Ada apa? Ada apa?!"

Tida ada orang jang mendjawab pertanja'annja, tapi dengen meliat Mary jang doedoek menangis dalem satoe korsi, itoe istri lantas dapet mendoe-ga apa sebabnja itoe riboet-riboet.

„Soeamikoe, kenapa kaoe selaloe moesoehken Ma­

ry?!"

Hwat-tjay tida mendjawab, hanja pandeng tam-pangnja itoe istri dengen mata melotot, hingga diam-diam itoe 'ntjim djadi djeri.

„Mama, mama," Mary mengeloeh sembari pelok kaki iboenja. „Ini kali Mary tida maoe soedah, 'ma "

„Kenapa?"

„Papa roesaken kebroentoengan hidoep saja!"

„Kenapa, bagimana?!"

„Papa telah tjatji dan oesir toendangan saja...."

„Astaga, tobel!" katanja itoe iboe dengen moe-loet menganga.

„Bagoes, tida taoe maloe!" menoempangin Hwat-tjay.

50 T.IERITA ROMAN' Tjwan-tiong jang tida ingin toeroet denger boe-roe-boeroe tinggalken marika poelang.

„Apa kaoe bilang, Mary? Kaoe soedah bertoen-dangan?! Tapi sama siapa? Dan kenapa kaoe tida kasih kita taoe ! ?"

„Saja belon sempet kasàh mania taoe, tapi kita soedah saling djandji boeat menikah kerna kita sa­

ling menjinta."

„Ee eh, nanti doeloe! Mary; sama siapa kaoe bertoendangan ? ! "

„Sama 'nko Johan, 'ma, masa mama tida menger­

ti."

„Apa akoe bilang," menggrendeng Hwat-tjay.

,,Sedari tempo hari akoe djoega soedah menjata-ken keberatan itoe badjingan wara-wiri di sini, tapi kaoe membelaken, dan sekarang ini ada hasilnja!"

Njonja Hwat-tjay djadi boengkem. Ia mengerti kesalahan ada di fihaknja jang selaloe membelaken Mary dengen memboeta.

„Denger," kata Hwat-tjay dengen soeara bengis.

„Moelai ini djam kaoe poenja kemerdika'an bergaoel atawa keloear pintoe ditjaboet! Tegesnja benteng pingitan sekarang berlakoe "

„Papa "

„Tida ada alesan atawa protest lagi! Pendeknja kaoe tjoema tinggal menoeroet dan abis perkara;"

,,Boenoeh sadja saia, papa " Katanja itoe poetri dengen menangis sesambatan.

„Kaloe kaoe tida maoe denger larangan orang toea, teroesken perhoeboengan dengen itoe badji­

ngan, akoe lebih soeka liat kaoe brenti bernapas!"

katanja itoe ajah dengen soeara bengis dan sikep mengantjem, sifatnja itoe orang toea ada

seolah-•NONA MODERN?' 51 olah matjan jang terloeka, njonja Hwat-tjay tjoema bisa memandeng dengen kesima.

Mary teroes menangis sesambatan sembari mem-protest dengen soeara tida terang.

„Sardjan." Treak Hwat-tjay sembari djalan moendar-mandir dalem itoe roeangan dan gendong kedoea tangannja. Sardjan jang dikaokin lantas berdjongkok di satoe samping dengen sikep hormat.

Itoe djongos roepanja tjoekoep mengerti dengen heibatnja keada'an. „Denger kaoe Sardjan, moelai ini djam kaoe haroes berlakoe awas pada sekiternja ini roemah tangga, kaloe ada orang, tida perdoeli siapa; kaloe sampe kedjadian itoe orang jang tida teringin mengindjek sebelah kaki diatas djoebinnja ini roemah, akoe mentjari salah kepada kaoe, me­

ngerti?!"

,,Saia madjikan." Kemoedian itoe djongos lantas menjingkir kapan dibri tanda oleh toean madjikan-nja.

,,Kaoe djoega moesti pikoel tanggoengan, istri-koe ; kaloe aistri-koe kebetoelan tida ada diroemah, kaoe haroes taoe segala tingka lakoenja Mary, kaloe ia perloe berpigian, kaoe moesti menganter "

„Kenapa papa berlakoe begitoe kedjem, apa papa sekarang tida pertjaja lagi dengen Mary?"

„Itoe ada kaoe poenja maoe sendiri; kita telah kasih kemerdika'an seloeas-loeasnja kepadamoe, ta­

pi kaloe ternjata kaoe tida bisa goenaken kesem-petan itoe boea hal-hal jang pantes, kepaksa kita tjaboet "

,,Djadi pada rneiioedot' saia lakueken hal jang ti­

da senoenoe?" memprotest Mary dengen penasaran.

52 TJERITA ROMAN ,,Akoe tida moenoedoe begitoe, tapi kaoe telah perbahajaken diri dengen bergaoel pada segala ba-djingan "

„Saja moehoen papa djangan menjatji ia jang ti­

da berdosa "

„Kaoe membelaken? Ha, ternjata moeslihatnja itoe badjingan soedah meresep dalem kalboemoe!"

„Kaoe brutaal, 'pa, kaoe menghinaken orang zon­

der alesan!"

,,Kaoe ingin alesan? Denger: Kaloe ia boekan kandoeng maksoed boesoek pada sesoedahnja akoe perhinaken boeat jang pertama, tida nanti ia ada itoe moeka boeat kemari lagi "

„Kaoe kliroe, 'pa, itoelah ada tanda dari tjintanja jang soetji! Tjinta dapet menangken segala apa, hingga oepama kata djiwa poen kaloe perloe orang brani pertarohken!"

„Kaoe anak bawang mengerti apa? Kaoe masih terlaloe idjo boeat kenalken sifatnja Tjinta sedja-ti. Sekarang ia mengakoe tjinta kaoe sebab taoe kaoe mendjadi achliwaris satoe-satoenja dari kita, tjoba kaoe ada anaknja seorang miskin, apa ia nan­

ti mengakoe tjinta djoega?!"

,,Kaoe pandeng segala apa dengen oekoeran har­

ta, 'pa; saia brani tanggoeng ia aken sama menjin-tanja kendati saia mendjadi anaknja seorang mis­

kin, kerna tjinta itoe boekan djoeal-beli!"

,,Kaoe gendeng, kaoe fanatiek kerna tjinta-boe-ta, boeat sekarang kaoe tida bisa denger segala na-sehat orang toea, tapi kaloe nanti segala apa soedah kasep baroe kaoe ketahoei tembaganja dan itoe waktoe kendati kaoe boeat menjesel tida ada satoe pengaroeh atawa kekoeasa'an jang bisa kombali-ken kemenjeselanmoe! Tida, biar bagimana djoega

'NONA MODERN? ₅₃

In document mumizt NQV.iqzci. (pagina 52-57)