roch saia?! Oh, bidadari jang eilok, saia ber-oetang boedi berat sekali dari kaoe ! Kaoe bisa dioepamaken sebagi iboe saia jang kedoea!
Seperti kaoe saia poen tida koerang-koerang menjeselnja dengen beradanja itoe djoerang dalem jang memisaken antara kaoe dan saia.
Tapi sesoedahnja saia pikir dan pikir lagi dengen teliti dan mateng, saia mendapetken sa-toe djalan oensa-toek pemetjahan!
„Apa itoe?" barangkali kaoe aken menanja, dan djawabannja ada; „Minggat;"
Saia bisa mendoega dari dimoeka, kaloe kaoe membatja sampe di sini, tentoe aken koetoek saia sebagi orang jang kokati, jang lebih me-mentingken diri sendiri dari orang laen! Me
mang njawa, kaloe dipikir dengen seliwatan tindakan itoe keliatannja kedjem; tapi tida., kaloe orang pikir dengen menilik semoea hoe-boengannja keada'an sehingga kita ambil itoe djalan. Pikir sadja, orang telah desek kita be-gitoe heibat, tindes kita dengen tida perdoeli-ken pada rasa prikemanoesia'an ! Boeat kese-nengannja sendiri orang tida perdoeliken kita poenja Tjinta-Soetji
Kaoe aken setoedjoe dengen pendapetan sa
ia kaloe kaoe memikir begini : kerna marika ti
da toeroet merasaken oewetannja Tjinta-Soetji jang kita sedeng alamken, maka dengen ringan marika adaken itoe berbagi-bagi rintangan, tapi tjoba marika berada dalem kedoedoekan seper
ti kita, apa nanti marika kata?
Tadinja, seperti apa saia ada toelis dalem soerat pertama, saia ambil poetoesan boeat
•NONA MODKUN?' 65 djaoehken diri dari kaoe, nona, kerna saia da-pet meliat itoe perbeda'an deradjat diantara kaoe dan saia, tapi kerna hati saia dibikin ter
gerak dengen pernjata'anmoe jang djoedjoer dan berdasar atas iketan tjinta jang sedjati, maka saia ambil poetoesan boeat korbankan diri saia jang tida berharga boeat membelaken kaoe poen ja hak boeat hidoep!
Toeroetlah voorstel saia, djiwa-hati; marilah kita sama-sama berdjoang di itoe sorga-ketjil jang orang namaken ,,pernikahan berdasar pe-ngrasa'an saling-menjinta!"
Saia berdjandji dari sekarang, njawa, saia nanti djaga dan pimpin kaoe boeat kenalken satoe persatoe dari teka-tekinja Tjinta dan Per
nikahan jang kaoe aken menampak dalem per-djalananmoe! Pertjajalah manis, disana kaoe nanti dapetken segalanja serba goemilang, ser
ba manis, jang mendatengken sadja rasa be-roentoeng jang tida terhingga! Apa kaoe per
nah danger itoe dongengan tentang sorga? Ka-loe orang hilang sorga itoe tjoema bisa disam-peken sesoedahnja orang mendjadi aloes dan tjoema boeat siapa jang berdjasa dalem prike-manoesia'an, itoelah omong kosong! Sorga itoe adalah romannja kebroentoengan sedjati jang sepasang merpati dapet mentjapei dalem per
nikahan jang ideaal!
Saja menjinta kaoe seperti belon pernah ada laen lelaki bisa menjintaken satoe prempoean dan kaoe poen idem, hingga ada apa lagi jang haroes disangsiken atawa dikoeatirken aken broentoengnja perangkepan djodo kita ini?
Pertjajalah saia, darling, kaoe nanti hidoep
da-66 TJERITA ROMAN lem Sorga dengen broentoeng; saia nanti men-djadi kaoe poenja boedak boeat penoehken se-soeatoe keperloean dan keinginanmoe
Soepaja kaoe dapet ambil poetoesan dengen tida ragoe-ragoe, biarlah saia angkat soempa, njawa; kaloe nanti saia sia-siaken kaoe, tjoe-rangken kaoe, atawa tida berdaja sesoenggoeh-nja boeat kaoe masoek dalem sorga jang di-pangenenken oleh sesoeatoe orang moeda, biar
lah Toehan koetoek saia dan melaikat elmaut terkem saia dalem kematian jang tida sewa-djarnja
Oh darling, apa kaoe masih koerang pertja-ja sesoedah mendenger itoe soempah pertja-jang pa
ling berat? Apa kaloe saia bermaksoed tida baek nanti brani angkat soempa jang begitoe berat ? !
Djoega satoe hal perloe diterangken di sini, kaoe barangkali merasa berat tinggalken ke-doea orang toeamoe jang telah memiara dan besarken kaoe sehingga seperti sekarang; itoe betoel, manis, tapi kaoe haroes inget, sesoeatoe orang haroes menikah, begitoe djoega dengen kaoe, kaloe" tida sekarang nanti djoega dateng itoe koetika dimana kaoe moesti mengikoet sa-toe soeami jang orang sa-toeamoe nanti pilihken!
Dan kaloe kaoe pikir, kerna perginja dengen minggat itoe pertalian antara anak dan orang toea aken terpoetoes, itoe djoega tida betoel, boeat sebentaran selagi marika marah boleh djadi marika tida aken taroh perhatian, tapi nanti kaloe ternjata kaoe tida meleset dalem pilihanmoe hingga kaoe djadi broentoeng, saia pertjaja kedoea orang toeamoe aken soeka
tri-•NONA MODERN?' 6Î ma kombali kita. Boekankah orang toea penoeh ma'af kepada anak-anaknja! Dan jang teroeta-ma adalah saia, teroeta-masa saia tegah boeat pisah-ken kaoe dengen kedoea orang toeamoe? Tida manis, saia selaloe bersedia boeat meminta pe-ngampoenan dari kedoea orang toeamoe!
Marilah njawa, kita bersama-sama belajar-ken penghidoepan menoedjoe ka itoe poelo da
ri kenangan
Besok malem, djam 12 saia harep kaoe soe-dah bersedia menoenggoe kedatengan saia.
Kaoe tida oesah tanja dan sangsi kemana sa
ia nanti bawa kaoe, dengen ringkes saia bisa bilang, saia saedah atoer semoea programma dengen hati-hati, dan boekankah biar dimana djoega asal berserta dengen saia kaoe aken broentoeng?! Kaloe kaoe tida soeka menjam-boet pengorbanan saia ini kali, besoknja djam 8 pagi kaoe aken denger warta heibat jang menimpah diri saja; itoe saia soedah pikir de
ngen tertip, saja tida moendoer madjoe boeat djalanken semoea tindakan, kerna goena apa saia hidoep lebih lama lagi, kaloe hidoepkoe ini tjoema bakal tersiksa kerna patah hati
Dari kaoe poenja Johan jang tida beroentoeng.
P.S. - Kalop kaoo sooka trima voorstel saia, manis djangan loepa sekalian bawa kaoo poenja siinpenaii oeaug dan perhiasan badan kerna itoe perloe boeat onkost didjalan dan Itaoe pake sendiri meriaskon diri, selagi saia belon broentoeng dapet tjari
peker-dja'an! J.
68 TJEKITA ROMAN
„Djahanam, anak gendeng " Treak Hwat-tjay sembari kertek giginja. „Akoe brani bertaroh ia djatoh dalem tjangkremannja satoe djahanam be
sar. Kasian, kerna oesianja jang moeda bikin ia gampang terboedjoek "
,,Maka ampoenken ia, soeamikoe." memoehoen iboenja Mary jang mengharep hatinja itoe ajah jang kakoe dapet dieloek selagi merasa terharoe.
„Tida, tida, akoe tida bisa memberi ampoen ! Ke
napa ia tida maoe mendenger nasehat orang toea!
Maka kaloe ia sampe djadi tjilaka itoe ada risico-nja sendiri!"
„Djangan, soeamikoe; Mary masih moeda, ia tida tahan dengen penggoda!"
„Ia lebih hargaken satoe djahanam dari pada kita, maka boeat kita poen abis perkara!"
Berbareng dengen itoe Tjwan-tiong jang dipang
gil telah dateng dengen diikoet oleh Sardjan.
Dengen soeara goemeter bahna menahan rasa amarahnja 'ntjek Hwat-tjay toetoerken segala apa kepada Tjwan-tiong jang ia pertjaja dan ingin pa
ke tenaganja.
Kaloe dengen mendadakan Tjwan-tiong moesti dengerken menjambernja goentoer barangkali tida bikin ia begitoe kaget seperti baroesan mendenger mengilangnja Mary berikoet membawa djoega soe-manget-hati dan tjita-tjita hidoepnja. Maka djoega boeat sekean lamanja itoe orang moeda berdiri mendjoeblek dengen moeloet menganga.
,,Kaoe denger Tjwan-tiong tentang tindakannja kaoe poenja ade-misan si Mary?"
Tjwan-tiong manggoetin kepalanja sebagi dja-waban dengen gerakan kalm. Poekoelan heibat jang
•NONA MODERN?' 69