Toenggoelah terbitnja !
34 T.TÉRITA ROMAN IV
P
A D A s o e a t o e s o r e s e l a g i H w a t - t j a y b a r o e poelang dari toko, di pintoe pekarangan depan ada berpapasan dengen Mary jang hendak per
gi dengen ditemeni oleh seorang moeda jang ia tida kenai, ia maoe menegor, tapi itoe pasangan soedah menindak di straat, maka ia oeroengken.
Di liat dari seanteronja, keada'annja itoe orang moeda ada sanget tida mengasih dalem pemande-ngannja, maka djoega ia pandeng penting itoe per-sobatan.
Kepada istrinja ia menanjaken banjak-banjak perhoeboengannja itoe orang moeda dengen Mary, tapi dari itoe iboe ia tida dapet ketrangan jang mempoeasken, ketjoeali ia itoe ada sobatnja Mary, dan soedah berapa kali dateng koendjoengin Mary diadjak djalan-djalan atawa nonton bioscoop.
„Ach, kaoe pandeng terlaloe saderhana pada se
gala apa, istrikoe." Menjeselin ia sembari mengalah napas. „Kaoe moesti selaloe insjaf, bahoea Mary sekarang soedah besar hingga segala tingka lakoe dan persobatannja haroes ditilik dengen betoel...."
,,Itoe orang moeda kenapa sih?"
„Akoe belon bisa bilang ia dari golongan apa, ta
pi diliat dari seanteronja ia boekan ada orang baek-baek, maka kita moesti hati-hati kaloe kita tida maoe menjesel dikemoedian hari!"
Sang istri berdiam.
,,Abis kaloe menoeroet kaoe poenja atoeran moes
ti bagimana?"
,,Djaman djoestroe begini kaloet, kerna kaoem prempoean Tionghoa jang biasa hidoep disekep de
ngen mendadakan dikasih kemerdika'an
seloeas-'NONA MODERN V 35 loeasnja, kaloe kita boleh ambil peroepama'an, ma-rika ada seperti anak-anak jang baroe moelai bela-djar djalan dan dilepasken sendirian dengen zon
der baboe pengasoehnja, marika djadi limboeng dan tida taoe apa jang baek dan tida baek pada saki-ter dirinja! Menarik keoentoengan dari ini keada'an limboeng, kawanan lelaki jang berbatin rendah goe-naken moeslihat boesoek boeat sesatken sesoeatoe prempoean jang bisa didjadiken korban! Boektinja, tjoba kaoe tengok pada keada'an doea tiga poeloeh taoen jang laloe, boekankah kita djarang mende-nger anak prempoean minggat ikoet lelaki ketjin-ta'annja!"
„Kaoe kliwat koekoeh, soeamikoe; di sitoe ting
gal orang prempoean sendiri, kaloe jang memang-nja genit biar dipingit dengen keras poen tida koe
rang-koerang akal boeat minggat, sebaliknja biar anak prempoean dioembar, kaloe jang berhati te-goeh tentoe tida gampang diboedjoek oleh segala koertjatji!"
,,Djoestroe kerna itoe kekoeatiran djoega, istri-koe, maka akoe tida setoedjoe anak prempoean ter-laloe dioembar; boekankah kaloe perkara belon ke-djadian kita tida bisa bedaken mana orang jang berhati tegoeh atawa lemah? Maka sebagi pen-djaga'an tida ada maski kita dit jap koekoeh!"
,,Tapi djaman ada meminta begitoe roepa, soea
mikoe; sekarang soedah oemoem anak lelaki dan prempoean maen dioembar, kaloe kita berkoekoeh boeat pingit anak prempoean saia koeatir nanti membawa akibat djelek oentoek lapang pernikahan-nja, kerna kaloe anak prempoean kita simpen sadja di dupuor abis bagimana itoe anak-anak lelaki bo-lehnja dapet meliat? Dan dengen begitoe boekankah
36 TJERIÏA ROMAN djadi seperti kita sengadja toetoep pasar perdjo-doannja?"
„Tida, biar anak lelaki akoe djoega tida setoedjoe biarken galang-goeloeng meniroe blanda-blan-da'an!"
„Ja, soeamikoe, tapi itoe tjoema berwates kepa
da anak kita, tapi bagimafia dengen itoe anak-anaknja orang laen ? ! Dan djoestroe perdjodoannja anak-anak kita ada mengandel dengen anak-anak-nja itoe orang laen ! Maka saia nanti moefakat de
ngen atoeranmoe ini, soeamikoe, kaloe kaoe mam-poe robah dan kombaliken keada'an oemoem seka
rang seperti keada'an djaman doeloe, dimana dalem mendjodoken anak-anak selaloe bergantoeng kepa
da pilihannja orang toea, tapi kaloe keada'an dja
man tetep seperti sekarang, saia protest keras ka
loe kaoe hendak brangoes kemerdika'annja Mary!"
Hwat-tjay djadi boengkem.
„Kaloe kaoe masih koerang poeas, soeamikoe, sa-ja bisa oendjoek satoe tjonto sa-jang sampe sekarang masih bisa diliat." Ia toenda pembitjara'annja dan menengok kepada soeaminja seperti hendak me
liat itoe soeami taroh perhatian atawa tida. „Kaoe liat pada Lian-hoa (anaknja misanan marika), oh, soeamikoe, saia soeka merasa mengeres kaloe me
liat Lian-hoa, ia telah mendjadi korban dari kekoe-koehan orang toean ja! Membit jaraken Lian-hoa ke
salahan itoe haroes dit jari kepada tjatji Giok (iboe-nja Lian-hoa) kenapa ia maen menoeroet sadja de-ngen atoeran soeaminja jang mendidik Lian-hoa menoeroet model koentjir, jalah djangen lagi sam
pe melangka pin toe hjeai- ,sedeng boeat melongok straat sadja soedah dibentak-bentak dan ditoedoeh beladjar genit! Sekarang apa djadinja? Betoel
de-•NONA MODERN?' 37 ngen itoe matjem pendidikan Lian-hoa djadi sere-gep dan pande bekerdja tapi berbareng ia moesti korbanken oesia moedanja, itoe masa dimana hati-nja orang-orang moeda penoeh dengen madoehati-nja penghidoepan ! Lian-hoa terdorong moendoer dari pasar pernikahan kerna ditjap „Prawan-kolot"
Lian-hoa tjoema soeroep mendjadi kokki dan baboe orang toean ja! Dan kaoe soeamikoe .apakah kaoe tegah bikin Mary djadi begitoe matjem?"
Hwat-tjay diam mendjoeblek kerna sänget getoen dengen tjaranja itoe iboe membelaken kemerdika'an
poetrinja.
Ternjata itoe ajah terdjatoh dalem keada'an ser
ba sala. Kekoekoehan hatinja menjoeroeng ia boeat membelaken pendiriannja, tapi ia tida mampoe membanta tjengli istrinja jang berdasar dengen ali
ran djaman. Kerna memang bener djaman sekarang gadis didikan model koeno terdesek dari pasar per
kawinan jang selaloe dioeber-oeber adalah itoe go
longan gadis jang katanja „modern", jaitoe: jang ramboetnja di bobbed, poepoernja medok, bibirnja disepoeh lippenstift dan alisnja disipat, seperti anak wajang; bisa naek speda, tenteng racket, isep roko, mendjadi anggota perkoempoelan jang pande ber-gaoel dan populair, seperti anak lelaki!
Maka djoega achirnja Hwat-tjay tjoema bisa me-ngelah napas berat!
„Ja istrikoe, keada'an djaman memang meminta begitoe; tapi saia tetep berpendirian, sebaek-baek-nja anak prempoean dioembar masih mendingan
jang diwatesken kemerdika'annja kendati djoega moesti alamken „berat-djodo"! Pikirlah djalannja perkara dengen sekalian hoeboengannja dengen
ter-38 TJERITA ROJtAM tip, djangan kaoe nanti baroe menjesel kaloe ke-ada'an soedah kasep!"
Kemoedian ia tinggalken istrinja kloear, kerna ia tida bernapsoe boeat landjoetken itoe pertentangan
jang memakan hati.
Di pekarangan depan Hwat-tjay berdjalan moen-dar-mandir sembari gendong kedoea tangannja, dji-datnja dikeroetken begitoe roepa. Njatalah pikiran-nja itoe ajah ada sanget terganggoe.
Tida lama kemoedian lontjeng disebelah dalem kedengeran berboenji 10 kali.
Soedah djam 10 malem dengen Mary belon djoe-ga poelang; bagimana itoe ajah tida mendjadi iboek?
Sampe dalem itoe koetika, Hwat-tjay tjoema bi
sa menjesel kenapa Mary ditjiptaken mendjadi anak prempoean !
Setengah djam kombali berlaloe dengen Mary belon djoega keliatan mata idoengnja, tidalah heran hatinja itoe ajah djadi lebih-lebih bingoeng dan koeatir. Ia soedah maoe pergi menjoesoel kapan ti
ba-tiba Mary moentjoel dengen masih dianter oleh itoe orang moeda djoega.
Soedah dibilang Hwat-tjay merasa koerang se-neng dengen itoe orang moeda ketambahan seka
rang ia disoeroeh liat tangan gadisnja disengklek begitoe merdika seaken-aken istrinja, tidalah heran kaloe kemoerka'annja itoe ajah djadi
bertambah-tambah: .
^ U
,,Kaoe dari mana sadja, Mary?" Menegor ia de
ngen soeara sedikit goemeter.
„Saia pergi nonton bioscoop, 'pa!"
•NONA MODERN?' 39
„Bagoes sekali tingka lakoemoe, ja? Denger, akoe tida seneng liat kaoe kelajapan sedari sore sampe begini waktoe baroe inget poelang!"
„Kapan baroesan saia soedah bilang, 'pa, saja pergi nonton "
,.Persetan dengen segala alesanmoe!" Memben
tak itoe ajah jang djadi bertambah sengit.
,,Saia mendjadi saksinja, Oom."
Kaloe itoe orang moeda tida tjampoer bitjara barangkali Hwat-tjay masih bisa kendaliken nap-soenja:
,,Persetan djoega dengen kaoe!" membentak Hwat-tjay dengen bengis.
„Oom "
,,Djangan djoeal tingka disini, pergi!" mengoesir Hwat-tjay dengen soeara aseran, kemoerkahan membikin itoe orang toea loepa pada segalanja.
,,Papa " Berseroeh Mary seraja menjelak diantara marika.
,,Pergi kaoe masoek, anak pedjadjaran!" menjen-tak Hwat-tjay sembari dorong gadisnja hingga sem-pojongan. ,'Sekarang kaoe, manoesia boesoek, apa kaoe masih maoe membelar di sitoe?!" meneroesken ia dengen sikep mengantjem.
Itoe orang moeda keliatan hendak marah, tapi Mary merijamperi dan minta ia iringken keinginan-nja ajahkeinginan-nja. Begitoelah dengen menjoengging ke ta
wa dingin di moeloetnja itoe orang moeda berdja-lan pergi.
Njonja Hwat-tjay jang dapet mendengar soeara riboet-riboet dan kemoedian disoesoel soeara tangi-sannja Mary lantas memboeroe keloear.
,,Ada apa? Eh, kenapa kaoe menangis, Mary?"
40 TJERITA ROMAN
„'Ma, papa berlakoe keliwatan ; ia oesir sobat saja dengen zonder alesan " menerangken Mary de
ngen menangis.
Hwat-tjay mengerti perselisihan bakal tida bisa disingkirken lagi, maka dengen lantas ia berdjalan masoek. Kendati ia masih marah, tapi pikirannja tjoekoep terang. Ia tida ingin didjadiken tontonan orang loear selagi riboet moeloet dengen anak istri-nja sendiri.
Dan bener sadja seperti Hwat-tjay ada mendoega, sesoedah dapet ketrangan tjoekoep dari gadisnja, njonja Hwat-tjay lantas masoek mentjari soeami-nja boeat diadjak beritoengan.
,,Soeamikoe, boekankah baroe tadi kita remboek halnja Mary; tapi kenapa sekarang djadi begini?!"
„Akoe tida kesoedian liat tjetjongornja itoe ba-djingan!"
„Tapi ia ada sobatnja Mary, bagimana kaoe hen
dak oendjoek kebentjian dengen zonder sebab."
,,Kaoe orang prempoean biasa didalem roemah sa
dja, hingga pemandengannja tjoema terbates pada hal-hal jang baek dan soetji sadja, maha kaoe taoe dengen akal badjingannja! Mary poen ja djadi se
perti sekarang poen ada dari sebab gara-garanja!"
„Itoe djoesta, 'ma 'nko Johan tida pernah boe-djoek saja lakoeken ini itoe."
,,Kaoe denger soeamikoe?"
„Kaoe anak bawang taoe apa!" membentak Hwat-tjay dengen aseran. „Sekarang sebelon ia oendjoek tembaganja kaoe bisa pandeng ia moelia ; tapi kaloe kaoe teroes koekoehi anggepanmoe ini; nanti da-teng satoe koetika dimana kaoe menjesel dengen kelakoeanmoe jang sekarang!"
'NONA MODERN T' 41
„Tida, papa sengadja menakoet-nakoetin!"
Hwat-tjay kemoedian kalah sabar, maka dengen napasnja keliatan memboeroe ia memoetoesken.
„Sekarang begini sadja, istrikoe. Dalem laennja hal akoe tida maoe ambil banjak taoe, tapi goena ini satoe akoe tetep melarang, kaloe Mary tida denger larangan ini, akoe nanti ambil hak-koe sebagi satoe ajah! Pertjoema kaoe orang membelaken!"
Mary menangis dengen keras sembari protest itoe poetoesan, tapi Hwat-tjay tida maoe perdoeliken, malah dengen sigra ia masoek dan gabroekin pin-loe kamarnja.
Maoe tida maoe Mary djadi beroeroesan sad]a dengen iboenja.
,,Papa sanget kliwatan, 'ma, ia sengadja tentang-ken keinginan saia!"
Sang iboe diam memikir. Tapi achirnja ia ambil fihaknja Hwat-tjay, kerna biar bagimana djoega se
bagi ajah ia ada berhak penoeh terhadep oeroesan anaknja, apalagi baroesan ia soedah terangken, la tjoema inginken ini satoe hal jang Mary tida boleh langgar!
„Soedahlah Mary, toeroetlah apa jang papa ingin, akoe soedah bosen dengen pertentangan moe
loet "
,,Tida, tida bisa!"
„Inget, papamoe nanti berlakoe lebih keras!"
iisaia lebih soeka mati dari pada moesti diperla-koeken sewenang-wenang!"
Sang iboe jang tida maoe itoe pertentangan nanti membawa boentoet seperti mogoknja sang anak tempo hari, lantas tinggalken ia masoek, tapi Mary jang masih penasaran teroes boentoetin ia keloear masoek sembari menangis sesenggoekan!
42 ÏJERITA ROMAN Mary ini kali salah raba, kerna sang iboe jang soedah ambil poetoesan tetep tida maoe didjebak dengen tingka alemannja. Ia teroes toetoep moeloet kendati Mary protest begini atawa begitoe; hingga lama kelamahan Mary djadi bohwat sendiri.