Toenggoelah terbitnja !
•NONA MODERN?' 29
„'Nko Hwat-tjay." katanja Boen-liong pada se-sa'at kemoedian. „Lebih doeloe saia harep kaoe orang tida boeat ketjil hati kaloe saja menoetoer-ken, bahoea kedatengan kita ini sebetoelnja ada di atas perminta'annja Liang-san oentoek beresken satoe soeal "
Boen-liong merandek dan Hwat-tjay mengawasin dengen menaroh perhatian.
„Bilangken sadja 'nko Boen-liong, diantara sobat baek tida oesah banjak pake peradatan jang tida se • moestinja."
„Kaloe kaoe orang tida menampik kemiskinan ki
ta, kita aken merasa girang sekali, kaloe kaoe orang soeka samboeng persobatan kita dengen periketan familie."
,,Djadi kaoe meminang Mary?"
„Ja, kaloe kaoe orang tida keberatan."
Hwat-tjay diam toendoekin kepalanja. Ia seperti sedeng memikir. Boen-liong dan istrinja menoeng-goe djawaban dengen menahan napas.
„Saja merasa serba salah, 'nko Boen-liong, kerna dengen berobahnja djaman seperti apa kaoe orang poen roepanja ada setoedjoeken, dalem memperdjo-doken anak-anak kita orang toea poenja hak seka
rang banjak merosot; tida seperti doeloe, soeal per-djodoan ada terpegang dalem tangannja orang toea, tapi anak djaman sekarang, dalem perdjodoannja maoe tjampoer taoe. Maka kaloe kaoe orang bisa setoedjoe, saja hendak dasarken oeroesan kita de
ngen aliran djaman sekarang, jalah saia nanti pas-rahken poetoesannja kepada Mary sendiri kaloe nanti Mary moefakat saia poen toeroet moefakat, tapi sebaliknja kaloe kita orang tida broentoeng rangkep marika mendjadi djodo, saia harep kaoe
30 TJERITA ROMAN
orang poen tida boeat ketjil hati." Djawab Hwai-tjay dengen pandjang lebar, kerna rasanja ia bisa menebak dimoeka, bahoea Mary aken tida setoedjoe dengen itoe perangkepan djodo, dan boeat ia me
nolak berterang ia merasa tida enak.
„Itoe betoel, 'nko Hwat-tjay."
Mary lantas dipanggil.
„Mary doedoeklah di sitoe." Menitah Hwat-tjay kepada poetrinja boeat berdoedoek didepannja njo-nja Boen-liong. „Ini Oom dan Tante baroesan lamar kaoe."
Mary sebaliknja toendoeken möekanja seperti ga
dis djaman berapa poeloeh taoen berselang, diwak-toe dapet taoe dirinja sedeng diarah, malah dengen sikep toapan angkat moekanja memandeng dengen bergantian antara Boen-liong dan istrinja.
„Baek, 'ntjim, saja membilang banjak trima ka
sih, tapi kasilah saia taoe, boeat siapa 'ntjim lamar saja?"
Njonja Boen-liong jang tida mendoega dapet itoe matjem pertanja'an djadi seperti kemekmek. Diam-diam dalem hatinja ia berdoa, soepaja lamarannja djangan ditrima. Ia boeat getoen, mengapa Liang-san boleh ketarik dengen ini matjem prempoean?
Kaloe boeat ia; biar bagimana djoega ia tida bisa setoedjoe. Mary poenja tingka lakoe keliatan sanget langka dalem pemandengannja itoe 'ntjim jang ti
da biasa meliat gadis-gadis djaman sekarang jang katanja „modern", teroetama itoe pakean pyama ada sanget menjolok pemandengannja, hingga ia jang meliat sadja rasanja djenga sendiri. Itoelah kerna boeat menoeroetin mode, pyama jang dige-marken adalah jang potongan dibagian dadanja be-gitoe longgar sehingga boeah dadanja itoe gadis
•NONA MODERN?' 31 ampir keliatan, dan pasti sadja, apabila itoe gadis djoestroe sedikit bongkokin badannja sembarang orang bisa meliat tetenja!
„Boeat saja poenja anak si Liang-san "
,,Ee eh, kenapa Liang-san; boekannja Cari atawa Dick! Tapi jang perloe apa 'ntjim poenja anak soedah tamat sekolah dan di sekolahan ma
na?!"
„Soedah, Liang-san soedah loeloes dari T. H. H.
K "
„Eh, djadi ia sekolah tjina." Memoetoes itoe ga
dis sembari keroetken djidatnja. „Apa ia tjoekoep pande bahasa Inggris dan djoega bitjara Inggris-nja lantjar?! Djoega apa ia pande maen piano?
Pande maen viool dan menjanji? Djoega apa ia pande maen tennis, voetbal dan stuur auto?!"
,,Tobel begitoe banjak! Tapi anehnja tiada satoe jang penting! Ach, nona, saia tida bisa djawab satoe per satoenja; saja tjoema djawab satoe, ba-hoea Liang-san tjoekoep pande dan lantjar bahasa Inggrisnja."
„Tapi bagimana dengen piano dan dansa?!"
Njonja Boen-liong gojang-gojang kepala dari sa
king herannja.
,,0h Allah, begitoe aneh semoea pertanja'anmoe, nona; kaoe toch tida kepingin djadi istrinja toe-kang djidoer?"
Dengen moekanja djadi merengoet dan soeara getas ia mend jawab :
„Itoe 'ntjim tra oesah perdoeliken ! Sekarang tjo-ba kasih saia taoe jang laennja,'apa anak 'ntjim Itoe pand« maen tennis seperti Kho Sin-kie? Pande maen voetbal seperti Lee Wai-tong?!"
32 TJEIUTA UÜMAN
„Tennis? Apa itoe?!" Mengadjokin njonja Boen-liong sembari boeka lebar matanja. „Ach, akoe tida
mengerti apa itoe tennis! tapi voetbal terang Liang- i, ^ san tida pande, sebab kita tida soeka ia
peladjar-ken itoe permaenan jang bisa bikin patah toelang kaki. Soenggoe saia merasa Scinget aneh dengen
se-moea pertanja'anmoe, nona, kaloe kaoe tanjaken c w Liang-an itoe bisa tjari doeit atawa tida, itoe
sa-ja bisa moefâkat, sebab bisa dsa-jadi kaoe koeatir nan
ti kelaparan dan hidoep telantar "
„Soedah tjoekoep, 'ntjim." Memotong Mary sem
bari bangoen dari doedoeknja. ,,Nou, sekarang 'ntjim bisa denger poetoesan saia; saja merasa tida tjotjok dengen 'ntjim poenja anak, maka djoega 'ntjim poenja lamaran saia tida bisa trima!"
Dan dengen tida menoenggoe lagi orang poenja djawaban itoe gadis lantas balikin badannja
ting-galken marika semoea jang masih pada doedoek me- ^ longo.
Boen-liong djadi saling melirik sama istrinja de
ngen pengrasa'an tida enak. Hwat-tjay jang dapet menebak pengrasa'annja itoe tetamoe lantas me-noempangin kata:
,,Nah apa saja bilang, 'nko Boen-liong, kita kaoem orang toea sekarang tida lagi mempoenjai hak boeat
menetepken perdjodoan anak-anaknja! Saja harep ^ sadja dengen memandeng kita poenja persobatan,
soekalah kaoe ma'afken Mary." ^
Boen-liong oetjapken perkata'an jang bermak-soed merendahkan diri dan tida lama kemoedian ia lantas berpamitan poelang. 'Ntjek Hwat-ljay tji)]).i menahan soepaja marika soeka tinggal sedikit lu-mahan, tapi 'ntjim Boen-liong bisa memberi alesan
i
'jJONA MODERN?' 33
bagoes, hingga Hwat-tjay tida bisa menahan lebih djaoeh.
„Kaoe liat sendiri, istrikoe, Mary telah keilangan sifat prempoeannja! Sanget sekali Mary membikin orang toea maloe!"
„Tapi soeamikoe, biarnja Mary moefakat dengen itoe lamaran, saja aken menentang, kerna saia tida moefakat."
„Akoe tida bilang perdjodoan itoe moesti didjadi-ken, tapi terhadap orang poenja maksoed baek kita tida boleh menghinaken. Kaoe moesti inget, satoe waktoe Mary toch moesti menikah, tapi apa nanti djadinja, kaloe ia perlakoeken orang poenja lama
ran begitoe roepa, tidakah ia aken meroesaken dja-lan perdjodoannja sendiri!"
Sang istri tOendoçken kepalanja dengen tida me
rasa. Maoe tida maoe ia moesti benerken djoega anggepan soeaminja. Maka ia djadi mengelah na
pas dengen tida terasa.
MEMANDENG PENOELiSNJA