bajar 50 CENT per boelan.
Keterangan orang bisa dapet dari
A D M I N I S T R A T I E
^^Liberty^
M A L A N G .
NONA MODERN?'
VI.
SA T o E minggoe berlaloe dengen tjepet.
Sepandjang itoe hari-hari jang liwat dalem itoe roemah tangga keliatan ada tentrem.
Masing-masing fihak roepanja ogah membitjara-ken lagi itoe oeroesan, tapi dengen begitoe boekan katanja itoe oeroesan lantas djadi beres. Tida, sega
la apa berdjalan seperti tadinja, tjoema sebrapa bi
sa marika saling mengendaliken dirinja sendiri.
Berapa kali Mary niat menentang larangan ajah-nja, tapi saben-saben ia terpaksa oeroengken mak-soednja, kerna sang iboe jang biasanja gampang diadjak beroeroesan, sekarang bawa sikep tegoeh!
Mary sekarang tida lagi bisa mendjoestaken ata-wa alesken iboenja, kerna kaloe Mary keliatan hen
dak memaksa, sang iboe meloeloesken, tapi dengen conditie ia maoe ikoet, dan Mary jang hendak per
gi ketemoeken Johan tentoe sad ja taroh keberatan dengen mengikoetnja itoe iboe!
Begitoelah hari-hari diliwatken dengen penoeh kedoeka'an oleh itoe anak darah. Ia aken pergi di-waktoe iboenja meleng, tapi ini djoega tida bisa, kerna koentji garage dan koentji contact-machine auto dipegang oleh iboenja, sedeng boeat ia pergi dengen naek deelman, ia merasa maloe!
Di fihaknja Johan poen tida tinggal diam, berapa kali ia dateng mengoendjoengin, tapi Sardjan jang setia selaloe melintang sebagi halangan. Satoe wak-toe kapan ia tjoba memaksa masoek Sardjan lantas oendjoek roepa tida seneng dan mengantjem:
„Toean moeda, bener saia tida lebih satoe djo-ngos, tapi madjikan saia tarohken itoe kepertjaja'an besar diatas poendak saia, maka saia moesti
mem-56 TJERITA ROMAN beläken kwadjiban itoe sehingga achir napas saia!
Kaloe sampe kedjadian begitoe roepa, saia harep toean-moeda tida seselken saia, kerna kwadjiban im berarti mangkok nasi saia berikoet seroemah tang
ga saia!"
Dan Johan tida poenja soemanget laki-laki men-djadi koentjoep dengen itoe antjeman nekat. ^ ' Satoe siang Mary keliatan doedoek menoendjang djanggoet dengen roman doeka di serambi depan.
Lama sekali itoe gadis doedoek diam sebagi pa-toeng. Ia poenja pikiran roepanja bekerdja keras sskäli«
Sesa'at kemoedian, berbareng dengen terdenger-nja ngelahan napas berat kedengeran itoe anak darah menggrendeng begini:
,,0h penghidoepan, oh nasib; kenapakah kaoe tida broentoengken saia dengen djalan kaboelken segala keinginan dan tjita-tjita hidoep saia? Saja soeka membajar kaoel dengen menderma seperampat ke-kaja'an jang saia nanti trima:, kaloe kaoe bisa ro-bahken kekoekoehan orang toea saia!"
Kemoedian ia diam bengong awasken melajang-lajangnja awan poetih dengen sepasang matanja
jang keliatan tida bersoemanget. Memandeng itoe ia seperti mendapet djawaban oentoek pernjata an-baroesan, dan djawaban itoe roepanja tida me-moeasken keinginannja, maka sebentar kemoedian sembari mengembengken aer mata dan mengelah napas berat kedengeran ia menggrendeng begini:
„Helaas, nasib itoe ada kedjem; sedari dja,di anak-anak saia selaloe mengharep-harep lekas dja-di besar, agar boleh toeroet itjipken kebroentoe-ngannja penghidoepan dewasa jang penoeh
kemer-•NONA MODERN?' 57 dika'an, tapi sesoedah koetika itoe dateng, berbalik saia kepingin mati!"
Kemoedian ia tekep moekanja dengen kedoea ta-ngannja dan menangis ter&edoe-sedoe dalem kesoe-n jiakesoe-n !
Helaas, baroe sekarang Mary itoe merasaken ba-gimana rasanja orang berdoeka dan merasaken sengsaranja orang jang tida beroentoeng! Heibat sekali itoe soeal djawab hidoepnja mempengaroeh-ken keada'an dirinja, hingga kaloe doeloe orang ka-taken ia : melek matanja melek moeloetnja sekarang lebih soeroep dibilang: 'patoeng-hidoep', hingga ke-soenjiannja itoe gedong-astana jang boeat sekean lamanja tertjemar, sekarang dapet kombali!
Pada tatkala itoe satoe hamba post dateng me-njamperi, Mary jang dapet denger soeara tindakan ' kakinja boeroe-boeroe angkat kepalanja kerna me
ngira Johan jang dateng berkoendjoen^.
Boeat sebentaran ia merasa ketjele, tapi kemoe
dian sepasang matanja jang tadinja sanget goe-rem, tiba-tiba keliatan bersorot terang.
Itoelah kerna ia kenalken toelisan tangannja Jo
han, dengen tida menoenggoe lagi perginja itoe hamba post, Mary boeroe-boeroe robek enveloppe-nja:
Mary, ratoe penghidoepan saia,
Mary jang manis, apa kaoe bisa membajang-ken keada'an saia sadjek itoe riboet-riboet pa
da tempo hari? Oh njawa, kaloe dibilang Doe-nia ini dengen mendadakan berobah tjioet itoe
lah aken dibenerken oleh seorang jang berada dalem kedoedoekan seperti saia
Doeloe saia ada bergoembira dan selaloe ber-hati-besar bahoea saia nanti perdjoangken dan
58 TJERITA ROMAN prentah Doenia dengen segalanja boeat membi
kin kaoe beroentoeng, selagi kaoe berdiri di-samping saia sebagi pesero-pesero hidoep saia.
Tapi sekarang; oh sekarang saia tida bisa lagi memikir apa-apa, otak saia rasanja begini ge
lap; kematian sadja jang selaloe berbajang-bajang diantara boeloe mata
Seperti apa saia soedah sering njataken ke
pada kaoe, bidadari, saia bakal tida bisa hidoep dengen zonder kaoe,- maka saia menjesel sekali soedah tida mampoe membawa diri boeat men-dapet perhatiannja ajahmoe.
Saia nanti lantas angkat kaki dan lempar diri di satoe podjok Doenia jang djaoeh, sebe-gitoe lekas saia dapet kenjata'an aken moes-tailnja perdjodoan kita
Tapi rasanja kebanjakan saia moesti menga
lah! Saja moesti taoe diri bahoea saia lebih soe-roep mendjadi kaoe poenja boedak dari pada ketjinta'an
Saia harep kaoe soeka tjapeken sedikit mem
beri saia kabar agar saia tida oesah bersangsi lama.
Dari kaoe poenja hamba Johan Licm.
» 4
Aer mata lantas mengoetjoer pada doea belah sela matanja itoe gadis seabisnja membatja itoe soerat.
Satoe perkoetetan heibat lantas termoelai dalam sanoebarinja itoe gadis. Dasar ia masih moeda dan soedah sedari ketjil di-oegoeng, maka napsoe hatinja dapet mengalahkan segala apa.
'NONA MODERN?' 59