Dengen berlompat sedikit lebi pesat sekarang kita berada dalem boelan September, dimana perhoeboengannja Poesoet dan^ Kan Tjiang soeda berdjaian sakean waktoe lamanja.
Tatkala itoe si gadis masi belon taoe jang rasianja soeda dikatahoei oleh sang iboe, dan ini soeda terdjadi lantaran nona itoe poenja koerang . hati-hati sendiri.
Berhoeboeng dengen itoe rasia jang baroe''^
kataoean, njonja Benteng laloe kasi taoe pada soeaminja, dengen menjataken djoega ia poenja '
kakoeatiran dan rasa koerang senang, jang si anak soeda bikin pertjintaän di loear ia poenja^
taoe.
Jang teroetama ia poenja iboek, kerna kekasinja si gadis ada pamoeda miskin, dan apabila per-hoeboengan itoe tida lekas dipoetoesken dan ganti pada jang iaen, itoe harapan jang dikandoeng oleh iboe-bapa, boleh djadi moesna sabagi asep ditioep
angin.
Inilah jang membikin ia djadi koeatir dan laloe panggil soeaminja aken diadjak berdami.
— 35 —
„Ini perkara kita-qrang tida boleh tinggal diam, kaoe taoe?" kata njonja Benteng sambil menga
wasi.
„Tentoe," saoet Tjan Khong Sieng : „tapi ba-gimana kaoe pikir boeat ini oeroesan ?
„Kita moesti larang, soepaja ia tida bergaoelan begitoe rapet lagi."
„Larang si boleh dilarang. Tapi apa ia nanti toeroet itoe larangan ?"
„Kaloe tida bisa dengen keras, mwesti dengan aloes."
„Itoe betoel. Tapi kaloe sabegitoe lama ia masi e-f • sakolah, bagimana kita bisa soeroe ia djangan bergaoelan? Dan taroh lagi ia menoeroet, tapi kaloe di tempat sakolahan dan di paloewaran ia masi maoe bertjampoer, apa kita bisataoe ? Nah, lantaran begitoe, akoe kira tida goena dilarang apa-apa."
Njonja Benteng tida ada perkataan boeat men-djawab, kerna apa jang dibilang oleh soeaminja ia rasa betoel djoega.
Ia toendoeki kapala dengen tida berkata-kata.
Khong Sieng jang meliat piaraännja tinggal membisoe, laloe berkata poela :
„Taroh saändenja kita bisa tjega soepaja ia tida bertjampoeran pada si Kan Tjiang, tapi ia
i
— s e
bisa djoega bergaoelan pada iaen-lean djedjaka jang mendjadi temennja sakolah, seperti si Pek Gie, si Moedjit, dan sataoe siapa lagi."
„Ah, kaloe sama ba Pek Gie si masi tida kenapa, sebab ia anaknja orang jang mampoe ; toko tjitanja di Tanalapang sainpe besar. Kaloe sama djedjaka-djedjaka jang begitoe si djangan kata baroe bergaoelan, ia maoe bikin perhoeboengan poen masi boleli, sebab kita bisa harep djoega di blakang hari. — Tapi si Kan Tjiang ada apanja, bagal meloeloeh ?"
„Tapi sama si Kan Tjiang toch ia belon bikin perhoeboengan."
„Apa ? Belon, kaoe bilang ? — Wah ! kaloe begi
toe kaoe ini ada satoe bapa jang kapala dogol, hing
ga tida taoe anak poenja perdjalanan. Akoe ! orang prampoean ! jang tjoema di roema sadja, masi bisa dapet taoe sagala apa jang terdjadi di loearan."
„Ah, apa bener ?" tanja Khong Sieng dengen roepa saparo pertjaja dan saparo tiada : ,,masaja si Poesoet bikin perhoeboengan padanja."
„Betoel kaoe ini si toea-bangka kapala dogol,"
kata poela ini bini moeda sambil menoeding, hingga itoe soeami jang memang soeda terdjato di bawah kakinja prampoean, lantas berdiam, sa-soedanja kena itoe dampratan.
— 37 —
Boeat oendjoek kabenerannja ia poenja bitjara, njonja Benteng laloe tjeritaken apa jang ia dapet taoe dari si boedjang, bahoea pada brapa boelan jang laloe Poesoet ada kasi Kan Tjiang sapoe-tangan bersama kasoet. Dan inilah, kata ia lebi djaoe, tjöema jang baroe kataoean, sedeng jang ia tida taoe, sataoe apa lagi jang itoe anak telah kasi pada katjintaännja.
„Oh, kaloe bener begitoe, kita tida boleh ting
gal diam!" kata Khong Sieng sambil geraken . badannja dari korsi tempatnja doedoek :
,,soeng-goe ! akoe tida taoe ini perkara, djika kaoe tida bilangin. Akoe kira : marika baek tjoema baek satjara temen sadja, tida taoenja begitoe ?"
Demikianlah sasoedanja bitjara-bitjara lagi se
dikit, doea orang toea ini laloe ambil poetoesan boeat tjega anaknja bertjampoer lagi pada Tjiong Kan Tjiang, tapi tida dilarang boeat ia djalan bergaoel pada Oei Pek Oie, poetranja satoe soedagar tjita jang memboeka toko di Tanalapang Glodok dengen merk Hie Long.
Nona Poesoet satelah dapet itoe larangan jang koenjoeng-koenjoeng, lantas mengarti, bahoea iboe-bapanja soeda taoe ia poenja rasia dan tida soeka boeat ia bikin perhoeboengan lebi djaoe
Pada itoe temen jang baek.
— 38 —
„Njatalah doegaänkoe itoe tida sala, dan apa jang doeloean akoe doega, sekarang telah ber-boekti," kata Poesoet dalem hatinja, waktoe si iboe melarang itoe : „ja, sekarang kpa-boleh-boeat, terpaksa itoe perhoeboengan akoe moesti poetoesken, sebab dalem ini oeroesan ada me-njangkoet pengharepannja ajah-bondakoe. Betoel ini perkara ada amat tida enak, tapi kaloe di'inget jang ini pamoetoesan ada boeat kabaekankoe dan oranf^ toea, tidalah boleh diboeat seselan."
Saiiabisnja berkata-kata ia masoek di kamar dan rebahken diri di atas randjang.
Di sini pikiran dilandjoetken lebi djaoe :
„Tjoema kasian engko Kan Tjiang. Apatah ia nanti kata dan bagimana ia poenja masgoel, kaloe dapet taoe ini perkara ?
„Tapi kaloe dipikir lagi sabalikan, betoel djoega katanja iboekoe, jang membilang : per-doeli apa ia menggelisahan, kerna siapatah djoega jang soeroe ia menjintaken akoe ? Kaloe ia maoe pikir lebi djaoe, bahoea ajah-bondanja satoe gadis eilok tentoe tida maoe mendapet mantoe jang roedin, lebi siang sabetoelnja ia soeda moesti oendoerken diri, djangan mengharep dan tjoba-tjoba mengambil tempat dalem hatikoe. Dengen begitoe, boekantah ia troesa alamken satoe
per-— 39 per-—
kat'a tida enak, jang seperti sekarang ia aken dapet ?
„Akoe ini poen haroes dibilang gelo sekali, jang dengen tida menghargaken diri, soeda bales ia poenja katjintaän, lantaran merasa katarik de
ngen itoe sagala kalakoean, kabaekan, kasopanan dan omong-omongan. Betoel gelo dan gelo sekali ! Masatah satoe gadis jang seperti akoe moesti dapet soeam.i jang miskin ? Sedeng dapet pa
sangan pada orang jang baroe satenga hartawan sadja, soeda boleh dibilang teramat sial. Kaloe menoeroet pengliatannja orang toea, jang ada sertaken djoega ia poenja pengharepan besar lantaran akoe poenja katjantikan, djika boekan dapet tempat di astana, sedikitnja moesti di ge-dong atawa roema besar, baroelah satimpal. Djadi akoe moesti dapet soeami, paling latjoer pada
poetranja orang hartawan jang ada mempoenjai toko dan koeda kreta."
Demikianlah kata Poesoet sendiri-diri. Tapi sasoedanja berdiam sedikit lama dan menginget lagi pada Kan Tjiang, ia berkata poela;
„Engko Kan Tjiang boleh djadi satenga nangis kaloe ia taoe jang ini perhoeboengan telah di-poetoesin dengen begitoe mendadak."
Ini perkataän jang paling blakang ia oetjapken
— 40 —