Hari masi pagi. Daonnja papoehoenan dan roempoet-roempoet jang toemboe di pekarangan roeina, membri perasaän njaman.
Gedong-gedong model Europa di kampoeng Tamansari jang soeda terpentang saäntero pintoe dan djendelanja, ada membri pemandangan jang sanget indah. Teroetama itoe gedong baroe jang belon sabrapa lama abis didiriken, ada mengasi satoe pengliatan jang menarik hati, oleh kerna pengatoerannja jang sanget rapi dan netjis.
Dari perabot dan perhiasan temboknja jang berharga mahal, bisa lantas didoega bahoea gedong itoe ada kapoenjaännja saorang hartawan. Doe-gaän ini poen ada dengen sabenernja, kerna orang jang poenja dan sekarang tinggal di sitoe jalah Tjan King Soeh, poetranja satoe officier Tionghoa di Betawi jang terkenal.
Pada itoe pagi kira-kira djam anam satenga, di pelatarannja itoe gedong jang ditanemi roempoet-roempoet idjo, ada berdjalan-djalan saorang moeda jang memake pakean pagi, sambil sabentar-bentar keboelken asepnja sigaret jang di'isep, ka atas oedara.
_ 43 —
Bebrapa kali ia boelak-balik dan kiten .toe pekarangan sambil memandang daon-daonnja poe-hoen palm jang seger dan boenga-boenga jang
baroe megar. . , i
Pengliatan itoe ada menjenangi a i, saban-saban kaloe meliat daon kering jang ada di itoe poehoen, lantas sadja ia ambil den boewang ' ka tana. Tempo-tempo ia pegang
tangkeannjaboe-nga roos sambil bersenjoem, kerna merasa girang iang boenga itoe soeda oendjoek katjantikannja.
Djika liat bagimana pelahan dan hati-hati la pegang itoe tjabang, ada mengoendjoek kasa-iangannja pada itoe kembang-kemkang, jang roepanja koeatir nanti mendjadi rontok, apabila kasenggol terlaloe keras.
Dari sini ada menjataken priboedinja jang a oes, jang boekan sadja pada machloek berdjiwa tapi pada benda jang tida bernapas poen, la oendjoek
katjintaän. , .
Djedjaka itoe ada saorang jang masi moeda, Roepanja tjakep, pengawakannja sedeng, oesianja didoega belon doeapoeloe taon. Kalakoeannja jang aloes dan sopan-santoen, membn kanjataan bahoea ia ada saorang jang terpeladjar.
Dan inilah ada dengen sasoenggoenja, kcrna pada brapa taon jang laloe ia ada pergi a
— 44 —
Tiongkok boeat teroesken peladjarannja di sala satoe midrasa di sana, dan belon lama balik ka Java.
Pada waktoe baroe-baroe dateng ia tinggal pada ajahnja di kota, jang diseboet „baba kapitan".
Tapi berhoeboeng dengen mendiriken ini gedong baroe, ia djadi tinggal di sini bersama-sama itoe soedara toeä, jang namanja baroesan telah diseboet, sedeng ia sendiri ada bernama King Sian, atawa
jang biasa diseboet djoega King Sian sia, atawa oleh boedjang-boedjangnja dipanggil „baba sia".
Sasoedanja berdjalan-djalan sakoetika lama, dan rasa soeda tjoekoep endoes oedara seger, la laloe masoek dan doedoek di galery depan.
Ampir berbareng dengen masoeknja, satoe boe-djang dateng nienghamperi dengen membawa sagelas soesoe.
King Sian sia laloe angkat itoe gelas dan minoem sabagian isinja.
Liwat sasaät dari dalem kaloear saorang lelaki jang oemoernja sedikit lebi toea dan kamoedian doedoek di satoe korsi deket padanja.
Orang itoe boekan laen dari Tjan King Soeh, saorang hartawan jang mempoenja ini roema.
Sasoeda pasang satoe tjeroetoe, doea soedara ini Jcadengeran beromong-omong.
Hal jang oibitjaraken jaiah oeroesan dagang.
I — 45 — I I
Antara mana ada diseboet djoega harga-harganja kaen poeti dan minjak tana, jang soeda naek
I
inggi.I Liwat sedikit waktoe, dari dalem ada kaliatan ' saorang prampoean dan dari dandanannja ada mengoendjoek, bahoea ia itoe ada njonja roema, Sasoenggoenja djoega bener begitoe, kerna la poen ada njonja Tjan King Soeh, anak prampoean-nja kaoem koelawarga Lie jang ternama baek.
Njonja ini poenja p e r a n g i j a n g aloes dan adat jang sabar, membikin ia di'indahken oleh sakalian familie dan ipar-iparnja. Dan sala satoe dan itoe ipar lelaki jalah baba sia.
Njonja King Soeh tjoema ada mempoenjai satoe soedara, familie tida ada sabrapa, katjoeali sanak-sanak djaoe, tapi lantaran ia ada hartawan, ada djoega bebrapa orang j a n g tjoema kena sadja sedikit baoe-baoenja, lantas mengakoe familie atawa misanan.
Orang-orang jang begitoe, tentoe sadja ada orang jang biasa memandang harta dan pandang kakajahan. Dan djoestroe orang itce boekan laen dari Tjan Khong Sieng, jang tabeatnja dalem perkara „memandang oewang", soeda ditoetoer-ken dalem fatsal sebla depan.
Dan maski pada njonja King Soeh ia ada ter
i
— 46 —
kena sanak djaoe, tapi pada soeaminja itoe njonja, Khong Sieng tida ada kena familie, saiaennja dari „tjinlang," atawa jang oleh orang Tionghoa biasa diseboet „masi satoe toelang".
Demikianlah adanja itoe perhoeboengan sanak jang mengenakan pada itoe orang-orang. Sebab djalannja tjerita bakal membiloek ka sitoe, maka diterangken halnja ini persanakan.
Njonja King Soeh jang sasoedanja berdoedoek sakean lama, tapi satelah meliat soeaminja masi sadja mengomong pada itoe ipar, ia laloe peringet- • ken boeat makan obat, sebab soeami itoe me
mang lagi sakit.
„Soeda poekoel toedjoe, soeamikoe," kata itoe njonja : „mengapa kaoe belon minoem itoe obat ?"
„Oh, ja," kata itoe soeami jang lantas men-djadi inget, bahoea obatnja belon diminoem :
„nah sediaken sadja, istrikoe."
„Soeda ; dari tadi poen soeda sedia."
„Nah kaloe soeda, bawa sadja ka mari."
Njonja itoe laloe masoek, liwat sasaät ia kaloear kombali dengen membawa satoe botol ketjil jang berisi aer obat, bersama doos, sendok dan satoe tjangkir jang tertoetoep.
Barang-barang itoe ia taro di medja depannja si soeami.
King Soeh laloe ambil itoe, sedeng pembitjara-ännja pada ia poenja soedara djadi tertoenda sabentaran.
Kamoedian sasoedanja pembitjaraän dimoelai lagi, sambil memandang moekanja itoe ade Kmg
Soeh berkata;
„Nah begitoe sadja. Apa jang akoe bilang baroesan toch semoea kaoe mengarti, boekan ?"
Soedara itoe memanggoet, sambil bexbangkit dari korsinja.
„Eh, King Sian," kata poela sang engko, jang baroe dapet inget bagimana harga-harga moesti di
pegang tegoe : „kaoe liat djoega bagimana harga di loearan, dan bandingken dengen jang laen-laen.'
„Ja, itoe akoe mengarti," saoet sang ade.
Selang saperampat djam di itoe galery djadi sepih kembali, sebab toean roema dan soedaranja' soeda ada di dalem, brangkali lagi mandi atawa dahar. Di depan pelataran tjoemah kaliatan satoe boedjang jang lagi menjapoe, bersama bebrapa boedjang lelaki jang lagi pindain kapala-kapala balok bekas membikin roema.
Sekarang mari kita liat kombali pada Kan Tjiang, jang lebi dari satoe minggoe kita telah
tinggalken.