„Tjeritalah, iboe, akoe ada sedia boeat men-dengeri."
„Boekan sadja mendenger, tapi akoe maoe kaoe toeroet, anak."
„Boekantah salamanja akoe ada sedia boeat toeroet kaoe poenja prenta-prenta, iboe?"
„Itoe betoel, anakkoe jang baek. Oh, kaoe ini ada satoe anak jang manis sekali, Poesoet."
Si gadis kaliatan girang dan laloe mendengeri apa jang iboenja tjerita.
„Boekantah kaoe sampe taoe, anak, bahoea ajah-bondamoe ada menaro harepan lebi besar pada ia poenja anak-anak prampoean ?". demi
kianlah si iboe moelai menoetoer : „pertama kali kaoe poenja ajah dan begitoe djoega akoe, ada menoempaken saäntero pengharepan pada kaoe poenja entji, jang maski poen tida ada begitoe tjantik seperti kaoe, tapi lantaran soearni-nja ada satoe „sia" dan anak saorang hartawan, 'harepan itoe poen tida mendjadi koerang besarnja,"
„Ja, itoelah akoe taoe. Kerna sering-sering akoe poen denger iboe atawa ajah omongkan itoe dengen, roepa bangga."
„Bener, anak. Tapi sabagimana kaoe taoe, sekarang harepan itoe soeda djadi abis seperti asep jang ditioep angin. Soenggoe satoe perkara jang lebi lioeloe akoe tida doega."
„fapi e.ntji Nâ toch masi moeda, iboe, sedeng katjantikannja poen tida djadi koerang dari wak
toe sabelonnja menikah, tjoema jang tida ada sekarang, jalah ia poenja tjahaja kagadisan jang salaioe berseri-seri. Tapi kendati begitoe ia haroes diseboet „nona jang tjantik", maka bagi dirinja, akoe kira masi bisa dapet pasangan jang lebi baek dan hartawan dari doeioean. Lantaran itoe, akoe rasa iboe troesa terlaloe boeat iboek aken peroentoengannja entji jang masi begitoe moeda."
Kaoe poenja bitjara ada bener, F^esoet, tapi boeat itoe harepan sabagimana jang baroesan kaoe bilang, ada terlaloe sedikit."
,,Kaoe boleh harep itoe dengen sapenoehnja hati, iboekoe, apapoela katjantikannja entji Nâ soeda terkenal oleh sagala pamoeda dalem ini kota, bebrapa kali akoe denger orang poedji dan ada djoega jang menanja satoe pada laen tentang kaädahannja akoe poenja soedara itoe."
— 67 —
Itoe iboe, jang boekan laen dari pada piaraän-nja T jan Khong Sieng, sabenerpiaraän-nja panggil Poe-soet ka "pertengahan blakang boekan boeat bitja-raken halnja ia poenja anak jang besar, hanja berhoeboeng dengen itoe perdamian jang dibi-tjaraken pada soeaminja kamaren malem, ia hendak boedjoek ini anak jang paling ketjil pikat hatinja King Sian sia, dan pembitjaraän mana pembatja poen telah denger.
Tapi lantaran boeat bitjaraken itoe ia rasa nioesti dinjataken doeloe bagimana harepannja orang toea dan kaädahannja si entji jang soeda menikah dengen tida beroentoeng, hingga omongan djadi mengiter ka djoeroesan jang sama sekali lida diniat.
Dengen lebi doeloe membitjaraken halnja si Nâ, tentoe sadja Poesoet tida doega apa jang iboenja poenja maksoed dan laloe samboeng iloe omongan teroes meneroes, njataken apa jang ia denger tentang halnja itoe soedara toea.
Njonja Benteng jang memang ada sa'oe pram-poean bawel, satelah denger itoe perkataän jang paling blakang, laloe tanja : apa jang orang soeda tjerita tentang halnja ia poenja anak jang soeda djadi djanda, kerna ia poen kapingin taoe omongan ada jang tersiar di loearan.
Demikianlah pembitjaraän jang sabenernja di-niat djadi tertoenda dan ditanjaken perkaranja si Nâ jang sama sekali tida di'ingin.
„Orang tjèrita bagimana tentang entjimoe, Poe-soet ?" tanja sang iboe kamoedian.
„Boekan tjerita djelek, iboe hanja orang mena- ; nja satoe pada laen, katanja : prampoean mana, istri siapa itoe nona moeda jang eilok, dan laen-laen pertanjaän-pertanjaän poela jang sering akoe denger."
„Abis apa orang kata ? "
„Djika orang- jang memang taoe, laloe kasi taoe sadja dengen sabenernja, balioea entji Nâ ada satoe djanda. Boleh djadi djoega ada orang jang tanja, bekas siapa poenja istrj dan siapa soeaminja jang doeloe."
„Oh, banjak orang perhatiken kiranja ?" kata si iboe dengen soeara di leher.
Liwat sasaät ia berkata poela :
„Di manatah orang-orang itoe telah liat entji
moe, Soet?"
„Itoelah boekan perkara heran, iboe, boeat apatah ditanja. Entji toch ampir satiap hari soeka ada di loear dan berdiri di deket djendela ; pamoeda-pamoeda itoe tentoe soeda dapet liat salagi ia di sitoe, masa di mana lagi?"
„Apa tida ada laen perkataan atawa tjerita-tjerita t e n t a n g h a i n j a s i NÂ?"
„Tida, salaen dari pada orang poedji ia poenja kaeilokan."
„Dan sasoenggoenja djoega, iboe, siapatah jang tida nanti katarik liati, kaloe meliat di waktoe entji Nâ abis berias atawa berdandan?" kata poela si nona sambil bersenjoem.
„Eh, ada djoega satoe omongan jang akoe denger, di waktoe akoe lagi poelang sakolah,"
kata poela ia terlebi djaoe : „tapi hal ini soeda selang bebrapa boelan dan brapa kali akoe maoe omong, salaloe kaloepaän sadja, dan berhoeboeng dengen pertanjaän ini, akoe djadi inget."
„Tjeritakenlah."
Poesoet laloe toetoerken apa jang ia denger dari moeloetnja bebrapa djedja a jang lagi djalan.
Pamoeda jang mengemong itoe roepanja tida taoe kaloe ia ada soedaranja itoe nona djanda.
Pembitjaraän itoe adalah begini ;
„Eh, itoe nona moeda jang d; rciemanja Tjan Khong Sieng, siapatah sabenernja poenja istri ? "
„Oh, dia itoe bekas istrinja si „Baron Tenga-malem , tapi lama telah bertjere," djawab temen jang ditanja.
„Djadi ia itoe njonja djanda?"
— 70 —
„Bener, satoe djanda kembang jang eilok."
Lebi djaoe Poesoet tjeritaken bagimana orang soeda djelfki namanja si iboe. Berinoela, kata ia, sasoeda denger itoe katerangan, si penanja lantas njataken ia poenja rasa penoedjoe dan ada niatan maoe soeroe orang dateng minta. Tapi itoe orang:
jang membri katerangan laloe tjega dan kata ; lebi baek itoe sobat oeroengken ia poenja niat, sebab itoe djanda poenja ajah ada terlaloe me
mandang oewang, sedeng iboenja ada satoe prampoean jang bawel dan kaloe si sobat piara itoe nona djanda, tentoe bakal tjape hati dan rasaken perkara-perkara jang tida enak.
Tentoe sadja ini katerangan membikin njonja Benteng djadi sanget tida enak hati. Tapi sabelen ia bisa njataken goesarnja, Poesoet berkata poela ;
„Kamoei^n orang itoe berkata ;,,kaloe iboenja tida begitoe bawel, masaja anaknja jang begitoe eilok dan moeda, sampe doedoek boedjang ber-taon-taon. Dan djoestroe lantaran adatnja ia poe
nja iboe-bapa jang begitoe sekaker dan boeroek, orang djadi tra'soedi minta ia poenja anak." — Nah, begitoelah pengomongan jang akoe denger di loearan, iboe."
Lantaran itoe katerangan, hingga maksoed boeat memboedjoek si gadis laloe dioeroengken, kerna
— 71 —
sekarang hatinja djadi teramat tida enak. Tapi berhoeboeng dengen niatnja jang tetep, maski hal itoe tida dibitjaraken sekareag, besok atawa noesa tentoe diomongken lagi.
Dari itoe omongan-omongan jang kita denger di atas, njatalah orang-orang jang soeda taoe bagimana tabeatnja si djanda poenja iboe-bapa, tida soeka hoeboengken diri pada itoe familie Tjaii jang berbatin boeroek dan renda, jang boe-kan sadja matanja ada terlaloe „berdoewit" hing-.ga tida merasa djidji berboeat perkara jang boleh
djelekin nama toeroen menoeran sampe pada anak tjoetjoe, tapi djoega tida soengken diboeat dongeng dan seboetan oleh orang banjak. Sedeng dirinja ,sang ajali ada bertjatjat begini, sabaliknja bagi sang iboe ada membawa kadjelekan iaen, jang membikin orang-orang dari golongan sopan dan ternama baek-baek, anggap terlaloe hina moesti mendapet njonja mantoe jang terlahir dari satoe prampoean bekas „penghiboer hati", dan orang jang dapet gelaran begini jaitoe prampoean goela-goei?, selir-selir, goendik-goendik dan bini-bini nioeda. Demikianlah adanja dengen njonja Ben
teng, jang di waktoe moedanja — sabagimana di sebia depan telah di terangken — soedah pernah djadi toekang menghiboerken hatinja baba Lie
— 72 —
Kadjang ; dan sasoedanja dilepas oleh ini orang hartawan, pada Tjan Khong Sieng poen ia di
piara sabagi bini moeda.
Inilah sebabnja, mengapa orang-orang di Betawi tida soedi lamar gadisnja boeat minantoe dan berbesan padan ja. Tapi kaloe ada djoega orang jang nnoe terhoeboeng familie, pastilah orang itoe ada pendoedoek di laen tempat jang tida taoe ia poenja asal-oesoel.
Sabenernja, Khong Sieng maoepoen si piaraan, di waktoe masanja moeda ada mempoenjai banjak . riwajat-rivvajat. . . . jang sanget menarik ha- | ti, jang apabila ditoetoerken satoe persatoe, tida kala ramenja dengen ini tjerita. Tapi sebab riwajat itoe tida mempoenjai hoeboengan pada orang
j
orang moeda jang d tjeritaken di sini, maka saba-gian besar telah diliwatin boeat laen boekoe.
Riwajat itoe jang penoeh dengen kagirangan, kasedihan, kat^aekan dan kadjahatan, tjeritanja ada mengandoeng banjak nasehat bagi orang lelaki dan prampoean soepaja bisa mengenal bagimana hatinja orang-orang jang bermoeka palsoe.
Meliat moekanja sang iboe djadi beroba, P o e - j soet poen lantas dapet doega apa jangmendjadi '