Hari telah mendjadi sore. Satoe roema di Pasar Lama jang diperabotin lengkap dan temboknja dihias dengan pigoera-pigoera indah, di bawah terangnja iampoe gasolin jang menggentjlang-gentjlang, ada berdoedoek satoe djedjaka, jang dari aer moekanja ada mengoendjoek bahoea ia lagi menanggoeng pikiran berat.
Di atas medja deket tempatnja doedoek ada terletak banjak boekoe dan soerat-soerat kabar, satoe doos viool jang niasi tertoetoep poen ada kaliatan di sitoe.
Biasanja satiap sore di waktoe begini, orang moeda itoe niembatja courant atawa menggosok biola. Tapi dalem bebrapa hari ini viool itoe ditaro sadja, sedeng soerat kabar jang biasanja dibatja saantero lembaran, tjoema diliat sadja advertentienja dan bebrapa kabar jang dirasa"
penting.
Boleh djadi lantaran hatinja jang terpepat de
ngen roepa-roepa pikiran, soeda membikin ia
— 49
-tida merasa senang boeat jakinin itoe peladjaran, dan ini poen ada ternjata dari aer moekanja jang goerem.
„Soenggoe akoe tida mengarti apa jang men-djadi lantaran dalem ini perkara," demikianlah kata ia sendiri-diri dengen soeara di leher, pada sasoedanja berdiam sakoetika lama ; „akoe tida ada berboeat soeatoe kasalahan jang boleh me-nerbitken rasa koerang senang atawa terbentji, baek padanja maoepoen pada laen-laen orang dalem roemanja."
„Di waktoe akoe samper boeat adjak ia nonton, semoea ada merasa girang," kata poela ia : „malah sampe di waktoe poelang, ajah-bondanja ada menanjaken dengen manis tentang halnja itoe gambar, sedeng si Nâ dan si Wat poen tida ada soeatoe apa jang membikin ia djadi koerang senang. Tapi, kaloe sekarang ada ini perkara, apa tida heran ?"
Sahabisnja oetjapken itoe perkataän-perkataän jang paling blakang, djedjaka ini laloe senderken badannja di atas korsi gojang, sedeng ngelahan napas ada kadengeran beroelang-oelang.
Orang moeda itoe, pembatja tentoe soeda bisa doega siapa adanja. la itoe boekan laen dari Tjiong Kan Tjiang, temen sakolahnja nona
Poe-— 50
soet jang paiing baek dan psimg tertjinta, dan pertjintaän itoe poen boleh bilang soeda terikat betoel, kerna ia telah menerima doea roepa ba-rang sabagi „tanda mata" atawa tanda katjintaän jang kekal dari si gadis.
Tapi sekarang, dengen mendadak sontak, tida ada oedjan dan tida ada angin, atawa lebi tegas dibilang ; tida ada soeatoe sebab dan lantaran iang pantes, Poesoet telah oendjoek kalakoean jang sanget tawar.
„Apa sebabnja? Apa sebabnja?" begitoe ia menanja dalem hati sendiri.
Boekan sadja dari kalakoeannja ada mengoen-djoek demikian, tapi dalerff pergaoelan poen , teriebian lagi. Kaloe doeloean ia sering berdjalan^
bersama-sama, sekarang tida Tiegitoe. Kaloear sadja dari sakola Poesoet lantas pentjilken diri ka laen golongan, djika berpapasan nona itoe lantas memboewang moeka, dan banjak poela laen perboeatan jang membikin ia merasa sanget tida enak.
Sampe di ini sore, itoe perobahan jang ter-;
djadi antara dirinja dengen si gadis, soeda ber-' djalan toedjoe atawa delapan hari. Dalem itoe bebrapa hari jang laloe ia masi belon bisa dapet, sangka apa lantarannja, tapi tadi salagi djalan di
51 —
Tanalapang dan dapet liat jang itoe katjintaan lagi mengoraong dan tertawa-tertawa pada Pe oÏe, hatinja djadi terbetot dan sampe ini di sore, masi teroes ia boeat pikiran.
Lotjeng mengoetaraken djam delapan, djedjaka kita masi teroes tjokol di sitoe. Sasoedanja ber
pikir boelak-balik, acliirnja dapet djoega la tjan oedioengnia itoe „perobahan" jang menerb.tken rasa tida enak di hati. ia dapet doega bahoea nona itoe tenïoe soeda dilarang oieh kadoea orang toeanja, soepaja poetoesKen itoe peihoe : boengan pada dirinja jang miskin. Apapoela la
sendiri poen memang taoe adatnja itoe orang Geroh-geroh jan^ .„mata doewitan" dan pandang harta doenia ada lebi besar dari sagala apa.
Menginget s^impe di sini, lebi lagi hatinja rasa terpetja. Sebab itoe perboeatan dari iboe-bapanja si gadis, tida bisa diartiken laen dari pada „menen
dang". Djadi ia soeda tertendang dari kalangan-nja pertjintaan.
Adoe ! adoe ! Bagimana rasanja ia poenja hati, sasoedanja berpikir sampe di sini ? Rasanja maoe
menangis, tapi si aer mata tida bisa kaloear.
Oh, oewang ! oevvang ! kaoe ini soenggoe djahat 'dan kedjam ! Perhoeboengankoe terpoetoes ada dari lantaran orang pandang oewang. Tjoba
kaoe tida mempoenjai itoe pengaroe jang bisa membikin ajah-bondanja katjintaänkoe mendjàdi hilap, mendjadi gelap mata, pastilah doedoeknja perkara tida djadi begini.
„Ofi, Poesoet, akoe tida jdoega kaoe poenja hati bisa djadi bebalik dengen begitoe gampang Kaoe maoe dibikin seperti barang dagangan, ja?"
Lantaran itoe pikiran-pikiran jang menggo.ebet di otak, achirnja Kan Tjiang rasaken badannja teramat lelah dan dengen tida terasa ia soeda djadi poeles njenjak di atas senderannja korsi. '
Oleh kerna pengaroenja katjintaän, dalem ^ poelesnja itoe ia mengimpi telah katemoeken si gadis jang lagi berdjalan dengen laen-laen anak lelaki. Impian mana soenggoe tida enak sekali bagi dirinja fang lagi terlelap dalem kadoekahan
dan kamasgoelan. i
Bagi orang-orang jang soeda kenal pada Kan Tjiang dan taoe bagimana ia poenja pikiran-pikiran sabagi anak jang terpeladjar ; djika orang soeda denger bagimana ia poenja bitjara jang manis dan atoeran, jang disertaken djoega dengen pikiran-pikiran bagoes ; apabila orang taoe ia poenja tingkaiakoe jang baek dan adat jang sopan santoen, soenggoe tida ada saorang jang nanti
— 53 —
bisa pertjaja, kaloe ia bisa terlibet oleh penga-roenja katjintaän, sampe maoe 'menoempaken aer mata seperti anak ketjil.
Kaloe masi bisa menangis itoelah mending djoega, kerna dengen begitoe brangkali pikiran-nja bisa mendjadi legah. Tapi ini, nangis kaga, sedeng aer mata jang maoe kaloear rasa tertahan, dan inilah Jang membikin ia djadi begitoe lelah
Djika liat begitoe, soenggoe kasian anak moeda kita ini, jang njata belon kenal apa artinja „ka-, tjintaän". Betoel ia ada satoe djedjaka jang pin-ter dan tjakep, djoedjoer dan tabah, tapi boeat madep di medan pertjintaän, hatinja masi ter-laloe lemah. Dan oleh kerna ia ada satoe anak . sakolahan jang roepanja tida perhatiken laen dari peladjaran, hingga tida mengenal bagimana oe-wetannja doenia. Djoestroe lantaran kapertjajaän
dan kasoetjiannja itoe, djadi ia tida taoe bahoea apa jang dibilang „pertjintaän" itoe, sabenernja
kosong belaka ! —
Tapi inilah tida heran, sebab ia poen belon pernah terlibet o l e h tali-katjintaän, hingga apa jang ia alamken sekarang, bolehlah diboeat pe
ladjaran dan peringetan saoemoernja idoep.
Boekan sadja bagi Tjiong Kan Tjiang, tapi
X
I P
— 54 —
bagi laen-laen orang moeda poen boleh diboeat katja, soepaja tida terlanggar satoe kadoekahan sabagimana jang sekarang lagi dialamken oleh ini djedjaka.
Oh, pengaroenja katjintaän !
Lagi sakali pengaroenja katjintaän !
J
L
Vil