Tik-tjoe ketemoeken Djin-gie boekan boeat oe- i roesan dagang, tapi sebenernja tjoema ingin liat-liat romannja itoe naoestika-hidoep jang selaloe ' terkenang dalem pikirannja.
Sebab manoesia tertjipta dengen darah-daging i dan otak, maka Tik-tjoe poen soedah sediaken i akal oentoek kedatengannja di itoe onderneming. ; Koetika itoe Djin-gie dan 'ntjek Thian-tee se- 1 déng djalan-djalan memereksa kebonannja, hing- { ga kedatengannja Tik-tjoe setjara kebetoelan j soedah disamboet oleh Radiola — itoe si tjantik
jang selaloe diboeat pangenan.
,,Slamet pagi, nona," Tik-tjoe moelain kasih hormatnja.
,,Slamet pagi 'nko," saoetnja Radiola.
„Apatah saja bisa djoempahken oom Diin-gie?"
poenja ajah sedeng preksa kebo-nan "
„Kaoe poenja ajah?" menegesken Tik-tioe.
,.Ja "
ma'af, nona; saja tadinja kira '' ia belon abis landjoetken omongannja, koetika itoe Djin-gie dan 'ntjék 8hian-tee moentjoel di loear pekarangannja itoe gedong.
„Hola, begini pagi kaoe soedah dateng," 'ntjek Thian-tee mendoeloein.
„Slamet pagi, empe, oom," kata Tik-tjoe. „Ja, tadinja saja ingin brangkat dari Soerabaia Sia
ngan, tapi kerna ada oeroesan penting, maka saja paksakan djoega brangkat pagi-pagi "
„Ja, neef; kaoe poenja ketjakepan bekerdja memang haroes diboeat kagoem," Djin-gie me-ngalem. „Kaoe bilang ada oeroesan penting? Ach, marilah dóedoek sebentar; saja nanti soeroe ba
boe sediaken santapan apgi, kaoe tentoe belon bersantap, boekan?" ia menoleh pada poetrinja.
„Diola, inilah 'nko Tik-tjoe, apa kaoe soedah be-ladjar kenal?" kemoedian berpaling pada Tik-tjoe, „Neef, ini saja poenja poetri, Radiola "
Marika saling berkenalan, saling mengawasin dengen hati berdebaran; tadinja marika merasa kikoek, tapi kemoedian pananja amor mengkorek marika poenja boentelan isih hati.
„Trima kasih, oom," Tik-tjoe berkata sembari mesem, ,,saja harep tida membikin repot..- "
„Oh djanganlah berlakoe soengkan, 'nko,"
katanja Radiola.
Sang tempo berdjalan dengen tetep, tida terasa lagi marika soedah mengobrol 2 djam lamanja.
Kaloe seminggoe jang laloe Tik-tjoe pandeng Radiola dengen anggepan loetjoe, moengil dan
'R A D 1 o T, A'
angkoe ; sekarang dalem itoe pakean Kebaja dan Kaen saroeng Radiola keliatan laen sekali.
Apa jang doeloe keliatan loetjoe, sekarang ber-balik djadi alim; jang doeloenja keliatan som
bong, sekarang bersifat lemah-lemboet ; dan jang doeloenja keliatan angkoeh, sekarang berbalik keliatan agoeng
Ja, dalem laoetan pert jin ta'an doen ia memang sadjiken manoesia dengen iapoenja katja-mata Cupido. Jang keliatan ketjil, djadi besar; jang keliatan goerem berbalik djadi terang
„'Nko," begitoe Radiola berkata, „kaoe bilang baroesan ada oeroesan penting pada ajah, tapi zonder merasa sekarang kita soedah mengobrol 2 djam lebih," Radiola sengadja moelain goda Tik-tjoe:
»Js- " saoetnja Tik-tjoe dengen sedikit goe-goep. „Sebenernja saia ada oeroesan penting boeat oeroesan levering pendjoealan koffie.... ...
'Diol "
„Siapa jang kasih kaoe itoe hak boeat pang
gil saja 'Diol' ?" memoetoes Radiola dengen se-njoemannja jang manis.
Djin-gie, 'ntjek Thian-tee dan Tik-tjoe djadi saling ketawa. Kemoedian 'ntjek Thian-tee ber
kata :
„Jang kasih itoe hak boekan dari kaoe poenja ajah," ia kedipken matanja pada Radiola, „tapi itoe hak dipersembahken dari sadjihannja Allah!"
Marika teroes saling ngobrol dengen sifat goe-jonan, sampe achirnja Djin-gie adjak Tik-tjoe rempoeken oeroesan dagangnja.
Kerna memang sebenernja tida ada apa-apa jang penting dalem pembitjara'an dagang, maka Tik-tjoe sengadja karang obrolan dengen minta pada Djin-gie soepaja levering koffie jang soe-dah ditetepken djadi dirobah dengen termijn le
bih pedenk, satoe dan laen katanja berhoeboeng dengen keada'an internationaal jang semangkin genting. Tentoe sadja hal demikian tida bisa di-trima oleh Djin-gie kerna capaciteit dari onder
neming „Welas-Asih" ada berwates.
„Saja," katanja Tik-tjoe, „tadinja saja pikir kaloe itoe contract bisa dirobah selekasnja, har-ganja itoe barang bisa dirobah sedikit boeat tam-bahken oom poenja keoentoengan "
,,Ja, sajang, neef;" katanja Djin-gie. ,,Biar bagimana djoega kita di sini bekerdja dengen tentoe, hingga productie kita tida bisa "melebihin dari capaciteitnja." Kemoedian Djin-gie dan 'ntjek Thian-tee tinggalken marika berdoea.
Omong-omong djadi perkenalan, saling
me-'IJ A I ) 1 O L A '
mandeng djadi ketarik, temboesin mata teroes ka hati boeat kemoedian djadi saling menjinta!
Dalem itoe keada'an, Tik-tjoe memandeng ro-mannja Radiola seolah-olah iapoenja soemanget dan pikiran melajang dalem kajangan Sorga.
Alisnja item, melengkoeng djelirit; matanja djeli, bersinar bening; idoengnja ketjil, man-tjoeng bangir; dan moeloetnja moengil, merah delima.
Soenggoeh gaib dan asing sifatnja Tjinta! Ia tida kasihken dirinja dipaksa atawa di iket; da-tengnja mendadak dengen tida bisa dipanggil dan menginket dengen tjoema seboeah pernjata'an
— maski itoe, mengasihken satoe perasa'an jang dalem bagi sanoebarinja — sambil rangkepken djadi satoe itoe doea soekma jang tadinja masih asing, dengen koeat dan kekel. = Hoe vreemd en mysterieus is Liefde toch ! Zij laat zich niet dwin
gen, nergens binden: komt ongeroepen, onver
wacht en bindt met één enkel woord, doch één, dat een diepen blik geeft in eikaars gemoedsle
ven, twee zielen, die tot dusver elkaar vreemd waren, met sterken, hechten band — R.A. Kar-tini.
Dalem ilmoe itoeng (wiskunde), Pythagoras jan terkenal melaenken bisa njataken tentang Tjinta sebagi: „Het onuitsprekelijke Getal",
ja-Iah „Angka jang tida bisa diseboet"!
,,'Diol, apa kaoe merasa goembira dengen kita poenja pertemoean sekarang?" Tik-tjoe moelai memantjing.
Radiola bersenjoem. „Kaoe sendiri rasaken ba-gimana, nko ?"
„Boeat saia, saia mempoenjain perasa'an jang sebenernja tida ada bahasa doenia bisa meloekis-ken."
„Abis, kaloe tida ada bahasa doenia jang bisa meloekisken, apatah barangkali ada laen bahasa Sorga jang bisa mengerti ?" saoetuja Radio
la dengen djinaka.
„Kaoe bilang tentang 'Sorga'? Ja, di sitoelah bersemajemnja itöe bahasa "
„Kaloe di Sorga itoe bahasa bersemajem, kena
pa di doeni atida ditanam?"
_^^„Ia ditanem, tapi manoesia soengkan boeat me
metik," katanja Tik-tjoe dengen segenep hatinja.
„Kaoe liat, 'Diol, di samping kita menoemboeh itoe boenga-boenga radiola, dan dalem siliran-nja angin marika seolah-olah berdansa sembari
•menariken itoe bahasa Sorga;
'Akoe ditanem dalem pot-potan, Soedah megar ingin terpetik, Terdjedjer di vaas dengen rawatan, Dibaoe haroem, dipandeng tjantik'.
•R A D I o r, A' 51
Radiola tida bisa menjaoet lagi, moeloetnja boengkem dalem seriboe bahasa, tapi hatinja se-mangkin berdebar dan paras moekanja keliatan bersemoe merah-dadoe. Sementara Tik-tjoe, ha
tinja poen djadi semangkin bergontjang keras dan matanja seperti mengoendjoeken sinar dari' kepoeasan dan kegirangan
Batoe permata jang gagoe sering lebih ber- • pengaroeh dari pada perkata'an-perkata'an lang-soeng bagi hatinja orang prempoean.
(Dumb jewels often, in their silent kind, More than quick words do move a womans
mind).
— Shakespeare.
(„The two gentlemen or Verona")
III.
„Kapantah matahari dan remboelan bi
sa sinarken tjahajanja de,ngen saling bergandengan ? Woedjoetken baekan boekan dengen mengedjer ke-boetoehan hidoep, tapi haroes mendja-ga kesootjiannja hati "
SA T O E taoen kemoedian...
Pertjinta'an antara Tik-tjoe soedah terang-kep mendjadi satoe ikatan „Kawan-Hidoep" de
ngen Radiola bertachta sebagi ratoenja.
Precies satoe taoen berselang sedari itoe per-temoean, Djin-gie rajahken hari nikah poetrinja dengen itoe djedjaka pada siapa ia memang soe
dah penoedjoe.
Pintoe pernikahan memang meroepaken sorga-nja penghidoepan. Zonder pernikahan manoesia ada seoepama praoe jang tida pake kemoedi.
Dengen menindak masoek di itoe kalangan, manoesia baroe diseboet djadi „orang" ; sewaktoe boedjangan manoesia tjoema pikir boeat badan-nja sendiri, tapi setelah menikah, setelah doea soekma terangkep mendjadi satoe badan hidoep, pikiran manoesia berobah seperti djalannja itoe
'R A n I o L A' S3 djaroem lontjeng. Djaroemnja jang pendek se-laloe mengikoetin dengen tentoe tindakannja dja
roem jang pandjang.
Begitoelah artian singkat dalem penghidoepan soeami-istri.
Sang istri bisa merasa girang dalem hatinja kaloe menampak soeaminja sedeng ketawa, begi-toepoen sang soeami merasa beroentoeng djika meliat di bibirnja sang istri tersoenging dengen satoe senjoeman manis.
Jang dibilang madoenja penghidoepan, jalah itoe keroekoenan hidoep dengen saling naoein.
saling menjinta dan saling merasa pienang-goeng.
Dalem kerewelan, orang pasti tida hadepken kebintjana'an kaloe antaranja bisa saling me-naoein; dalem perboeatan, pasti tida terdapet ke
dengkian djika di sitoe didadasrken dengen pera-sa'an menjinta; dan dalem kesoekeran, tentoe beroleh hiboeran djika satoe sama laen mempoe-njain perasa'an menanggoeng.
Libetannja pertjinta'an ada sebagi itoe Laoe-tan Kidoel jang senantiasa baroe merasa poeas djika bisa mendapet korbannja."
Soeami-istri jang sedeng teroembang-ambing dalem geloembangnja itoe madoe penghidoepan, bisa merasa ridlah oentoek bikin pengorbanan
boeat kebroentoengannja salah satoe fihak.
Katja-mata pertjinta'an bisa beriken pemande-ngan laen dari pada jang sebenernja. Sekedar boeat raenempoeh dalem itoe oedjian dari keraa-nisannja penghidoepan, manoesia bisa sengadja atawa tida disengadja meloepaken laen kesoe-ka'annja.
Tik-tjoe jang soedah biasa dengen keramean-nja penghidoepan di -kota, bisa menaoengin diri-nja di onderneming „Welas-Asih", menemenin itoe kawan-hidoep di pegoenoengan sembari me-ngoeroes pekerdja'annja Djin-gie, itoelah kerna matanja soedah teraling dengen madoenja per
tjinta'an.
Kesoeka'an pada kesoenjian alam tida bisa di
beli tjoema dengen pemandengan di mata, tapi jang paling teroetama adalah itoe keinsjafan ha
ti.
Tik-tjoe poenja angen-angen hidoep masih ter-laloe boeta dengen itoe kekaja'annja alam, ia-poen ja perasa'an hati jang selaloe oetamaken ke-goembira'an dari oesia moeda masih lengket da
lem sanoebarinja. Ia masih terpengaroeh oleh penghidoepan rame, dalem pergaoelan, dalem ple-siran dan tontonan
Perasa'an itoe melengket begitoe keras hingga pelahan-pelahan ia merasaken hidoepnja
kese-•R A D I o 1. A' 55 pian dalem itoe pegoenoengan Tengger. Maski bener di sampingnja ada Radiola jang memboe-ngahken pikiran dan hatinja, tapi pemandengan matanja selaloe menagi dengen koemandengken keindahannja itoe gedong-gedong jang mente
reng, itoe ketjantikan dari penerangan jang gi-lang-goemilang di waktoe malem, dan itoe pergaoelan jang selaloe dikiterin dengen kera-mean dan kerebohan.
Radiola sering hiboerken padanja sambil oen-djoek keindahannja alam jang bersifat kekel. Pe-tahkeh kekaja'annja djagad jang tida berwates dan loekisken ketentreman doenia tjoenia bisa terdapet dalem itoe tempat kesoenjian.
„'Nko," pada satoe hari Radiola berkata pada soeaminja, „Kaoe termenoeng sebab kenangin penghidoepan jang rame, dan merasa hidoep koe
rang poeas kerna merasa kesepian.... Tapi, 'nko;
kaoe loepa bahoea dalem keramean kita bisa da-pet kebintjana'an, dan dalem kegoembira'an kita bisa djoega menerima kesoesahan
Tik-tjoe mengeiah napas, iapoenja pikiran te-roes tenggelem dalem kesoenjiannja.
„Ach, 'Diol," ia berkata, ,,kenapa kita moesti bersemajem teroes di ini tempat soenji kaloe di sana — di dalem kota — kita bisa dapetken ke-senengan dan kegoembira'an Kita menonton
bioscoop, 'Diol, plesiran dengen memandeng ke-indahannja gedong-gedong, makan di restaurant dalem libetaiinja muziek dan njanjian-njinjian jang merdoe, meliat kerebohannja manoesia da
lem taboeran dari dandanannja jang menarik;
oh, 'Diol, pendeknja hidoep dalem kota ada djaoeh lebih memoeasken, djaoeh lebih broen-toeng, dan teroetama dalem pergaoelan pasti aken menambahkan kita poenja kegoembira'an hati dan pikiran "
Radiola toendoekin kepalanja, ia seperti se
deng berpikir keras. lapoenja sikep tetep tenang, tapi dari seblah dalem dari itoe moeka jang ajoe seperti ada apa-apa jang menjedot itoe tjahaja dari ket jan tikan romannja.
„Tapi, 'nko; boeat menonton bioscoop dari si
ni kita bisa pergi ka Malang; plesiran dalem kota tjoema bikin kita djadi tambah tjape dan lelah;
libetannja muziek dan njanjian di Restaurant belon tentoe menambahken kenapsoeannja ma
kan ; dan kerebohan dandanannja manoesia satoe tempo bisa membikin manoesia djadi tjilaka,"
Radiola tjoba kasih mengerti soeaminja.
Tapi Tik-tjoe masih tetep dalem angen-angen-nja, ia tjoema taoe keinginannja masih belon da-pet kepoeasan. Ia teroes berkoetet dalem pikiran-nja soepaja bisa kasihken alesan jang
menje-'R A D I o L A' 57
nengken pada istrinja, tapi ia merasa omongan-nja Radiola ada mempoeomongan-njai dasar jang be
ner.
Dalem pikiran, Tik-tjoe telah bisa tetepken ke-benerannja itoe omongan dari istrinja, tapi ia merasa aneh kenapa soeara hatinja seperti tida maoe mengerti itoe oetjapan-oetjapan jang ber
harga.
Ja, kenapa?
Oh, manoesia; kaoe dikasih itoe kebroentoe-ngan, dikasih itoe kelanggenan hidoep, dikasih bernaoeng di itoe ,,Kawa-Penghidoepan", tapi kaoe merasa tida poeas dan merasa ,,kepanasan", sia-siaken itoe pengasihan alam jang berharga.
Kegaiban jang loeär biasa, adalah hati manoe
sia jang bisa dioepamaken seperti laoetan: tida bisa merasa poeas dan djoega tida abis dikedoek.
(Djit is wel het grootste wonder, dat een hart is als een zee : nimmer te verzadigen, maar ook nim
mer uit te putten) — Noto Soeroto.
R E M B O E L A N d j o e s t r o e s e d e n g b o e n -dernja, tjahajanja jang gilang-goemilang ditam
bah dengen kelak-keliknja bintang-bintang di se-poeternja djagad membriken satoe pemandengan alam jang indah dan permei.
Soesoenan langit jang biroe dengen selingan-nja mega-mega item jang tipis meloekisken dja-gad ini seolah-olah sedeng mengosohken dirinja dengen tenang.
Dalem keada'an begitoe, seisih machloek doe-nia seperti terbenem dalem kenang-kenangan-nja; dari laan djoeroesan manoesia sedeng wara-wiri dalem kegoembira'an, plesiran dengen poeas-poeasan, tjari kesenengan dengen ketjinta annja, di laen bagian dari ini doenia jang loeas, masih ada bebrapa machloek jang mengeloeh lanta
ran kesoesahannja, mengelah tentang ketjapean-nja, lipoetin dirinja dalem kesoenjian dan ke-doeka'an.
Itoe ada satoe malem di boelan October
^^'Nko " sambil tepok poendak soeaminja jang sedeng doedoek terpekoer, Radiola berkata,
„ini ada satoe maleman jang merawanken hati. ..
Tadinja saja ingin gadangin itoe remboelan dan bermaen dengen kelikannja itoe bintang-bintang, 'nko ; tapi hati saja ada begitoe girang dan goem-bira, soekalah kaoe bawa saja pergi menonton bioscoop di Malang Ach, 'nko, äaja rasanja tida aken merasa ngantoek ini malem, maka biarlah sebentar kita liat itoe film dengen nie-nonton pertoendjoekannja jang kedoea," ia liat polshorlogenja. „Sekarang baroe djam 8, 'nko,
•R A n I o I- A.' 59
kita masih mempoenjai tempo satoe djam sete
ngah."
„Oh 'Diol, tadinja saja kira kaoe ingin minta saja temenin kaoe boeat gadangin itoe Ratoe-Penerangan-Doenia," Tik-tjoe tjoba menjindir istrinja. „Wel, kaloe kaoe merasa ke-tarik djoega boeat liat itoe film, saja tentoe me
rasa girang; boekantah kaoe ingin menonton itoe film 'The Great Waltz' ?"
Radiola merasa sedikit mentjelos dan rasaken hatinja seperti tertoesoek koetika danger sindi-rannja Tik-tjoe. Sekali-kali ia tida pernah doega kaloe soeaminja bisa oetjapken itoe perkata'an.
Boeat ia, sebenernja hatinja lebih girang kaloe bisa gadangin dirinja itoe remboelan; tapi, kaloe toch baroesan ia sengadja adjaken soeaminja boeat pergi menonton, itoelah sekedar boeat me-ngimbangin dan naoein kemasgoelannja Tik-tjoe.
Maskipoen djawaban soeaminja ada menjakitin, Radiola — dalem iapoenja kemoelia'an dan kesa
baran — masih bisa trima boeat menanggoeng itoe poekoelan hatinja, menerima sekedar dengen maksoed soepaja bisa kasihken soeaminja satoe hiboeran
,,Ja, 'nko," ia berkata sambil moeloetnja ber-senjoem. ,,Itoelah ada satoe film jang menoetoer-ken riwajat penghidoepannja Johann Strausz,
itoe componist jang terkenal di seloeroeh doenia."
Dengen sifat aleman ia sengadja toentoen
Tik-tjoe ka kamarnja. „'Nko, saja pasti aken merasa * girang dan taroentoeng djika dalem itoe film ki
ta bisa dapetken sebocah karangan dari
lagoe-lagoenja jang mengharoehken " soearanja e jang tetep tida kentaraken iapoenja
kemendong-kolan.
„Ja, ja; tentoe, 'Diol,' 'saoctnja Tik-tjoe'de
ngen girang, loepa bahoca baroesan sadja ia te
lah menjindir istrinja dengen tida dipikir lagi.
,,0h, 'nko, saja sänget socka dengen lagoe-la-goe klassiek. Biarlah ini malem saja harep bisa dapet lagoe karangannja boeat dikasih makanan-nja kita poemakanan-nja piano " ia tertawa. Ia terta
wa boeat entengin sedikit itoe tindihan hatinja jang tergandjel.
Satoe djam kemoedian, dengen kemoediken kandaran setannja, Tik-tjoe dan Radiola soedah sampe di Malang.
Publiek berdjedjelan di depan loket pendjoea- "
lan kaartjis, penonton padetin itoe zaal dari klas balcon sampe di klas paling depan. Berisiknja soeara kandaran di loear bioscoop menandaken masih banjak penonton jang lagi wara-wiri boeat dapetken kaartjis.
„'Nko, ini film pasti ada sänget bagoes,"
Ra-'K A D I o r, A' 61
diola berkata pada Tik-tjoe setelah marika soe-dah berada dalem itoe bangsal bioscoop.
,,Ja, 'Diol," saoet Tik-tjoe. „Liat itoe penonton jang tida kebagian tempat Baeknja kita da-teng tida telaat, kaloe tida, pasti kita moesti ba
lik kombali dengen perasa'an menjesel."
Sesa'at itoe bel pertanda'an moelain maen ber-boenji dan berbareng penerangan di itoe bangsal dipademken
Soeara dalem itoe bangsal djadi soenji, soenji teroes sehingga pertoendjoekan abis sampe di achirnja.
Penonton saling bersliweran poelang dengen roman jang menjataken kepoeasan.
Dalem perd jalanan poelang, Tik-tjoe berkata pada istrinja: ,,Apa kaoe merasa poeas, 'Diol?"
,,Ja, sesoenggoehnja itoe ada satoe film baek..,.
tapi, 'nko, itoe ada terlaloe mengharoehken.... ' ,,Tapi kaoe toch dapet djoega itoe lagoe ka-rangannja?" memoetoes Tik-tjoe.
„Bener, 'nko. Saja harep laen hari kaoe tida loepa boeat beliken saja satoe antiD^anja itoe la-goe-lagoe karangannja."
„Lagoe apa jang kaoe paling soeka?"
,,Itoe lagoe-lagoe dari karangannja semoea ada s'anget mengharoehken'hati. Tapi, 'nko," dengen tangan kanannja Radiola rangkoel lehernja
Tik-tjoe,..,, „'Nko, apatah kaoe masih inget kita poenja pertemoean pertama ?"
„Ja. Boekankah di ini djalanan jang kaoe te
lah permaenken diri saja "
„Inget boelannja ?"
„Inget, tentoe," Tik-tjoe ketawa, inget sama djalannja tjerita dari itoe film. „Itoelah boelan Mei, 'Diol, precies loekisannja itoe tjerita "
,,0h, 'nko," Radiola memoetoes. ,,Tida, 'nko;
biar bagimana djoega saja tida ingin roemah-tangga kita moesti hadepken itoe kegandjilan...."
,,Ach, manoesia memang aneh, 'Diol. Satoe le
laki dengen doea prempoean dianggep sebagi sa
toe kegandjilan " Tik-tjoe sengadja menggo
da.
„Boekan itoe kegandjilan jang dipikirken, 'nko, tapi itoe kedoeka'an "
,,Kaloe itoe kedoea'an jang diboeat koeatir, apatah kaoe tida bisa toeroet merasaken bagima
na perasa'an hati saja dengen bernaoeng di pe-goenoengan jang soenji ?"
„Oh 'nko " Radiola poenja sepasang mata moelain linangken tetesan aer-matanja, ngalirken itoe Tjoeroeg-Manoesia jang djernih ...
Itoelah ada boeat jang pertama kali Radiola mengoetjoerken aer-matanja! Aer-mata kesoe-tjian jang pertama menetes di kedoea pipinja.,.
•R A n I O r. A' 63
^ A P I jang berkobar ketjil, gampang dipadem-ken; djika diantepin, soengei-soengei poen tida bisa moesnaken. = (A little fire is quickly trod
den out; which, being suffer'd, rivers cannot quench). — Shakespeare — „Henry VI".
Satoe maleman Radiola tida bisa tidoer. la me
nangis dan bikin bantal di pembaringannja djadi kedoeng dari tetesan aer-matanja.
la merasa ketoesoek hatinja koetika ia minta soeaminja bersama-sama menonton bioscoop, Tik-tjoe telah sindirken padanja, tapi iapoenja kewelasan soedah bisa menindes itoe perasa'an mendongkol; tapi, itoe oetjap-oetjapan dari Tik-tjoe sepandjang perdjalanan poelang, menimboel-ken lagi padanja satoe toesoekan jang lebih hei
bat.
Iapoenja telinga masih koemandangken di
ngen omongan soeaminja: 'Kaloe itoe kedoeka'an jang diboeat koeatir, apatah kaoe tida bisa toe-roet merasaken bagimana perasa'an hati saja de
ngen bernaoeng di pegoenoengan jang soenji'. ,, Sebagi satoe istri jang men jin ta soeaminja, Radiola soedah lakoeken kewadjibannja dengen loeroes; iapoenja angen-angen boeat selaloe naoein keada'an soeaminja, menjoeroeng ia taroh perhatian setjoekoepnja pada Tik-tjoe; iapoenja perasa'an menjinta selaloe mengoentit boeat
bri-ken kesenengan pada soeaminja, dan iapoenja perasa'an menanggoeng senantiasa bisa imba-ngin kesoenjian soeaminja
Tapi, oh, Goesti; dalem segala-galanja ia soe-dah toempleken isih-hatinja boeat kebroentoe-ngannja Tik-tjoe, ia soedah boentel njawanja boeat ketentreman hidoep dalem
Tapi, oh, Goesti; dalem segala-galanja ia soe-dah toempleken isih-hatinja boeat kebroentoe-ngannja Tik-tjoe, ia soedah boentel njawanja boeat ketentreman hidoep dalem