VIII.
Manoesia hidoep adalah kema ada itoe pengharepan, dan kaloe orang soedah tida poenja pengharepan lagi, hidoep diipandeng sebagi noda dan mati diang-g e p s e b a diang-g i s a t o e k e w a d j i b a n . . . .
Ma n O e s I a baroe bisa terlolos dari kewadjiban djika itoe „Ampat-Pakoe"
soedah memantek di atas peti-kematian
Lelakon manoesia dalem penghidoepan poen seroepa sadja. Sebegitoe lama manoesia masih bernapas, iapoenja lelakon hidoep masih belon berachir.
Radiola jang soedah dapetken itoe kebroen-toengan hidoep setelah mengalamin berbagi-bagi pengalaman, masih belon terloepoet dari kebeba-sannja lelakon doenia.
Pada satoe malem djoestroe penanggalan al
manak Tionghoa djatoh pada tanggal 15 boelan ka-delapan, dengen dapet penerangannja sinar remboelan jang sedengnja gilang-goemilang, da
lem Ziekenhuis „Boromeus" di Bandoeng jang terkenal, di satoe zaal-paviljoen dari itoe roe-mah sakit ada berbaring satoe djiwa jang se-deng bergoelet antara mati dan kemaoean hidoep.
•R A 1) I o 1. A' 147
Itoelah Radiola siapa telah dapetken satoe ketjilaka'an dalem satoe toebroekan auto jàng terdj'adi di prapatan Braga
lapoenja keada'an tida begitoe heibat, tapi oh, Goesti ia sekarang sedeng bergoelet de-ngen satoe kemaoean boeat dapetken lagi djiwa-nja dapetken lagi kesampoerna'annja hidoep seperti djoega Allah memberiken pada laen-laen machloeknja
Tatkala itoe djaroem lontjeng baroe mengoeta-raken djam 8, di hadepan dari itoe pembaringan di mana Radiola berbaring, ada keliatan bebra-pa orang jang sedeng memandeng bebra-pada dirinja itoe korban
Marika itoe ada satoe dokter, 2 djoeroe-rawat prempoean, dan.... Tik-tjoe jang sedeng meman-dengn istrinja dengen tida terkesip semen
tara Djin-gie sendiri doedoek di samping poe-trinja
Kotika itoe ketjilaka'an terdjadi, dimana Tik-tjoe sendiri poen toeroet mendjadi korban, de
ngen masing-masing dapetken rawatan jang ter
pisah, achirnja setelah 2 malem Tik-tjoe rasaken siksa'an hidoep selama itoe rawatan jang ter
pisah, pada itoe malem baroelah boeat pertama kali dokter indzinken padanja menengokin istri
nja .
Dengen dianter oleh itoe dokter dan zuster ia djoempahken Radiola, siapa di sampingnja soe-dah lama ditemenin oleh ajahnja, Dijn-gie.
Keada'an itoe waktoe ada soenji, marika se-terbisoe dengen tida kedengeran soeara apa moea seolah-olah terbenem dalem kegagoean, poen
Sesa'at kemoedian Tik-tjoe panggil istrinja, dan Radiola berpaling ka itoe djoeroesan dima-na ia danger soeara soeaminja Radiola poe-nja kedoea mata masih melek, tapi ia seperti tida liat Tik-tjoe Tangannja mengrepe ke-sana-kemari
Menempak itoe pemandengan, Tik-tjoe pasti aken djatoh djika tida keboeroe ditjekel oleh itoe dokter dan zusters.
„Oh, Goesti Apa artinja ini ?" Tik-tjoe kemoedian bisa djoega boeka soearanja.
»Ja " saoetuja itoe dokter, „bagian oerat mata jang terpenting dari kaoe poenja istri soe-dah dapetken loeka-loeka jang terlaloe heibat....
dan maski kita telah tjoba sebrapa bisa, sajang boeat seoemoer hidoepnja ia aken tetep mendja-di boeta..."
Keada'an sigra mendjadi soenji lagi setelah Tik-tjoe toebroek istrinja dan rangkoel itoe ba
dan jang sekarang soedah tida bisa meliat lagi
•R A D I o L A' 149
roman soeaminja.
Tetesannja aer-mata saling mengalir antara itoe doea djiwa-kasih Tik-tjoe ada terlaloe kaget dengen itoe pemandengan, hingga selama itoe ia seperti orang jang kesima, peloek. dan tjioemin istrinja, tjioemin itoe sepasang mata jang tadinja mendjadi iapoenja sinar kehidoepan, tapi sekarang
„Oh, 'nko.... kesian saja poenja Violetta "
achirnja Radiola petjahken itoe kesoenjian.
Tida ada satoe patah perkata'an jang Tik-tjoe bisa kloearken Apa jang ia mampoe pikir ja-lah: itoe kebintjana'an terbit lantaran dirinja ...
Ialah jang soedah bawa Radiola ka Bandoeng, ialah jang soedah boedjoek istrinja menjingkir dari kesoenjiannja pegoenoengan, dan achirnja ia djoega jang bikin tjilaka istrinja
„Oh,Goesti," begitoelah Tik-tjoe meratap pa
da dirinj asendiri, ,,Kenapatah ia jang tida ber
dosa moesti djadi korban dari saja poenja per-boeatan jang kliroe "
S A T O E m i n g g o e b e r s e l a n g
Dengen idzinnja dokter Radiola tinggalken itoe sakit. Berkoempoel lagi dalem roemah-nja bersama-sama ajah, soeami dan poetriroemah-nja.
Lilian dengen dianter oleh empe Thian-tee
soe-dah perloeken ka Bandoeng koetika trima itoe warta jang menjedihken.
Kedatengannja Lilian djoestroe menarik piki-rannja Radiola mengingetken itoe oesia-moeda dari Lilian jang terbenem dalem ketjin-ta'an pada soeaminja.
Dan Tik-tjoe dalem kedoeka'annja ,masih te-roes berdaja boeat minta pertoeloengannja spe
cialist di berbagi-bagi tempat, ia baroe tenggelem betoel-betoel dalem dasarnja kesedihan ketika semoea specialist dokter mata menjataken se-roepa pendapetannja; Radiola tida bisa tertoe-loeng, dan tetep moesti djadi boeta dalem se-oemoer hidoepnja
Kaloe satoe vonnis hoekoeman jang paling be
rat ditjatohken pada dirinja orang djahat, soe-dah bisa dipastiken bagi Tik-tjoe itoe poetoesan dipandeng terlaloe ketjil djika dibanding dengen itoe poetoesan jang beroepa hoekoeman moreel bagi dirinja sendiri ia pasti tida aken bisa melakonin penghidoepannja dengeii menghade-pin itoe kesengsara'an dari istrinja.
Begitoelah setelah dibikin perempoekan, achir-nja itoe Productenhandel „Koen Loen" ditoetoep, dan Tik-tjoe bawa istrinja kombali lagi ka itoe tempat pegoenoengan Tengger balik lagi ka itoe onderneming „Welas-Asih"
•R A D 1 o Jb A' 151 Anem boelan liwat sedari itoe pemindahan Pada soeatoe hari orang menampak dalem itoe gedong jang doeloenja ada mendjadi miliknja Djin-gie, keliatan banjak orang jang sedeng wa-ra-wiri, roman dan sikepnja marika seperti se
deng berada dalem kebingoengan
Di dalem satoe kamar dari itoe gedong ter
tampak Radiola berbaring di atas satoe pemba
ringan dengen dikiterin oleh setoeroe familie-nja.
,,'Nko," kedengeran soearanja Radiola jang memanggil Tik-tjoe, dan kemoedian berpaling pada Lilian, „Ade, marilah deketin saja sa
ja soedah ambil poetoesan jang tetep ambil poetoesan boeat selekasnja menjingkir dari ini doenia tinggalkan kaoe orang semoea "
ia panggil ajahnja, minta Djin-gie deketin diri-nja kemoedian melandjoetken : ,,Ajah biar
lah kaoe mendjadi saksi boeat saja poenja per-minta'an jang pengabisan Saja anggep peng-hidoepan soedah tida berarti boeat saja poenja hidoep, kaoe orang soedah moesti mengorbanin segala apa goena kesenengan saja Tida ada satoe apa jang bikin saja djadi menjesel, malah saja moesti djadi doeka djika selama hidoep, saja moesti benem kaoe-orang dalem ini pemandengan jang saja taoe pasti ada menjakitin kaoe-orang
poenja hati Dari itoe, apatah artinja ini penghidoepan bagi saja, bagi seorang jang soe-dah tida mempoenjain artian apa-apa dalem hi-doepnja " ia brenti sebentar, minta diso-dorken seglas aer, napasnja keliatan soedah moe-lai kendor
,,Ajah," ia melandjoetken omongannja ,,saja minta kaoe poenja kesaksian jang paling penga-bisan: Rangkepkenlah ini djodo dari pengoela-ngan tjinta jang doeloe " sambil gandengin masing-masing tangannja Lilian dan Tik-tjoe, Radiola peloek itoe doea tangan, tjioem beroe-lang-oelang, kemoedian tetepken di dadanja jang bergontjang keras ,/Nko, ade, biarlah kaoe nanti penoehken saja poenja keinginan
in-dahinlah saja poenja perminta'an.... itoelah ada boeat kebroentoengannja saja poenja Violetta....
dan kasihlah saja satoe tjioeman jang pe-ngabisan boeat saja poenja.... slamet tinggal...."
dengen pelahan kedoea matanja Radiola djadi tertoetoep, Tik-tjoe dan Lilian menoebroek dan djatohken moekanja di itoe roman jang sekarang soedah tinggalken marika, tinggalken ini doenia
jang tida kekel boeat selama-lamanja
Dalem tangisannja dari itoe semoea orang jang berada di itoe kamar, teroetama Tik-tjoe dan Lilian jang masih rangkoel badannja Radiola,
•R A D 1 O J- A' 153
tertampak satoe senjoeman jang manis di bibir-nja itoe machloek Allah jang soedah bikin satoe pengorbanan besar boeat kesenengannja laen ma-noesia satoe soenggingan senjoeman seolah-olah ia merasa poeas menghadepin itoe berpisa-han dengen hati jang ridlah
Radiola soedah abisken djiwanja sendiri de
ngen minoem ratjoen welirang dan selama menoenggoe kedatengannja dokter, orang soedah berichtiar boeat loepoetken itoe bahaja jang me-ngantjem djiwanja, tapi, boleh djadi memang soedah mendjadi keinginannja Radiola jang soe
dah tetep, hingga sebelonnja keboeroe dapet per-toeloengannja dokter, Radiola soedah tarik na-pasnja jang pengabisan memandjat itoe Tiang dari laen Penghidoepan jang lebih kekel dan aman
Kebebasan boeat akoe boekan beroepa pengor
banan dengen melepasken segala apa. Akoe me-rasain peloekannja kebebasan dalem seriboe ike-tan jang menjenengken. — Rabindranath Tagore.
Dalem iapoenja kedoeka'an dan kesedihan atas meninggalnja Radiola, satoe hari Djin-gie dan Tik-tjoe trima hiboerannja empe Thian-tee:
„Manoesia," begitoelah itoe empe moelain kem-bangken sarinja penghidoepan, ,,dari satoe 'titi-ka' (Thay-kek) jang oleh wetenschap bisa
diarti-ken moleculen, tertjipta sari-rasa (Im-yang), de
ngen apa kemoedian terpetjah lagi sebagi 5'ele
ment (Ngo-heng), itoe pantjadrija jang meroepa-ken 5 sifat.
„Kerna sifatnja Im-yang, achirnja terlahir benda hidoep, dari mana sang mata bisa meliat, idoeng bisa membaoein, moeloet bisa merasaken, keeping bisa mendenger, dan hati mempoenjai perasa'an. Setelah itoe pantjadrija soedah bisa tersedar atas masing-masing poenja sifat, ma-noesia baroe djadi dioepamaken sebagi korsi-me-dja.
„Dari bongkotnja pepoehoenan sampe batang-batang ketjil ditebang, dikerik, dan dibersihin, aken kemoedian dibikin djadi satoe perabot. Sang tjabang poehoen tida taoe bagimana aken men-djadi nasibnja sebelonnja meroepaken korsi-me-dja. Setelah mengetahoei bahan dirinja soedah mendjadi korsi-medja — ibarat manoesia sedeng-nja dewasa, — baroelah ia moelai bladjar kenal apa artinja pengalaman hidoep.
,,Seperti itoe korsi-medja, sang korsi bisa me
nerima didoedoekin oleh seorang agoeng, dan djoega bisa teriles oleh seorang roedin ; sementa
ra sang medja poen bisa trima sadjihan vaas kembang jang bagoes dan memikoel kwadjiban boeat trima piring-mangkok jang indah atawa
'R A D I o L A' 15')
rosokan !
„Sebelonnja menikah, manoesia ingin poenja-ken Kawin-hidoep boeat menemenin hidoepnja;
setelah itoe roemah-tangga berdiri, pikoelan 'Ke-wadjiban' menindih semangkin berat di poen-daknja. Kemoedian koetika roda-penghidoepan mengglinding memoeterin djagad doenia jang loeas, achirnja sang tempo ketjandek oleh itoe bengawan jang memisahken manoesia dari roe-mah-tangganja. Tinggalken ajah-bonda, soedara-soedara, anak bini, kawan dan lawanan, kerna kesoekerannja penghidoepan. Mengoembara kean-kemari boeat mentjari nafkah oentoek ke-boetoehannja dari kehidoepan. Bergoelet dan ber-djoang dalem soeloerannja itoe Soengei-Maja
(Tjit-Pik)
,,Menempoeh matahari, dapetken sinar meng-kredep jang berbalik menjorotken seolah-olah dalem kegoembira'^n bikin manoesia merasa ke-poeasan dan bangga. Menerdjang sepandjang ali
ran dalem kobokan dan atawa rawa jang kotor, menjepoeh warna asalnja seolah-olah mengoen-djoeken dalem pengalamannja manoesia bisa ra-saken banjak kepalsoean Mengalir teroes di bawah alingan mega-mega sampe kemoedian me-noedjoe pada moeloetnja Laoetan Kelangge
ngan Di sitoelah, di hadepan itoe 'Moeloet
Gowa' manoesia teroedji antara; mandek atawa madjoe !
„Mandek, kerna masih takoetin keseremannja itoe 'Moeloet Gowa', berarti mandah teroembang-ambing di pesisirnja itoe Laoetan Kelanggengan ; sementara boeat berbalik aliran, boekan
sifat-nja soengei, kerna apa jang tadisifat-nja mengalir ka djoeroesan ilir, pasti tida aken bisa berbalik ka djoeroesan poko permoela'annja dan itoe-lah berarti : apa jang soedah liwat' tida aken ba
lik kombali!
,,Boeat madjoe, manoesia haroes tabahken ha-tinja soepaja bisa toeroet bersatoe aliran de-ngen liwatken itoe 'Moeloet Gowa' dari Laoetan Kelanggengan, dimana selandjoetnja tertampak ftoe pintoe dari Geloembang Ketentreman dan itoelah; 'Kesampoerna'an' "
Begitoelah empe Thian-tee soedah roending-ken soeal penghidoep'an manoesia dengen setja-ra singkat dan ringkes.
A P A j a n g d i l e m p a r d i w a k t o e m a s i h m o e d a , seringkali didjoempoet lagi dengen mahal di wak
toe toea
Radiola jang tadinja berkeras tida ingin tje-boerken dirinja di dalem kalangan penghidoepan jang mentereng, blakangan boeat goena
ke-•K A 1) 1 O J' A' 157
broentoengannja iapoenja roemah-tangga, toch kemoedian rodanja penghidpepan soedah bawa djoega dirinja ka itoe iboe kota Preanger jang indah, dimana achirnja ia moesti bajar dengen mahal boeat itoe pengalamaiin'ja
Begitoepoen Tik-tjoe, setelah meningalken is-trinja sekedar boeat mengedjer kementerengan hidoep, blakangan moesti rasaken bagimana soe-nji hatinja selama dalem itoe berpisahan, dan ke
moedian sesoedahnja bisa djoempahken lagi pa
da Radiola, gondol itoe istri boeat soeroe tjitjip-ken madoenja keramean doenia, dimana achir
nja i;:, trima itoe bintjana dengen bajar mahal sekali atas kematiannja Radiola
Doenia memang tjiptaken manoesia boeat ter
bitkan lelakon
Dalem itoe keada'an jang sanget mendoekaken hatinja, Tik-tjoe masih berkeras membandel boeat bikin itoe pernikahan jang kedoea. Ia ang-gep perminta'annja Radiola ada terlaloe gila boeat ditoeroetin, kerna bagimana ia nanti bisa merasa broentoeng djika di sampingnja itoe per-nkihan masih teroes bersemajem itoe kelengke-tan-soekma pada dirinja iapoenja istri jang per
tama
,,Ja saja tjoema minta kaoe poenja satoe kehormatan," begitoelah satoe waktoe Djin-gie
menepr pada Tik-tjoe, „dan itoelah: indahken perminta'an jang paling pengabisan dari kaoe poenja istri boeat mana ada berarti ke-broentoengannja kaoe poenja Violetta!"
Mendapet desekan demikian, achirnja Tik-tjoe moesti paserah sama kemaoeannja nasib
Ia bikin itoe pernikahan jang kedoea pada Li
lian dalem artian jang lebih banjak bersifat : mè-ngindahin perminta'an pengabisan dari istrinja, dan teroetama boeat kehidoepannja iapoenja Vio
letta
Setengah taoen kemoedian sedari terangkepnja itoe doea soekma jang doeloenja pernah saling bergandengan, pernah saling perhatiken kehidoe
pannja, setelah ini lelakon hidoep sampe di satoe poentjak dari kepoeasan dalem pengihdoepannja Djin-gie, pada satoe hari Minggoe pagi, Djin-gie
— itoe orang jang soedah menanggoeng banjak pengalaman pait-getirnja penghidoepan, — de-ngen kekerasan hatinja soedah mengorbankan kebroentoengan hidoepnja sekedar boeat iapoe
nja Radiola, sekarang dengen matanja jang me
rem dan moeloetnja bersenjoem toeróet menjoe-soel roch istri dan anaknja jang soedah tinggal-ken ia lebih doeloe... tinggaltinggal-ken ini doenia boeat berkoempoel lagi djad satoe pada Loan-nio dan Radiola — iapoenja istri dan poetri jang
'R A 1) I O I- A' 159 tertjinta berkoempoel dalem artian jang le
bih kekel dan tentrem!
Ini kematian ada mendjadi satoe berkah bagi dirinja Djin-gie, kerna di sa'at hidoepnja ]ang paling pengabisan, iapoenja moeloet masih bisa menjataken kegirangannja boeat itoe rangkepan diodo jang tertoenda, njataken kepoeasannja kerna soedah bisa woedjoetken dalem kesaksian-nja boeat penoehin itoe perminta'an jang pe
ngabisan dari poetrinja.
Merasa keilangan i)oeat itoe kematian-kema-tian jang beroentoen, dan merasa terlaloe berat menerima kewelasannja Radiola, achirnja Lilian minta Tik-tjoe bersama-sama menanem lagi itoe b i b i t d a r i k e m b a n g r a d i o l a !
Marika sebar lagi itoe bibit tetaneman seke
dar boeat peringetken pada Radiola itoe ta-neman jang doeloenja telah ditebang dan dibas
mi kerna membikin loeka perasa'an hatinja Li-lia,n tapi sekarang dan boeat selama-lamanja itoe boenga-boenga nanti teroes bersemajem di itoe onderneming „Welas-Asih" Bersemajem oentoek didjadiken satoe peringetan bagimana moelia dan welas dirinja Radiola pada semasa hidoepnja
„'Nko," soeatoe hari Lilian berkata pada
Tik-tjoe Koetika marika sedeng sambangin itoe ti^a koeboeran dari tiga soekma jang sekarang soe-dah mendjadi satoe. „liatlah pada ini sepotong kertas jang semalem saja telah koetib dari toeli-sannja Note Soeroto " sembari memetik itoe taneman boenga radiola Lilian sodorken itoe se-potong kertas pada soeaminja.
Tik-tjoe sainboetin dan bat ja;
„Pada malem jang soenji akoe aken poengoet daon-daon boenga jang rontok dan koempoelken djadi satoe. Moeda-moedahan ini djadi satoe per
in getan bagimana indah megarnja ini kembano' di waktoe pagi". (In den eenzamen avond zal ik deze afgevallen bloembladeren oprapen en ver- . zamelen. Moge zij mij in herinnering brengen hoe waarlijk schoon de bloem, in den morgen heeft gebloeid).
Achirnja Tik-tjoe tjoema bisa mengeiah na
pas
Sebagi penoetoep, boeat melengkepin loekisan dari djalannja penghidoepan manoesia, di bawah-ini saja sadjiken sairannja Omar Khayam:
'Tis all a Chequer-board of Night and Days, Where Destiny with Men for Pieces plays, Hither and thither moves and mates and slays, And one by one back in the Closet lays.
•R A D I o L, A' JgJ
Doenia adalah papan-tjatoer dari Malem dan
\ Siang,'
Takdir pérmaenken manoesia sebagi
bidji-bidjinja, Saling bantoe, saling bergerak dengen
malang-melintang, Achirnja satoe per satoe balik kombali di
dalem doosnja.
Zé-/
ONG HWIE LUiNi