iTßcwita ^omawM

Limabelas hari kamoedian.

Dengen kapal Fa» Diemen Seng-boen soeda kombali dari Makassar.

Itoe hari djoega ia soeda pergi pada itoe goe-boek jang diboeat kenangan.

Ia sampe disitoe waktoe itoe 'mpe kloear dja-lan djadja-lan seperti soeda kabiasa'annja, diroemah tinggal Simin dengen nonanja.

„Min, apa kau poenja nona ada didalem ?"

berkata Seng-boen waktoe berhadepan pada itoe djongos dilangkan loear.

„Àda, Nang, nanti saia panggilken sabentar. Ba Toea tadi kloear, ia itoe amat soeka naek-naek goenoeng, kendati iapoenja oemoer soeda toea, iapoenja koeat melebihin saia", menjaoet Simin sambil berdjalan masoek,

Sabentar kliatan Keng-jan kloear jang lantas di-kasi „Slamet dateng" dan dibales oleh Seng-boen dengen ketawa.

Roepanja marika poenja perselisihan jang doe-loe terbawa hanjoet dalem aroesnja sang tempo

„Àpa kau ada baek, nona ? Limabelas hari saia tida dateng, itoelah lantaran saia moesti pergi ka Makassar boeat oeroesan dagang.

„Tadi pagi saia dateng dan lekas djoega saia ke­

mari, oh, saia soeda kangen sekali maski baroe 15 hari", achirnja Seng-boen berkata sambil ke­

tawa.

Jan nio berdiam sadja, merasa djengga liatin itoe tingka jang menengil dari itoe anak moeda seraja ketawa-ketawa.

„Bagimana dengen itoe oeroesan pindah ka kota, nona ? Apa kau poenja 'nkong soeda maoe moefakat ? Kaloe kau tinggal dikota, seben soreh

• C o e n A a e n a n n f a K w c a d i l b a B n 59 kita nanti plesir dengen saia poenja auto Pon-tiac-six jang baroe. Kau nanti bisa lantas beda-ken kasenengan didalenti kota dengen kasoenjinja didalem oetan," Seng-boen teroesken bitjaranja.

„Saia tida taoe apa 'nkong soeda ambil poe-toe'san, saia belon tanjak padanja," mendjawab itoe gadis sambil mengawasin itoe kembang tan-djoeng jang djatoh dimoeka roemahnja.

Seng-boen laloe memandang dengen matanja jang bersinar tadjem sambil deketin itoe toeboeh jang montok. lapoenja soemanget seperti maoe melomoat koetika ia berada lebih dekat. lapoenja bibir goemeter, tapi ia masih bisa bersoeara se­

paro menboedjoek ;

„Nona, djanganlah kau menampik saia poenja perminta'an, saia adjak kau pindah kadalem kota, itoelah ada dari lantaran saia poenja

tjinta pada kau, Jan !" Seng-boenbrentiken bitjara­

nja sambil awasin parasnja itoe gadis. Kamoedian dengen pelahan ia teroeskan ;

„Saia harep kau tida menampik, ja nona ? Ka-loe kita soeda menikah ," lagi lagi ia memandeng itoe moeka jang berobah merah," „Kita nanti bikin honeymoon ka Java sebrapa lama kita soeka, ajah saia tida sekali keberatan. Tidakah penghidoepan begitoe sedep rasanja ?''

Parasnja itoe gadis jang rada-rada merah bero­

bah poetjet, iapoenja pikiran masih lagi kenangken perminta'an dari Sian-in dan sekarang ia denger lagi lain perminta'an sematjem itoe

Lama ia berdiam dengen keada'an merah poe­

tjet dan maloe tertjampoer satoe, teradoek begitoe roepa hingga ia bingoeng bagimana moesti men­

djawab.

•60 V o r n a n

Tapi itoe anak moeda jang meliat Keng-jan berdiam sadja laloe mendesak.

Achirnja itoe gadis laloe menjaoet djoega den-gen soesa dan terpoetoes-poetoes ;

„Trima kasi, 'nko, boeat kau poenja kasoedian hati pada saorang prempoean doesoen seperti saia, tapi saia masih ada mempoenjain 'nkong

jang nanti briken segala poetoesan."

„Ja itoe soeda moestinja, nona, saia tentoe me-nantiken dengen penoeh pengharapan," mendja-wab Seng-boen jang soeda lantas sadja impihken bôgimana nanti itoe kabroentoengan diwaktoe ho­

neymoon bersama itoe bidadari pedoesoenan jang tjengkrem hatinja !

* *

*

Soeatoe soreh hawa ada njaman sekali. Dian­

tara itoe seboeah poehoen jang rindang daonnja, kadengeran satoe soeara ;

„Jan, saia betoel ada saorang-toea, tapi saia poenja pikiran tidatoeroet seperti toeanja oemoer saia dan soepaja kau djangan sala mengerti, di-sini saia hendak terangkan sedikit padamoe, brang-kali itoe ada goenanja boeat kau. Kau soeda tjoe-koep besar dan pikiranmoa jang djernih tentoelah aken toentoen padamoe kadalam satoe poetoesan

jang baek.

„Menoeroet saia poenja pengliatan dan panje-lidikan Sang-boen itoe ada anaknja saorang har­

tawan. Siapa-siapa jang manikah padan ja, bakal rasaken senang, kasenengan lahir, ia bisa penoeh-ken istri jang paling rakoas dengen barang pakaan atawa segala perhiasan, ia ada poenja auto bagoas diboaat plesiran kamana soeka, pendaknja segala

Ro«en<c»«en«Mnm}«K M «v CM «BS A B* am 61

^pa jang harta mampoe beli ia bisa adaken.

„Tapi iapoenja tabeat ada angkoeh, terliat dari segala pembitjara'annja jang selaloe banggaken diri sendiri. Iapoenja lagoe omongan tida bisa sabar, dalam segala perboeatan kebanjakan ia toeroetin hati, boekannja pikiran.

, Berbeda dengen Sian-in, ia ini ada miskin, ka-loe beristri padanja, prampoean itoe aken rasa­

ken sedikit soesah dalem hidoepnja, kerna ia tjoe-ma bekerdja dibawah orang poenja prentah, ia poenja gedong mentereng atawa auto jang bagoes, pandeknja ia ada anak jang miskin dalem tim­

bangan harta. Tapi iapoenja tingka lakoe ada baek, saben omongan ada menjataken kesabarannja hati, taoe diri, tida sombong, ia biasa berpikir zonder terlaloe elonin kemaoeannja sang hati.

,,BegitoeIah ada sifatnja itoe kadoea anak moeda, Jan, kau boleh timbang dan pikir baek

sabelon-nja ambil moetoesanmoe." Demikian ada oetja-pannja itoe orang-toea waktoe berdoedoek dibawah itoe poehoen berdoea'an dengen Keng-jan, tjoe-tjoenja.

Moekanja i'oe gadis merah, bibirnjd poetjet, ia merasa maloe-maloe waktoe dengerken tjerita 'nkongnja, tetapi itoe orang-toea oendjoeken jang ia taoe segala apa.

* *

*

Lima hari berselang. Soeatoe soreh dalem roe-manja Sian-in dapetken sapoetjoek soerat dari sa-toe sa-toelisan jang sama sekali ia tida pernah liat.

Ia laloe boeka dan moelai membatja ;