Koetika Eng-hong dateng dengen membawa satoe Exemplaar Weekblad „MACHRIB."
di pintoe pekarangan roemahnja ia poenja Twape ada berpapasan sama Looper Post
jang baroe kaloear dari sitoe.
Itoe anak moeda masoek teroes ka bla-kang, kerna di loear sepi, di mana ia dapet-ken sang Entji sedeng membatja satoe soerat jang roepanja baroe sadja dikaloearken dari Envlopenja.
Tatkala meliat Eng-hong dateng, dengen rada goegoep sigra Eng-loan masoekin poela itoe soerat di tempatnja, kamoedian ia menanja ;
.Apa itoe jang kaoe bawa, 'Hong?'
„Inilah,'ntji, „MACHRIB" Nummer per
tama jang saja trima baroesan."
Si Nona trima itoe Weekblad, boeka satoc-satoe lembarannja boeat diliat ia poenja kalimat-kalimat.
„Batjalah itoe Hoofdartikel, 'ntji, satoe boewah pikiran jang menarik hati," kata sang ade.
Marika laloe sama-sama doedoek beren
deng di satoe Sofa. Dan Eng-loan moelai membatja dengen soeara sadikit keras ;
„Kematen ada dateng pada kita satoe kawanan Nationalisten jang djalan
„poengoet derma boeat menoeloeng itoe 24
„bahaja kelaperan di Jun-nan, marika .minta kita bantoe soeara dalem
Week-„blad kita ini jang baroe terbit. Kita
„salamanja ada poedja kateroesterangan,
„kita aken bilang tida satoedjoe kaloe
„hati kita tida satoedjoe, bagitoepoen
„sabaliknja. Maka kita lantes kata
ba-„hoea kita tida moefakat, kerna itoe
„bantoean boeat marika di sana tida
„bagitoe berarti, sedeng itoe oewang
„jang dapet dikocmpoel ada lebih oetama
„bila digoenaken sadja boeat berdiriken
„saboewah roemah sakit Anti-Opium
„Hospitaal atawa Roemah pendidikan
„anak-anak miskin, jang faedahnja ada
„lebih besar, kerna maski benar di sana
„soedara dan di sini poen soedara, tapi
„soedara jang di sini ada lebih
menjo-„lok mata terantjemnja bahaja, sedeng
„jang di sana oepama betoel lagi
dise-„rang bintjana heibat tapi toch masih
„ada Pamerentah dan lain-lain soedara
„jang lebih koewat boeat menoeloeng.
„Pertoeloengan jang demikian memang
„tida ada djahatnja, kerna salainnja boeat jkamanoesia'an poen oentoek
Pri-„kebangsa'an. Tapi itoelah bodo dan
ter-„sesat, kita bilang, kerna membantoe jang
„kita tida liat, jang djaoe, jang sabenarnja
„soedah ada jang memikoel kewadjiban,
„sabaliknja pada soedara-soedara sendiri
„jang kelalaran dan kelaperan di depan 25
Tida Oemoem.
mata kita tida berboeat soeatoe apa.
Meliat dari itoe samoea, oh, orang Tionghoa, kaoe poenja perboeatan saperti tida berdasar atas Moraal, hanja atas oempakan kosong meloeloe.
Liatlah kaloe menderma, tida dipikir jtoe derma'an boeat apa, penting ,atawa tida penting, hanja kaloe jang .dateng ada orang-orang jang dalem
»pemandangan marika bagitoe sadja, ,satoe dalem doewa, digebos atawa .sendiri semboeni. sabaliknja kapan jang
„dateng itoe ada orang-orang jang
„berpcngaroe, dengen gampang marika ,nanti rogoh sakoenja kendati dalem
„hati menggroetoe. Djadi ternjataorang ,Tionghoa poenja menderma boekan
„boeat kapentingannja itoe gerakan,
„tapi tjoema berdasar atas Paysengkie.
„Kaderadjatan ada tergantoeng pada
„Perboeatan, kapan orang Tionghoa
„poenja perboeatan sanantiasa masih
„bagitoe, orang bisa lantas timbang
„kita orang poenja deradjat sebagi
„ manoesia sabenarnja berada di tingkatan ,mana.
„Di sini kita djadi tambah bernapsoe
„boeat membitjaraken lebih djaoe
apa-„apa jang bikin hati kita mendedal.
„Pri bahasa ada kata; „Kaloe Goeroe
„kentjing sambil berdiri, sang moerid ,kentjing sembari lari". Ini ada soeroep
„dengen keada'an kita orang Tionghoa,
„ja'itoe, bagimana jang dipimpin tiada
„bodo, sedeng si pemimpin sendiri ada
„bagitoe bedjad. Kita tida oesah
bitja-„raken jang lain, hanja jang ada
hoe-„boengannja sadja dengen hal di atas.
„Sekarang oepama si A. menderma
„boeat menoeloeng bahaja kebakaran,
„f 1— itoe cewang ditrima dengen
„enteng, ditjatetnja poen kaliatan dengen
„mengambang, lain sekali dengen si B.
„jang menderma f 100.^— disamboetnja
„dengen tangan goemetar dan
menoe-«lisnja poen bagitoe mantep sampe
„kertasnja temboes. Bagimanatah itoe?
„Marika tida pikir, bahoea oewangnja
„si A. jang f 1.— itoe ada saparo dari
„antero kekaja'annja, tapi oewangnja si
„B jang f 100.— ada oewang kalebihan
„jang dikaloearkennja dengen zonder
„merasa. Orang miskin kaloearken
„oewang satoe roepiah sebagi dipotong
„sabagian koelitnja, tapi satoe hartawan
„boewang saratoes roepiah saperti .lempar poentoeng sigaret. }a, toch
„marika tida pikir, hinggah di waktoe
„toelis verslag poen tida nanti bisa
„kaliroe boeat tjatet namanja si penderma
„paling banjak di paling atas
Bagitoelah Eng'loan batja toelisan dari Redactie „MACHRIB".
27
Tida Oemoem.
Tapi sabelon ia berdoewa bitjara lebih djaoe, tiba-tiba }oe-kiong dateng mengamperi seraja berkata ;
„Eh. Eng-hong, kaoe ada di sini, ka-betoelan, lekas ambilken ini Aangeteckend di Postkantoor".
Eng-hong sigra brangkat, samentara Eng-loan poen lantas masock ka dalem kamarnja, di mana ia batja poela itoe seerat jang baroesan ia trima dari Looper Post dan ia lagi batja tapi tertoenda oleh
dateng-nja sang Ade.
Itoe soerat kombali ada dari Tan Kim Siong Jr. :
Nona jang moelia.
Soerat nona soedah saja trima dengen penoeh kahormatan.
Nona poenja penampikan tentoenja aken membikin saja djadi doeka dan menjesal kaliwat-liwat, kaloe tida ka-betoelan saja sendiri poen telah batal-ken itoe pendjabatan Hoofdredacteur di Soerabaja.
Saja oeroengken itoe pakerdja'an.
boekan kerna Conditie tida tjotjok, boekan, kerna saja toch tida aken mamandang salaris, hanja sebab di antara marika dan saja poenja haloean ada bertentangan.
Boeat saja, Nona, kendati gadji besar tapi kaloe haloean tida tjotjok 28
lebih baek tida bekerdja, kerne hati saja ada keras, dikoeatir nanti bisa bertjidra antara kawan sadjabat. Boekan saperti jang lain-lain, saja tida bisa djoewal haloean.
Demikianlah, Nona, kita nanti toeng-goe sadja terboekanja itoe lapangan
jang mennjotjokin. Saja merasa ber oentoeng nona tida djidji boeat bales soerat saja, dan saja aken mendjadi lebih beroentoeng lagi bila sering-sering dapet nona poenja kabar, bahoea nona dan Familie nona berada di dalem keslametan.
Dengen segala hormat (W. G.) Tan Kim Siong }r.
Sasoedah dibatja, Eng-loan laloe simpen itoe soerat di dalem latji medjanja, aken kamoedian kaloear dan pergi ka blakang boeat oeroesin makanan, kerna itoe waktoe poen soedah amper tengah hari.
Koetika barang santapan soedah sedia di atas medja, Eng-hong jang pergi ka Kantoor Post djoestroe soedah poelang, maka sebagi biasanja ia laloe toeroet makan di sitoe.
Sembari mengoenjah si anak nakal itoe, bitjara sama sang Entji ka barat ka timoer antara lain-lain ia toetoerken, bahoea di Sindang-laoet lagi dipikirin boeat diboeka tjabang Shiong Tih Hui, tapi ia kata tida 29
Tida 0«mo»m,
ada hatcpan, kerna anak moedanja di sitoc sadikit sekali.
Joc-kiong tida perhatiken apa jang itoe doewa anak moeda lagi bitjaraken, hanja diam-diam sembari mengiroepin ia poenja soof pikirannja melajang-lajang ka itoe dja-man di waktoe ia masih moeda, di dja-mana dengen badjoc Twikim, tjelana item dan Taotjang merah, ia panggoel datjin masoek kaloear di desa-desa boeat mentjari padi dan brambang
„BOELAN POERNAMA" No. 6 30