Tjoeatja soedah remeng-remeng kerna itoe Dewa Siang telah ambles di podjok langit sabelah barat. Soearanja boeroeng-boeroeng soedah tiada kadengaran poela, marika soedah pada mengasoh dalem masing-masing sarangnja, boeat memberi koetika sang lawa dan kampret mengoembara tjari makanan.
Di serambi depan Eng-loan sedeng doe-doek sendirian, maski ia diam termangoe-mangoe. tapi parasnja ada mengoendjoeken bahoea ia lagi tida sabaran, roepanja saperti sedeng menantiken apa-apa jang penting.
Memang betoel ia sedeng menantiken datengnja Eng-hong, jang ia dengar baroesan sadja poelang dari Batavia, ka tempat mana itoe Ade poenja pergi sabenarnja ada ia jang soeroeh. satoe minggoe baroe bisa poelang.
Lampoe-lampoe telah lama terpasang, tapi itoe anak moeda belon djoega dateng, hing-gah si Nona djadi samingkin koerang sabar lagi.
Liwat sadikit sa'at poela baroelah kaliatan Eng-hong djalan mendatengin, tapi roepanja ajem-ajeman, satoe-satoe tindakannja saperti di'itoengin sembari tertawa-tawa tida bren-tinja, jang mana soedah tentoe bikin Eng-loan djadi sanget gregeten.
72
Sesampenja di hadepannja itoe Entji, Eng-hong tida lantas berdoedoek, hanja berdiri sadja seraja ambil sapoetangannja boeat soesoetin saloeroeh moekanja jang tida berkringat, tida apa-apa
«Eng-hong, bagimana, anak-manis?" me-nanja sang Entji dengen soeara lemah-lemboet.
„O, soedah tentoe berhasil!" djawab si Ade dengen djoemawa jang dibikin - bikin.
„Di sana banjak Nona-nona jang ramboet-nja dipotong pendek, 'ntji, roeparamboet-nja
tjantik-tjantik
„Ah, Eng-hong, kaoe akoe soeroeh kaoe pergi ka Batavia boekan boeat meliat Nona-nona manis jang Bobbed, boekan, anak nakal, boekan."
Eng-hong tertawa.
„Ja, baeklah, saja nanti toetoerken apa jang bikin kaoe prentah saja pergi ka sana,"
katanja seraja ambil tempat doedoek di deketnja itoe Entji.
„ Bagini,'ntji,'' moelai menoetoer ia. „Itoe hari saja sampe di Batavia soedah sore, maiemnja saja tida pergi kamana-mana hanja tjoema kaloear sabentar boeat tangsel peroet di Glodog, menoeroet kainginan kaoe aken saja djangan terlaloe boros, dan lantas balik ka Hotel. Besok paginja saja pergi ka kantoor-kantoor Soerat-kabar, seperti kaoe ada pesan kerna itoe orang ada kaoem
pe-noelis tentoenja ada terkenal di antara
73
Amper sadja
kalangan Journalisten, tapi, 'ntji, marika satnoea bilang tidak kenai, malah ada jang moerang-moering dan kata: „Siapa itoe Tan Kim Siong ? Owee tida kenal ! Kenapa ngko menanja kamari ? Ini boekan kantoor Bek ! Adoeh, saja djadi bengap dan lantas boeroe-boeroe toeroen berlaloe. Sembari bertindak saja ingat-ingat djadi djengkel sendirian, kenapa tida karoean-karoean di-soeroeh tjari orang jang bagitoean, hinggah saja kena didamprat oleh itoe 'ngkoh Soe-rat-kabar, saja tida djengkel pada kaoe, 'ntji, tapi bebalik mendongkol pada itoe Tan Kim Siong jang laloe saja koetoekin sapan-djang djalan.
Itoe hari saja mider-mider sampe sore, boeat besok pagi dan loesanja kombali ajeng-ajengan, tapi hasilnja salaloe nihil, kerna Batavia boekan Sindang-laoet jang kaloe tanja si Eng-hong saban idoeng poen.
bisa kasih oendjoek. Di itoe Kota besar tjari saorang jang Onbekend soekernja se
bagi tjari sapotong djaroem di dalem
kali • • . "
Bitjara sampe di sitoe Eng-hong brenti kerna meliat aer-moekanja sang Entji sadikit berobah. Tapi kamoedian ia melan-djoetken :
..Demikianlah, 'ntji, lima hari saja teroes mengitoeng tindak di Batavia tapi teroes tida dapet hasil, hinggah hati saja djadi kesal. Sampe pada itoe hari sedeng saja 74
menonton orang maen bola di Tanah-lapang Singa, saja telah katemoe satoe kenalan dari Cheribon jang sekarang bekerdja di Toko-tiga, iseng-iseng saja menanjaken pa-danja, itoe si Kim-siong, tapi ia tjoema goleng kepala, blakangan saja djadi menjesal kerna apa lagi ia jang boekan orang sana, sedeng jang pendoedoek Batavia aseli toch tida taoe. Saja djadi samingkin kesal dan bosen hinggah saja kapingin lantes poelang sadja, tapi kerna itoe hari saja soedah te-keboer sombong-sombongan di depan kaoe bahoea saja moesti bisa dapetken katerangan tentang ia, saja djadi merasa maloe kaloe balik dengen tangan kosong. Dari itoe, maka saja djadi samingkin giat oebek-oebekan hinggah sampe di ploksok-ploksok.
Pada soeatoe hari, koetika saja djalan di Angkee, dengen tida sengadja saja soedah masoek di satoe Gang, liwatin kira-kira sapoeloeh roemah mendadak saja telah djadi merandek koetika saja dapet liat satoe Naambord terloekis namanja Tan Kim Siong, saja djadi sanget girang kendati hati masih sangsi. Saja liat di sitoe ada satoe Njonjah toewa jang sedeng menggoreng koewe-koe-we, roepanja asik sekali dengen pakerdja-annja, hinggah tida perhatiken saja berdiri bengong di depan roemahnja. Dan saja dapetken tida djaoe dari sitoe ada satoe waroeng kopi, jang djoewal, saorang Tiong
hoa, maka saja laloe pergi ka sana dan 75
Amper sadja
doedoek minoem kopi sembari berpikir.
Katnoedian saja menanja pada itoe 'ntjek jang poenja waroeng, apa itoe roemahnja Tan Kim Siong, ia manggoetin kepalanja dan berkata, seraja menoeding : „Nah, itoe dia Tan Kim Siong, dia maoe kamari, sebab biasanja memang soeka doedoek-doedoek di sint." Saja menengok, betoel sadja ada saorang moeda pake pyama djaian menda-tengin dengen kempit satoe Exemplaar apa-apa, roepanja „Echo d'Amour". Koetika sampe ia laloe doedoek di lain bangkoe seraja berkata pada itoe pendjoewal kopi dengen soeara bertjanda : „Wah, merah betoel 'ntjek poenja moeka ini hari, roepa
nja dapet 'ni." „Ah, 'ngga," djawab sang 'ntjek, „tiga hari teroes-teroesan disamber setan. Tjilaka betoel, semalem 'ngai dapet impian bagoes, taoe-taoe ini pagi katanja 'oedah digrebegin Polisi." Saja lantes taoe, 'ntji, ia-orang lagi bitjaraken Tjapdjikie.
Kamoedian itoe si Kim Siong tanja pada saja, dari mana, saja djawab dari
Indrama-joe. ,, Indramajoe ?" kata ia, ..apa dekat sama Sindang-laoet ?" saja djadi bertjekat kenapa ia tanja Sindang-laoet ? tapi saja lantes bilang djaoe, dan saja menanja Soe-rat-kabar apa itoe jang ia pegang, ia laloe sodorin, saja liat betoel „Echo d'Amour"
jang terbit paling blakang, jang ada por-traitnja Master Bang-bara. Tida sengadja saja soedah liat lagi gambarnja itoe penoe-76
lis djempolan, jang lantes bikin saja djadi sadikit terkasiap, kerna itoe ada Photonja si Kim Siong jang di hadepan saja itoe.
„O," kata saja, „djadi 'ngko ini Master Bangbara ?" la manggoetin kepala seraja tertawa. Saja djadi bengong sabentaran, kaloe bagitoe orangnja tjoema bagini sadja, tingkahnja tjongkak dan sifat-sifatnja saperti boekan saorang jang pantes dapet perin-dahan, omongannja djoega sombong dan tekeboer, saperti itoe, apa pei'loenja ia bawa-bawa itoe Maandblad jang ada i<i poenja gambar kaloe boekan boeat bang-ga-bangga'an. Samingkin saja berpikir sa-mingkin saja tida habis mengarti, mengapa toelisan-toelisan jang bagitoe bagoes dan tinggi angen-angennja, jang toelis tjoema orang-orang bebedjatan bagitoe matjem ? Saja masih terlongong-longong koetika itoe Tan Kim Siong berlaloe, kamoedian saja lantes menanja pada sang 'ntjek, keada an dan penghidoepannja itoe orang, sebagimana kaoe ada pesan perloenja saja dateng di Batavia, tapi itoe toekang waroeng tjoema bilang; /Ntjek tida bagitoe taoe ia poenja keada'an, tjoema 'ntjek dengar doeloe ia bekerdja pada satoe Toko-boekoe. tapi soe-dah dibrentiken lantaran bikin kaloet oeroe-san oewang, jang blakangan ini tida
bekerdja apa-apa, nganggoer sadja, hari-hari tjoema ngalajap sama teman-temannja, poe-lang - poepoe-lang makan, tida kasian pada
77
Amper sadja
IV4amahnja jangf banting toelang peres kri-ngat dari pagi sampe sore, tapi jang djadi anak tida ada taoenja, malah 'ntjek sering liat ia soeka prongas-prongos kaloe minta oewang tida dikasih, memang kaliwatan itoe
anak. , .
-Menoetoer sampe di sini, Eng-hong djadi kaget koetika menampak tampangnja sang Entji mendadak djadi merah saperti terse-poeh darah dan sabentar poela berobah djadi poetjet sebagi kertas poetih
„Kaoe kenapa, 'ntji?"
„Tida kenapa, tjoema poesing sadikit,"
djawab si Nona seraja tekap ia poenja moeka pada tangannja di atas medja.
Eng-hong berdiam, mengawasi, tatkala itoe Entji angkat kepala dan parasnja telah kombali saperti biasa, ia landjoetken bitjara :
„Bagitoelah, 'ntji, katerangan jang kaoe ingin sekarang soedah bisa didapetken, Tan Kim Siong itoe jalah penoelis jang berpe-dengan Master Bangbara, keadaan dan penghidoepannja ada saperti apa jang saja telah tjeritaken. Sekarang tinggal kaoe jang moesti penoehken itoe djandjian boeat kasih taoe sebabnja mengapa kaoe soeroeh saja tjari katerangan atas dirinja itoe orang, jang kaoe bilang maoe tjeritaken itoe kapan saja soedah balik dari Batavia."
Eng-loan berdiam sabentar, pada aer moekanja ada berbajang penoeh perasa'an 78
tnaloe, aken kamoedian dengen perkata'an koerang langsoeng ia mendjawab ^
„Bagini, "Hong, tapi kaoe djangan bi
lang-bilang, ja ? Itoe Tan Kim Siong ada toelis seerat padakoe ingin beladjar kenal. . , Djangan ladenin. 'ntji," bagitoelah me-moetoes sang Ade dengen soeara bernapsoe, .apa itoe, pedjadjaran, djangan ladenin!
Tjoba itoe hati 'ntji kasih taoe lebih doeloe, nistjaja soedah saja adjak beklai, saja brani padanja."
Kepaksa sang Entji djadi tertawa.
„Ja," katanja, „memang akoe tida lade
nin."
Koetika bcrdjalan poelang, sembari kepcl-kepel tangannja Eng-hong menggrendeng sendirian :
„Ah, Kim Siong, Kim Siong, tjoba . . . Eng-loan masoek ka dalem kamarnja, dt mana ia banting dirinja di atas pembaringan seraja mengelah napas.
„Oh, betoel sekali apa jang 'ntji Giok-in bilang," demikianlah kata itoe Gadis saorang diri dengen plahan, „itoe penoelis-penoelis Romance dan penjair lelaki ada bagitoe rendah, hinggah boeat mendjebag dan menipoe anak-anak prampoean sadja, ada jang sampe berboeat bagitoe hina, Iboenja sendiri jang masih hidoep dikataken soedah mati perloenja sakedar boeat tetangisan
Amper sadja
soepaja orang djadi ketarik dan kasian atas nasibnja
Bermoela ia merasa gemas, tapi samingkin lama hatinja djadi samingkin sedih, hinggah achirnja itoe Nona djadi menangis
„Oh. Allah, Allah " demi
kianlah kata ia sembari menangis tersedoe-sedoe
„BOELAN POERNAMA" No 6
80
X
(Penoetoep.)
TERHAROE
Satengah boelan kamoedian, oleh sang Hjang Kala jang soeka menelan segala-gala, itoc geloeœbang dan angin riboet jang menggontjangken kalboenja Eng-loan poen plahan-plahan moelai sirep dan tenang.
Pada itoe pagi, itoe Nona sedeng pandang portraitnja itoe anak moeda dari Cheribon jang melamar dirinja, ia poenja nama Phoa Tjin-liang, poetranja Phoa Khce-hian, jang doeloean koetika ia poenja Ajah beriken itoe padanja, ia soedah lempar sadja itoc gambar di tempat soerat-soerat.
Ia bandingkcn itoe dengen photonja Master Bangbara di Omslag „Echo d'Amour'. Se
karang ia poenja perasa'an, pendengaran dan pemandangan soedah tida tertoetoep poela oleh itoe oewap dari Amor bagian jang kotor, ia soedah bisa liat dengen ia poe
nja mata jang sawadjarnja, oh, apatah adanja ini roepa dari Tan Kim Siong ? demikianlah kata itoe kalboe jang djernih, tida ada sadikit bagian apa-apanja jang menarik hati, satoe Combinatie jang mengoedjoeken potongannja satoe manoesia rendah dan palsoeh. Tapi heran sekali, kenapa itoe hari ia liat dalem perasa'annja itoe roman ada bagitoe banjak bisa menarik ia poenja Sj^mpathy ? dan ke
napa sekarang djadi sabaliknja? Oh, di sini 81
Terharoe
djadi njata sekali bahoea Pertjinta'an itoe ada menggelapken pengliatan, apatah lan
taran ini maka djadi ada itoe perkata'an : Tjinta itoe boeta ?
Kamoedian ia pandang poela itoe portrait dari Phoa Tjin-liang, ah, tjakep betoel ini pamoeda, bagitoelah kata poela ia poenja batin, kendati di sitoe ada menggletar sang perasa'an dari maioe, kenapa itoe hari saja liat ia tertampaknja bagitoe sadja, sedeng sabenarnja toch di sini ada roepa-roepa sifat dari kabetjikan jang melengkapin boeat me-roepaken satoe oedjoet jang berboedi dan penoeh apa-apa jang mendjangketken orang poenja pengrasa'an menghormat. Kombali ini apa sebabnja, apa sebabnja ?
.,Ah, saja tida mengarti
demikianlah achirnja itoe Gadis berseroeh seraja banting itoe gambar di atas medja, dan lantes lari menoedjoe ka dalem kebon-nja, dengen harepan nanti di sana, di bawah rindangnja poehoen waringin itoe hati jang lagi roewet dapet penghiboeran dari siliran-nja angin jang segar.
Tapi sesampenja di sana, djoestroe ia da-petken sang Ajah sedeng rebah di satoe korsi rotan pandjang sembari mengisep seroetoe.
,Kemari, 'Loan," kata itoe orang toewa,
„memang Papah lagi maoe soeroean baboe boeat panggil kaoe."
82
Eng-loan lantes doedoek di itoe korsi djoega, hinggah sang Ajah moesti mengiser sedikit boeat bagi tempat padanja.
„'Loan," kata poêla itoe orang tocwa, ,papah soedah dapetken katerangan tjoekoep, dan papah merasa poewas dengen keada'an-nja kita poekeada'an-nja bakai besan dan kaoe poekeada'an-nja bakal soeami. Dalem segala-galanja itoe anak ada tjoekoep sampoerna boeat mendjadi kaoe poenja pasangan, tida katjiwa anak, kaoe bersoeami padanja.'
Si Nona toendoekin kepalanja, tampangnja merah lantaran maloe.
Sang Ajah pegang poendaknja itoe Gadis dan berkata lagi :
„Nanti kaoe aken dikenalken lebih doeloe padanja, dan oepama kamoedian kaoe merasa tida penoedjoe, kendati papah soedah moe
faket, papah kasih kaoe kamerdika'an boeat menampik."
„Tida oesah. Papah, tida oesah saja moesti dikenalken padanja," djawab Eng-loan de-ngen soeara plahan dan tida lampias ,Saja aken menoeroet sadja papah poenja maoe.
Tjoema saja kepingin taoe, papah ada ber-alesan dengen dasar-dasar bagimana tjara-nja papah mentjari mantoe?"
Si Ajah tida sigra mendjawab, tapi ia ter-senjoem sembari kepoelken ia poenja asep seroetoe.
Sasoedah berdiam sabentar laloe ia ber
kata :
83
Terharoe
„Kebanjakan orang kaloe pilih mantoe atawa besan, tjari jang hartawan, apa sebab-nja ? inilah kita moesti bitjaraken lebih doe-loe. Kaloe sebab jang tjoepet dan rendah, mentjari besan jang kaja perloenja soepaja ia dipandang orang atawa sadikitnja terin
dah, saperti djoega znaka pilih mantoe jang banjak oewang salainnja agar deradjat ka-doedoekannja di pemandangan oemoem djadi naek, poen tida koeatir kapiran ia poenja penghidoepan, kerna ada jang bole disen-derin. Tapi itoe lebih baek disingkirin boeat tida oesah dibitjaraken dan mari kita oerei-ken sadja sebab jang lebih oetama, ja-itoe jiing asalnja dari pendapetan jang loewas dan djaoe. Tentang mentjari besan dan mantoe pilih orang jang berderadjat kaja dan moelia, dengen berdasar atas satoe alesan jang menganggep orang jang kaja dan moelia itoe kerna ada ditjinta oleh Toehan, Allah biasanja tjoema memberkahin pada orang-orang jang betjik dan toeloes, djadi dianggepnja orang jang kaja dan moe
lia itoe moesti betjik dan baek, atawa orang jang petik satoe boewah dari kaberoentoe-ngan dan kasenakaberoentoe-ngan kerna telah tanem bidji dari kabetjikan dan kebaekan. Ini sabetoelnja ada satoe pendapetan sehat jang pantes di'indahken, tjoema sadja ada terlalce soelit boeat bisa dipake oleh orang-orang jang masih bodo, jang salamanja tjoema bisa meniroe dari lahir, hinggah tida heran 84
lantaran tida mengarti achirnja orang djadi kapan pilih besan dan mantoe pokoknja asal kaja dan hartawan, tida perdoeli itoe ke-kaja'an telah didapet dari mana. tida per
doeli dari merampok atawa memboenoeh.
Dan ini ditambah oleh pengandjoerannjaShia-hwe, itoe salah mengarti lantas djadi kaboe-roekan jang berakar, hinggah di Doenia ini djadi banjak orang-orang toewa jang terang-terang saperti djoewal anak-anak prampoe-annja."
Itoe orang toewa brenti berkata sampe di sitoe, kerna moesti kepoelken poela ia poenja asep seroetoe, aken kamoedian me-njamboeng poela :
, Papah poenja pergi tjari katerangan atas keada'annja itoe Familie Phoa jang bakal djadi kita poenja besan, boekan sadja boeat dapet taoe marika poenja penghidoepan jang sekarang, tapi teroetama keada' a n n j a leloe-hoernja jang mendjadi pokok. Kerna satoe orang ada anaknja doewa orang dari doewa Familie jang terangkep, dan itoe doewa orang ada anaknja ampat orang dari ampat Familie jang tergaboeng, bagitoelah sateroesnja, sa-mingkin ka sana sasa-mingkin banjak itoe bibit-bibit jang terkoempoel, djadi tegasnja satoe orang itoe terdjadi ada dari banjak sekali bahan-bahan jang sifatnja roepa-roepa.
Ini ada terlaloe samar dan soelit kaloe maoe dibitjaraken teroes, maka gampangnja dibi
lang sadja bahoea antara itoe bibit-bibit 85
T e r h a r o e . . .
jang tergaboeng ada terdiri dari doewa matjem pokok, jaitoe djahat dan baek, boeat djatnan doeloe jang teliti soeka oesoet itoe dari toedjoe toeroenan, tapi jang saderhana tiga toeroenan sadja soedah tjoekoep. Ini bagi orang jang mengarti dan pengatahoean loewas, bisa boeat pisahken dan petjah-petjah itoe bahan-bahan jang teradoek, kamoedian lantas direken brapa prosentjang baek dan brapa prosent jang djahat, kaloe bisa, tjari jang timbangannja berat jang baek, tapi itoe soeker sekali, maka kaloe Ümapoeloe prosent baek dan limapoeloe prosent djahat sadja soedah bole dianggep loetnrah. Ini ada sä
nget roewet boeat bisa diterangken, Eng-loan, maka papah tjoema bilang sadja bahoea dalem itoe hal papah soedah slidikin dan itoeng sampe mateng, bahoea itoe Fa
milie ada tjoekoep berharga boeat djadi kita poenja besan, samentara keada'annja itoe anak jang bakal djadi«kaoe Doenja soeami poen ada sampe sampoerna kaloe ditimbang dari pendapetan Batin, kerna Karma jang baek tidak nanti dilahirken dalem satoe Fa
milie jang terlaloe banjak tjatjat, saperti djoega itoe paman-tani poen merasa sajang boeat tanem ia poenja bibit jang baek di tanah jang djelek. Tapi, anakkoe. kendati bagitoe, sebab bockan papah jang kawin hanja kaoe jang bakal mendjalanin, maka papah poen tida brani pake kapertjaja'an dan kekwasa'an sendiri, hanja naoesti me-86
nantiken kaoe poenja persatoedjoean, artinja kaloe kaoe moefakat, kaloe tida, papah ada bersedia boeat mengiringin kaoe poenja kainginan."
Eng-loan tida menjaoet, hanja toendoekin sadja kepalan ja
„Sekarang, 'Loan," kata itoe Ajah lebih djaoe, „kapan kaoe maoe taoe papah poenja pendirian dalem ini hal, pertama papah moesti bilang bahoea papah boekan maoe mentjari besan, djoega boekan maoe mentjari kaoe poenja soeami. Perloe apa papah mem-poenjai besan ? perloe apa papah mempoe-njai mantoe ? kerna toch tida lama papah bakal dikoeboer. jang teroetama papah per-loeken, ja-itoe anakkoe poenja soeami, kerna ia ada prampoean dan lemah, maka perloe ia dapet perlindoengan boeat ia poenja penghidoepan sahinggah di hari achir. Ini hari kaoe masih perloe dengen adanja papah, kerna ia jang moesti mendjaga dan melindoengin kaoe, tapi kapan kaoe soedah mempoenjai soeami, jang bisa menanggoeng kaoe poenja keslametan dan kasenangan, di sitoe papah lantes soedah tida ada goenanja lagi, soedah tida ada kapentingan boeat kaoe-orang, hanja tjoema tinggal mcngharep-harep datengnja itoe tangan jang soetji dari itoe Malaikat Kematian jang aken adjak papah ka itoe tempat jang papah belon taoe. Oh. bagimana nanti papah menoetoep mata dengen tersenjoem kaloe kaoe soedah 87
Terharoe
ada mempoenjai satoe Djoeroe pelindoena jang sedjati
Eng-loan soedah djatoehken ia poenja kepala di atas dadanja itoe Ajah, dan me
nangis tersedoe-sedoe
«Kaoe kenapa, 'Loan, kenapa ?" menanja itoe orang toewa sembari mengoesoet-oesoet kepalanja itoe anak jang tertjinta,
papah, saja sänget terharoe
H *
Samentara itoe, sang Ajah aer matanja poen toeroet mengoetjoer
„BOELAN POERNAMA" No 6
88
Itoelah ada satöe Romance jang sänget me-njedihken, ditoelis oleh toean ImYangTjoe.
Dari Kalimatnja sadja orang soedah taoe apa isinja, teroetama kaloe orang bajang-ken sendiri bagimana rasanja kaloe oepama naek praoe di antara geloembang jang hei
bat, tapi mendadak dajoengnja patah . . • . Tapi, pembatja, itoe tjerita ada terlaloe pandjang, kaloe dimoeat dalem ..BOELAN POERNAMA" tida koerang dari 4 djilid, hinggah tentoenja banjak antara Abonnes iang koerang sabar boeat menoenggoe samboengan dan samboengannja lagi, —
bat, tapi mendadak dajoengnja patah . . • . Tapi, pembatja, itoe tjerita ada terlaloe pandjang, kaloe dimoeat dalem ..BOELAN POERNAMA" tida koerang dari 4 djilid, hinggah tentoenja banjak antara Abonnes iang koerang sabar boeat menoenggoe samboengan dan samboengannja lagi, —