Rom.1.17. Sijns gheloofs, soo Schrift seght.+
+
Hebr.10.38 De Schrift seght goederhandigh,+
Soo wie vailjandich, hier, Blijft tot den eynde volstandigh, Brandich, int liefden vyer,
+
Matth.10.22. Sal schier, ghegheven wesen,+
T'ghepresen, saligh lot,
Voor slot, vrienden, midts desen, Blijft al bevolen Godt.
Een is noodigh.
Een nieu Liedeken,
Op de wijse: Een ghebroken herte, etc.
ALl' Aertsche dingen // diemen verstringen
Met ooghen mach, seer haest vergaen, Hoort Iongelingen // en Maeghden singen Hier van een nieuw Liedt tot vermaen, Die bloemkens die ten velde staen, Inden voorsomer seer lustigh en moy, Zijn haest verdwenen // soo gaet oock henen T'vleesch, want zijn glory en is maer hoy.
En soo de blaren // die groene waren
Vanden boom vallen in korten stont, Door s'tijds verjaren // soo sietmen varen Oock met den menschen ter Werelt ront, Al is men heden kloeck en ghesont,
Ionck sterck, en jeuchdich, ja Coninck groot Ten mach niet baten // om op verlaten, Men kan eer morghen noch wesen doot.
Laet u dan raden // dat u niet schaden
Die doodt en mach/ t'zy vroegh oft laet, Vliet vanden quaden // eer der ghenaden Tijdt henen gaet // en u ontfaet
Des Heeren woort, dat eeuwich zaedt Ter herten binnen, om wassen groen, Door s'geloofs krachten // met goe gedachten Sult ghy u wachten, van sonde te doen.
Dat men gheen sonden ter doodt en doet, Christen ghemoeden // can 't stercken voeden En alles leeren ter deuchden spoet:
Dus midden van sWerelts diepe vloet, Wilt inder conscientien schip, Desen dierbaren // schat wel bewaren, Door woeste baren, by menighe klip.
Ghy moet vermijden, in al t'bestrijden
Te doen schipbrake in het gheloof, Niet voorby lijden // aen geene zijden T'gebodt des Heeren // zijn blint noch doof: Maeckt dat u niemant en beroof
Gods woort vast in u herte geprent, Ghy sult wel blijven // in deucht beclijven Ter salicheyt reyn ongeschent.
En wilt niet slapen // houdt u in wapen
Teghen den boosen, blijft int ghebodt, Want boos verschapen // om u betrapen Ghebruyckt hy sondigh vyerigh gheschot, Maer hy sal vlieden, ghenaeckt ghy Godt, En dat ghy gheestelijck blijft ghesint, Laet u niet dwinghen // door quade dingen maer t'quaet altijts door t'goede verwint.
Natuer t'ondeghen // tot quaet gheneghen
Is van jeucht aen, alsoo men leest, Dus t'alder wegen // des joncheyts plegen, En 'sWerelts lusten vliedende weest, Siet dat niet weder en gheneest Den ouden Mensche begraven ras, Ick meen het oude // leven, want t'soude veel ergher worden dan t'voormaels was.
Reyn Christen nacy // neemt conversacy
By vrome lieden van goeden raedt, Ten heeft gheen gracy, dat recreacy De jeucht maect t'samen, want daer en gaet Dickwils niet om als lichten praet,
Daer veel onstichtinghe door gheschiet, Als in den tijtel // van een Capijtel Te lesen, oft te singhen een Liedt.
Ontsiet den Heere // en gheen oneere,
O Ionghelinghen, doch aen en doet Sijn suyver leere // en zijdy seere Ghesint om trouwen, int wesen moet, Beraedt u niet met vleesch en bloet Maer vreest den Heere, en wilt aengaen Dien staet eersame // in zijnen name, Ghelijck Tobias heeft ghedaen.
En ooc ghy Maeghden // als die behaeghden
Den Heere, volght hem vlijtigh na,
Als die niet traegden // maer als die jaegden
+
Tom.3.15. Nae t'alderbeste, merckt op Sara,+
Hoe zy haer ziele van de qua Begheerten hadde gehouden vry, En noyt haer leven // haer niet begheven Te gaen t'lichtveerdigh gheselschap by.
Leert sulcke treden // in eerbaerheden
Ghy Weduw vrouwen oock t'eender som, En gheen qua zeden // als sulcke deden,
+
1.tim.5.13. Daer wy van lesen by Timotheum,+
Sy waren luy, en liepen rondtom Al door de huysen vry onbeschaemt, Neuswijs al snappend, veel dingen clappend Daer t'swijghen beter hadde betaemt.
Arbeydt tot desen // om stil te wesen,
Want eenen sachten en stillen gheest Is een ghepresen // schoon uytghelesen Cieraet, voor die den Heere vreest, Het dient Vrouwen en Dochters meest, Want hadd' haer Dina hier toe ghewent, En waer beneven // de vrome bleven,
+
Prov.7.10. S'en ware van Sichem niet gheschent.+
+
Prov.9.13.
Na Salomons schrijven oneerbaer wijven+
En konnen stil in haer huys den voet Niet laten blijven // maer klappen drijven Als nu op strate, dan met goe moet Sitten voor deure, en met een soet Aenpraten locken die voor by gaen, Dat sy den ghenen // die vroom wil henen,
Met glatten monde wel vanghen saen.
+
Prov.12.4
+
De Vrouw-persoonen, die vlijt betoonen,
Deughdigh van wesen, huyslijck eenpaer,
+
Syr.26.2.
+
Zijn gulden kroonen, niet om verschoonen,
+
Syr.26.22
+
Iae edel gaven, en lichten klaer
+
Pro.31.30.
+
Lieflijck en schoon zijn is ydel, maer Die in Gods vreese leven beducht, Die salmen boven // de ander loven, Om haer ghewercken en handen vrucht.
+
1.Tim.2.9
+
Schaemt en eerbaerheydt // blyckt met der waerheyt, Dat is der vrouwen schoonste cieraet,
Boven t'goudts swaerheydt // oft peerels klaerheyt, In hayr ghevlechten, oft dier ghewaet
En Christen Vrouw haer te kleeden staet Met yet dat tamelijcken voeght wel De heylige Vrouwen // die God betrouwen, Godtsaligh, in goeden wercken snel.
+
Psal.45.11
+
DOCHTER wilt hooren // en neygt u ooren
+
Deut.33.9
+
Vergheet u volck en uws Vaders huys,
+
mat.19.29.
+
V uytverkooren, // Coninck is vooren,
+
Luc.14.26
+
Ootmoedich volgt hem met t'smadich cruys, Inwendich sonder vleckich abuys
Met gulden stucken verciert playsant, Nae dit kort lijden // suldy verblijden Int eeuwich nieuwe beloofde lant.