Malem baroe sadja terganti dengen si
ang. Matahari maski bloen oendjoeken roe-panja, tapi alam soeda kaiiatan trang.
Lantaran ini, maka hawa oedara masi dirasaken njaman dan dingin; di dalem kampoeng - kampoeng ajam - ajam djago masi rame berkroeroek, se - olah - olah binatang - binatang itoe hendak adoe soeara satoe kepada lain.
Pada waktoe jang demikian akoe masi tinggal terlentang di atas pembaringan.
Oesiakoe jang tinggi tida mengidzienken akoe bangoen lebi pagi. ^ ,
Akoe sedeng merem melek dan bolak -baliken badankoe jang masi berasa tjape, tatkala pintoe kamarkoe diketok dan akoe denger soearanja djongoskoe Kromo me
manggil akoe.
Betoel - betoel itoe tempo akoe djadi djengkel sekali, lantaran akoe soeda di goda dalem kasenengankoe. Akoe ini sabenernja ada orang males, kasoekaänkoe ja itoe tinggal tidoeran sadja, Kromo soeda kenal tabiatkoe, tapi ini kali kenaapa ia soeda berboeat jang bikin akoe djadi koe
rang seneng. Kaloe tida ada perkara
per-!oe, temtoenja ia tida brani bangoenin akoe.
— 22 —
Dengen kepaksa itoe hari akoe bangoen iebi pagi. Tempo akoe boeka pintoe ka-mar, Kromo mengasi taoe bahwa Eng Liang dateng koendjoengin akoe. Hal ini ada satoe kedjadian jang loear biasa.
Selama Eng Liang djadi sobatkoe, ia bloen pernah minta ketemoe akoe begitoe pagi.
Akoe boeroe - boeroe bersihken badan.
Kamoedian akoe samboet koendjoengannja sobatkoe.
„Slamet pagi, 'nkoh Kiem Hwat ! " kata Eng Liang.
„Slamet pagi, mari doedoek ! " membales akoe dan silahken tamoekoe ambil tempat.
„Akoe harep sadja jang akoe tida bikin soesah 'nkoh dengen koendjoengankoe jang begini pagi."
„Oo, tida djadi apa," djawabkoe. Akoe sigra menjataken kaheranankoe tentang ia poenja koendjoengan itoe dan menanjak lebi djaoeh apa jang mendjadiken Eng Liang poenja maksoed.
Eng Liang men/aoet dengen moelai kata:
„Sebagimana 'nkoh kemaren soeda taoe, akoe maoe tjari djedjaka boeat di djodoken pada Annie. Kaloe akoe tida salah pilih, kemaren akoe soeda dapetken itoe, tjoema akoe bloen brani bikin katetepan."
1
I 23 —
I Sobatkoe maoe landjoetken bitjaranja, ' tapi akoe soeda memoetoes itoe dengen kata: ^Soeda temtoe pilihanmoe djatoh
j pada dirinja sinjo Eduard dari Djombang."
j „Betoel," tetepken Eng Liang. „Tjoema akoe bloen bisa ambil poetoesan jang pasti, Tingka îakoenja familie Johannes di kemaren malern soeda bikin akoe soeka padanja. Djikaloe akoe liat pada perhiasan dan dandannja itoe familie akoe kira sadja j la temtoe boekan orang sembarangan. Boeat mengenali lebih djaoeh itoe familie poenja tabiat - tabiat, ini hari akoe niat oendang padanja boeat toeroet bikin pelesiran naek praoe di kali Bengawan. Akoe ingin bikin
! klenengan dalem praoe, maka kaloe ini I pagi akoe soeda perloeken dateng padamoe, tida laen akoe hendak minta pertoe-' îoenganmoe. Akoe harep sadja kaoe soeka
bantoe toeloeng akoe tfariken praoe dan atoer klenengai>nja saklangkepnja. Perkara kaperloean daharan, Annie bersama mama-nja soeda moeJai atoer itoe."
Boeat sakoetika lamanja akoe tinggal diam. Maskipoen kemaren akoe soeda tida j bisa njataken pikirankoe jang bener tentang j itoe tjara mentjari djodo, jang sedikitpoen akoe tida setoedjoe, itoe pagi sabenernja
— 24 —
akoe hendak oetaraken kandoengankoe teroes terang pada sobatkoe, tapi satelah akoe mendenger pembitjaraännja, akoe dapet taoe jang ia soeda bertindak lebi djaoeh dalem itoe perkara. Djikaloe adanja hal soeda djadi begitoe, akoe rasa per-tjoema boeat toeroet omong sedikit prihal itoe atoeran mentjari mantoe. Terlebi poela bila akoe inget, Eng Liang ada poenja tabiat begitoe roepa jang bikin orang tida gampang robah toedjoeannja jang satoe kali ia soeda tindaken, maka atas ia poenja permintaän jang demikian itoe, akoe tida bisa bilang laen dari pada bersanggoep.
Sasoeda Eng Liang trima kasanggoepan-koe, ia lantas minta permisie poelang soe-paja bisa atoer lebih djaoeh apa jang perloe.
Ia sendiri brangkat naek kreta, sa-mentara • ia poenja auto dengen mana ia soeda dateng padakoe, ia kasi akoe pake boeat oeroes itoe kaperloean.
Zonder pake sedikitpoen akoe poenja makan pagi jang soeda di sediaken oleh Kromo, akoe sigra brangkat mentjari praoe.
Dalem auto akoe doedoek di sampingnja chauffeur. Sebagi akoe^Wiro itoe chauffeur, poen menjataken herannja meliat kahen-dakannja ia poenja madjikan.
Dari romah akoe troes brangkat ka Beton, sebab aer kali ada ketjil, maka akoe pake doea boeah praoe. Akoe printah riasin itoe praoe sampe bagoes. Abis kasi voorschot pada jang poenja praoe, akoe pergi tjari wijogo dan gamelan.
Pakerdjaän ini tida begitoe soesah, akoe tjoekoep ketemoe pada satoe kepala wijogo dan minta ia atoer gamelan boeat kleneg-ang dalem praoe. Pertama itoe orkleneg-ang tida sanggoep, kerna malemnja ia inoesti kerdja dalem Pasar - Malem, tapi koetika akoe maoe kasi bajarafl dubbel, ia tjepet - tjepet bersanggoep.
Sekarang tinggal tjari tandak jang mem-poenjai soeara merdoe. Akoe dateng tem-patnja satoe baas tandak dan di sitoe akoe dapet satoe djoget jang soearanja soeda pernah dapet prijs nommer satoe dalem satoe pertandingan menjanji lagoe djawa.
Apa jang akoe mesti kerdjaken soeda selesih, kamoedian akoe pergi ka romah-nja Eng Liang boeat kabarken itoe hal.
Koerang lebi djam sembilan liwa bebrapa minuut. Eng Liang bersama tamoenja dan akoe soeda di dalem praoe jang di dajoeng moedik ka Batjem.
— 26 —
Praoe jang pemma moeat kaoem pram-poean, samentara praoe jang kedoea di doe-doekin oleh fihak laki. Selainnja oendang toean dan njonjah Johannes, njonjah Eng Liang ada mengatoeri djoega doea sobatnja prampoean, jaitoe bokmas Mangoenhartono dan Kariosoegio.
Boeat bisa dapet kasenengan tjoekoep, kita poenja prampoean - prampoean ber
sama maen tjeki, sedeng kita &rang laki soeda merasa goembira denger njaringnja njanjiannja tandak jang dibarengin soeara-nja gamelan jang merdoe. Kasepiansoeara-nja ke
adaan sepandjangkali Bengawan, menam-bahken merdoenja soeara gamelan jang diatoer dalem praoe kita orang laki ada toempangin,
Berkaîi • kali akoe denger soeara keta-wanja itoe pendjoedi - pendjoedi pram
poean, teroetama bergelak-gelaknja bokmïfe Karisoegio jang memangnja ada sedikit bra - ok.
Koetika praoe soeda ampir sampe Batjem, akoe soeda minta itoe tandak kasi denger soearanja dengen lagoe jang ia soeda per
nah dapetken bintag - mas, jaitoe lagoe # f^angkoerpalaran.
Kita tida brenti di Batjem, hanja troes menoedjoe ka Nglangenhardjo, satoe tem
pat jang mendjadi pasangrahannja toean Soesoehoenan Solo.
Selama doedoek dalem praoe, toean Johannes tida banjak bitjara, ia tjoema baroe mengomong kaloe Eng Liang tanjak hal ini itoe padanja.
Di Nglangenhardjo kita orang brenti sedikit lama. Dengen idzinnja pendjaga itoe pasangrahan, kita orang liat keadaännja dalem itoe tempat hiboerken hati dari radja djawa.
Zonder diminta, pendjaga itoe pasangra
han tjeritaken hikajatnja itoe tempat, Antara laen^ ia bilang, bahwa jang berdiriken itoe pasangrahan ada Soesoehoenan ka IX.
Sekarang itoe tempat boleh dikata soeda tida terpake lagi, sebab toean Soesoehoenan jang sekarang bertachta, lebi soeka menjan-grah di Paras.
Njamannja itoe tempat soeda bikin kita orang tinggal lebi lama di sitoe. Kita doe
doek minoem kofPie di atas tiker jang digelar oleh pendjaga itoe pasangrahan dimana roeangan loear.
Dengen lakoe bertjanda bokmas Kario-soegio, soeda nasehatken pada njonjah
Eng Liang soepaja berbesanati sadja dengen njonjah Johannes. Bokmas Mangoenhartono jang sedeng maoe angkat tjangkirnja, soe-da batalken kainginannja soe-dan toeroet bitjara:
„ïtoe betoel ! akoe moefakat sekali."
Njonjah Eng Liang tinggal diam dan romannja kaliatan berwarna merah.
Sekoenjoeng - koenjoeng njonjah Johan
nes kata: „Ach djakakoe masi dikangooken oleh tji Eng Liang. Ini trang sekali, sebab tji Eng Liang toch 'nda maoe dengerin omongannja mas Soegio."
„Tida gitoe dik" njah Eng Liang moelai kata: „Perkara jang begitoean tadi orang mesti pikir mateng lebi doeloe, boekankah begitoe 'ntjik Kim Hwat ? "
„Betoel, soo ! " akoe mendjawab dengen pendek.
Eduard dan Annie, jang masing-masing ada dapet taoe bahwa orang sedeng omong jang menjangkoet dirinja, soeda sama ka
liatan maloe, tapi maloe - maloe
koetjing-„Ja soeda, kaloe sasoenggoenja tji Eng Liang ada ingetan djoega tarik man toe Eduard, akoe soeka kasi tempo padanja satoe malem," berkata njonjah Johannes lebi djaoeh.
„Baek dik, akoe nanti tjoba omong sama
— 29 —
papanja Annie." menjaoet njonjah Eng Liang. Itoe tempo sobatkoe soeda komba-li ka praoe bersama foean Johannes, akoe jang djoega maoe toeroet pada Eng Liang, soeda ditahan oleh njonjahnja.
Sebab soeda mengatahoei maksoed -maksoednja Eng Liang, akoe soeda tida merasa kaget dan heran koetika akoe men-denger itoe omongan - omongan, malahan dalem hati akoe bisa bilang, kaloe itoe semoea temtoe soeda di atoer oleh Eng Liang.
Tida antara lama dari itoe, kita sigra naek kombali dalem praoe dan milir ka Beton.
Koetika sinaarnja mata hari soeda tida begitoe panas lagi, kita orang kita orang brenti di satoe tempat jang bersih dan aernja tida dalem.
Kita orang berame mandi.
Akoe ada orang jang paling pertama masoek dalem aer, tapi djoega jang paling nommer satoe berpakean. Akoe soeda tida tahan boeat tinggal lama dalem aer, kerna akoe soeda toea.
Koetika akoe maoe naek diatas praoe, akoe soeda terpleset dan djatoeh dalem aer, hal mana soeda bikin semoeanja jang
meliat akoe maen djoempalitan soeda sama ketawa akoe sendiripoen toeroet bergelak-gelak,
Djikaloe akoe soeda djadi djatoeh, itoe tersebab akoe sedeng awasin dirinja Annie jang maoe toeroen dari praoe, hingga ka-kikoe tida menandjak di tempat jang betoel. Ia ada memake pakean mandi dari kaen merah djamboe, samentara ram-boetnja soeda tertoetoep dengen topimandi jang berwarna item.
Ia poenja doea lengen tangan kaliatan telandjang sa'anteronja; ia poenja pakean tjoema menoetoepi badannja dari poendak sampe sewates atas loetoet, hingga ia poenja betis jang gemoek dan kentjeng ada tertampak njata sekali.
Dengen begitoe Annie poenja potongan badan jang bagoes, jang kaliatan koeat sekali soeda bikin akoe mengawasin ia sedikit lama. Itoe saat, akoe merasa seperti djoega akoe soeda djadi moeda lagi. Tapi, sajang sekali jang itoe rasa tjoema tinggal bebrapa seconde sadja dalem badankoe.
Soearanja toekang dajoeng jang kata: „Bah Gede ati ati," soeda sedarken akoe dalem impiankoe.
Akoe soeda djadi bah gede, satoe ke-adaän jang mengingetken pada dirikoe, bahwa akoe ini tinggal menoenggoe sadja di oeroek tanah. Maka dari itoe, tida salah kaloe akoe soeda dapet hoekoetnan mesti main djoempalitan, atas akoe poenja ka-lantjangan soeda tjoeri sedikit dari satoe pemandengan jang haroes didapet dan djadi haknja anak moeda.
Kaloe orang- toea seperti dirikoe, se-moeanja maoe djadi moeda sadja, akoe brani pastiken bahwa marika nanti bakal dapetken satoe kematian jang boekan kerna takdir Allah, tapi kena pelor sendjata-api atawa dari kasaktiannja wasiat saroeng.
Menginget pada ini semoea, akoe boeroe^
berpake dan tinggal doedoek meliatin laen djoeroesan sembari minoem aer thee panas boeat ilangken rasa dingin jang menghing-gapin badankoe.
Boeat sakoetika lamanja akoe doedoek tjara begitoe, tiba-tiba akoe denger soe-aranja bokmas Kario jang memanggil diri
koe. Maoe tida - maoe akoe kepeksa me
noleh. Tatkala akoe pandeng itoe bokmas, ia tida kata laen daripada: „Ja soeda bah de!" dengen ketawa- tawa. Dengen begitoe ia bermaksoed goda dirikoe, tapi akoe
soe-— 32 soe-—
da tida djadi marah, tjoema denken meno
leh kombali akoe dapet liat dirinja Annte.
Boeat tida tjeritaken pada pembatja apa jang akoe dapet liat, akoe tida bisa,
Annie soeda maen seloeloep dan ber-tjanda dengen Eduard. la poenja pakean badan jang sekarang berlengket betoel pada badannja, soeda bikin Annie tida berbeda seperti telandjang boelet. Akoe brani tetepken, dalem keadaän jang begitoe, Annie bisa bikin satoe padri djadi gila !
Kombali pikirankoe melajang ka satoe sempat jang terlarang bagi dirikoe.
Djaroem horlogekoe menoendjoeken djam ampat lima minuut, koetika kita poe
nja praoe - praoe bergerak boeat melan-djoetken kita orang poenja perdjalanan poelang.
Eduard ada kaliatan goembira sekali, ia banjak omong dengen akoe. îa kata jang ia ingin landjoetken pladjarannja ka Duitschland.
Di ifoe waktoe Eduard ada menoen
djoeken, bahwa dirinja ada satoe anak jang alim dan bakti orang. Selainnja selama doedoek dalem praoe ia kadang-kadang sadja awasin dirinja Annie jang berada dalem praoe depan, ia berkali - kali kata,
bahwa maskipoen dirinja ada berniat be
gini begitoe, tapi ia bloem pernah woe-djoetken niatnja zonder idzinnja ia poenja orang toea.
Lantaran toeroet mengalirnja aer kita poenja praoe-praoe djalannja begitoe tjepet, dan berbeda waktoe kita brangkat moedik jang jang makan tempo satengah hari lebi boeat dari Beton ka Nglangenhardjo, kita poenja perdjalanan poelang melingken pake tempo koerang lebi tiga djam.
Deket djam satengah toedjoe kita sampe di Beton. Tjoba itoe hari boekan moesin kering, itoe waktoe alam pasti soeda djadi gelap.
Kita lebi doeloe anterken familiejohan-nes ka hotelnja, kamoedian poelang ka Singojoedan.
Begitoe sampe di romah, Eng Liang soeda adjak akoe masoek dalem kantorannja.
Ia kasi taoe, bahwa itoe malem ia aken ambil poetoesan tetep prihal ia poenja kandoengan.
Waktoe akoe nasehatken padanja soepaja ia berlakoe hati-hati, ia mendjawab, bahwa biar ia ambil mantoe pada saorang jang baroe dikenal, maoepoen djodoken diri anaknja pada djedjaka jang soeda dikenal lama, itoe satoe roepa.
Akoe tida tinggal bitjara lebi lama, akoe boeroe^ permisie poelang.
— 34 —
Bertoenangan.
„Toean-toean dan Njonjah - njonjah seka
lian, ini hari ada hari pertoenangannja akoe poenja anak prampoean Annie dengen toean Eduard Johannes, poetra lakinja toean dan njonjah K. T. Johannes dari Djombang.
Kita berdoea, sebagi orang toea dari Annie, wadjib moeliaken dan oemoemken ini hari di hadepan toean^ dan njonjah - njonjah sekalian. Maka akoe berdoea soeda berasa beroentoeng sekali, bahwa toean-toean dan njonjah - njonjah sekalian soeda soedi ka-boelken poemoehoenankoe, boeat rameken ini perdjamoean jang akoe adaken bagi kaslametannja bakal mantoekoe dan akoe poenja anak prampoean. Atas toean-toean dan njonjah poenja boedi - katjintaän, akoe berdoea bersama Annie mengatoerken be-riboe banjak trima kasi ! "
Pembitjaraän terseboet ini, ada preda-tonja toean Liem Eng Liang di depan ia poenja tamoe - tamoe jang lagi berdiri mengiteri medja pesta jang di atoer di roeangan tengah dari ia poenja gedong, Eng Liang berdiri berdampingan dengen ia poenja njonjah. Annie dan Eduard ada di kanan kirinja. Di laen podjok dari itoe
medja, berhadapan dengen Eng Liang ada berdiri toean Johannes bersama njonjahnja.
Pada laen bagian dari itoe medja ada ber-hadlir tamoe- tamoe laki prampoean. Djom-blahnja tamoe ada ampatbias orang.
Sahabisnja Eng Liang,- toean Johannes poen berpidato jang maksoednja saroepa dengen pembitjaraännja sobatkoe Eng
Liang.
Itoe waktoe antara djam delapan malem dari hari Rebo tanggal 25 Juni 1924. Pada itoe malem, sebagimana toean - toean pem-batja soeda pem-batja pada apa jang terseboet di atas, sobatkoe bikin pesta boeat moe-liaken dan oemoemken hari diiketnja tali pertoenangan antara gadisnja dan poetra laki dari itoe familie jang katanja tinggal beromah di Djombang dan baroe dikenal doea hari berselang oleh familie Liem Eng Liang dan akoe.
Satelah masing - masing orang toea dari itoe anak laki - prampoean bergantian angkat bitjara, kita lantas moelai makan minoem. Kita itoe waktoe djadi heran, kenapa di antara itoe tamoe - tamoe, dalem golongan mana dirikoe ada teritoeng, tida ada satoe jang bales mengasi slamet pada orang - orang jang poenja itoe kerdja. Boleh
— 36 —
djädi sekali marika bloen pernah koen-djoengin pesta jang demikian. Akoe doe-loenja soeda ingetan boeat angkat bitjara, tapi sabloen akoe bisa boeka moeloet, alcoe poenja hati soeda berdebar-debar dan kepalakoe rasanja posing, maka akoe soeda tida teroesken niatankoe dan toeroet tinggal doedoek diam. Di hadepan sakoempoelan orang jang tida sabrapa banjaknja akoe soeda tida mempoenjai katabahan boeat berpridato. Hai ini soeda djadi samestinja, kerna akoe ada kaoem kolot.
Bosat bikin tambah goembira pada se-moeanja tetamoe, saprangkat muziek bantoe merameken itoe pesta.
Zonder banjak bitjara sesatoenja barang hidangan dikasi masoek dalem peroet, tjoema saben - saben tamoe laki hendak minoem brendinja, ada kadengeran soeara
„ Prosit ! " dan beradoenja glas.
Sebagi tanda bahwa perdjamoean soeda sampe pada achirnja, ada di bagiken
beboea-han. Sasoeda ini bertempat djoega dalem tempat jang betoel, tetamoe - tetamoe sigra ^ berdiri dan meninggalken medja perdja
moean.
Moesti dirikoe ini ada sa'orang kaoem koeno, tapi akoe soeka sekali pada perkara
— 37 —
baroe. Dari sebab itoe, sedeng tamoe jang laen-laen berdjalan ka sana sini akoe soeda deketin tempat muziek. Pada salah satoe itoe muziekant akoe menanjak, lagoe apa jang tadi soeda dikasi denger, itoe orang mendjawab namanja itoe, jang paling
doe-!oe „De eerste ontmoeting" dan jang ka doea „Ware liefde." Akoe sendiri tida mengarti maksoednja itoe nama - nama, tapi kabetoelaa sekali Eng Liang poenja bakal mantoe itoe saat berdiri di samping-koe. Ia menerangken, bahwa nama lagoe jang nommer satoe artinja „Pertemoean jang pertama " sedeng jang brikoetnja
„Tjinta jang toeloes." Lagoe - lagoe ini ada pandjang dan menoeroet katanja orang jang bitjara dengen akoe, itoe semoea ada ka-rangannja kapala dari itoe koempoelan muziek.
Brendy jang akoe tadi soeda minoem, bikin akoe berasa panas, kendati angin dingin menioep masoek romah. Lantaran ini akoe berdjalan kloear dan doedoek di
^ mana bangkoe kebon.
Selagi akoe berada dengen sendirian, akoe soeda pikir - pikir boeat bisa mem-bade apa jang mendjadi sebabnja maka Eng Liang berlakoe loear biasa sekali
— 38 —
dalem hal tjariken djodo gadisnja, terlebi poela apa perloenja boeat mengenal tabiat orang Eng Liang soeda bikin pleziran dengen praoe.
Apakah dengen tjari besan tjara begitoe Eng Liang mengharep dapetken satoe be
san jang hartawan dan soepaja bisa seneng-ken diri Eng Liang soeda bikin pleziran begitoe roepa? Kaloe akoe soeda pikir begini, sebab sobatkoe itoe gila betoel sama wang dan lantaran takoet pada
istri-nja ia djarang sekali berseneng - seneng, maka lantas goenaken itoe tempo boeat perkara jang blakangan ini. Menilik ia poenja pelit, ia tida bisa kloearken wang boeat itoe matjem pleziran.
Bloen djoega akoe abis memikir dan dapet apa jang akoe maoe taoe, satoe djongos minta akoe masoek, sebab Eng
Liang perloe bitjara dengen akoe.
Di satoe podjok dalem roeangan tengah akoe ketemoeken Eng Liang sedeng omong omong dengen bakal besannja, atawa toean Johannes, akoe disilahken tjampoer
doe-doek di sitoe. Sobatkoe mengasi taoe, bah
wa toean Johannes ingin sewa boeat se
mentara waktoe satoe romah di Solo dan mengharep pertoeloengankoe dalem itoe perkara.
- 39
-„Soedara Johannes soeda minta akoe tjariken sa'orang iang boleh dipertjaja boeat atoer itoe hal. Akoe soeda tida bisa oendjoek Isen orang dari pada dirimoe 'nkoh Kim Hwat," kata Eng Liang lebi djaoe.
„Itoe betoel 'nkoh, akoe ingetan tinggal satoe of doea boelan di Solo. Toeroet kasopanan, akoe wadjib bikin pesta seperti soedara, Eng Liang dan akoe ingin sänget jang pestakoe nanti bisa dikoendjoengin oleh sekalian orang jang ini nialem djadi tetamoenja 'nkoh Eng Liang. Djikaloe akoe bikin pesta di Djombang, kainginankoe bakal tida kesampekan. Dari itoe akoe moehoen sadja 'nkoh soedi briken per-toeloengan tjariken romah dan'boeat mana lebi doeloe akoe atoerken banjak trima kasi ! "
„Trima kasi kombali toean!" akoe moe
ial bitjara: „Itoe perkara ketjil, dengen segala seneng hati akoe nanti atoer itoe.
Kapan toean maoeken itoe romah ? "
„Salekssnja bisa, besoek pagi djoega boleh" djawab Johannes.
„Baek, besoek paling laat djam 10 akoe kasi kabar pada toean."
Dalem bebrapa minuut kita bertiga ting
gal diam, dan itoe bebrapa minuut aken djadi lebi lama kaloe Eng Liang tida moelai
gal diam, dan itoe bebrapa minuut aken djadi lebi lama kaloe Eng Liang tida moelai