Sedeng Eng Liang itoe malem mendoesin dari ia poenja salah tindak, adalah akoe soeda djadi melek dan mengerti, bahwa Johannes poenja semoea prüakoe itoe tjoema ada satoe daja oepaja dari ia poenja tipoe. Soenggoe, akoe mesti mengakoe, bahwa Johannes soeda atoer tipoenja sanget aloes sekali.
Dengen wangnja Johannes djalanken ia poenja kedjahatan, satoe perboeatan jang akoe bloen pernah meliat dilakoeken oleh laen - laen pendjahat. Zonder kloearken tenaga kasar dan peksaän atau kaniajaän, Johannes soeda bisa tipoe orang poenja milik hingga sadjoemblah f 37.000— soepaja dapet kapertjajaän besar, Johannes soeda mengerti bahwa ia mesti sewah satoe romah di Solo dan beli bekakas romah tangga hingga saharga f 2000,— Dan hal jang paling blakang ini soeda bikin akoe tida bisa tidoer satengah malem. Itoe malem sapoelangnja Eng Liang dari romahkoe, akoe. soeda masoek tidoer poela, tapi akoe soeda tida bisa poeles sampe pagi. Dengen mata sendiri akoe menjakslken Johannes
— 64 —
bajar itoe djomblah f 2000,— pada itoe meubelmaker di Semarang, dan sekarang Johannes soeda merat. Lantaran ini akoe soeda djadi bingoeng, oleh siapa itoe meu
bels nanti mesti di trima, kerna itoe toch nanti pasti dikirim ka Solo.
Selain itoe, akoe poen soeda tida bisa dapet menebak, apakah hal - hal jang soeda kedjadian baroesan ini, ada satoe perkara jang sedeng kabetcelan sadja atau soeda diatoer sabloennja. Djikaloe kabetoelan, akoe sanget heran sekali jang segalanja seperti pribahasa djawa: „ toemboe dapet toetoep," samentara kaloe di atoer lebi doeloe, dari mana itoe complot Johannes soeda dapet taoe, bahwa Eng Liang ada niat tjari mantoe dalem itoe Pasar-Malem.
Dari sebab senantiasa memikiri pada ini doea hal, maka hingga malem djadi siang kombali akoe soeda tida bisa me-remken matakoe. Akoe selaloe tjoba boeat tidoer, tapi soeda tida bisa. Oleh kerna ini, maka itoe hari pagi - pagi akoe soeda brangkat ka romahnja Eng Liang boeat dapetken kabar lebi djaoeh.
Seperti akoe, itoe malem saliwatnja djam saîengah doea bias, Eng Liang soeda tida bisa poeles hingga itoe pagi djara 7 lebi.
- 65 —
Eng Liang itoe pagi doedoek di roeangan blakang dengen ia poenja anak binik.
Berdoea kaoem prampoean ini matanja sama kliatan bintit lantaran abis menangis.
Demikianlah, koetika akoe temenin ma-rika doedoek, Annie moelai sesenggoekan.
Meliat pada ini akoe lantas berkata: »Loo, bagimana ini, apakah kedatengannja empek disini tjoema maoe disoenggoeh tangis, ka-loe gitoe empek baek poelang sadja. Mes-tinja nona kan djangan menangis dan ijeritaken pada empek apa jang soeda nona alamin, selain begitoe, kedatengannja em
pek di sini ini ada bermaksoed soepaja mendjadi satoe hiboeran, tapi kaloe gla-gatnja malah djadi sebaliknja, baeknja empek pergi sadja lagi."
Mendenger omongankoe ini Annie moe
lai brenti sesoenggoekan dan soesoet aer-matanja dengan sapoe tangan jang basah.
„ Boeat nona poenja papa itoe barang-barang jang berharga f 15.000—ada satoe djoemblah jang sanget ketjil sekali. Sa-bentar sadja ia bisa dapet balik itoe wang dari ia poenja perdagangan. Nona haroes inget bahwa perkara jang soeda terdjadi itoe tida perloe dipikirin terlaloe laloe", be
ginilah akoe teroesken omongankoe. Maski
- 66 —
soeda tida sesenggoekan, tapi aermatanja Annie masi kloear deres sekali. Dalem hati akoe pikir, apakah Annie soeda djadi sedih lantaran tida djadi menikah dengan itoe dje-djaka, apakah dari sebab ia soeda ka-ilangan barang perhiasannja. Djikaloe akoe soeda pikir sebagi jang pertama, kerna sewates Annie berkenalan hingga bertenangan dengen dirinja Eduard, Annie kliatan sangat t}inta sekali pada itoe djedjaka ba-djingan. Dan boeat hatinjasatoe prampoean, tida soesa makan tempo terlaloe lama boeat tanem itoe „rasa tjinta" dalem pikirannja.
Pikirankoe jang kadoea pasti sekali soeda tida betoel, kerna Annie toch mesti taoe bener, bahwa Eng Liang pasti masi bisa
beli perhiasan lagi goena ianja.
Kendati bloen mengomong sapatahpoen pada akoe, itoe waktoe njonjah Eng Liang soeda minta permisi boeat pergi ka blakang.
Sasoeda ia berlaloe, akoe sigra tanjak pada Eng Liang, apakah bokmas Kariosoegio soeda dikasi taoe prihal itoe penipoean.
»Bloen, 'nkoh ! " djawab Eng Liang:
„Akoe masi bloen bisa tentramken hati dan pikirankoe. Hatikoe masi berdebar-debar sadja, sedeng pikirankoe teroes bingoeng."
— 67 —
» Akoe boekannja bingoeng lantaran ilang-nja itoe barang, hailang-nja akoe soeda kwatir kaloe nanti bokmas Kario rapport sama politie, tentoenja akoe mesti toeroet ketarik djadi saksi, dan hal ini ada satoe perkara jang akoe tida soeka. Akoe soeda pikir, bahwa akoe lebi baik ganti sadja itoe f 22.000— soepaja bokmas Kario tida adoeken itoe perkara dan akoe tida oesah mondar mandir ka kantoor politie. Bagi-mana 'nkoh poenja pertimbangan kaloe akoe berlakoe begitoe?" berkata dan me
nanjak Eng Liang pada dirikoe.
Sakoetika lamanja akoe tida lantas bisa mendjawab pertanjakannja itoe sobat karib, sebab akoe bloen dapet pemandengan jang bener. Sasoenggoenja dengen wang orang bisa berboeat menoeroet kaseneng-annja, dan ini kali dengen koeasanja ia poenja harta Eng Liang hendak bikin ter
bebas dirinja dari segala perkara jang men-ganggoe kamerdikaännja. Satoe perkara jang loemrah, oleh kerna menginget ini maka akoe baroe membri djawaban dengeo berkata:
„Begitoe djoega boleh."
„Djikaloe 'nkoh soeda moefakat, akoe tida perloe mengasi taoe adanja ini
pe-— 68 pe-—
nipoean pada bokmas Kariosoegio, sebab orangnja soeka ngobrol ka sana sini. Akoe tjoekoep bajar f22.000— padanja dengen bohongin kaloe itoe wang dari Johannes jang boeroe - boeroe poelang Djombang sebab Eduard sakit. Di blakang hari, apa
bila ia menanjak perkara perkawinannja Annie, kita boleh djawab bahwa Eduard meninggal doenia, dengen begitoe djadi ia tida bisa dapet taoe adanja ini complot bandiet. Apakah tida baik di-atoer begitoe 'nkoh ? "
„Betoel, dengen ini akalan bokmas Kario aken tida bisa wartaken lebi djaoeh ini perkara tida enak," menjaoetkoe: „Tjoema apakah orang - orangmoe tida ada jang denger tentang ini hal?"
„Semoeanja bloen dapet taoe dan pada Annie serta mamanja akoe soeda pesen boeat tida omongken itoe perkara."
Satelah ambil ini katetepan, roepanja Eng Liang, poenja pikiran djadi koerang bingoeng, ia poenja aermoeka bertjahaia sedikit merah. Annie jang sedari tadi ting
gal doedoek diam, kamoedian berdiri dan
berkata: „Em pek An . .
nie be loen . . . . b i s a n g o . . . m o n g
— 69 —
a , . , , . pa . . . . pa Ha . . rep pek ting . . . . gal . . . . d o e . . . . d o e k . . . . s e n . , . n e n g . . . An . . . . nie . . . . ngan . . . . toek."
Oleh kerna baroe sadja brenti menang-gis, maka Annie bloen djoega bisa bitjara sebagimana biasa. Sebagi djawaban dari Annie poenja omongan akoe menjaoet:
^Baek nona, ngasolah dan senengken hatimoe ! "
Tatkala Annie soeda berlaloe, akoe lan
tas njataken pikirankoe tentang itoe meu
bels dari Semarang pada Eng Liang. Sobat karibkoe ini mendjawab perkara itoe baek ditoenggoe sadja apa jang aken kedjadian.
„Kita sekarang lebi baek djangan goe-naken pikiran terlaloe - laloe boeat pikirin segala Johannes poenja prilakoe. Soeda njata trang sekali jang Johannes ada satoe badjingan dan ia poenja antero perboeatan tentoe tjoema bermaksoed menipoe sadja,"
kata Eng Liang lebi djaoeh.
Apa jang di kata oleh Eng Liang ada betoel. Dari sebab ini akoe djadi ambil sikep diam. Keadaan di itoe roeangan si-gra tinggal sepi, saoleh - oleh toeroet ber-doeka djoega atas kasoesahannja toean romah. Sedeng kita berdoea bersama
doe-— 70 doe-—
doek dengen nielajangken masing-masing noenja pikiran, satoe djongos soeda dateng menghampirin kita dan srahken pada ma-djikannja satoe soerat. Eng Liang boeka itoe dan tarok enveiopnja di atas medja.
Dari temipatkoe akoe bisa batja itoe tjap
„Na post - tijd," satoe tanda jang mengoen-djoeken bahwa soerat itoe soeda masoek post sasoeda kantoor - post ditoetoep.
Sahabisnja meiiat itoe envelop akoe kombaü pandeng Eng Liang, tapi.... astaga, ia poenja roman soeda djadi merah, samen-tara ia poenja mata djadi terboeka lebar.
Dengen bibir tjoemak-tjoemik dan soeara jang ampir kadengeran orang ia batja itoe soerat. Sakoenjoeng - koenjoeng ia berdiri dan kasiken itoe soerat pada akoe seraja kata: „Bangsat betoel, brani sekali 1"
Satengah kesoesoe akoe trima itoe soe
rat dan batja isihnja. Soerat itoe terkirim dari Solo, dan oleh Johannes, itoe bandiet besar !
— 71 —
Jsihnja ada begini: . -Di atoerken Kapada bakal besankoe LIEM ENG LIANG,
di Solo
Dengen segala karendahan ! Lebi doeloe kita matoer beriboe tri
ma kasi jang toean soeda soedi berbe-sanan dengan diri kita.
Tapi kita boekan maoe besanan sama orangnja, tapi sama toean poenja harta jang toean ada kaja besar.
Ini perkara toean djangan anggep kebetoeîan, tapi ada sebaliknja kita soeda atoer lebi doeloe ini dengan pertoeloengannja V:ita poenja comploi di Solo, jang soeda bisa dapet taoe toean dan nona manis Annie poenja niatan gila,
Lebi djaoeh toean, teroetama empek Kiem Hwat tida perloe rewelin itoe -akoe trima kombali itoe f2000,— dengan satoe boelan karoegian njonjah M, soeda accoord romahnja tida djadi di sewah.
Lain tida, dengan pengharepan jang, toean Eng Liang tida akan djadi ketji) ati, akoe kirim,
Tabee w. g. JOHANNES.
— 72 —
Itoe soerat tida di tanggaiin dan menoe-roet tjap post itoe soerat sampe di tangannja expediteur di itoe hari dan terkirim ke-maren malem, atau malem minggatnja itoe kawanan pendjahat. Boleh djadi oleh ker-na dari maloe dan marahnja. Eng Liang soeda tida doedoek kombali dan djalan mondar nfiandir di empernja itoe roeangan blakang. Akoe pergi padanja dan trimaken itoe soerat dengen berkata: „Ja, memang itoe orang ada badjingan jang brani, tapi tjerdik djoega."
Eng Liang tinggal berdiri diam dan tida kata apa-apa, sedeng akoe sendiri soeda djadi sedikit lega, lantaran akoe soeda dapet taoe apa jang tadinja bagi akoe ada satoe roesia, jaitoe perkara meubels, romah, dan tentang di atoernja lebi doeloe itoe peni-poean. Soenggoe, boleh dibilang Johannes ada beroentoeng besar, sebaliknja Liem Eng Liang, sobat karibkoe, jang bertabiat aneh, ada sial dangkalan tida karoean.
Djikaloe menilek ini akoe boleh kata:
„ Pasar Malem lapang kasenengan bagi Johannes, tapi lapang kasedihan bagi Liem
Eng Liang !"
Soepaja tida mengoda lebi djaoeh pada familie Liem Eng Liang, akoe soeda minta
~ 73 —
permisle poeiang koetika meiideßger
lon-^jeng berboenji sablas kali. Waktoe masi di romahflja Eng Liang akoe niat tidoer iesampenja di romah, akoe tida bisa sampeken kahendakkoe lantaran oetek ter
goda dengen pertanjaän: „Siapakah adanja itoe complot dari itoe pendjahat ?"
*
é
ü d ü K t l / i