Tiga hari telah iiwat sedari terdjadi itoe perkara menipoean dan akoe bloen djoegs bisa menanjak pada Eng Liang apa adanja (ÎOS „ sebab " jang membikin ja hingga berlakoe îoear biasa dalem perkara men-fjari mantoe.
Demikianlah pada hari ka ampat dart itoe hari sial, akoe soeda perioeken koen-djoengin Eng Liang dengen maksoed ta-njaken itoe hal. Waktoe ttoe kira-kira djam 10 pagi. Koetika akoe sampe di romahnja.
Eng Liang djoestroe berada daiem kamarnja toelis. Lantaran dari biasa, zonder permisie lebi doeloe akoe teroes pergi ketemoein ianja dalem itoe kamar.
„Kebetoelan sekali 'nkoh dateng" kata ia sasoeda silahken akoe doedoek di ha-depannja „Akoe perloe moefakatken satot perkara pada 'nkoh."
„Perkara apa?" akoe menanjak dengen hati satengah mendongkol, dari sebab be-iiernja akoe jang hendak menanjak lebi doeloe padanja, tapi soeda kablakang.
„Sebab perdjodoännja Annie soeda djadi tida karoean, tenitoenja akoe mesti kasi
taoe tentang dipoetoesnja itoe pertoen-dangan pada sekalian tamoe jang itoe malem soeda hadiirin itoe pesta pertoenangan, me-noeroet 'nkoh poenja pikiran,kapan baeknja akoe kirim itoe pembrian taoe ? " menanjak Eng Liang.
Mendenger ini pertanjakan akoe donga-ken kepala meliat ka atas seperti lakoenja orang berpikir, kamoedian akoe menjaoet:
„Satoe of doea boelan lagi poen baek.
Apakah kau soeda atoer sebabnja jang membikin terpoetoesnja itoe toenangan?"
„Soeda. Akoe rasa boleh di seboetken sadja kaloe Eduard mati lantaran penjakit pest. Bagimana 'nkoh poenja timbangan?"
„Sanget moefakati Dan akoe harep, biar
lah dengen sasoenggoenja itoe badjingan modar terserang itoe penjakit," akoe djawab pertanjakannja Eng Liang dengen soeara njaring.
Eng Liang soeda djadi ketawa mendengar djawabankoe. Kamoedian ia laloe tjeritaken, bahwa bokmas Kariosoegio poen soeda dikasi taoe menoeroet atoeran jang ampat hari berselang soeda dibitjaraken. Bokmas Kario soeda trima penoeh itoe f 22.000—
dan dari sini ia pasti bisa tarik oentoeng, dus tida sebagimana jang akoe doega leb«
doeloe. Eng Liang itoe waktoe banjak mengemong, satoe tanda jang pikirannja soeda djadi tencrem poela. Akoe tinggal dengerin dan menoenggoe koetika boeat ganti menanjak, tapi roepanja ia baroe do-jan bitjara itoe pagi. Lantaran tida sabar, akoe sigra memotong ia poenja pembi-tjaraän.
„Tjoba Liang, apakah akoe boleh me-noempang tanjak sedikit hal pada dirimoe?"
„Boleh sekali, kenapa 'nkoh pake tanjak apa lebi doeloe?"
,Sebab kau soeda pernah tida maoe ladenin akoe, waktoe akoe hendak mena-njaken itoe hal," akoe sigra menjaoet.
„Kapan akoe soeda berboeat begitoe ? "
„Itoe saat, koetika kau bri taoe akoe tentang niatmoe tarik mantoe Eduard. Akoe soeda peringetken soepaja kau berlakoe ati - ati, tapi roepanja itoe waktoe kau soe
da tida ambil posing bitjarakoe."
Eng Liang keroetken djidatnja dan me
njaoet: „O, ja, omonganmoe memang be
ner 'nkoh, akoe harep sadja sekarang 'nkoh soeka maäfken itoe dan akoe merasa, bah
wa kesalahankoe itoe soeda dapeî hoe-koemannja tjoekoep berat."
Dengen kata demikian Eng Lian berdiri
— 11 —
dan angkat kadoea tangannja bersodja pada akoe. Tjepet - tjepet akoe samboet itoe kahormatan seraja kata: „Ach djangan kau berlakoe begitoe hormat. Akoe tida menesel sedikitpoen, kerna akoe taoe bahwa itoe waktoe kau sedeng mabock dengen pendapetanmoe. Sekarang akoe tjoema maoe taoe, maboekmoe itoe lantaran sebab apa ? "
„Itoe betoel, akoe itoe hari soeda ma-boek pada pendapetankoe. Tïoba, 'nkoh boleh dengerin ! Sebagimana 'nkoh sendiri soeda taoe, berkali - kali ada orang mela
mar dirinja Annie, tapi akoe selaloe tolak.
Apa sebab begitoe? Sebab saben kali ada lamaran selaloe akoe sampeken teroes pada Annie. Djikaloe akoe soeda berboeat tjara itoe, kerna toeroet pendapetankoe, jang kawin itoe boekan akoe, tapi diri Annie. Dengen begitoe sesatoenja lamaran Annie sendiri jang timbang, sebab di ha; I nanti ia sendiri jang bakal djalanin. Moelai brenti sekolah, kira - kira waktoe ia soeda oemoer 18 taoen, akoe soeda trima lama-rannja orang, tapi saben kali Annie me
nolak dengen oendjoek alesan, bahwa diri
nja bloen brani djadi istri orang, satoe hal jang aken bikin dirinja itoe anak,
— 78 —
bisa djoega djadi satoe iboe. Toeroet omongnja Annie, satoe prampoean atawa satoe gadis jang dapet kamerdikaän dalem perkara menikah, wadjib sekali pikir sam-pe mateng dan bajangken masib dirinja sebagi istri dan iboe orang. Prampoean itoe nanti aken nampak gambar-gambarnja satoe istri dan iboe dalem oeteknja atawa pikirannja, apabila dengen hati jang soeng-goe prampoean itoe tilik dan perhatiken pada pengidoepan sahari-hari ini. Djikaloe soeda bisa meliat terang apa adanja itoe gambar prampoean atawa gadis itoe tida nanti sigra boeroe - boeroe dan merasa goembira apabila mendenger warta bahwa dirinja bakal djadi penganten. Lantaran menilik pada ini semoea, maka Annie se
nantiasa tolak sesatoenja lamaran dan ba-roe maoe kawin kaloe ia soeda bisa atoer hati dan pikirannja sahingga tjotjok dengen keadaännja satoe iboe dan istri jang se-djati. Maka koetika ia menjataken pikiran
nja padakoe, bahwa dalem Pasar - Malem dan djatoeh pada ia poenja hari taoen, ia ingin tjari pasangan akoe soeda djadi se-neng amat. Tapi tida njana sekali satoe komplot pendjahat soeda baliken kaseneng-ankoe itoe djadi satoe kasedihan. Djikaloe
— 79 —
di timbang Annie memang soeda pilih be-toel, kerna djarang sekali satoeanak moe-da moe-dari orang hartawan soeka koendjoengin satoe keramean dengen papa mamanja;
jang kebanjakan mesti bedal sendirian.
Meliat pada ini Annie djadi berpendapetan, bahwa itoe anak moeda tentoenja ada satoe anak jang berbakti. Tapi, adanja per
kara soeda tida mengaboelken akoe poe-nja pengharepan. Maski begitoe tapi akoe dan Annie tinggal seperti doeloe dalem perkara tjari mantoe dan djodo, tjoema sekarang tida satengah mengandel Allah."
„Satengah mengandel Allah!" Seriboe percent pertjaia Allah ! " akoe memoetoes bitjaranja Eng Liang dengen soeara keras dan mata berkobar.
„Apa ja gitoe to, 'nkoh ? " menanjak I Eng Liang dengen mesem dan soeara lelah.
„Memang begitoe! Perboeatanmoe ada menoendjoeken jang kau pasrahken
nasib-moe pada ja pada Pasar
-Malam,' akoe menjaoet dengen ketaws djoega.
„Tapi perkara soeda ketlandjoer, tida perloe di roendingken lagi," kata Eng Liang dan laloe tinggal diam.
à
— 80 —
Akoe sigra soelet satoe sroetoe jang dari tadi soeda di seJiaken bersama petinja di hadepankoe, senderken badan-koe pada senderan badan-koersi dan lajangken pikiran, memikirken apa jang soeda di omongken sobatkoe karib Liem Eng Liang.
Aiesannja dan sebab jang di oendjoek oleli Eng Liang sasoenggoenja sebagimana jang akoe soeda doega doeloean ada bagoes dan bener, tapi salah djoega oleh kerna ia soeda maboek pada itoe. Dari sini boleh dikata, bahwa barang baek itoe kaloe di-maboeki, djadinja malah djelek dan tida betoe!. Selagi akoe en£>k memikir, sakoe-nioeng - koenjoeng akoe inget, bahwa itoe hari akoe ada satoe djandjian aken trima kedatengannja satoe sobat di romahkoe, Dengen sigra akoe berpamitan poelang dan oendjoeken sebabn;a maka akoe laatas kesoesoe poelang Eng Liang tida menahan.
Toean romah soeda anterken akoe sam-pe di loear pintoe sam-pekarangan, koetika akoe maoe berpisah akoe berkata: „Ma-kanja kita haroes ii^get djangan kita hingga maboek pada sesoèatoe apa. Biar baek maoepoen boesoek, kita wadjib pake tim
bangan tengah - tengah! "
p
— 81 —