Barangkali sadja bagi orang jang ke-adaännja sebagi dirikoe, adanja itoe Pasar-Malem mengasi tempo padanja boeat se-nengken hati, tapi boeat akoe itoe hal ada sebaliknja.Sedari itoe Pasar Malem diboeka, akoe, lantaran Eng Liang poenja tabiat jang aneh, soeda mesti rasaken hal-hal jang bikin tjape oetek, dan badankoe. Boekan tjoema begitoe, hanja akoe soeda mesti alamken perkara jang lebi tida enak.
Demikianlah pada malem dari hari Djoemahat tanggal 27 Juni 1924, kira-kira djam satengah doea bias, akoe soeda di bangoenin oleh akoe poenja djongos.
Herankoe itoe waktoe tida terhingga, tat
kala akoe mendenger bahwa Eng Liang soeda dateng sendiri boeat minta keteraoe akoe. Tida ajal lagi akoe sigra berbangkit dan berdjalan kloear.
„Wah, tjilaka besar, 'nkoh ! " kata Eng Liang dengen soeara sedikit gemeter.
„Ada kedjadian apa?" akoe menanjak dengen heran.
„Kena ditipoe tida karoean," saoet Eng Liang: „Itoe familie dari Djombang tida njana sekali ada koempoelan bangsat.
— 51 —
Baroesan sadja barang perhiasannja Annie dan bokmas Kario jang berharga lebi dari f 37,000— soeda dibawa minggat."
„Abis, kau maoe bikin apa?" Soeda di rapportken politie bloen ? " kembali akoe menanjak.
„Bloen, dan akoe memang tida perloe adoeken ini perkara, sebab nanti malahan bikin akoe djadi maloe besar."
Sabenernja itoe waktoe akoe hendak seselken Eng Liang poenja kelakoean sembrono, jang mendjadi sebabnja itoe wang sabegitoe banjak soeda mesti terbang.
Tapi lantaran ia temtoenja soeda teramat sedih, djadi akoe kwatir ia nanti tambah djadi soesah. Djikaloe ia soeda tida maoe srahken itoe perkara dalem tangannja politie, boleh djadi ia soeda mendosin dari ia poenja kakliroean dan kagoblokaa.
Limablas riboe roepiah, bagi ia memang ada satoe djombiah ketjil, maka ia lebi baek ilang ini, katimbang perkaranja jang bisa bikin ia poenja tabiat aneh tersis!
kasana sini, di ketahoei oleh orang banjak. Tapi ia soeda salah itoeng, akoe j a n g m e m p o e n j a i k a i n g i n a n k e r a s b o e a t d j a d i k e n p e n g a l a m a n k o e j a n g l o e a r biasa i n i d j a d i s a t o e p e r i n g e t a n b o e a t s e l a m a -lamanji!, s o e d a b e r d a j a b o e a t b i k i n i t o e
— 58 —
kedjadian djadi satoe boekoe tjerita.
Dari sebab, maksoedkoe tjoema bikin satoe „peringetan," maka nama - namanja orang-orang jang tersangkoet, akoe soeda sengadja minta pengarangnja soepaja itoe diganti; dengen begitoe akoe tida bikin orang poenja sakit hati.
Demikianlaii, itoe malem sasoeda dapet denger katetepannja Eng Liang daîem ini perkara penipoeaa, akoe tjari - tjari pikiran boeat hiboerken ia poenja kasedihan.
„Djikaloe menilik pada segalanja jang soeda terdjadi, boleh dibilang itoe semoea ada hal dari takdir Toehan. Masatah kaloe tida 'gitoe, sa'anteronja soeda berdjalan sanget tjepet. Dari sebab itoe, maka tida perloe kau pikirin terlaloe - laloe pada itoe kailangan. Wang apabila maoe kloear, tida koerang djalannja. Tjoema, akoe tida men
gerti, bagimana tjaranja itoe bandiet^ me-nipoe kau, teroetama „Annie," begitoelah dengen sedikit perkataan akoe tjoba kasi hiboeran pada Eng Liang.
Menoeroet tjeritanja Eng Liang itoe hai soeda terdjadi begini: itoe pagi (ari 27-7-'24) kira - kira djam 10, bokmas Kariosoegio soeda dateng di roniahnja Eng Liang dengen bawa barang mas inten jang berharga
— 59 —
koerang lebi f 50,000— Tida antara lama dari kedatengannja bokmas ini, Eng Liang soeda dateng. Itoe doea tamoe bersama toean dan njonjah romah doedoek ber-koempoel di satoe medja. Dari bokmas Kario, Eng Liang bersama istrinja dapet taoe, bahwa Eng Liang ingin beli barang permata boeat persalinnja Annie. Sasoeda pilih memilih dan priksa dengen teliti Johannes ambil barang seharga f
22,0O(>-Sepandjang katanja, itoe barang - barang ia hendak kasi liat doeloe pada njonjahnja-Waktoe bikin pemilihan itoe barang- di tjobaken Annie, soepaja dapet pilih jang tjotjok dengen dirinja Annie.
Johannes ppenja prilakoe dan perboea-tan^ jang soeda laloe, tida bisa rasa tjoeriga apa - apa, maka itoe barang - barang di-trimaken dalem tangannja Johannes dengen perdjandjian besoek pagi bikin poetoesan.
Sasoeda makan siang, di romahnja sang bakal besan, Johannes brangkat poelang ka hotelnja.
Soreenja Eduard soeda dateng dan min
ta pada Eng Liang, boeat liat Pasar-Malem dengen Annie. Eng Liang tida menolak permintaannja Eduard, kerna itoe pertoe-nangan soeda sah. Tapi apa maoe, satoe
— 60 —
tindakan jang begini dari Eng Liang, soeda bikin ia ampir f 37,000— lebi meskin,
Sabloemnja masoek Pasar-Malem, Annie di adjak lebi doeloe ka hotelnja itoe komplot bandiet, di sana ia poenja per
hiasan di toekarin dengen kapoenjaännja bokmas Kario. Lantaran tida tjoeriga apa-apa, Annie soeda menoeroet sadja, apalagi itoe badjingan moeda kata, bahwa sang mama soeda soeka sama itoe semoea, dari itoe boleh dibilang itoe barang - barang soeda mendjadi miliknja Annie, itoe waktoe njonjah Johannes djoega ada dan betoelken omongannja Eduard.
Begitoelah dengen diprabotin dengen itoe barang perhiasan bakal persalin, Annie bersama Eduard dengen zonder penganter masoek Pasar - Malem. Dari restaurant
„De Indiër," itoe doea merpati lantas non-ton stamboel. Satoe premen jang dikasi pada Annie, soeda bikin Annie satengah ilang pikirannja. Ia soeda tida berasa jang perhiasannja soeda ditjopotin oleh Eduard, tapi masi inget koetika Eduard minta per
misi boeat pergi sabentarka retirade. Waktoe ia mendoesin, ia soeda tida liat Eduard;
p e r a s a a n t i d a e n a k l a n t a s b i k i n A n n i e p r i k s a p a d a p e r h i a s a n n j a . Kagetnia* A n n i e
— 61 —
boekan kepalang, koetika dapet taoe barang - barang jang dipake soeda ilang.
Ampir sadja Annie bertreak, tapi lantaran ini nanti bikin ia djadi maloe, apalagi is poenja perasaän djadi anaknja satoe mil-lioenair, bikin ia koeatken soeniangetnja.
Kalo tida begini, bisa djoega ia djatoeh pangsan.
Orang nanti mace kata jang Annie ada tabah sekali, sasoenggoehnja , me
mang begitoe. Satoe gadis jang bisa boe-ang laga zonder maloe - maloe di depan orang banjak, tjari djalan boeat berkenalan dengan orang jang dipenoedjoe, tida heran apa bila tahan sekali, mengalamin satoe ha!
sebagi terseboet di atas ini. Bagi laen pram-poean, pasti sekali hal ini ada sebaliknja.
Sasoeda tetepken hatinja, Annie itoe waktoe sigra brangkat poelang dan mengasi taoe pada orang toeanja adanja penip.oean.
Eng Liang boeroe-boeroe telefoon pada hotelnja Johannes tapi dapet katrangan bahwa pada djam 7 dengan auto itoe ka
wanan soeda brangkat.
Lantaran sanget bingoengnja, maka Eng Liang lantas dateng pada akoe. Tjoe-ma bokTjoe-mas Kariosoegio jang bloen menge-tahoei ini penipoean, masih boleh impiken
— 62 —
bakal dapet oentoeng dari itoe peadjoealan, ja, kaloe adanja hal ada begitoe.
Habis mengomong Eng Liang tinggal doedoek diam dengan aermoeka jang sedih.
Akoe maoe menanjak padanja tentang adanja „sebab" jang soeda bikin ia ambil itoe tindakan. Tapi, akoe woeroeng tanjak, lantaran meninget jang ia berada dalem keadaan koesoet. Tanjaken itoe „sebab"
padanja, itoe pasti, tjoema akoe mesti menoenggoe tempo.
Toeroet djalannja doenia, ia tentoe tida nanti berboeat itoe dengen memboeta toeli dan zonder alesan. Dalem ini perkara ia pasti sekali ada satoe alesan jang baik, jang sepandjang pikirankoe sasoenggoehnja ada bagoes dan perloe di tiroe.
Djikaloe akoe soeda kata demikian, adalah memikir bahwa apa - apa jang bagi satoe orang ada boesoek, bloen tentoe djelek bagi laen orang. Inilah jang bikin akoe mesti menanjak itoe sebab padanja.
Oleh kerna tida ada ha! jang di omongken lebi djaoe, di antara djam satoe Eng Uang balik ka romahnja. Di loear akoe minta padanja, soepaja djangan pi-kirin itoe perkara lebi pandjang.
Dengen mengoetjap: „Slamet tidoer,"
akoe balik ka kamar.
— 63 —