Bermoela In Houw maoe ambil tempat dalem roemah penginepan, tapi oleh To-sie tebih doeloe soe-da disediaken tempat tidoer boeat maril<a itoe, hingga (n Houw oeroengl<en maksoednja.
Doea hari kamoedian Qan Hong Siong soeda bisa kaloear dari dalem kamarnja, tentoe sadja membikin sänget girang pada To-sie dan Tiok-Hoa,
begitoe-poen itoe sekalian tetamoe.
Di sitoe baroe In Houw dan jang laen laen merasa laioeasa, kerna ia boleh tida oesa menganggoer sebagi brapa hari jang laloe. Gan Hong Siong ternjata ada saorang jang soeka mengobrol, dengen goembira ia lajanin itoe tiga orang membitjaraken ini dan itoe berhoeboeng dengen gerakan politiek di itoe waktoe, tapi sebab itoe tiga orang moeda ada di loear kalangan dari pergerakan itoe, ia kaliatan tida begitoe resep bagi itoe pembitjara'an.
Achirnja Thian Sek menanja tentang itoe katjilaka'an jang dialamken oleh Gan Hong Siong, kerna menoe-roet ketrangan jang ia dapet dari njonja roemah, itoe penjerangan katanja ada mengandoeng laen maksoed jang sampe itoe waktoe masi tinggal djadi satoe per-tanja'an sadja.
„Ja, inilah ada satoe pembalesan dari manoesia pengetjoet dan kedjem," kata toean roemah sambil ge
leng kapalanja ; ,kaloe betoel akoe poenja doega'ar.
tida kliroe, itoe orang sabetoelnja masi bisa berboeat laen dengen laen djalan boeat beresken itoe oeroesan sama akoe, tapi iapoenja pikiran ada begitoe tjoepet,
— 51 —
hingga ia soeda berboeat satoe kai<iiroean jang bisa membikin tjiiaka dirinja sendiri".
„Siapakah sabenernja itoe orang jang kaoe mak-soedken ?" menanja Ma Sioe Djian. „Begimanakah asal moelanja, sampe itoe orang menaro sakit hati
begitoe besar ?" •
Gan Hong Siong toetoerken doedoeknja oeroesan sama Go Hiang dari awal sampe di achir, mendenger begitoe. Thian Sek poenja aer moeka djadi berobah djadi keren, dan kadoea matanja kaiiatan bersinar api, satoe tanda kagoesaran timboel dalem hatinja itoe orang gaga. Koetika Hong Siong soeda slese bitjara, ia berpaling pada hi Houw dan Sioe Djian sambil berkata:
„Sekarang kaoe bisa boektiken akoe poenja per-kata'an, bahoea kabesaran seringkali soeka digoenaken dengen tersesat dan sawenang-wenang. Gan Lo-soe poenja perkala'an baroe satoe sangka'an, kern a ia sen
diri masi sangkal kàbenerannja, tapi djika bener itoe ada perboeatannja Go Hiang, di sini kita moesti oendjoek lagi kita poenja kewadjiban terhadep pada keadilan."
„Kaloe keada'an masi begitoe menjangsiken, kita moesti tjari taoe lebih doeloe," kata S'oe Djian. „Kaloe Thio-heng dan In-te setoedjoe, sabentar sore kita pergi koendjoengin gedongnja itoe pembesar. Dengen me
liat gerakannja, kita nanti bisa dapet taoe keada'annja itoe pembesar."
In Houw dan Thian Sek njataken setoedjoe dengen pikirannja Ma Sioe Djian ; tapi Gan Hong Siong menanja :
„Apakah jang Tjoe-wie maksoedken dalem itoe pembitjara'an ? Apa jang menjangkoet bagi akoe poenja oeroesan, biarlah Tjoe-wie soeka liwatken dengen zon
der berboeat satoe apa ; akoe sendiri soeda ambil
— 52 —
poetoesan boeat goenaken Iaën djalan sebagi pemba-lesan atas perboeatannja itoe pembesar."
, „Lo-soe, kapan akoe boleh bilang bahoea perboeatan djahat jang kadengeran di koeping kita orang aken , , tida terlolos dar! kita poenja pembaiesan, brangkali kaoe tida pertjaja," kata In Houw ; „tapi dengen sa-soenggoenja ada begitoe. Perboeatannja Go Hiang sanget doerhaka, ia moesti dapetperitoeiigan dari kita
orang, itoelah soed bisa dipastiken lebin doeloe."
„Pengaroenja Go Hiang sanget besar, boleh dibilang kakoeasa'an di Po-teng ada dalem tangannja, maka akoe slempang kaoe orang poenja perboeatan aken berboentoet satoe katjilaka'an jang tida enak," kata Hong Siong. „Akoe poenja maksoed hendak bikin pengadoean pada pembesar jang lebih atas di kota Peking, dengen tjara begitoe pamerentah sendiri nanti mengasi tegoran dan hoekoeman padanja. Djika laen orang lakoeken pembaiesan, tida bisa disangkal lagi kamoedian aken mendapat pembaiesan jang tida enak dar kawannja itoe manoesia doerhaka."
In Houw tertawa sadja mendengar bitjaranja itoe toean roemah, koetika Hong Siong bitjara sama Tjit Nio dan Pek Nio, itoe doea gadis djoega terangken iaorang poenja kahendak boeat tjari taoe tentang pe-ngidoepannja Go Hiang, hingga Hong Siong tida bisa berboeat laen dari pada toeroetin kemaoeannja
• ® marika itoe, dan blakangan ia baroe taoe kaloe marika sabenernja ada golongan pendekar jang soeda biasa melakoeken pakerdja'an demikian.
Begitoelah pembitjara'an antara itoe lima pendekar
^ sorenja telah dioelangken lagi. Thian Sek bilang tida oesa pergi semoea, doea orang sadja soeda tjoekoep sedeng jang laen menoenggoe sadja di roemah.
ÉÉ
- 53
In Houw lantas njataken ia soeka pergi dan Sioe Djian djoega bilang begitoe, maka itoe malem ini doea orang jang pergi kaloear melakoeken itoe pakerdja'an.
Apakah dengen sasoenggoenja itoe perampokan di roemahnja familie Gan ada berhoeboeng dengen perboeatan jang dilakoeken oleh Oo Hiang, sebagi iapoenja pembalesan sakit hati ? Boeat dapet taoe itoe resia sabetoelnja boekan satoe oeroesan jang gampang, tapi kaloe dibilang Allah sabenernja ada sanget bentji sama perboeatan djahat, itoelah tida kliroe, kerna dengen tida didoega satoe apa, Oo Hiang soeda boeka resianja sendiri.
Di itoe malem, ini pembesar telah dikoendjoengken oleh brapa orang dari loear kota. Lebih doeloe ini orang-orang roepanja soeda dapet oendangannja itoe pembesar boeat damiken satoe oesoesan penting.
Dari roman dan kelakoeannja, itoe tetamoe-tetamoe bisa dioendjoek ada golongan orang jang tida terlaloe baek kelakoeannja.
Oo Hiang koempoelken itoe brapa orang dalem roewangan dalem, ia perlakoeken marika itoe dengen hormat, seperti djoega terhadep pada sakawanan orang jang senantiasa melindoengken iapoenja keslametan.
Sasoeda minoem brapa tjangkir arak sala-satoe antara itoe tetamoe menanja pada toean roemah, dengen maksoed apa iaorang dapet ini oendangan.
„Itoe penjerangan jang doeloean pada Gan Hong Siong ternjata soeda tida berhasil," kata Go Hiang.
„Sampe sekarang itoe orang sombong masi bisa ber-njawa dan kalakoeannja djadi semingkin tjongkak.
Boekan sadja begitoe, dari soember jang boleh diper-tjaja ^ akoe dapet ketrangan, Hong Siong ada menaro tjoeriga kaloe itoe penjerangan ada kaloear dari akoe poenja pembalesan sakit hati, maka ia soeda minta
54
pertoeioengan pada brapa orang jang mengarti boeat bikin pengadoean lebih djaoe pada pembesar jang lebih tinggi. Mai<a itoe, ai<oe oendang kaoe sekalian boeat diadjak berdami bagimana baeknja, sebab kaloe sasoenggoenja ia bisa bergerak ka itoe djoeroesan, maskipoen tida begitoe berbahaja, tapi tida loepoet akoe bakal dapet tegoran tida enak dari pembesar jang lebih tinggi."
„Tapi sasoeda kedjadian perkara di atas, apakah Tay-djin perna bikin lamaran lagi padanja ?" menanja sala-satoe itoe tetamoe jang roepanja ada sedikit bengis.
„Tida sama sekali," saoet Oo Hiang. „Akoe harep sabetoelnja dengen itoe serangan Gan Hong Siong djadi binasa, sasoedanja ia meninggal doenia tida terlaloe soesa boeat akoe lakoeken paksa'an, tapi keada'an, ada sebaliknja, hingga sekarang akoe terantjem bahaja."
„Abis Tay-djin maoe berboeat bagimana lagi pa
danja?" menanja marika itoe.
„Penjerangan moesti dilakoeken lagi, ini boekan sebagi akoe poenja pembalesan sakit hati, tapi boeat singkirken itoe manoesia jang berbahaja dari kita poenja perdjalanan."
Itoe sekalian tetamoe jang memang roepanja ada djadi pekakasnja Go Hiang, koetika denger kahendak-kannja itoe pembesar, laloe berdami lebih djaoe sama kawannja.
„Baek," saoet sala-satoe antaranja ; „tapi ini malem akoe tida bisa bekerdja boeat lakoeken itoe penjera
ngan, nanti besok malem sadja."
Go Hiang denger begitoe djadi girang sekali, per-djamoean dilandjoetken teroes dengen goembira. Apa jang marika bitjaraken selandjoetnja tida penting aken di toetoerken. Marilah kita tengok apa jang kedjadian di laen fihak, jaitoe In Houw dan Sioe Djian jang
— 55 —
itoe malem telah dateng di roemahnja itoe pembesar boeat mentjari ketrangan.
Roepanja itoe doea orang soeda dapet denger apa jang marika bitjaraken di itoe waktoe, kerna koetika
kombali lagi ka roemahnja Hong Siong, sambil me- j 4 ngela napas In Houw berkata :
„Ja, akoe tida pertjaja, kaloe di antara pembesar-pembesar negri ada kedapetan manoesia jang begitoe doerhaka, hingga boeat oeroesan roemah tangga soeda tida segan lakoeken satoe pembaiesan begitoe boesoek!"
„Bagimana?" menanja To Tjit Nio koetika In Houw abis berkata begitoe.
„Oan Lo-soe poenja doega'an tida kliroe !" kata Sioe Djian. „Sasoenggoenja ia soeda djadi korban dari kedjahatannja itoe pembesar keparat ! Kita poenja koendjoengan ini malem ada sänget kabetoelan, kerna djoestroe itoe pembesar lagi oendang brapa orang jang djadi iapoenja pekakas boeat bikin laen penje-rangan lagi jang mengantjem djiwanja Lo-soe !"
Gan Hong Siong satelah denger itoe omongan kaliatan djadi sanget kaget, ia lantas menanjaken lebih djaoe apa dengen sasoenggoenja Oo Hiang aken berlakoe begitoe roepa.
In Houw benerken bitjaranja Sioe Djian sambil berkata :
„Besok malem itoe orang-orang aken lakoeken
penjerangan, tapi soeda tentoe sadja Lo-soe djangan 4 « merasa koeatir, kerna kita-orang nanti kasi bagian
pada itoe manoesia doerhaka jang tida taoe diri !"
„Akoe kira hal itoe tida oesa sampe bikin Tjiong-wie Qie-soe djadi tjape hati, kaloe bener marika bakal dateng menjerang lagi besok malem, akoe boleh min
ta pertoeloengan pada pembesar politie, boeat toeng-goe marika poenja kedatengan dan dengen tjara begini
— s e
nanti mengoendjoek boekti lebih terang atas kesala'an-nja Oo Hiang," kata Oan Hong Siong.
„itoe pikiran akoe tida setoedjoe," kata Tiiian Sek, sebagimana Lo soe taoe, Oo Hiang ada mempoenjai kakoeasa'an besar, maka sabelonnja ia berboeat apa-apa pada orang jang dibentji, akoe kira iebiii doeioe ia soeda iakoeken perdamian aken djaga bahaja jang bakal dateng dari fihaknja orang jang hendak dibikin tjilaka. Begitoe djoega dalem ini oeroesan, siapa taoe kaloe ia soeda berempoekan lebih doeioe, hingga kasoedahannja boekan sadja kita poenja pengadoean tida berhasil, malah berbalik kita nanti djadi terlebih tjilaka. Pendeknja dalem hal ini Lo-soe tida oesa koeatir satoe apa, semoea ada dalem kita berlima poenja tanggoengan, kapan kamoedian ada terdjadi hal jang tida enak bagi kaoe poenja roemah-tangga, kitaorang soeka kasi tanggoengan atas kitaorang poenja djiwa sendiri !"
Oan Hong Siong djadi sanget terharoe mendenger bitjaranja itoe orang gaga, boekan sadja Thian Sek, begitoepoen In Houw, Sioe Djian, To Tjit Nio dan Lie Pek Nio menjataken pikiran jang saroepa sadja, maka achirnja Oan Sio-tjia dan iboenja djoega kasi pikiran soepaja pasrahken sadja itoe oeroesan dalem tangannja marika itoe.
Menginget pada pengaroenja Oo Hiang, sasoeng-goenja memang bisa dikoeatirken berhoeboeng dengen iapoenja maksoed itoe, ia soeda soempel lebih doeioe laen pembesar jang bakal djadi rintangan bagi iapoenja kahendakan. Inilah boekan satoe doega'an kosong, kerna dengen sasoenggoenja soeda kedjadian begitoe;
Oo Hiang soeda atoer lebih doeioe apa jang iä bakal berboeat, selaennja goenaken pengaroe oewang, ia menjender djoega pada iapoenja kakoeasa'an, hingga
— 57 —
berfioeboeng dengen iapoenja maksoed djahat itoe, I
laen-Iaen pembesar soeda boetaken mata dan toeliken koepingnja.
Baiik lagi ka roemahnja Gan Hong Siong, itoe malem toean roemah bersama tetamoe tetamoenja
bitjara banjak sekali, sampe ampir pagi baroe pada ê' • tidoer. Besok siangnja itoe lima orang teroes tinggal ' di dalem roemah, soepaja tida membikin tjoeriga pada
mata-matanja Go Hiang jang itoe malem orang-orangnja ' bakal lakoeken penjeraiigan ka itoe roemah.
Tapi itoe hari tida ada kedjadian apa-apa jang i bisa dipandang mengoeatirken, Go Hiang soeda tida ! begitoe perhatiken boeat tjari ketrangan lebih djaoe,
kerna ia taoe diroemahnja Gan Hong Siong tida ada laen orang, selaennja ia bersama anak dan istrinja, brikoet iapoenja boedjang-boedjang jang tida perloe diboeat pikiran.
IX
G a g a l
Di itoe malem djoestroe keada'an ada soenji sekali, sebagi djoega pendoedoek di itoe tempat soeda da-pet taoe lebih doeloe bahaja apa bakal kedjadian di itoe malem." Roemanja familie Gan djoega kaliatan sepi, tapi di seblah dalem djoestroe sebaliknja, toean roemah dan tetamoe-tetamoenja lagi menoenggoe datengnja bahaja dengen poera-poera mengobro.1.
In Houw sendirian menoenggoe diioear aken
te-É
— 58
ngok gerakan dan kamoedian aken kasi taoe pada kawannja di daiem, bila baiiaja soeda dateng.
Maskipoen beromong-omong dengen roepa kaiia-tan goembira, :tapi sabenernja Gan Hong Siong merasa koeatir. Sebab doeloean jtoe penjerangan soeda tida bisa berhasil, tida di sangkal lagi satoe kali ini Go Hiang bakal madjoeken orang-orangnja jang lebih pande dan boeas boeai ambil djiwanja. Begitoe djoega istri dan anaknja toean roemah, merasa begitoe bingoeng dan karakoetan. Tick Hoa senantiasa liatin gerakaanja Pek Nio dan Tjit Nio, siapa soeda berdjandji aken mengasi tanda kapan ada terdjadi apa-apa jang tida baek.
Tapi keada'annja Thian Sek dan kawan-kawannja tinggal sebagimana biasa sadja, malah dengen roepa koerang sabar iaorang keliatan menoenggoe apa jang bakal terdjadi,
Sabentar lagi orang-orang dapet liat In Houwma-soek ka dalem, Thian Sek memandang pada itoe temen sambil menanja; i
„hi-te, apa kaoe aken mengasi kabar tentang ka-datengair itoe orang?"
Jang ditanja memanggoet sarnbil berkata :
„Akoe belon bisa b/larig dengen pasti, tapi dari, djoeroesan Oerara ada mendatengin limablas orang dengen djalan nerobos sebagi lakoenja sakoempoelan, pendjahat,"
, Tjit Nio denger beg^itoe laloe samperin Tiok Hoa dgn iboénja, ia anter inî doea orang ka dalem satoe
kgmar. '
„Tjitji djangan berlaloe doeloe dari sini, sabelonnja kataoean pasti apa kitaorang, nanti bisa oendoerken
— 59 —
îtoe sekalian pendjahat dari ini roemah," kafa ifoe nona,
„Tjoetjoekoe," kata To-sie. „Seiaennja perhatiken kita poenja keslametan, sebaiiknja djangan loepa kaoe haroes lindoengken djoega dirimoe dari sera-ngannja marika itoe. Akoe tida maoe sampe kedjadian,
bahoea kitaorang semoea siamet, sedeng kaoe dan _ jang iaen-laen nanti mendapet tjilaka !" i
„Djangan koeatir," kata Tjit Nio sambil berlaioe.
Satelah kombaii lagi ka roewangan tadi, ia dapetken ^ ^ kawannja soeda bersiap, Gan Hong Siong sengadja
disoeroe berkoempoel di sitoe, soepaja bisa tertampak oleh itoe kawannja penjerang doerhaka.
Diloear kadengeran soeara orang memboeka pintoe, tapi marika tida ambil perdoeii. Tida lama ka-moedian lima orang telah masoek ka dalem iaorang liat Hong Siong lagi doedoek sendirian sadja.
„He, toea bangka tida taoe diri !" kata sala-satoe dari itoe kawanan pendjahat, „akoe poenja penjerangan jang doeloean soeda djadi gagal dan sekarang kaoe mengarti, sabelonnja akoe bisa teng teng kaoe poenja kapala boeat dikasi oendjoek pada Oo Tay-djin, kita orang tida nanti brenti bekerdja."
Hong Siong poera-poera terkedjoet, itoe brapa pendjahat lantas meghoenoes marika poenja sendjata.
„Ja, sasoeatoe manoesia memang ada merdika boeat lakoeken segala pakerdja'an, baek dengen djalan i djoedjoer maoepoen setjara laen orang poenja pekakas,"
kata Hong Siong. „Seperti kaoe orang sekalian, akoe ^ ^ taoe soeda didjadiken pekakas oleh Go Hiang, itoe
pembesar doerhaka jang tida mempoenjai perasa'an sebagi manoesia! Tapi akoe soeka kasi peringetan pada kaoe orang sekalian, apakah kaoe tida sajang kaoe orang poenja diri, kapan dalem ini penjerangan sebaiiknja kaoe orang semoea nanti kena di binasaken ?"
É
— 60 —
„Apakah kaoe nanti bisa berboeat pada kîtaorang?"
menanja sala-satoe itoe pendjahat sambil tertawa. Kita poenja kawan tida koerang dari lima bias orang, apa dengen itoe masi belon tjoekoep aken bikin kaoe I poenja djiwa melajang ?"
Seabisnja kata begitoe, marika lantas bergerak aken iakoeken serangannja, sedeng dari loear kombali ma-soek brapa kawannja. Itoe satoe kali, itoe orang-orang boekan sadja hendak Iakoeken pemboenoehan, djoega kaliatan aken ganggoe miliknja familie Gan.
Brapa pigoera dan gambar-gambar perhiasan tembok soeda ditoeroenken.
Oan Hong Siong bangoen sambil membanting ka-kinja, koetika mana dari lima ploksok lompat kaloear lima orang gaga, jalah In Houw dan sekalian kawan
nja. Itoe lima pendekar masing-masing soeda kaloearken sendjatanja ; iaorang berdiri memandang itoe sekalian pendjahat dengen mata tida berkesip, hingga bikin itoe orang-orang djadi bengong sebagi kailangan soemanget.
Thian Sek madjoe sambil kasi tegoran pada itoe kawanan pendjahat apa djadi marika poenja maksoed, masoek ka dalem orang poenja roemah-tangga dalem waktoe malem boeta dan keada'an begitoe, tapi sabe-lonnja dapet penjaoetan, brapa antaranja jang bertabeat brangasan soeda menjerang pada Thian Sek, hingga ck Sioe Djian dan In Houw djoega lantas gerakin sen
djatanja.
Pertempoeran sigra terdjadi dalem itoe roemah, Gan Hong Siong soeda mengilang masoek ka dalem kamarnja. Tjit Nio dan Pek Nio menoenggoe di depan kamar, di mana Tiok Hoa dan iboenja ada semboeni, sebab koeatir itoe orang djahat mengganggoe pada marika.
61 —
Itoe roewangan jang tida brapa besar soeda didjadi-ken tempat perklaian jang heibat sekali. Thian Sek mepet pada p i n g g i r a n tembok sambil poeter pedangnja begitoe roepa, hingga siapa jang brani dateng deket, nistjaja aken djadi korbannja iapoenja sendjata.
In Houw dan Sioe Djian djoega kasi penjerangan jang membikin itoe kawan pendjahat djadi sauget ripoeh, maka pelahan-pelahan marika itoe oendoerken dirinja dengen tinggaiken brapa kawannja jang dapet loeka berat.
Koetika marika itoe melariken diri, Thian Sek tida mengedjer, hanja laloe koempoelken itoe orang-orang loeka di satoe t e m p a t , besok pagi aken ; dise-rahken pada pembesar jang wadjib.
Boeat itoe pertoeloengan, kombali Oan Hong Siong, istri dan anaknja membilang trima kasi pada Thian Sek dan sekalian kawannja, kerna kapan boekan atas pertoeloengannja marika itoe, nistjaja iaorang saroemah-tangga aken alamken poela itoe kedjadian jang tida enak.
Lantaran koealir bagi djiwanja sendiri, sasoeda dapet labrakan dari tetamoenja Gan Hong Siong, itoe orang-orang teroes melariken diri ka loear KOta dengen tida kasi k a b a r lagi pada Go Hiang bagimana kasoe-dahannja marika poenja pakerdja'an.
Samentara itoe Go Hiang anggep sadja marika itoe
soeda bakerdja baek, tapi satelah ditoenggoe iaorang * a poenja dateng sampe liwat djaoe rnalem belon djoega
•kaiiatan, hatinja itoe pembesar doerhaka djadi bingoeng.
ia menoenggoe lagi dan achirnja sampe datengnja fadjar, itoe orang-orang tida djoega dateng kombali
•padanja. .,
Tapi alangkah terkedjoet hatinja Oo Hiang, koetika besok paginja erang riboet bitjaraken familie. Gan
É
— 62 —
tólah tang'kep brapa rampok jang hendak lakoeketü kedjahatan di roemahnja.
Lebih djaoe Go Hiang dapet kepastian, Qan Hong Siong S€ndiri telah bawa brapa orang tawanan boeat dihadepken pada pembesar politie di itoe kota, hingga itoe pembesar djadi sanget terkedjoet dan baroe taoe kaloe orang-orangnja semalem soeda menampak ka-gagalan. :
Dengen selekas-Iekasnja Go Hiang prentahken brapa hambanja boeat tjari ketrangan lebih djaoe, tjara begi-mana Gan Hong Siong soeda bisa lakoeken penâng-kepan ; itoe orang soeda dapetken ketrangan lengkap, kaloe itoe pendjahat soeda ditangkep oleh brapa teta-moenja toean roemah jang kabetoelan ada bermalem di sitoe. .
Marilah kita boentoetin pada Hong Siong jang anterken itoe brapa pendjahat ka kantoor politie. Hong Siong kaài ketrangan begimana marika itoè soeda masoek ka dalem roemahnja dengen maksoed mem-boenoeh djiwanja, djoega terangken itoe semoea ada atas prentahnja Go Hiang, jang soeda sakean lama niienato sakit hati dan hendak kaniaja djiwanja. Djoega pengkat perkara penjerangan jang doeloean, tjoema
^ itoe waktoe ia tinggal diam sadja, sebab tida ada pegang boekti jang terang atas itoe perboeafan doer-liaka.
Itoe pembesar politie mendenger itoe ketrangan dengen :melongo sadja,v ia tida pertjaja apakah dengen sasoenggoenja . ada, kedjadian itoe matjem perboeatan rendah dari Go Hiang, satoe pembesar negri jang sa-begitoe lama namanjä dipandang tinggi , oleh sekalian
kawam sedjabatnja. , . , .i
' .iBoeat. jDendjoek ketrangan lebih, djaoe dari itoe perboeatan, .Qari Hong ; SSong miadjofiken; nartlanja
— 63 —
In Houw dan Sioe Djian, sebagi itoe orang jang soeda denger dengen koeping sendiri begimana Go Hiang telah bikin permoefaketan sama itoe kawan pendjahat
In Houw dan Sioe Djian, sebagi itoe orang jang soeda denger dengen koeping sendiri begimana Go Hiang telah bikin permoefaketan sama itoe kawan pendjahat