Berhoeboeng dengen pembitjara'an di atas ini, gampang pembatja bisa mendoega dari mana datengnja itoe soerat jang telah disampeken ka tangannja To-Kong-koen.
Begitoepoen itoe bahaja api jang terdjadi di itoe malem, ada terbit dari perboeatannja itoe lima pendekar menoeroet adviesnja To Siotjia, djoega itoe soldadoe ronda jang soeda dipai<sa tidoer berdiri ada ganggoean dari In Houw, siapa memang ada mempoenjai obat poeles jang moestadjab sekali.
Sadjek terdjadi itoe oeroesan di atas, pendjaga'an diatoer lebih baek, tapi biar bagimana djoega, tidaloe-poet ganggoean masih terdjadi dengen tjara jang mem
bikin orang merasa sanget gegetoen. Saban malem pendoedoek di kota Peking tida bisa tidoer dengen senang, iaorang senantiasa koeatir dalem sembarang waktoe aken terbit hoeroe-hara heibat.
Di fihaknja pembesar bangsa Boan-tjioe djoega tida ioepoet dapet gontjangan, saban hari di astana tida laen dibitjaraken, kaloe boekannja itoe ganggoean jang kedjadian saban malem, adalah kakoeatiran jang disebabken dari medan peprangan, jang tida koerang besar bahajanja dari pada jang baroe diseboetken.
Begitoelah pada satoe hari To-kong-koen telah trima soeratnja Liang-kong Tjong-tok, dalem mana ada dibri taoe, pasoekan prangnja Ang Sioe Tjoan soeda mengan-tjem kadoedoekan bilangan Koei-tang dan Koei-say, pasoekan prang pamerentah jang ada di sana tida tjoekoep koeat aken bisa tangkis barisan moesoeh jang berdjoembia besar, maka sebrapa bisa diminta kirim bala bantoean boeat memperkoeatken pembelahan.
Ini warta bikin To-kong-koen djadi sanget terkedjoet, ia dapet kenjata'an semingkin hari moesoe dateng semingkin deket. Ia tida abis mengarti, tjara bagimana itoe panglima-panglima perang soeda lakoeken kewa-djibannja, kerna sampe sabegitoe djaoe tjoema warta kekala'an sadja jang sampe di kota Peking, sedang
36
-kabar kamenangan jang bisa menggirangken hati sama sekali tida kadengeran.
Boieii dibilang itoe waktoe panglima-panglima prang jang terkenal dan boleh diandelken, semoea soeda iakoeken kewadjibannja di berbagi garisan medan prang.
Pamarentah sedeng iboek pikirken begimana moesti berboeat, maka berhoeboeng dengen itoe warta dari Liang-kong Tjong tok, mendadak moesti dilakoeken
* * pamilian siapa di antara panglima prang jang boleh dipertjaja boeat pimpin itoe pasoekan penoeloeng.
Dalem pamilihan jang dilakoeken orang soeda poe-djiken namanja Ouw Tek Lam, siapa memangnja soeda njataken soeka boeat trima itoe kewadjiban. Pada itoe panglima lantas dipasrahken sadjoembia brapa poeloeh
I riboe soldadoe jang dengen lekas moesti brangkat ka selatan.
In Houw koetika trima itoe warta lantas berkata I pada kawannja :
„Pamerentrfh baroesan kirim barisan penoeloeng ka Liang-kong, boleh djadi keada'an di itoe tempat sangat mengoeatirken. Djika diam-diam kita koentit itoe ba
risan dan ganggoe padanja, tjara begitoe marika poenja perdjalanan djadi katoenda dan keada'an di sana djadi ' P bertamba heibat."
I „Biarpoen boekannja begitoe, akoe kira perloe kita boentoetin padanja," kata Pek Nio. „Sabegitoe djaoe
# ^ jang akoe telah ketahoei, panglima prang Tjeng-Tiauw sanget doerhaka, di waktoe ia-orang komendir pasoe
kan, tida segan di sepandjang djalan dengen alesaii boeat kaperloean tentara ia-orang lakoeken perampasan pada miliknja pendoedoek negri, kapan perminta'annja tida diloeloesken, dengen kakoeatan atoeran militair, katanja, djiwanja pendoedoek seringkali diboenoe mat'.
— 37 —
Di Lay-tjioe tempo hari perna kedjadian perkara sematjem itoe, hingga pendoedoek negri jang sajang djiwanja sendiri dan pertjaja perkata annja marika itoe, soeda loeloesken segala perminta annja malan ada dioega jang begitoe goblok soeda seraken segala kaperioean jang tida diminta oleh marika itoe, perloe-nia boeat mendjilat-djilat. Lantaran kapala prangnja sendiri biasa berlakoe begitoe, soeda tentoe sadja
sol-dadoe-soidadoenja djoega djadi brani lakoeken
berba-si-bagi perboeatan jang sanget meroegiken pada rajat.
Thian Sek dan Sioe Djian njataken setoedjoe dengen pikirannja itoe doea orang, maka pada itoe hari dengen menjaroe sebagi soedagar, iaorang berlaloe dan kota Peking mengikoetin ka djoeroesan mana Ouw lek Lam madioeken pasoekan balatentaranja.
Doega'annja Lie Pek Nio tida sala, bener djoega, di sepandjang djalan Ouw Tek Lam prenta soldadoe-nja lakoeken perampasan miliksoldadoe-nja pendoedoek negri, sampe pada binatang piara'an poen tida oeroeng digondol pergi, katanja boeat ramsoem pasoekan
balatentara. .• •
Tatkala itoe angkatan perang sampe di Keng-jang-ek di sitoe marika diriken tenda boeat pondokan.
Sebab soeda biasa lakoeken perampasan, brapa sol-dadoe dengen tida dapet prentah lagi dari panglimanja telah pergi ka dalem kampoeng boeat tjari penghasilan
Pendoedoek kampoeng toetoep pintoe rapet-rapet, tinggal itoe anak-anak tangsi berboeat sasoeka-soekanja tangkepin orang poenja kambing, ajem dan laen-iaen binatang piara'an ketjil, hingga sabentaran sadja la-orang soeda bisa gondol kehasilan )ang boekan sedikit, tapi boeat karoegiannja pendoedoek di itoe kanipoeng.
Dengen itoe matjem perboeatan jang seperti pram-pok marika belon merasa poeas, iaorang maoe dapetken
— 38 —
laen matjem korban boeat poeasin marika poenja napsoe binatang, kerna marika pikir, siapa jang brani tida ioeloesken iaorang poenja kahendakan ; sebab pendoedoek kampoeng satoe kali liat pada marika, boeroe-boeroe lari menjingkir sebagi meliat matjan.
Djoestroe selagi itoe brapa soldadoe boedjoekin satoe prampoean boeat toeroet marika poenja niatan doerliaka, In Houw bersama ampat kawannja sampe
% di itoe kampoeng.
Dari uniformnja sadja soeda tjoekoep aken diketa-hoei oleh itoe lima pendekar siapa ada marika itoe, dan maskipoen perboeatannja soeda kena dipergokin oleh itoe lima orang, dasar anak-anak tangsi jang kolokan, dan tida mempoenjai barang sedikit peng-rasa'an maloe, masi teroes sadja iaorang mengganggoe pada itoe orang prampoean, soepaja soeka menoeroetin marika poenja maksoed kedji.
Ma-hiap djadi goesar sekali liat kelakoeannja marika itoe, tertambah liat iaorang soeda mempoenjai banjak binatang, jang bisa didoega lebih doeloe telah didapetken dengen djalan perampasan, la lantas sam-perin sala-satoe antaranja dan tanjaken dari mana marika dapet itoe binatang-binatang sedeng In Houw paranin itoe soldadoe jang lagi asik kongkoin itoe prampoean.
„Perloe apa kaoe tanjaken kita dapet ini heiwan-heiwan dari mana ?" dengen ketoes membales menanja itoe soldadoe jang ditanja. „Apa kaoe tida liat, kita
^ ada orang militair dari pamerentah di Peking? Ka-doedoekannja pamerentah, kita berame jang belaken,
kita dapet hak penoe aken berboeat jang kita soeka di sasoeatoe kota dan kampoeng, di mana kita sampe, djangan poela baroe binatang piara'an, barang-barang jang lebih berharga dari ini kita aken bisa dapetken dengen kakoeatan kita poenja kakoeasa'an !"
— 39 —
„Djangan goesar, sobat, kaloe sasoenggoeafa kaoe ada mempoenjai kakoeasa'arj begitoe besar !" kata Sioe Djian sambil tertawa ; „tapi lebih doeloe akoe ingia dapet kepastian, apa akoe bitjara sama sakoempoeian orang jang berotak waras atawa berotak miring ?" ^
„Setan, akoe tida mengarti kaoe poenja omongan itoe !" saoet itoe soidadoe sambil menjentak, tapi ka-wannja jang lebih tjerdik mengatahaei apa jang di-maksoedken dengen itoe pertanja an. la laloe samperirt # pada itoe orang gagah dan menanja :
„Akoe tanja, otakmoe waras atawa miring ?"
„Otakkoe waras, menoeroet adanja sekalian ma-noesia jang berpikiran sehat," kata Tiiian Sek. „Tapi roepanja kaoe sekalian poenja otak miring, kerna pe-njaoetan jang akoe dapetken tida beda kaloear dari saorang jang koerang sehat ingetaiinja ! Akoe ingin tanja, di bagian mana adanja kaoe poenja kakoeasa'an boeat rampas orang poenja milik dengen tjara paksa begitoe roepa ? Akoe taoe betoel oendang-oendang militair tida ada itoe matjem penetepan jang sanget meroegiken pada pendoedoek negri, dan kaloe soeda kedjadian begitoe tentoe boekan laen, jalah kaoe orang djoega jang poenja bisa dan bikin kakoeasa'an sendiri !"
Itoe soidadoe dan kawannja djadi mara, sigra djoe
ga terdjadi pertjektjokan moeloet. In Houw di satoe fihak djoega soeda kasi tegoran jang tida menjenangken hatinja itoe soidadoe idoeng poeti, hingga itoe orang jang tabeatnja kasar soeda terdjang pada In Houw, # hingga perkara saling djotos lebih doeloe kedjadian di fihak sana.
Dateng gilirannja Sioe Djian djoega dikrojok, tapi itoe orang gagah dan tiga kawannja jang laen tida tinggal diam sadja. Satelah berklai baroe brapa djoe-roesan, itoe soidadoe jang tjoema bisa omong besar
f
- 4 0 - , , / r . sadja, satoe-persatoe soeda kena dibikin soengsang-soembel oleh itoe lima orang, moekanja babak-beloer, ada djoega jang kaki tangannja pata. Dalam keada'an begitoe, djangan lagi boeat bisa bawa pergi itoe ba
rang rampasan, singkirken dirinja sadja soepaja tidg dapet geboekan lebih djaoe, marika itoe moesti djalan dengen separo merangkang.
Koetika kombali ka tenda dalem keada'an begitoe, Ouw Tek Lam tcn;oe sadja lantas menanjaken apa soeda kedjadian dengen marika itoe. Jang satoe sembari me^
rintih dan jang laen sambil mewek kesakitan, toetoerken apa jang baroesan iaorang alamken di dalem kampoeng.
Ouw Tek Lam seselken pada marika itoe, kerna dengen sasoenggoenja marika tida ada mempoenjai kakoeasa'an boeat merampas orang poenja binatang piara'an dengen tjara begitoe ; terlebih lagi ia sama se
kali tida mengasi prenta apa apa pada marika, tapi meloeloe kaloear dari marika poenja kalantjangan sen
diri. Maskipoen begitoe, itoe panglima merasa tida senang soldadpe-soldadoenja diperlakoeken begitoe, hingga bisa b,ikin, merosol iapoenja keangkeran, maka dengen adjak hrapa-i soldadoe ini panglima pergi ka itoe ,tempat di mana tadi telah terdjadi itoe perklaian.
Tapi itop lima. orang gaga soeda. tida kaliatan bajang-bajangannja lagi.
Pëhc|o^doek kampoeng jäng ditanja, satoe poen tida bisa oendjoek ketrangan si'apa adanja marika itoe, iaorang baroe perna liat roepanja itoe lima orang dan ini pben ada ketrangan jang dibriken dengen sadjoe-djoernja ; tapi oleh itoe panglima soeda tida maoe dimengarti dan sangka itoe lima penjerang ada pen-doedoek jang dikenal dalem itoe kampoeng, sebab kaloe tida begitoe, perloe apa iaorang djadi goesar sama perboeatannja itoe soldadoe.
É
Kendatipoen dengen sasoenggoenja itoe orang tida bisa oendjoek ketrangan, Ouw Tek Lam lantaran pe
nasaran laloe bawa bebrapa antaranja ka dalem iapoe-nja tenda. Di sana marika dikompes pergi dateng, sesoeda poeas mengompes dengen kedjam. tapi per-tjoema sadja, baroe marika dilepas kombali.
Boeat itoe perlakoean jang tida enak terhadep pada itoe pendoedoek kampoeng, malemnja itoe panglima Tjeng-tiauw moesti hadepken kedjadian jang tida enak.
Tida\etaoean dari mana asalnja, iapoenja doea tenda telah terbit kebakaran, itoe baliaja soeda membakar satoe grobak ramsoem dan satoe grobak obat pasang boeat goenanja itoe pasoekan djoega. Oentoeng letak-nja itoe tenda djaoe dari roemaletak-nja pendoedoek, kaloe tida nistjaja semoea aken djadi korbannja itoe radja
api. .
Sampe pagi soldadoenja Ouw Tjiangkoen rnasi repot bikin padem api jang mendjalar ka koeliling tempat, membakar roempoet-roempoet kering di ping
giran oetan. Djika dalem itoe bahaja barisan negri ada menanggoeng satoe karoegian jang boekan ketjil, itoelah tida oesa diseboetken lagi.
Lantaran itoe obat pasang jang perloe soeda djadi bedes, kepaksa Ouw Tjiangkoen moesti kasi raportan doeloe ka kota Peking tentang itoe kedjadian. la be-lon bisa brangkat kapan dari kota Peking bebe-lon di-kirimken lagi gantinja dan poetoesan bagimana kasoe-da'annja atas terdjadinja itoe bahaja api, jang dalem iapoenja raport ada diterangken dari lantaran gang-goeannja orang djahat.
Selama menoenggoe kabar dari kota Peking, Ouw Tek Lam bersama brapa panglima di bawah prentahnja, tjoba lakoeken penjelidikan lebih djaoe soepaja bisa tjekel itoe pendjahat.
- 4 2 — VII
K 910 e a t i r 9 n li e s e r.
Warta jang dibriken oleh Ouw Tek Lam oleh pem
besar di Peking dianggep sebalikiija. la orang sangka!
kaloe itoe pembakaran obat ada dilakoeken oleh pen-djahat, kerna biarpoen bagimana djoega golongan pendjahat tida nanti brani lakoeken itoe perboeatan jang tida bisa dikata pakerdja'an ringan. Orang poenja sangka'an itoe ganggoean diterbitken oleh kaoem pem-brontak, jang boleh djadi soeda lama berada di Keng-jang-ek.
Begitoelah sasoeda kirimken lagi satoe grobak obat pasang berikoet satoe soerat, dalem mana Ouw Tek Lam dapet tegoran keras, lantaran iapoenja katledoran, pamerentah diam-diam kirim satoe barisan resia boeat selidikin keada'an di itoe bilangan.
Tapi penjelidikan jang dilakoeken pertjoema sadja, hingga itoe barisan kepaksa poelang kombali dengen tida membawa raportan apa-apa.
Lantaran adanja itoe ganggoean di Keng-jang-ek, sampenja Ouw Tek Lam poenja barisan dapetken ke
lambatan brapa hari lamanja. Soeda tentoe sadja itoe kelambatan ada berarti satoe karoegian jang besar artinja bagi kadoedoekan dan kaperloean di medan peprangan.
Barisannja Ang sioe Tjoan soeda doedoekin provin
cie Kwi-tang, kapan itoe pasoekan penoeloeng dari Peking sampe di itoe tempat brapa hari jang laloe, masih ada banjak harepan aken bisa lindoengken itoe provincie dengen tida oesa kaloearken tenaga terlaloe banjak, tapi itoe waktoe soeda djadi kasep.
— 43
Tapi sebab boekan djadi kita poenja maksoed aken toetoerken satoe-satoe kedjadiaii daiem medaii pepra-ngan, maka kita t(.ngg£|lk,en sadja oeroesan itoe dan balik kömbali pada kiia pôèjija |ima sobat daiem iaorang poenja perdjalanan jang bi'ikö'etnja.
• Di Keng-jang-ek . rtóe .lima , orang tinggal sampe brapa hari lamanja dan marikà poenja keada'an dan kelakoean begitoe roepa,, hingga sama sekali tida di-tjoerigaken oleh hamba-hamba dari kota Peking jang lägi mentjari taoe segala resia.
Koetika Thian Sek dan, doea k a w a n n j a mengadjak balik lagi ka kota radja,. To Sio tjia laloe berkata:
'ia^Kaloe Sam-wie-hengrtiang dan begitoepoen Lie Tjitji maoe kombali lagi ka kota Peking, akoe harep kabe orang brangkat sadja lebih doeloe, kerna ada satoe hal jang akoe moesti slesekeq .hingga tida bisa toéroet djalan bersama-sama," . '
„Oeroesan apakah, To-moay?" menanja Ma Sioe Djian.
„Itoe oeroesan ada sanget ketjil dan tida menjang-koet apa-apa atas kapentingan kaoe orang sekalian,"
kâta To Tjit Nio. „Saking ketjilnja oeroesan itoe, akoe sendiri ampir loepa apa jang ajahkoe pesen koetika akoe maoe brangkat. Akoe diprenta boeat sekalian tengok akoe poenja familie di Po-teng."
„Ja, itoèlaih ada oeroesan ketjil, tapi bagi perhoe-boengan familie ada besar artinja !" kata- In Houw.
„Kaloe kaoe maoe pergi ka Po-teng, kita tida. nanti antepin kaoe sendirian pergi ka sâna,'.kerna biarpoen bóeat oeroesan apa djoega, .kita isekaliari möesti ber
sama-sama dehgèn kawan sendiri." ^ Thian Sfek' dan Sioe Djian benerken bitjaràn|a in Hbuw, tegesnja itoe tiga orang, soeda djangan dikata lagi Pek Nie,' soekà ikbet ka ,Po-teng bersama-säma
_ 4 4 —
Tjit Nio ; tapi itoe nona jang pikir itoe oeroesan tjoe-ma mengenai<en i<apentingan dirinja sendiri, kenapa moesti ganggoe iaën orang poenja tempo, soeda menolak dengen djandjiken marika toenggoe sadja di roemah penginepan doeloean dan begitoe lekas ia nanti menjoesoel i<a sana.
„Kenapatali kaoe dapet anggepan begitoe ? ' mena-pja Lie Pek Nio. „Brangkaii kaoe merasa kaberatan
" boeat dianter oleh itoe tiga kawan, tapi akoe toch tida boleh tida toeroet, kerna waktoe brangkat dari Lay-tjioe kita bersama sama."
Tapi In Houw dan doea kawannja tetep maoe menganter perdjalanannja To Tjit Nio, liingga achirnja itoe gadis kepaksa trima djocga itoe perminta'an dan itoe hari djoega iaorang brangkat dari Keng-jang-ek, di mana iaorang tinggalken brapa peringatan dari ha-silnja marika poenja perboeatan.
• Familienja To Tjit Nio di Po-teng jalah Gan Hong Siong, istrinja, To-sie, jaitoe soedara prampoean perna I moeda dari ajahnja Tjit Nio. Oan Hong Siong boekan ' saorang hartawan, djoega tida terlaloe miskin, hanja , saderhana sadja.
Hong Siong tjoema mempoenjai doea anak, pram
poean jang besaran, oesianja lebih ^oewa sedikit dari Tjit Nio jang itoe waktoe baroe beroemoer anembias taon, satoe lagi lelaki baroe beroesia delapan taon.
• Maskipoen ajah dan iboenja poenja paras moeka tida terlaloe bagoes, tapi Tiok Hoa - begitoe namanja Gan Siotjia ~ ada gadis satoe-satoenja jang kaeilokannja banjak dibitjaraken oleh pamoeda di Po-teng ; tapi di antara marika itoe tida ada satoe jang brani memastikan siapa bakal poenjaken Tiok Hoa boeat selamanja, kerna baek dari fihak ajahnja sendiri maoepoen Gan
Sio-É
PERHATIKEN ! !
Saban tanggal 15 boelan Masehi tetep terbit boekoe tjerita boelanan dengen nama ;
The Monthly stories „GOEDANG-TJERITA"
Di bawah pimpinan itoe penoelis jang terkenal Mr. KWO LAY YEN
Boekoe-boekoe jang soeda diterbitken ; 15 Mei 1930
„Tiga Djago Silat" Oleh : Kwo Lay Yen.
15 Juni 1930
„Dimana Adanja Kabroentoengan" Oleh ; Tan King Tjan.
15 Juli 1930
„Noraka Pengidoepan" Oleh: Monsieur Hsu.
15 Augustus 1930
„Kang Ouw Hiap Gie Oleh ; Kwo Lay Yen.
15 September 1930
„Kapan Sampe di poentjaknja" Oleh; Dahlia.
15 October 1930
„Mahendradata" atawa Inten Keradja'an Modjopait jang tertjoeri" Oleh: S . Y . Lee.
15 November 1930
„Melati van Java" atawa Pertjinta'an jang Gagal Oleh ; Boekif Doeri.
15 December 1Q30
„Tjiong Thian Lauw" Oleh : Kwo Lay Yen.
15 Januari 1931
„Bandoeng di waktoe malem" Oleh: Soe Lie Piet.
15 Februari 1931
„Boe Beng Hiap Kek Oleh : Kwo Lay Yen.
15 Maart 1931
„Ngo Hiap Loan Pak Khia atawa Lima orang gaga mengadoek di Peking Oleh : Ong Kim Thiai & Jo Boen Ek.
15 April 1931
„Pernika an Modern Oleh : Monsieur Hsu.
Minta berlangganan pada „Goedang-Tjerita" dan pem-batja nanti boektiken sendiri bahoea pempem-batja poenja oewang boekan di boewang pertjoema. Sasoeatoe toelisan jang termoeat dalem The Monthly Stories „Goedang-Tjerita" selaloe tertOelis bléh pengarang-pengarang jang soeda, terkenal dan ternama. Stijinja rapi, dan ringkes.
hingga memoeasken pada pembatja.
Redactie-Administra tie Harga Abonnement : The Monthly stories 1 K w a r t a a l « b o . l . „ ) f 1 , 5 0 . G O E D A N G T J E R I T A
-r , L • 1 1 1 1 1 G r o o t e p o s t w e g A n d i r 2 9 6 Pembajaran lebih doeloe. Telefoon No. 2534
BANDOENG.
tjia ada mengasi liat sikep soesa boeat ambil pasangan dengen sembarangan.
Dengen ambil sikep begitoe Hong Siong boekan maoe bikin iapoenja anak jang berparas tjantik djadi dapet harga mahal, dengen laen peri<ata'an maoe ambil pasangan satoe pamoeda hartawan. Boekan, itoelab boekan ada iapoenja maksoed, malah soeda brapa kali Tiok Hoa diminta oleh pembesar di Po-teng boeat didjadiken mantoenja, tapi perminta'annja selaioe ditolak.
Hong Siong ingin dapetken satoe mantoe jang keada'an roemah tangganja ada berimbang dengen ia sendiri. Djoega, jang teroetama, ia maoe dapetken satoe pamoeda jang kepandean ilmoe soeratnja ada berimbang sama anaknja.
Gan Sio-tjia selaennja terkenal tjantik, djoega ada dipoedji sebagi satoe gadis jang pande dalem ilmoe soerat.
Di loear doega'annja Hong Siong, berhoeboeng dengen iapoenja penolakan dari perminta'annja itoe pembesar di Po-teng, diam-diam orang telah menaro sakit 'hati padanja. Satoe malem sekoenjoeng-koenjpeng, iapoenja roen^ah tel^h dikoendjoengkeii-b'rapa orang djahat ; iaorang tida ambil, barang berharga sebagimana biasa'nja pendjahat kebanjakan, tapi méloeloe'tjo^mà, hendak keniaja djiwanjas'toean roemah. Beroeotoeng ajahnjä Tiok Hoa ada poenja sedikit kepandean bersilat hingga ia bisa lindoengken diri dari serangannja marika,, kendatipoen begitoe tida oeroeng ia dapetken |brap^ , loeka jang memaksa ia rebahken diri 'd^' âta^ pemba
ringan sampe brapa lamanja.
Liwat brapa hari kamoedian seabisnja terdjadi itoe penjerangan, Gan Hong Siong telah dapet selentingan jang tida enak dari bitjaranja iapoenja brapa
sobat-46 —
ande jang dateiig menengokin padanja. Marika itoe berbisik di i<oepingnja Hong Siong, itoe penjerang boekan pendjahat sedjati, iianja ada orang soeroeannja pembesar di Po-teng jang sengadja hendak ambil dii-wanja.
Memang koetika dapet kenjata'an itoe malem ia-poenja barang tida ada satoe potong jang diganggoe, Hong Siong lantas menaro tjoeriga, tapi sebab itoe' waktoe pikirannja terpetja pada brapa tjabang, ia be-lon brani pastiken jang mana ada lebih bener. Dalem sangka'an ia menaro tjoeriga pada Go Hiang, kapala negri di itoe tempat, kerna ia denger sendiri brapa kali itoe pembesar mengasi peringetan padanja, dja-ngan pegang tegoe iapoenja penolakan, kerna boekan djadi baek, sebaliknja membikin tjilaka diri sendiri.
Memang koetika dapet kenjata'an itoe malem ia-poenja barang tida ada satoe potong jang diganggoe, Hong Siong lantas menaro tjoeriga, tapi sebab itoe' waktoe pikirannja terpetja pada brapa tjabang, ia be-lon brani pastiken jang mana ada lebih bener. Dalem sangka'an ia menaro tjoeriga pada Go Hiang, kapala negri di itoe tempat, kerna ia denger sendiri brapa kali itoe pembesar mengasi peringetan padanja, dja-ngan pegang tegoe iapoenja penolakan, kerna boekan djadi baek, sebaliknja membikin tjilaka diri sendiri.