GHelijker wijs dat achterwers gaet tsaisoen Zo veel minder dagen als vanden iaren Schiet ic van huys om een voyaedse te doen Duer een begeerte en occusoen
5 Alleenlic mer Ghepeys word ic geware Die my geselscapte geseit int clare En brocht mij daer vast int gedacht Hoe ic voertijts myn ioncheit ouer bracht UEese die was zeer myn vriendinne 10 Zij nam voer huer dus een propoost
Die sijns selfs verget is sot van sinne Hi scuwet de eere hi wort zeer ongetroost Ic houde hem onwerdt en alder boost 15 Ende gelaeten van de godlijke gracie Niet wert geeert tzijn te geender spacie GHi ziet duert voerleden saisoen passeert De boomen de eerde en de groen heyen De blomen de bladeren al geuioleert 20 Sonder roke oft crachte geconfondeert
Tloof geuallen al bloot de weijen De couwe mit snewe wilse beleyen Twort al veroudt en cout sonder ieugt Sijn groysel faelgeert hem en de duegt 25 Algelijcxs ist ooc mit v gewaerlijc
Die den tijt vwer iongerdagen Hebt ouerbrocht en gaet nv swaerlijc Lancx so ouder des v ioncheit claerlijc Faelgeert en v vriendelijc behaghen
30 Gi en moecht sulken hoep niet meer beiagen Als de bomen die iairlix int groyen volherden Want ionger en moegdi nemmemeer werden
*
Soudi dan vergeten hoe gij zijt gestaect Den voerscreuen tractaet zo eyselic inder noot 35 De welc Colijn caellui heeft gemaect
Te brusel wonachtich die zo bij ten raect Genaempt zijnde den Pas vander doot Waer bij gij weten moet ic segt v bloot Wye die starcxste is hoe gij v bekent 40 Tsij de oude Crancheit oft Accident
Dees twe ridders sijnde zo wreedelijc Int groot forest van Atropos
Houden daer den pas seer weedelijc Zo wonderlijc en so onbescedelijc 45 Dat sulc sijnder dagen daert wort los
De menige crijgt daer sulken schos Waer bij zij huers goets al moeten deruen Want zij allen menschen doen steruen Mijn heere Accident de wreede 50 Hij gherieft al de iongen oft ouwen
Tsgelijcx Crancheit bi onbesceede Brinct ooc al tonder mit zijnen beleede Die haer ieugt staet int vercouwen
Sij smiten. sij keruen. sij slaen. sij houwen 55 Huer mordadicheit gelijcx was nie gesien
Nyemant en mach hem beijden ontulien Weet gij niet dat Exces de hyrault Heeft die capittelen al omme gecondicht Weet gij niet wat wreeder gewout 60 Accident. v leueren sal dassout
Betert v tes tijt van des gij hebt gesondicht Siet wel toe eer gij wort gewondicht Dat gij v verweren wel te passe gordt Want gij begost doen gij in de werelt tordt 65 Oft zij dij stercker dan de stercke sampson Oft meer te ontsien dan de stoute hercules Oft zij dij wiser dan de Coninc salomon Oft schoonder dan de schoone absolon Oft subtijlder dan was dyomedes Vreesdij niet wat in dit gepeys al es 70 Dat deese niet en mochten verbij gaen
Want niet meer dan zij en suldij vrij staen So ouder zo den tijt meer naken sal Om v int velt te zijn bereet
75 V genaect al reede dat swaer ongeual Der outheit. makende groot gescal Als een trompette die op de clocke sleet En noodt v vast. oft v is lyef ofte leet Feytelijc te doene v defencie 80 Inde bataellie sonder assistencie * 36. bij ten raect, l.: bijt en raect.
Dus heeft mi tgepeis vast te voren geleit Al tgene daer ic mit soude vechten Des ic my ginc ter stont maken bereit En hebbe huer van als grooten danc geseit 85 Myn wapen brochten daer myn knechten
En liet mi zoot behoert fierlic toe rechten Ghelijc een ridder nam speer schilt ende sweerdt En al gewapent spranc ic op mijn peerdt
*
¶ Hoe de bereede ridder clouck ende rasch Tsijnder quetsten wilt int volle harnasch
8
*
Mijn peert was gehieten wille
90 Mijn harnasch was gesteken inder temperueren Eens waters genaemt crachtih int gescille Mynen scilt hiet gode hope vast en stille Ten minste om dat lange sou dueren Myn glauie was van Auentueren 95 Gemaect bij wonderlijcker auentagie
En mijn sweret was van groter courage Aldus nam ic aene de vaert
Tegen mijn partye vol moedicheden En alleenlijc rijdende ongespaert 100 Volgende de eerlijcke maniere verclaert
Vander goeden ridders ouerleden Dus heb ic twe dagen lanc gereden Sonder vinden enige auenture Werdich te stellen in scrifture 105 Ten is geen noot dat ic verhale
Myn peesteren merren oft reposeringe Mer tis wel reden te desen male Dat ic mijn auentuere te berge te dale Oopelic segge om v conforteringe
110 Recht omtrent .ij. dagen in mijn spacieringe Reet ic my vermeyende menighen stap In een pleyne gehieten werlijcke blijscap Ic nam in dees plaetse sulken iolijt En dees contreie my so behaegde 115 Ic en cost van daer niet te dier tijt
Des ic Auentuere vant eer lanc respijt Van eenen ridder die my belaegde Hij riep recht als een onuersaegde Wacht v wilt v stellen te were
120 Des ic my behelpen woude mit mynen spere Mer ic antwoirde hem te dier spacien Segt my te minsten uwen naeme Zij dij Ridder oft van wat nacien Eer ic tegen v steec bij uwer gracien 125 Des hij seide geerne zoot wel betaeme
Wien dat belieft oft mach wesen blame Ic hiet Aenstoot hier op dees stede De eyghen zone van gulsichde Hoe verstae ic dat hoe sal dit wesen 130 Seide ic zij dij niet Outheit of Accident
Die Atropos pas hout durclijc gepresen Doen ic v sach meende ickt bij desen Des seide zij neem ic zijter in content Mer ic bin hem luyden dicwijls omtrent 135 Als ondersaten de meeste verhenen
Deerste persecutuer vant smenschen leuen
* 128: gulsichde, l.: gulsichede; 131: durclijc, l.: druclijc; 133: zij, l.: hij, neem (ic), l.: neen (ic); 135: verhenen, l.: verheuen; 144 meerstelijc, l.: neerstelijc.
Hi stac op myn taerge recht om verminken 140 Sulcken steec ic moeter noch om dincken
En ic heb myn lance ooc gedaelt Geen van ons beyden en heeft gefaelt Want wij staken om prijs zo my dochte Doen elc den anderen meerstelijc gerochte 145 Daer waren ons lancen beide gebroken
Mer wy bewaerden onse sadelen daer En hebben ter stont in ons handen beloken Ons swerrden sonder veel woerden gesproken Getempert mit dwaesheit openbaer
150 Slach om slach slogen wy vromelic daer Ia menig slach die swaerlic vatede naer Recht oft elc onweert sijn leuen haettede
9
¶ Hoe dheremijt ontfinc in sijn herberghe Den Actuer. dien den heremyte prees Hij vant hem daer bescut van erge Des blijscap In sijn herte rees
*
Dus nam ic der werts terstont de vaert En seide dat god v blijscap wil gonnen 155 Den dach wort out den nacht hem baert
Wildi my vanden vwen deelen my verclaert Alzo ic v te mijnent soude ionnen
Hij willecomde my geerne t was na der sonnen Hi dede myn peert en my groot gemake 160 Als vrient den vrient plege voer alle sake
Hij heeft my seluen ontwapent daer En in sijn eygen huys gelogiert
Enen groten mantel brocht hi mi daer naer Die hem Voersienicheit gaf dats waer 165 Van zijden gewracht fraylijc ghechiert
Van sulcken weerdt was ic noit gehantiert Want die chiere die hij my daer dede En vant ic noit op enighe stede Hij dede my daer mit diligencie
170 Water om waschen nettelijc voert brengen Bij eenen iongelijc schoon in apparencie Genaempt guede ioncheit na myn intencie Dus hoerdic hem noemen bij anderen dingen Die weerdt die leyde my sonder verlingen 175 In een cleyn capelle die bij zijnent stoet
Zeer deuoet en scoon bequamene en zoet Daer dede ic ter stont mijn orisoen Voerden outaer zeer schoen vercleedt Mit eenen cleede van Ghenouchdoen 180 Verwapent mit Berou. willet beuroen
Penitencie die hadt aldus bereedt De heremijte heeft my al omme geleedt Duer een goet duegdelijc verstercken
Want sonder dit machmen luttel goets wercken 185 Hij badt my dat ick corten woude
Mijn oracie te deesen male En leyde my daer ic mit vroude Mijn auont mael mit hem doen soude Mildelijc geuende mit soeter tale 190 Spec ende er weten so ict verhale
Hadde hij daer te wille present Des ic doen van dien wel was content Dijcwijls liet ic mijn ooghen draeyen Om te zien van mynen weerde de ieeste 195 Soe ic meer sach zo meer belaeyen
Om op hem te zien des moest ic verfraeyen Sijn weesen was eerlijc als een de meeste Wit haren baert had hij gelijc eenen geeste Scheen hij rechts vuyt abstinencien
200 En wel een man sijnde van grooter sciencien
Nauwelic mocht ic mi wel onthouwen Ic en moste na zijnen naem hem vragen En wat hem porrede in goeder trouwen Al daer te wonen in dat beuouwen
205 En dat ic zinen naem mit my mocht dragen Duer zijn duecht hoordic hem gewagen Groote kennisse heb ic wel aen u Ic wil dat gij van my hebt kennesse nv
Die heremijt maect den Actuer bekant Hoe dat sijnen naeme is Verstant
Dheremyt die ginc van als tbeste doen Mit zijnder spijsen hij hem feesteerde Alle zijn wesen dede hij hem bevroen Dwelc hem tallen duegden instrueerde
12
*
¶ Verstant.
Ic hebbe mi getrauelleert in menich lant 210 Als die van auentuere een ridder hiet
En mijnen naem is gehieten verstant Die al omme ooc wel is bekant
Vanden besten ia vander tafeconden ziet Dus siende de werelt anders niet 215 Dan een zee des leuens onseker gestaect
Zo hebic van de plaetse mijn demeyne gemaect Soberheit heeft gemaelt mijn broot
Goet leuen heeft getempert mijnen wijn Mijn wandelen is in blijscapen groot 220 Planteit is mijn meestersse bloot
Sonder melancolie is de ruste mijn Hier binnen en compt geen nidich schijn En dit huys hiet onder mijn bedrijf Vander redenen een ouerblijf 225 Rechts hier wil ic leuen en steruen
Hier wil ic mijnen tijt ouerlien Gode soeken de werelt begheuen
Der zielen dienen en den lichaem verheuen Doer te veel te minnen zeer castien 230 Ic heb te zeer ghemint in allen zien De sonden. des bid ic onser vrouwen Dat zij my in dit wil ghestadich houwen Dijn aengrijp dijn sake en dijnen name Heb ic al wel gheincorporeert
235 Geen dinc en es voer my verborgen twaer om vrame Ic ziet al ic weet al zoot wel betame
Of werwerts datmen trect ofte verkeert Gij zijt wter maertsen ghepasseert Daer fortune. wonder ende druc 240 Hebben begost een wonderlijc stuc
Dus heb di mijns naems verstant gecregen En tgene dat ic v nu wil vermonden Ic weet wel dat gij zijt onderweghen Als een stout vroom edel deghen
245 Vwen lichaem te leueren te deesen stonden Den geenen die noit na mijn orconden En waren verwonnen van hoe out verdaegt Dees hebbent al doot ende wech geiaecht Accident vindi altoos bereet
250 Al vast ghewapent ende te paerde Al te dooden en te bringhen int leet En crancheit die op dander zijde steet Wreet sonder genade als de onuerueerde Mer tsegen een die bereet is te sweerde 255 Ia daer crancheit maect den tsegen stoot * 213: tafeconden, l.: tafelronden.
13
Ic heb v verclaert al v wesen Vwen naem v saken uwen wille Vlyen noch deysen en is niet gepresen 260 V begrijp moetti volbrenghen in desen
Gaet vertoent v en zijt niet stille Ghij crijgt eer genoech in dit gescille En ghy wort ghepresen doert beghinnen Condi mijn heer Accident verwinnen 265 Ende indien dat ghy verweerder zijt
Te onderhouden datter is voersproken So gheef ic v een ghifte te deser tijt Een glauie van Regemente in v berijt Inde stat van v lance ghebroken
270 Hier mede steect smijt wilt wonder coken Want hier mede mach worden verwonnen Accident dear ghy hem sult vinden connen Hier bij moetti als ghy ontsprinct
V seghenen mit uwer rechter hant 275 Gode biddende dat hy uwes ghedinct
En uwen goeden enghel v gehinct Te sijn in deesen wech v onderstant Dwelc ic gode bid almachtich bekant Hem danckende zo mijn herte dat meent Van alle die duechden die hij ons verleent Vander tafelen sijn wij dus op gestaen Mit goeder moeten nae de gracie
Ende ic vant mijnen weert daer veel lach aen Doer sijn propoost so wijs ghedaen
285 Dat ic in hem nam iubilacie Hy seide my ghy sult te dese spacie Slapen gaen ende dan morghen vrouch Toen ic v mijn reliquien nae v ghevouch Daer nae leide hij my om logieren 290 In een plaetse properlic versciert
So ient ic moeste vruecht hantieren Hij dede my decxsels ghenoech bestieren Op een matte van rusten ghesciert Ic en had noit herberge so wel geregiert 295 Noch plaetse oec na mijn behaghe
En daer sliep ic tot den scoonen daghe Als ic ontspranc het was schoon dach Doen hoerdic een cloxken luijden daer Dus stonde ic haest oppe sonder verdrach 300 En wiesch mijn handen also ic plach
Scamelic doer negligencie zwaer De misse vant ic bereit en an den outaer Eenen obseruant die se sanc na mijn intencie Die gehieten was Obediencie
*
305 De alue die hy daer aen dede
Was goede wille van eerst ghenaempt De amict hiel als mate haer stede Tgortsel was van puerder suuerhede De stole was als caritate gheraempt 310 De manipel was vol trouwe besaempt
Ende de casuffel was hogelic gheacht Want van eerbaerheeden was sij gewracht De hostie was van saligher trouwen Ende de kelc hiet gheloue inder waerheit 315 Dampullen goet recht sonder vouwen
Ende tlicht hadde int bescouwen Van gracie alle de openbaerheit De quispel van sculde geen zwaerheit En die clocke was al bij auijse 320 Geheelicke van goeden onder wijse
Alle dlijnwaet vanden outaere
Was seer rijckelic ende wel geordineert Ghemaect van costelijker ware
Van eenen wercke der waerheit clare 325 Dmissael was van beloften ghecontinueert
Sulke edelheit was noit ghegrondeert Noch plaetse daer god badt was gedient Des ic dees plaetse prees dus ghegrient paesbert was eendrachticheit beuonden 330 De candelaers waren al van accoerde
Den outaerstein had van perfectie tvermonden En van goeder intencien waren te dien stonden De glasen veynsteren daer ic na spoerde En mit ontfermen so ic sach en hoerde 335 Was daer gheciert met allen rijckelijc
De heylige capelle zoot was blijckelijc De misse gecelebreert sijnde ic doen sach Mijnen weerdt die daer hadde ghelesen Seer deuoot sijn mettenen also hy plach 340 Die my ter stont boot goeden dach
En vraechde my wes ic voer in desen Hoe ic gherust hadde mit een blide wesen Ic seide wel hem bedanckende zeere Vanden herberghen ende vander groote eere 345 Doen seide hij my nu moet ic voldoen
Tbelof mijn tresoers so ic v dede vermaen My onder wisende dat ic wel soude beuroen Peysende om der stucken vreempt fautsoen Die van goude noch siluer en waren gedaen 350 De dore van achterdincken dede hij open saen
De slotel was begeerte van wetenheit daer En tslot was eenen schoonen spiegel claer
15
Hoe verstant dheremijt sijn reliquien thoont Den acteur die wonderlijc sijn gewracht En seit hem hoe accident elken hoont Tsij bij bedroge of bij sijnder cracht
*
Dees plaetse was recht oft een cleoster ware Gepareert mit wonderlijcken scilderien 355 Dus peyst wel of ic daer int clare
Mijn beste dede al vielt my opt dsware Om kennen en weten al dees fantasien Verstant dede wel want te desen tijen Seide hij my appliceert hier toe uwen sin 360 So crijg di van mijn reliquien tbekin
Siet hier dit is van eenen ezel tkakebeen Daer Accident abel met bracht ter doot Bij Cayn dien brachte int gheween Doer een haetsap die niet en was cleen 365 Dus was hij deerste die de eerde ontsloet
Hy dede quaet die misdade was groot Want hij vermoerde so elkerlijc is vroet Een vanden besten voer der diluuien vloet dit is den pylaer lect hier aen merck 370 Die sampson mit crafte heeft ghebroken
Daer hi me afwerp want hi was so sterck Tgrote paleys twelc hoge was int werc Sijns wijfs bruloft was daer gewroken
Hem en meer ander doode hi daer onder beloken 375 Twas al van accidents werck den horriblen
De proeue is inden text vanden biblen Dit es een betoeuerde hemde my wel versint Daer mede dyanira die niet bet en mochte Meinde te minnen of te sijn ghemint 380 Daer sij me doode ende heeft ghscint
Hercules den stouten dier bij inden brant gherochte Accident wast die huer desen raet sochte
So ghy lesen moecht in enighe partye Vander gooden genealogye
385 In desen koker so moechdi vinden Den griffien daer mede was doot gesteken Iulius cesar als van zijnen beminden Dien sij in huer cenaet brochten tinden Bij groeter wreetheit soot heeft gebleken 390 Dit waren van accident de treken
Deese dinghen geuen ons memorie Nae de Roemsche historie
Deese busche die ic v hier thoone Sonder handelen of ooc aen te tastene 395 Antipater deedse open in persoone
Om alexander die drouch der werlt crone Te dodene ende met venijn te verlastene Accident begoste hem te fastene Dus bleef daer iamerlijc vergeuen 400 Die in de werelt was meest verheuen
17
DAt groot stuc op dat gijt al siet Tes de lance daer mede achilles Doode hector van troyen dat vrome diet De meeste ontsien ic en lieghe v niet 405 Die vaillanste die oyt was of noch es
Sulc es al accidents entremes
Hier af moechdi vinden na mynen intencie Daer de destructie van troyen maect mentie MIt desen boghe ende gescutte mede 410 Was ghedoot ende tondergebrocht
Achilles mit grooter subtijlhede In venus tempel te troyen int stede Van parys die meerstelic heeft gerocht Accident heeft desen raet ghesocht 415 Dus bleef daer ten baette gheen wieken
Die vroempste gehieten onder die grieken HEt zweerdt dat ghinder al recht steet Es tselue daer mede doot bleef pompeius Bij den coninc van egipten wreet 420 Die hem doode hem brengende int leet
Sijn hooft afslaende daer bleef hij dus Accident gaf om dit te doen den gus Des hij dede vallen pyler ende den man Daer rome meest eeren bij gewan 425 SIedi daer wel den gheuenijnden rinc
Daer mede van carthago hanibal Tvenijn creech dits wonderlic dinc Daer hij hem seluen met ontginc Vol venijns die voer sijn tijt bequal Accident min geldet daer hij af zwal 430 Dus starf een die vaillanste prinche
Die noit gouuerneerde enich prouinche SIet daer noch meer den groten speer