Lundse liederen A
editie E. Rooth
bron
Lundse liederen A. In: Instituut voor Nederlandse Lexicologie (samenstelling en redactie), Cd-rom Middelnederlands. Sdu Uitgevers/Standaard Uitgeverij, Den Haag/Antwerpen 1998.
Zie voor verantwoording: http://www.dbnl.org/tekst/_lun001lund02_01/colofon.php
© 2012 dbnl
i.s.m.
1ra
1.
[...]
So schiir si toent haer doeght [ende loent]
Hen dise ghewinnen
5 NOch hopic al si haer bedinct Si sal mijn noet bedinken Die dat leuen mijn dus crinct Daer siel ende lijf af crinken
Haer bluyende gluyende oghen vlinken 10 Dat soe wonnenclike winct
Ende wille mi tot haer winken Die mi soe diep ter herten sinct Sien mach niet vorwert sinken Ic muet int suer verdrinken
15 Sijn doet siin leuen / es die hem gheuen Al muet sier vrouwen
Tweer oghen winken / die wemuet(?) scinken Sonder verdouwen.
2.
EN mochte ghelouen wie sere te clouen Es sminners herte
Ghene creature / dien nie waert sure Der minnen smertte
5 Die gront ruringhe dede te gronde Ende te recht mocht gronden Ende mijn hert ontlode hi vonde Dat nie in hert waert vonden Hi vonder in onghebonden 10 Meneghe versche blodende wonde
Ende vast ghedruct in elc dier wonde(!) Haer sute aensicht dat claerste orconde Diir minnen dat ye minne orconde(!) Mocht. lief ende lief begonden 15 Gront diep gheprint int thert dat mint
Staet tsien sier vrouwen
Als troet in blude / als doeght in ghude Ende liefde in trouwen.
[...]
[...] minners cla [..]
Een met bedruuen.
5 [.]isten allen vrouwen ghuet Wat ic dor die ghuede
Leden hebbe / ende liden muet Ende mi es te mude
Si hilden drin die vrude 10 Die mi eerst al liefs ontluet
Dat si sleets ontluede mj Dat gaen dor goefs he[.]ten bluet Dats in mijns herten bluede Ye quam want ic vervuede
15 Wat helpt veel roets / ter herten ghoets Muet goen ommer
Dat reyn hert mint / dar nien in kint Niet sinen commer.
4.
Sijns selfs verghit / ende al dat sit Bineden got
Een hert veruleten / [en] kan vergheten Doch liefs ghebot
5 Bouen der naturen pat Ende der scri[f]turen pade Bliif ic dor haer int ghewat Dier minnen ghewade Want ic haer l[ie]f eer dade 10 Dan mi seluer dies en blat
Niet en acht dats wel en blade Dat heet mijn dicke oghen ghenat Sien heues gheen ghenade Wat ic haer minne lade
15 [.]an elcs ghevughe / waert dat hi drughe So minnen konde
Dat hijs hadde vrede / als darbede Verloren vonde.
1va
5.
[...]
[...]rs iet / troests duet verdriet [...] minners leuen.
5 [.]at mi iman mach saghen Van vriende oft van maghen Dan dliefte dat ic ie ghesach Dan siin al mar saghen Sies mijn vlien mijn iaghen 10 En weet want mi compt dferdrach
Dat ic mach verdraghen
Om haer soe menghen swaren dach Dat meerret van daghe te daghen Dies ie mijn sinne ontsaghen
15 [V]erliden mochte / der minen vrochte Gheen minsche die leeft
En da[e]t(?) der wens / ende dsuete ghepens Dat minne gheeft.
6.
In den beghinne / es vrouwen minne Tsuetste dat men vint
Ende bute van rouwe / eere haer entrouwe Yet onderwint
5 DOe ic ierst int he[r]te nam H[a]ren sueten name
Docht [mi] dat l[...]m bequam Bouen alle beq[.]ame
W[..]t hi es sonder blame 10 Hier af mi haer minne in qua[m]
Diet riet dat ic quame
Tharen dinste dat mi mesquam in vrochtlike mesquame Mits der minnen prame
15 Hien darf betien / gheer jalasien Noch quaets gherede
Der minnen twint / die sotlic mint Op onnot stede.
[...]
Oghe dor oghe / met snellen vloghe Ter herten brict.
5 MOchtic drucken sonder wanc Wanghen doch aen wanghen Oghe vyt oghe uerdreue tverlanc Dat mi duet verlanghen
Mont in mont sprac woude ontspanghen 10 Lijf mijn herte een onbeuanc
Vr vrintlic ombeuanghen So mochtic blidelic maken sanc En gruettense met sanghen Die ic en kan erlanghen.
15 Die dor melden / spreken selden / Mach oft schouwen
Sijns herten druit / thert sent saluet Haer doch met trouwen.
8.
Al vruedden vyt / es ende vertuyt Daer ebbende wort
Die vreeslec vloet der minnen woet Die vaste vluyt vort
5 S[e] diep hebbic int thert ghevaet En kaens meer gheuaten
Haer mont haer suet ghelaet En weet wie ghelaten Soude si mi dan haten 10 Dat waer mi een ouel baet
Druecht ter sulker baten Want si es mijn toe verlaet Daer ic mi toe verlaten Hebbe seer vtermaten
15 Die daer minde / daer men scinde Ende liet int claghen
Veel beter steruen waert dusent weruen Dan dat te draghen.
2ra
9.
[...]
Wat dra[f(?)] mach comen.
5 Van dies dat si was een kint Ende ics ierst kinde
Hebbic mijn herten vrouwe ghemint Dat nie soe seer gheminde
En quam aen ghenen inde 10 Hidse ye gheweest mijn vrint
Si dede gheliic wan vrinde Si had mijn ye versint Dat si nie en versinde In dit swaer ellinde
15 Vrint die vrints vrint / ont dleuen int Es / toent vrints teken
Die hem en can / verberghen dan Hien muet vyt breken.
10.
Die int mesquame / es / gherne vername Hi dliefste haers herten
Van haers selfs sprake / die claer die sake Al weet siir smertten
5 Mocht ic leuen noch die stont Dat waer een salich stonde Dat ic vrecgh haers herten gront Die liefste van haren monde(!) Van haers selfs monde 10 [...]uic oft worde ghesont
In [t]r[o]est(?) van ghesonde Na dien dat i[c] vonde d[en] vont Waer bi dat i[c] vonde
Oft si mi leu[..] [..]de
15 Hi gnase oft storue / die doch erworue Den gront te weten
Haers vroulics muets / oft hen onde guets Oft hadde vergheten.
[...]
Metten verdriete.
5 [.]Aer dat mi die lieue ontsede Ende m haer doeghden ontseden So storue ic van lede te lede So waer die pine doch leden Mijr swaerre ellendicheden 10 Mar quaemt so dat si mi sede
In vrouweliken seden
Dine mi voert dus dats mijn vrede So waric te vreden
Van mengher sericheden
15 [.]ie mjnt horde hi / dat hem sede si / Dien mijr ghenaden /
Hi waer te rasten / van suaren ghasten Dine seer verladen.
12.
[.]Ie te sere vergaet aen ere Dor minne eens wijfs
Ende nien erstirft drin hi erwirft Onw[is.] s[..ns] liifs
5 [.]ch en [.. ?] ersteruen niet Ende ic gae te niete Om die scone d[..] mi vliet Ende laet in d[..] [.]liete Van mengher [...]de mesniete 10 [..]s tijt sint ha[..] mijns verdriet
Dat mi mijns verdriete Daer ic te seer mi op verli[e.]
Van her[te]n ic verliete Dies ic clein[e] gheniete
15 [.]Em lost siins niet al sijns verdriet Sier lieuer vrouwen
Die in siin werre [...]rout te verre Wijfliker trouwen.
2va
13.
[...]
[...] [.]er[..]el[en]
5 [...]c bouen al dat leeft [....]ic dus mijn leuen
[.]ant mijn hert in sorghen sweeft Ende moet in doghen sweuen Ont mi god wilt gheuen
10 Die doet daer elc minsche bi sneeft Ach mochtic schiir dan sneuen Wat salic alsi mi begheeft Mi dede al vroude begheuen Suaer suchten ende beuen
15 [.]i gheert der doet / dien lief es noet Ende draf moet bliuen
Wat sal hen dleuen als sin wirpt neuen Liefs alre wiuen.
14.
[.]Lijf hem en doech / noch dleuen oegh Wiem lief versmaet
Wat es hem notte dliif dat te spotte Der schoenre staet
5 [.]Leuen dat waer mijn verderf Ic muester in verderuen Salich waer dan dsuet [.]rwer[f]
Mochtic dan erweruen Dat ic iet schijr mocht s[....]en 10 Om haer die mi gheen en erf
Doghen dat mi aen moet eruen [...]
Snic(?) daeghe [l]aet(?) dusent weruen Haer minne herte te keruen
15 [.]ie thert daer wrueghde dar men hem ghnueghde Hadde leet te doene
Ende liefde toende dar men mit hoende Had cranken loene.
[...]
5 Daern es gheen wederkeren aen Noch gheen erkuueren aene Ic moet steruen sonder waen Dat leeght in minen waene Om die wel ghedaene
10 Die mijns niet en acht een spaen Noch cleynste van dien spaene Daer om latic menghen traen Si spot mier bitter traene Die haer mi pijnt te verslaene
15 Die vor siin oghen / claer siet dat doghen Sier better trene
Die lieue bescheert / es hijs besueert Dats wonder clene.
16.
Tue wijfliic oghen / wel heten moghen Een grondeloes meer
Dar menich inne / slijfs dor die minne Mist sonder weer
5 Verdoelt verseylt benic te verre In haer oghen die hen verren Van mi daer ic af ver erre
Int diep grondeloes vueden er[r]en Moet ic iet langher merren
10 Waer mier als veel als menich sterre Staet int tfirmament dier sterr[en]
Ic verdorue s[.]e[n] seegt mijn werre Op hope clagic haer dan mijn werren Dat ic dlijf moghe [o]ntscherren 15 DIe mint waer sijns als v[...] [...] rijns
Stroem heeft droppe
Hi muest verquelen wil[.] haer helen Sijns herten hope.
