'N PROGRAM OM KREATIEWE DENKE BY ADOLESSENTE TE VERHOOG
Kreatiewe denke is om die onmoontlike te
droom –
en dan meer as dit te bereik.
Inleiding
Welkom by die ongelooflikste ervaring van jou lewe!
Vir die volgende paar weke gaan jy bekend gestel word aan kreatiewe denke.
Gun my egter eers geleentheid om hallo te sê .
Noudat ons mekaar ontmoet het
Inleiding
Ek sien jou: G-A-A-A-A-P! Waarom sal jy nou so ‘n keuse wil maak as jy eerder, wel, kom ons wees nou eerlik, niks hoef te doen nie behalwe
eet,
slaap,
kuier,
slaap,
eet,
die onnie bly te maak deur af en toe belangstellend te lyk,
jou ouers gelukkig te hou deur af en toe te maak asof jy saamwerk en jou kop herhaaldelik instemmend te knik;
en het ek al eet, slaap en kuier genoem?
Inleiding
Een oggend dou voor dag om ongeveer halftwaalf gaan jy soort van wakker word, jou pa gaan in die deur staan en “Die Praatjie” vir jou gee. Nee, nie daardie een nie (dit het jy reeds vroeër die jaar saam met jou blosende,
stamelende pa deurgeworstel!) Ek praat van die een waar jou pa (of wie ookal afgevaardig is om dit te doen) jou vertel dat jy nou “mooi groot” is, dat hy baie lief is vir jou, hy nog altyd groot dinge van jou verwag het, en dat dit nou tyd geword het om …AAAGGGHHH!!! JOU EIE POTJIE TE KRAP! Skielik stel jy regtig belang in wat hy sê, want dit klink soos iets wat ernstig met jou sosiale lewe kan inmeng. Ja, oral rondom jou maak mense gereed om te studeer, oorsee te reis of te werk, maar jy het gehoop die oomblik van grootword en verantwoordelik wees by jou sal verby gaan…dit het toe nie…
Word wakker! Word wakker!! Word wakker!!!
Inleiding
Die idee van Kaizen (die Japannese term vir die
konsep om voortdurend te verbeter) hang af van ‘n voortdurende stroom van kreatiewe denke.
Kreatiewe denke is dus ‘n waardevolle eienskap in
‘n demokratiese samelewing omdat persone wat
kreatief kan dink ‘n betekenisvolle bydrae kan lewer.
Dit is moeilik om aan ‘n enkele area van die lewe in die algemeen, of in jou persoonlike lewe te dink wat nie by kreatiewe denke kan baatvind nie.
Nog beter nuus!
Inleiding
Jy kan op kreatiewe wyse leer aanpas by die
kompleksiteit en onsekerheid van die ontwikkeling van die wêreld rondom jou. Jy kan die uitdagings wat hierdie probleme bied aanvaar om sodoende geleenthede te skep, nie net vir jouself nie, maar selfs ook op wêreldwye vlak. Jy kan miskien ‘n tweede Mark Shuttleworth (Internet biljoenêr en eerste ruimtevaarder van Afrika) word!
Inleiding
Jy wil meer bereik met minder moeite. Jy geniet die proses omdat jou keuses gebaseer word op kwaliteit besluite en gerig is op
werklike prestasie.
Dit voel dus nie soos werk nie!
Dit voel nie asof jy jou volle potensiaal bereik nie: Jy kan leer om jou breinkrag beter te benut sodat jy jou volle potensiaal kan
bereik.
Jy moet groot probleme aanpak: Meeste probleme het nie ‘n enkele, logiese oplossing nie. Dit is soms selfs moeilik om ‘n probleem te definieer. Dit is dus nodig om probleemoplossing vanuit verskillende hoeke te benader en om terselftertyd alle moontlike faktore in ag te neem.
Op praktiese vlak kan jy gemotiveer word om kreatief te dink, want:
Is jy gereed?
Inleiding
Is jy oortuig? Mooi! Hoe dan anders?
Natuurlik! Dis waarop jy jou lewe lank nog gewag het!
Sit terug, ontspan en as jy wil, geniet die avontuur van
‘n leeftyd! Aan die einde van hierdie program sal jy meer kreatief dink as enige iemand anders wat jy ken, of ten minste meer kreatief dink as wat jy tans dink … DIT HANG ALLES VAN JOUSELF AF!
Die Proses
Aan die begin van die kreatiewe denke program het sommige van julle ’n kort papiertoets afgeneem wat jou vermoë tot
kreatiewe denke bepaal het. Hierdie toets verwys na die vermoë waaroor jy reeds beskik.
Hierna vereis die kreatiewe denke program dat jy vir sewe
weke lank een keer per week afsprake nakom om die program deur te werk. Die program bestaan uit ses modules
(afdelings) van ongeveer een uur lank, waarvan een module oor twee weke verdeel word. In totaal sal jy agt sessies van ongeveer een uur elk bywoon om die program te voltooi.
Onthou, kreatiewe denke is harde werk!
Inleiding
Die Proses gaan aan ...
Die kreatiewe denke program vereis verder dat jy ook jou kant moet bring deur jouself tydens die sessies met behulp van die rekenaarprogram te begelei. Jy sal ook
‘n kreatiewe denke werkboek ontvang waarin jy sekere aantekeninge tydens die sessie oor die modules se inhoud moet maak. Jy sal ook kreatiewe denke uitdagings tuis in jou werkboek moet voltooi. Dit is noodsaaklik dat jy jou kreatiewe denke werkboek na elke sessie moet saambring. Aan die einde van die program sal jou werkboek ingeneem word om nagesien te word, en sal jy dit daarna weer terugontvang.
Na afloop van die program sal jy weer die kreatiewe denke toets voltooi wat jy voor die aanvang van die program voltooi het. Hierdie toets behoort ‘n
aanduiding te gee of jou vermoë tot kreatiewe denke wel verhoog het nadat jy die program voltooi het.
Inleiding
Wat is dit vir my werd ?
Indien jou kreatiewe denke wel verhoog het, sal die Departement
Sielkunde aan die Universiteit van die Vrystaat ‘n sertifikaat aan jou uitreik as bewys dat jy die kreatiewe denke
program suksesvol voltooi het. Die voltooiing van die program kan dan ook op jou Curriculum Vitae aangedui word. Dit kan ‘n potensiële werkgewer verseker positief beïnvloed!
Die ses modules van die program lyk soos volg:
Inleiding
MODULE 1 : KREATIEWE DENKE – OF WAT NOU WEER?
Die doelwit van Module 1 is om jou aan kreatiewe denke bekend te stel, om jou in te lig oor wat
kreatiewe denke is, oor watter eienskappe persone wat kreatief kan dink beskik, en waarom kreatiewe denke nodig is. Jy sal leer van die moontlike
struikelblokke met kreatiewe denke, besluit watter probleme jy met behulp van kreatiewe denke wil
Inleiding
MODULE 2: MAAR KAN JOU BREIN DIT DOEN?
Die doelwit van Module 2 is om jou aan jou wonderlike brein of
“meesterorgaan” bekend te stel. Die module vertel meer oor hoe jou brein lyk, die
funksies daarvan en wat tydens die proses gebeur wanneer jy jou brein benut om kreatief te dink.
Inleiding
MODULE 3 : DIE PROBLEEM IS EEN DING;
DIE KREATIEWE OPLOSSING DAARVAN
‘N ANDER!
Die doelwit van Module 3 is om jou aan ‘n weergawe van ‘n kreatiewe denke probleemoplossingsmodel bekend te stel.
Inleiding
MODULE 4 : “GELUKKIGE” 13 DIVERGENTE TEGNIEKE
Die doelwit van Module 4 is om jou vermoë om
divergent te dink te ontwikkel, sodat jy aan soveel as moontlik kreatiewe oplossings vir ’n probleem kan dink.
Inleiding
MODULE 5 : EN NOU OM ‘N BESLUIT TE NEEM!
Die doelwit van
Module 5 is om jou vermoë om
konvergent te dink te ontwikkel sodat jy uit verskillende
moontlike oplossings die beste een kan
Inleiding
MODULE 6:
TIEN “WILLE WENKE” VIR ‘N KREATIEWE LEEFSTYL
Die doelwit van Module 6 is om aan jou wenke vir ‘n kreatiewe leefstyl te gee en ‘n kreatiwiteitstoets toe te pas. Hierna is dit jy en jou nuwe, verhoogde
vermoë tot kreatiewe denke en die wye wêreld wat wag!
Ontmoet vir WILLE. Hy’t ‘n paar wenke oor kreatiewe
leefstyl.
Inleiding
Selfs inleidings kom tot ‘n einde ...
Jy het nou deur die Inleiding gewerk. Indien jy meer
kreatief wil leer dink, teken die kontrak wat jy saam met jou
kreatiewe denke werkboek ontvang het om te bevestig dat
jy die kreatiewe denke
@Kopiereg voorbehou - Laudi Ströh (082-4144-100)
