Kaloe di bawah pagoenoengan Sindoro dan Soembing ada saboewah District jang pendoedoejc Tionghoanja padet dan roemah-roemahnja masih model toewa, itoelah ada Kota Parakan.
Di sitoe ada tinggal satoe Goeroe silat dari Siao Lim Sie jang berbadan rada tinggi dan koeroes, itoelah ia Louw Tjhene-tie janp termashoer.
Ia soedah toewa, kadoewa matarija soedah tida bisa meliat sama sekali. Tapi ia masih bisa memberi peladjaran, dengen mende-ngarken dari soeara gerakan dan poekoelannja sadja, ia bisa taoe kaloe ada moeridnja jang salah maen.
Kepandean jang bagitoe tjoema bisa di-poenjai oleh Achli-achli Silat jang peladja-rannja sanget tinggi, boeat mana Tjheng-tie Sian tida oesah disangsiken lagi. Maski matanja soedah tida bisa meliat ia bisa.
berkelit kaloe ada poekoelan maoe-poen sendjata dateng, pernah kendati dengen tida disengadja ia maoe oendjoeken, telah ke-njata'an koetika itoe orang toewa sedeng membikin obat, dari atas lemari ada botol
76
MENGABISKEN PERMOESOEHAN,
obat djatoh di betoelan kepalanja, dengen gapa sebagi menjawoek lalat ia soedah tangkep itoe.
Pantes dikagoemin ia poenja kepandean, tapi djangan terlaloe heran, kerna ia saperti telah djainoeren dari lamanja ia bladjar di Siao Lim Sie.
Lantaran memboenoeh orang Louw Tjheng-tie soedah lari ka Tanah Djawa, di mana sasoedah mengoenibara dengen tida karoean tempat tinggal dan penghidoepannja di be-brapa tempat, achirnja ia telah merasa betah boeat tinggal teroes di Parakan, dari badan masih koewat sahinggah toewa dan lamoer itoe orang gagah hidoep di sitoe dengen pengharepan aken menoetoep matanja poen di itoe tanah dingin djoega.
Demikianlah pada soeatoe malem jang gelap-goelita, soenji-senjap dan sedjoeknja meresep sampe di toelang-toelang, telah berklebat satoe bajangan poetih di atas woewoengan roemahnja Tjheng-tie Sian.
Itoe orang toewa belon masoek tidoer, kendati itoe waktoe soedah amper djam' doewabelas tengah malem. Ia sedeng doedoek sendirian di roewangan tengah dengen me-ngadepi Te-auw dan tjangkir The jang masih mengeboel.
Plahan-plahan itoe orang jang ada di atas genteng soedah mengintip di betoelan gen
teng katja. Itoe orang toewa tida mendoesin 77
•t
MENQABISKEN PERMOESOEHAN.
bahoea di sana ada mengintip doewa mata jang mementjar-mentjar penoeh hawa api.
Tapi mendadak itoe orang tida teri^enai telah mengeiah napas Icoetika meliat Tjheng-tie ambil tjangkir thenja dengen menggrepe kerna matanja tida bisa digoenaken poela.
„Ah, sajang sekali " demikianlah itoe orang menggrendeng sendirian.
Tida bisa keliroe lagi tentoe orang itoe ada si Biroeang dari Oetara, jang saperti koetika di Semarang telah bilang bahoea ia niat bikin peritoengan dengen itoe Djago dari Siao Lim Sie. Tapi mengapatah ia moesti mengelah napas saperti menjesal koetika menampak Tjheng-tie matanja tida awas poela ? Itoelah orang djangan heran, kerna salamanja satoe orang gagah tida maoe bertempoer dengen satoe moesoeh jang boekan tandingannja, soedah tentoe ia merasa menjesal dari Tiongkok ia sengadja dateng kamari boeat mentjari itoe moesoeh, tapi sasampenja di sini ia dapetken sang moesoeh soedah tjatjat matanja, inilah menandaken bahoea itoe Biroeang poetih ada satoe Djan-ten betoel-betoel.
Ia pikir soedah tida ada goenanja poela ia bikin peritoengan dengen satoe moesoeh jang tida awas, maka ia hendak berlaloe sadja, tapi boeat poeasken sadikit ia poenja rasa penasaran jang roepanja ada bagitoe besar hinggah dari Tiongkok belajar kamari
78
MENGABISKEN PERMOESOEHAN.
tjoema boeat itoe satoe hal, demikianlah maka ia niat bikin bolong sadja daon koe-pingnja Tjheng-tie dengen ia poenja djaroem jang dilepas dari moeloetnja. Tapi alangkah ia poenja terkasiap koetika liat Tjheng-tie soedah bisa kelit dengen miringken sadikit ia poenja kepala, dan kemoedian dengen tertawa ia-itoe berkata :
„Hei, orang jang di atas genteng, toeroen sadja kamari, djangan bagitoe pengetjoet soedah taoe orang tida awas maoe dibokong."
„Boekalah kaoe poenja pintoe," djawab jang di atas.
„Toeroen sadja dari sitoe, akoe rasa oesoek gentengkoe tida sengadja dibikin terlaloe kerep boeat satoe djempolan dari kalangan kita tida bisa lolosin diri masoek dari sitoe."
Tjoema lima minuut kamoedian, itoe Biroeang soedah berdiri di hadepannja si Djago dari Siao Lim Sie, kerna dengen boeka tjoema doewa genteng ia soedah bisa toeroen ka bawah.
„Doedoek doeloe, sobatkoe," kata Tjheng-tie Sian. „Kaoe siapa, dan dari mana ? Ad^a kaperloean apa malem-malem dateng kate-moein akoe dengen tjara jang membikin hatikoe djadi koerang enak ?"
„Datengkoe kamari ada satoe kaperloean boeat menagih kaoe poenja oetang padakoe dahoeloe hari jang kaoe belon bajar. Ini
79
MENQABISKEN PERMOESOEHAN.
kaoe tentoe mengarti, sebab kaoe toch boekan ada satoe Padri jang sama sekali tida niem-poenjai moesoeh."
„O, itoeiah djamak, sobat," djawab Tjheng-tie Sian seraja tertawa. „Tjoema lagi sakalih, akoe ingin tanja, kaoe siapa dan dari mana ?"
„Akoe Tjiam Hoei-gak dari Toùw Hoa Tjoan, tentoenja kaoe masih ingat."
Itoe Djago Siao Lim berdiam sabentar saperti mengingat-ingat, tapi kamoedian berkata poela :
„Akoe koerang ingat, sobat,"
„Kaloe koerang ingat, akoe bole ingatken.
Koetika di pinggir Pelaboean Hemoei, di satoe waroeng Bami, siapa dan apa sebabnja ada satoe orang moeda jang menjoempahin pada kaoe."
Tjheng-tie laloe dongaken sadikit ia poenja kepala, diam memikirin, kamoedian daiem pemandangan matanja jang soedah tida bisa meliat barang kasar, lantes berbajang itoe djaman jang penoeh kenangan.
Itoelah pada soeatoe hari, tatkala ia se-deng ada satoe kaperioean di itoe tempat dan sedeng djalan sampe di pinggir Pela
boean, ia liat di dalem satoe waroeng Bami ketjil ada berkroemoen banjak orang, waktoe ia melongok ia dapetken satoe orang sedeng berkledjetan saperti maoe poetoes napas lantaran ia poenja lamboeng kiri telah di
toesoek dengen oedjoeng djari oleh saorang
80
MENGABISKEN PERMOESOEHAN.
nioeda jang itoe saät masih berada di sitoe, berdiri diam mengawasin dengen roepa bingoeng.
Tjheng-tie ialoe menanja pada itoe orang moeda jang soedah menoesoek :
„Sobat, kenapa kaoe toesoek padanja ?"
„]a, sebab marah," djawabnja. „Tjoema akoe tida sengadja boeat poekoel ia sampe bagitoe roepa, kerna perkaranja poen ketjil sekali lantaran ia soedah indjek akoe poenja sepatoe jang baroe sadja beli."
„Kaloe bagitoe tentoe kaoe menjesal,"
kata poela Tjheng-tie, „kenapa kaoe tida lekas bikin baek ?"
„Akoe belon mengarti tjaranja membikin baek."
Tjheng-tie lantes mengarti bahoea itoe orang moeda beladjar belon mateng, tapi ia poenja djari-djari tangan dipale dengen obat dan mejakinin Tjak-swa, hinggah ber-bahaja sekali kerna ia sembarangan sadja poekoel orang sedeng tjara membikin baek-:
nja sama sekali belon mengarti, dari itoe maka ia pikir lebih baek bikin ia mendjadi kapok.
„O, bagitoe," katanja. „Akoe bisa mem
bikin baek, tapi moesti taoe lebih doeloe brapa kakoeatannja itoe poekoelan jang didjatohken padanja. Sekarang kaoe bole tjoba toesoek akoe poenja epek-epekan ta
ngan tapi jang sama koewatnja saperti tadi
81,
MENGABISKEN PERMOESOEHAN.
kaoe soedah toesoek padanja, dengen bagitoe djadi akoe taoe bagimana akoe moesti mem
bikin semboeiinja."
Itoe orang moeda menoeroet lantes goe-naken oedjoeng djarinja boeat tjolok epek-epekan tangannja Louw Tjheng-tie, tida taoe bahoea itoe Djago Siao Lini jang mempoe-njai peladjaran Khi-kang soedah sediaken kakoeatannja di itoe epek-epekan, maka bagitoe itoe djari sampe lantes sadja djadi poetoes.
V „Aja !" berseroe itoe orang moeda sembari berdjongkok seraja tekan itoe djari jang sakitnja boekan boeatan.
„Kaoe moesti diberi peladjaran ini waktoe, soepaja blakangnja tida sembarangan me-moekoel orang," kata Tjlieng-tie, jang lantes bikin semboeh orang jang ditoesoek dan masih berkledjetan itoe, dengen pintjet be-brapa bagian ia poenja oerat, kamoedian kasih makan obat jang memang salamanja ia ada bekal.
Koetika ia menoleh pada itoe orang moeda, ia itoe soedah berdiri tapi masih teroes genggam djarinja dengen kentjeng seraja berkata :
„Kaloe kaoe memang ada satoe lelaki, kaoe moesti brani kasih taoe kaoe poenja nama padakoe."
„Akoe Louw Tjeng-tie dari Khe-tao-kee,"
djawab Tjheng-tie.
82
MENQABISKEN PERMOESOEHAN. •
„Baek, slamet tinggal, di hari kamoedian kita nanti aken katemoe lagi." Abis berkata lantes itoe orang moeda berdjalan pergi.
Tjheng-tie merasa menjesal pada perboea-tannja sendiri, maka sigra ia boeroe itoe orang tapi soedah djaoe dan tida bisa di-katemoeken.
Kamoedian seraja mengelah napas ia poelang ka tempatnja.
Demikianlah itoe orang sabenarnja ada Tjiam Hoei-gak, jang lantaran merasa sanget penasaran orang soedah bikin poetoes djari tangannja, sigra ia mentjari Goeroe poela X pada siapa ia beladjar hinggah doewa-belas taon lagi lamanja, dari mana ia dapet ke-pandeian jang sanget tinggi, kamoedian men-djagoin dalem kalangan Kang-Ouw, dan lantaran ia soeka berpakean serba poetili dirinja dapet gelaran „Biroeang dari Oetara."
Kaloear dari pergoeroean laloe ia tjari Tjheng-tie jang ia anggep ada mendjadi ia poenja moesoeh besar, tapi itoe waktoe Louw Tjheng-tie soedah tida ada di tem
patnja, kerna ia soedah lari menjebrang ka Lam-yang lantaran perkara djiwa.
Tapi Hoei-gak poenja rasa penasaran tida djadi padam oleh lantaran sang moesoeh pergi ka sebrang laoetan, dari itoe maka ia laloe menjoesoel ka Singapore, di mana sasoedah mentjari oebek-oebekan tida ka
temoe, ia teroes ka Tanah Djawa.
83
MENOABISKEN PERMOESOEHAN.
Saperti biasanja orang-orang dari kalangan Kang-ouw, kaloe bepergian ka mana sadja zonder membekai ongkost dari roemah, kerna ia bisa pindjam dengen tida permisi pada orang-orang Iiartawan jang peti oewangnja padet.
Tapi dasar Hoei-gak itoe boekan ada saorang jang batinnja tjatjat, maka sembari djalan ia berboeat roepa-roepa kebaekan, saperti menoeloeng orang-orang miskin de
ngen oewang jang ia dapet ambil kaloe orang jang poenja lagi sedeng tidoer.
Sabagian ketjil kabedjikannja antara mana jang kita soedah liat, ja-itoe pertama ia di Betawi telah toeloeng Hong-eng, ia jang tangkep Hoay-siong dan Dalil, la taoe itoe perkara kerna djoestroe di itoe pagi iatoe-roet meliat itoe papriksa'an, dan koetika boebaran ia dapet liat ada satoe orang jang boentoetin Soen-nio dari blakang sembari tersenjoem-senjoem dari sorot matanja ia taoe bahoea itoe orang ada djahat, dan itoe orang Hoay-siong adanja, jang ia toetoetin djoega soepaja taoe roemah tinggalnja. Dari sitoe ia laloe slidikin tempatnja Hong-eng, waktoe malem di deket mana ia toenggoe sahinggah Hoay-siong dateng dan achirnja sebagimana telah ditoetoerken, ia soedah tangkep itoe orang bersama kontjonja jalah si Dalil jang kamoedian telah dapet hoe-koemannja.
84
MENQABISKEN PERMOESOEHAN.
Dari Betawi satelah, mentjari Tjheng-tie tida katemoe laloe ia teroes brangkat ka Tjirebon, di mana ia soedah toeloeng ambil anak istrinja Tjhoa Seng-goan dari dalem laoetan api. Dari mana ia teroes menoedjoe ka djoeroesan timoer, sasoeatoe tempat jang ada kampoeng Tionghoanja tentoe ia ampirin boeat menjirepin sang moesoeh, dan koetika ia sampe di Brebes dengen kabetoelan sekali ia dapet liat koetika Pek-hian malem-malem boeta ber-djalan dengen gerakan jang menjoerigaken maka ia koentif, di mana achirnja ia dapet taoe perkara apa antara ia-itoe dengen sang toendangan, lantaran ia tida bisa salahken Pek-hian jang minggat bersama Nona Beres, maka sengadja ia koentit teroes ka mana itoe doewa merpati pergi, kerna ia niat lindoengin kaloe ada orang jang soesoel dan hendak tjilakaken Pek-hian. Dan betoel sadja di Station Tegal ia soedah bisa lolosken dirinja itoe doewa anak moeda dari kepoengannja Tjeng-bian sama kawan-kawannja.
Dari sitoe ia teroes ka Semarang, di mana sasoedah dengen tida disengadja ia dapet taoe bahoea Tjheng-tie ada berdiam di Para
kan oleh tekeboernjaDiongDjeng. Soedahten-toe besok paginja sigra ia pergi menoedjoe ka Parakan, jang satelah djalan" di waktoe siang boeat mentjari taoe di mana roemahnja si moe-soeh, malemnja ia soedah datengmenjatronin.
85
MENGABISKEN PERMOESOEHAN.
Sekarang si Biroeang dari Oetara poen berdiam bengong meliat Louw Tjheng-tie termenang-menoeng kenangin itoe djaman di tanah toempah darahnja, di mana antara pengalaman-pengalamannja ia katemoeken djoega Hoei-gak jang ia bikin poetoesdjarinja.
Tapi kamoedian Tjheng-tie mendoesin dari ngelamoennja koetika Hoei-gak berkata :
„Dari Tiongkok akoe sengadja mentjari kamari, soesah pajahkoe boekan maen lan
taran penasarankoe meresap sampe di dalem soemsoem, tapi satelah katemoe kaoe soedah djadi boeta bagini, soenggoe akoe menjesal kerna akoe merasa maloe kaloe moesti ber-tempoer dengen satoe aki-aki jang telah tida awas."
Tjheng-tie tersenjoem.
„Kaoe ada saorang gagah jang boediman,"
katanja. „Tapi kaoe djangan kira akoe soedah tida bergoena sama sekali. Betoel matakoe soedah tida awas, tapi tangankoe bisa meliat.
Akoe masih sanggoep bertanding dengen kaoe, kendati oepama kata di atas panggoeng Bwe-hoa-tjung. Tjoema sekarang sabelonnja kita bertempoer, akoe maoe menanja doeloe apa goenanja kita moesti bertaroeng ?"
„Kita bertempoer," djawab Hoei-gak,
„boeat bikin berachir kita poenja permoe-soehan, kaloe akoe jang kalah biarlah akoe binasa, dari pada hidoep mengandoeng penasaran bagini besar."
86
MENOABISKEN PERMOESOEHAN.
„Kaoe mengomong dengen penoeh kaso-panan," kata Tjheng-tie seraja tersenjoem poela „Tjoema kaloe kaoe bilang perkara penasaran, akoe maoe tanja djoega pada kaoe, kaloe oepama akoe jang binasa apa akoe poenja Roch tida penasaran djoega dan lahir koinbali aken mentjari kaoe boeat bikin pembalesan ?"
„Ini laen," djawab si Biroeang. „Akoe membales kaoe ada berdasar atas penagihan jang kaoe ada beroetang padakoe, djadi kaoe tida wadjib merasa penasaran lantaran apa jang kaoe trima jalah kewadjiban dari pembajaran."
Kombali Tjheng-tie tertawa.
„Apa kaoe tida bisa pikir bahoea apa jang doeloe akoe berboeat pada kaoe sabenarnja ada penagihan djoega dari apa jang doeloe-nja kaoe memang ada pindjam padakoe ?"
Hoei-gak tida bisa mendjawab, ia berdiam dengen bengong memikirin itoe perkata'an jang menggenggam Ilmoe Batin.
Dan achir-achir ia mengelah napas pandjang.
Mengatahoei itoe, Tjheng-tie Sian laloe mengoesoet dan pegang poendaknja Hoei-gak seraja berkata poela :
„Ah, sobatkoe, kenapatah kaoe kasih kaoe poenja diri boeat permaenannjah itoe rasa penasaran jang bodo ? hinggak kita poenja diri mendjadi terikat oleh Karma jang rne-libet-libet tiada abisnja ?"
87
MENGABISKEN PERMOESOEHAN..
Hoei-gak toendoekin kepalanja dan ine-ngelah napas poela seraja berkata:
„Oh, Louw-heng, ternjata kaoe ada lebih tinggi dari akoe. Doeloe kaoe petjoendangin akoe dengen kakoewatan, dan sekarang kombaii kaoe bikin kalah padakoe dengen perkata'an dari Batin jang tinggi
f f
Itoe rasa penasaran jang meloeap di kal-boenja Hoei-gak mendadak sekarang telah moesna sama sekali.
Dari moesoeh besar marika bebalik men-djadi sobat
Demikianlah marika laloe sama-sama mi-noem Thee, dan bitjara-bitjara poela banjak hal tentang penghidoepan, di waktoe jang laloe, sahinggah ampir fadjar, baroelah marika tidoer di dalem satoe pembari
ngan.
Moelai sadari itoe sa'at Hoei-gak merasain satoe kaberoentoengan jang ia belon pernah merasain samasa doeloenja koetika dalem ia poenja kaiboe sanantiasa dibakar oleh itoe api penasaran jang inginken pembalesan, itoeiah satoe kaberoentoengan dari hati jang soedah terpetjah dan mengarti tentang limoe sadjati
Itoe Biroeang dari Oetara jang sekarang soedah djadi djinak, menginap di dalem roemahnja Louw Tjheng-tie sampe bebrapa hari, aken kamoedian lantaran ingat pada
88
MENGABISKEN PERMOESOEHAN.
Iboenja jang masih idoep dan ia tinggalken di tempatnja, maka ia lantes berpamitan boeat teroes belajar balik ka Tiongkok.
Demikianlah, dan ini bagian sekarang mendjadi
^ ( • C^iG -HWIE LUNG '1% /?
• TT ^
Toenggoelah
„BADJAK TOEWA DARI BENGAWAN SOLO"
(satoe bagian poela dari tjabang Hikajatnja Louw Tjheng-tie).
Kombali ditoeiis oleh : Tjoe-kat Liang.
89
i
Ilmoe Silat dasarnja kakoe-watan, tapi djanganlah beladjar Silat terlaloe tinggi, kerna sa-mingkin tinggi kaoe djadi saming-kin lemah
Im Yang TJoe.
Boeat boelan Juni ;
„ D I A ATAWA BOEKAN?"
Ditoelis oleh :