pasport om naer Hollant te mogen gaen, thoinden dselve copie ende verclaerden dat
heur meesters principaliter van pays niet en souden handelen, maer alleen van
middelen voer te nemen tot bevrijdinge vanden rijcxbodem ende om te commen tot
ontruyminge van Berck, Emmerick ende andere plaetsen van t’rijck, ende dat se meer
accessoire vanden pays en souden verhalen ende heur daerinne contenteren mette
antwoorde, die men se geven soude. Sijn Ex
cieen wilde de pasport niet vergunnen,
maer sont se naer de Staten Generael, sulcx sij den volgenden dage derwerts gingen.
[Den 8
enMay]
Den 8
enMay was tamelijck weder, ende men was seer doende omme de approchen
wel te verseeckeren. Men schoot veel op beiden sijden. Die van binnen siende dat
men heur de maet naer begonst te leggen ende datter geen hoipe van ontset en quam,
bestonden te vresen, dat se metter tijt tfort ende oick tgepresenteerde gelt souden
verliesen, riepen daerom ontrent den middach uyt offer niemant van wegen Sijn Ex
ciein de loopgraven was, ende geantwoort sijnde neen, vraechden naer yemant die
Francois spreecken konde ende seiden doen, dat se bedacht waren noch eens met
Sijn Ex
ciete spreecken, dat men daerom aen denselve wilde senden, ten einde hij
yemant bij heur sondt, ende begeerden middelertijt stilstant, twelcke geschiede. Sijn
Ex
cieging naernoen naer de loopgraven ende sondt terstont aende schantse de
capiteinen Cicil, van der Aa ende Jaxley, daertegen 3 ostagiers uytquamen. Sij
persisteerden alnoch bij heur voorgaende versouck ende insonderheit vande volle
betalinge van heur soldie, begerende dat Sijn Ex
ciewel wilde letten dat de schantse
een vaste plaetse was ende sij veel couragieus crijsvolck, die gesint waren liever op
malcanderen te sterven als heur betalinge niet te hebben. Sijn Ex
ciedede daerop
seggen, dat hij heur sijn eyntelijcke meininge hadde verclaert, dat hij meer niet en
te spreecken, dat se daerom eyntelijck heur mosten verclaren of sijt aennemen wilden
ofte niet. Dese hiervan rapport aende soldaten doende, deputeerden sij uyt, om selfs
met Sijn Ex
ciete spreecken den gouverneur met 2 andere officiers, die veel seiden
vande starckte vande plaetse ende van tvolck ende insisteerden alsnoch op heuren
eisch bij gescrifte gedaen. Sijn Ex
cieseide datter mer dry poincten in debat waren
als, vanden tijt om secours te wachten, twelcke hij niet gesint en was toe te laten,
vande betalinge vande verlopen soldie ende vande contributie, die sij wel wisten dat
hij niet schuldich en was ende daerop hij haer geboden hadde 125.000 £ eens. Dat
hij niet en conste lang dingen, maer sijne meininge ront uyt hadde verclaert, ende
dat hij meer niet en conste nochte begeerde te geven; dat tgeene hij heur boodt mer
een schenck en was, ende dat den Prince van Parma t’anderen tijden geen grooter
voor Geertruydenberch (een onbelegerde onwinnelijcke plaetse) en hadde gedaen;
dat se bedencken mosten dat velen vanden heuren noch souden geadvanceert werden,
ende nopende het tractement verclaerde om de consequentie wille heur niet anders
te konnen tracteren als anderen ofte heur meer in garnisoen houden, maer dat hij se
in alles fevoriseren soude so veel doenlijck ware, ende dat hij selfs niet en sochte
sijn volck te hasarderen ofte verliesen, maer in sijn dienste te conserveren ende te
behouden. Seide mede dat hij den gesanten tsamen in tparticulier soude bedencken,
ende dat se daermede weder mochten keeren in tfort, raet nemen ende hem terstont
antwoort laten weten, omdat hij niet en dachte desen nacht te verliesen, maer indien
sij mette gepresenteerde penningen tevreden waren, mochten sij gedeputeerden bij
hem schicken, hij soude heur de articulen in forma doen depescheren ende teyckenen,
ende sij souden in tfort blijven tot dat se heure betalinge souden ontfangen. Dese
gingen hierop weder in de schantse, ende ontrent half acht uyren quamen eenigen
wederom uyt, seggen, dat se de presentatie aennamen, ende daermede tevreden waren
ende gingen voorts met Sijn Ex
ciein tquartier om de articulen in t’ net te ontfangen,
die Sijn Ex
cieeerst den volgenden dach depescheerde, omdat hij eerst gelt uyt Hollant
moste hebben, daertoe hij terstont in poste naer den Hage screef. Desen dach vertoogh
oick naer den Hage de heere Bocholts ende geduyrende de voors. onderhandelinge
werden bij Sijn Ex
ciegebracht eenige brieven gevonden over een verdroncken man,
gescreven aende garnisoenen van Sint Andries op den 22
enAprilis van Don Luys de
Velasco ende la Bourelotte elcx apart, ende houdende dat se wilden betrachten de
eere vande Walse ende Duytse natie ende de plaetse vromelijck houdende, dat
602
sij se voor seeeker souden commen ontsettan, sonder nochtans daartoe tijt te noemen.
Van die vanden Bosch waren gelijcke brieven vanden 28
en, maer met so sobere
termen gescreven, dat se selfs schenen vande sake te dissideren.
[Den 9
enMay]
Den 9
enMay was tamelijck weder. Sijn Ex
ciedede vrouch de articulen van tverdrach
instellen ende expedieren op den dach van gisteren, houdende 1
o. dat hij heur
accordeerde 125.000 £ om binnen 8 dagen onder heur gedistribueert te worden op
sulcken voet als sij sullen konnen accorderen. 2
o. Dat de gequetsten ende siecken in
gasthuysen ende steden sullen gesonden worden tot dat se gecureert sullen wesen
ende evenwel mede heur deel vande voors. penningen ontfangen. 3
o. Aende weduwen
mede daeraf een gratuiteit, naerdat se sullen konnen accorderen. 4
o. Dat de overlopers
pardon sullen hebben ende heur deel uyte penningen genieten. 5
o. Dat degeenen die
willen vertrecken boven heur aenpaert in de penningen daertoe pasport sullen hebben,
maer die naer den viant wederkeeren willen sullen geen gelt ontfangen. 6
o. Die in
dienste willen blijven sullen getracteert werden als de beste compagnien ende in alles
wat mogelijck is gefavoriseert. 7
o. Al die uyt Crevecueur gecommen sijn sullen heur
deel in de penningen mede mogen genieten. 8
o. Als eenigen eenigen tijt gedient sullen
hebben ende heur pasport begeren sal heur die gegeven worden, mits dat se dselve
niet en eischen buyten reden, dat men heur geen verwijt en sal doen van datter
gepasseert is. 9
o. Dat se onder advoy van Sijn Ex
cie8 capiteinen sullen mogen kiesen
vande Walen uyte regementen van Achicourt ende den Marcgraef. 10
o. Dat alle de
commissarissen van amunitien, provoosten, brouwers, backers, soetelaers,
ambachtsluyden ende habitanten van tfort sullen vrij mogen vertrecken ende daertoe
ist noot geconvoyeert worden met tromslager ofte trompetter. 11
o. Dat den paep met
al sijn kerckgewaet mede vrij sal mogen vertrecken ende convoy hebben als boven.
12
o. Dat de sergianten ende corporals die gereforrmeert wesende advantagie getogen
hebben tselve tractement onder Sijn Ex
ciesullen behouden. 13
o. Dat Sijn Ex
cieop
morgen commissarissen sal senden om de compagnien te formeren, daer af de
capiteinen, te kiesen als boven, mette soldaten eedt sullen doen van getrouwicheyt
ende tfort te sullen houden ten dienste van Sijn Ex
cieonder heure officiers, tot dat se
betaelt sullen wesen vande voors. 125.000 £, welcke betalinge men doen sal aen
soldaten te liquideren van tgeene elcx uyte voors. penningen commen sal. 15
o. Dat
Sijn Ex
cieoick morgen commissarissen sal senden om op te teyckenen tgeschut ende
amunitie, opdat daeraf bij den Coningschen niet vermindert en werde. 16
o. Wesende
uyttet fort getogen sullen eedt doen als alle andere soldaten ten dienste vande Staten,
ende so haest sij sullen gemonstert wesen, sal men heur een maent solts betalen.
Hiermede gingen de gedeputeerden metten Colonnel Huchtenbrouck (die vooreerst
In document
Anthony Duyck, Journaal. Deel 2, boek 5 · dbnl
(pagina 110-113)