O Menschen al ghelijck, Die ter weerelt eersame Betrout seer autentijck Op uwen Christen Name,
+
Matth. 3. +
Vaet voor al dit bediet,
+
Marc. 1. +
Den Naem en sal ghelden niet,
+ Luc. 3. +
Daer gheen boete van zonden gheschiet.
+
Joan. 1. +
Dit tuyght Joannes claer,
+
Matth. 3. +
Te Ennon in die woestijne,
+
Joan. 3. +
Al daer veel volcx voorwaer Quam om ghedoopt te zijne, Hy sprack met woorden vroet, Ick doope u in't water soet,
+
Marc. 1. +
Tot vergheef der zonden, die boete doet.
+
Luce, 3. +
Als nu daer oock int dal
+
Matth. 3. +
De Pharizeen quamen gheganghen,
+
Luce, 3. +
Sprack hy al met gheschal
Tot haer, o ghy aert der Slanghen, Wie heeft u wijs ghemaeckt,
Vraeghd' hy, den keest wel smaeckt,
+
Matth. 3. T'ontvlieden den toorn die u naeckt?+
Doet oprechte boet vry, En seght tot gheener ure, Dat zijt ghecomen ghy Van Abrahams zone pure,
+
Luce. 3. Godt can van eenen steen+
+
Joan. 3. Verwecken kinders reen,+
Die Abrahams gheslacht verbreen.
+
Marc. 1. Naer dat sy hebben ghevraeght,+
+
Luce, 3. Wien wildy van u selven maken?+
Hy hevet haer ghewaeght, Vry sonder eenich versaken, Een stemme des roepers slecht, Ghesonden, soo den Propheet seght, Om te maken des Heeren paden recht.
+
Matth. 3. Naer my comt eenen Man,+
+
Marc. 1. Die was eer dan ick te vooren,+
+
Luce, 3. Dus wilt hem hanghen an,+
+
Joan. 1. Het is den Sone Gods vercooren,+
+
Matth. 3. Hy sal u Doopen schier+
+
Marc. 1. Met den Gheest ende vyer,+
+
Luce, 3. End' is nu onder ulieden hier.+
+
Joan. 1. Noch heeft Joannes vertelt,+
Den bijl, om elcx verschoomen, Is nu subijt ghestelt
Aen den wortel der boomen,
End' elcken boom vertsaeght, Die gheen goe vrucht en draeght,
Comt ten vyere, daer hy eeuwich claeght. Ick ben een Wijnstock bloot,
+
Joan. 15. +
Spreeckt Christus den Heere verheven, En mijn Vader minioot
Is den Wijngaerdenier beseven, Elcke rancke onvruchtbaer Snijdt hy af met grooten vaer, End' verbrandtse in't vyer eenpaer. Maer wat rancken devijn
Door my vruchtbaer zijn bevonden,
+
Joan 15. +
Sal mijnen Vader fijn
Suyveren, tot elcken stonden, Maer de dorre rancken onvroet Verbrandt hy met der spoet,
+
Ezech. 15. +
Hy en is niet tot een naghel goet. Dus wilt bemercken saen
Christus woorden eendrachtich,
+
Matth. 7. +
Die daer gheschreven staen Matthei seven warachtich, Dat is, hoe niemant van Doornen druyven plucken can, Want sy en groeyen niet daer an. Want elcken boom int perck
+
Matth. 7. +
Kent men aen sijn vrucht publijcke, End' de Mensche aen sijn werck
+
Jacob. 2. +
Werdt bekent seer autentijcke Want soo een lichaem minioot
Al sonder Gheest is doot,
Is t'geloove oock sonder wercken bloot.
+
Matt. 21. Het dient oock wel bedocht,+
Van den Vijgheboom wy lesen, Daer Christus heeft ghesocht,
Als hem hongherd', Vijghen ghepresen, Maer als hy daer niet en vandt,
Dan veel bladeren playsant,
Vervloeckt' hy den boom met groote schandt:
+
Matt. 21. Van u en sal niemant vrucht+
In der eeuwicheyt verwachten, Maer met een groot gherucht
Sach men hem terstont versmachten, Soo dat de Discipulen reyn,
Verwonderden groot en cleyn,
+
Luce, 13. Dat den boom soo haest verdrooght certeyn.+
Dus houdt wel in den grondt Van den boom, ick u verclare, Die in den wijngaert stondt, Daer de Heere van Jaer tot Jare Sochte goe vruchten, siet, Maer hy en vandter niet, Soo dat hy hem afhouwen hiet. Den wijngaerdenier sprack:
+
Luce, 13. Wilt een Jaer noch met hem lijden,+
Dat ick met onghemack
Hem omme grave aen alle zijden, End' messe hem seer ydoon,
Brengt hy dan gheen vruchten schoon,
So mach men hem uyt der Aerden roon. Noch heeft ons Christus gheleert, Met ghelijckenisse coene,
+
Matt. 25. +
Van thien Maechden, noteert, Die sliepen ten dien saysoene, Maer ter middernacht jolijs, Hoorden de Maechden wijs, Comt, en besitt mijn Rijcke propijs. Maer, die ander Maechden dwaes, Niet hebbende in haer vaten,
+
Matt. 25. +
Hoort men cloppen eylaes, Maer ten mochte al niet baten, Riepen, Heere excellent, Doet open u deure jent,
Hy sprack, ick en heb u noyt ghekent. Als Christus met gheschal
Ten oordeele sal trucken,
+
Matt. 25. +
End' hy daer scheyden sal De Schapen uyt de Bucken, De Schapen triumphant Stelt hy ter rechterhandt,
Maer de Bocken moeten vlien met schandt Maer tot die Schapen goet,
Die staen ter rechter zijden:
+
Matt. 25. +
Comt besitt mijn rijcke soet, Eeuwich, om u verblijden: Want als ick hongher leet, Was my u spijse bereet,
End' mijn naecktheyt was van u ghecleet
+
Matt. 25. Maer tot die Bocken quaet+
Spreckt hy met woorden vervaerlijck, Ghy end' den Duyvel gaet
In't eeuwich vyer eenpaerlijck, Al was ick van herbergh' bloot, Ghy en beweest gheen liefde groot, Noch en besocht my niet in den noot.
+
Matt. 25. Wanneer soo saghen wy+
V lijden sulck verstranghen,
+
Matt. 25. Ende en hebbe dy+
In ons woonste niet ontfanghen? Voorwaer spreeckt Christus snel, Als ghy den minsten niet wel En deedt, daer in waerdy my rebel. Oorlof mijn vrienden reyn,
Ick bevele u t'woordt des Heeren, Wilt doch ins' weerelts pleyn Van den quaden afkeeren, Maeckt u van zonden quijt,
+
Apoc. 10. Want hier en is gheenen tijdt+
Meer nae desen, soo de Schrift belijdt.
Gheest die u bidt.