Data-analise

Nadat die data ingesamel was, was die databasis wat deur die program SUrveys/Checkbox 4.6 gegenereer was in die program SPSS ingevoer. Alle data-analise was daarna deur middel van SPSS uitgevoer.

3.9.1 Voorspelling van aanvaarding van RBT

Veelvuldige regressie-analise was gebruik om te bepaal of die GOM wel aanvaarding van RBT kon voorspel. Aanvaarding van RBT was gebruik as die uitkomsveranderlike in die studie. Aanvaarding van RBT was in die konteks van die studie beskryf as die individu se gesindheid teenoor RBT, selfbekwaamheid vir die aanvaarding van RBT en algemene gesondheidswaardes.

Die voorspellingsveranderlikes in die regressie model was volgens die hiërargiese, blok metode in die model gevoer. Die hoofdimensies van die GOM was in die eerste blok van die regressie model ingevoer. Hierdie hoofdimensies is as volg: (1) Waargenome vatbaarheid, wat die individu se subjektiewe risiko assessering vir MIV/VIGS behels; (2) waargenome erns, wat die individu se persoonlike oortuigings aangaande die erns en nagevolge van MIV infektering behels; (3) waargenome voordele, wat die individu se persoonlike evaluering van die voordele verbonde aan RBT behels; (4) en waargenome hindernisse, wat individuele faktore wat die aanvaarding van RBT belemmer behels.

Die GOM beweer egter ook dat aanwysings tot aksie’n rol kan speel in die beoefening van gesondheidsbevorderende gedrag. Die GOM beweer dat vir die individu om RBT te aanvaar moet hy homself as vatbaar vir MIV beskou, MIV as ernstig beskou, en meer voordele as hindernisse verwant aan MIV toetsing ervaar (Janz & Becker, 1984). Die GOM beweer verder ook dat indien die individu die bogenoemde faktore ervaar kan ’n aanwysing tot aksie, aksie bewerkstellig. Aangesien aanwysings tot aksie nie beïnvloed word deur persoonlike oortuigings nie, maar meer te doen het met omgewingsfaktore was hierdie voorspellingsveranderlike afsonderlik in die tweede blok van die regressie model ingevoer.

Die GOM beweer verder ook dat demografiese faktore ’n invloed op oortuigings aangaande gesondheidsbevorderende gedrag het. Demografiese veranderlikes het daarom ’n invloed op waargenome vatbaarheid, waargenome erns, waargenome voordele en waargenome hindernisse. Aangesien demografiese veranderlikes daarom ’n invloed op

gesondheidsoortuigings het en gesondheidsoortuigings het ’n invloed op die beoefening van die gesondheidsbevorderende gedrag was die demografiese veranderlikes in die derde blok van die regressie model ingevoer.

Figuur 2 stel die finale regressie model voor met blok A wat die volgende

voorspellingsveranderlikes bevat: waargenome vatbaarheid, waargenome erns, waargenome voordele en waargenome hindernisse. Blok B bevat die voorspellingsveranderlike aanwysings tot aksie en Blok C bevat die demografiese veranderlikes. In hierdie figuur verteenwoordig ’n plus teken ’n positiewe verhouding tussen die voorspellingsveranderlike en die uitkomsveranderlike en ’n minus teken verteenvoordig ’n negatiewe verhouding tussen die veranderlikes. Die afwesigheid van ’n teken beteken dat die verwagte verhouding tussen die

voorspellingsveranderlike en die uitkomsveranderlike onbekend was. ’n Positiewe verhouding word dus tussen die uitkomsveranderlike aanvaarding van RBT en die volgende

voorspellingsveranderlikes verwag: waargenome vatbaarheid, waargenome erns, waargenome voordele en aanwysings tot aksie. ’n Negatiewe verhouding word tussen die

uitkomsveranderlike, aanvaarding van RBT en die voorspellingsveranderlike waargenome hindernisse verwag. Die verhouding tussen demografiese veranderlikes en aanvaarding van RBT was onbekend.

Pearson se korrelasie koëffisiënt was verder ook bereken om die verhoudings tussen die voorspellingsveranderlikes en die uitkomsveranderlike te bepaal. Die korrelasie koëffisiënte tussen die voorspellingsveranderlikes was ook bepaal om sodoende die interverhoudings tussen die voorspellingsveranderlikes te bestudeer.

Blok Voorspellingsveranderlikes Uitkomsveranderlike

Figuur 2: Skematiese voorstelling van die regressie model

3.9.2 Demografiese veranderlikes

Meerveranderlike Analise van Variansie (MANOVA) was gebruik om te bepaal of daar

beduidende verskille tussen die groepe van die demografiese veranderlikes en die veranderlikes van die studie (aanvaarding van RBT, waargenome vatbaarheid, waargenome erns, waargenome voordele, waargenome hindernisse en aanwysings tot aksie) bestaan. Die MANOVA’s was uitgevoer op die demografiese veranderlikes: taal, kwalifikasie, studiejaar, kampus, fakulteit, indiensnemingstatus, ras en inkomste. Die MANOVA’s was opgevolg deur Analise van

variansie (ANOVA) en die ANOVA’s was opgevolg deur post-hoc prosedures om sodoende die individuele verskille tussen groepe te bepaal.

Aanvaarding van RBT + + + + - Waargenome hindernisse tot RBT Waargenome erns van MIV/VIGS Waargenome voordele van RBT

Aanwysings tot aksie

Demografiese veranderlikes Waargenome vatbaarheid vir MIV/VIGS A C B

3.9.3 MIV toetsing

MANOVA’s was verder ook gebruik om te bepaal of daar beduidende verskille bestaan tussen individue wat reeds vir MIV getoets was en individue wat nog nie vir MIV getoets was nie. Verskille tussen die groepe was vir die veranderlikes aanvaarding van RBT, waargenome vatbaarheid, waargenome erns, waargenome voordele, waargenome hindernisse en aanwysings tot aksie ondersoek. Die MANOVA’s was opgevolg deur ANOVA’s om sodoende die

individuele verskille tussen die twee groepe te bepaal 3.10 Navorsingshipoteses

Op grond van die GOM en die navorsingsoogmerke in Hoofstuk 1 was die volgende hipoteses opgestel:

Hipotese 1: Die hoofdimensies van die GOM sal aanvaarding van RBT onder die studentepopulasie voorspel.

Hipotese 2: Aanwysings tot aksie sal ’n beduidende bydrae tot die voorspelling van aanvaarding van RBT lewer.

Hipotese 3: Beduidende verskille in oortuigings teenoor RBT en MIV sal tussen die verskillende groepe van die demografiese veranderlikes bestaan.

Hipotese 4: Individue wat reeds vir MIV getoets was, in vergelyking met individue wat nog nie vir MIV getoets was nie, sal beduidend meer vatbaar vir MIV voel, sal MIV as beduidend meer ernstig beskou, sal beduidend meer voordele verbonde aan MIV toetsing ervaar, sal beduidend minder hindernisse tot MIV toetsing ervaar en sal beduidend meer aanwysings tot aksie ervaar.