,.Bilanglah, apa itoe ? " kata Safi'ie dengen pendek.
,,Kau telah taoe hal saia. Oesia jang moeda dan pergaoelan jang rapet mendatengken penggoda. Saia minta ini boeat jang pengabisan kalinja, dan djoega jang paling besar, jang satoe sobat pernah minta ka-pada sobatnja "
Ibrahim berdiam sabentar, sahingga kombali Safi'ie berkata :
,.Apakah itoe ? "
,,ltoelah hal Siti Hanafia. Djagalah dengen satoe mata kapadanja selagi saia berlaloe. Kau berhak aken nasehatin ia, temenin ia dan intip iapoenja laga-lagoe, dengen nasehat-nasehat baek kaloe perloe. Soeka kau berdjandji ? "
Safi'ie angkat kepalanja.
,,la aken terlindoeng selama kau pergi," katanja Safi'ie.
..Bersoempahlah, Safi'ie, kau poenja perkata'an ada
lah berarti satoe iketan, saia taoe itoe: tapi sekarang l<asilah kau poenja tangan dan bersoempahlah — itoe djadi lebih tentoe
Safi'ie kasi tangannja dan kasi iapoenja soempah, tapi kamoedian ia hendak balikin badannja, kerna tida menahan meliat moekanja iapoenja sobat jang sänget koesoetnja.
,,Djoega biarlah kita bersoempah," kata poelah Ibrahim, ,,ba'hoea tida ada satoe apa nanti mereng gangken perso'batan >kita "
„Itoe tentoe "
,,Tapi bersoempahlah. Kerna dalem doenia ini ba
njak lida-lida jang djahat jang soeka mengasoet; dan kaloe demikian tentoe djadi lebih tentoe. Apa sadja jang marika bilang, dan apa sadja jang marika ber-boeat, persobatan dan persoedara'an bagi kita aken
36 TJERITA ROMAN
djadi paling achir "
Kamoedian Ibrahim menjamperin kekasihnja, njata-ken iapoenja perasa'an ada, dan bertaoenjata-ken djoega kapada Siti Hanafia itoe, bahoea segala kaperioear»
a'ken boleh didapef dari Safi'ie, iapoenja sobat jang paling baak.
,,Slamef tinggal, kekasih saia. Saia aken pergi tapi paling lama 5 taoen saia aken kombali. Sa'andeh 5 taoen saia tida ada di sini, anggeplah saia soeda gagal, dan tentoelah saia soeda mati. Berdjand'jilah kau, Siti ? "
Siti Hanafia memandeng kapada Ibrahim dengen ha
t i mentjelos, tapi ia sengadja bersenjoem, seaken-aken menghiboerin dirinja sendiri, dan boleh djadi mengen
tengkan kasoesahannja iapoenja Ibrahim jang baka!
pergi djaoe.
,,Saia aken toenggoein kau sampe 5 taoen "
treak Siti Hanafia.
,,Lima taoen seperti ini hari saia aken ada di ha-depan kau, dan lagi satoe kali saia nanti dateng mengadep kapada kau poanja ajahda boeat sebagt pengabisan kaÜ melamar dan meminta kau poenja tangan. Oh, Siti, kau aken mendjadi kapoenja'an saia^
dan mendjadi ratoe saia."
Kamoedian kapal itoe brangkat, meninggalken boeat Ibrahim doea orang jang sänget disajangnja. Satoe, iapoenja sobat, sobat jang paling baak, jang laen ia
poenja kekasih, jang sanget ditjintanja dan sanget di'inginnja boeat mendapet sebagi iapoenja istri
Di atas kapal matanja Ibra'him memand'eng ka darat, berat rasanja. Kamoedian ia toetoapin matanja dan brapa ketel aer-mata mengoetjoer. Tapi ia lantas ber
diri dan memandeng poelah. ka darat dengen matat beringas.
BERTJERAi - KASIH 37
..Pengetjoet, ia kataken diri sendiri. ,,Kau telah mengambil pcetoesan dan kau telah lakoeken itoe.
Kau tida boleh berhati lemah, kau tida boleh adaken itoe aer-mata dalem 5 taoen. Slamet tinggal, tanah-darahkoe, saia sekarang meninggalken kau, seaken-aken rasanja diri saia ini teroesir. Tapi saia nanti kombali, kombali setjara satoe laki-laki "
Brapa minuut kamoedian kapal itoe soeda linjap dari pemandengan, dan Ibrahim dengan Siti Hanafia bertjerai-ikasi^h
P
ERGINJA Ibrah im soeda berdjalan berboejan-boe-lan, tida kabar dan tida tjerita. Di sana pergi-nja Ibrahim tida berarti soeatoe apa, kerna Ibrahim itoe tida populaire di antara marika seperti Safi'ie.Safi ie tjoekoepken kwadjibannja, ia sering-sering dateng kapada Siti dan sering menanjahken, kaloe ia boleh berboeat apa-apa, atas namanja Ibrahim goena Siti Hanafia.
Siti selamanja menolak dan selaioe menghatoerken banjak trima kasi. Pertemoean itoe tida lama, kerna dengen tjepet Safi'ie lantas berlaloe, beralesan ba-hoea masih banjak pakerdja'an jang dikerdjakennja.
Kaloe pertemoean itoe ada sedikit lama'an, apa jang dibitjaraken semoea ada halnja Ibrahim. Itoelah saoepamanja ada ,,Ibrahim seperti ini" atawa ,,Ibrahim seperti itoe" jang selaioe didjadiken bahan dari oe-tjapan.
Pada satoe hari marika berdjoempah berdoea'an.
Itoelah ada boeat satoe pesta dari Sultan jang hendak merajahken iapoenja hari taoen jang ka 50. Semoea orang Melajoe, lelaki prempoean, toea-moeda, istri dan iboe, nene dan kake, semoea aken toeroet ber-goembirah. Dalem kagoembirahannja Siti dateng
ka-38 TJERITA ROMAN
pada Safi'ie jang lagi berdiri menjender di poehoen sendirian.
,,ltoe ada satoe maiem jang loear biasa boeat kifa orang, boekankah, Safi'ie ? " katanja, tapi kamoedian Siti Hanafia teiah toendoekin kepalanja dan moeka-nja telah berobah mendjadi nnerah, dan laloe kata poelah :
,,Saia haroes meminta ma'af kapada kau ?
„Kenapa begitoe ? " menan]ah Safi'ie sembari me-mandeng moekania itoe gadis kawannja.
„Dengen memanggil kau begitoe."
„Ibrahim panggil saia Safi'ie, kenapa kau tida bo
leh ? "
Siti Hanafia bersenjoem, kamoedian landjoetken per-kata'annja lebih djaoe.
,,Baeklah, moeïai mi hari saia aken memanggil kau seperti apa jang Ibrahim memanggil kapadamoe, tapi kamoedian ? "
,,Apakah lagi kamoedian ? "
,,Ibrahim memanggil saia Siti Hanatia."
Safi'ie memandeng matania :toe gadis jang meman-deng pad a n ja. ,,Apakah kau kira Ibrahim nanti soeka kaloe saia berboeat begitoe ? "
,,Saia brani pastiken ia tentoe soeka.
,,Dan ? "
,,Kita saling memanggil nama sadja
„Boeat goenanja Ibrahim."
Boeat brapa sa'at kadoeanja laloe saling meman
deng. Safi'ie toendoekin kepalanja dan dari moeloet-nja kloear itoe perkata an.
,,Siti Hanafia "
,,Safi'ie
Marika tida taoe apa jang marika rasa itoe waktoe.
Kaada'an ada begitoe roepa, dan kaada'an jang