mat.16.26 +
Niet isser dat u helpen sal, Of vryen van ellenden.
Alst al ghewoelt is en ghewaeght Met sorghen en met duchten:
+ Sapi.5.8 +
Soo isser noch niet meer bejaeght, Dan eenen borst vol suchten.
Het drie-en-tachtighste Liedt,
Een Lied van der tonge,
Op de wijse: Godt schiep den mensch eerst van den begin.
IN de Wet was gheboden siet
+
Lev.19.16 +
Te achterklappen niet, Verstaet wel dit bediet, Al onder die Israelijten:
+ Iaco.3.9 +
Want door een quade tonghe snel,
+
Prov.17.9 +
Comt twist oneens rebel,
+
Pro.26.21 +
Wanneer sy van der Hel,
+ Iaco.3.7 +
Sy is quader dan des slangs byten Sy is vol doodlijck f'nijn,
Daer helpet medecijn
Geen dinck wilt dit recht singen, Dan de tong te recht te bedwingen
+
Pro.25.11 +
Maer een woort sproken t'sijnder tijdt, Dat looft Sal'mon seer wijdt,
Het is, hoordt dit belijdt,
Ghelijck Appelen vander gouden, In Silveren schalen bequaem, Vrienden van goeder faem
+
Psa.34.14 Bedwinght u tonge te saem,+
Dat welck niemant na berouden 'tIs beter zwyghen stil,
Dan te maecken gheschil, En die tongh te gaen temmen,
Dat men niet hoordt quae klap der stemmen.
+
Pro.26.23 Een f'nijndige mont, vaet 'tbediet+
En een quaedt herte siet, Daer is doch booser niet,
'tIs als een potscherve, hoort desen, Overtrocken met Silver schuym, De wereldt is wel ruym: Maer door haer f'nijndigh sluym
+
Syr.28.20 Sy haestig kruypt door 't land men+
lesen,
+
Pro.16.28 Sy maeckt Vorsten oneen,+
Dus en hebt gheen ghemeen Met achterklappers geenen:
Want het breeckt liefd onder d'gemeenen.
+
Syr.28.19 Een herte dat gherechtigh is+
Dat is syn saeck ghewis, Het houdt hem selver fris,
+
Pro.15.28 Het dicht wat daer is te antwoorden,+
Wel hem die synen lust soo heeft, In woorden niet en sneeft, Een goet Exempel gheeft,
Dat een yeghelijck hier na spoorden,
+ Iaco.3.2 Volkomen is die man,+
Die hem soo houden kan, Nochtans 't soo hoort te gane, Daermen gaet op die rechte bane.
Pause.
+
1 Sam.12.9. +
Men leest van Dog den Edemijt Die door haet ende nijt,
Veel Priesters, t'synder tijdt, Door achterklap van David mede, Als David van Priester pleysant Kreegh een zweerdt in syn hant, Oock spijs te eten, want David voor Saul vluchten dede, Dug Saul dit vermaen,
Daer door Saul deed slaen Wel vijf-en-tachtigh lieden, Die Priesters waren nae 't bedieden.
+
Psa.147.1 +
Veel beter ist te loven fijn
+
Psa.105.1 +
Met een klaer helder schijn, Den Heer tot allen tijn,
Syn lof met tonghen te vertellen, Dat uyt een reyn herte seer jent, Daer door dat hy Godt kent Volkomen exelent,
+
Psalm 1.2 +
Hy gaet Godts Wet met lust vermellen, Daerom den Heere prijst,
Syn macht die eeuwich rijst Die moet hoogh syn ghepresen, Want synen stoel is hoogh geresen.
+
Syr.12.3. +
Maer alsmen met een vol fenijn Spreecket een saeck devijn, Soo gaet hij't nae dien tijn
Achter u rugh listigh nae spreecken, En duydet nae syn eyghen sin, Gheen booser ick en vin
+
Pro.20.14 +
Een quaedt mensch om't gewin,
+
Syra.27.3 +
Syn list kan hy daer mee in steken, De waer te prysen hoogh,
Hoewel sy weynigh doogh: Wilt u altijdt bewaren,
Voor valsche tonghen ende scharen. Een goede tonge is een lust, Wanneer 't herte gherust Alle fenijn gheblust
En reyn is van quade begheeren, Wt dese mont comt enckel goet, Dees woorden sijn seer soet En sacht, en maecken vroet Al twist oneens, hier na wilt leeren: Van een noodigh gheheel,
Laet syn u spreecken veel En dat van herten goedigh,
In woorden en zijt niet hooghmoedigh. 2. Pause.
Een boose Tongh spreeckt van Godts Wet, Maer door hooghmoedts opset,
+
Mat.23.4 Hier op neemt uwen let,+
'tIs om van mens worden gepresen Sy konnent draeyen na haer wil, En syn bequaem en stil
Gheveynst sonder gheschil, Maer haer herte is hoogh gheresen:
+
Esai.58.5 'tHooft hy wel hanghen laet,+
En voert een schoone praet: O mensch wilt u bekeeren! Anders te leven wilt nu leeren.
Een wijs mensche verberget heel Een saecke van krackeel,
En besiet het wel veel,
Offer wat quaets mochte uyt comen,
+
Prov.25.2 Het is Gods eere hoort dees reen,+
Te verberghen ghemeen Een saecke groot oft kleen, Dus te leven is by den vromen,
+
Prov.25.9 +
Een anders heymelijckheydt, Ghelijck Salomon seydt, Wilt fijn verzwyghen,
Op dat ghy gheen smaedt gaet verkryghen.
+
Pro.26.20 +
Wanneer daer gheen hout meer en is, Het vyer gaet uyt seer ris,
Verstaet dit wel ghewis,
Als wech is achterklap mispresen, Dan houdt de twist op, so men vint, Want achterklap versint
Is schadelijck, men wint
Daer niet mee, dan al onghenesen Wonden om heelen niet,
Want de praet snel doorvliet
+
Syr.28.20 +
Cruypt door landen en steden, Maeckt niet dan twist ende onvreden.
De waerheydt te spreecken devijn Is lieflijcker dan wijn,
'tIs beter medecijn
Dan eenigh dinck al op der aerden, Haer leeringhe is seer heylsaem, 't Verkondight Godes naem, En synen macht bequaem:
Dees is by Godt in grooter weerden, Daerom wel desen reen,
+
Psalm.15. +
Die de waerheydt ghemeen Spreeckt uytter herten,
Namaels sal hy lyden geen smerten.
3. Pause.
Maer wie isser die hier op let? Elckeen nae syn opset
Gaet praeten, en dat met
Die gheen, die gheeren quae snap hooren, Een anders ghebreecken seer snel Men gaet praten rebel,
O tongh al van der Hel!
Vol vyer en vlam, o quade dooren!
+ Iaco.3.6 O fenijn dat niet en rust,+
Dat daer komt door 's vlees lust, Waer sult ghy verschijnen
Wanneer ghy van Godt moet verdwijnen? Maer lieflijck sal't wesen seer soet Voor Godts kinderen goet,
Die hooren metter spoet,
+
mat.25.34 Ghebenedijden al ghemeene,+
Daerom singt looft altydt den Heer Al die nae synen leer
Leven, en neemt gheen keer, Te prysen, hoort nae desen reene, Godts lof sal t'allen tijdt,
Soo David vry belijdt, Sijn in mijn monde,
Dus looft den Heer van herten gronde.
+
mat.12.36 Wanneer den Rechter komet voort+
Alsmen van elcken woordt, Onnut ydel discoordt
Sal rekenschap heel moeten geven, Waer sal den achterklapper heen, Oock den spotter ghemeen? Een kijfachtigh onvreen
Och hoe sullen sy moeten beven,
Voor den Rechter oprecht, Die 't al maecken sal slecht:
+
Mat.3.12 +
Het Caf verbranden,
Met huylinge knerssen der tanden. Oorlof al in't eynde ghewis, Maeckt u vry ende fris, Van al onreyn, dat is:
Wilt u woorden wel overdencken,
+
Collos.45. +
Met sout te menghen onghefaelt, Als oock Paulus verhaelt
Waer af het quade daelt,
God wil u al hier macht toe schencken,
+
1 Cor.15.33 +
Dat ghy vuyl snap vermijdt, Want het doet gheen profijt, Maer verderft goede zeden, Dus jaegt nae't best in alle steden.