Wijch onde lijd

Vrude en hayn ich anders gheyn Stille noch ophenbare,

Dan ich denchen ga alleyn, 20 Rech[t] als ich wilde, das ware.

Eyn selich wijf voer allen kan Miin truren machyn ende. Och, weer mich als ich ir gan! O god zi daer tso zende!

25 Se kan mich machyn vrolich vro, In truwen ich das kunde;

Helf, vrouliin tsart! das zi also, Du hets des anders zunde.

58. Wijch onde lijd

Wijch onde lijd

Gonst ter eeren ghepresenteert Op eenen vlinse ghefundeert Enen volmaecten sonder ghelijch Toern; boven wenschen, consten rijch 5 Is hi ghewracht, want calc ende steen

Is louter gout, ghepureert reen,

32vb

Van arab goud ende dure. Om desen gaet eene mure, Hoghe ende starc, ghemaect wale, 10 Ende al ghewracht van harden stale.

Op desen torn ziet men staen Eenen hulseboem, wide ondaen, Mit menneghen scerpen blade; Al den torn gheeft hi scade. 15 In den boem te middeweerde

Staet een bloem van groeter werde, Altoes bloyende ende van verwen rijch, Men sach nie bloem haer ghelijch. Ses siin der bloemen blade, 20 Vol van doegden ende ghenaden.

Die te recht verstaet dit menen, So sal men se al in eenen Vinden, ende in hem duren: Bloem, boem, cruut ende muren.

Besint wael!

59. [Ayn eynen iegher ich erhoerde]

Ayn eynen iegher ich erhoerde, He quam ghereden in eyn walt, Dem deinster nacht he voerde, Nach vruden was daer wal gestalt, 5 Die voghelen sunghen mengerkun.

Van den perde he avestont In eyn pleyn, das was grun. Der dach sal hem werden kont, Eer he riden wilde bas voert. 10 He sat zich neder in dat dal,

Vyl vruden, das he da erhoert. He verzan sich harde wal, Ende dacht, was he doen solde, Das hem der vruden worde kont. 15 He sach om in dem wolde:

Tser slincker hant, das hem stont Eenen boem, der was vinnentlijche; Gulden cleeder, das he da zach;

33ra

Da-oph eyn vrouw, dogheden rijche, 20 Eynen mantel om sich lach

Van swarter vaer, sabelijn;

Op't hoeft eyns rans, die was scone, Die niet volmaecter mochte siin, Da-oph sat si der eeren crone; 25 Eynen roc, dien had ze an,

Van grawen was he ghewracht, Oech ich mich daer verzan, Om yr eyn gordel ghe ghelacht, Rijcher dan ye golt ghewart; 30 Van perlen, robiin, dier ghesteen

Scoyte was daer onghespaert. Aen die wal minnentlijcher eyn Onder dem mantel, das he sach, Eyn ritter ligghen, als hem dochte, 35 Van vruden, das hem nicht gebrach

Onde van alre wijflijch tsochte. Den ritter suckede ze bas naer, Onde tse yren borsten dranch. "Gheloeft sij alder inghelen scaer!" 40 Onde "Jhesus Christus, have danch!"

Das hoerde her der vrouwen sagen "Du byst mir liever dan yeman! Daer mach ich wal van clagen, Das ich dyr sie zo selden an; 45 Want ich hayn dich ye ghegeven

Lijf, hertz onde oech dem zin, Onde sal doen al mijn leven, Was kan gheleysten Vrouwe Myn." Der ritter tso der vrouwen sprach: 50 "Werde wijf, du bloeyende swijch,

Du wers ye mi vruden dach Onde ummer blijft ghestedelijch Saltu voer alle wiven [...], Dijn tsarte lijf, diim balsemvaet 55 Doyt mir ervruden mengerkunnen,

Oech brenct mir uuys tsivels raet. Wie eyghen haen ich mir ghegeven

33rb

Dijnre werder wijflijcheyt; Och, dine ganse oghen sweben, 60 Das yst, da al mijn salde aen ley[t];

Dijn lof, das yst ghemeret In allen lande wijt, Sorge haystu mir ontferet, Da-oph mijn hertz hophens plijt." 65 Se antwoert den ritter das:

"Ich hayn mich ye ervruyt mitteer, So wa, das ich ye ghewas; Noch voert sal doem emmermeer, Want du doys al mijn begheren, 70 Dou werde liep uuysercoren!

Onde du bist oech mijn hoechste begeren, Waer men recht sal liep ercoren."

He sprach: "liep, ich vrage dich eyns: Dou hays dich ercleyt mit grawen; 75 Werde wijp, wie du das meyns?

Billich waerstu erdect mit blawen." Se sprach: "ich wil dir berichten: Grau dan is nicht eyn vaer, Blau siestu daeruus lichten, 80 Mit witsen ghemenget gaer.

Blau, das meynt gaer stedicheyt In hertsen onde in sinne. Wer lief in rechter liefden dreyt, Der yst goedes moydes inne. 85 Wijts, das yst eyn goyt terwaen,

Der in reynen muede stedich sij. Onde al siin duechen leghet daeraen, Wie des onghevlecket sij.

Wits onde blau sich vereynet 90 Al in grau, das zi dir kont!

Miin sin algader das meynet, Das ghebloemet zi die stont, Das grau tser werelt ye ghequam. Sint alle werdelijche vrucht, 95 So yst grau alre duegden stam,

33va

Nu doe ich euer das kont, Wat swartse verwe ludet, Dou bist bedect tsu alre stont; 100 Vernem, was das bedudet:

Swerts, das yst donckervaer, Daer grau mede bedecket sij; Onde is oech een die hoechste waer, Daer men den moet bekinnet bi. 105 Der moyt wil, das geholen sij

In gansen truwen stedeliich: Swerts, da yst wael helen bi, So bist in der minnen strich." "Och, werde wijf, nu bid ich tyr, 110 Das ich die verwe dragen moys,

Onde tse lenen hilde van dyr." So ghef hem eyn vruntlich groys Onde zacht: "ich wils dir wael gonnen, Onde du blijfs mijn ghesel davan; 115 Das sal mich in vruden wonnen,

Want ich's dir gan voer alle man." Se ercosen sich wal mennichfalt In witsen armen, da ze hem dranch Wal vrientelichen mit ghewalt. 120 Des docht mich die tsijt nicht lanch,

Onde mir docht, das sunde were, Had ic se bracht uus vruden kont, So vrientlich was ir ghebeere. Ich liet se daer tser selver stont; 125 Gode bad ich oetmoedechlijch,

Das he behuede zulche scare, So waer das were dier ghelijch, Voer der felre wroeger mare. Oph minen perde, das ich zas, 130 Onde reet henen myere straysen

Dorch das walt, das scone was, Onde hayn die vrude daer gelaysen.

nota