I
IUAÀUI
oleh : M . N O V E L
PASCHEN — CONFERENTIE — THE ROOS OF THE GOLDEN EAST — P E R A N G !
w A ill I
O l e h M . N O V E L
I
S
ASOEDANJA PEGANG 3 Diploma dari Hoa Ing Tiong Hak, Semarang; Junior Cambridge dan Sinior Cambridge, Singapore, The Ing-kioe teroes-ken poelah peladjarannja dalem Chiao Tung University di Shanghai.
Chiao Tung University ada gantinja Nanyang University jang sebaliknja ada gantiken nama dari Nanyang College.
Chiao Tung University ada asal dari bebrapa midrasa jang digaboeng mendjadi satoe badan. Ini pergaboeng'an terdjadi pada taoen 1929 dengen Mr.
Sun Fo, itoe waktoe Minister of Railway, djadi iapoe-nja president.
Waktoe Minister Sun Fo pangkoe djabatan presi
dent dari itoe University ia telah diriken satoe com
missie terdiri dari orang-orang terpladjar oentoe'k ke-madjoeannja itoe midrasa. Achirnja dengen berhasil soeda bisa didapetken satoe educational plan jang bertjotjokan dengen peladjarannja Dr. Sun Yat Sen almarhoem. Pada boentoetnja taoen 1929, dengen berdasar dengen statutennja itoe midrasa, soeda
di-lOó
adaken djabatan vice-president dengen Mr. J. Usang Ly diangkat dalem itoe kadoedoekan baroe. Tapi ini djabatan dihapoesken kombali pada taoen jang berikoet, dan sasoedanja Mr. Sun Fo letaken iapoenja djabatan, Mr. Ly jang itoe waktoe djadi Vice-Minister of Railways, gantiken sebagi president.
Plan peladjaran jang dibri'ken dalenn itoe University ada terbagi dalem bebrapa afdeeling, jaitoe. School of Railway Administration, of Engineering, of Civil Engineering dan of Electrical Engineering. Dalem taoen 1930, kombali didiri-ken satoe tjabang penga-tahoean dengen departement llmoe Alam, llmoe Pisa dan llmoe Itoeng.
Begitoelah Chiao Tung University setiap taoen kas;
liat kamadjoeannja dengen memoeasken, ia selaloe mengikoet sama 'kamadjoeannja sang tempo dan pe-noehken kaperloeannja sang djaman. Maksoed dan toedjoean jang teroetama dari Chiao Tung University adalah boeat didik studenten soepaia bisa bekerdja dalem dienst pamerentah atawa dalem kalangan parti
culier teroetama dalem dienst jang mempoenjain per-hoeboengan dengen spoorlijn.
Tapi ada satoe hal jang amat tida oentoeng bagi Ing-kioe, kerna sabelonnja ia bisa loeloes dari itoe mi-drasa, ia keboeroe dipanggil poelang oleh orang toea-nja di Java berhoeboeng dengen adatoea-nja itoe perse
lisihan heibat antara TIONGKOK-JAPAN.
Koetika hendak poelang, iapoenja kawkawan an-terken ia sampe diatas kapal.
,,Akoe sanget maloe, selagi negri dalem bahaja, se
lagi akoe poenja soedara-soedara beradoe djiwa di-medan parang sama moesoe, adalah akoe sendiri moesti balik poelang dengen enak-ena'kan," Ing-kioe berkata pada iapoenja kawan-kawan itoe. ,,Akoe
ke-pingin bersama kau-orang toeroet ka medan perang boeat belah'ken kita poenja negri sampe disa'at jang paling achir "
,,Tapi kita tida mengiri kau, Dirk (ada Ing-kioe poe
nja nama sekola) memotong Sung Wen, saorang jang mendjadi kepala dari itoe rombongan studenten.
,,Kita sampe taoe brapa besar kau poenja penghar-ga'an pada ka hormatannja 'kita poenja tanah-aer, tapi disana masih banjak djalan boeat kau beiahken itoe pengharga'an, selainnja beradoe djiwa ka medan pe
rang. Tida adanja kau satoe dalem kita poenja corps Vrijwilliger, tida mendjadiken halangan terlaloe besar seande moesti dibanding sama kadoeka'annja kau poe
nja ajah-iboe djikaloe kau tida menoeroeti marika poenja perminta'an." Lebih djaoe Sung Wen menjam-boeng poelah; ,,Laginja kita pertjaia 'kau nanti tida aken tinggalken nasibnja kita poenja negri begitoe sadja maski kau berada diloear Tiongkok."
Kapan kapal Aramis boenjiken tanda brangkat boeat pengabisan kali, Ing-kioe djambat tangannja iapoenja kawan-kawan itoe.
,,Apakah ini perpisahan aken memoetoesken kita boeat pengabisan kali?" Ing-kioe berkata sambil aer-matanja melele toeroen.
,,Sang tempo nanti mendjawab 'kau poenja perta-njahan, Dirk," Sung Wen berkata. ,,Tapi ikaloe kita moesti mati, kita nanti mati dengen hati poeas, kerna kebangsa'an jang besar moesti dibikin mateng dengen tenaga, darah dan aer-mata!"
BARAT kerbo Ing-kioe sekarang soeda baiik iagi ka kandangnja, jalah dl Semarang, satoe kota midden Java jang terkenal dengen iapoenja Tjandi-Baroe.
Ing-kioe seselken iapoenja ajah kenapa ia moesti di
panggil poelang, tapi 'ntjik Soen-in, itoe orang toea mendjawab dengen mesem;
,,Kaloe kau ada mempoenjain lain soedara, akoe tentoe tida panggil kau poelang, akoe bangga kaloe kau bisa toeroet panggoel snapan boeat belahken negri, tapi sajang kau tjoema mendjadi akoe poenja anak satoe-satoenja dan sedeng akoe sendiri soeda toea, maka kaloe sampe ada apa-apanja kau, di hari nanti, siapa lagi jéng kita boleh andelken?"
Ing-kioe dibikin mengerti dengen itoe alesan.
'Ntjik Soen-in ada satoe hartawan jang sympathiek, ia bisa bergaoel pada segala orang, dan goena ^ka-perloean Kong-ek ia tida perna bosen boeat briken toendjangan, begitoelah boeat oeroesan fonds Roode Kruis Tiongkok jang digeraken oleh poetranja sendiri, ia ada mendjadi penderma jang paling besar.
Seperti iapoenja ajah, Ing-kioe djoega ada saorang moeda jang pandte bergaoel, ia banjak disoeka' dan dipandeng tinggi oleh sobat-sobatnja.
Dalem kalangan sport ia banja'k dikenal. Dilapangan voetbal ia terkenal sebagi satoe back jang tanggoe;
dilapangan tennis ia terkenal sebagi satoe lawanan jang oelet; dilapangan basketball ia terkenal sebagi
satoe ,,alap-alap" jang seiaioe dapetken boia dan
dl-•mana swiming-pool ia terkenal se'oagi ,,anak i'kan" jang :pande bernang
Brangkali djoestroe lantaran itoe jang membikin ia-ipoenja pikiran tida sempet lagi boeat memikirken
„kembang" berparas tjantik kendati seringkali ia ba
njak dikiterin oleh gadis-gadis eilok jang kagoemken iapoenja permainan-permainan itoe
Dalem soeal menikah ia kliatan djaoe sekali, la sa-ben-saben bi'kin djengkel hati iboenja kerna ia selaloe
•menolak kaloe maoe ditjariken gadis boeat pasangan-nja. ,,Akoe nanti bitjara sendiri, ma, begitoe akoe soeda dapet gadis jang dipenoedjoe," ia berkata se-lakoeh alesannja.
,,Akoe sampe bosen mendenger kau poenja alesan begitoe-begitoe sadja!" mengroetoe itoe iboe. ..Djadi kau tida pertjaia sama pilihannja orang toea?"
Ing-kioe tida mendjawab, hanja menglojor kaloear dengen bibir tersoengging senjoeman.
A PRIL I
PASCHEN !Kapan harian Paschen soeda sampe, kota Semarang telah kebandjiran dengen banjak tetamoe dari lain-lain kota berhoeboeng dengen hlua Chiao Tsing Nien Hui poenja Conferentie jang dibikin di itoe tempat.
Tida koerang dari 1000 anggota dari itoe perkoem-poelan jang soeda perloeken dateng dalem itoe con
ferentie teritoeng djoega Dames-afdeeling dari ber
bagi-bagi sectie. Tempat-tempat boeat itoe dames-afdeeling poenja penginepan semoeanja diatoer oleh comité dengen sampoerna, kerna selainnja dibriken kamar dimana hotel-hotel jang terkenal netjis djoega
•siotjia-siotjia atawa hoedjin-hoedjin jang dateng
de-T J E R I de-T A R O M A N
ngen zonder soeaminja bisa dapet tempat pada.
famllienja comité atawa bestuur.
Antaranja itoe comité penjamboetan ada terdapet-djoega Ing-kioe, ia boeka pintoe roemahnja boeat itoe semoea kaperloean.
Dalem itoe conferentie selainnja diadaken perem-boekan oentoek kemadjoeannja itoe perkoempoelan,, djoega aken diadaken pertoendjoekan tooneel, perta-dingan, voetbal, tennis, basketball, excursi, enz. Le
zingen dan Prae-adviesen djoega tida katinggalan.
Ing-kioe sebagi comité telah lakoehken kwadjiban-nja dengen radjin dan actief kendati orang sering-djoempahken ia berdiri dengen melonglong-longgong:
seperti ada pengliatan apa-apa jang mengaroehkem 'apoenja perasahan
Pada itoe soreh, koetika diadaken pertoendjoekan' tooneel, Ing-kioe poenja sikep kliatan begitoe soenji dan pendiam, sorot matanja saben-saben dilepasken pada satoe penonton jang berdoedoek dibarisan korsi nomer 2 Mendadak iapoenja poendak ada orang jang megang.
,,Hallo, old chap! akoe taoe kau sedeng ngelamoenf apa," Hwat-'kie menegor sambil bersenjoem. ,,Ternjata kau djoega roepanja tida katinggalan diantara kita.'"
Ing-kioe mesem: ,,Apa? Akoe tida mengerti apa jang kau maksoedken," ia berkata dengen berlaga bodo.
..Soedalah, djangan gendengin, akoe soeda bisa batja kau poenja hati seperti akoe bisa batja itoe*
toelisan diatas kertas! 'Nko Ing-kioe, boekan tjoema kau sendiri, kita djoega soeda dibikin 'kesima sama ia
poenja ka'eilokan, tapi kau djangan salah mengerti, kita tida ingetan memetik , " Hwat-kie ketawa^
lagi.
Ing-kioe poen toeroet ketawa, dan ia plkir tida perloe oempetken lagi ifoe ,,nge!amoenan" pada itoe .sobat jang baek, maka la iantas berkata;
,,Kau nanti bilang apa seande pada i a akoe soeda djato hati?"
,,Akoe bilang bahoea itoe ada sepantesnja: lelaki -•siapa jang tida nnerasa ketarik dengen i a?"
Doea-doea kombali ketawa.
,,la nnenoennpang diroemahnja 'nko Siok-tien poenja familie bersama tiga kawannja," Hwat-kie berkata :poelah. „Dan itoe anak lelaki jang selaloe menglkoet ia
tentoe ada iapoenja ade."
,,Akoe kira ia dateng dari sectie Solo?" Ing-kioe .menanjah.
,,Boe'kan. la ada damesleden dari sectie Malang.
,,Apa kau dapet taoe iapoenja nama?" Ing-kioe menegas.
Hwat-'kie goleng kepala: „Kita tjoema djoeloeken ia 'The Roos of the golden East.' "
Marika lantas ketawa lagi
Ill
TOE prempoean iang diboeat pembitjara'an oleh?
Ing-kioe dan Hwat-kie memang tida bisa disangkal la ada satoe prempoean jang paling tjantik diantara.
semoea kawannja jang dateng dalem i+oe conferentie..
lapoenja sinar mata jang djerni ada laksana mengre-defDnja ombak dimoesim rontok jang bertjanda di-bawah tjahaya mata-hari. Tapi itoe mata jang djerni ada sebagi djoega laoetan item jang' dalem jang, orang tida mampoe djadjakin dasarnja.
lapoenja potongan badan ada denok jang oemoem-nja diboeat ideaal oleh toekang gambar dan djoeroe^
penjair. lapoenja sepasang bibir jang selaloe kliatan, tersoengging senjoeman, ada seperti mengoendjoeken.
kesabarannja iapoenja hati. Itoelah pantes kaloe itoe semoea telah geraken Ing-kioe poenja perasahan jang, sekian lama tinggal anteng dan dingin
Y- The Roos of the golden East!
Kapan itoe programma telah sampe pada bagian-excursi, marika dibagi dalem brapa rombongan; dön tempat-tempat jang terkenal jang „disatroni" teritoeng djoega Tjandi-Baroe dengen iapoenja Zwem-bazin, tempat pemandian. Diatasnja itoe tempat bernang' ada terletak satoe hotel Europa jang mempoenjain^
pekarangan tjoekoep loeas; disitoe marika mengaso..
Dan sabelonnja marika mandi, marika saling bertjanda dengen kawan-kawannja hingga ^keada'an djadi berisik dan kliatan goembira sekali. Samentara 'nko Djie-liong, the Jester and Humorist from Stationweg Sourabaya, saben-saben bikin orang moesti 'ketawa dengen iapoe
nja ,,spit" jang kotjak dan djinaka
Kamoedian sampe gilirannja orang minta pada
Ing-kioe soepaia soeka bikin sedikit pembitjara'an apa-apa
,,Akoe moesti bitjara apa?" kata Ing-kioe dengen ketawa dan sorot matanja saben-saben dilepasken psda The Roos of the golden East jang berdiri disebrangnja bersama satoe anak lela'ki berdiri disam-pingnja.
Achirnja Ing^kioe moesti bitjara djoega. Pertama ia menoetoerken tentang keada'an di Shanghai dengerv pranakan Tionghoa jang mengoembara dan tjari penghidoepannja di sana, kamoedian ia menjeritaken keada'annja Chiao Tung University dengen iapoenja organisatie dan rentjana pladjaran jang teratoer beres dan menjoeroepin sama proioahan djaman. la bilang midrasa-midrasa di Tiongkok sänget jakinken cultuur, bahasa dan nationalisme Tionghoa kendati diseblahnja ada diadjar cultuur dan bahasa asing, la kasi oendjoek harganja bahasa Tionghoa boeat doenia seperti pernah diakoeh oleh Prof. Schlegel, saorang blanda achii dari bahasa Tionghoa. Oepama boeat ethnographie atawa pengatahoean tentang bangsa-bangsa, tentang ber-bagi-bagi hikajat orang bisa dapet banjak katerangan dari boekoe-boekoe Tionghoa. Dan itoe kapentingan bahasa Tionghoa oentoek segala pengatahoean ada lebih ternjata 'koetika Markies d'hlervey de St. Denys salin bagian tentang bangsa-bangsa asing dari Ma Toan Lin poenja Encyclopaedie. Lebih djaoe Ing-kioe mengoendjoek boeat hikajatnja ilmoe bintang (astro
nomie) soember Tionghoa bisa briken katerangan-'ka-terangan jang menarik. Djoega boeat ilmoe obat-obatan, ilmoe Kunst, literatuur, psychologie, philo
sophie dan muziek, enz. enz. bahasa Tionghoa poeri bisa kasi materiaal jang begitoe poenja berharga hingga aken bikin kaja pengataoean doenia boekan
114
sedikit. „Maka kita moesti menjesel kaioe kita-orang Tionghoa disini tida soeka jakinken bahasa Tionghoa sebagimana nnoestinja," Ing-kioe berkata sebagi pe-noetoep dari iapoenja pembitjara'an jang tida officieel tapi tjoe'koep menarik pada pendenger.
Soeara tepok soerak kadengeran rame sekali The Roos of the golden East poen ikoet ketarik.
Sebab diminta bitjara lagi satoe kali Ing-kioe ke-paksa tida bisa menolak. Ini-kali ia ambil soeal tentang ,,Prempoean dan Sport". Sebagi permoelahan ia kata bahoea badan jang sehat tida bisa dateng sendiri de
ngen orang zonder maoe djaga kasehatan. Sport jang enteng oepama: djalan-djalan atawa bikin gerakan badan ditempat terboeka pada tempo-tempo jang tentoe; sport bernang, djaga soeal makanan, djaga segala karesfkan dimana roemah jang ditinggalin teri-toeng djoega soeal pakean. Pakean kendati oepama tembelan asal ditjoetji bersi dan tida terlaloe pas de
ngen badannja ada lebih baek dari pada jang mahal tapi 'kotor dan potongan sengadja dibikin sesek soe-paia 'kliatan manis dan denok (sampe disini banjak orang ketawa dan mesem, teritoeng djoega The Roos of the golden East ) pada hal itoe tjara ada sänget berbahaja pada pakerdja'annja oerat-oerat ketiil dalem sekoedjoer badan. Boeat ja'kinken ka
sehatan badan orang tida haroes bitjara moesti ada poenja banja'k oewang; asal sadja maoe moesti dapet
•djaian, apa-lagi kita poenja perkoempoelan-perkoem-poelan kaoem moeda ini waktoe, dengen marika poe
nja matjem-matjem afdeeling sport ada briken kasem-petan pada semoea ledennja boeat toeroet ambil bagian dengen tjoema kaloear sedikit oewang. Tjoema apa jang haroes diseselken adalah afdeeling sport ber
nang ada ditelantarken oleh kita poenja
perkoem-poelan-perkoempoelan itoe, pada hal Ini bagian sport ada sanget penting sekali, lebih penting dari jang lain. Dengen bernang orang bisa tarik kaoentoengan oentoek kasehatan badan, dan berbareng itoe, orang;
bisa toeloeng dirinja sendiri atawa menoeloeng lain orang jang kena bahaja dalem aer. Sport bernang ada satoe kafaedahan jang besar sekali, nnaka kaloe dalem oeroesan Sepak-raga. Tennis enz. enz., kita perloeken bikin competitie, kenapa kita oepama Hua Chiao-Tsing Nien Hui, Chung Hsioh dan Shiong Tih Hui, enz.
enz. selamanja belon pernah mengadaken competitie dalem sport bernang? Tapi kita djangan poetoes.
harepan, kita pertjaia lagi sedikit tempo kita poenja pemimpin-pemimpin moesti toedjoeken perhatiannja ka itoe djoeroesan, seperti djoega ada diperboeat oleh perkoempoelan-perkoempoelan pemoeda kita di Shanghai.
Kombali pada soeal kasehatan, Ing-kioe tjeritaken tentang dirinja saorang sobatnja di Shanghai, njonja.
Sun Kung Cho. Ini njonja soeda beroesia 38 taoen tapi kaliatannja masih begitoe moeda sekali, oepama masih bisa di itoeng dalem kalangan gadis-gadis dari oesia 20 taoen. Atas akoe poenja pertanjahan kenapa ia kliatan tinggal moeda, itoe madame mendjawab sambil ketawa: 'Akoe dapet ,,beli" .ini 'kamoedahan dengen mandi dipin'ggir laoet setiap minggoe satoe kali; akoe kaloear djalan-djalan :kaloe hawa oedara ada njaman; akoe lebih banjak makan sajoeran dan boeah-boeah boeat kawani akoe poenja nasi dari pada se
gala ikan dan daging; saben pagi akoe ambil tempo 10 menit boeat geraken badan, dan pakerdja'an dalem roemah jang enteng-enteng akoe biasa lakoehken sen
diri ikendati a'koe ada poenja boedjang. Tjoema be
gitoe ada akoe poenja ,,resia" kenapa akoe masih.
Iciiatan moeda maski akoe soeda ampir masoek oesia 40!
Satelah itoe pridato zonder officieel ditoetoep de
ngen memoeasken, orang pada menoedjoe ka itoe tempat pemandian dan tida lama kamoedian marika soeda tjemploengken dirinja dan memain diantara itoe aer jang bening. The Roos of the golden East tjoema :sebagi orang jang nnenonton sadja, ia tida toeroet mandi: tapi itoe anak lelaki tida maoe ketinggalan, ia toeroet menimbroeng dibagian jang tjitek.
Ing-kioe poenja tjara terdjoen dan bernang diatas aer ada sanget mengagoemken pada jang lain-lain.
•Lebih djaoe ia 'kasi demonstratie tjara bagimana moest! menoeloeng soeatoe korban jang dapet ka-tjilaka'an dalem aer.
Koetika ia naik boeat mengaso ia sampirin itoe anaK lelaki jang doedoek sedökoe dibawah poehoenan.
,,Apa kau tida mandi lagi?" Ing-kioe menanjah pada itoe anak.
„Tida, aernja dingin sekali," djawabnja. ,,Laginja akoe tida bisa bernang seperti kau."
Omong poenja omong achirnja Ing-kioe dapet taoe bahoea itoe prempoean, The Roos of the golden East, ada bernama Han Bien-nio
,,Djadi ia itoe ada kau poenja 'ntji?" Ing-kioe me-neges.
Itoe anak, Tik-swie, memanggoet: ,,la ada akoe poe
nja 'ntjl."
,,Di Malang kau tinggal straat mana?"
,,Di Boldystraat No. 4 A."
,,Kenapa 'kau poenja 'ntji tida toeroet mandi?" Ing-kioe tanjah poelah."
,,Akoe sendiri tida taoe kenapa, pada hal ia pande se'kali bernang kerna ampir saben minggoe ia pergi ka
tempat pemandian: tapi la tida begitoe pande seperti kau."
Ing-kioe mesem.
Lebih djaoe dari itoe anak Ing-kioe dapet ka-terangan bahoea Bien-nio i+oe ada soeka sekali sama sport, oepama tennis, swiming dan bikin pergerakan badan enz. enz. ; djadi tambah tjotjok dengen ia sen
diri poenja angen-angen
Ing-kioe kamoedian sampirin Bien-nio, The Roos of the golden East.
,,Selagi sang aer sänget sedjoet, dan selagi hawa dibawah ada sänget panas, kenapa kau tida toeroet mandi?" Ing-kioe berkata pada Bien-nio dengen sikep-nja jang sopan.
,,Oh, trima kasi," djawabnja. ,,Selainnja akoe tida membawa bad-costuum, djoega akoe merasa lebih seneng tjoema mendjadi orang jang menonton."
Ing-kioe tida merpaksa, tapi ia soeda boleh merasa poeas dengen itoe djawaban jang aloes, empoek dan
merdoe.
I
NG-KIOE bri taoeken pada iboenja jang sekarang ia soeda dapetken lapoenja pilihan, dan ia minta pada itoe orang toea boeat iantas madjoeken lannaran.Iboenja tentoe sekali merasa girang jang poetranja sekarang soeda mikirin ,,beroemah-tangga".
Begitoelah, sasoedanja liwat setengah boelan sedari itoe conferentie, Malang, itoe kota jang manis, telah dapet 'koendjoengannja satoe Cadillac model Sedan dengen Ing-kioe dan iboenja. sebagi penoempangnja.
Boldystraat 4 A tida soesa ditjarinja, tapi Ing-kioe sedikit heran kerna itoe nameboard boekan dari she Han tapi tertoelis nama Tan Boen-gie. Kendati be-gitoe Ing-kioe brentiken djoega autonja disitoe dan adjak iboenja toeroen. lapoenja kaheranan itoe tida lama kerna dari dalem ada kaloear menjamboet satoe prempoean toea, dan satoe prempoean moeda, jang blakangan ini ada hian Bien-nio sendiri.
Ing-kioe disilahken doedoek diserambi moeka d i ngen dikawani oleh Tik-swie, itoe anak ketjil. Iboenja doedoek diroewangan dalem bersama itoe njonja toea, sedeng Bien-nio sendiri pergi-ka dapoer boeat sedoe thee.
,,Ade ini dari mana?" tanjah njonja roemah.
,,Saia dari Semarang. Saia poenja kadatengan ini aken beremboek oeroesan familie, 'ntji, njonja Soen-in mendjawab.
Kita poenja njonja roeman kiiatan sedikit heran.
,,Tatji poenja anak ada brapa semoeanja?" Njonja Soen-in berkata poeiah.
,,Tjoema satoe tadi, ade, dan ajahnja soeda me
ninggal sedari 15 taoen berselang."
Sasoedanja mengobrol lain-lain poelah, itoe pem-bitjara'an lantas sampe pada njonja Soen-in poenja pertanjahan tentang Bien-nio poenja shio dan oemoer.
Kita poenja njonja roemah djadi semingkin heran, tapi ia mendjawab djoega:
,,Kaioe tida salah ia sekarang beroemoer 33, shio Goe "
Njonja Soen-in terkedjoet; ,,Saia tanjah 'tjoe Bien-nio," ia meneges, ia kwatir orang salah denger.
,,Saia tida poenja lain anak, selainnja Bien-nio, ia sekarang beroesia 33," itoe njonja roemah menerang-ken lagi dengen perasahan heran.
Njonja Soen-in djadi ^kliatan bingoeng sekali, ia tinggal kesima sampe bebrapa sa'at lamanja. 33 Taoen! Masa boeat istrinja Ing-kioe jang baroe oemoer 27 moesti dapet istri oemoer 33? !
la djadi sanget djengkel dan serba salah
Selagi ia dalem keada'an begitoe, Ing-kioe diioear poen lantas dibikin bingoeng oleh katerangannja itoe
Selagi ia dalem keada'an begitoe, Ing-kioe diioear poen lantas dibikin bingoeng oleh katerangannja itoe