Hawa oedara djadi semingkin dingin; saldjoe toeroen bertamba tebel.
Oleh kerna belon dapet bala-bantoean dari Muk
den, maka laskar Japan jang kemaren dikatjar oleh tentaranja Han-tiong, djadi tida brani toendjoekin ka-tengikannja poela. Dengen sebisa-bisanja marika maoe belaken Kowpangtze dan itoe 4 bonnbing planes dari hari 'kemaren, poen tida brentinja bergantian moeter-moeteran di atasnja kota terseboet; selaloe bersedia boeat rintangin seswatoe serangannja Han-tiong.
Lantaran begini Commander kita djadi tida ada taksiran boeat reboet Kowpangtze. *
Begitoelah, dengen harepan barangkali nanti bisa dapet kawan-sariket di bilangannja Mukden jang me
mang sedeng kebandjiran barisan-barisan Volunteers dari berbagi-bagi tempat, Han-tiong lantes madjoe-ken tentaranja ka djoeroesan itoe kota.
Lantaran fihak moesoe misti petjah tenaganja di berbagi-bagi tempat, teroetama di medan perang tapel-wates Korea dima-na marika misti ladenin pa-soekan-pasoekan Tionghoa-Korea betoel-betoel, ba-risannja Han-tiong d'jadi dapet kemadjoean pesat.
ÏOO
T J E R I T A R O M A N
Mata-hari jang dari pagi hanja penfjarken tjahjanja dengen sanget goerem, soeda berada dl sebelah Barat.
Tiba-tiba dari djoeroesan Oe+ara ada kilatan apa-apa jang bergerak-gerak dengan pesat.
Han-tiong angkat kykernja.
,,Cavalry moesoe," kata Connmander Suma pada Yen Hsiang. ,,Prentah orang-orang kita boeat ber
sedia!"
Di laen flhak poen moesoe dapet liat pasoekannja Han-tiong. Dengen pedang terhoenoes nnarika nne-njamperin semingkin deket.
Han-tiong antepin sadja marika madjoe, tapi se-begitoe lekas itoe barisan-koeda hanja terpisa 60 yards dari pasoekannja, ia lantes kloearken prentah boeat membabat.
Sebagi penjaoetan, machineguns, bombardiers dan laen-laen sendjata Tionghoa lantes menderoe-deroe
Moesoe poenja bebrapa poeloe koeda djadi kaget dan angkat kaki-depannja sambi! kloearken swara-swara a'neh boeat kemoedian roeboeh bersama-sama penoenggang-penoenggangnja. Tapi lapisan-lapisan jang berada di blakang mengangsek teroes seraja me-njambit dengen handgranaat
Sebagi oepah dari ini kebranian, kombali bebrapa poeloe manoesia dan binatang mendjadi korbannja sendjata Tionghoa. Cavalry Kate djadi nekat betoel-betoel. Zonder kenal bahaja mampoes, marika lantes 'kaboerken masing-masing poenja koeda boeat ter-terdjang barisannja Han-tiong.
Kombali machineguns Tionghoa dapet ,,makanan"' enak dan babat moesoe sepoeas-poeasnja. 300 ca
valeristen Kate soeda pada menggletak, tapi
restant-„ N A G A P O E T I ! " 101
nja Jang sesoenggoenja djadi kaiap betoel-betoel, telah bisa masoek di barisannja Han-tiong.
Sekarang machineguns dan bombardiers tida bisa digoenaken lagi. Dengen tida kalah nekatnja, tentara Tionghoa lantes samboet serangannja moesoe. Jang di'intjer betoel^ adalah kaki-kaki 'koedanja si Kate, hingga lantaran begini dalem sekedjeban sadja itoe se
rangan bisa dlpetjahken!
Cavalry moesoe jang terdiri dari 500 koeda dan manoesia, seanteronja moesna di itoe medan perang!
Dalem ini pertempoeran Han-tiong dapet keroegian 69 djiwa.
Tiba-tiba bebrapa soidadoe hadepken tiga orang jang masi terbebet di atas koeda, pada Han-tiong.
„Commander," kata satoe soidadoe. ,,Kita ke-temoeken marika dalem keada'an begini di moesoe poenja garisan blakang. Di sana masi ada banjak orang
jang d'bebet, tapi semoeanja soeda binasa."
Han-tiong awasin itoe ketiga orang jang ternjata ada moesoe poenja tawanan. Tiba-tiba ia berseroeh:
,,Johnny! Kway Shun dan kau, Chuan! ?"
Ternjata itoe ketiga orang-tawanan ada kita poenja sobat-sobat lama jang pada maleman dari dd. 23 October '32 bersma-sama pasoekannja Commanders Tang Chu Wu, Chang Tin Kow dan Feng Chan Hai telah moendoer ka Charaertze di Jehol Oetara.
,,Hsiang, ini ada itoe ketiga orang jang akoe sering seboet-seboet di hadepanmoe!" memperkenalkan Han-tiong seraja boeka tali-iketannja Johnny Lee, Kway Shun dan Sao Chuan.
Yen Hsiang tida sempet menjaoet, kerna ia poen sedeng repot bantoe boekaken iketannja itoe ketiga kawan-baroe.
,,Akoe membilang banjak trima kasi atas kau
ber-102
T J E R I T A R O M A N
doea poenja pertoeloengan," kata Kway Shun dengen paras beroba merah. ,,Sekarang, slamet tinggal. Akoe maloe betoei atas tertangkepnja dir'koe!"
Berbareng ia reboet sala-satoe soldadoe poenja pedang dan bersedia boeat boenoe diri
Han-tiong dan Yen Hsiang djadi kaget. Boeroe-boeroe marika rampas itoe sendjata tadjem.
,,Sabar, Shun," memboedjoek Han-tiong. „Kenapa kau begitoe bodo maoe boenoe diri sendiri? Disana toch masi ada banjak iehernja bangsa Kate jang kau bisa gorok?"
,,Akoe maloe! Akoe maloe!" berseroeh Kway Shun dengen kalap.
,,Djika kau maloe, soedara — baleslah moesoe jang telah briken kau itoe hina'an!" menjeletoek Yen Hsiang.
Sao Chuan dan Johnny Lee jang berprangi sedikit lebih sabar, poen membenerken perkata'annia Yen Hs'ang.
,,Kau-orang betoe!, achirnja Kway Shun berkata.
,,Akoe soempa boeat bikin pembalesan!"
Atas perminta annja Han-tiong, kemoedian Sao Chuan lantes toetoerken bagimana ia dan sekalian volunteersnja itoe ketiga Commanders telah moendoer dari Liaotung ka Charaertze dan selajndjoetnja serang seswatoe barisan Japan jang diketemoe'ken.
,,Pada dd. 3 November jbi. kita-orang telah serang Taonanfu," meneroesken* Sao Chuan. ,,Selagi kita asik tembakin moesoe dari lobang perlindoengan, tiba-tiba satoe granaat gempoer kita-orang poenja trench (lobang perlindoengan) dan selandjoetnja akoe tida taoe apa jang telah terdjadi. Tatkala akoe inget poela, 'koe liat Johnny dan Kv/ay Shun brikoet laen-laen volunteers poen berada di deketkoe, tapi semoeanja
„ N A G A P O E T I ! "
103teriket seperti djoega akoe. Doea hari lamanja 'kita-orang disekep dan kemoedian, setelah kenjang diten
dang pergi-dateng o!eh itoe bangsat-bangsat Kontet, kita dibawa ka djoeroesannja Mukden, setaoe maoe diapa'in. Akoe sakit hati betoel-beto^l pada moesoe, Chung, hlarep kau soeka kasi kans boeat kita bikin pembalasan!"
,,Pasti, Chuan! Itoe 'kau-orang troesa minta lagi!"
kata Han-tiong dengen goembira.
Kemoedian marika bikin permoefaketan. Yen hisiang jang baroe kenal ia-orang disitoe, dengen lantes djadi menaro sympathie pada itoe ketiga kawan baroe.
S
AMENTARA itoe hari soeda terganti oleh malem.Djam 5 pagi di ke'esokan harinja, Han-tiong sigra gerakin poela iapoenja restant tentara jang hanja ber-djoemblah 1500 djiwa.
Di tengah perdjalanan marika berpapasan dengen bebrapa rombongan anak-negri jang ingin melarikan diri. Atas perminta'annja Han-tiong, sala-satoe antara itoe orng-orang pelarian lantes toetoerkan:
,,Kita-orang ada pendoedoek desa-desa Pingtiang-san, Chien-chingpao, dan Litsekou, terletak kira-kira 16 miles di sebelah Oetaranja kota Fushun. Lantaran moasoe sakit hati "pada barisan Volunteers jang sedeng lawan marika dangen nekat, satoe datachtement Ja
pan telah gledah-gledahin kita-orang poenja roemah-roemah. Setelah tida bisa dapetken hasil jang di'ingin,
jalah tjari volunteers jang didoega ada semboeni di roemah-roemah kita^ moesoe lantes tangkep-tangkapin semoea pendoedoek ketiga desa terseboet dan ke
moedian d'ikoeboer hidoep-hidoep atawa ditembak mati Anak-ana'k ketjil ditoesoak-toesoakin sama bayonet boeat kemoedian dibakar seperti sate!
Kita-104 TJERITAROMAN
oarng telah broentoeng bisa melariken diri. Harep Thay-ya soeka menoeloeng "
,iH m. Soenggoe boeas, ' kata Han-tiong. ,,Djangan kwatir, kita-orang aken madjoe ka sana!"
Begitoelah dengen spoed Connmander kita lantes madjoeken poela tentaranja.
Satoe hari kemoedian nnarika sampe lampingannja boekit Takutchan dan lantaran spion kabarken bahoea di sebelah depan ada mengandang kira-kira 3000 laskar moesoe, maka boeroe-boeroe Han-tiong lantes kloearken prentah boeat doedoek'n itoe boekit jang ternjata ada strategie.
Baroe sadja segala kaperloean goena nnenangkis rapi dikerdjaken, atawa laskar Japan soeda moelai bikin penjerangan.
Bermoela moesoe tembakin kedoedoekannja pa-soekan Tionghoa dengen meriam-meriam besar.
Han-tiong poenja artillery sigra samboet, tapi de
ngen wiskundige-berekening jang teliti betoel, kerna marika misti beriakoe himat, kaloe sadja tida maoe keabi san peioeroe siang-siang.
Sebaliknja Kateto Japan ada maen ..rojalin" sadja ia-orang poenja peloeroe-peloeroe, hingga sebagian besar tembakan-tembakan marika tida membri hasil jang di'ingin.
Artillery-duel soeda berdjalan 6 djam lebih, tapi belon djoega kliatan siapa jang bakal menang atawa kalah.
Moesoe djadi ilang sabar. Tembakannja marika poe
nja meriam-meriam lantes digentjerin dan berbareng 500 infantry Japan mendeketin lobang perlindoengan Tionghoa.
Han-tiong antepin sadja, tapi sebegitoe lekas moe
soe dateng sampe tjoekoep dekat, prentah boeat
„ N A G A P O E T I ! "
105..menjapoe" ia lantes kloearken.
Swara gemoeroehnja roepa-roepa sendjata-api djadi rioeh betoel-betoel. Sebagian besar dari itoe 500 las
kar Kontet sigra merinti-rin+i, mengglisa'an dan mampoes oleh kerna keianggar peloeroe machine-gunners Tionghoa.
Meliat bahoea marika poenja serangan telah gaga!, moesoe djadi sanget penasaran. Dengen terlindoeng oleh tembakan-tembakan meriam Jang gentjer, kombali 700 infantry Japan laen mendesek sambil menjambit sama handgranaat.
Berbareng tiga bombing planes moesoe menda-tengin dan bantoe serang kedoedoe'kannja balatentara Tionghoa.
Han-tiong poenja toekang-toekang tembak pesawat-oedara tida djadi goegoep. Boeroe-boeroe marika toe-djoeken bebrapa meriam ka atas dan tembakin itoe ketiga bombing planes jang lagi asik oedjanken bom-men pada artillery Tionghoa.
Lantaran dapet ini rintangan, itoe ketiga pesawat moesoe lantes terbang lebih tinggi, hingga bommen jang marika diatoken djadi tida begitoe djitoe ker-djanja.
Samentara itoe trench mortars Tionghoa sedeng asik babat-babatin infantry moesoe jang mengangsek sam
bil menjambit sama grenade. Tiba-tiba doea machine-gunners Tionghoa kenà keianggar handgranaat dan binasa disitoe dioega.
Johnny Lee berdoea Kway Shun dapet liat ini dan lantaran marika memang soeda mengarti bagimana moesti goenaken itoe matjem sendjata, maka boeroe-boeroe ia-orang lantes ,,talangin" kewadjibannja itoe kedoea korban. Dengan gemes Johnny ,,sapoe" infan
try moesoe jang sedeng menjerang. Kway Shun
se-106
T J E R I T A R O M A N
laloe sediaken rentjengan^ peloeroe baroe dan tangannja djadi ,,gafel . Sambil bantoe'in Johnny, ia lantes tjetjer seswatoe moesoe jang nongol sama ia-poenja parabellum
Seantero medan perang djadi „sarat" dengen mait-[^9'+ Lapangan Jang tadinja poeti-meletak oleh kerna katoetoepan saldjoe, djadi beroba merah lan
taran dara
Artillery-duel masi dilakoeken teroes Saling sambit sama handgranaat djadi bertamba gentjer.
Samentara itoe saia-satoe pesawat moesoe kenè ketembak sajapnja dan dengen limboeng 'kemoedian mengilang dari pemandangan
Achirnja, oleh kerna tida tahan serangannja machineguns dan trench mortars Tionghoa, itoe 700 infantry moesoe jang sebagian besar soeda moesna, ditarik moendoer.
Di laen tihak, poen Han-tiong dapet keroegian besar, jalah 439 djiwa binasa d'an bebrapa poeloe orang terloeka heibat. 3 meriam pagoenoengan moesna sama sekali oleh kerna kenà dibom moesoe.
S
AMENTARA itoe hari soeda djadi malemDi ke'esokan harinja perrempoeran dilandjoetken dan begitoelah seteroesnja. Maskipoen dalem segala apa serba kakoerangan, toch Han-tiong telah bisa pe
gang tegoen iapoenja kedoedoekan sampe ampir sa-toe boelan, meloeloe lantaran isa-toe tempat ada sanget strategie.
Pada swatoe hari Commander kita trima warta atas terpoekoel moendoernja barisan-barisan Tionghoa dari medan perang tapel-wates Korea. Kwatir bahoea ia
poenja sisa tentara nanti aken kenà dipengaroeken oleh itoe kabaran djelek, Han-tiong lantes goembiraken
„ N A G A P O E T I ! "
107marika dengen roepa-roepa perkata'an Patriotic.
..Dlsini tida ada soeal moendoer boeat kita!" Han-tiong berseroe pada tentaranja, selagi oedjan saldjoe toeroen lebih lebat. ,,Kaloe kita moesti mati, 'kita moesti mati ditempat mana kita bertempoer!"
i.Kita aken binasa bersama-sama, Commander!"
berseroeh itoe sekalian soldadoe dengen berbareng.
Kombaii bebrapa hari telah liwat.
Han-Tiong djadi bingoeng, kerna boekan sadja ia-poenja tentara sebagian besar soeda pada binasa, poen munutie dan barang makanan Jang lebih dari separonja termoesna oleh bommen moesoe, hanja b'sa menahan bebrapa hari lagi sadja
Dalem kekalapannja ia sigra bi-kin perhoeboengan radio dengen Chengte (Jehol), tapi balesan jang di-trima boenjinja hanja begini:
,,Kita tida kenal kau-orang stop tida bisa kirim ban-toean stop".
Han-tiong, Yen hisiang, Johnny Lee, Kway Shun dan Sao Chuan lantes bikin permoefaketan. Diambil poe-toesan boeat belaken itoe boekit sampe di sa'at jang paling achir
Itoe waktoe soeda boentoet December '32.
Antara lebetnja oedjan saldjoe, meri^am-meriam Tionghoa moentjratken pel'oeroe-peloeroe jang penga-bisan Artillery-duel berdjalan boeat bebrapa djam lamanja, tapi kemoedian djadi sirep sendirinja.
Lantaran soeda terlaloe sering dapet katjaran hei-bat, fihai Japan djadi tida brani sembarangan lakoe-ken offensief. Sebegitoe lekas sendjata Tionghoa sirep, marika poen diam sadja.
Hawa oedara djadi sanget dingin — 40 graad di-bawah nul! ! Saldjoe berhamboeran kesana-sini
ICS
T J E R I T A R O M A N
Dengen senapan di tangan dan sambil berloe+oet di samping masing-masing poenja machineguns, ten-taranja Han-tiong jang hanja ketinggalan 380 djiwa, menoenggoe'in serangannja moesoe
Hari soeda djadi semingkin petang
Zonder terasa lagi itoe sekalian Patriotten sigra menjanji — dirameken dengen satoe harmonica.
Antara itoe kesoenjian jang senjap betoel-betoel, ber-koemendang seroepa lagoe, satoe lagoe dari slamet tinggal
1 3 5. 5 5 6. 5. 3 1 Farewell my beloved Fatherland
6. 5. 4 4. 5. 3 . . . Dear Fatherland farewell
(Slamet t i n g g a l Tana-Aerkoe jang kekasih, Tanah-Aerkoe jang t e r t j i n t a slamet t i n g g a l .
S E L I N A : satoe karangan Romance, disediaken oentoek Tjerita Roman l a i n b o e l a n ; antara lain-lain a d a meloekisken:
,,Saia aken menoeroet sadja a p a kau poenja maoe, nko I n g , " kata nona Frida, ,,Saia t a o e bahoea kabroen-t o e n g a n d a l e m perkawinan, adalah kabroen-t e r g a n kabroen-t o e n g kikabroen-ta sa
l i n g mengala. Saia maoe t j o b a b o e a t m e n d j a d i kau poenja istri jang ber h a r ga, dengen selaloe ikoetin kau poenja maoe d a n sedikit perminta'an d a r i saia sendiri.
Saia n a n t i t j o b a b o e a t d a p e t t a o e kau poenja angan-angan, d a n saia n a n t i i m b a n g i n angan-angan i t o e . "
H AWA
oedara djadi terlaloe dingin, saldjoe toe-roennja bertamba lebetAntara kegelapannja sang malern, kliatan Han-tiong berkennik-kennik. Boleh djadi dalem pi^kirannja ia sedeng berkata-kata dengen Lee-tjoe Poen Johnny dan Yen Hsiang berboeat begitoe
Di ke'esokan sorenja.
Maskipoen itoe waktoe baroe djam 4, toch keada'an ada sänget goerem, kerna mata-hari sedari pagi tida moentjoel
Atas boengkemnja sendjata-sendjata Tionghoa S e
antero hari, laskar Japan djadi heran.
Di bawah pimpinannja Major Y. Okada, serom
bongan moesoe sigra merajap ka lobang perlindoe-ngan Tionghoa deperlindoe-ngan sanget hati-hati Achir-nja mari'ka sampe di tempat jang ditoedjoei dan Major Okada lantes koetjoerken aer-mata saking ter-haroenja
hlan-tiong dan laen-laen kawannja jang berdjoem-blah 380 djiwa, kedapetan soeda kakoe , binasa
T J E R I T A R O M A N
lantaran kadinginan serta kaoeroek saldjoe, tapi se-moeanja masi memegang snapan atawa masih ber-ioetoet di samping masing-masing poenja machine-guns! 1
„Men, ' kata Major Y. Okada di hadepan iapoenja laskar. ,,lni ada satoe toeladan bagoes boeat kau
erang! Marilah kita berseroeh: ,,Slametlah bagi Rohnia ini sekalian ,,NASA POETI!" ! !"
Zonder memandang pada permoesoe'an, laskar Ja
pan lantes oelangken itoe seroehan berkali-kali.
Setelah membri salute boeat kedoea kalinja, Major Okada lantes kloearken prentah boeat gledah itoe sekalian mait.
Dari Han-tiong poenja kantong diketemoeken satoe soerat jang diadresken pada So Toan-goan di Ban
doeng. Soerat itoe hanja mengandoeng perkata'an-perkata'an slamet-tinggal dan antaranja Han-tiong minta sang soedara-angikat toeloeng tjari Na Lee-tjoe serta sampeken iapoenja doa-slamet (Soerat terseboet kamoedian dikirim ka Java oleh Major Okadaj
Koetika semoea sendjata Tionghoa soeda dirampas, boeat pengabisan kalinja Major Okada prenta iapoe
nja laskar membri salute pada itoe sekalian ,,Naga Poeti!" dan berbareng tiga salvo's dilepas!
Hari Djoemahat dd. 27 Januari 1933, di lembaran ka-satoe dengen dibrikoetin gambar. Sin Po telah toelis:
,,Setia sampe djadi bekoe 380 soldadoe Tionghoa soengkan tinggalken garisan pembela'annja sampe se
moea binasa dengen senapan masi di tangan atawa masi berloetoet di samping meriam-masin! Nama-nama dari marika kita tida taoe, tapi perboeatan gaga dari ini ,,onbekende soldaten" aken tida diloepaken
selama-„ N A G A P O E T I ! "
I l llamanja oleh orang Tionghoa."
Koetika kemoedian itoe warta sampe di koeping ajahnja Yen Hsiang, sebaliknja dari bersedih, orang-toea ini telah bikin sedikit pesta boeat kahormatannja sang poetra brikoet sekalian kawannja.
TAMAT
HARGA TIERDEN BANJAK:
Doeloe f 2,60. SEKARANG 2 . - per POEHOENl Kenapa ? SEBAB kita aken djoeal abis stock lama Katerangan: gambar A matjemnja bibit jang kita sedia.
B, dipotongin tjabang dan daonnja. C, bibit diboengkoes, sedia boeat dikirim. Ini atoeran didapetken oleh pengatahoean baroe dalem pertanian ; ditanggoeng hidoep. Djika pesen sedikitnja 6 poehoen, dan kirim oewang lebih doeloe, trima franco.
BIBITHANDEL „T O S A R I"
P A S O E R O E A N .