Doea tahon telah berlaloeh dengen tjepet sekali.
Dalem itoe sekoia nama ,,Si Dogol" soeda diloepaken sama sekali dan tida pernah diseboet-seboet lagi.
Sampe pada satoe hari, orang liat ,,Si Dogol" doe-doek di bankoe di antara ia poenja kawan-kawan jang doeloe boeat bikin eind-examen. Semoea mata di-intjerken padanja, teroetama dari marika jang doeloe ada membentji padanja. Moerid-moerid jang doeloean l'elah djadi sobatnja jang boeat samentara waktoe ba
cken blakang, itoe waktoe merasa heran, begimana i.Si Dogol" mempoenjai itoe kebranian boeat toeroet ärnbil bagian dalem oedjian, tapi goeroe-goeroe ito&
sekoia mengarti betoel, jang ,,Si Dogol" tida nanti poelang dengen tangan kosong.
Di loear banjak orang poenja doega'an Hok telah
56 TJERITA ROMAN
loeloes dengen angka-angka tinggi, tapi maski begitoe ia tida djadi bangga. Di itoe sore djoega, sesoedah-nja dapat kabar, bahoea ia loeloes, dengen lantes ia koendjoengin itoe bebrapa goeroe jang telah mem
bantoe ia dapctken itoe hasil jang bagoes, pada siapa la hatoerken trima kasi beroelang-oelang.
Bebrapa hari kamoedian ia poenja nama terdapet dalem soerat kabar, la poenja chef jang batja itoe
na-ma, dengen memaen menanja, apa brangkali itoe Tjan Wie Hok, jang terdapet di itoe soerat kabar, ada la poenja nama.
Itoe madjikan djadi bengong waktoe Hok mang-goet sambil bersenjoem.
,,Ach kaoe memaen." kata ia.
,,Tida, toean, akoe tida memaen. Betoel bebrapa hari berselang akoe toeroet bikin eind-examen H. B. S.
Kaoe tentoe inget akoe ada minta verlof bebrapa hari dan kaoe idzinken. Akoe loeloes dan diplomanja dji-kaloe kaoe soeka, akoe nanti bawa dan kasi liat pada kaoe."
,,Inilah soenggoe mengheranken," kata itoe orang Europa. ,,Doeloe kaoe bilang, kaoe tjoema sekola ti
ga tahon dalem itoe sekola."
,,Bener, tapÏ blakangsn, sesoedahnja akoe bekerdja di sini, di waktoe sore dan malem akoe berladjar lebih djaoeh dan dengen berhasil."
,,Akoe kasi slamet pada kaoe, Hok; akoe girang kaoe djadi akoe poenja penggawe. Tapi sekarang, sesoedahnja mempoenjai itoe diploma, kaoe hendak bekerdja apa?"
,,Djikaloe bisa, akoe ingin teroes berladjar djadi ingenieur boeat oeroesan masin-masin. Tapi tida bisa, kerna akoe moesti tjan pengidoepan goena dirikoe dan iboekoe djoega."
GANDJARAN JANS PANTES 57
,,Ja memang ada soesah djikaloe kaoe poenja ke-ada'an begitoe."
Mendadak Hok dapet satoe pikiran.
,,Toean," begitoe ia berkata, ,,akoe minta kaoe soeka bilang teroes terang. Apakah akoe poenja paker-dja'an di sini ada menjenangken pada kaoe dan ada membawa djoega kaoentoengan boeat ini peroesa-han?"
Itoe orang Europa tertawa.
,,Apa kaoe poenja gadjih belon tjoekoep besar?
Kaoe toch soeda dapet doearatoes lima poeloeh ini waktoe?"
,,Akoe boekan bermaksoed minta tambah gadjih, tapi akoe mape tanja, apakah kaoe kira akoe poenja kainginan bisa terkaboel. Akoe ingin teroesken pla-djarankoe, tapi di waktoe sore akoe bekerdja teroes di sini."
,,Kaoe betoel mempoenjai angen-angeh jang besar sekali, jang akoe moesti poedji." kata ia poe
nja madjikan. ,,Tapi pertama kaoe moesti inget kepen-tingannja ini toko; kadoea kaoe haroes inget djoega bahoea pladjaran dalem sekola tinggi ada berat, hing
ga tjoema sedikit orang sadja jang bisa goenaken se
bagian temponja boeat laen pakerdja'an."
,,Trima kasi boeat kaoe poenja nasehat," kata Hok, ..memang djoega pladjaran ada berat, tapi akoe maoe tjoba. Djikaloe kaoe tida merasa kaberatan kasilah akoe berladjar tiga boelan, sebagi pertjoba'an, de-ngen perdjandjian seperti jang akoe bilang baroesan."
,,Dalem ini perkara akoe tida bisa ambil poetoesan,
^'api lagi bebrapa hari akoe aken kasi kabar pada kaoe."
Den gen penoeh pengharepan di itoe sore Hok poe-'ang ka roemahnja, di mana ia lantes bitjaraken ia
58 TJERITA ROMAN
poenja maksoed-maksoed dengen iboenja. la poenja iboe, jang soeda nnellat, bahoea itoe poetra ada sä
nget radjin dan djoega ia poenja maksoed-maksoed jang soeda-soeda ternjata ada baak dan terkaboel, +ida maoe mengalangin i+oe kemaoean, hanja pasrah sadja pada sang poetra poenja pikiran sendiri. ^
Begitoelah adanja pikiran dari saorang toewa jang berpikiran loeas. Satoe iboe jang menjinta pada poe
tranja dengen sagenap hati, seperti iboenja Hok, bi-sa meliat dan menimbang kamaoean dan kepentingan-nja itoe anak sendiri. Waktoe Hok belon dapet paker-dja'an jang pantes, hingga ia moesti hidoep dalem kamelaratan besar, toch ia tida djadi ketjil hati, ha
nja toeroetin kainginannja itoe poetra, kerna itoe ka-inginan boekan boeat perkara jang tida senoenoeh, tapi ternjata membawa ka kemadjoean.
Sekarang ia poenja keada an soeda djaoeh lebih baek, djikaloe dibandingken dengen doea tiga tahon jang laloeh. Dalem keada'an begitoe boeat ia sama sekali tida ada kaberatan boeat loeloesken kainginan
nja Hok boeat berladjar lebih djaoeh, apapoela dji
kaloe berbareng dengen itoe ia masi bisa mentjari pengasilan jang tjoekoep boeat digoenaken boeat pe-ngidoepan jang saderhana.
Djoestroe sedeng marika beroending, satoe peng-gawenja entjek Tiong Bie dateng dan kasi taoe, bahoea entjek Tiong Bie oendang Hok dan iboenja boeat dateng di roemahnja itoe soedagar di waktoe sore djam toedjoeh.
Apa perloenja marika poenja kedatengan di sana, itoelah tida ditjeritaken pada marika berdoea, tapi itoe orang bilang, marika poenja kedatengan tjoema ada berhoeboeng dengen satoe kagirangan.
Ini katerangan jang sebetoeinja boekan satoe