ALmachtich Godt
*
Eze.18,23 ende 32. Des*
sondaers doots doorstralen
Begeert ghy niet, maer dat hy omme went En leue sonder ent
Tghenadich lot
Laet Heere op my dalen
Want de sonden brengende in sdoots torment Sijn my altijts ontrent
Ia Adams aert//heeft oyt beswaert My sondaer teere//vol van verseere
Vleesschelijck doorstraelt//lach ic verdwaelt Verureemt heel van v leere
Ick was bespiet
Van Sathan, maer O Heere
De sonden in mijnder ioncheyt gheschiet En wilt ghedencken niet.
Sondich doorwont Was tbegin van mijn leuen
†
Psa.51,7. Ia in†sonden heeft my, na schrifts vermaen
Mijn moedere ontfaen Dus onghesont
Had ick oock wel ghebleuen En hadde, O eewich vaderlijck graen V goetheyt niet ghedaen
Die my ghelaeft//heeft en begaeft Met v ghenade//beurijt vant tquade Want door mijn cracht//had ick geen macht Dan heel sondich van dade
Ick was als wiet
Dus roep ick vroech en spade De sonden in mijnder, &c. Ick meynde wel
Een recht Christen te zijne
Maer als ick my seluen sach openbaer In des Gheests spieghel claer
Aertsch boos en fel Buyten v woorts doctrijne
Heb ick my beuonden vol sonden swaer
*
Rom.8,5
*
Vleesschelijck ghesint eenpaer Duyster ghesticht//so was mijn licht
Mijn waerheyt oncrachtich//was logenachtich Mijn gherechticheyt//vol sonden planteyt Mijn leuen was de doot warachtich Vol van verdriet
Was ick, maar Heere Almachtich De sonden in mijnder, &c. Met Paulo naeckt
Mach ick oock wel ghewaghen
†
rom.7,18. Datter in mijn†vleesch, gheheel gheschoffiert
Niet goets en heeft ghelogiert Maer onuolmaeckt
Was ick oyt al mijn daghen
Leuende als een die niet van sonden viert Goddeloos ghemaniert
Sonder ghetal//so was ick al
Vol buylen, sweeren//quaet van affeeren Mijnen dienst die was afgoderie Schijn heylich int gheneeren Ick was als riet
Maer Heere na mijn begheeren De sonden in mijnder, &c. Mijn gout was schuym Mijn weyte was caf beuonden
Mijn ghebet was huyghelie int ghemeyn Voor out, ionck, groot en cleyn
Mijn wech was ruym
‡
2.Tes.2,3. Volghende‡
tkint der sonden Ia mijn waecken ende slapen certeyn Was altemale onreyn
Mijn woort en werck//was int aenmerck Vol quaets geresen//vleesch, bloet gepresen
Heb ick altoos//als sondaer boos Niet goets was in mijn wesen Heb ick nu yet
Dat is wt Godt, by desen
De sonden in mijnder ionckheyt, &c. Mijn cromme ganck
Was de wech der sondaren
†
Psalm.1,1 Ick†
sat op den stoel der spotters quaet Volghende der Godtlooser raet Vry ende vranck
Droech ick menighe Iaren
De baniere van tongherechtighe zaet Vol sondighe misdaet
Deerste ick was//int sot ghebras
Als spelen, dichten//vry sonder swichten Gheen omme sien//had ick in dien Oft yemant mochte ontstichten Tgoede ick verliet
†
Iaco.1,17 Maer O†Vader der lichten
De sonden in mijnder, &c. Ick sondaer groot
Tot een vreemt vleesch verboden Heb ick met luste, mijn herte ghekeert Daer in veriubileert
Hout, steen, wijn, broot En openbare Afgoden
Heb ick Godsdienstelijck gheadoreert En menich Iaer gheeert
Alle mijn doen//in elck saysoen Was onmanierich//aertsch en eergierich Sonder Godts gheest//leefdick onbeureest Stout, wilt, tot wraken vierich
Dat Schrift verbiet
Dedick, maer Godt goedertierich De sonden in mijnder, &c. Mijn sonden wijt
Houdick niet verborghen stille Maer belijdese voor v onuerflout Die herten en nieren aenschout
Den voorleden tijt Na der Heydenen wille
Heb ick ouerghebrocht, qualijck ghebout Op menschen werck betrout
Cluchtich verhael//pronckende prael Was int ghemeene//mijn lust alleene V Name O Godt//was my een spot V woort als fabel, acht ick cleene Swerelts bediet
Socht ick, maer Vader reene De sonden in mijnder, &c. Venus ghedient
Heb ick vry sonder mincken Musijcke, Rethorijcke, onvruchtbaer Lichtuerdich volghende naer Een Bacchus vrient
Was ick int droncken drincken Doende alle horribel sonden swaer Op Godts ghenade claer
Ia gheen so wreet//sonde ick weet Waer in ick schadich//niet was misdadich Gheheel besmet//des Duyuels let
Was ick in allen onghestadich Dus my begiet
Met sGheests water ghenadich En de sonden in mijnder, &c. Godtlijck Princier
Alle mijn ouertreden
Biddick doch dat ghy geensins en ghedinckt Maer v ghenade schinckt
Castijt my hier Na vaderlijcke zeden
En met bermherticheyt my ommerinckt So ghy Dauid ontfinckt
Blint ben ick och//verlicht my doch Want ongheloghen//hebt ghy tvermoghen Geen ander medecijn//mach my helpende zijn Om mijn sonden doen verdroghen
Met v ontfermighe ooghen
En mijn sonden hoe dat sy zijn gheschiet En wilt ghedencken niet.
§ Na de wijse: Sijt onbeureest, ghy Capiteynen meest.
BRoeders hebt doch moet
Al soectmen hier v bloet Te storten om Godts woort soet Al zijn wy hier gheacht sot en onuroet Ia getreden onder de voet
Al zijn de Godvreesende nu gheplaecht Vanden Godloosen onuersaecht Tsal haest veranderen ende omkeeren Want also de Wijseman ghewaecht
*
Sapi.5,1.
*
Sy sullen sien staen, die sy hebben veriaecht Met betrouwen by den Heere.
Dan sullen sy eest Van benautheyt des gheest Beuen en zijn beureest
Segghende, siet, die wy met swaer tempeest Hebben veruolcht meest
Nu staen sy by Godts kinderen ghetelt Die wy doodden met ghewelt
Ia achteden haer leuen raserye Dese zijn die wy hebben ghequelt En met nijde ter neder gheuelt Nu sietmense verblijen. Het blijckt voorwaer Dat wy weghen swaer Hebben ghewandelt, maer
Wy zijn ghedwaelt, vanden wech eenpaer
†
Sap.5,6.
†
De Sonne der gherechticheyt claer En is ons niet opghegaen
Wy zijn moe gheworden, hoort dit vermaen Inden wech der verdoemenissen
Dus sullen wy deewighe doot ontfaen En Gods blijschap missen.
Wat hebben ter noot
*
Sap.5,8.
*
Al ons rijckdommen groot Ghebaet inder doot
Want gelijc de pijl die een sterc schutter schoot Snel vliecht door de locht bloot
Ia subijter dan den roock vergaet So is al ons macht, eer ende staet Ghelijck een schaduwe vergaen Wy wtsinnighe menschen quaet Hebben gheuolcht des Duyuels raet Nu zijn wy met druck beuaen. Sulcke woorden fijn
Sullen op dat termijn Spreken die inder Hellen zijn Wy zijn vergaen snelder dan den Rijn Nu blijuen wy inder pijn
Maer die wy hielden voor dwase lien Moeten wy nu byden Heere sien
‡
mt.13,43. Als de‡Sonne staen blincken
Haer en can oock gheen droefheyt gheschien Want haer vianden heeft Godt doen vlien Niemant en machse crincken.
O opperste Princier Die de uwe hier
*
Sac.13,9 Sapi.3,6
*
Beproeuen wilt int vier
Als wy zijn benaut oft in eenich dangier Dan roepen wy tot v schier
En ghy helpt ons in corter tijt
Want ghy doet recht, die hier onrecht lijt Dus en vreest gheen tribuleren
Hy heeft ons ghestelt hier inden strijt Wie dat verwint hy sal subijt Met den Heere triumpheren.