Laet ons met sangen nv gaen verblijden Den Heere belijden ghij volck van Israel Hoort mijn geboden seyt Godt tot alle tijden Ick sal v bevrijden, ick ben v Godt en niemant el En soect geen ander Goden ick segt v wel Alle ander Goden die heb ic v verboden De selue te eeren met sanghe en met spel. Israelsche kinders wilt mij aenbeden En v besteden in mijn ghebot vayllant Ick ben v hooft ghij sijt mijn leden
Leeft met vreden mijn volck alsoo playsant Ick heb v ghebrocht wt Egypten lant Cost ghijt beseffen, ghij soudt mij verheffen Bouen alle gout oft costelijcken pant.
clxvij
Dits mijn ghebot wilt hier nae vierich haken Bouen alle saken ghelooft die woorden mijn Ghij en sult geen vreemde Goden maken Om voor v te waken ben ick die heere dijn Paulus die seyt dat al afgoden dienaers sijn Die de werelt aenhanghen
Met giericheyt beuanghen Schouwet sulck verstranghen Ghelijck ghij sout fenijn.
Die de werelt met haer wellusten aenschouwen Ende die op haer betrouwen, sullen als stoff vergaen Ghelijck sij quamen in sdoots benauwen
Die met Madians vrouwen teghen mij hebben misdaen Dus op mijn woorden alleen wilt staen
Van druck en lijden so sal ick v beurijden En met v strijden
Hout ghij mijn soet vermaen.
Ick ben v vader ghij moet met mij leuen
Hoe soudick v begheuen mijn kinders al ghemeyn Wij in mij gelooft, hij en sal niet sneuen
Want ick sal hem gheuen mijn rijcke certeyn En hij sal wercken doort ghelooue reyn Die mij eere bewijsen, die sal ick mede prijsen Bij mijnen vader al in des hemels pleyn. Ick ben den steen daer ghij al moet wt drincken Ick wil v schincken wt liefden mijnen gheest Om dat ghij soudt mijns naems eewich gedincken Niemant crincken smaeckt mijnder woorden keest
clxviij
Hoe ghij sult spreken en weest niet bevreest Alsmen v sal stieren
Voor Coninghen ende Princieren Ick sal uwen mont regieren Om tantwoorden minst ende meest. Ick ben een Prince wilt mij behagen.
En wilt niet versaghen Dat seg ick v voorwaer Ghij moet mij mijn cruyce helpen draghen In alle laghen, al vallet v dicwils swaer Allen v lijden dat gaet mij alsoo naer Als den appel mijnder ooghen Dus wilt al ghedooghen
Want gij sult aenschouwen mijn lieffelijck aenschijn claer.
Een nieu Liedeken.
Hoort al na mij, verstaghet wel mijn reden
Weest vrolijck ende blij, schout nyt tot allen steden Want die wil staen in nijt
Die wort veel vreuchden quyt, tot alder tijt Dus tegen v sinnekens strijdt, stelt v herte In vreden, in vreden, in vreden.
Nv sietmen veracht al op den dach van heden Die wijsheyt verpacht
Die wort nv af ghesneden Sij hebben hier dat regiment Die in sonden sijn verblent Tis wel bekent
Maer weest ghij diligent: En stelt v hert. &c. Al siet ghij nv die sommighe rustich treden Soo denckt ende peyst bij v
clxix
Het is hier haest geleden Sij triumpheren hier
Sij maken blyde chier In wijn in bier Schout altijt quaet bestier
Ende stelt v herte in vreden. &c. Tis al confuys, van bouen tot beneden, Een yghelyck weet sijn cruys
Godt laet hem wel met vreden Die nv wat hier lijdt
Hier naemaels hem verblijdt Des seker zyt
En stelt v herte in vreden. &c. Prince watmen seydt
Van desen nieuwen seden En wert toch niet verleyt Al wort ghij seer ghebeden Ondersoect die gheesten wel Oft sij Godt syn rebel In haer voortstel,
Ende schaut alle leeringhe fel Ende stelt v herte in vreden In vreden in vreden.
[Och wilt aenmercken ghy weeldige herten]
Op die wyse. Mishouwet so is den name myn.
Och wilt aenmercken ghy weeldige herten V crancke natuere die sterffelyck is En doet ghys niet het sal v smerten Als comt die doot die vreeselyck is
clxx
Hier om soo wilt v spoyen Die werelt te verfoyen Ick leert v als die wijse doet Wat batet al als ick steruen moet. Steruen so moeten wij arm en rijcke Wat willen wij ons vermeten dan
Die pijne der hellen sal dueren eewelijcke Hij is wijs diet bevroeden can
Want dansen ende springhen Het sijn al verganckelijcke dinghen
Die doot neemt ons het leuen soet. Wat batet. Bereyt v huys in corter stonden
Of die doot sal v den wech ondergaen
Och wee den ghenen die dan steruen in sonden Die sullen dan loon nae haer wercken ontfaen Als die ooghen sullen keeren
Ende therte v sal faelgeren
Waer blijft dan tgeselschap en daertsche goet Wat batet al als ick steruen moet.
Alsijt ghij beswaert met fantasien Al sidi nv bevreest al voor die doot Wilt ghij voordaen nv vromelijck strijen Godt sal v helpen wt alder noot: Aldus leert die werelt haten Ende wilt die sonden laeten
Die doot cost ons doch vlees en bloet. Wat. Adieu prieel vol alder wellusten
Bedriechelijcke werelt een cort solaes, Ick wil in Godt gaen soecken mijn ruste Ick moet doch eens worden der wormen aes
clxxi
Wat salt mij profiteren Houeren ende bancketeren
Als die doot compt snel ende onbehoet, wat batet. Waer sijnse die pleghen te triumpheren
Sy sijn ghepasseert men sietse nv niet Wat willen wij dan ghenoechte hanteren Alst eynde niet en is dan verdriet Dus laet ons gaen beginnen Ons seluen te verwinnen
Want de doot compt rasch op den staende voet Wat Laet ons nv princelijck leeren steruen
Beschreydende met tranen ons misdaet,
Ende vreesen den Heere wij en sullen niet bederuen Ende dienen Godt elck in sijnen staet,
Want waer wij ons keeren Scriftuere sal ons leeren
Dat teghen die doot en is schilt noch boet. Wat.