Die vriende wel willen wesen Maer si en willen niet doen voert Dat rechter vrienscap toe hoert 2315 Die dore vrient niet en doet
En es gheen vrient des sijt vroet Maer die ghene die v liden Lief ende leet tallen tiden Die seldi houden talre tijt 2320 Ouer dat selue dat ghi sijt
Ende hem beuelen coenlike Lijf ere ende goet die ghelike
Waer geuriende onderlinghe
Nien ghelouen alle dinghe 2325 Daer dolen si harde sere
Tullius seit die wise here
Dat tusschen geuvriende fijn Gheen dinc en sal gheueinst sijn Maer die herten openbare 2330 Selen daer bliken clare
Want die bloemen der gheueinstheit Verdeluwen saen ende werden leit Ende oec alle gheuiensthede Moet onlanghe houden stede 2335 Ens niet soe soete no soe scone
Alse goede vrienscap sonder hone
Salustius maect ons ghewes
Dat gheen dinc beter en es Onder gheuriende int ghemeen 2340 Dan een ia ende oec een neen
Nochtan selen onderlinghe Lieue ghesellen al haer dinghe Alse spreken hore worde Alse ofse god selue horde 2345 Seneca seit ons waerlijc
En es niet soe heymelijc
Des men weten en sal twint Alse matheus ons bekint Inder euuangelien daer 2350 Oec seeght men openbaer
Wat onder den snee werdt geleit Moet al comen ter kinlecheit Hoe nauwe dat ment beerght dan
Tullius seit die wise man
2355 Dat goede liede nerghen Eersam dinc en berghen Want soe wat si setten voert Der eersamheit toe behoert
Tullius maect ons ghewes
2360 Dat hi een ghewarech vrient es Die om lief no om leet Sinen vrient niet af en gheet Noch in ernste noch in spele Derre vriende en vint men niet vele 2365 Alsmen die vriende tellen sal
Dan vint mer vele int ghetal Maer lettel alst comt ter noet
Seneca seit die meester groet
Alsmen in groten vorespoede staet 2370 Dan sijn vriende te kinnen quaet
Maer alse dauentuere omme wint Dan sijn vriende thant bekint
Nv verstaet mi wel ende versint
Een mensche die wilt sijn ghemint 2375 Sal selc gheseedt sijn oueral
Datmen hem met rechte minnen sal Want die ghene sijn wel waert minnen Die sulke doeght hebben binnen Datmense met rechte minnen moet 2380 Alse ons tullius maect vroet
Eest dat ghi en minnet twint Soe blifdi oec onghemint Die niemene en mint hoe soudi
Ghemint werden ende waer bi 2385 Noch sprect tullius als wi lesen
Dat tusschen gheuriende sal wesen Onsterflec vriendelecheit
Die wise salomon dus seit Dat vriende hebben onderlinghe 2390 Redene cort ende wandelinghe
Daer moet vrienscap cort te gaen
Tullius doet ons verstaen
Dat vriende selen dicke versamen Ende dan vriendelec spreken tsamen 2395 Om dinghe die eersam sijn
Ende doegdelec ende fijn
Gherecht minnere hi en can niet
Hem dien hi mint int seggen iet Noch hem belghen die ghelike 2400 Op vrient alsoe lichtelike
Alse ghelieue onderlinghe Gram sijn omme eneghe dinghe Die gramscap maect een vernuwen Hore minnen al in trouwen
2405 Hi liecht hem seluen sere sijds gewes Die op dien hi mint erre es
Want hi hem groter wraken vermet Dies hi te hant altemale verget Wat vrient vriende dreyghet daer 2410 En volght ghene wrake naer
Seneca seit alsoe ict vinde
Minne en weet tijt noch inde Ens nieman soe starc van sinne Die wel gherechte minne 2415 Van hem ghedoen als hi wilt
Alsoe sterc es haer ghewilt
Ghi en selt oec wats ghesciet
Arghs van vrienden ghelouen niet En si dat ghi sonder waen 2420 Die waerheit wel hebt verstaen
Ende eest dat ghi spreken hoert
Van uwen vrient arghe woert Soe antwoert daer op alsoe als ghi Wet dat alre best si
2425 Tuwes vrients ere ende baten Dat en seldi oec niet laten Soe sal hi hem scamen dan Ende te bat swighen voert an Tusschen twee gheurienden en seldi 2430 Gheen vonnesse gheuen en si
Dat ghi wet te voren al Dat hem beiden ghenoghen sal
Salomon heeft dus bescreuen
Het es sware vonnesse gheuen 2435 Tusschen twee gheuriende sijds gewes
Dant tusschen .ij. gheuiande es
Een wijs man seit in siere leren
Die alle dinc wilt keren Te sijns selfs baten properlike 2440 Es onnutte op ertrike
Ende hets recht dai hi sneeft Want hi luttel vriende heeft
Hets dicke gheseit daer ende hier
Meer ghier maect min ghier 2445 Hets naturlec gheloues mi
Dat elc hem seluen houds si Maer hi sal oec na desen Sinen vrienden houds wesen Te hore baten ende teren 2450 Als ons alle die wise leren
Tullius doet ons dus bekint
Wildi ghemint sijn soe mint En mach nieman wildijt kinnen Ghemint sijn hine moet minnen 2455 Ende vriende vorderlec wesen
Salomon sprect oec van desen
Die al wilt hebben al verliest Seker wet oec dat hi riest
Hi die hebben waent vriende 2460 Daer hijs noyt en verdiende
Ghine selt niet allene ane sien
V selfs baten in desen in dien Maer oec ander liede gherief Op dat ghi wilt wesen lief 2465 Maer alst al es ghelesen
Soe seldi alrehoudste wesen Hem dien ghi alre meeste mint Dien ghi eersam ende ghetrou kint
Want dat een vrient vroech ende spade
2470 Lijf ende goet dore vriende dade Ende dander en dade weder niet Soe bleue deen altoes int verdriet Ende in deze scade swaerlike Ende dat ware al tonghelike 2475 Ende die vriendscap sonder waen
Soude onlanghe moghen staen Na dien dat elc minnen sal Den ghenen die hem mint voer al Soe eest wel recht wildijt bekinnen 2480 Dat wi gode bouen al minnen
Want hi heues meest verdient Ende es onse ghetrouste vrient Want hi heeft ons ghegheuen Onse .v. sinne ende ons leuen 2485 En es vore ons ghestoruen mede
Dat noyt vrient dore vriende en dede Daer hi ons met wan hemelrike Gheloeft si hi euwelike amen
Van vaderliker ende moederliker minnen
Elc mensche sal van rechter scout
2490 Vader ende moeder wesen hout Ende vore allen menschen minnen Ia met allen sinen sinnen
Ende oec dienen ende eren Alse sinen gherechten heren
2495 Want naest gode soe sijn si Onse here gheloues mi Want en hadden sonder waen Onse vader ende moeder ghedaen Wi en hadden niet gheweest 2500 Als men in naturen leest
Oec soe es dat gods beuelen
Dat wi vader ende moeder selen Eren met herten fijn
Soe selen wi lancliuech sijn 2505 Nv merct hoe onse here god
Sonderlinghe in dit ghebod Gheloeft lancliuechede Dat hi in dander niet en dede
Sekerlike dat es waer
2510 Die vader ende moeder es swaer Dat wreect god gherne sware In ertrike openbare
Men vint ghescreuen alsoe In ecclesiastico
2515 Die sinen vader eert met trouwen Sal bliscap ane sine kindre scouwen Ende vore gode sal mede
Wel gehoert sijn sine bede
Ia noch soe seit aldus
2520 Dat boec ecclesiasticus
In wercken ende in worden mede Ende in alle goedertierenhede Selen wi eren onsen vader Ende op ons sal comen algader 2525 Die benedixie ons heren
Ende nemmermeer van ons keren
Noch seit alsoe die selue man
Des vaders benedixie can Siere kinderre huys seker maken 2530 Ende stercken in alle saken
Ende oec sijn vloeke te menegher stont
Struwerent tote inden gront Es dijn vader sonder ere
Soe bestu inde scande noch mere 2535 Ende eest dat hi in eren si
Soe heefstu dere bat dan hi
Du sout lieflec sonder waen
Dijns vader outheit ontfaen Ende omme en gheen saken 2540 Sinen sin droeue maken
In al den tide dat hi leeft Ende eest dat hi ghebrec heeft Van sinne dat seldi verdragen Goedertiernlec tallen dagen
2545 Ende en versmaedt gheen onkuysheit Die hem coemt van siere outheit Want het coemt bi siere scout Dat hi worden es soe out
Een ander seit in siere leren
2550 Ghi selt uwen vader eren Ende oec en seldi vergheten niet Vre moeder suchten wats gesciet
Sente paulus ad ephesios
Spreect in sinen pistele aldos 2555 Kindre nv sijt alle gader
Onderdaen moeder ende vader Ia in onsen here gode
Want het staet in sinen gebode Want hi gheloeft in dit sermoen 2560 In sijn ghebet sonderlinghe loen
Dat hi en gheen ghebot en doet Als ic v vore maecte vroet
Wi lesen oec van catone
Dat hi leerde sinen sone 2565 Dat hi vader ende moeder ere
Ende verbolghe nemmermere
Die vremden van gherechten scouden
Selen verdraghen den ouden
Ende stede maken ende eren 2570 Als ons die wise leren
Soe eest dan wel recht sonder waen Dat hem hore kindre sijn onderdaen
Ihesus sydracs sone hi seit
Die sinen vader heeft leit 2575 Ende inder noet begheeft
Ende siere moeder bedroeft heeft Dat die ghene des sijt gewes Van gode vermalendijt es
Een lerere seit ons aldus
2580 Es gheheten marcus cocus Al es v vader een quaet man Ghi selten verdraghen nochtan Ende hem doen spade ende vroe Dat enen goeden kinde hoert toe 2585 Dese lere ende dese woert
Die ghi hier nv hebt ghehoert Seldi pleghen in vre ioncheit
Nv hoert wat toe hoert der outheit