1/OETIKA Long-tjhoen lempar pedangnja jang soeda }v» patah itoe, kombali dengen sebet Mo Soe-ping madjoe menjerang.
Long-tjhoen sigra djatohken badannja sembari ber-goeloeng-goeloeng di atas tanah, dan tempo ia ber
lompat berdiri lagi, dalem tangannja soeda memegang itoe Tjit Sioe Too, jang laloe digoenaken boeat bikin
perlawanan.
Berselang satoe koetika lamanja, pendekar kita lantas rebah tipoenja, jaitoe dengen goenaken Hwan Tjhie Ing Yang (silat monjet), jang sabentar menjerang dari atas dengen berlompat tinggi, dan sabentar lagi me-moekoel dari bawah dengen goeloeng-goeloengken ba
dannja di atas tanah.
Tjaranja ia maenken itoe ilmoe sasoenggoenja ada gesit sekali, dan lemesnja seperti tida bertoelang,
hing-•ga Mo Soe-ping djadi goegoep dan merasa kawalahan boeat menangkis. Maka kamoedian dengen menggoe-naken satoe koetika kosong, ia lantas berlompat ka loear dan lari bersipat koeping.
46 TJERITA ROMAN
Dengen lertawa Long-tjhoen berseroeh : ,.Toean' ! Dari tempat iang begitoe djaoe toean soeda mem-perloeken dateng di sini, soenggoe menjesel akoe tida bisa hadiaken apa-apa, tjoema akoe minta kau soeka tinggalken sedikit barang peringatan ! "
Mendenger begitoe, Mo Soe-ping djadi merasa lie-ran, tapi koetika ia berpaling ka blakang, ia menampak Long-tjhoen telah lepasken Tjit Sioe Too-nja, jang sem
bari berkata : ,,Tinggalkanlah'kau poenja daon koeping.
jang seblah kiri ! "
Mo Soe-ping dalem goegoepnja aken lantas berkelit, tapi soeda tida kaboèroe, sebab pendekar kita me
mang sasoenggoenja ada mempoenjai itoe kapandean : Saratoes kali menembak saratoes kali kena, hingga itoe daon koeping jang diarah telah djadi djatoh ka tanah.
Dengen tekepin itoe koeping jang borboran darah, Mo Soe-ping lantas berlari seperti terbang, sedeng Long-tjhoen poen tida maoe mengoedak, hanja laloe simpen kombali itoe sendjata, Tjit Sioe Too, jang ka-tadjemannja ada sampe boleh diandelken.
Sedari itoe waktoe, pendekar kita djadi mendjaga semingkin hati-hati, kerna koeatir kaloe ada moesoeh jang dateng kombali, boeat bikin pembalesan atas sakit hatinja Tjio Gwan-liong dan Mo Soe-ping.
D
I bilangan Swa-tang, Mo Soe-ping poenja nama sa-benernja ada sanget terkenal, teroetama dalem kalangan Liok Liem, ia ada dapet gelaran Siauw Giam Ong, dan dimaloein sekali.la ada moeridnja Tjiauw Pik-liong di Hoo-lam jang paling ditjinta, maka satelah ia dapetken itoe kakala-han ini kali, ia djadi merasa sanget maloe serta pe
nasaran, dan laloe ambil poetoesan boeat pergi pada iapoenja goeroe goena minta bantoean.
BOE TEK ENG HiONS 47 Begitoelah ia soeda brangkat ka Hoo-Iam, tapi sa-sampenja di itoe tempat jang ditoedjoe, ia dapetken goeroenja djoestroe lagl merajaken hari bertoenangan-nja iapoebertoenangan-nja poetra, Tjiauw Boen, dengen bikin pesta nnakan minoem.
Koetika meliat Mo Soe-ping mendatengin, Tjiauw Pik Liong djadi girang sekali, dan dengen tertawa ia lantas berkata : ,,Hola 1 Soe-ping, kabetoelan sekali.
Marihiah makan minoem bersama-sama ! "
Mo Soe-ping laloe madjoe membri hormat pada soehoe dan soeboonja, dan kamoedian toeroet doe-doek bersantap di antara itoe sekalian tetamoe, de
ngen tida brani lantas njataken maksoed kadatengan-nja.
Tapi, tatkala Tjiauw Boen dateng membri slamet dengen satoe tjawan arak, ia telah dapet menampak itoe kaada'an, hingga ia djadi kaget aan laloe me-nanjah : ,,Twa-koo, kau poenja daon koeping jang se-blah kiri soeda terbang ka mana ? "
Sa'at itoe orang-orang jang berada di dalem itoe roeangan, semoea toedjoeken matanja pada Mo Soe-ping, boeat meniaksiken itoe omongan, sedeng Tjiauw
Pik-liong djoega djadi toeroet berpaling, dan kamoe
dian dengen kaget ia laloe menanjah : ,,Anak, siapa-tah jang soeda berboeat begitoe kedjem padamoe ?
Dengen moeka merah, bahna maloenja, Mo Soe-ping lantas berloetoet, dan toetoerken satoe per satoe apa jang soeda terdjadi. Achirnja, ia njataken djoeg^ mak
soed kadatengannja, jalah hendak moehoen it.o«,orang toea poenja bantoean.
• Satelah mendenger itoe penoetoeran, Tjiauw Pik-licng dan laen-laen, semoea seselken pada Tjhie Long-tjhoen dan kataken terlaloe kedjem I Teroetama Beng Pah-sian, saorang toea jang mendjadi soedara
angkat-48 TJERITA ROMAN
nja Tjiauw Pik-liong, dan biasanja memang ada amar tjinta pada Mo Soe-ping, soeda djadi sanget pena
saran dan moerka.
,,Soenggoe katerlaloean ! " kata Pah-sian. ,,Mo Soe-ping telah melariken diri, itoe toch ada berarti jang, ia mengakoeh kalah, kenapatah Tjhie Long-tjhoen ma
sih tegah hati boeat persakitken sampe begitoe roe
pa ? ! Ach, semata-mata ia anggep dalem ini doenia soeda tida ada orang jang bisa oengkoelin iapoenja kapandean, — satoe hina'an jang tida haroes ditelen mentah-mentah I "
Ini sedikit perkata'an telah bikin bergerak hatinja.
Tjiauw Ngai dan Hoo Pa-san, jang masing-masing ada kaponakan dan soe-tee dari Tjiauw Pik-liong, jang am-pir berbareng laloe berkata : ,,Marika soeka pergi ka doesoen Ban-sian-tjoen, boeat bikin sedikit peritoengan pada itoe orang she Tjhie."
Beng Pah-sian manggoetken kepalanja, dengen bi
lang ia poen maoe toeroet pergi bersama-sama, hing
ga bikin Mo Soe-ping djadi berdjingkrak, bahna gi-rangnja, dan boeroe-boeroe hatoerken iapoenja trima.
kasi.
Itoe Beng Pah-sian, di bilangan Hoo-lam ada ter
kenal dengen nama geairan ,,Sien Koen Tjhioe", sebab ilmoe silatnja ada amat bagoes, dan katjepetannja ia
poenja kaki-tangan ada seperti kilat.
Samentara Tjiauw Ngai, adalah moeridnja Tien-thiat Hoo-siang, jang berdiam di goenoeng Ngo-tay-san, di bilangan San-see. la bisa menggoenaken roepa-roepa sendjata, dan djoega mempoenjai kabisa'an nge-kang serta noei-kang. Tapi gegaman jang ia paling soeka pake, jaitoe Sam Tjiat Koen, jang kaloe lagi bertem-poer sama moesoeh, bisa dirobah djadi bebrapa
poe-BOE TEK ENG HIONG 49