dari 100 Gram f 0.80 dari 200 Gram f 1.50

Hele tekst

(1)ANDIßWEG 12. -. bANDOENG.

(2) „KONINGINNE" I. SCHOONHEIDSWATER. j. Ratoe dari aer ketjantikan, berias saban hari pake ini obat moeka djadi poeti, bersi, aloes dan kenijeng, djoega Ijegah danmenghiiangken penjakit dimoeka seperti : Kokoloteun, Koekoei, Djerawat, Beroentoesan dan iaen-laen. Harga per fl. dari 100 Gram f 0.80 dari 200 Gram f 1.50. Siapa kirim oeang f 6 — dengan postwissel nanti dikirim 4 flesch „KONINGINNE" Schoonheidswater dari 200 gram dan Extra 4 pak poeder kramas, dengan bestelgoed atawa postpakket franco.. Pesenan dengan REMBOURS, djandjian jang terseboet, tida berlakoe. Boeat Toko-Toko harga boleh berdami, tenfoe menjenangkan. Djangan kasi liwat ini tettipo jang baik, lantas atoer pesenan. HOOFD-DEPOT:. Patent Medicijnenhandel „HIPPOCRATES 1001" Groote Postweg (kanoman) 15, BANDOENG. HOOFD-AGENT;. Chemical iënhandel „L ABORA" Kedjaksan t/o Pasar Pagi 199, CHERIBON. DRUKK. AURORA, SANDOENS. HÄR[P SOEKÄ SEBOEI „llEmill SlLIll" M MEHDELIS PilDIl ÄDRES DI ÄlllS..

(3) „TJERITA SILAT" DI BAWAH PIMPINANNJA. M. R.. K W O l a y. YEN. .. Terbantoe oleh bebrapa penoelis T J E R I T A SILAT jang terkenal. Harga abonnement boe wat satoe KWARTAAL (TiGA BOELAN) f 1.50 Pembajaran lebih doéloe. Berlangganan paling se dikit satoe KWARTAAL. Terbitiiefap saban boelan tanggal 25.. KANTOOR : REDACTIE DAN ADMINISTRATIE, ANDIRWEG 12 — BANDOENG TELEFOON No. 2073..

(4) rgc;;3c;?i=n3t^c;?3c^[:n='<^'=n=''=iP'=^5gbc!bdbdbii!ba3i::!3i:!a [n TOEWAN-TOEWAN pengandar Auto jang mempoenjai m [y kaperloean, kaloe djalan meliwatin TJIANDjOER, djangan m loepa mampir pada: Iii. m. AUTO ONDERDEELEN HANDEL. „TAN TEK HOAT". SI. [}| jang terletak di antara Groote Postweg Tjiandjoer, n] ^ fU ^. |jj. S [}{. K [jj fu yj in Kita poenja (U n} In m RI bi fU n] Ln p ^. di mana toewan-toewan bisa dapatken segala kaperloean boewat auto jang BAROE dan BAGOES, teroetama HARGANJA jang mengimbangin keadahan ini djeman. Boewat menjenangken pada semoewa pembeli dengen menoeroetin masing-masing poenja kasoekahan dan kasenangan, ada disediaken BAND-BAND dari segala matjera MERK dan roepa-roepa oekoeran; tapi selamanja toewantoewan aken dapatken barang BAROE, kerna kita senantiasa mengatoer persediahan barang-barang jang paling baroe.. n] W [jj. RJ. U] L. nJ W. [fj tu Uj m m. SHELL BENZINE POMP STATION. NL. senantiasa kasi perlajanan jang tjepat dan sampoerna, hingga pasti aken menjenangken pada semoea orang jang mendjadi kita poenja langganan. _ Kaloe toewan-toewan tjoba dateng pada kita satoe kali, sateroesnja aken merasa senang boeat mendjadi kita poenja langganan. Maka pada semoewa pengandar auto jang djalan meliwatin kota Tjiandjoer djika ada kaperloean apa-apa, dioendang dengen hormat soepaja soeka dateng mampir pada :. m tu [{] [n tu ^ m Üi ^ m. AUTO ONDERDEELEN HANDEL. ffl m. „TAN TEK HOAT". g. Groote Postweg Tjiandjoer, Telef. No. 46. jjj. CjasssasasHsasEsssasESHsasHSHSHSHsasHSEsa. HAREP SOEKA SEBOEÎ „IIERIIA SILAT" BILA MENOELIS PADA ADRES Ol ATAS..

(5) âEROE DAN MOERID OLEH:. ^ BJOE SO ET K EE.. Kaloe orang menanja pada pendoedoek Pengkang dan Siang-im, itoe doewa district jang termasoek pada bilangan provincie Ouwlam, siapa adanja Ong Tangtjoe, tentoe sedikit sekali jang tida kenal. Ong Tangtjoe ada satoe achli silat jang sangat pande, tapi lantaran ia tida soeka bikin perdjalanan ka laen tempat, hingga pendoedoek jang berada di loewar itoe doewa district sedikit sekali jang taoe tentang Ong Tangtjoe. Ong Tangtjoe boekan iapoenja nama jang aseli hanja tjoema satoe nama djoeloekan sadja. Iapoenja nama jang betoel Ong Goan Boe, tapi dari sebab ia telah mejakinken Tong-tjoe-kang, samatjem ilmoejang bisa membikin badan tida bisa mempan sama barang tadjem ; pada soeatoe kali ia tidoer tjelentang di atas tanah, dan satoe orang jang bertenaga koewat men dorong satoe grobak roda satoe jang dimoeatin oleh batoe-batoe kali jang beratnja ampat ratoes kati lebih, dan itoe grobak dilindesken ka djoeroesan peroetnja Ong Goan Boe, siapa lebih doeloe soeda gerakin iapoenja khikang bikin peroetnja djadi sangat keras hingga sasoedanja dilindes oleh itoe grobak berat sedikit poen tida mendapat loeka satoe apa. Oleh kerna itoe djoega, lantas orang djoeloekin ia Ong Tangtjoe; tangtjoe artinja tahang, dan dari sebab orang kagoemin iapoenja ilmoe jang bisa bikin badannja begitoe keras sabagi djoega satoe tahang, begitoelah orang lantas kasiken ia itoe matjem nama djoeloekan.. 1.

(6) Goeroenja Ong Qoan Boe poen orang dari Pengkang djoega, namanja Oei Kie Sioe, tapi koetika ia masi berada di tempat kadiamannja, sama sekali tida ada orang jang taoe ia ada mempoenjai ilmoe kapandean silat tinggi, oleh kerna itoe djoega, ia tjoenia menerima satoe moerid Ong Goan Boe saorang sadja. Lagian Oei Kie Sioe mengadjar pada Ong Goan Boe tjoema kira-kira lima taon lamanja, pada sabelonnja saäntero ilmoe kapandeannja ia toeroenken pada sang moerid, mendadak ia bikin perdjalanan ka laen tempat dan teroes tida kaliatan ia balik kombali. Ong Goan Boe ada mempoenjai satoe engkojang bernama Ong Goan Boen, iaorang tinggal sama-sama dalem satoe roemah hingga marika poenja harta warisan dari orang toewanja poen tida dibagi. Itoe harta pening galan dari marika poenja ajah terdiri dari sadjoembla mouw sawah dan kebon, jang semoewanja dikerdjaken oleh Goan Boen, hingga penghasilannja saban taon tjoema tiba tjoekoep boewat marika saroemah tangga poenja penghidoepan. Oleh kerna itoe djoega, Goan Boe djadi bisa mempeladjarken teroes ilmoe silat dengen soenggoe-soenggoe hati. Pada sasoedanja sang goeroe brangkat pergi, Ong Goan Boe meneroesken iapoenja perjakinan dalem ilmoe silat sampe toedjoe taon lamanja, tapi selamanja itoe ia belon perna bertempoer pada siapa djoega, hingga itoe waktoe pendoedoek di Pengkang sama sekali tida mengetahoei kaloe Ong Goan Boe ada satoe achli silat jang pande. Pada soeatoe taon kira boelan Shagwee, di satoe tempat jang dinamaken Ko-kio dalem itoe district djoega, orang djoestroe poengoet hasilnja daon thee, dan sabagimana biasa kaloe moesimnja hasil daon thee dipoengoet di itoe tempat mendadakan djadi sangat rameh, begitoelah Ong Goan Boe pada soeatoe 2.

(7) hari pergi djalan-djalati ka Kokio. Apa maoe itoe waktoe satoe toko jang mengoesahaken daon thee merk Gie Thay dari sebab pereboetan dalem perkara oepahan pakerdjahan, antara orang-orangnja itoe soedagar thee djadi berklai sama koeli-koeii jang melakoeken pakerdjahan mamilih daon thee. Menoeroet pelatoerannja soedagar-soedagar thee goena mendjaga iaorang poenja kaslamatan dan mengantjam pada koeli-koeiinja djangan brani melawan, itoe kaoem soedagar senantiasa memiara bebrapa ba njak tjinteng jang paham ilmoe silat sabagi marika poenja perlindoeng. Maka pada saban kali terdjadi kariboetan sama koeli-koeli toekang pilih daon thee, pintoe loewarnja itoe goedang thee lantas dikoentjiken dan kadoewa fihak bertempoer dalem itoe goedang. Saoempamanja ada koeli-koeli jang dipoekoel sampe tiwas djiwanja, fihak soedagar thee sama sekali tida aken aiamken perkara besar, paling banjak didenda dan diwadjibken mengasi toendjangan pada koelawarganja itoe koeli atawa koeli-koeli jang mati. Samentara kaloe fihaknja soedagar thee jang kala dalem itoe pertempoeran, koeli jang mendjadi kapala dalem itoe perkara kariboetan tentoe aken aiamken boekan sedikit kasoekeran. Satoe kali itoe, koeli-koeli jang bakerdja dalem itoe toko thee Gie Thay sama sekali ada tiga ratoes orang lebih, lelaki dan prampoean, tapi di antaranja kabanjakan terdiri dari orang-orang jang badannja lemah dan oemoernja toewa, hingga jang toeboenja koewat paling banjak tjoema saprapatnja, oleh kerna itoe djoega, biar poen tjinteng dari itoe soedagar thee tjoema berdjoembla delapan orang sadja, tapi lantaran iaorang semoea paham ilmoe silat, maka kadoewa fihak pada sasoedanja bertempoer bebrapa lamanja..

(8) fihaknja itoe koeli-koeli masi belon djoega bisa men desak pada itoe delapan tjinteng jang membelaken kapentingannja sang madjikan. Sedang di sabelah loewarnja itoe goedang ada bekroemoen banjak sekali orang jang merasa penasaran dan mace membantoe pada fihaknja itoe koeli-koeli, tapi lantaran pintoenja itoe goedang ada sangat tebal dan tegoe, iaorang tida bisa menobros masoek. Tatkala Ong Goan Boe sampe ka sitoe meliat ada begitoe banjak orang berkroemoen lantas menanjaken ada terdjadi perkara apa, dan satelah ia mendapat katerangan dari bebrapa orang berada di sitoe, lantas sadja ia djadi sangat goesar, laloe gerakin tangannja pada orang banjak. „Akoe aken masoek menoeloengin iaorang kaloewar," kata ia, »dan kaoe orang djangan mengandang di ini pintoe goedang". Sahabisnja berkata begitoe lantas sadja ia lontjat naek ka atas itoe pagar tembok jang tingginja doewapoeloeh kaki lebih. Ia berdiri di atas itoe pagar tembok meliat ka sabelah dalem itoe goedang thee, ternjata di moeka boemi soeda ada bebrapa belas koeli jang pada menggletak dengen mengglisahan sambil bertreak-treak, semoewanja berloemoeran darah lantaran kapala petjah atawa poen mendapat loeka di tangan dan badan. Sedang marika jang belon mendapat loeka semoewanja mengamoek dengen nekat dan sorot mata beringas ; tapi lantaran marika tida paham ilmoe silat, biar poen iaorang mengamoek dengen seroeh, toch dengen gam pang sadja bisa ditangkis oleh itoe delapan tjinteng jang paham ilmoe silat. Maka dalem sakedjapan mata sadja soeda ada lagi doewa koeli jang roeboe. Ong Goan Boe meliat sampe di sini tida bisa menahan sabar lebih lama, laloe lontjat toeroen ka.

(9) bawah dan dalem sakedjapan mata sadja ia soeda berada di atas itoe lapangan roempoet, di mana itoe orang-orang lagi bertempoer. »Sekalian soedara jang bakerdja mamilih daon thee djangan takoet, akoe dateng membantoein pada kaoe orang," berseroeh ia sambil gerakin iapoenja kadoewa lengan jang sabagi djoega sapasang sendjata kan, menerdjang pada itoe goendoekan orang banjak. Oleh kerna pada waktoe ia masi berdiri di atas pagar tembok lebih siang ia soeda liat terang bagimana dandanannja itoe delapan tjinteng jang mendjadi pekakasnja soedagar thee, teroetama gampang sekali dikenalin dari marika poenja kaen boengkoesan kapala jang berwarna itam, maka itoe waktoe dengen tida banjak bitjara lagi ia serang marika itoe. Itoe delapan tjinteng sekali poen paham ilmoe silat, tapi soeda tentoe sadja boekannja tandingannja Ong Ooan Boe, tambahan iaorang lebih doeloe soeda moesti bertempoer sama itoe kawanan koeli toekang pilih daon thee, hingga sedikit banjak iaorang soeda moelai djadi tjape. Begitoelah Ong Ooan Boe tjekal marika itoe poenja koentjir satoe per satoe dilemparken sabagi djoega orang malemparken anak-anak ajam. Marika jang tenaganja ketjil dan tida bikin perlawanan dilemparkennja tida terlaloe keras, tapi orang jang bikin perlawanan dan mameta tentoe dibanting terlebih keras. Dalem sedikit waktoe sadja itoe delapan tjinteng soeda dilemparken soengsang soembel dalem kaädahan kapala poesing dan badan kasakitan. Dengen begitoe, orang-orang jang berada di fihaknja soedagar thee soeda tida mempoenjai kakoewatan boéwat bikin per lawanan lagi. Ong Goan Boe lantas boeka pintoenja itoe goedang thee, dan dari sabelah loewar lantas sadja menerobos.

(10) masoek bebrapa banjak orang jang sympathie pada itoe kaoem koeli dan tadinja bermaksoed boewat membantoein berklai ; lapi dari sebab itoe waktoe fihaknja soedagar thee soeda keok, maka iaorang tida toeroen tangan, malah Ong Goan Boe poen menjaga. ,Akoe Ong Tangtjoe," kata ia pada eigenaar itoe toko thee, ,dan kaoe poenja orang-orang akoe jang poekoel, dan ini oeroesan sama sekali tida ada sangkoetannja sama penggawe-penggawe jang bakerdja mamilih daon thee. Oleh kerna itoe djoega, kaloe kaoe orang maoe madjoeken dakwahan pada pembesar district, kaoe orang tjoema boleh mendakwa akoe saorang sadja Akoe tida nanti menjingkir dan akoe tinggal di dalem Hotel Ko Kiauw kamar No. 9, di mana akoe menoenggoein kadatengannja orang politie dari kantoor district." Sahabisnja berkata begitoe, dengen sasoenggoenja Ong Goan Boe pergi ka Hotel Ko Kiauw dan ambil itoe kamar No. 9 jang ia biasa pake, Samentara pendoedoek di sapoeternja tempat jang berdekatan sama Kokio, tida perdoeli lelaki, prampoewan, toewa dan moeda, tida a d a satoe jang tida denger apa jang soeda diperboewat oleh Ong Tangtjoe dan tida satoe orang jang tida merasa taloek sama iapoenja kagagahan dan hati jang soeka sama kaädilan. Samentara fihaknja soedagar thee merk Gie Thay lantaran mendapat itoe poekoeian heibat, soeda tentoe sadja tida tempo lagi pergi madjoeken dakwahan pada pembesar district. Oleh kerna kaoem soedagar thee pada itoe waktoe ada mempoenjai pengaroeh, koetika tikoan menerima soerat dakwahannja eigenaar firma Gie Thay, dengen lantas ia prentahken delapan oppas pergi ka Hotel Ko Kiauw boewat menangkap pada Ong Tangtjoe..

(11) Tatkala itoe delapan oppas sarnpe di dekatnja Hotel Ko Kiauw, Ong Qoan Boe djoestroe lagi ber diri makan samangkok mie di pinggir pikoelannja itoe toekang djoewalan. Itoe delapan oppas pikir maoe tangkap padanja dengen tjara sakoenjoeng-koenjoeng, maka dengen diam-diam doewa antaranja mengaloewarken doewa rante besi dan teroes sadja dimasoekin ka dalera lehernja Ong Goan Boe, kamoedian dengen keras iaorang tarik itoe doewa rante dengen berba reng; tapi Ong Tangtjoe sama sekali tida bergeming, sabagi djoega tida ada terdjadi apa-apa teroes kasi kerdja iapoenja sapasang soempit boewat mendjepit mie di dalem mangkok dan didorong ka dalem moeloetnja. Di sitoe ada bebrapa koeli toekang pilih daon thee dari firma Gie Thay, jang baroe sadja ditoeloengin oleh Ong Goan Boe dari bahaja katjilakahan heibat, koetika meliat ada bebrapa banjak politie maoe menangkap pada marika poenja penoeloeng dengen lantas iaorang berseroeh dan menjamperin pada itoe delapan politie dengen sikap mengantjam. Ong Goan Boe boeroe-boeroe lemparken itoe mangkok mie jang ia pegang dan angkat kadoewa tangannja ka atas sambil berseroeh pada itoe koelikoeli : »Djangan poekoel ! djangan poekoel 1 Kaloe sadja kaoe orang memoekoel pada ini orang-orang politie, artinja bikin akoe djadi tjilaka besar." Itoe kawanan koeli satelah mendenger itoe omongan lantas sadja berdiri diam dengen tida bergerak sambil mengawasin pada Ong Goan Boe, siapa itoe waktoe berkata pada itoe bebrapa orang politie: »Kaoe orang semoewa lantaran akoe poenja oeroesan moesti memboewang tempo dan tenaga dateng ka sini, tapi akoe belon sempet menjoegoehin apa-apa pada kaoe orang sekalian, hingga hati'koe merasa koerang enak,.

(12) dan oleh kerna itoe djoega, akoe berniat mengoendang pada kaoe orang sekalian minoem sedikit arak di dalem hotel sabagi akoe poenja maksoed jang menghormat. Salaennja itoe, akoe masi ada mempoenjai barangbarang dalem hotel jang perloe moesti diambil soepaja bisa mengikoetin pada kaoe orang pergi ka kantoor tikoan. Belon taoe apa kaoe orang soeka meloeloesken atawa tida?" Itoe kawanan oppas mendengar itoe omongan lantas anggap kaloe Ong Goan Boe ada satoe orang jang banjak minjaknja dan boleh diperes, maka semoewanja dengen girang menjanggoepin. Oleh kerna letaknja itoe hotel termaksoed tida djaoe dari sitoe, sedikit sa'at kamoedian Ong Goan Boe bersama itoe delapan politie soeda sampe, di mana Ong Goan Boe lantas soeroean djongos sediaken satoe medja makanan dan minoeman. Pada kapala politie ia berkata: ,01eh kerna ini rante jang melibet di leher'koe sangat menjoesaken boewat akoe makan minoem, akoe harap soepaja dilepasken sadja." Itoe kapala politie golengken kapalanja. „Tida bisa," kata ia. „Itoe ada pelatoeran negn dan kita tida brani merobah atas kita poenja kahendakan sendiri." „Akoe mengarti* kata Ong Goan Boe, „makanja kaoe orang tida maoe lepasken ini rante lantaran koewatir akoe maboer, tapi kaloe akoe memangnja berniat maboer, masatah menoenggoe sampe sekarang? Lagi satoe kali akoe oelangken, apatah kaoe orang maoe lepasken ini rante atawa tida ? Kaloe kaoe orang tida maoe lepasken, akoe sendiri jang nanti bikin terlepas. Itoe waktoe kaoe orang djangan koerang senang kaloe akoe tida maoe dateng mengadep pada pembesar district.". 8.

(13) i.. ». ,. ». Itoe kawanan orang politie lantaran meliat gelagat koerang baek dan koewatir kaloe Ong Goan Boe melariken diri lantas sadja pegang keras oedjoengnja itoe dcewa rante besi, sedang laen-laennja mengaloewarken marika poenja sendjata seperti golok, thitjio dan sabaginja bersedia boewat menjerang pada Ong Goan Boe kaloe sadja ia mengoendjoek sikap tida baek. Tapi Ong Goan Boe lantas tertawa bergelak-gelak. „Apatah kaoe orang mengimpi ?" kata ia. Ampir dalem sa'at itoe djoega kadengeran soewara barang logam jang poetoes kamoedian kadengeran soewara berkontjrangan, kerna itoe dcewa rante jang sabesarnja djempol kaki soeda mendjadi poetoes ampat potong dan djato ka atas djoebin. Tapi dengen sebat Ong Goan Boe sembat doewa antaranja dan teroes disapoeken ka moeka djoebin, dalem sa'at itoe djoega, doewa orang politie jang berdiri paling depan djato kadjoengkel lantaran kadoewa kakinja masing-masing kena katimpa oleh itoe doewa potong rante. Anam kawannja jang laen lantas gerakin marika poenja golok dan thitjio maoe madjoe menjerang pada Ong Goan Boe, siapa lantas gerakin itoe rante besi jang terpegang dalem tangan kanannja dengen dibarengin sama iapoenja khikang hingga djadi lempang dan djeger sabagi djoega satoe toengket besi. la toedingken itoe sapotong rante jang djadi djeger pada itoe anam orang politie sambil berkata: »Kaloe sadja kaoe orang masi mengharap akoe dateng mengadep pada pembesar negri, kaoe orang haroes berdiri diam dan djangan madjoe lagi barang satoe tindak serta toeroet d,joega apa jang akoe bilang ; tapi kaloe sadja kaoe orang maoe mantjari mampoes, tifia halangannja boleh madjoe menjerang, dan kaloe sadja akoe kasi 9.

(14) kaoe orang poenja djiwa tinggal idoep, djangan seboet lagi akoe Ong Tangtjoe." Itoe anam orang politie koetika meliat Ong Tang tjoe poenja sikap jang begitoe gaga dan ilmoe kapandean jang sangat tinggi, soeda tentoe sadja, tida soeka korbankan djiwanja boewat satoe oeroesan jang saroepa ini, maka dengen lantas iaorang lepasken marika poenja sendjata dan dengen berbareng berkata: »Kita orang lantaran makan gadji dan mamegang kawadjiban dengen terpaksa moesti beriakoe koerang adjar terhadep pada toewan, akoe sangat memoehoen sadja toewan djangan ambil marah, asal sadja toewan soeka toeroet kita pergi mengadep pada pembesar, segala toewan poenja prentah tentoe kita aken toeroet." Ong Ooan Boe lantas lepasken itoe sapotong rante besi jang ia pegang. »Kaloe memangnja akoe tida soeka mengadep pada pembesar, nistjaja lebih siang akoe soeda menjingkir dari ini tempat," kata ia, „Tjoema sadja perkara akoe dateng mengadep pada pembesar biarpoen soeda pasti, tapi akoe boekannja saorang jang berdosa, maka per tama akoe tida maoe diborgol atawa dirante, dan kadoewa di sapandjang djalan maoe djalan atawa poen maoe brenti, semoewanja moesti menoeroetin akoe poenja senang hati. Salaennja itoe, kaoe orang moesti sediaken makanan dan minoeman jang enak boewat akoe makan dan minoem. Saoepamanja kaoe orang bisa menoeroetin ini tiga roepa perdjandjian, dengen lantas kita boleh brangkat ; tapi kaloe tida, djangan harap kaoe orang bisa bawa akoe pergi mengadep pada pembesar negri." Itoe kepala politie satelah mendenger itoe omongan, sekali poen dalem hatinja merasa sangat kaberatan, tapi tida brani tida menoeroet, laloe sanggoepin itoe 10.

(15) semoewa perdjandjian. Ong Goan Boe baroelah maoe brangkat mengikoetin itoe orang-orang politie. Koeli-koeli toekang pilih daon thee di Kokio koetika meliat Ong Qoan Boe digiringken oieh itoe delapan orang politie, semoewanja mengantarkan dengen mengoetjoerken aer mata. Tapi, moelai dari itoe waktoe Ong Tangfjoe poenja nama djadi terkenal di segala tempat. Samentara bebrapa orang-orang ternama jang mempoenjai pengrasahan kaädilan koetika mendengar Ong Tangtjoe mendapat perkara lantaran membelaken kaädilan, banjak jang mengasi bantoean dengen diamdiam, hingga pada waktoe ia sampe di kantoor kapala district, sama sekali tida mendapat soesa apa-apa. Tatkala ia balik poelang ka tempat kadiamannja di Pengkang lantaran sekarang orang banjak soeda taoe jang ia ada satoe achli silat jang iimoenja tinggi, laloe orang pada mengandjoerin soepaja ia memboeka satoe pergoeroean silat goena mengadjar pada anakanak moeda dalem kampoengnja. Bermoela Ong Goan Boe merasa kaberatan, kerna ia tida soeka mengadjar pada sembarangan orang; sabagimana soeda biasanja, kaloe orang soeda mejakinken sedikit sadja ilmoe kapandean silat dengen lantas djadi tjongka'k dan saban-saban soeka tjari stori sama laen orang ; tapi blakangan lantaran orang banjak teroes mendesak padanja, achir-achir terpaksa moesti meloeloesken djoega, tjoema dengen niemake pelatoeran jang sangat keras. Itoe pelatoeran tjoema terdiri dari tiga fatsal sadja; pertama orang jang maoe bergoeroe padanja tida boleh lebih moeda dari sapoeloeh taon dan tida boleh lebih toewa dari doewapoeloeh taon, dan kaloe soeda ditrima mendjadi moerid moesti tinggal dalem pergoe roean, tida boleh meninggalken pergoeroean djikaloe sabelonnja mendapat perkenan dari orang jang mendjadi 11.

(16) goeroe; kadoewa orang jang mendjadi moerid moesti mendjadi candidaat moerid doeloe dalem satoe taon lamanja, bila dalem satoe taon ternjata ada baek baroe bisa ditrima mendjadi moerid, tapi kaloe ternjata kalakoeannja tida baek dalem sembarangan waktoe boleh dioesir dari pergoeroean, biar poen jang soeda ditrima mendjadi moerid poen tida terkatjoewali ; dan katiga orang jang soeda ditrima mendjadi moerid kaloe brani melakoeken perboewatan jang tida sanoenoe, biar poen soeda dioesir, kaloe kadosahan jang dilakoeken ada besar dan heibat, toch tida aken terbebas dari hoekoeman mati. Ternjata itoe pelatoeran ada sangat berat boewat ditoeroet, teroetama itoe pelatoeran jang kadoewa, sebab sasoeatoe candidaat moerid moesti teroes tinggal dalem roemah pergoeroean — jang boewat samentara waktoe dipake roemah tinggalnja Ong Goan Boe — dan kaloe boekannja mendapat idjinnja sang goeroe tida boleh pergi kaloewar tida perdoeii ada oeroesan apa djoega ; sapandjang itoe waktoe Ong Goan Boe lakoeken penilikan jang sangat terliti dan keras pada marika itoe, kaloe sadja ada tertampak sifat jang koerang baek sedikit sadja lantas dikasi tegoran dan dikasi mengarti, saoepamanja itoe kalakoean dioelangken, tida ampoen lagi lantas dioesir dari pergoeroean. Oleh kerna itoe djoega, sekali poen tadinja ada banjak sekali orang-orang jang dateng bergoeroe, tapi achirnja tjoema tinggal doewa orang sadja jang bisa tetap mendjadi moeridnja Ong Goan Boe. Itoe doewa moerid jang satoe bernama Oei Thauw Hie dan jang laennja bernama Ouw Kit Tan. Ini doewa moerid kaädahannja ada sangat berbedahan sabagi djoega siang dan malem. Oei Thauw Hie badannja koeroes kering dan romannja sangat djelek, 12.

(17) tambahan di moekanja ada terdapat tanda bopeng bekas penjakit tjatjar, sekali poen tida terlaloe rabit, dan tjoema kira-kira anam atawa toedjoe tempat, tapi semoewanja ada sabesar-besar oewang peser, soeda tentoe sadja membikin romannja djadi samingkin djelek sadja. Tapi, menoeroet Ong Goan Boe ia ada satoe orang jang roepanja djelek tapi berhati mas, maka ia paling sajang pada Oei Thauw Hie. Sedang Ouw Kit Tan ada satoe pamoeda tjakap dan pintar, oemoernja koetika ia dateng bergoeroe baroe sadja toedjoebelas taon, atawa lebih moeda doewa taon dari Oei Thauw Hie. Terhadep pada Ouw Kit Tan saban kali Ong Goan Boe menjataken iapoenja pengrasahan menjesal. Sebab menoeroet iapoenja pemandangan Ouw Kit Tan ada terlaloe pintar, hingga laen hari ia bakal djadi tjilaka lantaran iapoenja kapintaran itoe. Makanja Ong Goan Boe bisa teroes menerima ia mendjadi moerid, disebabken itoe pamoeda tjakap senantiasa menoeroet iapoenja segala pengadjaran dan belon perna satoe kali melanggar pelatoeran. Tjoema sadja, biar poen begitoe, toch selamanja Ong Goan Boe merasa koewatir dan tida begitoe poewas sadja pada moeridnja itoe. Oleh kerna itoe djoega, sabisa-bisanja ia maoe bikin soepaja Ouw Kit Tan berada dibawahnja Oei Thauw Hie, salaennja jang terseboet blakangan ada dateng lebih doeloe dan perna soeheng, djoega ia itoe oemoernja ada lebih toewa. Tjoema sadja, Ouw Kit Tan ada sangat pintar, hingga segala peladjaran jang goeroenja adjarin pada Oei Thauw Hie, asal sadja ia sering liat, achirnja ia poen bisa jakinken itoe matjem ilmoe kapandean sampe berhasil. Oleh kerna itoe djoega, diam-diam Ong Goan Boe adjarin samatjem ilmoe loewar biasa pada Oei Thauw Hie, soepaja di hari kamoedian kaloe sampe kadjadian Ouw Kit Tan 13.

(18) melakoeken kedjahatan — hal mana ia senantiasa Ijoerigaken dengen keras — bisa ada orang jang membikin toendoek padanja. Pada Oei Thauw Hie itoe goeroe mengasi katerangan bahoewa Ouw Kit Tan sasoenggoenja ada saorang jang sangat pintar dan mempoenjai bahan jang sangat bagoes boewat beladjar ilmoe silat. Tapi sajang sekali ia ada mempoenjai sifat jang koerang baek, hingga dikoewatirken di hari kamoedian ia aken berobah mendjadi saorang djahat. Makanja ia maoe pimpin djoega pada itoe anak moeda, dari sebab koewatir djika tida dipimpin oleh ianja achir-achir aken mendjadi lebih djelek dari pada berada dalem pimpinannja. Oleh kerna itoe djoega, ia senantiasa mendjaga soepaja kamoedian ada soeatoe orang jang aken bisa menaloekin pada Ouw Kit Tan. Dari sebab ia menaro kapertjajahan penoeh pada Oei Thauw Hie, maka dengen sengadja di loewar taoenja Ouw Kit Tan ia adjarin Oei Thauw Hie samatjem ilmoe loewar biasa goena bikin toendoek pada ia itoe. Anam taon lamanja Oei Thauw Hie dan Ouw Kit Tan bergoeroe pada Ong G o a n B o e , oleh kerna doewadoewanja ada sangat pintar dan mempoenjai bahan baek, boleh dibilang ampir saäntero ilmoe kapandeannja sang goeroe iaorang soeda dapat peladjarken, dan kaloe antara itoe doewa moerid moesti dipadoe, salaennja itoe ilmoe loewar biasa jang Oei Thauw Hie dapat peladjarken dengen resia, boleh dibilang Ouw Kit Tan ada lebih pande dan lebih koewat. Tapi selamanja iaorang belon perna didjadjal satoe dengen laen, biar poen diam-diam masing-masing soeda merasa sendiri sampe brapa djaoenja iaorang p o e n j a ilmoe kapandean. Boewat ilmoe kapandean jang biasa, Oei Thauw Hie taoe jang dirinja ada lebih bawah sedikit dari pada 14.

(19) iapoenja soetee, sedang Ouw Kit Tan merasa sangat pasti jang iimoe kapandeannja ada lebih tinggi dari iapoenja soeheng, dan kaloe ia moesti bertempoer sama soehengnja itoe, biar poen tida dengen lantas ia bisa djatoken pada sang soeheng, tapi merasa pasti di achirnja pertempoeran tentoe ia aken beroleh kanienangan. Pada soeatoe hari OngGoan Boe panggil mengadep iapoenja doewa moerid itoe. »Kadoewa nioerid'koe jang tertjinta," kata ia, „se karang kaoe orang poenja ilmoe kapandean silat soeda dijakinken sampe tamat, hingga kaoe orang soeda boleh terpisa dari pimpinannja jang mendjadi goeroe. Tjoema sadja, kaoe orang haroes mengarti bahoewa peladjaran tida ada watesnja, biar poen sekarang kaoe orang soeda bisa mejakinken ilmoe silat jang tinggi, tapi kaoe orang senantiasa moesti inget bahoewa peladjaran jang tinggi ada jang lebih tinggi lagi, maka selamanja kaoe orang tida boleh merasa bangga dan sombong sama ilmoe kapandean jang sekarang kaoe orang soeda poenjaken, hanja moesti saban-saban me jakinken dan saban-saban menaro perhatian pada laen orang poenja ilmoe kapandean, kaloe sadja kaoe orang bisa berboewat begitoe, tentoelah achirnja kaoe orang poenja peladjaran aken djadi samingkin bertamba dan tida aken mendapat tjilaka. »Salaennja itoe, kaoe orang haroes inget djoega soeatoe hal. Kita makanja mejakinken ilmoe kapandean silat, boekan sadja boewat mendjaga diri, tapi boewat membela kaädilan dan melindoengin orang-orang jang lemah dan menindes pada orang-orang koewat jang soeka berlakoe sawenang-wenang. Inilah djoega sebabnja orang-orang jang berilmoe silat soeka diseboet hiapkek atawa poen kiamkek. Tapi kaloe kaoe orang goenaken 15.

(20) itoe ilmoe kapandean boewat meroegiken laen orang dan mengoentoengken diri sendiri, sabagimana beroelangoelang akoe soeda kasi kaoe orang mengarti, itoelah tida lebih dari perboewatannja bangsa perampok dan pendiahat, jang achirnja tentoe aken binasa di tatigannja orang jang soeka sama kaädilan jaitoe bangsa hiapkek. Maka, sabagimana beroeiang-oelang akoe soeda kasi adjar pada kaoe orang, akoe tjoema mengharap kaoe orang mendjadi hiapkek, biar poen moesti mati tapi tida nanti moendoer membela kaädilan dan kapatoetan. Tapi, kaloe sabaliknja kaoe orang mendjadi perampok dan pendjahat — satoe hal jang akoe sama sekali tida harap — nistjaja akoelah jang aken toeroen tangan boewat potong kaoe orang poenja leher. Inilah ada perdjandjian jang katiga dari atoeran'koe, hingga tida perdoeli bagimana djoega, akoe moesti djalanken, kerna akoe sendiri soeda bersoempa pada Thian boewat pegang tegoe atoeran itoe. „Sekarang dari sebab kaoe orang soeda waktoenja moesti berpisahan satoe dengen laen, tjobalah kaoe orang pertoendjoekin masing-masing poenja ilmoe ka pandean, kamoedian kaoe orang bikin pertandingan satjara persobatan boewat mendapat kaoe sampe di wates mana kaoe orang poenja ilmoe kapandean masingmasing. Tapi, inget, ini tjoema satoe pertandingan satjara persobatan sadja, maka kaoe orang msing-masing tida boleh gDcnakan tipoe jang berbahaja boewat menjilakaken pada sala-satoe fihak. Nah, sekarang kaoe orang boleh moelai." Oei Thauw Hie lebih siang soeda dipesen oleh sang goeroe boewat djangan goenaken itoe ilmoe kapandean loewar biasa jang telah dikasi adjar dengen resia, biar poen ia kena terdesak keras oleh Ouw Kit Tan dan sampe moesti kena dikalaken ; tapi salaennja 16.

(21) #. ^. itoe ilmoe loewar biasa, ia boleh kaioewarken saäntero iltnoe kapandeannja dengen soenggoe-soenggoe. Onw Kit Tan jang sama sekali tida faoe bahoewa iapoenja soeheng telah dikasi adjar itoe ilmoe loewar biasa koetika mendenger goeroenja poenja omongan lantas sadja merasa sangat girang, sebab ia pikir bisa mendapat koetika boewat djadjal sampe di mana watesnja iapoenja soeheng poenja ilmoe kapandean, maka dengen girang ia lantas malepasken djoebanja dan bertindak ka tengah lataran roempoet, di mana biasanja iaorang soeka mejakinken ilmoe silat. Oei Thauw Hie poen toeroet itoe toeladan, dengen tindakan adem ia menoedjoe ka tengahnja itoe lataran roempoet. Ouw Kit Tan lantaran perna soetee menoenggoe di sabelah kanan sabagi tanda ia marendah, tapi Oei Thauw Hie poen mengangkat kadoewa tangan sambil hatoerken maäf jang ia ambil tempat kadoedoekan besar (di sabelah kiri). Begitoelah iaorang lantas pasang koeda-koeda, kamoedian Oei Thauw Hie, atas permintahannja iapoenja soetee, moelai menjerang dengen tipoe siang-liong-tam-djiauw, kadoewa tangannja menoesoek dengen berbareng ka djoeroesan kadoewa kateknja Ouw Kit Tan, siapa boeroe-boeroe goenaken tipoe dji-yan-soe-tjo, lontjat moendoer doewa tindak ka blakang, tapi dengen lantas ia berbalik menjerang dengen tipoe han-yauw-pok-soei, lontjat madjoe satoe tindak ka sabelah kirinja Oei Thauw Hie sambil mendjotos ka djoeroesan lampoengnja iapoenja soeheng itoe. Oei Thauw Hie poen egosin itoe serangan dengen tipoe hoei-niauw-koei-lim dan teroes membales menje rang dengen laen matjem tipoe. Begitoelah itoe doewa moerid dari satoe goeroe serang menjerang dengen goenaken masing-masing poenja ilmoe kapandean, tipoe ditangkis sama tipoe, ilmoe ditoelak sama ilmoe lagi. 17.

(22) Samingkin lama iaorang poenja gerakan djadi samingkin tjepat dan seroeh; tapi dari sebab iaorang ada dari satoe pergoeroean dan satoe tjabang peladjaran, ada sama tanggoenja dan sama sebatnja. Biar poen satoe sama iaen mengaloewarken masing-masing poenja ilmoe kapandean dengen soenggoe-soenggoe, toclïtida kataoean fihak mana jang lebih oenggoel. Begitoelah iaorang bertempoer sampe kira-kira doewa ratoes djoeroesan lebih, dan sekarang moelai kaliatan fihaknja Ouw Kit Tan lebih banjak lakoeken penjarangan, sedang Oei Thauw Hie lebih banjak lakoeken pembelahan ; tapi sabagitoe djaoe Oei Thauw Hie tinggal tetap dalem iapoenja positie tida maoe kasiken dirinja dapat didesak biar poen tjoema sadjengkal sadja, hal m a n a soeda membikin Ouw Kit Tan djadi samingkin bernapsoe boewat mendesak pada soehengnja itoe, maka iapoenja serangan djadi sa mingkin gentjer. Oei Thauw Hie biar poen maoe menoeroetin sang goeroe poenja prentah tida kaloewarken iapoenja ilmoe kapandean loewar biasa, tapi sedikitnja ia ingin bisa tahan bertanding sampe tiga ratoes djoeroesan dengen tida terdesak oleh iapoenja soetee itoe, biar poen dalem kaädahan jang lebih banjak membelaken diri. Nanti kaloe ia soeda bisa tahan meladenin tiga ratoes djoe roesan, baroelah ia aken moendoer dan menjerah kala. Apa maoe Ouw Kit Tan jang lebih aseran dan ber darah panas, lantaran meliat soeda doewa ratoes lirnapoeloeh djoeroesan lebih, sekali poen ia lebih banjak menjerang, tapi toch masi belon djoega bisa desak pada Oei Thauw Hie, achirnja ia soeda metoepaken goeroenja poenja pesenan, kerna ia terlaloe bernapsoe boewat mereboet kamenangan. Begitoelah koenjoengkoenjoeng ia goenaken satoe tipoe jang sangat lihay 18.

(23) dan bisa membinasaken, siang-liong-kak hay, kadoewa tangannja dengen katjepatan seperti kilat ditjetjer ka djoeroesan peroet, lamboeng dan iganja Oei Thauw Hie. Oleh kerna itoe waktoe Oei Thauw Hie memangnja soeda sangat terdesek dan bikin pembelahan sabrapa jang ia bisa boewat menahan sampe tiga ratoes djoe roesan, sekarang mendadak diserang dengen itoe tipoe jang sangat lihay dan bisa membinasaken, dengen apa boleh boewat ia moesti moendoer satindak dengen satindak, kamoedian aken goenaken satoe koetika boe wat lonljat kaloewar dari kalangan pertandingan. Tida taoenja Ouw Kit Tan jang soeda bisa mendesak pada soehengnja djadi sangat goembirah, dan sekarang ia ingin bikin roeboe pada sang soeheng soepaja hatinja jang tinggi mendjadi poewas, koenjoeng-koenjoeng ia goenaken satoe tipoe tendangan tantoei ditoedjoeken ka djoeroesan anggota resianja Oei Thauw Hie, dan dalem sa'at itoe djoega kadengeran satoe soewara seroehan keras, dan satoe toeboe kaliatan terpental bebrapa belas kaki djaoenja dan roeboe ka moeka boemi dengen moeloet moentahken darah. Ong Goan Boe golengken kapalanja sambil mengelah napas. „Akoe poen soeda mendoega iebih doeloe jang Ouw Kit Tan tida bisa kendaliken napsoenja," kata ia dengen soewara menjesal; „tapi sekarang ia moesti membajar mahal sekali boewat iapoenja napsoe jang terlaloe ingin menang." Sembari berkala begitoe ia menjamperin pada Ouw Kit Tan jang meringkoek di atas roempoet dalem kaädahan pangsan. Sebab itoe orang jang berseroeh dan terpental boekan laen dari Ouw Kit Tan jang me nendang pada Oei Thauw Hie. 19.

(24) Orang tentoe ingin menanja mengapa Ouw Kit Tan jang menendang tapi sabaliknja ia sendiri jang ter lempar dan djato pangsan dengan moeloet moentahken daraii. Inilah ada bakerdjanja itoe ilmoe loewar biasa jang Oei Thauw Hie dapat peladjarken dari goeroenja dengen diam-diam. Pada waktoe Ouw Kit Tan maoe meroeboeken padanja dan goenaken ilmoe tantoei jang soeker ditangkis dan bisa membawa kamatian, Oei Thauw Hie liat tida lagi laen djaian boewat loepoetken dirinja dari bahaja maoet, dengen apa boleh boewat ia lantas berdjongkok sedikit dan kaloewarken itoe ilmoe loewar biasa, samatjem ilmoe khikang jang sangat tinggi dan dinamaken keng-tan-kang, hingga kakinja Ouw Kit Tan jang menendang koetika mengenaken peroetnja Oei Thauw Hie lantas sadja tertoelak oleh geterannja itoe ilmoe dan terpental sampe bebrapa belas kaki djaoenja. Sedang dari moeloetnja maka mengoeloewarken darah, disebabken oleh geterannja itoe ilmoe keng-tan-kang djoega, jang soeda membikin tergontjang iapoenja isi peroet. Ong Ooan Boe koetika sampe di pinggir badannja Ouw Kit Tan lantas berdjongkok boekain badjoenja itoe orang pangsan dan preksa iapoenja peroet dan dada kamoedian raba djoega gerakan kadoewa nadinja. Ia manggoetken kapalanja sambil berpaling pada Oei Thauw Hie jang itoe waktoe berdiri di satoe pinggiran dengen sakoedjoer badan bergoemeteran sabagi djoega orang jang lagi meriang. „Tida terlaloe heibat loekanja," kata ia pada itoe moerid ; ,,sasoedahnja akoe kasi ia obat dan berobat satengah boelan lamanja ia aken mendjadi semboe kombali sabagimana biasa. Tapi kaoe poenja toeboe jang bergoemeteren seperti orang lagi kadinginan, dalem kaoe poenja saoemoer idoep tida nanti bisa ilang. 20.

(25) Tapi tida mengapa itoe tjoema mendjadi tanda dari kaoe poenja keng-tan-kang soeda sampe di wates jang paling tinggi, tapi bagi kaoe poenja kasehatan sama sekali tida mendjadi halangan, salaennja kaliatannja djelek dalem orang poenja pemandangan." Oei Thauw Hie tida menjesal jang badanr.ja teroes bergoemeteran tida brenti-brentinja, sebab dalem itoe kaädahan loewar biasa ada tersimpen samatjem ilmoe jang loewar biasa. Seperti baroesan kaloe sadja ia tida mempoenjai itoe ilmoe keng-tan-kang nistjaja ia soeda binasa di oedjoeng kakinja Ouw Kit Tan, jang maoe mereboet kamenangan tapi tida mengindahken orang poenja djiwa, sedang ia ada soehengnja itoe orang dan djoega sama sekali tida mempoenjai permoesoehan satoe apa. Dari ini oeroesan poen ia bisa mendapat kanjatahan kabenarannja goeroenja poenja katjoerigahan atas sifatnja Ouw Kit Tan. Paribahasa ada bilang, sasoedanja angin riboet baroe ternjata poehoen jang tegoe akarnja. Kaloe doeloean Ouw Kit Tan senantiasa bisa kendaliken napsoenja itoelah tjoema lantaran ia masi belon hadepken pertjobahan jang heibat, sedang sekarang baroelah ternjata iapoenja sifat jang aseli. Ouw Kit Tan jang masi teroes pangsan digotong oleh Ong Goan Boe dan Oei Thauw Hie masoek ka dalem satoe kamar, di mana ia dipale sakoetika lamanja oleh itoe goeroe silat, kamoedian itoe pamoeda jang terlaloe inget kamenangan dan meloepaken harganja djiwa satoe sasama manoesia, djadi sedar. Ong Goan Boe kasi ia minoem samatjem obat boeboek dan oedjoeng kakinja dioeroetin, kaloe asalnja tjoema kaliatan tanda merah sedikit, pada sasoedanja dioeroet lantas mendjadi bengkak sabagi djoega kakinja orang beri-beri dan warnanja tida berbeda sabagi boewah kemir (tomato) 21. |.

(26) mateng. Ini kaki jang bengkak dipakein samatjem obat boeboek jang ditjampoer sama arak. Betoei limabeias hari lamanja Ouw Kit Tan rnoesti berobat sampe ia mendjadi semboe lagi sabagimana biasa. Sapandjang ia sakit Oei Thauw Hie meravvatin padanja dengen soenggoe-soenggoe; tapi Ouw Kit Tan kaloe meliat pada Oei Thauw Hie jang teroes meneroes badannja bergoemeteran sabagi djoega orang jang kadinginan, bermoela merasa sangat heran, laloe ia menanjaken apa sebabnja, tapi maoe poen Oei Thauw Hie atawa poen sang goeroe, semoewanja mengasi ka terangan jang menjimpang, hingga membikin ia djadi tjoeriga dan achirnja ia menjangka keras tentoelah ada samatjem ilmoe loewar biasa jang goeroenja telah kasi adjar pada iapoenja soeheng itoe. Oleh kerna itoe djoega, ia m.erasa sangat bent j i pada Oei Thauw Hie dar. koerang senang pada goeroenja. la bentji pada Oei Thauw Hie lantaran mengiri dan djoega sakit hati lantaran soeda membikin ia rebah di atas pembaringan sampe belasan hari lamanja ; sedang iapoenja koerang senang pada sang goeroe lantaran anggap sang goeroe pilih boeloe dan lebih sajang pada iapoenja soeheng. Tapi, oleh kerna ia a d a s a o r a n g jang bisa sekali simpen pengrasahan hatinja, biar poen marah masi bisa tertawa, sedikit poen ia tida kasi kentara iapoenja pengrasahan jang sabetoelnja. Tjoema sadja, hal itoe tida bisa terlepas dari matanja Ong Goan Boe jang tadjam. Diam-diam ia kasi taoe hal itoe pada Oei Thauw Hie serta pesen soepaja sang moerid senantiasa berhati-hati terhadep pada Ouw Kit Tan. ,Sekarang soeda ternjata kabenarannja akoe poenja sangkahan," kata ia pada moeridnja itoe, »hingga ada betoei sekali akoe tida toeroenken semoewa ilmoe 22.

(27) jang akoe kasi adjar pada kaoe. Dalem kaädahan sekarang Ouw Kit Tan tida nanti bisa tandingin kaoe poenja iltnoe kapandean, maiali biar poen ia tjoba peiadjarken djoega itoe ilmoe keng-tan-kang, paling banjak ia tjoema bisa mendjadi kaoe poenja tandingan. Tapi, boewat mendjaga djangan sampe ia bisa bikin tjilaka pada kaoe, akoe maoe adjarin saniatjem ilmoe kapandean jang tida nanti bisa di peiadjarken oleh kaoe poenja soetee. Ini ilmoe kaoe tjoema boleh goenaken sadja kaloe dengen sasoenggoenja Ouw Kit Tan berboewat sangat djahat dan haroes dibinasaken. Tapi boewat djangan kentara di matanja Ouw Kit Tan, besok baek kaoe orang sama-sama brangkat dari sini, nanti kaloe kaoe orang soeda berpisahan, baroelah kaoe balik kombali ka sini." Di hari jang berikoetnja lantaran penjakitnja Ouw Kit Tan soeda mendjadi semboe, Ong Qoan Boe idjinken ia itoe brangkat poelang, tapi lebih doeloe dikasi ingetan pandjang lebar jang bisa mendjadi iapoenja kabaekan. Tjoema sadja lantaran Ouw Kit Tan memang soeda merasa koerang senang pada goeroenja dan bentji sangat pada iapoenja soeheng, biar poen di moeloetnja bilang baek, tapi itoe semoewa omongan sama sekali tida masoek ka dalem hati sanoebarinja. Tapi Ong Goan Boe poen sampe taoe itoe kaädahan, tjoema ia ingin sabisa-bisanja soepaja ini moerid bisa mendjadi saorang baek, sebab ia merasa sajang sekali sama iapoenja kapintaran dan bahan jang sangat baek. Kaloe sadja dengen sasoenggoenja ia bisa mendjadi saorang baek dan djoedjoer, pasti sekali ia maoe kasi adjar lagi laen-Iaen ilmoe silat jang lebih tinggi, kerna bila ia dipimpin ka itoe djoeroesan tentoe aken lebih tinggi dari pada Oei Thauw Hie. Tjoema kaloe dalem kaädahan sekarang ia dikasi peladjaran ilmoe jang 23.

(28) lebih tinggi, tida berbeda kasi sajap pada satoe harimau, dan achirnja tentoe orang banjak jang aken mendap^ soesa dan katjilakahan jang boekannja ketjil. Inilah sebabnja ia soeda mamilih pada Oei Thauw Hie, biar poen ada sedekit kala kapintarannja, tapi boleh dipertjaja, dan bisa diandelin boewat mendjadi pendekar kabenaran dan kaädilan. Begitoelah ifoe doewa moerid berpamitan pada sang goeroe detigen berloetoet dan mendjoera, kamoedian sama-sama bikin perdjalanan poelang. Oleh kerna Oei Thauw Hie ada pendoedoek dari Thay-goan, iboe kota provincie Sansee, sedang Ouw Kit Tan ada pendoedoek Djoetjioe dalem provincie Holam, maka iaorang berdjalan sama-sama. Koetika iaorang moesti berpisahan, Ouw Kit Tan jang bisa sekali simpen pengrasahan hatinja, sama sekali tida oendjoek sikap jang tida enak biar bagimana sedikit sekali poen, hingga kadang-kadang Oei Thauw Hie merasa sangsi apatah goeroenja poenja pemandangan ada kliroe. Tapi, ia selamanja pikir bahoewa berhati-hati tida ada djahatnja, sedang rasahan tjoeriga kadang-kadang bisa membawa berkah.. Lima taon kamoedian Oei Thauw Hie dioendang oleh Oei Kin Boe boewat mendjadi anggota dari Hinhan-hwee, satoe perkoempoelan resia, jang di lahirnja boewat mejakinken ilmoe silat, tapi sabetoeinja ada satoe perkoempoelan revolutionair jang maoe mendjatoken pada pamerentah Boan. itoe Hin-han-hwee didiriken di Tiangsee, iboe kota provincie Ouw-lam, dan orang-orang jang mendjadi anggota oemoemnja ada orang dari golongan terpladjar jang mengandoeng pikiran boewat mendjatoken pamerentahan bangsa Boan dan mendiriken lagi satoe pamerentahan bangsa Han 24.

(29) sendiri, salaennja itoe terdapat djoega achli-achli silat jang saoemoemnja ada mengandoeng djoega itoe matjem pikiran, dan inilah sebabnja mai<a Oei Thauw Hie dioendang oleh Oei Kin Boe masoek mendjadi anggotanja Hin-han-hwee. Pada soeatoe hari ka itoe roemah perkoempoelan jang berpendengan sabagi pergoeroean silat ada dateng satoe orang lelaki moeda tjakap minta bertemoe sama goeroe dari itoe pergoeroean, katanja ia ingin minta pengadjaran. Koetika satoe boedjang jang diwadjibken mendjadi toekang djaga pintoe masoek ka dalem niengasi taoe, kabetoelan Oei Kin Boe djoestroe berada dalem itoe roemah perkoempoelan, hingga ia lantas mendoega bahoewa kadatengannja itoe pamoeda tjakap tentoe bermaksoed boewat meroeboehken itoe pergoe roean, sebab memang soeda oemoemnja sasoeatoe pergoeroean silat senantiasa didatengin oleh achli-achli silat boewat mendjadjal ilmoe kapandeannja orang jang mendjadi goeroe dari pergoeroean itoe, kaloe sang goeroe bisa kalahken pada itoe achli silat jang dateng mendjadjal, itoe pergoeroean bisa berdiri teroes, tapi kaloe sang goeroe jang kena dikalahken, soeda tentoe sadja itoe pergoeroean silat terpaksa moesti goeloeng tiker. Oleh kerna itoe djoega, sasoeatoe orang jang dateng „minta pengadjaran" pada soeatoe pergoeroean silat, sabetoeinja bermaksoed meroeboeken pergoeroean silat itoe. Apa maoe itoe waktoe Oei Thauw Hie djoestroe pergi ka loewar kota boewat menengokin iapoenja sala-satoe kenalan dan belon bisa balik poelang dengen lekas, sedang bebrapa achli silat jang berada dalem itoe roemah perkoempoelan pada itoe waktoe, ilmoe kapandeannja tida begitoe tinggi, hingga sangat dikoewatirken boekan tandingannja itoe pamoeda, sebab 25.

(30) kaloe saorang jang soeda brani dateng minta bertanding pada satoe pergoeroean silat, bisa dipastikan ilmoe kapandeannja ada tinggi. Oleh kerna itoe djoega, di satoe fihak Oei Kin Boe soeroean orang pergi mengoendang pada Ma Hok Ek, satoe achli silat bangsa Islam jang sangat ternama di bilangan Ouwlam, tapi tida maoe tinggal dalem itoe roemah perkoempoelan biar poen ia ada rnendjadi anggota pada itoe perkoempoe lan Hin-han-hwee ; di laen fiiiak soeroean orang menjoesoel pada Oei Thauw Hie jang itoe waktoe lagt menengokin sala-satoe sobatnja di Ong-kee-tjip jang terletak kira-kira anampoeloeh lie lebih dari sabelah loewarnja kota Tiang-see. Makanja Oei Kin Boe dengen berbareng soeroean orang pergi mengoendang pada Ma Hok Ek, dan Oei Thauw Hie, kerna ia koewatir kaloe Ma Hok Ek, satoe achli ngekang dan gwakang boekan tandingannja itoe orang jang maoe meroeboehken itoe pergoeroean silat ; sedang itoe orang jang disoeroe menjoesoel pada Oei Thauw Hie bernama Lauw Kim Seng, jang mendapat djoeloekan Hoei-mo-toei lantaran bisa djalan ijepat sekali, dan kaloe boewat sampeken perdjalanan jang tjoema anampoeloeh lie lebih sadja dalem doewa djam soeda bisa sampe. Maka saände kata Ma Hok Ek dengen sasoenggoenja boekan tandingannja itoe orang, masi kaboeroe Oei Thauw Hie dateng membantoein, sebab itoe pertandingan poen sabisanja aken dibikin lambat terdjadinja, sedang Ma Hok Ek poen tida terlaloe gampang bisa dikalaken taro kata ia boekan tandingannja orang itoe. Sasoedanja selese mengatoer, Oei Kiri Boe lantas kaloewar katemoeken pada itoe tetamoe jang ternjata oemoernja paling banjak baroe tigapoeloeh taon sadja, sedang romannja sangat tjakap, tida berbeda sabagi 26.

(31) Lu Pouw di djeman Samkok. Sasoedanja kadoewa fihak saling memberi hormat sabagimana lajiknja dan masing-masing mengambil satoe tempat doedoek, Oei Kin Boe sabagi toewan roemah menanjaken tetamoenja poenja she dan nama, tempat tinggal dan maksoednja iapoenja koendjoengan. ,Akoe she Ouw dan bernama Kit Tan," saoet itoe orang moeda, „dengen sengadja akoe dateng dari Djoetjioe boewat minta pengadjaran pada goeroe silat dari ini pergoeroean. Akoe rasa tentoe orang tida nanti menampik akoe poenja permintahan jang pantas ini. Sabaliknja apatah akoe bisa mendapat taoe toewan poenja she dan nama jang moelia, dan apatah toewan ini jang mendjadi goeroe dari ini pergoeroean silat?" „Akoe bernama Oei Kin Boe, tapi biar poen ini pergoeroean akoe jang gerakin, jang mendjadi goeroe boekannja akoe," saoet voorzitter dari Hin-han-hwee. »Sedang kaloe toewan maoe bertemoe sama goeroe dari ini pergoeroean, menjesal sekali ia djoestroe berpegian dan paling tjepat besok siang baroe ia balik poelang ka sini. Saoepamanja toewan soeka menoenggoe di sini, kita ada sedia kamar jang loemajan boewat toewan menginep, kaloe sadja toewan soedi liwatken di waktoe malem di dalam kita poenja roemah perkoempoelan jang djelek dan sempit ini." .Boewat toewan poenja manis boedi akoe haroes hatoerken trima kasi," kata Ouw Kit Tan, „tapi dengen menjesal akoe moesti toelak, kerna akoe soeda mengam bil satoe kamar dalem sala-satoe hotel jang memake merk Kit-seng-tjan dalem ini kota. Tjoema apa akoe boleh mendapat taoe siapa she dan namanja itoe orang jang mendjadi goeroe dalem ini pergoeroean ?" ,,Ia bernama Oei Thauw Hie," manerangken Oei Kin Boe. 27.

(32) Koetika mendenger namanja Oei Thauw Hie diseboet, lantas sadja paras moekanja Ouw Kit Tan djadi berobah sangat asam. ,Kaloe begitoe, betoel ia ada di sini," kata ia dengen soewara perlahan sabagi orang jang mengomong sendirinja, „hingga tida perljoema akoe poenja kadatengan." Mendadak ia berpaling pada Oei Kin Boe jang itoe waktoe mengawasin padanja dengen paras moeka kaget dan heran, hingga ia djadi mendoesin kaloe baroesan ia soeda mengomong sendirinja ; boewat mem bikin linjap Oei Kin Boe poenja katjoerigahan ia berkata dengen soewara njaring : „Akoe sama Oei Thauw Hie ada temen beladjar dan ia ada akoe poenja perna soeheng, makanja akoe dateng ka sini djoestroe lantaran akoe denger ia berada di sini, tapi sama sekali tida taoe kaloe ia jang mendjadi goeroe dalem ini pergoeroean silat, maka baroesan akoe telah madjoeken permintahan boewat minta pengadjaran. Tapi kaloe akoe poenja soeheng jang mendjadi goeroe di sini, soeda tentoe sekali akoe tarik kombali akoe poenja permintahan itoe." Soeda tentoe sadja, Oei Kin Boe jang bermata tadjem dan mempoenjai banjak pengalaman tida bisa disesatken sama itoe matjem omongan manis, kerna ia soeda liat terang paras moekanja Ouw Kit Tan mendadak djadi asam koetika mendenger namanja Oei Thauw Hie diseboet, hingga lantas bisa didoega kaloe ia ini ada mempoenjai permoesoehan apa-apa sama itoe goeroe silat dari perkoempoelannja. Djoestroe ia lagi berpikir tjara bagimana ia moesti perlakoeketi pada ini orang asing jang mengakoe bernama Ouw Kit Tan, mendadak satoe boedjang masoek mengasi taoe bahoewa Ma Hok Ek telah dateng. Oei Kin Boe lantas meminta maäf pada tetamoenja boewat berlaloe sabentaran, kerna ia 28.

(33) maoe menjamboet pada itoe laen tetamoe jang baroe dateng. Ouw Kit Tan menjataken jang toewan roemah boleh tida oesa memake terlaloe banjak peradatan, dan ia aken menoenggoe dengen segala senang hati dalem itoe kamar tetamoe. ,Tida, toewan Ouw, akoe tida aken membikin kaoe menoenggoe," kata -Oei Kin Boe, „kerna akoe poen maoe adjar kenal pada toewan Ma Hok Ek, sala-satoe achli silat jang terkenal di kita poenja tempat dan mendjadi djoega sala-satoe penoendjang dari kita poenja pergoeroean silat ini." , 0 h , akoe soeka sekali berkenalan dan sekalian aken minta djoega pengadjaran padanja," saoet Ouw Kit Tan. Oei Kin Boe manggoetken kapalanja dan kaloewar dari itoe kamar tetamoe, tapi baroe sadja ia sampe di pertengahan depan ia soeda menampak Ma Hok Ek jang soeda doedoek menoenggoe di sitoe. Koetika ia meliat pada Oei Kin Boe lantas sadja berbangkit dari tempat doedoeknja. Sasoedanja iaorang memberi hormat satoe dengen laen sabagimana lajiknja dan masing-masing mengambil tempat doedoek, Oei Kin Boe dengen lantas berkata : ,Ini hari kita ada kadatengan satoe orang jang tida dikenal, roepanja ia ada satoe achli silat jang ilmoenja tinggi, dan moela-moela lantas sadja minta bertanding sama goeroe dari kita poenja pergoeroean ; tapi blakangan pada sasoedanja akoe kasi taoe Oei Thauw Hie jang mendjadi kauwsoe di sini, boeroeboeroe ia tarik poelang omongannja dan mengakoe perna soeheng pada Oei Kauwsoe. Tjoema sadja pada waktoe ia mendenger namanja Oei Kauwsoe diseboet, mendadakan akoe liat paras moekanja berobah djadi 29.

(34) asam, hingga bisa didoega kaloe ia ada mempoenjai permoesoehan apa-apa terhadeppada Oei Kauwsoe. Oleh kerna itoe djoega, akoe rasa ini orang jang mengakoe bernama Ouw Kit Tan tentoe aken berteftipoer sama Oei Kauwsoe dan banjak kans aken terdjadi perkara djiwa, hingga akoe djoestroe merasa bingoeng apa jang moesti diperboewat. Sekarang kabetoelan Ma-heng dateng, Ijoba toeioeng pikirken apa jang kita moesti berboewat terhadep pada itoe orang jang tida dikenal dan mengakoe bernama Ouw Kit Tan." „Kaloe baroesan ia soeda tarik kombali omongannja," kata Ma Hok Ek, „lebih baek kita dengerin sadja apa jang kamoedian ia aken bilang. Sebab kaloe dengen sasoenggoenja ini orang ada mempoenjai permoesoehan sama Oei Kauwsoe, biar poen diljega poen fida ada goenanja, maka kita moesti menoenggoe sadja sampe Oei Kauwsoe balik poelang dan liat apa jang aken terdjadi." ,Ma-heng poenja omongan ada benar," kata Oei Kin Boe, „tapi koetika akoe minta permisie boewat meninggalken doeloe sabentar padanja goena menjamboet pada Ma-heng, lantas sadja ia bilang bahoewa ia soeka sekali berkenalan pada Ma-heng, serta bilang djoega ia ingin minta pengadjaran. Oleh kerna akoe koewatir Ma-heng tida sabaran dan lantas sadja menjanggoepin boewat maladenin padanja, maka dengen sengadja akoe kasi taoe doeloe doedoeknja perkara dengen terang, agar Ma-heng djangan kena diobor dan lantas maoe meladenin bertempoer sama ianja. Biarlah nanti sadja Oei Kauwsoe sendiri jang beresin ini oeroesan, sebab itoe orang poenja kadatengan ka sini poen memangnja mentjari padanja." Ma Hok Ek bersenjoem koetika mendenger itoe omongan, tapi dalem hatinja merasa koerang senang30.

(35) J. *. ». ^. •*. ,. sebab ia anggap Oei Kin Boe pandang enteng padanja dan soeda pastiken lebih doeloe jang ia boeitannja itoe orang sbÄOuw poenja tandingan, maica ia ambil satoe poetoesan pasti, apabila sabentar Ou w Kit Tan minta bertanding padanja, dengen lantas ia aken meloeloesken. Tapi di lahirnja ia tjoema manggoetken sadja kapalanja sabagi tanda jang ia satoedjoe sama omongannja Oei Kin Boe. Di sini haroes diterangken bahoewa Ma Hok Ek adatnja ada sedikit tinggi dan koekway, oleh kerna ia sendiri ada achli silat ngekang dan gwakang, selamanja ia merasa tida senang kaloe orang bilang achli silat noeikang dan laykang acia lebih tinggi dari jang terseboet doeloean. Terhadep pada Oei Thauw Hie ia tida mengiri malah sabaliknja merasa soeka dan taloek, tapi meloeloe dari sebab Oei Thauw Hie ada seorang jang manis boedi dan senantiasa soeka marendah, tida perdoeli terhadep pada siapa djoega. Blakangan bebrapa kali ia menjaksiken Oei Thauw Hie poenja ilmoe kapandean, hingga dengen saäntero hatinja ia merasa taloek atas ilmoe kapandeannja ia itoe. Begitoelah Oei Kin Boe bersama Ma Hok Ek menoedjoe ka itoe kamar tetamoe, dari sabelah loewar Ma Hok Ek soeda awasin itoe pamoeda jang tida dikenal, siapa itoe waktoe djoestroe lagi berdoedoek dengen anteng di dalem satoe korsi dengen memandang ka loewar djendela. Oei Kin Boe berdehem koetika ia maoe masoek hingga Ouw Kit Tan lantas berpaling dan koetika meliat pada itoe doewa orang lantas sadja ia berbangkit dan menoenggoe marika itoe masoek ka dalem itoe kamar. »Toewan Ouw, inilah toewan Ma Hok Ek, satoe achii silat jang terkenal di ini kota — Ma-Heng, toewan Ouw Kit Tan dari — dari ". 31 3.

(36) Begitoelah Oei Kin Boe adjar kenal itoe doewa orang, tapi ia tida bisa seboetken nama tempat tinggalnja Ouw Kit Tan „Dari Djoetjioe dalem provincie Holam," menjamboengin Ouw Kit Tan sambil mengangkat tangan memberi hormat pada Ma Hok Ek. laorang masing-masing mengambil tempat doedoek dan disoegoehin lagi aer thee baroe oleh satoe djongos. ,Akoe soeda lama mendenger toewan Ma poenja nama jang termashoer sabagi djoega soewaranja goentoer jang membikin pengeng koeping," kata Ouw Kit Tan pada Ma Hok Ek, „biar poen soeda lama akoe ingin sekali dateng mengoendjoengin ka sini, tapi baroe sekarang itoe maksoed bisa kasampean. Kaloe akoe bisa mendapat pengadjaran dari toewan, sasoenggoenja akoe merasa sangat beroentoeng sekali. Belon taoe apatah toewan Ma soedi memberi pengadjaran pada'koe saorang jang bodo?" „Sabetoelnja akoe moesti merasa maloe sekali mendenger toewan poenja poedjian dan oempakan jang moeloek itoe," kata Ma Hok Ek dengen merendah. „Prihal ilmoe silat akoe sendiri sabetoelnja tjoema taoe sedikit sekali, soeda tentoe sadja akoe tida nanti bisa mengadjar apa-apa jang berfaedah bagi toewan, malah sabaliknja akoe jang ingin minta pengadjaran dari toewan." Sabagimana ternjata, kadoewa filiak poenja omongan kadengerannja ada manis, tapi di dalemnja ada tersemboeni apa-apa jang menoesoek telinganja itoe doewa orang. Sebab itoe perkatahan ,,minta pengadjaran" memangnja bisa digoenaken sabagi satoe tantangan haloes — di lahirnja minta pengadjaran, tapi sabenarnja minta bertanding ilmoe kapandean. Soeda tentoe sadja, 32.

(37) Oei Kin Boe merasa sangat iboek, sebab ia mengarti bahoewa djawabannja Ma Hok Ek jang katanja maoe balik minta pengadjaran pada itoe pamoeda asing, berarti maoe trima baek tantangan fihaknja pamoeda itoe. Tapi boewat samentara itoe ia sama sekali tida berdaja boewat menjega, sebab di lahirnja omongan kadengerannja sangat manis, hingga kaloe ia oetjapken apa-apa jang mengasi alamat maoe menjega terdjadinja soeatoe pertempoeran antara itoe doewa orang, sabaliknja aken membikin itoe oeroesan djadi samingkin njata dan berachir djoega dengen satoe pertempoeran antara itoe doewa orang. „Memang djoega perkara ilmoe silat tida ada watesnja," kata ia achir-achir, ,,sedang di antara orang-orang jang seperti toewan Ouw dan Ma-heng, achli-achli silat jang soeda sampe di soeatoe tingkatan tinggi, soeda tentoe sadja satoe sama laen tida bisa goenaken perkatahan minta pengadjaran, hanja boleh dibilang sadja saling mempahamken dengen peroendingan. Sedang baroesan toewan Ouw dan Ma-heng masing-masing soeda terlaloe berlakoe soengkan dan goenaken oetjapan jang sangat marendah." Menoeroet pikirannja Oei Kin Boe dengen berkata begitoe ia aken bisa mamisah itoe doewa orang jang diam-diam maoe saling oedji ilmoe kapandeannja. Tapi tida taoenja berachir djoestroe sabaliknja. ,,Itoe betoel," kata Ouw Kit Tan. „Akoe sendiri sekali poen tida bisa teritoeng sabagi satoe achli silat, tapi soeda perna mejakinken djoega sedikit tentang ilmoe itoe, tida perdoeli ngekang atawa noeikang, gwakang atawa poen laykang. Oleh kerna itoe djoega, kaloe sekarang toewan Ma soeka meroendingken tentang itoe bebrapa matjem ilmoe silat, akoe aken merasa 33.

(38) girang sekali boewat mendengerin soepaja bisa menambahken akoe poenja pengetahoean." Oei Kin Boe djadi kaget sekali koetika mendenger itoe omongan, sebab kaloe membitjaraken tentang ngekang dan noeikang atawa gwakang dan laykan^ amat bisa djadi iaorang aken djadi kabentrok, sebab kaloe sadja Ouw Kit Tan ada satoe achli noeikang dan laykang, pasti sekali iapoenja pembitjarahan tida nanti bisa tjotjok sama Ma Hok Ek jang mengoetamaken ngekang dan gwakang. Pada sabelonn]a la mendapat kasempetan boewat menjelak, koenjoengkoenjoeng kadengeran Ma Hok Ek berkata ; „Kaloe menoeroet toewan Ouw poenja pemandangan bagimana perbedahannja ngekang sama noeikang atawa gwakang sama laykang?" „Menoeroet apa jang akoe soeka denger dan goeroe'koe," djawab Ouw Kit Tan, »ngekang dan gwakang ada samatjem ilmoe silat jang mengoetamaken tenaga kakoewatan di lahir hingga biar poen dijakinken sampe di wates jang paling tinggi toch tida nanti bisa menempil sama satoe achli noeikang dan laykang jang tmggi. Mendenger itoe omongan Ma Hok Ek bersenjoem ewa. „Dengen berdasar sama alesan dan tjenglie apa toewan bisa bilang begitoe ?" menanja ia. „Itoelah ada saderhana sekali," saoet Ouw Kit l an. .Sekarang akoe bikin satoe peroepamahan di sini; Satoe achli silat ngekang dan gwakang jang paling tinggi, biar poen ia ada mempoenjai tenaga besar jang bisa mengangkat barang jang beratnja seriboe kati ka atas, bisa remas antjoer satoe batoe atawa sapotong besi dalem telapakan tangannja, tapi kaloe satoe kali berhadepan sama achli noeikang dan laykang jang ilmoenja tinggi, itoe kakoewatan dan tenaga lahir sama 34.

(39) sekali tida ada goenanja, kerna achli noeikang dan laykang bisa loelak itoe dengen itoe dengen ilmoe lemas dari dalem toeboenja " .Maaf, toewan Ouw," kata Ma Hok Ek jang soeda tida tahan boewat mendengerin lebih djaoe orang poenja omongan jang begifoe menjela dan memandang enteng pada achli silat jang mengoetamaken ngekang dan gwakang, „akoe tida bisa satoedjoe sama kaoe poenja pemandangan jang begitoe memandang enteng pada achli ilmoe ngekang dan gwakang, sebab akoe sendiri ada sala-satoe achli dari itoe golongan, biar poen akoe tida bisa teritoeng sabagi achli ngekang dan gwakang jang djempolan, tapi akoe merasa kaloe boewat berhadepan sama achli noeikang dan laykang, tida nanti bisa kadjadian sabagimana baroesan toewan telah kataken, asal sadja kadoewa fihak poenja ilmoe kapandean ada sama tingkatannja. Maka akoe sendiri selamanja bersedia boewat membelaken akoe poenja tjabang ilmoe kapandean, biar poen boleh djadi mati akoe tida nanti moendoer." Oei Kin Boe merasa sangat terkedjoet sekali koetika mendenger Ma Hok Ek oetjapken perkatahan mati, kerna itoelah ada alamat djelek, maka boeroe-boeroe ia menjelak. „Prihal ngekang dan gwakang atawa noeikang dan laykang, itoelah ada ilmoe-ilmoe jang menoeroet ma sing-masing poenja kajakinan sendiri, hingga satoe sama laen tentoe aken pegang tinggi masing-masing poenja deradjat," kata ia, „maka dalem ini hal sabetoelnja tida perloe direwelken lagi, kerna masing-masing soeda sampe taoe. Akoe rasa lebih baek toewan Ouw dan Ma-heng membitjaraken sadja laen tjabang ilmoe silat jang satoe sama laen bisa merasa tjotjok soepaja. 35.

(40) bisa didapatken katerangan jang lebih djelas dan kamadjoean dalem ilmoe." „Tapi, kaloe menoeroet akoe poenja pendapatan, boewat dapatken katerangan jang lebih djelas dan kamadjoeannja ilmoe, tjoema bisa kasampean kaloe dibitjaraken tentang perbedahannja antara ngekang dan gwakang di satoe fihak, dan noeikang dan laykang di laen fihak. Sebab boekan sedikit orang soeda kliroe ambil djalan hingga membikin sia-sia sadja orang poenja tenaga dan tempo jang berharga boewat mejakinken ilmoe kapandean jang kliroe dan koerang sampoerna." ,,Apatah jang toewan maoe maksoedken dengen itoe oetjapan „ilmoe kapandean jang kliroe dan koerang sampoerna '?" menanja Ma Hok Ek sambil keroetken sedikit halisnja sekali poen soewaranja masi tinggal Óei Kin Boe merasa jang sekarang ia tida aken bisa menjega lagi, terdjadinja pertempoeran antara im doewa orang, kerna ia taoe tabeatnja Ma Hok Ek dengen baek, kaloe ia keroetken halisnja menandaken ia soeda djadi sangat goesar. Tapi jang paling mem bikin ia djadi sangat iboek, adaiah ia sangat koewatir kaloe Ma Hok Ek jang bakal dikalahken oleh itoe pamoeda jang tida dikenal dan mengakoe bernama Ouw Kit Tan. la jakin kaloe saorang jang tida mempoenjai ilmoe kapandean silat tinggi, tida nanti brani manantang ka dalem soeatoe pergoeroean silat. Tapi ia tida sempet berpikir lebih djaoe, sebab itoe waktoe kadengeran Ouw Kit Tan berkata: „Maäf, toewan Ma, kaloe sekarang akoe bitjara dengen teroes terang; oetjapan'koe itoe dimaksoedken ilmoe silat ngekang dan gwakang, hal mana akoe soeda taoe dengen pasti makanja akoe brani oetjapken. Malah 36.

(41) kaloe perloe, akoe poen bisa boektiken, kerna akoe sendiri ada satoe pengikoet dari tjabang peladjaran ilmoe silat noeikang dan iaykang." „Nah, kaloe begitoe, lantaran omong kosong sadja tida ada goenanja," kata Ma Hok Ek sambil berbangkit dari tempat doedoeknja, „marilah kita tjoba boektiken kabenarannja masing-masing fihak poenja oetjapan, soepaja lantas bisa ditetapken fihak mana poenja omo ngan jang lebih betoel." „Ma-heng, maäfken pada'koe," menjelak Oei Kin Boe dengen tjepat, „roepanja kaoe soeda meloepaken pelatoeran jang kita telah tetapken dalem ini pergoeroean, jang selamanja tida aken perkenaken orang bertaroeng sampe ada sala-satoe fihak jang mendapat loeka berat hingga tiwas djiwanja. Sedang menoeroet paribahasa ada dibilang, djika doewa harimau berklai tentoelah ada sala-satoe fihak jang mendapat loeka, atawa poen doewa-doewanja loeka. Maka dalem ini oeroesan akoe rasa lebih baek Ma-heng timbang lagi biar mateng, atawa menoenggoe sampe Oei Kauwsoe balik poelang, baroelah ini oeroesan dibitjaraken lebih djaoe." Ma Hok Ek koetika mendenger omongannja Oei Kin Boe jang paling blakang lantas sadja sala artiken. Ia anggap, sabagimana djoega paling bermoela, sala anggap, Oei Kin Boe sabagi djoega soeda merasa pasti jang ia boekan tandingannja Ouw Kit Tan, maka sabisa-bisanja maoe menoenggoe djoega sampe Oei Thauw Hie dateng, hingga hatinja djadi samingkin panas dan sengit. ,,Tida apa, bila sampe kadjadian akoe jang mati, toch ada atas akoe poenja kahendakan sendiri, dan toewan Ouw sama sekali tida bisa disalaken," kata ia dengen soewara tetap ; „begitoe poen sabaliknja kaloe 37.

(42) toewan Ouw jang binasa lantaran akoe kasalahan tangan meloekaken padanja. Lagian beion tentoe fihak mana jang aken kena dikalaken, mengapa kaoe djadi begitoe koewatir ?" „Kaloe begitoe moesti dibikin doeioe satoe soerat perdjandjian dan oendang bebrapa banjak orang boewat menajadi saksi," kata Oei Kin Boe jang masi beion djoega poetoes harapan boewat menoenda dan melambatken terdjadinja itoe pertempoeran, jang dengen sasoenggoenja, ia merasa sangat koewatir kaloe Ma Hok Ek jang kena diroeboeken oleh lawanannja. ,,ltoelah sama sekali tida perloe," kala Ouw Kit Tan, ,,sebab kita poen tjoema aken mendjadjal sadja boewat memboektiken kabenarannja masing-masing fihak poenja omongan, hingga tida perloe sampe kadoewa fihak mendapat loeka heibat jang membahajaken djiwanja." ,,ltoe betoel," kata Ma Hok Ek, ,,boewat mendja djal masing-masing poenja ilmoe kapandean dan seka lian memboektiken kabenarannja masing-masing poenja omongan, tida perloe bertempoer, hanja soeda tjoekoep kaloe kadoewa fihak saling poekoel dengen bergantian, dan ditetapken saorangnja boleh memoekoel sembilan kali, sedang jang dipoekoel tjoema boleh menangkis tapi tida boleh membales." »Akoe satoedjoe saänteronja dengen itoe perdjan djian," kata Ouw Kit Tan dengen tjepat, „dan sekarang djoega kita boleh lantas moelai." Oei Kin Boe sekarang sama sekali tida berdaja, sebab kaloe Ma Hok Ek sendiri jang madjoeken itoe voorstel, ia sabagi saorang jang di loewar garisan, tjara bagimana bisa menghalangin ? Begitoelah Ma Hok Ek dan Ouw Kit Tan pada malepasken masing-masing poe nja djoeba dan ringkesken marika poenja pakean dalem 38.

(43) soepaja djangan mendjadi rintangan di waktoe iaorang bertempoer. Tida antara lama kamoedian itoe doewa orang jang maoe bertempoer soeda berkoempoel di satoe lataran roempoet, jang biasanja digoenaken boewat mejakinken ilmoe silat. Sedang bebrapa goeroe-goeroe silat jang tinggal dalem itoe roemah perkoempoelan poen pada dateng ka sitoe atas permintahannja Oei Kin Boe. .Toewan-toewan sekalian," kata Ouw Kit Tan, ,ini hari akoe poenja kadatengan ka sini, perloenja boewat minta pengadjaran pada toewan-toewan jang berada di sini, tapi sabagimana tjaranja soeatoe orang gaga, soeda tentoe sadja selamanja moesti satoe lawan satoe ; salaennja itoe, sekarang akoe sama toewan Ma tjoema mendjadjal masing-masing poenja ilmoe kapandean dengen memake tjara memoekoel saling bergantian, hingga terlebih lagi tida boleh ada laen orang jang toeroet tjampoer tangan. Hal ini akoe merasa perloe boewat terangken terlebih doeloe agar kamoedian dja ngan sampe terdjadi hal jang katjiwa." »Soeda tentoe sadja memang moestinja begitoe," kata Ma Hok Ek dengen bersenjoem ewa ; »tapi sajang toewan Ouw soeda sala raba, dengen hatinja satoe siauwdjin mengoekoer hatinja satoe koentjoe. Kita semoewa ada bangsa koentjoe, hingga sama sekali tida perloe toewan moesti berkoewatir begitoe roepa." Ouw Kit Tan tjoema bersenjoem sadja koetika mendenger omongannja Ma Hok Ek jang begitoe pedes, sabagimana soeda dikatahoei ia memang ada saorang jang bisa sekali semboeniken pengrasahannja kaloe perloe. ,Ja, akoe poen taoe jang akoe lagi beroeroesan sama orang-orang dari golongan koentjoe," kata ia dengen adem, „tapi tida djahatnja kaloe akoe berlakoe lebih hati-hati soepaja djangan terdjadi perkara sala 39.

(44) mengarti. Marilah sei<arang kita lantas moelai. Dari sebab akoe ada fihak jang menantang, maka akoe moesti manda dipoekoel doeloean, kamoedian baroe akoe jang membales memoekoel." Sahabisnja berkata begitoe lantas sadja ia berdiri dengen pasang koeda-koeda pat-djoe-pouw bersedia boewat menerima poekoelannja iapoenja lawanan. Ma Hok Ek poen tida berlakoe soengkan lagi, ia poen lantas pasang koeda-koeda teng-djoe-pouw, kamoedian dengen satoe tipoe tok-pek-hoa-san ia mendjotos ka djoeroesan dadanja Ouw Kit Tan dengen sakeraskerasnja, sebab ia taoe kaloe achli laykang selamanja paham khikang, sedang di bagian dada jang berdekatan sama hati dan peparoe tida gampang dilindoengin oleh khikang; tapi tida taoenja Ouw Kit Tan sama sekali tida berkelit atawa poen menangkis, sabaliknja ia madjoeken dadanja boewat menerima itoe poekoelan, dan koetika kepelannja Ma Hok Ek mengenaken dadanja Ouw Kit Tan lantas sadja ia rasaken sabagi djoega mengenaken saboengkoesan kapas jang sangat lembek, sedikit poen tida bisa mendapat tenaga, sebab biar poen dadanja Ouw Kit Tan seperti melesak ka dalem toch berbareng dengen itoe kepelannja Ma Hok Ek sabagi djoega terisap samasamatjem hawa hingga madjoe tida bisa moendoer poen tida. Ma Hok Ek djadi sengit sekali, laloe kaloewarken saäntero tenaganja boewat menarik kepelannja. Koenjoeng-koenjoeng dadanja Ouw Kit Tan menoelak ka loewar dengen keras berbareng dengen itoe kadengeran ia berseroeh ; „Pergilah kaoe !" Dalem sa'at itoe djoega Ma Hok Ek rasaken kepe lannja tertoelak dengen keras hingga berikoet badannja ia terpental sampe anam atawa toedjoe kaki djaoenja, kaloe sadja ia boekannja ada satoe achli ngekang dan gwakang jang ilmoenja tinggi tentoe ia terlempar lebih 40.

(45) djaoe dan terbanting dengen keras ; tapi itoe waktoe Ma Hok Ek dengen sabisa-bisanja kendaliken imbangan badannja dan achirnja ia bisa berdiri lagi dengen djedjak di atas boemi dengen tida sampe djato. Ma Hok Ek sekarang baroe merasa kaloe iapoenja ilmoe tida nanti menempil sama iapoenja lawanan itoe , tapi dari sebab ia maoe pegang tinggi deradjatnja iapoenja tjabang peladjaran, ia kerasken djoega hati boewat meneroesken memoekoel lagi, dan kamoedian trima poekoelannja Ouw Kit Tan sabagimana soeda didjandji. Samentara Oei Kin Boe jang berdiri di satoe pinggiran sabagi penonton, hatinja sangat iboek, kerna ia soeda liat terang jang Ma Hok Ek sama sekali boekan tandingannja Ouw Kit Tan, dan sabentar kaloe ia jang moesti menerima poekoelannja Ouw Kit Tan, tentoelah akan mendapat loeka berat atawa poen bisa djadi djoega djiwanja binasa. Sedang laen-laen goeroe silat jang sama sekali belon perna meliat itoe matjem ilmoe kapandean semoewanja tinggal melongo dan gegetoen. Ma Hok Ek menjamperin kombali pada Ouw Kit T an, pasang koeda-koeda dengen tegoe, kamoedian angsoerken kadoewa lengannja dengen tipoe sian-wan-hian-ko, menjengkerem anggota resianja iapoenja lawanan itoe. Satoe kali ini poen Ouw Kit Tan tinggal berdiri djedjak, tida berkelit dan tida menangkis, hanja gerakin iapoenja khikang tarik iapoenja anggota resia masoek ka dalem peroetnja, maka pada waktoe djeridji-djeridji tangannja Ma Hok Ek menjengkerem ka djoeroesan anggota resianja iapoenja lawanan, ia rasaken sabagi djoega melanggar batoe keras dan rasanja sakit sekali, kerna, sabagimana di atas soeda dibilang, itoe anggota resia soeda ditarik masoek ka dalem peroet, hingga di itoe bagian anggota tjoema tinggal rata sadja tapi kerasnja sabagi djoega batoe. Ma Hok Ek boeroe-boeroe tank 41.

(46) poelang kadoewa tangannja jang menjengkerem dan rasanja begitoe sakit sekali, tapi sabisa-bisanja ia me nahan dan tida maoe kasi kentara. Boewat katiga kalinja Ma Hok Ek kaloewarken iapoenja ilmoe kapandean jang ia paling andelin, jaitoe tiat-djiauw-nge-kang, dangen tipoe beng-houw-kim-yo ia menoesoek sama doewa djeridjinja ka djoeroesan kadoewa matanja Ouw Kit Tan. Satoe kali ini, baroelah kaliatan Ouw Kit Tan bergerak menangkis dengen tipoe tie-goe-hoen-tjoei, dengen kadoewa tangannja jang ditjagakin lebih doeioe menahan itoe tangannja Ma Hok Ek jang maoe me noesoek matanja, bermoela Ouw Kit Tan maoe mengaloewarken iapoenja ilmoe tjeng-liong-kie-tek boewat bikin Ma Hok Ek djadi terpental, tapi tida taoenja ampir dengen berbareng Ma Hok Ek menendang sama tipoe lian-hwan-tjoe-bo-toei kadoewa kaki menendang dengen bergantian ka djoeroesan iapoenja anggota terlarang. Oleh kerna ini tipoe sasoenggoenja lebih doeioe ia tida mendoega sama sekali, boekan sadja ia tida kaboeroe djalanken iapoenja ilmoe tjeng-tiongkie-tek, malah ia moesti bersedia boewat mendjaga dirinja dari tendangannja Ma Hok Ek jang sangat lihay. Oleh kerna itoe djoega, koenjoeng-koenjoeng ia lontjat naek ka atas dengen tipoe tay-peng-tjiong-thian sedang kadoewa tangannja jang ditjagakin diangkat ka atas dengen keras dan mendadak, hingga dalem sa'at itoe djoega, badannja Ma Hok Ek djadi terlempar ka blakang dengen terpoeter-poeter seperti kintjir sampe anam atawa toedjoe kali djoempalitan dan achirnja djato terbanting di atas roempoet dalem kaädahan tjelentang. Tapi dengen lantas ia soeda berbangkit kombali dan berdiri di atas kadoewa kakinja. 42.

(47) Ma Hok Ek pikir soeda tiga kali ia memoekoel dengen tida berhasil, malah iapoenja tiat-djiauw-ngekang poen tida mempan, biar poen masi ada anam kali ia bisa mendapat koetika boewat menjerang, tapi ia tida taoe moesti menjerang dengen tjara bagimana baroe bisa berhasil. Mendadak ia djadi inget sama iapoenja sala-satoe ilmoe kapandean jang djarang sekali ia goenaken, kerna ada sangat berbahaja boewat dirinja sendiri kaloe sadja itoe serangan loepoet ; tapi satoe kali ini ia maoe mati-matian goenaken, kaloe sadja berhasil ia aken bisa pegang tinggi namanja iapoenja tjabang. j , Satelah ia berpikir tetap laloe moendoer tiga tindak ka blakang, kamoedian dengen berlari-lari ia menjamperin pada lawanannja, siapa tinggal berdiri dengen tegar dan pasang mata dengen awas, tapi sedikit poen tida merobah positienja. Koenjoeng-koenjoeng Ma Hok Ek toendoekin kapalanja menjeroedoek ka djoeroesan peroetnja iapoenja lawanan, dan inilah ada satoe tipoe dari achli ngekang dan gwakang jang dinamaken tie-gioe-tjiong-san, tenaga jang digoenaken dalem itoe serangan paling sedikit ada sariboe kati beratnja, djangan kata saorang biasa, biar poen saorang jang ilmoe silatnja tinggi, tida nanti bisa menahan ini serangan, kerna inilah memang ada ilmoe jang sangat tinggi dari achli ngekang dan g w a k a n g . Tjoema sadja Ouw Kit Tan sama sekali tida djadi kaget atawa keder, hanja dengen tjepat ia gerakin iapoenja khikang hingga peroetnja melemboeng dan pada waktoe kapalanja Ma Hok Ek mengenaken itoe peroet jang dibikin melemboeng, sabagi djoega mengenaken satoe bola, oleh kerna saking kerasnja tenaga kapalanja Ma Hok Ek, itoe peroet djadi tergentjet kempes, tapi koetika Ouw Kit Tan berseroeh dengen keras sabagi djoega soewaranja goentoer sambil 43.

No results found