KA 1

Hele tekst

(1)TAUON KA 1. .TJEßim /ILÄT.

(2) m. r', ^cv, [:y . .• -Mi' i^y:v-p... ;^'.t ! '•,;<: ,.•:. •;:. ;•' ;;'V,:; .•. ,^r'^ li^îs-. »'l. !.. UliUvvIWA'joC^V*!«! • »V\#«*WI,V%WMf*î ••V-VIkMV»*jt'W >4 v®Ä. ::Mt: ?>'•. -^; 'I ^Hâ- •êr;.'fl.r4#'. J.WN-. v n,a^ kWÂ®eàrig f ;&rijganî>östwis§e[ lafltJ? ;' fflftiriiil 4#é8C^ ,,KÖN|NaUÊ»^^ho^héi^ ^ •:20Ô' .gräm, tfàn • .^tâ:-,; i «fait kranms. .• tffcaiïàn^. p'. ....;:?fV. l--? •^'•i. ift. vC. li=. ;ît'\ ;%•• -'v T^-ôkö Ii^ä böIèA bi^<^1mj;tenfóe| k3^î,;4jî«alt iii]/tejn'i»(3i:,fii^_îk,,Mintós. f'?® Ç-V'f I?. ..-• - t t. tó^óoPD-DEW-::'•. •. /'; ". U .. itäl. ë. '!ä'-. - S- '•' M'ei J« a'Mtnh.aj^-|ij. i. '. i^-:r^ Il. -, .vgywiiV-C,.\ A<'i;,{i>, j.' • % ilHfUI ' VUUIIt VMMi^fr IfllM^tn ,WMll ':u -;':A;:Mmic:y& : ••t.vîiSS'?:;"-•. »«•'OW*»#*« 71« ^ it I -'îsS-X ;'^^;^;s;:it?Tv.::Ä:. >A Vs Ï • '1.

(3) m m. „TJERITA SILAT" DI BAWAH PIMPINANNJA MR .. IKWO LAY. YEN.. Terbantoe oleh bebrapa penoelis. ^. TJERITA. SILAT jang terkenal. Harga abonnement boe-. >. wat satoe KWARTAAL . (TIGA BOEL AN) f 1.50 Pembajaran lebih doeloe. Berlangganan paling se dikit satoe KWARTAAL. Terbit tetap saban boelan tanggal 25.. KANTOOR : REDACTIE DAN ADMINISTRATIE, ANDIRWEG 12 — BANDOENG TELEFOON No. 2073..

(4) ffi53SH5H5H5S5a55525E5SS552555H5H5H555a55H ui TOEWAN-TOEWAN pengandar Auto jang mempoenjai n Uj kaperloean, kaloe djalan meliwatin TJIANDJOER, djangan [[ loepa mampir pada: [I m m. n LU LI] n. AUTO ONDERDEELEN HANDEL. ffl. „TAN TEK HOAT". [}{ jang terletak di antara Groote Postweg Tjiandjoerj |}j nJ ^. Ln ^ ^ ln fJJ nj. Ln fU nj ln Kita poenja. di mana toewan-toewan bisa dapatken segala kaperloean boewat auto jang BAROE dan BAGOES, teroetama HARGANJA jang mengimbangin keadahan ini djeman. Boewat menjenangken pada semoewa pembeli dengen menoeroetin masing-masing poenja kasoekahan dan kasenangan, ada disediaken BAND-BAND dari segala matjem MERK dan roepa-roepa oekoeran; tapi selamanja toewantoewan aken dapatken barang BAROE, kerna kita senantiasa mengatoer persediahan barang-barang jang paling baroe.. SHELL BENZINE POMP STATION. [{ li [} fX. iX [} ri U ß. n. IT [} ri. }{. ||J senantiasa kasi perlajanan jang tjepat dan. LT. sarapoerna, hingga pasti aken menjenangken pada semoea orang jang mendjadi kita poenja langganan. Kaloe toewan-toewan tjoba dateng pada kita satoe kali, sateroesnja aken merasa senang boeat mendjadi kita poenja langganan. Maka pada semoewa pengandar auto jang djalan meliwatin kota Tjiandjoer djika ada kaperloean apa-apa, dioendang dengen hormat soepaja soeka dateng mampir pada :. [J. [U nj. In RJ m. In ßj m. AUTO ONDERDEELEN. n. IJ [} LT [} nJ. LTl [}j. HANDEL. ^. „TAN TEK HOAT" ffl. jlj. Groote Postweg Tjiandjoer, Telef. No.. 46. m. EesHSHsasasasEsasasasasssssHsasESHsasasB. KimEP SOEKA SEBOEI „IJERITA SILAI" BILA MEIIOELIS PADA ADRES DI AIAS..

(5) SOEPO DARI KANG-IEM OLEH:. LIONG. t. DJIN.. Kang-iem, sala-satoe district dari provincie Holam, ada satoe achli silat she Pauw, tapi namanja orang tida taoe betoel, Ijoema diseboet sadja Pauw Soepo; soepo artinja goeroe, kerna ia paham ilmoe silat djadi diseboet Pauw Soepo, itoelah ada satoe perindahan terhadep padanja. Pauw Soepo poenja ilmoe kapandean silat, tida kataoean dapat dipeladjarin dari siapa, sedang iapoenja ilmoe kapandean jang paling diandelin jalah Kjmnotihioe, salaennja ini ilmoe, kapandeannja boleh dibi lang biasa sadja. Tapi biar poen tjoema mengandel sadja sama iapoenja ilmoe kapandean Kimnotjhioe jang tinggi, toch ia bisa menindes orang-orang djahat dan orang-orang jang soeka mendjagoin di bilangan Kangiem ; dalem doewa poeloeh taon lebih lamanja ia bisa dapatken gelaran hiapgie jang sangat diindahken, sahingga ia menoetoep mata tida perna satoe kali la mengalamken kakalahan. Tabeatnja Pauw Soepo sangat djoedjoer dan poeli bresih, tapi berbareng dengen itoe sangat pintar, bisa hadepken perkara dengen meliat gelagat. Pada saban kali ia lagi hadepken perkara jang sangat berbahaja, laen-laen orang semoewa anggap ia moesti mendapat tjilaka, tapi kasoedahannja ia bisa dapatken bantoean \âng tida terdoega hingga ia djadi slamat dan pegang teroes iapoenja nama besar. 1.

(6) Pada soeatoe hari ia djoestroe lagi tjoeiioer di satoe waroeng Ijoekoer, dan ia denger toekang tjoekoer tjeritaken bahoewa ini hari entah dari mana ada dateng satoe hweeshio jang meminta derma dengen satjara paksa, di sabeiah tangannja menjangga satoe poen-oe jang sabesarnja ieloempang batoe, kira-kira beratnja tida koerang dari doewa ratoes kati, di sabeiah tangan jang iaennja mamegang satoe bandringan besi — satoe besi boeiet jang dipakein tali pandjang dan diseboet lioe-seng-toei, dengen membawa itoe semoewa ia djalan mengider di sapandjang djalanan rameh di mana ada berbaris toko-toko dan waroeng-waroeng boewat meminta derma dengen satjara paksa. Kaloe ia masoek ka dalem orang poenja toko atawa waroeng lantas sadja ia taro itoe poen-oe jang sabesar Ieloempang di atas tokoei peranti beritoeng, kamoedian ia kasi maen iapoenja bandringan besi memoekoel pada segala barang perabotan atawa poen barang dagangan dalem itoe toko atawa waroeng, tapi ia tjoema poekoel sahingga itoe barang djadi bersoewara, lantas ia tarik poelang tali bandringannja. Itoe barang-barang porcelein, goetji atawa poen petiman jang dipoekoel, sedikit poen tida mendapat karoesakan satoe apa. Tatkala itoe hweeshio masoek ka satoe waroeng obat merk Tong-djin-tong, lantas sadja ia poekoelin sasoeatoe petiman tempat obat dari porcelein, tapi semoewanja tjoema dipoekoel sampe bersoewara sadja, tida satoe antaranja jang petjah atawa poen rengat. Kaloe toko atawa waroeng jang ketjilan kasiken ia derma doewa atawa tiga ratoes tangtjhie, itoe hweeshio tida banjak tjerewet, hanja lantas bawa itoe poen-oe jang ia taro di atas tokoei dan teroes berlaloe; tapi kaloe ia dateng ka toko atawa waroeng jang lebih besar, satoe kali boeka moeloet ia minta derma satoe tiao. 2.

(7) dan kaloe orang kasiken koerang satoe tangtjhie sadja ia lida maoe mengarti. Saoepamanja dalem itoe toko atawa waroeng tida ada barang jang bisa dipoekoel njaring, itoe hweestiio lantas poekoelken iapoenja bandringan ka djoeroesan oedjoeng idoengnja sala-satoe penggawe atawa poen eigenaar dari itoe toko atawa waroeng ; tapi asal sadja itoe bandoelan bandringan mengenaken sedikit ka oedjoeng idoeng, hingga tida terrasa sakit apa-apa, itoe tali bandringan dengen tjepat soeda ditarik kombali. Sampe sekarang itoe hweeshio soeda minta derma pada bebrapa belas toko atawa waroeng, sedang oewang jang ia dapatken dari itoe tjara, semoewanja dimasoekin ka dalem itoe poen-oe hinpa soeda djadi satengah penoeh. Sedang orang-orang jang tertarik sama itoe kadjadian loewar biasa pada mengikoetin di blakangnja itoe hweeshio, djoemblanja lebih dari saratoes orang, hingga saban kali itoe hweeshio masoek ka da lem soeatoe toko atawa waroeng, lantas sadja membikin itoe toko dan waroeng djadi dikroemoenin orang ba njak sampe bikin terhalangan perhoeboengan djalanan. Tida perdoeli orang jang berdagang apa djoega, soeda tentoe sadja, lantaran itoe djadi terhalangan. Dari sebab begitoe, orang tida brani menoelak permintahannja itoe hweeshio, lebih soeka mengaloewarken lebih banjak oewang, dari mana moesti diganggoe sampe perdagangannja terhalang. Pendoedoek Kang-iem kaloe diperes teroes meneroes begitoe roepa, tentoe djoem blanja aken lebih dari sapoeloeh riboe tangtjhie. Itoe toekang ijoekoer bitjara begitoe roepa, me mang djoega maoe soepaja Pauw Soepo tjampoer tangan dalem itoe oeroesan jang tida patoet, tapi lantaran ia merasa »maloe hati" sama iangganannja, terlebih lagi saorang jang seperti Pauw Soepo, maka ia tida brani.

(8) tambahken penoetoerannja sama pemandangannja sen diri, atawa poen mengandjoerin soepaja Pauw Soepo Ijampoer taoe oeroesan itoe. Tapi itoe waktoe kabetoelan ada saorang jang kenal baeic pada Pauw Soepo djoestroe lagi tjoekoer djoega di itoe waroeng, satelah mendenger itoe omongan lantas sadja ia berkata pada Pauw Soepo sambil tertawa: ,Pauw Soepo, ini oeroesan kaloe boekannja kaoe jang kaloewar tjampoer tangan, akoe koewatir peiidoedoek ini kota Kang-iem tida nanti bisa rasaken lagi katentreman dan kaämanan dalem penghidoepannja." »Meminta derma dengen satjara begitoe," kata Pauw Soepo sampil tertawa, .sekali poen ada sedikit sawenang-wenang, tapi lantaran ia tida meloekain orang dan djoega tida membikin roesak orang poenja barangbarang, malah ia tida perna minta derma dalem djoembla jang boekan-boekan dengen satjara keras dan boewas, maka boleh tida oesa ambil perdoeli padanja tentoe achirnja ia aken ngelojor pergi." ,Ach, masatah kaloe ia soeda meminta derma da lem djoembla jang boekan-boekan baroe bisa dibilang goenaken kakerasan ?" kata saorang laen jang djoega lagi tjoekoer di sitoe. »Kaloe meminta derma dengen satjara begitoe roepa, biar poen tjoema satoe tangtjhie saban roemahnja, toch soeda teritoeng minta derma dengen satjara paksa. Di antara toko-toko dan waroengwaroeng jang ada menempel soerat berboenji : Tjeng To Boe Yan," atawa artinja tida maoe mengasi derma pada bangsa orang-orang pertapahan, djika hweeshio jang biasa meliat itoe soerat jang ditempelken di pintoe lantas sadja menjingkir ka laen tempat boewat meminta derma pada marika jang soeka mengasi. Tapi ini hweeshio boekan sadja tida berboewat begitoe,.

(9) waroeng atawa toko jang tida menempel itoe matjem soerat, sabaliknja masi lebih gampang beroeroesan, samentara jang ada menempel itoe matjem plakaat itoe hweeshio dengen sengadja minta derma jang berdjoembla lebih besar. Apatah ini boekannja minta derma dengen satjara keras?" „Itoe orang-orang jang di pintoenja soeka menem pel plakaat menoelak orang-orang pertapahan jang maoe meminta derma, semoewanja ada orang-orang jang sangat moeris," kata Pauw Soepp, ^.boekan sadja terhadep pada orang-orang pertapahan marika tida maoe mengasi derma, malah terhadep pada orang-orang miskin jang membawa anak-anaknja pergi mengemis poen iaorang tida soeka kasi. Inilah memangnja ada soeatoe hal jang tida pantas, dan biarlah ia kena diperes oleh itoe hweeshio sabagi pembalesan atas iapoenja kamoerisan. Akoe tida maoe tjampoer tangan dalem ini oeroesan." „Itoe hweeshio makanja brani meminta derma dengen itoe tjara paksa dan kakerasan, djoestroe lantaran ia pandang enteng dalem ini kota Kang-iem tida ada orang jang bisa bikin toendoek padanja," kata lagi itoe orang jang sengadja maoe mengobor pada Pauw Soepo. „Maka satoe kali ini kaloe Pauw Soepo tida kaoe kaloewar tjampoer tangan, dengen sasoenggoenja djadi ternjata di Kang-iem tida ada orang jang pande." Djoestroe pada itoe waktoe mendadak kaliatan ada ampat atawa lima orang lelaki masoek ka dalem itoe waroeng tjoekoer menjamperin pada Pauw Soepo. »Kiranja toewan berada di sini lagi tjoekoer," kata sala-satoe antaranja dengan tjepat, .kita soeda mentjari pada toewan sana sini, tapi tida djoega bisa diketemoeken. Sekarang ada satoe hweeshio jang me-.

(10) minta derma ka berbagi-bagi toko dan waroeng dengen satjara paksa. Ini waktoe itoe hweeshio djoestroe ber ada di dalem satoe waroeng daging kapoenjahannja Ouw Tong Thay, di mana ia maoe minta derma saratoes iimapoeloeh kati daging babi dengen satjara paksa, dan toewan Ouw tjoema membantah satoe pata perkatdhan sadja, dengen membilang bahoewa hweeshio minta derma daging babi boewat apa, itoe hweeshio giadak lantas sadja timpaken iapoenja bandringan ka djoeroesan moeloetnja toewan Ouw hingga iapoenja doewa gigi depan djadi tjopot. Kita orang lantaran koewatir tida bisa tahan bertanding sama ianja, tida brani tjampoer tangan. Toewan Ouw minta soepaja kita orang pergi mentjari pada toewan, tapi baroesan kita soeda mentjari sana sini, achirnja baroe bisa dikatemoeken di sini, harap sadja toewan soeka lantas pergi ka sana." Ouw Tong Thay sekali poen tjoema satoe toekang potong babi sadja, tapi ia ada saorang jang tabeatnja sangat djoedjoer hingga Pauw Soepo maoe mengangkat soedara sama ianja. Itoe waktoe mendengar iapoenja soedara angkat kena diloekain, tambahan bebrapa ba njak orang pada mendesak soepaja ia kaloewar tjampoer tangan, biar bagimana djoega, ia tida bisa tida mengopenin. Kabetoelan itoe waktoe iapoenja thauwtjang poen soeda beres dikepangin, maka dengen lantas ia berbangkit dari tempat doedoeknja bertindak kaloewar dari itoe waroeng tjoekoer dengen diiringken oleh itoe ampat lima orang jang mentjari padanja, menoedjoe ka itoe straat di mana waroeng dagingnja Ouw Tong Thay terletak. Di sapandjang djalanan soeda menarik bebrapa banjak orang poenja perhatian, sebab orang doega satoe kali ini tentoe Pauw Soepo aken bertaroeng sama itoe.

(11) hweeshio, hingga orang aken bisa menjaksiicen satoe pertandingan jang sangat rameh dan menarik hati. Hal begitoe, dengen gampang sadja bisa menarik banjak orang poenja perhatian, maka pada waktoe sampe di dekat waroeng dagingnja Ouw Tong Thay, lebih siang soeda ada doewa ratoes orang lebih jang mengikoetin di blakangnja itoe djago silat. Itoe waktoe orang-orarig jang berkroemoen di depan waroeng itoe soeda lebih dari saratoes orang, satelah iaorang meliat pada Pauw Soepo dengen berbareng iaorang pada bersoerak, dan sasa'at itoe djoega orang banjak pada mengasi satoe djalanan soepaja Pauw Soepo bisa masoek ka dalem. Pauw Soepo dengen gaga bertindak masoek di antara pagar-pagar manoesia, sasampenja di dalem ia meliat ada satoe hweeshio jang paras moekanja djahat berdiri mengadep kaloewar, tida brentinja lemparken iapoenja bandringan besi pada orang banjak poenja moeka, tapi sabelonnja mengenaken soeda ditarik poelang kembali; lantaran itoe djoega, soeda membikin orang banjak tida brani dateng mendesak lebih dekat padanja. Pada waktoe Pauw Soepo bertindak masoek ka dalem pintoenja itoe waroeng daging, dengen lantas itoe hweeshio poenja bandringan besi soeda menjamber ka djoeroesan moekanja ; tapi Pauw Soepo sama sekali tida berkelit, hanja goenaken pada waktoe itoe bandringan besi ditarik kombali, dengen katjepatan seperti kilat ia lontjat ka depannja itoe hweeshio, ber bareng dengen itoe ia kasi kerdja iapoenja doewa djeridji ditoesoekin ka blakang tekoekan loetoetnja itoe hweeshio, mengenaken ia itoe poenja sala-satoe oerat besar, hingga dalem sa'at itoe djoega itoe hweeshio djadi lemas dan djato ngeloemproek ka moeka boemi, tida bisa bangoen lagi. Ampir sasa'at itoe djoega, orang-orang jang menonton di sabelah loewarnja itoe.

(12) waroeng daging bersoerak sebagi djoega soewaranja satoe goenoeng ambroek. Pauw Soepo menoeding pada itoe hweeshio sam bil berkata : „Kaoe ini ada saorang pertapahan jang haroes sekali memake hati moerah dan berboedi, tapi apa jang kaoe soeda lakoeken boleh dibilang ada lebih djahat dari pada satoe rampok. Sebetoelnja akoe tida maoe bikin soesa pada kaoe saorang pertapahan, tapi lantaran akoe tinggal di sini, sedang eigenaar dari ini waroeng poen ada akoe poenja soedara angkat. Dari sebab kaoe terlaloe mengganggoe orang dengen tida mengenal wates, maoe apa tida akoe moesti tjampoer tangan. Kaloe sadja kaoe maoe menjanggoepin jang sateroesnja kaoe berlakoe pantas, tida mengganggoe orang, akoe maoe lepasken kaoe bangoen, tapi kaloe tida, terpaksa akoe aken biarken kaoe diiingkoes^boeat di bawa mengadep pada tikoan dari ini district.' Itoe hweeshio lantaran takoet ditangkap dan dipasrahken pada kapala district lantas manggoetken kapalanja. ,Akoe berdjandji jang sateroesnja akoe tida aken berboewat begitoe lagi," kata ia ; „akoe harap sadja kaoe soeka lepasken pada'koe." Pauw Soepo lantas tjekal kadoewa lengannja itoe hweeshio sama sabelah tangannja, kamoedian ia gerakgerakin bebrapa kali, koetika ia lepasken lengannja itoe hweeshio lantas sadja ia itoe soeda bisa berdiri kombaii sabagimana djoega doeloean. la lantas ambil iapoenja bandringan besi dan poen-oe disangga oleh sabelah tangannja sembari mengawasin pada Pauw Soepo. ,Akoe minta tanja Hohan poenja she dan nama, di mana kaoe poenja tempat tinggal," kata ia. Pauw Soepo kasi taoe iapoenja kaädahan dengen teroes terang. Pada waktoe itoe hweeshio maoe berlaloe, 8.

(13) •. kombali ia mengawasin pada Pauw Soepo sambil berkata ; ^Sekarang akoe soeda kenal pada kaoe. Laen hari kita bertemoe kombali." Pauw Soepo sama sekali tida ambil poesing dan dengen sembarangan ia berkata: .Kaloe kaoe soeda kenalin pada'koe, itoelah jang paling baek. Tida perdoeli kapan sadja akoe selamanja menoenggoein kaoe poenja kadatengan di roemah'koe." Sadari terdjadi itoe oeroesan sama itoe hweeshio, Pauw Soepo poenja nama djadi samingkin termashoer dan sangat diindahken di bilangan Kang-iem, malebihken dari doeloe-doeloe. Kira-kira sapoeloeh hari kamoedian, mendadak Pauw Soepo ada menerima satoe soerat dari satoe hweeshio, antara laen-laen ada dibilang bahoewa moeridnja penoelis itoe soerat jang bernama Ko Hoei soeda lakoeken perboewatan jang membikin tida senang pada Pauw Soepo, hingga ia telah dikasi hadjaran sedikit keras di hadepan orang banjak, hal mana penoelis itoe soerat merasa sangat bersoekoer. Oleh kerna itoe djoega, penoelis itoe soerat berdjandji pada nanti tanggal doewabelas jang aken dateng, menjediaken santapan di dalem gredja Kwan-im-tong jang terletak di sabelah oetaranja goenoeng Hongsan, boewat menoenggoe Pauw Soepo poenja koendjoengan. Sangat diharap ini oendangan djangan ditoelak. Di sabelah bawahnja itoe soerat dipertandain Kak Sian Hweeshio. Satelah abis membatja itoe soerat, Pauw Soepo djadi sangat terkedjoet hingga boewat bebrapa sa'at lamanja ia djadi tinggal bengong. Dalem hatinja berpikir, Kak Sian Hweeshio poenja ilmoe kapandean silat ada sangat termashoer di sabelah oetara dan selatannja soengei Yangtjoe. Ia soeda perna mendjadi hweeshio toekang samboet tetamoe dari gredja Thian-leng-sie di 9.

(14) Siangtjioe, dalem gredja mana ada mempoenjai tiga ratoes hweeshio lebih, tapi antaranja tjoema ada sembilan orang jang ilmoe kapandean silatnja tinggi, sedang Kak Sian Hweeshio ada teritoeng nummer lima dari antara itoe sembilan djempolan. Tjoema blakangan ada terkabar Kak Sian telah dioesir kaloewar dari gredja terseboet, entah lantaran apa. Pada sasoedanja ia berlaloe dari Thian-leng-sie, Kak Sian lantas melakoeken banjak perboewatan sawenang-wenang di kadoewa lembahnja soengei Yangtjoe, sedikit poen tida ada jang ia takoetin. Tjoema ia belon perna dateng ka Kang-iem ; tapi tida taoenja itoe hweeshio jang minta derma dengen satjara paksa, dan bernama Ko Hoei, ada moeridnja Kak Sian, tidalah heran kaloe ia soeda brani lakoeken itoe matjem perboewatan sawenang-wenang. Sedang ia, Pauw Soepo, salaennja kimnotjhioe, tida ada mempoenjai laen ilmoe kapandean jang bisa tandingin pada Kak Sian Hweeshio. Malah itoe ilmoe kimnotjhioe poen tjoema bisa digoenaken pada waktoe moesoe lagi meleng, tapi djikaloe moesti bertanding, biar poen iapoenja kimnotjhioe ada lebih tinggi, tida nanti bisa menjoesaken pada Kak Sian Hweeshio. Oleh kerna itoe djoega, satoe kali ini ampir soeda bisa dipastiken jang ia aken kena dipetjoendangin oleh Kak Sian Hweeshio. Malah Ko Hoei poenja ilmoe kapandean poen tida lebih rendah dari ianja, begitoelah Pauw Soepo berpikir teroes, dan itoe hari kaloe boekannja ia berlakoe sebat toesoek oerat kakinja tapi moesti bertaroeng satoe sama satoe dengen berterang, belon tentoe ia bisa djafoken pada Ko Hoei. Sedang satoe kali ini Kak Sian Hweeshio oendang ia pergi ka Kwan-im-tong, soeda tentoe sadja Ko Hoei poen ada di sana, taro kata ia bisa djatoken pada Kak Sian, tapi lantaran ada Ko Hoei jang membantoein, tentoe achirnja ia sendiri 10.

(15) jang bakal kena dipeîjoendangin oleh itoe goeroe dan moerid. Kaloe ia tida maoe pergi, boekan sadja membikin roesak ia poenja nama jang begitoe besar dan terindah, malah Kak Sian dan Ko Hoei tida nanti lantaran ia tida pergi lantas iaorang maoe bikin abis ini oeroesan sampe di sitoe sadja, tentoelah iaorang aken dateng ka Kang-iem boewat mentjari stori dan bikin pembalasan. Dengen begitoe, dari pada ia moesti kena dipetjoendangin oleh itoe goeroe dan moerid di Kang-iem, hingga orang banjak toeroet menjaksiken iapoenja kanistahan, serta aken dikataken djoega ia merasa takoet pada itoe goeroe dan moerid, lebih baek ia braniken hati pergi ka gredja Kwan-im-tong boewat hadepken itoe doewa moesoe, barangkali sadja ia aken bisa mentjari djalan idoep dari kamatian ; tapi taro kata ia tida bisa tandingin itoe goeroe dan moerid, paling banjak ia aken binasa di dalem gredja terseboet, tapi dengen begitoe ia aken diseboet satoe laki-laki jang tabah dan brani, kerna fihak lawanannja ada doewa orang sedang ia tjoema sendirian sadja, biar poen ia binasa djoega, orang tida aken kataken ia pengetjoet dan tida mempoenjai kamampoean. Pada sasoedanja Pauw Soepo berpikir dengen mateng, lantas sadja ia menjewa satoe praoe menoedjoe ka Hongsan. Perdjalanan dari Kang-iem ka Hongsan ada perloe memake tempo tiga hari lamanja, dan pada waktoe ia soeda berdjalan doewa hari lamanja dan di hari jang berikoetnja ia soeda bisa sampe ka tempat jang ditoedjoe. Pada itoe malem praoenja brenti di satoe pelaboean, di mana lebih doeloe soeda ada satoe praoe besar berlaboe, hingga itoe doewa praoe djadi berdekatan satoe dengen laen. Itoe pelaboean biar poen ketjil, tapi salaennja itoe praoe besar masi ada lagi bebrapa banjak laen praoe ketjilan jang berlaboe. 11.

(16) Oleh kerna itoe waktoe soeda sore, Pauw Soepo berdiri di kapala praoe sembari memandang pemanda ngan di moeka soengei, ia liat di atas itoe praoe besar jang berlaboe di pinggir praoenja, dalem kamarnja itoe praoe, ada berdoedoek satoe pamoeda dan satoe prampoewan eilok jang lagi berdoedoek maen tjatoer, jang lelaki beroemoer kira-kira doewapoeloeh taon lebih, romannja tjakap, pakeannja bagoes dan mentereng, hingga dengen satoe kali liat sadja orang bisa mendoega kaloe ia ada satoe kongtjoenja hartawan atawa poen orang berpangkat ; sedang jang prampoewan oemoernja kira-kira toedjoe atawa delapanbelas taon, parasnja begitoe eilok, ditamba lagi sama iapoenja barang perhiasan jang gilang goemilang, hingga membikin orang jang meliat kirakan ia ada satoe bidadari jang baroe toeroen dari kajangan. Di blakangnja itoe doewa orang moeda jang lagi asik bermaen tjatoer ada berdiri masing-masing satoe boedak prampoewan jang baroe beroemoer tiga atawa ampatbelas taon. Tapi kaloe diliat dari saänteronja, boedjang-boedjang lelaki dan prampoewan jang berada di atas itoe praoe, tida koerang dari doewapoeloeh orang lebih ; semoewanja tinggal diam tida satoe antaranja jang brani bitjara, kaloe iaorang terpaksa moesti bitjara poen dengen soewara bisik-bisik, dan kaloe berdjalan boewat dengen indak-indap, sabagi djoega koewatir mengindjak apa-apa jang berharga mahal. Pauw Soepo jang meliat itoe kaädahan mentereng dan agoeng, kamoedian meliat pada iapoenja pakean sendiri dan djoega praoenja jang soeda toewa dan kaliatannja djelek sekali, dengen tida merasa lagi ia mengelah napas. Kamoedian ia inget di hari esok ia moesti pergi ka Kwan-im-tong, namanja pergi ka medan 12.

(17) perdjamoean, tapi sabetoelnja pergi menghadepken doewa moesoe besar, terlebih lagi membikin hatinja merasa sangat koerang senang. „Akoe ini mengapa begini tida mempoenjai redjeki," kata ia dalem hati, ,di waktoe biasa selamanja akoe belon perna alamken penghidoepan jang begitoe men tereng sabagimana itoe kongtjoe di sebrang, dan sadari akoe tamat pahamken ilmoe silat sahingga sekarang, djoega akoe belon perna lakoeken perboewatan apa sadja jang berdosa, apapoela memboenoeh djiwa manoesia, tapi mengapa sekarang akoe moesti binasa djoestroe lantaran akoe poenja ilmoe kapandean silat itoe?' Berpikir sampe di sini hatinja djadi begitoe kaloet, hingga ia sama sekali tida mempoenjai napsoe lagi boewat meliat itoe semoewa pemandangan jang membikin sedih sadja hatinja, dengen tindakan lesoe dan sikap tida bersoemangat ia masoek ka kalem goeboek praoe boewat tidoer. Tjoema sadja saorang jang hatinja djoes troe lagi djengkel, soeda tentoe sadja tida bisa poeles, hingga ia mengglisahan di atas pembaringan, tapi biar poen sampe djam sapoeloeh malem toch ia masi teroes tida bisa poeles djoega, lantaran badannja merasa sangat gerah, laloe ia berdoedoek di atas pembaringannya, mengawasin pada satoe pelita minjak katjang jang kena katioep angin, jang menemboes dari lobang-lobangnja itoe goeboek jang soeda toewa, hingga djadi kelak-kelik tida tetap dan saban-saban ampir djadi padem. Oleh kerna tida apa-apa jang ia moesti lakoeken, lantaran kaisengan ia lantas ambil iappenja hoentjwee jang terbikin dari besi dan pandjangnja satoe kaki lebih, isiken tembako dan teroes disoeloet di apinja itoe pelita, sembari berdoedoek mengadepin itoe pelita sembari mengisap hoentjweenja dan keboelkan asap dari iapoenja moeloet. Tida antara lama kamoedian ia 13.

(18) soeda abis isap satoe pipa, ialoe ia toelak saia-satoe papan deii di dekat bagian bawahnja itoe goeboek, tongolken iapoenja kapala hoentjwee ka loewar dan diketoken pada pinggirnja praoe boewat boewang aboenja tembako ka djoeroesan aer soengei. Oleh kerna itoe waktoe soeda maiem dan kaädahan sangat soenji, tatkala itoe kapala hoentjwee mengenaken papannja praoe djadi mengaloewarken soewara jang sangat njaring, tapi Pauw Soepo sendiri lantaran iapoenja pikiran lagi terpegang oleh iapoenja oeroesan jang mendjengkelken, sama sekali tida merasa, malah biar poen lebih keras dari itoe poen ia tida aken rasaken. Sabaliknja bagi orang-orang jang berada di laen-laen praoe jang berlaboe di sitoe, boleh dibilang ada sabagian besar jang mendjadi kaget dan mendoesin dari tidoernja lantaran itoe soewara jang disebabken oleh ketokan kapala hoentjwee besinja Pauw Soepo ka atas papan praoe. Pauw Soepo jang roepanja tjoema bisa hiboerken hatinja jang djengkel dengen mengisap iapoenja pipa, saban kali bakonja abis, ia ketokin kapala hoentjweenja seperti doeloean dan isi lagi tembako, salaennja itoe saban-saban ia mengelah napas pandjang pendek tida brentinja. Oleh kerna itoe soewara ketokan kapala hoentjwee sangat keras dan brisik ditamba lagi sama soewara elahan napas tida brentinja, orang-orang dari bebrapa praoe jang kena diganggoe tidoernja semoewa pada memboeka pintoe goeboeknja dan menanjaken dengen soewara keras; »Siapa jang mengetok-ngetok begitoe riboet di waktoe tengah malem boeta, hingga mengganggoe laen orang tida bisa tidoer dengen senang ?" Pauw Soepo jang lagi kalelap pikirannja dalem itoe oeroesan jang di hari esok ia moesti pergi ka medan perdjamoean boewat hadepken iapoenja doewa moesoe 14.

(19) besar, biar poen itoe bebrapä orang menanjaken dengen soewara keras, sama sekali ia tida denger, hanja tercas mengisap pipa, mengetokin aboenja, isi lagi dan meng isap teroes sambil saban-saban mengalah napas pandjang pendek. itoe kaädahan soeda membikin orang-orang di atas itoe praoe besar djadi tida bisa menahan sabar lebih lama, sala-satoe boedjang mendekam di boentoet praoe sembari angsoerken kadoewa tangannja ka depan, menoenggoe pada wakioe Pauw Soepo tongolken kombali iapoenja kapala hoentjwee boewat dikatokin, lantas sadja ia tjakal dan maoe ditarik dengan sakarasnja ; tapi tida taoenja Pauw Soepo ada satoe achli silat jang boleh dibilang sabagian besar ilmoe kapandeannja dijakinken atas itoa hoentjwee besi, jang di waktoa bertanding ia goenaken djoega sabagi sendjata, biar poen itoe waktoa ia djoestroe lagi kalelap pikiran, tapi saorang biasa tjara bagimana bisa merampas iapoenja hoentjwee itoe. Maka tatkala itoe boedjang menjekal dangen keras pada itoe hoentjwee daii maoe ditarik, lantas Pauw Soepo tarik kombali hoantjweanja. Biar poen itoe boedjang lebih doeloe soada bersedia dan gaetkan kadoewa oedjoeng kakinja pada satoe papan, toch tida oeroeng itoe boentoet praoe djadi bergerak-gerak, kamoedian dengen mengaloewarkan treakan itoe boedjang tertarik dari atas itoe boentoet praoe dan teroes njamploeng ka dalam soangei. Lebih doeloe kadengeran soewara saroehan minta toaloeng, kamoedian disamboeng sama soewara bargedjeboeran, sateroesnja tida kadengeran lagi soewara apa-apa. Pauw Soepo pada waktoa tongolken iapoenja hoentjwee kaloewar goeboak praoenja, sama sekali ia tida meliat ka djoeroasan loewar, tapi pada waktoe ia rasakan hoentjwaanja separti ditarik orang, dengen 15 2.

(20) iapoenja firasat lantas tarik kombali hoentjweenja itoe ; tapi sama sekali ia tida njana kaloe iapoenja perboewatan itoe bisa membawa boentoet kaonaran. Laioe ia toelak boeka pintoe goeboeknja dan bertindak ka djoeroesan kapala praoe sembat satoe gala bamboe, jang teroes dimasoekin ka dalem aer boewat menoeloengin pada itoe orang jang katjeboer ka dalem aer. Laen-laen boedjang dari itoe praoe besar poen pada dateng memboeroe kaloewar boewat meliat apa jang soeda terdjadi ; tapi beroentoeng itoe boedjang jang katjemploeng bisa djoega bernang, tida sampe teroes kalelap, koetika ia timboel kombali ka moeka aer dengen lantas ia dapat liat itoe gala jang disodorken oleh Pauw Soepo, siapa lantas angkat itoe gala berikoet sama itoe boedjang jang mamegangin sabeiah oedjoengnja. Tatkala itoe orang soeda ditarik naek ka atas, Pauw Soepo beroelang-oelang hatoerken maäf padanja. Itoe boedjang meliat itoe orang jang menoeloengin padanja di pinggangnja ada diselitken satoe hoentjwee, tapi itoe waktoe hatoerken maäf padanja atas apa jang ia telah lakoeken dengen tida sengadja, hingga ia tida bisa menjataken kagoesarannja, sabaliknja bilang tida mengapa kaloe tida disengadja. Ijoema sadja boedjang-boedjang jang laen-laennja tida maoe mengarti, bebrapa antaranja menggrendeng : »Itoeiah tida pantas sekali, tengah malem boeta bikin riboet mengganggoe laen orang poenja kasenangan tidoer, tapi sekarang kombali kaoe soeda bikin orang katjeboer ka dalem soengei. Dengen begitoe, djadi terfijata kaoe ini ada saorang jang sama sekali tida taoe aloeran dan tida mengindahken oendang-oendang negri. Hajo, tangkap padanja dan bawa mengadep pada Siaoya, liat itoe waktoe ia bisa kasi katerangan bagi16.

(21) mana atas iapoenja perboewatan-perboewatan jang tida patoet itoe." Pauw Soepo koetika mendenger orang maoe me nangkap padanja boewat dibawa mengadep pada Siaoya (toewan moeda), dengen tida merasa lagi ia djadi sengit dan naek darah, sebab ia anggap itoe boedjangboedjang jang hina-dina maoe goenaken pengaroehnja pembesar boewat mengentjet padanja ; tapi itoelah ada satoe pikiran jang sangat kliroe. Itoe waktoe ia boleh dibilang ada saorang jang lekas aken mati, maka tida ada satoe apa lagi jang ditakoetin. Itoe waktoe djoega ia lantas berloeda ka djoeroesan itoe praoe besar. ,Kaoe orang poenja omongan sabagi djoega kentoet !" kata ia. »Siapa jang brani menangkap pada'koe ?" Itoe orang-orang di atas itoe praoe besar, sedikit poen tida pandang mata pada Pauw Soepo, dalem sa'at itoe djoega ada anam orang jang lontjat ka atas praoenja Pauw Soepo, ampir dengen berbareng iaorang mengangsoerken tangan maoe menjekal pada ia itoe, siapa tjoema berkelit sedikit dan gerakin kedoewa tangannja itoe anam orang lantas kena ditiam dan roeboe ka atas papan deck dengen tida berkoetik lagi salaennja marika poenja moeloet merintih-rintih. Di atas itoe praoe besar masi ada tiga boedjang jang belon lontjat ka atas praoenja Pauw Soepo, koetika meliat itoe kedjadian lantas sadja iaorang masoek ka dalem saloonnja itoe praoe boewat mengasi taoe pada iaorang poenja siaoya. Pauw Soepo jang tida lepasken matanja ka djoe roesan sebrang lantas mendoega tentoe bakal terdjadi keriboetan, tapi ia poen sama sekali tida merasa djerih, hanja tinggal berdiri dengen tegak di atas kapala praoe dan teroes intjarken matanja ka djoeroesan itoe 17.

(22) praoe besar boewat meliat gelagat. Tida antara lama kamoedian kaliatan doewa boedjang membawa doewa lentera besar hingga sinarnja membikin terang pada bebrapa praoe laen jang berdekatan, sedang dari sinarnja itoe lentera Pauw Soepo bisa kenalin satoe pamoeda tjakap jang bertindak kaloewar dari dalem pintoenja itoe saloon praoe besar, boekan laen dari itoe anak moeda jang sorenja ia liat doedoek maen tjatoer sama satoe prampoewan moeda eilok. Tatkala itoe anak moeda soeda sampe di kapala praoe sala -satoe boedjang jang mamegang lentera menoendjoek pada itoe anak kawan sadjabatnja jang menggletak di atas papan deck praoenja Pauw Soepo ; tapi itoe anak moeda sama sekali tida mengopenin, hanja mengawasin pada Pauw Soepo bebrapa sa'at lamanja, kamoedian ia mengangkat kadoewa tangannja memberi hormat sembari bersenjoem. »Apatah akoe boleh menanja toewan ini poenja she dan nama jang moelia ? di mana toewan poenja tempat tinggal ?" Menanja ia. Pauw Soepo jang meliat itoe anak moeda kaloewar, tadinja kiraken ia itoe aken oetjapken perkatahan keras, maka dengen sikap aseran ia menoenggoe apa jang itoe pamoeda aken berboewat ; tapi koetika meliat itoe anak moeda oendjoek sikap dan tingka lakoe begitoe manis dan hormat, boeroe-boeroe ia merobah sikapnja dan oendjoek djoega moeka manis sembari membales hormat sabagimana lajiknja serta hatoerken djoega maäf. u-, u v, t Itoe pamoeda miringken badannja sambil berkata lagi; ,Di ini kapala praoe kita tida bisa bitjara dengen laloewasa. Belon taoe apa toewan soedi dateng ka sini boewat doedoek bitjara sabentaran ?" Pauw Soepo tida bisa menoelak, laloe berdjongkok dan tiam lagi itoe anam orang jang menggletak dengen. 18.

(23) tida bisa berkoetik di atas papan deck, kamoedian menjebrang ka atas itoe praoe besar, dan itoe anak moeda oendang soepaja Pauw Soepo masoek ka dalem itoe saloon besar, di mana iaorang masing-masing ambil satoe tempat doedoek. »Baroesan akoe denger toewan tida bisa tidoer dan teroes meneroes mengalah napas tida brentinja," kata itoe anak moeda, .tentoelah ada mempoenjai oeroesan jang sangat soeker, dan kaloe tida mendjadi halangan, apatah toewan soeka kasi taoe pada'icoe, barangkali sadja akoe aken bisa membantoe sedikit tenaga dalem toewan poenja kasoekeran itoe." Pauw Soepo golengken kapala. .Memang benar akoe djoestroe lagi hadepken satoe oeroesan soeker," kata ia, »tapi tida terlaloe gampang boewat bisa didapetken orang jang bisa membantoe ; sebab kaloe oeroesan oewang, oleh kerna Siaoya begitoe manis boedi menanjaken dan penawarin pertoeloengan, tida ada halangannja boewat akoe minta siaoya poenja bantoean ; tjoema soenggoe sajang sekali akoe poenja oeroesan tida bisa dibikin beres sama oewang, hingga biar poen Siaoya ada begitoe baek dan manis, toch akoe tida bisa trima Siaoya poenja penawaran bantoean itoe. Barangkali soeda takdirnja akoe moesti tjilaka, hingga tida ada djalan boewat ditoeloeng." Itoe pamoeda tertawa koetika mendenger itoe omongan. „Biar poen toewan bilang begitoe," kata ia, ,,tapi sama sekali tida ada djahatnja boewat toewan tjeritaken pada'koe, biar poen taro kata akoe tida bisa membantoe satoe apa ; tapi kaloe saändenja akoe bisa membantoe, boekantah ada baek sekali boewat toewan poenja oeroesan ?" 19.

(24) Pauw Soepo poen pikir dengen sabetoeinja tida ada halangannja boewat ia tjeritaken iapoenja oeroesan terhadep pada ini anak moeda, sekali poen ia belon kenal siapa adanja ia itoe, kerna ia soeda mendapat pengrasahan bahoewa ini pamoeda tjakap ada satoe orang berhati baek dan djoedjoer. Begitoelah ia lantas moelai menoetoer tjara bagimana Ko Hoei Hweeshio soeda minta derma di dalem kota Kang-iem dengen saljara paksa, kamoedian ia toeroet tjampoer tangan bikin toendoek pada itoe kapala goendoel djahat ; tapi kamoediannja ia menerima satoe soerat tantangan dari Kak Sian Hweeshio jang mendjadi goeroenja Ko Hoei. Satelah itoe pamoeda mendenger itoe penoetoeran lantas sadja lontjat bangoen dari tempat doedoeknja. »itoe Kak Sian Hweeshio apa boekannja jang doeloean soeda perna mendjadi toekang samboet tetamoe di dalem gredja Thian-leng-sie ?" menanja ia. J a , benar ianja." Itoe anak moeda lantas tertawa bergelak-gelak. „Ini kapala goendoel bangsat achir-achir aken terdjato djoega dalem akoe poenja tangan," kata ia, kamoedian berpaling pada Pauw Soepo sembari berkata lagi : ,Toewan, kaoe tida perloe mendjadi iboek boe wat itoe oeroesan, boekan sadja akoe bisa mem bantoe pada kaoe, malah kaoe poen bisa membantoe pada'koe. Akoe makanja berglandangan di kalangan kang-ouw dalem ini doewa tiga taon lamanja, perloenja poen boewat mentjari pada itoe kapala goendoel bangsat. Ini hari kita berdoewa bertemoe satoe dengen laen sasoenggoenja boekan tjoema kabetoelan sadja, hanja Thian tida tega membiarken akoe terloenta-loenta sana sini boewat mentjari pada itoe bangsat kapala goendoel goena membales akoe poenja sakit hati." 20.

(25) Pauw Soepo koetika mendenger itoe katerangan djadi sangat heran. ,Kaoe ada mempoenjai permoesoehan apa sama itoe kapala goendoel djahanam hingga begitoe perloe moesti mentjari padanja sampe katemoe ?" menanja ia. Itoe anak moeda lantas soeroean iapoenja orangorang sediaken makanan dan minoeman, kamoedian ia berdoewa tetamoenja doedoek makan minoem dengen berhadep-hadepan. ,Akoe sama itoe kapala goendoel gladak ada mempoenjai permoesoehan jang sangat besar," kata itoe anak moeda pada sasoedanja arak di Ijawan dibi kin kering tiga kali. »Akoe she Tan dan bernama Toen Djin, asal orang dari Siamsay. Ajah'koe bernama Kim Scan, pada sapoeloeh taon berselang telah mendjabat pangkat tjongpeng di Siangtjioe. Ajah'koe ada mem poenjai satoe ade prampoewan dari laen iboe, dan oemoernja baroe sadja delapanbelas taon, oleh kerna ia dikasi kamerdikahan boewat mamilih soewami jang ia sendiri merasa tjoljok, maka itoe waktoe ia masi belon menikah, dan koetika ajah'koe mendjabat iapoe nja [pangkat di Siangtjioe, akoe poenja koh itoe poen mengikoetin iboe dan ajahkoe ka itoe tempat. Pada satoe waktoe ia perna mengikoet iboekoe pergi ka Thian-leng-sie boewat bersembajang. Itoe waktoe Kak Sian Hweeshio djoestroe mendjadi toekang samboet tetamoe di gredja terseboet. Roepanja koetika ia meliat pada akoe poenja koh jang memang termashoer kaeilokannja, lantas sadja timboel pikiran djahat. Tjoema sadja lantaran kantoornja satoe Tjongpeng ada mem poenjai banjak soldadoe pengawal jang bikin pendjagahan keras, itoe kapala goendoel gladak tida brani mengganggoe. 21.

(26) „Pada satoe taon kamoedian ajahkoe lantaran oesianja soeda tinggi minta ontslag dari djabatannja, kamoedian dengen membawa iapoenja familie balik poelang ka tempat kalahirannja jang asal di Siamsay. Hal mana roepanja dikatahoei djoega oleh itoe kapala goendoel djahanam, maka diam-diam ia mengoentit dari kadjaoehan boewat dapatken satoe koetika baek goena tnendjalanken iapoenja maksoed boesoek. »Pada soeatoe liari koetika ajah'koe dan familienja brenti menginep di dalem satoe hotel jang terletak di tempat soenji, itoe djahanam Kak Sian dengen satjara brani dateng ka kamarnja akoe poenja koh dan maoe lakoeken perboewatan koerang adjar. Tapi koetika akoe poenja koh mendoesin dari tidoernja lantas sadja bertreak sakeras-kerasnja, hingga soeda membikin itoe djahanam djadi djengkel dan nekat, laloe boenoeh mati pada akoe poenja koh. Blakangan koetika ajahkoe lantaran mendenger soewara riboet-riboet dateng memboeroe bersama iapoenja bebrapa banjak pengikoet, itoe djahanam masi brani melawan dan meloekai ajah koe bersama bebrapa soldadoe pengawal, kamoedian lantas melariken diri. »Ajahkoe poenja loeka sabetoelnja tida terialoe berbahaja, tapi dari sebab ia merasa sedih atas kamatiannja iapoenja ade prampoewan jang sangat disajang, maka koetika baroe sadja sampe di kita poenja tanah kalahiran ajahkoe lantas brangkat ka rachmat'oellah. Blakangan iboekoe poen lantaran sedih menjoesoel ajah'koe dan akoe poenja koh di tempat jang baka. Itoe waktoe akoe baroe sadja beroemoer sabelas taon, dan pada waktoe iboekoe maoe menoetoep mata, ia panggil akoe dateng ka depan pembaringannja dan pesen dengen wanti-wanti soepaja akoe membales itoe sakit hati besar terhadep pada itoe kapala goendoel 22.

(27) * ». ^ •. - *. ^. '. gladak, jang soeda membikin satoe roemah tangga djadi berarakan. Dengen bertjoetjoeran aer mata akoe bersoempa jang akoe aken lakoeken dengen soenggoesoenggoe iboekoe poenja segala pesenan. „Begitoeiah akoe pergi mentjari goeroe-goeroe silat jang'pande, mejakinken ilmoe silat dengen soenggoesoenggoe hati. A n a m taon lamanja akoe baroe diidjinken meninggalken pergoeroean oleh goeroe'koe. Pada doewa taon berselang akoe dateng ka Thian-leng-sie boewat mentjari pada itoe djahanam ; tapi ternjata lantaran ia soeda lakoeken itoe perkara darah, tida brani balik poelang ka itoe gredja, kapala itoe gredja poen tida bisa kasi katerangan ka mana itoe kapala goendoei djahanam soeda pergi. .Akoe rasa itoe hweeshio tjaboel sekali poen tida brani" balik poelang ka gredjanja, tapi iapoenja perboewatan tentoe tida bisa berobah, asal sadja bikin satoe djebakan jang bisa menarik iapoenja kasoekahan, kaloe sadja bertemoe sama ianja, djangan koewatir ia tida aken masoek ka dalem djebakan. Oleh kerna itoe djoega, akoe lantas menjamar sabagi satoe koelawarganja amb tenaar dalem ini kaädahan, soeda doewa tiga taon lamanja teroes meneroes akoe berglandangan di kalangan kang-ouw dalem ini kaädahan, dengen pengharapan ia aken dateng menjatronin di waktoe malem. Tjoema sadja kaliatannja iapoenja adjal masi belon sampe, maka sapandjang itoe waktoe tida kaliatan ia dateng menjatronin. Ini malem dengen tida sengadja bertemoe sama kaoe, itoelah tentoe rohnja akoe poenja iboe, ajah dan koh soeda toentoen kaoe boewat bertemoe sama akoe, hingga membikin akoe djadi bisa taoe di mana ada itoe hweeshio tjaboel." Pauw Soepo jang sapandjang itoe waktoe tinggal mendengerin dengen pengrasahan sangat tertarik, 23.

(28) satelah Toen Djin abis bitjara ia lantas menanja: «Apatah itoe djahanam kapala goendoel kenalin pada Siaoya atawa tida ?" Tan Toen Djin golengken kapalanja. ,Akoe bisa kenal padanja, tapi ia tida aken bisa kenalin akoe," kata ia, »sebab itoe waktoe akoe masi sangat moeda, sama sekali ia tida perhatiken pada'koe, lapi sabaliknja akoe inget betoel iapoenja tjetjongor. Tjoema sadja lantaran ia bersama moeridnja, Ko Hoei, maka kaloe pada waktoe akoe bertaroeng sama itoe hweeshio gladak, kaoe moesti mendjaga padanja djangan sampe bisa membokong pada'koe." »Itoelah soeda tentoe sadja, masatah perloe Siaoya mamesen lagi padakoe ?" kata Pauw Soepo. ,Di hari esok kaloe kita pergi dengen satjara begini sadja tida sampoerna," kata Tan Toen Djin, »tapi akoe moesti menjamar sabagi kaoe poenja moerid, sebab ia oendang kaoe pergi memang djoega maoe bertaroeng sama kaoe, hingga kaloe akoe poera-poera mengakoe sabagi kaoe poenja moerid, kaoe boleh bilang padanja bahoewa kaoe poenja moerid lantaran meliat ilmoe kapandeannja iapoenja moerid begitoe tinggi, maka djadi ingin tjoba mengadoe ilmoe kapandean silat sama ianja, dan minta soepaja ia soeka mengadjarin. Akoe rasa itoe hweeshio gladak lantaran anggap iapoenja ilmoe kapandean silat sangat tinggi, lagian meliat akoe ada kaoe poenja moerid; tentoe ia tida aken menoelak. Nanti kaloe akoe soeda mampoesin padanja, baroelah mampoesin djoega pada iapoenja moerid. Kaloe akoe sendirian tida bisa roeboehken pada Kak Sian Hweeshio, kaoe moesti membantoe." »Itoe tjara ada bagoes sekali," kata Pauw Soepo, »sebab bisa membikin itoe kapala goendoel gladak tida 24.

(29) merasa tjoeriga apa-apa, hingga dengen gampang bisa roeboehken padanja." Itoe malem iaorang bermoefaketan sampe beres. Di hari jang berikoetnja Tan Toen Djin lantas merobah iapoenja dandanan sabagimana moeridnja Pauw Soepo, kamoedian iaorang sama-sama menoedjoe ka Hongsan. Tatkala sampe itoe doewa orang lantas mendarat dan sasampenja di Kwan-im-tong, Pauw Soepo jang berdjalan doeloean lantas sadja dapat liat Ko Hoei Hweeshio mendatengin dari sabelah depan, rangkepken iapoenja tangan di inggan dada sambil tertawa, .Toewan ini sasoenggoenja ada satoe orang gaga, dan soeda dateng ka sini penoehken itoe perdjandjian," kata ia. „Sekarang akoe poen ja goeroe menoenggoein di dalem gredja." Pauw Soepo menoendjoek pada Tan Toen Djin sambil berkata : ,Inilah akoe poenja moerid Thio Tek Hok." Ko Hoei soeda tentoe sadja tida pandang mata pada Tan Toen Djin jang dikataken moeridnja Pauw Soepo, maka dengen sorot mata jang memandang enteng ia meliat padanja salirikan, kamoedian sama-sama itoe doewa orang berdjalan masoek ka dalem itoe gredja Kwan-im-tong. Sasampenja di dalem lantas kaliatan satoe hweeshio jang toeboenja tinggi besar dengen garang berdiri di atas pertengahan sembajang, koetika meliat pada Pauw Soepo lantas sadja ia berseroeh dengen soewara keras ; »Itoe orang jang dateng apa boekannja Pauw Soepo dari Kang-iem ?" Pauw Soepo mengangkat kadoewa tangannja mem beri hormat sambil bersenjoem. ,Ja, benar, itoelah akoe sendiri," saoet ia. «Ini ada akoe poenja moerid Thio Tek Hok, lantaran oemoernja masi sangat moeda dan tida maoe kala sama orang, 25.

(30) kottika meiiat Ko Hoei soehoe poenja ilmoe kapandean jang begitoe tinggi, lantas sadja ia menjataken maoe toeroet dateng sama-sama ka sini boewat minta Lo soehoe poenja pengadjaran." Kak Sian Hweeshio lantas sadja mengaioewarken soewara dari idoeng dengen sikap jang menghina. .Tadinja akoe kiraken kaoe lida brani dateng," kata ia, ,dan djoestroe berniat soeroean orang pergi ka Kang-iem boewat mentjari pada kaoe. Tapi lantaran sekarang kaoe soeda dateng, itoeiah baek sekali. Satoe laki-laki tida maoe lakoeken perkara jang menggelap. Doeloean kaoe soeda bikin maloe akoe poenja rnoerid di hadepan orang banjak, itoeiah artinja kaoe bikin maloe padakoe. Oleh kerna itoe djoega, tida boleh tida akoe moesti bikin pembalesan boewat lampiasken itoe amarah. Perkara akoe mengoendang kaoe minoem arak dan makan-makan, perdjamoean makannja tida disediaken di sini, hanja disediaken di Som-lo-tian dari Giam Koen di acherat. Sedang kaoe poenja moerid jang maoe mentjari mampoes sendiri, itoeiah boekannja akoe poenja sala. Marilah madjoe." Tan Toen Djin koetika meiiat pada Kak Sian bidji matanja lantas sadja mendjadi merah, maka sabegitoe lekas ia mendenger Kak Sian kata „marilah," lantas sadja ia lontjat manerdjang ka atas itoe roewangan sembajang jang sangat loewas, dengen langsoeng ia serang itoe kapala goendoel dengen memake tipoe Kim-liong-hoei-boe, menjengkerem, ka djoeroesan tenggorokannja Kak Sian sama ilmoe houw-djiauw-kang, satoe ilmoe menjengkerem jang sangat lihay biar poen Kak Sian ada mempoenjai ilmoe tiat-pouw-sam — ilmoe kawedoekan — tapi masi belon sampoerna betoel dan djoestroe di bagian tenggorokannja ada iapoenja tempat jang paling lemah maka boeroe-boeroe ia goenaken 26.

(31) tipoe djoe-yan-soe-tjo, lontjat satoc tindakan ka blakang boewat kasi liwat Tan Toen Djin poenja houw-djiauwkang. Kamoedian dengen katjepatan seperti angin ia membales menjerang dengen tipoe hwan-tjhioepek-thian, tangan kanannja ditimpaken ka djoeroesan djanggoetnja Tan Toen Djin dari sabelah bawah. Tapi Tan Toen Djin jang gesit goenaken tipoe kimtiauw -tjiong-thian, lontjat ka atas dan liwatin kapalanja Kak Sian jang goendoei, berbareng dengen itoe goena ken satoe tipoe hwee-ma-toei menendang ka biakang didjoedjoeken ka djoeroesan kapalanja itoe hweeshio boesoek ; tapi Kak Sian poen taoe jang lawanannja aken goenaken itoe matjem tipoe, maka lebih doeloe ia soeda tarik poelang tangannja jang maoe menimpa djanggoetnja Tan Toen Djin, b e r b a r e n g dengen itoe la goenaken lipoe hoei-niao-ijoet-lim, lontjat ka samping sampe bebrapa belas tindakan djaoenja. Tan Toen Djin koetika toeroen ka moeka boemi, sasoedanja iapoenja tentangan loepoet, boeroe-boeroe balikin badannja dan itoewaktoe Kak Sian poen djoestroe balikin badannja pada sasoedanja ia berdiri djedjek di moeka boemi. Begitoelah k o m b a l i iaorang menjampenn satoe dengen laen dan saling serang dengen bernapsoe sekali, satoe sama laen maoe djatoken lawanannja dengen salekas-lekasnja. Tapi ternjata Kak Sian biar poen badannja soeda besar toch gerakannja masi tinggal gesit, sedang Tan Toen Djin biar poen ada lebih gesit dan itoe hweeshio, dalem satoe waktoe ia masi belon bisa serang lawanannja dengen berhasil. Di laen fihak. Ko Hoei Hweeshio koetika meliat goeroenja mendapat lawanan tanggoe dan boleh dibilang goeroenja jang lebih banjak berdesak dan diserang, laloe madjoe maoe membantoein, tapi dengen tjepat Pauw Soepo menjegat padanja hingga iaorang bertaroeng 27.

(32) dengen sengit. Ternjata Ko Hoei poenja ilmoe kapandean silat poen ada sampe tinggi, hingga djoestroe tandingannja Pauw Soepo, kaioe doeioean dalem sakedjapan mata sadja ia soeda kena diroeboehken oleh Pauw Soepo dengen tipoe kimnotjhioe, itoelah lantaran ia diserang dengen mendadak hingga ia tida bisa bikin pendjagahan lebih doeloe, sedang sekarang iaorang bertaroeng dengen sama-sama hati-hatinja, soeda tentoe sadja tida terlaloe gampang boewat Pauw Soepo goenaken lagi iapoenja tipoe kimnofjhioe. Begitoelah itoe doewa pasang moesoe bertempoer dengen seroeh dan heibat. Kak Sian Hweeshio, biar poen sampe gesit, tapi lantaran toeboenja besar, lamalama djadi tjape dan mengaloewarken banjak karinget, tambahan ini orang pertapahan djahanam terlaloe banjak poewasken napsoe birahinja sama orang-orang prampoewan maka iapoenja ilmoe kapandean djadi banjak loentoer, teroetama iapoenja khikang, hingga pada sasoedanja bertaroeng lebih dari saratoes djoeroesan Kak Sian poenja napas senen-kemis, sakoedjoer badannja mandi keringet, koenjoeng-koenjoeng Tan Toen Djin robah iapoenja tjara bersilat dengen ilmoe silat tjio-mokoan, samaijem ilmoe silat jang sangat ijepat gerakannja, hingga Kak Sian djadi gelabakan, teroes meneroes ia kena terdesak moencloer. Koenjoeng-koenjoeng ia terpieset dan teroes roeboe ka moeka djoeoin. Tapi Tan Toen Djin tinggal mengawasin dengen bersedia boewat menangkis segala serangan jang tida terdoega, sebab ia taoe sekali poen Kak Sian soeda terdesak keras, toch iapoenja tjara moendoer masi tinggal beres, begitoe poen iapoenja segala tangkisan, biar poen ripoe toch blon djadi kaloet benar-benar, hingga kaloe mendadakan ia djato, tentoelah Kak Sian maoe goenaken tipoe kong-liong-to-bwee. Sebab biar poen Kak Sian poenja. 28.

(33) toeboe kaliatannja djato tengkoeroep, tapi lapoenja badan sedikit miring, kaki dan tangannja bersedia boewat lantas lontjat bangoen dan djalanken tipoe terseboet. Kaloe sadja Tan Toen Djin menendang padanja — inilah ada tipoe jang biasa digoenaken, sebab paling slamat dan sedikit sekali risiconja — dengen tjepat Kak Sian aken goelingken badannja ka djoeroesan jang bertentangan dari kaki lawanannja jang digoenaken menendang, saoepamanja lawanannja goenaken kaki kanan boewat menendang, ia aken goelingken dirinja ka djoeroesan kaki kirinja sang lawanan, begitoe poen sabaliknja, tap! berbareng dengen itoe ia aken goenaken sala-satoe kakinja boewat menendang — bergantoeng sama kaädahan kaki mana jang lebih baek digoe naken — ka djoeroesan anggota resianja itoe lawanan. Tapi, seperti di atas soeda dibilang, Tan Toen Djin jang banjak paham ilmoe silat, kenal itoe tipoe koenliong-to-bwee, maka ia tinggal berdiam dengen tida bergerak, hingga Kak Sian djadi mengarti jang ia tida bisa sampeken maksoednja. Boewat djaga djangan sampe kena diserang oleh Tan Toen Djin, korabali itoe kapala goendoel goelingken badannja sampe bebrapa belas kaki djaoenja, kamoedian bangoen dan teroes lontjat naek ka atas gentengnja itoe gredja boewat melariken diri. Tan Toen Djin soeda doega itoe kapala goendoel aken berboewat begitoe, maka sembari berseroeh pada Pauw Soepo : .Roeboeken kaoe poenja lawanan dan toenggoe sadja di sini sampe akoe balik kombali," sembari lontjat mengedjar ka atas itoe genteng ; tapi dalem sa'at itoe djoega, sabagitoe lekas ia berdiri di atas genteng, lantas kaliatan bebrapa barang mengkredep menjamber ka djoeroesan leher, dada dan peroet dengen ampir berbareng. Tan Toen Djin taoe kaloe itoelah. 29.

(34) ada sendjata gelap jang dilepaskan oleh itoe kapala goendoel, oleh kerna lebih doeloe memang ia soeda berhati-hati, maka dengen lekas ia bisa lontjat ka samping sabagi djoega kilat tjepatnja, berbareng dengen itoe iapoenja tangan poen merogo ka dalem kantong koelitnja mengaloewarken sagenggam oewang tembaga bolong jang soeda dirobah mendjadi sendjata resia jang dinamaken kim-tjhie-pio atawa kim-tjian-piauw. Ini kim-tjian-piauw tjoema bisa digoenaken dengen berhasil oleh saorang jang ilmoe silatnja sangat tinggi serta mempoenjai ilmoe kapandean khikang, sebab, satoe oewang tangtjhie jang begitoe enteng, djika tida disertaken sama kapandean khikang, pasti sekali tida aken bisa meloekain moesoe. Kaloe baroesan Kak Sian telah malepasken tiga sioetjhi beratjoen dengen beroentoeng tiga kali, sekarang Tan Toen Djin malepasken iapoenja kim-tjian-piauw satoe losin dengen beroentoen-roentoen seperti djoega senapan masin, jang semoewanja ditoedjoeken ka djoeroesan kadoewa mata dan tenggorokannja itoe kapala goendoel. Biar poen Kak Sian soeda biasa hadepken moesoe-moesoe jang tanggoe, tapi satoe kali ini, ia tjoema bisa kelit dan egosin lawanannja poenja sembilan kim-tjian-piauw, sedang jang kasapoeloeh soeda bikin rawing iapoenja daon koeping sabelah kiri, jang kasabelas menantjap ka dalem matanja, sedang jang paling achir mengenaken iapoenja pelengan, hingga ia bertreak kasakitan dan teroes djato bergloetoekan di genteng dan achirnja terbanting ka atas lataran batoe dari itoe roewangan sembajang besar. Tatkala Tan Toen Djin lontjat ka itoe lataran batoe, ternjata Kak Sian tida bisa berkoetik lagi lantaran soeda pangsan. Ampir dalem sa'at itoe djoega kaliatan Ko Hoei Hweeshio dengen lengan kanan kempreng berlari-lari katoewar dari itoe roewangan sembajang 30.

(35) besar menoedjoe ka sabelah loewarnja itoe gredja. Sebab pada waktoe meliat goeroenja djato terbanting dari atas genteng dengen tida bisa bangoen lagi serta berloemoeran darah di moekanja, Ko Hoei Hweeshio djadi sangat terkedjoet, hingga iapoenja gerakan djadi lam bat sedikit, Pauw Soepo goenaken ini koetika bagoes boewat kasi kerdja iapoenja tipoe komnotjhioe ka djoeroesan poendak kanannja itoe kapala goendoei, tiam iapoenja oerat besar hingga djadi poetoes, jang membikin lengan kanannja djadi kempreng dan boewat saoemoer hidoepnja aken mendjadi tjatjat serta tida aken bisa goenaken lagi iapoenja lengan kanan itoe. Maka biar poen Ko Hoei lari, tapi Pauw Soepo sama sekali tida maoe mengedjar, kerna ia taoe jang itoe kapala goendoei sekarang soeda tida berbahaja lagi. „Roepanja kaoe soeda bisa bikin itoe orang pertapahan boesoek djadi tida berdaja," kata Tan Toen Djin pada kawannja. „Sekarang biar poen kaoe kasi ia tinggal hidoep toch ia tida aken bisa berboewat djahat lagi. Tjoema ini satoe jang akoe roeboehken akoe koewatir djiwanja tida aken bisa katoeloengan lagi, sebab akoe rasa akoe p o e n j a sala-satoe kirn-tjianpiauw soeda menantjap ka dalem pelengan kirinja." Tatkala itoe doewa orang menjamperin pada itoe hweeshio jang mendapat loeka dan menggletak dengen tida bergerak di tengah itoe lataran, ternjata itoe kimtjian-piauw jang meloekain pelengannja telah menan tjap sampe terpendem saänteronja, dan darah mengalir banjak sekali, begitoe poen dari iapoenja mata kiri. Pauw Soepo golengken kapalanja. „Ini kapala goendoei soeda dapatken iapoenja bagian jang satimpal sama kadosahannja, dan tida bisa tinggal hidoep lama lagi," kata ia, ,sebab itoe loeka di pelengan ada terlaloe heibat boewat bisa ditahan, 31.

(36) biar poen toeboenja ada sampe koewat. Salaennja itoe, akoe danger Kak Sian telah mejakinken ilmoe kawedoekan jang dinamaken tiat-pouw-sam, tapi belon sampe di poentjaknja jang paling tinggi, hingga di bagian pelengan dan tenggorokannja masi tinggal lemah, dan kaloe itoe doewa bagian jang lemah mendapat loeka, tentoe moesti membawa kamatian." ,Itoelah djoega sebabnja maka akoe teroes meneroes toedjoeken akoe poenja kim-tjian-piauw ka djoeroesan mata, pelengan dan tenggorokannja," kata Toen Djin, kerna akoe poen taoe kaloe itoe kapala goendoel djahanam ada mejakinken ilmoe kawedoekan tiat-pouwsam tapi belon sampe di wates jang paling tinggi, hingga akoe tjetjer iapoenja bagian-bagian jang lemah. Tapi baroesan koetika akoe lontjat naek ka atas genteng mengedjar padanja, kaloe boekannja lebih doeloe akoe berhati-hati, ampir sadja akoe terkena iapoenja tiga sioetjhie beratjoen. Sedang Kak Sian poenja kadoedoekan ilmoe kapandean silat di antara itoe sembilan djago di Thian-leng-sie tjoema teritoeng jang kalima sadja, saoepamanja iapoenja kadoedoekan kasatoe atawa poen paling rendah katiga, pasti sekali akoe boekannja Kak Sian poenja tandingan." „Siaoya poenja omongan ada benar sekali,' kata Pauw Soepo. ,Sedang akoe poenja ilmoe kapandean tjoema ada timpalannja Ko Hoei, hingga kaloe akoe moesti bertanding sama Kak Sian, tentoelah ini waktoe akoe soeda tida bernjawa lagi. Oleh kerna itoe djoega, akoe haroes hatoerken banjak-banjak trima kasi pada siaoya jang soeda membantoein akoe dalem ini oeroesan.„ Jtoelah akoe tida brani trima dan tida perloe kaoe oetjapken trima kasi pada'koe, kata Tan Toen Djin, „kerna dalem ini oeroesan akoe poen moesti hatoerken 32.

(37) trima kasi atas kaoe poenja pengoendjoekan hinpa akoe bisa katemoeken Kak Sian jang akoe soeda tjari doewa tiga taon lamanja dan achirnja bisa bales sakit hatinja akoe poenja iboe, ajah dan koh. Maka dalem ini oeroesan boleh dibilang kita berdoewa saling membantoe, fihak jang mana poen tida perloe hatoerken trima kasi pada jang laennja." Pauw Soepo tida maoe membantah lebih djaoe, tapi ia sendiri merasa bahoewa sebetoelnja iapoenja fihak jang beroetang boedi pada Tan Toen Djin lebih besar dari apa jang ia sendiri telah berboewat aken kagoenahannja itoe anak moeda. Djoestroe pada itoe waktoe mendadak kaliatan sabelah matanja Kak Sian dimelekin — jang kanan — mengawasin pada Tan Toen Djin sakoetika lamanja, kamoedian ia oendjoek sorot mata seperti orang katakoetan dan berkata dengen soewara berbisik ; .Oh, ampoen nona, ampoenin pada'koe djangan seret njawa'koe ka acherat Ja, ja, akoe berdosa sekali telah memboenoeh pada kaoe. Ampoen, ampoen " Samingkin lama soewaranja samingkin tida kadengeran hingga tjoema kaliatan bibir-bibirnja sadja jang bergerak, dan achir-achir ia tarik napasnja jang pengabisan. „Roepanja ia kirain akoe ada akoe poenja koh jang ia boenoeh," kata Toen Djin, „sebab memang roman'koe ada banjak mirip sama akoe poenja koh itoe. Sekarang ia baroe inget dosanja, tapi toch masi takoet mati !" Sahabisnja berkata begitoe ia lantas potong lehernja Kak Sian poenja mait, belek djoega dadanja diambil iapoenja hati, jang kamoedian ia goenaken boewat sembajangin iapoenja iboe, ajah dan koh. 33.

(38) Sateroesnja Pauw Soepo djadi bersobat baek sama Tan Toen Djin, siapa sekali poen ada toeroenan orang berpangkat, tapi sama sekali tida angkoeh, hingga Pauw Soepo poen djadi mempoenjai andelan, djika hadepken oeroesan soeker, selamanja ia mendapat tenaga bantoeannja Tan Toen Djin, dan oleh kerna itoe djoega, saoemoer hidoepnja Pauw Soepo tida perna didjatoken orang dan namanja teroes tinggal termashoer dan terindah. TAMAT.. Semoea abonnes Jang blon kirim oewang abonnement le kwartaal, aiawa bekas abonnes „Çoedang Tjerita" jang mengirim bewijs pada kita tapi blon mengirim oewang voorschot, kita Iakoeken penagihan dengen post kwitantie, diharap dengen sangat soepaja soeka mem~ bajar. pada bebrapa toean Jang menjataken kita boleh takoeken penagihan sampe di achirnja ini taon soepaja meringanken onkos t porto, bersama ini kita hatoerken trima kasi. 1)engen hormat, yïdministratie „Tjerita Silat." 34.

(39) FEUILLETON TAY BENG KIE HIAP OLEH:. KWO LAY YEN. (Samboengan dari „Tjerita Silat" boelan Maart No. 358)... Blakangan koetika Thio In Ho menerima itoe soerat, ia poen sangat girang, sebab Tjouw Oiok tida ijotjok boewat beiadjar ilmoe kathabiban, dan sekarang kaloe mendjadi moeridnja Kiong Toodjin, aken mem bikin ia djadi merdika sabagi boeroeng di atas awangawang, lagian ia liat Kiong Toodjin ada saorang loewar biasa, kaloe sekarang Tjouw Giok bergoeroe padanja. itoelah ada perkara jang sangat baek, hingga terhadap pada ajahnja itoe anak, Tjouw Beng Kong, poen la djadi tida sia-siaken ia itoe poenja permintahan toeloeng, hingga pikirannja djadi sangat senang. Soe-ma Peng bersama Tie Hwa Siansoe dan laenlaennja balik kombali ka Thian-leng-sie, boewat menoenggoe sampe Tjio Pin poenja penjakit rnendjadi semboe, baroelah iaorang aken brangkat mentjari lagi pada Phoa Lee Hoa.. H o e n -bian-giok-hay-dji Phoa Lee Hoa, dengen menjamar sebagi lelaki bikin perdjalanan menoedjoe ka Oetara dengan laioewasa, kerna tida gampang dikenalin oleh moesoe-moesoenja. Tatkala ia sampe di Tjitjioe ia bertemoe sama Toei-hoen-han Touw Liong. 359.

(40) ân Thot^-pek-wan Touw Houw, siapa bermoela poen tida bisa kenalin pada itoe prampoewan tjaboel, dan pada sasoe'ianja Phoa Lee Hoa jang menegor dan kasi taoe kaäd^hannja, baroeiah itoe doewa soedara Touw bisa kenalin padanja. Laioe iaorang masoek ka dalem satoe rêmah makan, di mana itoe prampoewan tjaboel loeto^rken iapoenja hal ichwal. Kadoewa soedara Touw oeirdang itoe prampoewan tjaboel pergi kaTouw-keet/hung di Shoatang boewat melakoeken pakerdjahan di kalangan lioklim bersama-sama ; tapi Phoa Lee Hoa lantaran toedjoeannja boekan ka itoe djoeroesan, maka dengen manis ia menoelak dan hatoerken trima kasi. Sasoedanja iaorang menginep satoe maleman dalem hotel terseboet, laloe iaorang berpisahan ; tapi kadoewa soedara Touw masi oelangken lagi iapoenja oendangan pada Phoa Lee Hoa, kaloe itoe prampoewan tjaboel tida maoe melakoeken pakerdjahan membegal, toch boleh djoega djalan-djalan ka Touw-kee-tjhung. Oenda ngan mana Phoa Lee Hoa lantas trima serta berdjandji kaloe ada tempo tentoe ia perloeken boewat dateng ka sana. Tatkala itoe prampoewan tjaboel sampe di Thetjioe ia mengoendjoengin roemahnja Hoen-kiok-hwa Kwee Tjoe Nio, siapa kabetoelan djoestroe berada di dalem roemahnja. Koetika meliat Phoa Lee Hoa dateng me ngoendjoengin dengen menjamar dalem pakean lelaki, laloe ia menanjaken apa sebabnja. Phoa Lee Hoa dengen teroes terang kasi taoe apa jang telah terdjadi. Kwee Tjoe Nio sadari masi moeda iboe dan ajahnja soeda mati, ia ada mempoenjai satoe engko jang bernama Kwee Seng, jang didjoeloekin orang Hekouw-tiap, sabagi djoega Phoa Lee Hoa ada satoe lelaki tjaboel, satoe pendjahat jang soeka »petik boengah," begitoelah orang namaken pendjahat jang soeka meng360.

(41) ganggoe orang-orang prampoewan. Oleh kerna ia soeka memake pakean itam disoeroepken sama kasoekahannja .mametik boengah" lantas ia mendapat itoe nama pojokan Hek-ouw-tiap. Oleh kerna Kwee Seng selamanja soeka berglandangan di kalangan kang-ouw dan melakoeken boekan sedikit perkara darah, makaiatida bisa balik poelang ka kampoeng kalahirannja. Sedang Kwee Tjoe Nio poen boekannja prampoe wan baek dan sopan kalakoeannja, biar poen ia masi belon bersoewami, tapi dalem roemahnja ada memiara banjak sekali boedjang-boedjang lelaki moeda dan tjakap boewat bergantian menemenin ia tidoer. lapoenja paras ada sangat eilok dan koelitnja begitoe poeti dan haloes. Sedang ilmoe silatnja ia paham goenaken satoe sendjata hong-thian-kek, serta pande menembak sama anak panah, dalem saratoes tindakan djaoenja selamanja ia tida perna menembak loepoet. Di iapoenja konde ia soeka sekali pake kembang-kembangan seroeni jang terbikin dari soetra warna poeti. Oleh kerna itoe djoega, ia lantas mendapat itoe nama djoeloekan Hoen-kiokhwa. la sama Phoa Lee Hoa, lantaran mempoenjai tabeat dan kasoekahan jang sama, maka satoe sama laen sangat akoer dan mengangkat soedara. Sapandjang waktoe Phoa Lee Hoa berdiam di roemahnja Kwee Tjoe Nio, njonja roemah perlakoeken sangat manis dan terlaten pada soedara angkatnja itoe, malah dikasi djoega ampat boedjang moeda jang tjakap boewat mendjadi Phoa Lee Hoa poenja temen, hingga itoe prampoewan tjaboel djadi tida merasa kasepian dan merasa beta. Sateroesnja apa jang itoe doewa prampoewan tjaboel lakoeken, tida laen dari pada plesir atawa pocn mentjoeri orang poenja harta boewat diborosken, hingga dengen tida merasa lagi Phoa Lee Hoa soeda tinggal 361.

(42) ampir doewa taon lamanja di roemahnja Kwee Tjoe Nio. Pada soeatoe hari Kwee Tjoe Nio adjakin Phoa Lee Hoa pergi djalan-djalan ka kota Lok-yang, jang terseboet blakangan tetap menjamar sabagi lelaki hingga iaorang poera-poera sabagi djoega sapasang soewami istri. Sasampenja di tempat jang ditoedjoe, laorang me nginap di dalem satoe roemah makan besar jang ter letak di dalem itoe kota. Doewa boedak prampoewan dan doewa boedjang lelaki tjakap mengiringken pada iaorang. Itoe waktoe kabetoelan Djigwee tjapdji di sabelah loewarnja kota Lok-yang ada terdiri satoe gredja jang dinamaken Hwa-sin-bio, pada hari itoe djoestroe sangat rameh sama orang-orang jang dateng sembajang, dan dalem itoe gredja ada penoeh digantoengin sama teng-loleng boewat perhiasan, malah di roewangan sembajang besar ada digantoeng satoe lentera jang terbikin dari moetiara dan batoe giok, lentera mana tjoema digantoeng sabagi perhiasan sapandjang dilakoeken itoe oepatjara sembajangan, dan kaloe soeda liwat itoe waktoe lantas disimpen. Kwee Tjoe Nio dan Phoa Lee Hoa koetika mendenger ada itoe karamehan, lantas sama-sama menoedjoe ka loewar kota, dan koetika iaorang sampe di gredja jang termaksoed, ternjata memang itoe tjerita tida djoesta, sebab ada banjak sekali orang lelaki, prampoe wan toewa dan moeda jang dateng sembajang, atawa poen tjoema maoe meliat sadja karamehan, kerna di pekarangannja itoe gredja ada penoeh sama goeboekgoeboek di mana orang berdagang roepa-roepa dagangan atawa poen makanan dan minoeman, sedang toekang dangsoe, soenglap dan laen-laen matjem permaenan poen tida katinggalan, hingga pekarangannja itoe gredja jang sangat loewas soeda djadi penoeh dan sesak sama orang. 362.

(43) Itoe doewa prampoewan tjaboel lebih doeloe pergi bersembajang ka roewangan sembajang besar, di mana ada ditaro patoengnja satoe dewi boengah-boengah. Lantaran meliat itoe lentera jang terbikin dan moetiara dan dari batoe giok, jang bikinannja sangat bagoes dan gilang-goemilang hingga membikin silo mata jang meliat, Kwee Tjoe Nio berpaling pada Phoa Lee Hoa sambil berkata : „Itoe sapasang giok-hiap-tiap jang kaoe dapat persen dari T j o e Kiat, apa ada begini bagoesnja ? Sadari ditjeiitaken akoe belon perna dikasi liat, maka sekarang akoe ingin liat boewat^ dipadoe sama itoe doewa lentera moetiara dan giok." Oleh kerna Phoa Lee Hoa maoe banggaken lapoenia barang berharga di depannja Tjoe Nio, lantas sadja ia lepasken itoe sapasang koepoe-koepoean giok dari lehernja dikasiken pada T j o e N i o , siapa samboetin dan pandang sembari boewat maen bebrapa lamanja dcngen tida brentinja memoedji. Boewat samentara ini kasiken akoe rasaken pake ini barang berharga," kata ia pada Phoa Lee Hoa, .dan nanti kaloe soeda sampe di roemah akoe aken kasi kombali pada kaoe." Phoa Lee Hoa tida bisa menoelak dan terpaksa moesti biarken Kwee Tjoe Nio gantoengken itoe sa pasang giok-hiap-tiap di lehernja. Tatkala laorang kaloewar dari itoe roewangan sembajang, kabetoelan Giok -wa-wa Lim Oiok Eng dari Giok -hong-tjoen ber sama iapoenja boedak prampoewan Siao Pin poen dateng sembajang ka itoe gredja. Letaknja 0>ok-hongtioen tida djaoe dari Hwa-sin-bio, dan Lim Giok Eng saban taon kaloe moesim Hwa-tiauw soeka dateng sembajang ka Hwa-sin-bio. Tapi sadari ajahnja, Lim Lam Hong, meninggal doenia, soeda doewa taon lamanja ia tida taoe kaloewar dari roemah. Itoe waktoe 363.

(44) lantaran ia soeda ampir malepasken kaboengannja, Siao Pin boedjoekin nonanja soepaja soeka dateng sembajang ka itoe gredja sekalian djalan-djaian. Begitoelah koetika Giok Eng bersama Siao Pin maoe masoek ka dalem roewangan sembajang besar iaorang berpapasan sama Tjoe Nio dan Lee Hoa. Lim Giok Eng dengen lantas dapat liat di depan dadanja Kwee Tjoe Nio ada tergantoeng sapasang Giok-hiap-tiap, jang ia kenalin ada iapoenja barang tanda bertoendangan jang ia kasiken pada Han Leng, satoe barang poesaka toeroenan, sekarang tjara bagimana bisa berada di badannja itoe prampoewan. Oleh kerna meliat paras moekanja Kwee Tjoe Nio ada sangat eilok, hatinja djadi sangat tjoeriga. Apatah ini pram poewan kenal pada Han Leng dan ia itoe kasi persen itoe barang tanda pertoendangan pada ini prampoewan ? Oleh kerna berpikir begitoe, lantas sadja ia merasa sangat koerang senang. Di laen fihak, Kwee Tjoe Nio, sekali poen liat Lim Giok Eng mengawasin pada itoe giok-hiap-tiap jang tergantoeng di lehernja, tapi ia sama sekali tida maoe pikir pandjang, hanja ia anggap sadja itoe barang sangat indah dan menarik Giok Eng poenja peman dangan, hingga ia bersenjoem pada Giok Eng dengen mengoendjoek sikap jang merasa bangga. Hal mana menambahken sadja Giok Eng poenja katjoerigan. la anggap kaloe Tjoe Nio kenalin padanja dan mengawasin padanja sambil tertawa, artinja boewat oendjoek iapoenja pengrasahan jang menghina dan menertawain pada dirinja. Itoe semoewa telah terdjadi dengen tjepat sekali, sebab dengen lantas itoe doewa orang soeda saling berpapasan. Kwee Tjoe Nio dan Phoa Leç Hoa kaloewar dari itoe gredja, sedang Lim Giok Eng bersama. 364.

(45) boedak prampoewannja teroes masoek dan bersembajang, kamoedian balik poelang ka roemahnja. ° ,Baroesan koelika dalem gredja, apa kaoc Hat satoe prainpoewan jang di dadanja ada tergantoeng giok-hiap-tiap ?" menanja ia pada boedak prampoewannja. „Liat," saoet Siao Pin. ,itoe barang ada banjak mirip sama kita poenja ; tapi tjara bagimana bisa berada dalem iapoenja tangan?" Lim Giok Eng tida bisa bitjara banjak dalem itoe oeroesan, tapi dalem hatinja ia soeda pikir apa jang ia aken lakoeken. Tatkala soeda sampe di boentoetnja Shagwee, pengabisan moesim semi dan dekat permoelahannja moesim panas, Lim Oie masoek kasi kabar pada Giok Eng bahoewa Han kongtjoe dari Sansee telah dateng. Ternjata Han Leng jang menoenggoein Tjio Pin sampe mendjadi semboe dari loekanja laloe bersama Soe-ma Peng, Tjio Pin dan Tjouw Giok pergi mentjari Phoa Lee Hoa di segala tempat, tapi biar poen soeda berselang doewa taon lamanja, iaorang tjape dan memboewang tempo dengen pertjoema sadja, kerna tida kataoean Phoa Lee Hoa mengoempat di mana. Han Leng dari sebab soeda lama meninggalken röemah tangganja, laloe ia balik poelang doeloe ka Sansee. Iboenja menjeboet prihal sang poetra poenja oeroesan pernikahan, jang didjandjiken boewat dilakoeken pada sasoedanja berkaboeng tiga taon lamanja, dan itoe waktoe soeda aken sampe temponja, maka ia prentahken Han Leng pergi ka roemahnja koelawarga Lim boewat menetapken kapan waktoenja dilakoeken oepatjara per nikahan, agar tida ada oeroesan jang dipikirin lagi. Begitoelah Han L e n g j a n g menerima prentah iboenja dengen mehgadjak djoega Soe-ma Peng, Tjio Pin dan Tjouw Giok brangkat ka Giok-hong-tjoen di Holam, 365.

(46) di mana iaorang disamboet oleh Lim Ole dan kamoedian itoe boedjang toewa masoek mengasi taoe pada nonanja. Lim Giok Eng soeda taoe bahoewa kadatengannja iapoenja toendangan perioenja boewat menanjaken kapan bakal dilakoeken oepatjara pernikahan. Maka ia lantas soeroean Siao Pin pergi kaloewar sampeken iapoenja omongan, kaloe Kongtjoe mace lakoeken oepatjara perni kahan moesti oendjoek itoe barang tanda pertoendangan sabagi satoe tanda memandang penting pernikahan itoe. Han Leng djadi sangat terkedjoet koetika mendenger itoe omongan, laloe kasi taoe bahoewa giok-hiaptiap soeda kena ditjoeri pendjahat, biar poen soeda ditjari ampir tiga taon lamanja masi belon djoega bisa dikatemoeken. la minta Siao Pin sampeken itoe omongan pada Giok Eng, siapa soeda tentoe sadja tida maoe pertjaja itoe katerangan, kerna ia mendoega keras kaloe toendangannja soeda kasi persen itoe barang pada itoe prampoewan eilok jang ia katemoeken di dalem Hwasin-bio, tapi sekarang boewat menoetoepin itoe hal dibilang soeda ditjoeri orang. Oleh kerna itoe djoega, ia soeroean Siao Pin pergi mengasi taoe lagi pada Han Leng, kaloe sadja tida ada giok-hiap-tiap boewat pertandahan, Giok Eng lebih soeka tida menikah dan saoemoer hidoep aken tinggal mendjadi prawan toewa. Han Leng soeda tentoe sadja merasa sangat tida senang, dan Soe-ma Peng dapat liat dari paras moekanja dan menanjaken katerangan apa sebabnja Han Leng laloe toetoerken apa jang Lim Giok telah bilang. Soe-ma Peng berpikir sabentaran kamoedian berkata : .Itoelah aneh, akoe rasa Lim siotjia tentoe ada mengandoeng maksoed apa-apa dalem iapoenja penoelakan itoe. Biarlah pinto jang pergi katemoeken padanja, lantas bisa taoe apa jang mendjadi maksoednja." 366.

(47) Itoe waktoe djoega lantas ia soeroean Lim Oie sampeken omongan pada Giok Eng bahoewa Kipng TooÓjin Soe-ma Peng minta bertemoe. Bermoela Giok Eng maoe menoelak, tapi blakangan ia pikir Kiong Toodjin tentoe aken bikin pembelahan goena Han Leng. maka ia ingin taoe apa jang aken dibitjaraken, begitoelah achirnja ia prentahken Lim Gie boewat oendang Soe-ma Peng masoek bertemoe di kamar tetamoe jang sablah timoer. Tatkala bertemoe sama Giok Eng lantas sadja Kiong Toodjin toetoerken tentang Han Leng kahilangaii itoe Giok-hiap-tiap dari bermoela sampe di achirnja, dan sekarang makanja Giok Eng berkeras ingin soepaja dikasL oendjoek itoe giok-hiap-tiap, tentoelah Giok Eng telah dapat liat itoe barang di soeatoe tempat dan sengadja goenaken itoe oeroesan boewat membikin soesa pada Han Leng. Hal ini lebih baek dibitjaraken sadja teroes terang, soepaja bisa digoenaken sabagi pengoendjoek djalan goena tjari dan ambil poelang barang itoe, serta boenoeh mati djiwanja Phoa Lee Hoa. Lim Giok Eng satelah mendenger itoe katerangannja Soe-ma Peng lantas sadja bikin linjap iapoenja segala katjoerigahan, dan ia sangka itoe prampoewan jang ia katemoeken di dalem gredja Hwa-sin-bio boleh djadi ada itoe prampoewan tjaboel Phoa Lee Hoa Begitoelah sekarang dengen teroes terang ia kasi taoe itoe oeroesan, serta menjataken iapoenja pengrasahan menjesal lantaran soeda sala sangka djelek pada Han Leng. Soe-ma Peng koetika mendenger itoe omongan lantas sadja tertawa. .Tida sala dari apa jang pinto soeda doega," kata ia. .Sekarang pada sasoedanja mendapat itoe pengoendjoekan djadi bisa dikatahoei jang itoe prampoewan tjaboel tentoe berada di dekatnja Lok-yang, dan seka rang djoega pinto maoe pergi mentjari padanja." 367.

(48) Sembari berkata begitoe ia berbangkit dari tempat doedoeknja dan berpamitan kaioewar dari itoe kamar tetamoe timoer; sasampenja di pertengalian loewar laloe ia toetoerken apa jang ia soeda denger dari Lim Giok Eng, kamoedian lantas diambil poetoesan iaorang berampat dengen terpentjar mentjari pada itoe prampoewan tjaboel di sakiternja kota Lok-yang sampe saratoes lie djaoenja. Han Leng ditetapken moesti lakoeken penjelidikan ka djoeroesan timoer, Tjio Pin di djoeroesan oetara, Tjouw Giok di selatan dan Soema Peng di barat. Tjouw Giok sapandjang itoe döewa taon telah bisa peladjarken bebrapa banjak ilmoe kapandean silat dari Soe-ma Peng ; biar poen iapoenja otak poentoel, tapi dari sebab hatinja merasa sangat soeka sama ilmoe silat, maka ia telah beladjar dengen soenggoe -soenggoe hati. Soe-ma Peng adjarin ia ilmoe silat toja jang dinamaken lian-hwan-koen-hwat jang sama sekali ada doewapoeloeh tiga djalan, boewat melindoengin diri d a r i serangannja moesoe. Kaloe baroe doewapoeloeh orang lebih sadja tida nanti bisa dateng dekat padanja. Salaennja itoe, ia bisa djoega pela djarken sedikit katjerdikan, tida begitoe goblok lagi seperti doeloean, tjoema iapoenja tabeat jang kasar dan tjerobo masi beion bisa dirobah. Itoe waktoe, biar poen Tjouw Giok diwadjibken bikin penjelidikan di djoeroesan selatan, tapi dipesen kaloe bertemoe sama Phoa Lee Hoa tida boleh lantas bertempoer, pertama lantaran ilmoe kapandean silatnja masi lebih bawah dari itoe prampoewan tjaboel, kadoewa lantaran itoe bisa membikin itoe prampoewan gladak djadi menjioem baoe dan salekasnja menjingkir ka laen tempat, hingga djadi soeker boewat dikatemoeken lagi. Tjouw Giok menjanggoepin jang ia aken menoeroetin itoe semoewa pesenan. Di hari jang berikoetnja 368.

No results found