• No results found

Ioei(aii,Njoiija ilaii Nona kapan mao&^ dapeMiasenansan, diangan loepa Ijola dan tjoema bisa dapel dari

N/A
N/A
Protected

Academic year: 2022

Share "Ioei(aii,Njoiija ilaii Nona kapan mao&^ dapeMiasenansan, diangan loepa Ijola dan tjoema bisa dapel dari"

Copied!
146
0
0

Bezig met laden.... (Bekijk nu de volledige tekst)

Hele tekst

(1)Éêimà.

(2) BIBLIOTHEEK KITLV. 0119 8439.

(3)

(4)

(5) --r —r-^' -L_J,. wmi. „TJEBITA/ILAT" ^\nDI&W&G 12 . bAhDO£nG.

(6) ». Ioei(aii,Njoiija ilaii Nona kapan mao&^ dapeMiasenansan, diangan loepa Ijola dan tjoema bisa dapel dari. !L. Jang mengasi harocm: Djantoefig-hati, Tjinta-hati, Boenga-hati, Senang-hàti, Soeka-hati, Jasmin, Rose, Melati, Heliotrope dan Kenanga. Antaranja dari wewangian; Jasmin, Rose, Melati, Heliotrope dan Kenanga, tida bedah dengen kembang boengahja sendiri. Kita kaloearken haroemnja dari ini „DOEPA KRATON" soeda terpili jang paling tjotjok boewat mengoekoep Kamar-penganten, Sembahjang dan di tempo jang seng­ gang jang mana Toewan, Njonja dan Nona bisa lajangken pikiran dengen djerni sembari sedot hawanja jang njaman dan sehat. Satoe kali Toewan, Njonja dan Nona soeda tjoba dan sateroesnja aken djadi sobatnja „DOEPA KRATON" jang setia. Bisa dapet beli pada Toko-toko jang terkenal di anterp tempat. Harga per doos isi 25 stuks dari roepa-roepa haroem f 1.— Harga per pak isi 6 stuks dari roepa-roepa haroem f 0.25 SIAPA KIRIM OEWANG f 6.- DENGEN POST­ WISSEL NANTI DIKIRIM 6 DOOS „DOEPA KRATON" dari 25 STUKS dan EXTRA 3 PAK POEDER KRAMAS, dengen BESTEL<jOED atawa POSTPAKKET FRANCO. Pesenan dengen rembours, djandjian jang terseboet di atas tida berlakoe. Boewat Toko-toko harga boleh berdami, tenfoe menjenangken. Djangan kasi liwat ini tempo jang baek, lantas atoer pesenan. HOOFD-DEFOT:. Patent Medicijnenhandel „HIPPOCRATES 1001" Groote Postweg (Kanoman) 15, Bandoeng. HOOFD-AGENT:. Cltemicalienhandel „L A B O R A" Kedjaksan t/o Pasar Pagi 199, Cheribon. 5HUKKER1J »AURORA" BANDOENa.

(7) „TJERITA SILAT" 131 BAWAH PIMPINANNJA Mr.. K WO. LAY. YEP^.. Terbantoe oleh bebrapa penoelis. T J ER IT A. S I L A T jang terkenal.. Harga abonnement boe­ wat satoe KWARTAAL (TIGA BOELAN) f 1.50 Pembajaran lebih doeloe. Berlangganan paling se­ dikit satoe KWARTAAL. Terbit tetap saban boelan tanggal 25.. KANTOOR :. REDACTIE DAN ADMINISTRATIE, ANDIRWEG 12 — BANDOENG TELEFOON No, 2073..

(8) SEMOEA ABONNES. „GOED AN G TJERITAr Oleh kerna kita poenja penerbitan ini ada sabagi samboengannja „Goedang Tjerita" almarhoem, biar poen kita tida ada tjampoer sama segala oeroesannja Drukkerij „Minerva" jang soeda failliet, tapi boewat mengasi ka poewasan pada abonnes „Goedang Tjerita" jang telah dibikin roegi oleh Drukkerij „Minerva," sabisa-bisanja kita maoe berdaja agar itoe karoegian bisa ditambel. Asal sadja orang jang bisa mengoendjoek boekti bahwa ia soeda membajar itoe oewang abonnement di moeka pada kita, dengen lantas kita aken kirimken „Tjerita Silat" sampe itoe pembajaran djadi penoeh. Tjoema berbareng dengen itoe moesti mengirim lagi oewang sedikitnja boewat satoe kwartaal goena voorschot pembajaran „Tjerita Silat." Tapi dari sebab boekoe-boekoe „Goedang Tjerita" toeroet dibeslag oleh Weeskamer, maka kita tida bisa taoe siapa orangnja jang soeda mengirim oewang abonnement di moeka, hingga kita tida bisa kirimken „Tjerita Silat" sebagi gantinja, apabila orang itoe tida mengasi kabar pada kita. Diharap sadja pembatja jang menerima ini „Tje­ rita Silat" soeka kasi taoe pada laen-laen kawan jang mendjadi abonnes „Goedang Tjerita," soepaja iaorang soeka menoelis dan kirimken djoega boektinja pada kita. Dengen hormat, Administratie „Tjerita Silat" Andirweg 12 — Bandoeng Telefoon No. 2073.. 2.

(9) IE LIE HIAP ^. BADJOE MERAH OLEH: ^^uTeSï^^ONG. KOK. NO.. Dalem soeatoe pesanggrahan besar, di depan mana ada tertantjap satoe tiang kajoe dan di atasnja berkiber-ltiber satoe bendera dengen satoe hoeroef .Tjoa" jang sangat besar, sedang di sapoeternja itoe pesang­ grahan jang loewas tertampak bebrapa banjak soidadoe pengawal jang bersendjata lengkep dan djalan moendar-mandir dengen tida bitjara barang sapata perkatahan ; sedang di sabelah dalemnja itoe pesanggrahan kadengeran soewaranja tamboer dan gembreng dengen berisik. Itoeiah hoofdkwartier dari pasoekan balatentara negri jang lagi menindes pembrontakan di Kim-Tjoan, dan jang mendjadi panglima perang besar boekan laen dari Tjoa Yok Eng tjiangkoen, satoe officier jang soeda berboewat banjak sekali djasa di medan peperangan. Itoe waktoe djoestroe lagi bikin pesta boewat tanda kagirangan atas itoe kamenangan jang baroe didapatken dalem satoe paperangan sama kaoem pembrontak, hingga dalem itoe pasanggrahan besar ada banjak sekali officier-officier jang dioendang boewat makan minoem, dengen diramehken oleh satoe prangkat tetaboean dan satengah losin nona-nona toekang menari jang eilok dan soewaranja merdoe Djoestroe pada waktoe orang lagi plesir dengen goembirah dan kapala sedikit sinting lantaran pengaroehnja alcohol, koenjoeng-koenjoeng sinar-sinar lilin jang berada di itoe 1 A.

(10) pertengahan, di mana itoe pesta dilakoeken, mendjadi soerem dan dari atas oedara kaliatan sinarnja pedang dan bajangannja satoe orang, berbareng dengen itoe kadengeran dari atas oedara ada soewara orang ber­ kata : „Akoe dateng ! akoe dateng ! ! " Semoewa orang jang berada di sitoe djadi sangat terkedjoet dan kamekmek hingga tida satoe antaranja jang bisa mengaloewarken barang sapata perkatahan, biar poen itoe bebrapa banjak soldadoe pengawal jang berpakean dari besi dan mamegang sendjata, toch tida satoe di antaranja jang bisa bergerak; tapi Tjoa Yok Eng tjiangkoen dengen sikap keren dan adem berdoedoek dengen teger dalem iapoenja korsi. »Kaoe siapa dan orang mana?" menanja ia dengen soewara tetap. «Kaoe poenja kadatengan ka sini maoe memboenoeh pada'koe atawa maoe membantoe pada 'koe?" Baroe sadja itoe generaal bitjara sampe di sini, mendadak dari djendela kaliatan ada satoe bajang itam jang melajang masoek sabagi satoe oeloeng-oeloeng jang lagi mentjari korban, melajang dengen terpoeterpoeter, kamoedian itoe sinar pedang lantas djadi iinjap dan panerangannja lilin-lilin jang berada di sitoe poen mendjadi terang kombali, dan dalem sa'at itoe djoega, di depan itoe roewangan pesta ada berdiri satoe prampoean moeda jang parasnja sangat eilok, dan jang paling menjolok orang poenja mata, adalah iapoenja pakean jang saänteronja serba merah, warna mana terlebih lagi njatanja lantaran kena sorotnja api lilin-lilin jang menjala begitoe terang. Tjoa Yok Eng tjiangkoen dengen mengoempoei soemangat dan mengawasin dengen penoeh pada moekanja itoe prampoean moeda sembari berkata: »Kaoe ini siapa ? Apa barangkali kaoe poenja kadatengan ada atas prentahnja moesoeh boewat niembocnoeh.

(11) pada'akoe? Kaloe betoel bigitoe, boleh lantas boenoeh sadja pada'koe sekarang djoega ! " Itoe prampoean moeda sebaliknja beresken pakeannja dan teroes berloetoet di atas vloer dan mendjoera. »Taytjiangkoen sasoenggoenja ada satoe malaekat jang gaga dan soetjl," kata ia. „Akoe memang dengen sasoenggoenja menerima prentah boewat memboenoeh pada Tayijiangkoen, tapi dari sebab akoe poenja iboe jang toewa berada di dalem tangsinja moesoeh, hingga dengen terpaksa akoe moesti menoeroet ; baroesan makanja akoe tinggal bersangsi dan tida bisa ambil poetoesan, djoestroe dari sebab merasa taloek sama Tjiangkoen poenja kasetiahan. Memboenoeh saorang setia tida adil, sedang siasiaken orang poenja permintahan toeloeng tida mamegang kapertjajahan, oleh kerna itoe djoega, akoe tjoema bisa bebasken diri dari itoe doewa kasalahan dengen kamatian, sekalian menoeloeng djoega djiwanja iboe'koe dan membales Tjiangkoen poenja kabaekan, maka akoe harap Tjiangkoen soepaja soeka lekas memboenoeh padakoe." Tjoa Yok Eng lantas berbangkit dari tempat doedoeknja mengangkat kadoewa tangan memberi hormat. , 0 h ! hal itoe tida boleh dilakoeken, tida boleh!" kata ia. »Nona ini sasoenggoenja ada prampoewan sabangsanja Hoa Bok Lan dan Tjin Liang Giok. Lan­ taran anggap akoe ada satoe ambtenaar setia lantas tida rnaoe memboenoeh padakoe, itoelah menandaken nona poenja hati jang adil; biar poen nona tjoema sendirian toch tida oeroeng brani djoega oendjoek diri ka dalem akoe poenja tempat jang penoeh sama orangorang jang bersendjata lengkep, itoelah menandaken nona poenja kagagahan; dan achirnja lantaran kaoe poenja iboe terdjato di dalem tangannja moesoe ter­ paksa bakerdja aken goenanja moesoe, itoelah menan-.

(12) daken nona poenja kabaktian. Saorang prampoewan jang mempoenjai ini tiga matjem sifat tinggi dan moelia, biar poen boewat orang lelaki poen masi soesa, hingga nona ini sasoenggoenja ada satoe prampoewan jang sangat loewar biasa dan djarang ada bandingannja. Kaloe sadja nona bisa bakerdja boewat membela kapentingannja negri dengen membantoe kita poenja pakerdjahan, tentoelah nona bisa berboewat djasa jang sangat besar bagi tanah aer dan sasama bangsa, maka akoe rasa sala sekali kaloe nona maoe memboewang djiwa boewat perkara ketjil." Itoe prempoewan pakean serba merah kombali memberi hormat dan berkata: »Akoe bernama Shie Lee Tjeng dan mendapet nama djoeloekan Hong le Lie Hiap, sedang tempat kadiaman'koe di San-Yoe ; oleh kerna menginget Tjiangkoen poenja boedi kabaeken dengen segala senang hati akoe soeka bakerdja di bawah Tjiangkoen poenja prentah, tjoema sadja bagimana iboe'koe sekarang berada di dalem tangannja moesoeh?" „Boleh soeroean orang pergi menjamboet sadja padanja, boekanbaek?" kata Tjoa Yok Eng Tjiangkoen. Oh ! djangan diperboewat begitoe" kata Hong le Lie Hiap, »sebab dengen begitoe djoestroe aken mem­ bikin iboe'koe djadi tiwas djiwanja." »Bagimana kaloe akoe prentahken satoe pasoekan soldadoe mengikoet pada nona boewat menjamboet padanja?" „Terlebih lagi tida boleh," saoet Shie Lee Tjeng, „sebab dengen begitoe aken membikin iboe'koe djadi mati samingkin lekas." „Abis, moesti diatoer bagimana?" menanja Tjoa Yok Eng tjiangkoen. „Oleh kerna akoe menginget Tjiangkoen poenja boedi djoestroe pikir boewat membales Tjiangkoen 4. ^ ^. %. ®. f.

(13) poenja boedi kabaekan itoe," saoet Shie Lee Tjeng, „biar poen badan'koe boleh mendjadi anijoer lebeer djoega tida nanti akoe moendoer. Sekarang akoe aken balik kombali ka bentengnja moesoe, di mana akoe aken menjelidikin kaädahannja moesoe, dan kaloe bisa mendapat koetika akoe aken gendong iboe'koe kaloewar, harap sadja Tjiangkoen soedi kasiken satoe tem­ pat goena toempangken iboe'koe agar terbebas dari serangannja oedjan dan angin. Kaloe sadja Tjiangkoen koerang pertjaja, akoe aken anljoerken ini batoe antinganting sabagi satoe soempa, dan kaloe sadja akoe berhati serong biarlah badan'koe antjoer sabagi djoega batoe ini." Sembari berkata begitoe dengen teloendjoek dan djempol tangannja ia pidjit batoe anting-anting jang terpake di koeping kanannja, biar poen itoe ada batoe giok idjo jang sangat keras, tapi mendjadi antjoer sa­ bagi djoega tepoeng, sedang kadoewa djeridji jang digoenaken boewat memidjit sama sekali tida mendapat loeka apa-apa. Semoewa orang jang berada di sitoe mendjadi sangat terkedjoet dan tinggal kamekmek sa­ bagi djoega patoeng. Tjoema Tjoa Yok Eng tjiangkoen mengoeroet-ngoeroet koemisnja sambil memoedji. »Ini Liehiap sasoenggoenja ada satoe prampoewan jang sangat djoedjoer!" kata ia. „Moelai dari sekarang akoe tida koewatir satoe apa lagi." Sahabisnja berkata begitoe ia persilahken Hong le Lie Hiap berdoedoek, siapa dengen toapan lantas ambil satoe tempat doedoek di itoe perdjamoean. Tjiangkoen kasiken ia satoe tjawan arak jang terisi penoeh, itoe prampoewan gaga lantas samboetin dan dengen satoe kali tjegloekan diminoem kering, begitoe poen pada waktoe di kasiken roepa-roepa makanan ia lantas makan dengen tida berlakoe maloe-maloe lagi..

(14) Tjoa Yok Eng lantas prentahken doewa prampoewan toekang menari membawa lilin dan antarkan Hong le Lie Hiap masoek ka dalem boewat bertemoe sama istrinja, Tan Hoedjin, jang kaloewar menjamboet de­ ngen menoentoen satoe gadis ketjil, Tjoa Siao Go, poetrinja itoe panglima perang besar. Hong !e Lie Hiap memberi hormat sabagimana lajiknja, jang dibales oleh Tan Hoedjin dan Tjoa Siao Go menoeroet atoeran. Di waktoe bitjara ternjata Hong Ie Lie Hiap tingka lakoenja sopan dan omongannja lantjar, hingga soeda membikin Tan Hoedjin merasa sangat soeka dan sajang padanja, tida berbeda sabagi djoega poetrinja sendiri. Tida antara lama kamoedian Tjoa Tjiangkoen bikin berachir itoe pesta makan minoem di loewar dan masoek ka dalem. Tan Hoedjin dengen memaksa akoeh itoe gadis gaga sabagi anak-angkatnja, oleh kerna Hong le Lie Hiap merasa sangat bersoekoer sama kabaekannja Tjiangkoen, laloe membahasaken itoe panglima perang besar ,Ien-hoe," dan Tan Hoedjin „len-bo" hal mana soeda membikin itoe doea orang djadi sangat girang hatinja serta koerniaken djoega she Tjoa dan nama Tay Go pada itoe gadis gaga. Salaennja itoe dikasi djoega banjak barang-barang persenan jang berharga, kamoedian prentahken soepaja ia lekas menjamboet iboenja, sedang itoe doewa prampoewan toekang menari poen dikasi persen boewat merawatin pada iboenja. Itoe semoewa Hong le Lie Hiap trima dan hatoerken trima kasi sabagimana pantasnja. Tan Hoedjin prentahken boedak-boedak prampoewan bikin bresih satoe roemah boewat tempat tinggalnja Hong le Lie Hiap poenja iboe. Blakangan ternjata Hong le Lie Hiap baroe beroemoer delapanbelas taon, sedang Tjoa Siao Go beroe6. ^ ^. •. O. «.

(15) moer limabelas taon, hingga poetrinja itoe panglima perang besar membahasaken entji pada itoe gadis gaga, siapa membahasaken ade pada Siap Go. Pada waktoe tengah malem Tjoa Tjiangkoen dan Tan Hoedjin soeroean poelrinja pergi menemenin Hong le Lie Hiap tidoer di satoe kamar samping, sedang itoe doewa toekang menari disoeroe melajanin ; tapi sasampenja di dalem kamar Hong le Lie Hiap soeroean itoe doewa prampoewan toekang menari berlaloe dan mendesak soepaja Siao Go tidoer, tapi Siao Go tida maoe, sabaliknja ia memaksa pada Hong le Lie Hiap boewat maen Ijatoer kamoedian maen petak, dengen tida merasa lagi soewara tongtong soeda berboenji doewa kali. Mendadak Hong le Lie Hiap meringkesken pakeannja dan memboeka djendela. „Sekarang akoe maoe poelang doeloe boewat katemoeken iboekoe," kata ia pada Siao Go, „dan kaloe sadja ada koetika bagoes dengen lantas akoe aken gendong iboekoe dateng ka sini. Bila itoe hal bisa dilakoeken dalem satoe djam tentoe akoe soeda berada di sini lagi ; tapi kaloe tida bisa, moesti besok tengahari baroe akoe bisa balik, lenhoe dan lenbo telah berlakoe manis dan baek sekali padakoe, hal ini boleh tida oesa kasi taoe padanja, sebab koewatir itoe doewa orang toewa djadi kaget dan koewatir. Akoe harap sadja ade soeka lantas masoek tidoer, djangan koewatir satoe apa, kerna tjoema berpisahan boewat samentara waktoe sadja." Tjoa Siao Go sabisa-bisanja maoe menahan, tapi Hong le Lie Hiap berkeras jang itoe hal moesti dila­ koeken pada malem ini djoega, agar djangan mener­ bitkan katjoerigahannja moesoe, sahabisnja berkata dengen satoe kali lontjat sadja ia soeda kaloewar dari djendela, kamoedian kaliatan sadja satoe sinar poeti.

(16) jang bersaing sama sinar terangnja remboelan, melajang ka atas oedara sabagi djoega satoe paser. „Ade, boleh masoek tidoer sadja, djangan koewatirken tentang kaslamatan dirikoe" begitoelahkadengeran soewaranja Hong le Lie Hiap di atas oedara. Siao Go dengen pengrasahan sedikit masgoel lantas memboeka perhiasan kapala dan pakean, kamoedian ganti memake pakean tidoer ; tapi baroe sadja ia rebahken badan di atas pembaringan, mendadak di sebelah loewar djendela kadengeran soewara ketokan kamoedian kadengeran soewara orang berkata dengen perlahan: ,Ade, lekas boeka djendela, iboekoe soeda dateng." „Oh 1 entji soeda balik kombali, begitoe lekas !" berseroeh Tjoa Siao Go dengen girang. Sembari berkata begitoe ia lompat toeroen dari atas pembaringannja dan memboekain djendela serta kaloewar menjamboet. ,Akoe merasa girang sekali jang lopekbo bisa sampe di sini dengen slamat dan tida koerang satoe apa," kata ia sembari memberi hormat pada satoe prampoewan toewa jang digendong oleh Hong le Lie Hiap, «tapi entji tentoe merasa tjape sekali." „Tjoa siotjia djangan memake banjak kahormatan dan akoe tida bisa membales hormat kerna berada dalem gendongan dan tida laloewasa," kata iboenja Hong le Lie Hiap. Itoe waktoe djoega Hong le Lie Hiap lontjat ma­ soek ka dalem djendela jang diikoetin oleh Tjoa Siao Go. „Akoe bersama iboe bisa pinda dari tempat berbahaja ka tempat jang slamat, semoewa ada lenhoe poenja koernia," kata Hong le Lie Hiap sembari mem­ beri hormat pada sasoedanja malepasken iboenja dari 8.

(17) gendongan ; »tapi bisa dibilang djoega ade poenja boedi kâbâckân.". ,Entji ada saorang djoedjoer dan tabeat terboeka, apatah perloenja moesti marendah begitoe roepa ?" saoet Tioa Siao Go jang teroes memberi hormat pada iboenja Hong le Lie Hiap, siapa membales hormat sambil mengoetjoerken aer mata. Tjoa Siao Go lantas hatoerken boeboer dan beras wangi, jang biasa disediaken boewat dimakan djika lapar di waktoe malem, pada iboenja Hong le Lie Hiap, serta minta djoega itoe gadis gaga menemenin makan. Sapandjang waktoe makan boeboer Hong le Lie Hiap toetoerken dengen tjara bagimana baroesan ia telah masoek ka dalem tangsinja moesoe, beroentoeng tida ada jang perhatiken hingga dengen laloewasa ia bisa gendong kaloewar iboenja dan dibawa ka sini. .Entji poenja ilmoe kapandean sasoenggoehnja tinggi sekali dan djarang ada bandingannja; sekarang ajah'koe mendapat entji poenja bantoean bisa^dipastiken moesoe dengen lekas aken bisa dibasmi." Soeda tentoe sadja Hong le Lie Hiap menoelak itoe poedjian dan marendahken diri, kanioedian itoe tiga orang lantas mèmboeka pakean dan masoek tidoer. Tapi belon lama iaorang poeles ajam soeda koekoeroejoek, laloe iaorang bangoen dan tjoetji moeka kekoemoer dan berdandan. Satelah saleseh Tjoa Siao Go lantas pergi katemoeken iboe dan ajahnja boewat mengasi taoe bahoewa Hong le Lie Hiap soeda balik kombali dengen membawa iboenja, hingga Tjoa Tjiangkoen dan Tan Hoedjin djadi sangat girang serta soeroean poetrinja mengoendang pada iboenja itoe gadis gaga boewat bertemoe. Itoe pertemoean dilakoeken di satoe roewangan besar, dan pada sasoedanja saling memberi hormat dan oetjapken sedikit perkatahan jang 9.

(18) biasa dioetjapken antara orang-orang jang baroe bertemoe, Hong le Lie Hiap berbangkit dari tempat doedoeknja hatoerken trinia kas! pada Tjoa Tjiangkoen dan Tan Hoedjin. .Akoe bersama iboe makanja bisa terlepas dari baliaja, semoewa ada dari koernianja leniice dan lenbo," kata ia ; »ini malem akoe maoe bikin satoe perdjamoean makan, satoe medja diatoer di ioewar di mana aken berdoedoek lenhoe dan itoe semoewa tetamoe jang samalem toeroet berdjamoe, agar akoe bisa hatoerken maäf atas perboewatan'koe jang samalem, dan satoe medja lagi diatoer di sabelah dalem di mana aken berdoedoek lenbo, ade Siao Qo dengen ditemenin oleh iboe'koe sabagi tanda trima kasi jang kita—iboe dan anak—dirawat di sini. Pasoekan moesoe ini malem tentoe aken dateng menjerang dengen maksoed boewat membaies pada akoe dan iboe'koe ; tapi boewat itoe akoe soeda bersedia apa jang moesti diperboewat, hingga lenhoe dan lenbo djangan koewatir satoe apa." Tjoa Tjiangkoen manggoetken kepalanja beroelangoelang menjataken iapoenja satoedjoe. Tida antara lama kamoedian dalem itoe pesanggrahan lantas dipasang lampoe-lampoe jang sangat terang, medja dan korsi lantas diatoer di roewangan dalem dan Ioewar, sedang tetamoe-tetamoe jang dioendang penoeh di roewangan Ioewar menghadepken makanan dan minoeman jang haloes dan wangi. .Ini malem malem apa ? malem Tjhitgwee tjeetjhit, jaitoe waktoe See Ong Bo kasi perdjamoean boewat kahormatannja Tjioe Bok Ong dan Han Boe Tee di atas pengempangan Yauw-tie," kata Hong le Lie Hiap pada Tjoa Tjiangkoen, .dan oleh kerna akoe memangnja ada sala-satoe dajangnja See Ong Bo, sekarang kabetoelan dibikin ini pesta perdjamoean, maka akoe maoe 10.

(19) bikin senang akoe poenja tetamoe -tetamoe dengen tetaboean dewa dan sekalian dinjanjiken oleh soewarakoe jang djeiek. Bagimana apa boleh ?" Tjoa Yok Eng Ijiangkoen manggoetken kapalanja menjaiaken satoedjoe. Laen-laen tetamoe poen menepok tangan menjataken marika poenja goembirah hati. Hong le Lie Hiap lantas menari sambil menjanji dengen soewara jang sangat merdoe dan moeloek, semoewa orang jang berada di sitoe, maoe poen jang di loewar atawa poen jang di dalem, merasa sangat senang dan seperti moeloek ka atas awang-awang. Di antara tetamoe-tetamoe lelaki jang meliat paras moekanja Hong le Lie Hiap begitoe eilok dan gerakannja begitoe lemah lemboet pada waktoe ia menari, dengen lida tertahan lagi djadi begitoe tertarik hingga boekan sedikit jang pada ngelamoen tida karoewan, tjoema Tjoa Tjiangkoen dan satoe officier moeda jang ber­ pangkat yoekie tinggal tetap tida tergerak hatinja. Baroe sadja Hong le Lie Hiap abis menari dan menjanji, ada sala-satoe tetamoe jang mengasi voorstel pada Tjoa Tjiangkoen. „ini pesta sekali poen bisa dikata senang dan menggoembirahken," kata ia, »tapi masi belon sampoerna betoel ; apabila toaiiekongtjoe soeka menari sama iapoenja pedang, nistjaja ini kasenangan dan kagoembirahan aken mendjadi sampoerna betoel, sekalian aken bisa membikin loewas djoega kita orang poenja pe­ mandangan. Belon taoe apa toaiiekongtjoe soeka meloeloesken atawa tida?" Tjoa Tjiangkoen lantas berpaling pada Hong le Lie Hiap. „Anak'koe, apa kaoe soeka membikin senang te­ tamoe-tetamoe sama kaoe poenja tarian dengen pedang?" menanja ia. 11.

(20) Hong Ie Lie Hiap koetika mendenger itoe omongan lantas sadja paras moekanja berobah djadi merah, djidatnja dikeroetken sembari toendoekin kapala. „Anak sedari ketjil telah mendapat pengadjarannja orang berilmoe tinggi, hingga paham ilmoe pedang," kata ia dengen soewaia bersangsi, »tapi akoe poenja pedang bisa melajang sabagi djoega kilat Ijepetnja, sedang tadjemnja malebihken angin barat di waktoe moesim dingin, oleh kerna itoe djoega bisa mengaloewarken doewa matjem sinar, jaitoe merah dan poeti, sebab warna merah mengoendjoek kakerasan dan warna poeti mengoendjoek katadjeman. Semantara orang-orang jang menjaksiken bila hatinja djoedjoer tentoelah matanja terang, kaloe matanja terang tentoe aken meliat warna jang merah, itoelah warna jang beralamat baek dan beroentoeng ; tapi kaloe orang-orang jang meliat hatinja tida djoedjoer tentoelah matanja koerang awas, koerang awas aken meliat warna jang poeti, ini warna poeti ada satoe tanda jang koerang baek, maka akoe koewatir bisa membikin tjilaka pada tetamoe-tetamoe jang berada di sini. Doeloean kaloe anak membatja hikajat sampe pada bagian jang menoetoerken itoe perdjamoean di Hongboen, pada waktoe Tjauw Pa Ong mengoendang Lauw Pang makan minoem, pada waktoe mana Hang Tjong menari sama iapoenja pedang boewat memboenoeh pada Phay Kong (Lauw Pang), anak senantiasa anggap itoe ada soeatoe perkara jang koerang baek hingga lantas lemparken itoe boekoe sembari mengelah napas. Sementara ini hari ada soeatoe per­ djamoean boewat menjataken kagirangan atas kita orang poenja berkoempoel, apatah perloenja moesti memake itoe tarian pedang jang tida beralamat baek ? Anak pikir dari padanja menjesel sasoedahnja perkara terdjadi, lebih baek berhati-hati pada sebelonnja, oleh kerna 12.

(21) itoe djoega, biar poen akoe bisa dikataicen bantahan, terpaksa anak moesti membantah djoega agar djangan sampe menerbitken perkara jang tida diingin. Maka anak sangat mengharap soepaja lenhoe soeka menim­ bang lebih mateng." Tjoa Tjiangkoen tinggal boengkem. Itoe officier moeda, Tio Liang Tong, poen tinggal aman dengen tida berkata satoe apa. Tapi bebrapa tetamoe lantas pada berbangkit dari tempat doedoeknja sambil berkata dengen rioe sekali. ,Toaliekongtjoe tida lebih tjoema satoe prampoewan jang gaga," kata iaorang, .hingga tida perloe moesti menggertak sama itoe matjem gertakan kosong, sebab kita orang semoewanja ada orang-orang jang soeda kawakan dalem medan peperangan, masalah moesti merasa takoet sama sinarnja pedang sadja? Kita orang berdjandji boewat menonton dengen doedoek lempang dan sorot mata jang memperhatikan dengen soenggoe-soenggoe, hingga bisa dipastiken jang kita aken menampak sinar jang merah, itoe sinar jang membawa alamat kabaekan dan kaberoentoengan. Oleh kerna itoe djoega, Liekongtjoe boleh tida oesa terlaloe koewatir, dan boleh bikin pertjobahan sadja." Hong le Lie Hiap koetika mendenger itoe omongan jang mendesak, oendjoek paras moeka jang koerang senang, tapi lantaran sabagian besar orang pada me­ maksa dengen apa boleh boewat ia moendoer ka blakang boewat bikin ringkes iapoenja pakean dan melepasken iapoenja koen, kemoedian ia keloewar kombali dengen pakean jang serba ringkes dan di kedoewa tangannja mamegang sapasang pedang, sekarang biar poen iapoenja paras moeka tinggal eilok dan gerakannja lemah lemboet, tapi soeda berobah djadi keren dan gesit. Kamoedian dengen sikap jang toapan ia memanggoet pada 13.

(22) orang banjak sambil berkata : „sekarang akoe mengha­ rap soepaja toewan-toewan sekalian soeka mengawasin dengen adem, sebab dengen lantas akoe aken kasi oendjoek akoe poenja ilmoe kepandean jang djelek ; kaloe sadja ada apa-apa jang koerang baek, akoe harap sekali soeka dimaäfken dan djangan diboewat tjelahan." Sehabisnja berkata begitoe lantas sadja ia pasang koeda-koedanja, kamoedian gerakin iapoenja sapasang pedang, jang berkredepan koetika terkena sorotnja lampoe-lampoe, bermoela itoe sinarnja doewa pedang masi bisa kaliatan sabagi doewa naga api jang lagi menari terpoeter-poeter di sekoedjoer badannja itoe gadis gaga, tapi samingkin lama itoe pedang digerakin samingkin tjepat. hingga achirnja tjoema tertampak sadja satoe boenderan sinar, jang kaliatannja berbedahan dengen menoeroetin masing-masing poenja pengrasahan hati sendiri, marika jang hatinja djoedjoer liat itoe boenderan sinar sebagi djoega sinarnja matahari jang baroe terbit, marika jang hatinja serong dan pikirannja melantoer liat itoe boenderan sinar warnanja poeti dan saban-saban meletik bebrapa banjak sinar poeti sabagi djoega kem­ bang api, menjamber pada iaorang, hingga ada jang koepingnja poetoes, ada jang matanja terkorek, ada djoega jang djeridji tangannja poetoes, malah ada jang bibirnja somplak, oleh kerna itoe djoega deugen lantas kadengeran soewara merintih dan menangis jang sanget rioe, Tida antara lama kemoedian itoe sinar pedang lantas linjap dan kaliatan itoe gadis badjoe merah berdiri dengen tegak sembari memegang iapoenja sapasang pedang jang disenderken blakangnja pada kedoewa lengannja. Tjoema Tjoa Yok Eng tjiangkoen dan Tio Liang Tong jang moeda sadja tinggal aman dan tetap pikirannja, sedang sebagian besar tetamoe lelaki jang berdoedoek di loewar semoewanja sangat menjesal 14.

(23) dan boekan sedikit jang soemangatnja telah terbang saparonja. Hong le Lie Hiap lantas berioetoet di hadepannja Tjoa Tjiangkoen dan laen-laen tetamoe jang berdoedoek di loewar. „Baroesan akoe soeda berboewat apa-apa jang tjerobo," kata ia, «hingga soeda membikin kaget dan takoet pada tetamoe-tetamoe, tjoema lenhoe dan ini toewan Tio sadja jang berhati tetap sebagi djoep goenoeng, sangat berbeda sama jang laen-laennja, sedikit poen tida merasa kaget atawa poen takoet. Boewat meneboes akoe poenja kadosahan itoe, biarlah akoe minoem satoe tjawan arak boewat sasoeatoe tetamoe jang berada di sini." Sahabisnja berkata begitoe ia lantas minoem ampatpoeloeh tjawan arak, tapi paras moekanja sama sekali tida berobah. Itoe waktoe orang-orang jang mendapat loeka dengen repot menoetoepin marika poenja loeka-loeka dengen pengrasahan sangat maloe, kerna iaorang tadinja begitoe merasa tertarik sama paras moekanja itoe gadis gaga jang sangat eilok, tapi tida taoenja hatinja ada begitoe dingin sebagi d]oega ijs, sedikit poen tida boleh orang berpikir sembarangan terhadep pada dirinja. . Maka pada waktoe mendenger Hong le Lie Hiap poenja omongan tadi, terlebih lagi iaorang merasa maloe, boekan sadja iaorang tida bisa mendjawab, malah tida brani mendjawab. Tjoema Jjoa Yok Eng tjiangkoen dan Tio Liang Tong yoekie jang moeda sadja tinggal senang dan adem pikiran, kerna iaorang poenja hati bersih dan tida berpikir serong. Djoestroe pada waktoe orang lagi makan minoem dengen rameh, mendadak ada satoe officier masoek mengasi taoe bahoewa pasoekan balatentara moesoe lagi bergerak madjoe dan maoe bikin penjerangan 15.

(24) besar. Hong le Lie Hiap berbangkit dari tempat doedoeitnja dan beri^ata pada Tjoa Yok Eng tjiangkoen : »Sekarang moesoe soeda dateng, kaloe sadja anak tida pergi menjamboet marika poenja kadatengan, dikoewatir bisa meroesakin lenhoe poenja pakerdjahan, maka boewat samentara waktoe anak minta permisi boewat meninggalken ini medan perdjamoean . . . Dalem sa'at itoe djoega Hong le Lie Hiap sabagi satoe boeroeng kapinis lontjat naek ka atas tembok dan linjap dari pemandangan. Tida antara lama kamoedian lantas kadengeran soewara tamboer jang sangat rioe dengen dibarengin sama soewara seroehan orang jang seperti soewaranja goenoeng roeboe, hingga soeda membikin semoewa officier jang lagi pada berdoedoek di medan perdjamoean djadi sangat tida enak pikiran, biar poen di depan marika ada sedia makanan jang lezat dan minoeman jang wangi, tapi iaorang tjoema bisa awasin sadja dengen pikiran kaloet dan bingoeng, tjoema Tjoa Yok Eng tjiangkoen dan itoe officier moeda Tio Liang Tong jang tinggal sabar dan adem, dan saban-saban mengangkat marika poenja tjawan arak atawa poen gerakin soempitnja. Tida antara lama kamoedian goemoeroeiinja moesoe poenja tamboer dan seroehan djadi samingkin keras, sekarang dibarengin sama soewara tindakan kaki orang dan koeda jang tida berbeda sabagi galoembang besar di tengah laoetan, dari djaoe mendatengin samingkin dekat, hingga itoe semoewa officier jang memang soeda koewatir djadi sangat kaget dan katakoetan. Satoe kali ini Tio Liang Tong sorot matanja berobah dan paras moekanja tida begitoe sabar dan adem lagi seperti doeloean ; tapi Tjoa Yok Eng tjiangkoen sendiri jang teroes tida berobah dan tida tergerak barang sedikit terhadep itoe semoewa kedjadian, hanja mengang16.

(25) kat tjawannja sambil berkata pada semoewa officier jang berada di sitoe ; »Toewan-toewan, sekarang akoe minta kaoe orang niinoem kering satoe tjawan arak, sabagi tanda kagirangan dari alamat moendoernja kita poenja moesoe dengen satoe karoesakan besar". Baroe sadja Tjoa Tjiangkoen abis bitjara, mendadak kadengeran soewara tamboer moesoe jang mengasi tanda boewat moendoer, dalem sa'at itoe djoega ka­ dengeran soewara tindakan kaki riboean orang dan ratoesan koeda jang sangat kaloet, dibarengin sama soewara treakan dan seroehan jang menjataken kasakitan dan katakoetan, sekarang soewara tamboer tida kadengeran lagi, kerna itoe soewara kaloet samingkin rioe dan bergoemoeroeh, tapi samingkin lama itoe soewara djadi terpentjar dan samingkin djaoe serta sawat. Koenjoeng-koenjoeng dari atas oedara ada djato satoe barang ka itoe pertengahan jang djato dengen bergoebrakan. Sala-satoe tetamoe berbangkit ambil satoe tempat lilin dan menjoeloein itoe barang jang baroesan mela­ jang djato dari atas, ternjata ada satoe kantong dari koelit, dan koetika itoe kantong koelit dipreksa lantas tertampak ramboet kapala jang penoeh sama darah dari doewa kapala manoesia, hingga semoewa orang jang berada di sitoe djadi sangat terkedjoet. Djoestroe pada itoe waktoe, mendadak berklebat satoe sinar merah, dan tida antara lama kamoedian Hong le Lie Hiap kaliatan berdiri di depan itoe medja perdjamoean dengen sikap jang sabar dan adem memanggoet pada semoewa orang jang hadlir. Tida lama kamoedian itoe perdjamoean pesta sampe di achirnja. dan semoewa tetamoe pada boebaran, Tjoa Tjiangkoen poen adjak Hong le Lie Hiap masoek ka dalem, sedang Tan Hoedjin bersama Siao 17 B.

(26) Go poen kaloewar menjamboet sembari hatoerken trima kasi pada itoe gadis gaga. „Akoe haroes hatoerken maäf jang baroesan akoe tida bisa menemenin len-hoe dan lenbo doedoek berdjamoe. ,Ini malem pesta perdjamoean ini boleh dibilang ada mirip dengen itoe pesta perdjamoean di Hongboen," kata Tan Hoedjin, „sebab Tay Go menari dengen pe­ dang bermaksoed boewat memboenoeh pada itoe doewa kapala pembrontak, sabagi djoega Hang Tjong jang bermaksoed maoe boenoeh pada Phay Kong." „Entji jang tjoema satoe orang prampoewan sadja, tapi dengen sapasang pedang tadjem soeda bisa panggal kapalanja itoe doewa kapala pembrontak [dalem marika poen ja riboean pasoekan balatentara, tida berbeda sa­ bagi djoega Tek Tjeng di djeman ahaià Song jang bikin petjah kota Koen-loen-kwan," kata Tjoa Siao Go. ,Oieh kerna itoe djoega ini pesta perdjamoean pada malem ini, bisa djoega dioepamaken sabagi pesta di Siang-goan." Tjoa Tjiangkoen mengoeroet-ngoeroet koemisnja. ,Pada waktoe Tay Go menari dan menjanji akoe poedji kadjernihannja," kata ia, ,pada waktoe ia menari sama pedang akoe poedji kasebatannja, sedang iapoenja pakerdjahan membasmi pasoekan moesoe akoe poedji iapoenja kapandean jang sangat tinggi, dan itoe semoewa bisa diloekisken dengen satoe perkatahan .adjaib". Memang djoega Tay Go ada satoe gadis jang adjaib dan loewar biasa !" , 0 h ! lenhoe terlaloe memoedji padakoe, hingga membikin akoe djadi maloe sadja," merendah Hong Ie Lie Hiap. Sateroesnja iaorang mengobrol sampe liwat tengah malem, dan Tan Hoedjin prentahken poetrinja, Siao 18.

(27) Oo, mengantarken Shie Hoedjin dan Hong Ie Lie Hiap masoek ka itoe roemah jang telah disediaken, sedang itoe doewa prampoewan toekang menari mem­ bawa sepasang teng mengantarken pada iaorang ; tapi Siao Go tjoema mengantarken sadja sampe di pintoe depannja itoe roemah tinggal baroe boewat itoe gadis gaga dan iboenja, dengen mengoetjapken slamat tidoer ia balik masoek ka dalem pasanggrahan ajahnja. Tat­ kala Shie Hoedjin dan Shie Lee Tjeng masoek ka dalem, ternjata itoe roemah baroe ada sangat indah dan mentereng, apapoela kaloe dünget letaknja di dekat medan paperangan, hingga itoe iboe dan poetri merasa sangat terharoe atas boedi kabaekan Tjoa Tjiangkoen dengen tida merasa iaorang menoeroenken aer mata. Di pagi jang berikoetnja satoe spion dateng mengasi lapor pada Tjoa Tjiangkoen bahoewa lantaran samalem diserang oleh toasiotjoa pasoekan moesoe telah mendapat karoesakan besar dan moendoer dengen kaloet, koetika ini kabar sampe ka pasanggrahan besarnja kaoem pembrontak lantas sadja prentahken semoewa pasoekan balatentaranja moendoer saratoes doewapoeloeh lie djaoenja. 1 joa Tjiangkoen mendjadi sangat girang koetika mendenger itoe kabar, laloe kasi presen itoe spion dan soeroe melakoeken lagi pekerdjahannja. Tatkala ia masoek ka dalem ia soeroean satoe boedak prampoewan boewat pergi mengoendang pada Hong le Lie Hiap boewat berdamiken perkara pepe­ rangan. Tida lama kamoedian Shie Lee Tjeng soeda dateng, lebih doeloe ia hatoerken trima kasi atas Tjoa Tjiangkoen poenja perlakoean jang begitoe manis terhadep dirinja dan ibnenja, kamoedian ia menanja: »lenhoe panggil padakoe maoe ada prentah apa ?" »Baroesan satoe spion mengasi lapor bahoewa pasoekan moesoe lantaran samalem kena dilabrak keras 19.

(28) oleh anak'koe, sekarang soeda ditarik moendoer saratoes doewapoeloeh lie djaoehnja, oleh kerna itoe djoega, akoe maoe minta anak poenja advies apa jang kita moesti berboewat." ,ltoe kaoem pembrontak sabetoelnja tjoenia djoemblanja sadja banjak," saoet Heng Ie Lie Hiap, „sebab maiika poenja pasoekan jang sasoenggoenja terdidik baek djoemblanja sangat ketjil, tapi pada saban kali iaorang bikin kamadjoean marika poenja djoembla cljadi bertamba banjak, maoe poen lantaran kawanan rampok atawa kawanan boewaja jang menaloek, atawa poen lantaran dipaksanja rahajat baek-baek boewat mendjadi soldadoe, oleh kerna itoe djoega, sekali poen djoem­ blanja besar, tapi belon terdidik baek dan perlengkepan sendjatanja poen tida sampoerna, pasoekan-pasoekan balatentara jang saroepa itoe dengen gampang sadja bisa dibikin antjoer dan koerat-karit, dan inilah djoega sebabnja samalem tjoema dengen akoe poenja sapasang pedang sadja soeda bisa bikin marika djadi kalangkaboet dan lari toempang sioer, hingga boekan sedikit jang mendapat loeka atawa mati lantaran terindjak oleh marika poenja kawan-kawan sendiri. Pada sasoedanja iaorang bisa dilabrak keras begitoe roepa, pasti sekali iaorang poenja njali soeda petjah dalem bebrapa lamanja iaorang tida mempoenjai kabranian boewat dateng menjerang pada kita. Tapi kaloe maoe mem­ babat roempoet moesti bersama akar-akarnja, sebab kaloe akarnja dikasi tinggal, tentoelah achirnja aken toemboe lagi. Oleh kerna itoe djoega, sekarang kita moesti madjoeken pasoekan balatentara kita boewat mengedjar pada itoe kaoem pembrontak soepaja bisa disapoe bresih sama sekali hingga lenhoe poenja pekerdjahan poen bisa mendjadi seleseh dan sampe di achirnja." 20.

(29) .Tjara bagimana kita moesli madjoeken pasoekan balatentara kita soepaja bisa sapoe bresih pada itoe kaoem pembrontak ?" menanja Tjoa Yok Eng tjiangkoen. »Sebab kaädahan tempat di sini kita semoewa sangat asing dan djoega tida mempoenjai petahan boemi jang terang dengen apa kita bisa goenaken sabagi pengoendjoek djalan." »Prihal peta boemi di ini tempat," saoet Hong le Lie Hiap, „beroentoeng sekali akoe ada mempoenjai satoe, jaitoe pengasinja goeroekoe koetika ia maoe brangkat pergi. Itoe waktoe ia bilang bahoewa bebrapa taon kamoedian di ini tempat bakal terdjadi satoe pembrontakan besar, dan itoe petahan boemi ada bergoena sekali boewat digoenaken dalem peperangan, kerna sasoeatoe tempat di sakiternja ini tempat sampe doewa riboe lie pesagi ada diloekisken segala kaädahannja dengen terang sampe pada bagian-bagian jang paling ketjii. Oleh kerna akoe telah mendoega lenhoe me­ manggil padakoe tentoe berhoeboeng sama ini oeroesan, maka sekarang poen akoe ada bawa petahan boemi itoe." Sahabisnja berkata begiloe. Hong le Lie Hiap lantas kaloewarken satoe petahan boemi dari dalem sakoe badjoenja dan digelar di atas satoe medja soepaja bisa dipreksa oleh Tjoa Tjiangkoen, siapa pada sasoedanja mamereksa sakoetika iamanja lantas sadja mengoeroetngoeroet koemis sambil manggoet-manggoetken kapa­ lan ja. „Satoe kali akoe soeda bisa mempoenjai ini pe­ tahan boemi sabagi pengoendjoek djalan," kata ia, ,,akoe tida merasa koewatir lagi jang itoe kaoem pembrontak tida aken bisa ditindes dan dibasmi ; tapi biar poen begitoe, akoe teroes masi maoe mengandel sama anak'koe poenja tenaga bantoean jang sangat berharga." 21.

(30) „Oh, itoelah memang ada anak sendiri poenja kainginan, dan seiamanja anak bersedia boewat membantoe apa jang bisa, soepaja anak bisa membales lenhoe poenja boedi kabaekan jang sangat besar," saoet Hong le Lie Hiap.,,Barangkali lenhoe poen taoe, di antara kapalakapala pembrontak ada satoe jang bernama Tjio Kim Liong, jang mendapat nama djoeloekan Tok-gan-liong, kerna matanja pitjek sabeiah ; tapi biar poen matanja piljek. toch ia ada mempoenjai ilmoe kapandean jang sangat tinggi dan tenaga jang sabagi gadja, oleh kerna itoe djoega, terhadep ini orang haroes sekali berhati-hati, dan lenhoe poen sampe taoe soeda berapa kali ia bikin loeka atawa binasa panglima-panglima perang jang berada di bawah lenhoe poenja prentah. Oleh kerna itoe djoega, boewat menangkap atawa membinasaken pada Tok-gan-liong biarlah itoe pakerdjahan dipasrahken sadja pada anak jang menanggoeng itoe kawadjiban." »Anak'koe poenja pikiran ada benar sekali," kala Tjoa Yok Eng, „dan lantaran perkara peperangan moesti dilakoeken dengen tjepat, akoe pikir pada sasoedanja mengaso satoe hari ini, di hari esok lantas kita aken madjoeken kita poenja pasoekan balatentara boewat mengoeroeng dari tiga djoeroesan, sedang anak'koe jang perloe mendjaga pada Tjio Kim Liong akoe pasrahken sariboe soldadoe dari pasoekan'koe jang ter­ pilih, ilmoe silatnja tinggi, gaga brani dan sasoeatoe oiangnja gesit gerakannja dan tida ada jang lemah, dengen ini pasoekan kaoe meronda pada itoe tiga pasoekan kita jang terbagi mendjadi tiga djalan, di djalan mana kaoe katemoeken pada Tok-gan-liong, di sitoelah kaoe tempoer dan binasaken padanja. Satoe kali Tok-gan-liong soeda bisa dibinasaken, itoe pasoekan-pasoekan kaoem pembrontak dengen moeda sadja aken bisa dibasmi saänteronja." 22.

(31) ,ltoe Tok-gan-liong Tjio Kim Liong boekan sadja ada mendjadi moesoeh negri dan orang banjak, hanja ada mendjadi djoega anak poenja moesoeh besar" kata Hong Ie Lie Hiap, »sebab akoe poenja ajah almarhoem, doeloean koetika mendjabat pangkat Ijongpeng di Tengtjioe telah binasa di tangannja itoe kapaia pembrontak, pada waktoe ia itoe mengepalai pasoekannja menjerang itoe kota. Itoe waktoe akoe masi ketjil dan terpaksa bersama iboe'koe pergi menaloek pada Yap Dji Kiang, itoe kapaia pembrontak jang laennja, dengen maksoed boewat menoenggoe koetika baek aken membales akoe poenja sakit hati, tapi sampe sabagitoe djaoe akoe poenja maksoed itoe masi belon bisa kasampean. Sekarang kabetoelan ia berada di antara itoe kaoem pembrontak, sedang akoe berada di fihaknja lenhoe jang mempoenjai pasoekan balatentara negri jang terdidik baek, itoelah ada soeatoe koetika jang sangat bagoes boewat akoe bikin pembalesan atas sakit hatinja akoe poenja ajah almarhoem dan djoega hindarken satoe bahaja besar jang mengantjam kaämanannja negri dan katentreitiannja rahajat. Djangan koewatir, lenhoe satoe kali ini kita aken bikin antjoer itoe pasoekan-pasoekan kaoem pembrontak dan dengen akoe poenja tangan sendiri akoe nanti binasaken djiwanja Tjio Kim Liong." Tjoa Yok Eng tjiangkoen merasa sangat girang koetika mendenger itoe omongan. Itoe waktoe djoega ia lantas kasi prentah boewat poekoel tamboer sabagi tanda memanggil koempoel iapoenja saäntero staf panglima perang boewat berkoempoel di dalem iapoenja kantoor. Itoe tamboer lantas dipoekoel dengan keras dan gentjer dan tida antara lama kemoedian saäntero staf officiernja Tjoa Tjiangkoen soeda pada dateng berkoempoel di dalem kantoor, dan Tjoa Yok 23.

(32) Eng poen lantas berdjalan kaloewar dan berdoedoek di depan medja kabesarannja. Semoewa panglima perang memberi hormat pada itoe generaal dengen satjara militair. „Toevvan-toewan sekalian jang gaga perkasa," moelai Tjoa Yok Eng, „dari kita poenja sala-satoe spion ada dikasi kabar bahoewa pasoekan kaoem pembrontak telah moendoer saratoes doewapoeloeh lie djaoenja, tapi sekarang kita maoe mengedjar dan melabrak teroes pada marika sampe djadi antjoer betoel-betoel, agar kemoedian kita orang bisa lekas balik poelang ka kota radja, bila oeroesan pendjagahan di sini soeda bisa diatoer dengen beres. Oleh kerna itoe djoega sekarang akoe maoe mengandel sama toewan-toewan sekalian poenja tenaga boewat sampeken itoe maksoed." Dengen berbareng semoewa panglima perang menjataken jang iaorang bersedia aken korbanken djiwanja goena negri dengen menoeroet prentahnja marika poenja generaal. Tjoa Yok Eng lantas atoer pasoekan balatentaranja mendjadi tiga djalan sabagimana jang soeda diberdamiken sama Hong le Lie Hiap, sedang itoe djago prampoewan poen dipasrahken itoe sariboe soldadoe pilihan boewat membantoe pada itoe tiga pasoekan balatentara jang dibagi mendjadi tiga djalan dan teroetama mendjaga pada Tjio Kim Liong. Itoe hari djoega semoewa pasoekan balatentara soeda disiapken dengen beres dan lantas brangkat mengedjar pada kaoem pembrontak dari tiga djoeroesan. Kita tida oesa toetoerken jang laen-laennja, tapi kita ikoetin pergerakannja itoe sariboe soldadoe pilihan jang dikapalai oleh Hong le Lie Hiap Shie Lee Tjeng. Bermoela ia ikoetin pasoekan negri jang mengambil 24.

(33) djalan tengah, tapi saban-saban ia meronda pada pasoekan-pasoekan sajap kanan dan sajap kiri, soepaja bisa lantas membantoe djika ada perloenja. Doewa hari soeda berselang, tapi moesoe masi belon tertampak bajang-bajangannja, djangan kata pasoekan jang berdjoemblah besar, sekali poen pasoe­ kan meronda poen tida ada dikatemoeken barang satoe. Pada soeatoe hari, hari katiga sadari itoe pasoekan negri brangkat dari hoofdkwartier, koetika Hong le Lie Hiap lagi meronda dari pasoekan tengah menoedjoe ka sajap kiri, di tengah perdjalanan ia ketemoeken tiga orang jang dandanannja seperti pendoedoek di tempat-tempat jang berdekatan, dan dari marika poenja barang-barang bawaän bisa kaliatan njata marika ada pendoedoek negri jang melariken diri dari tempat tinggalnja boewat menjingkirken bahaja paperangan, kerna iaorang ada menggendong masing-masing satoe boentelan besar, dalem mana biasanja ada ditaro marika poenja harta banda jang bisa dibawa pergi. Tapi Hong le Lie Hiap jang bermata tadjem lantas bisa dapat liat bahoewa kaädahannja itoe tiga orang tida soewadjarnja, marika poenja sikap sekali poen kaliatannja tentream koetika meliat pasoekan negri jang bisa melindoengin pada marika. tapi marika poenja sorot mata tida tetap, sabagi djoega pentjoeri jang koewatir kataoean orang. Oleh kerna itoe djoega, ia kasi prentah satoe onderofficier jang berpangkat Patjong dengen membawa anam soldadoe pergi me­ nangkap pada itoe liga orang pelarian. Tatkala itoe tiga orang pelarian dibawa dateng mengadep ka hadepannja Hong le Lie Hiap, iaorang mengoendjoek sikap jang sangat kaget dan katakoetan, tapi soeker didoega marika takoet dan kaget lantaran apa. 25.

(34) „Kaoe orang bertiga berasal dari mana dan seka­ rang maoe pergi Ica mana ?" menanja Shie Lee Tjeng sambil mengawasin dengen sorot mata tadjem. Ternjata itoe tiga orang semoewanja masi moeda dan tida satoe antaranja jang soeda beroemoer tigapoeloeh lebih, dan marika poenja tampang moeka semoewa mengoendjoek katjerdikan, tapi koetika kena sorot matanja Hong le Lie Hiap jang begitoe tadjem sabagi djoega maoe menemboesin ka dalem hatinja, iaorang kaliatannja djadi tida enak dan goegoep. „Kita orang semoewa ada pendoedoek di Kimhoei-tjoen, jang letaknja kira-kira doewapoeloeh lie dari sini," djawab sala-satoe antaranja, »dan sekarang kita maoe menjingkirken diri ka laen tempat jang lebih aman, sebab ada terkabar bahoewa pasoekan negri dengen lantas aken mengedjar kaoem pembrontak jang ini waktoe poesatken marika poenja pasoekan di sakiternja Soei-liam-san, di dalem mana kita poenja kampoeng ada termasoek, hingga kita boeroe-boeroe moesti menjingkirken diri ka tempat jang lebih slamat." ,,Tjoba kasi liat kaoe orang poenja boentelanboentelan," kata Hong le Lie Hiap dengen soewara keren. Itoe tiga orang lantas lepasken marika poenja boentelan dari masing-masing poenja poendak, jang lantas dipreksa dengen terliti oleh bebrapa onderofficier, tapi ternjata dalem itoe pauwhok-pauwhok tjoema terisi sadja bebrapa banjak potong pakean dan sedikit oewang perak dan tembaga, tapi tida ada apa-apa jang menjoerigaken. Blakangan Hong le Lie Hiap sendiri poen preksa lagi dengen terliti, tapi kasoedahannja satoe roepa sadja. ,,Tjoba kaoe orang gleda marika poenja badan," kata Shie Lee Tjeng dengen mendadak, hingga itoe.

(35) tiga orang djadi terkedjoet sedikit, biar poen sabisanja iaorang maoe berdaja boewat oempatken pengrasahan kagetnja, hal mana tida terlepas dari Hong le Lie Hiap poenja mata jang tadjem. Itoe penggledahan latas düakoeken, bermoela tida didapatken satoe apa, tapi blakangan pada sasoedanja dibikin penggledahan jang terlebih terliti, di dalem tali pinggang sala-satoe antaranja didapatken satoe djaitan jang menondjol sedikit, tapi kaloe tida diperhatiken betoel ampir tida kentara, kerna ada samar dengen laen-laen djaitan dari itoe tali pinggang. Tatkala itoe djaitan diboeka sama satoe piso, di dalemnja didapatken satoe potong lilin tawon gepeng, jang lantas ditrimaken pada Hong le Lie Hiap, siapa lantas belek itoe lilin tawon sama satoe piso ketjil dan ternjata di dalemnja ada terdapat satoe lipetan kertas, bila kertas itoe di­ boeka ternjata ada satoe soerat jang boenjinja seperti berikoet : „Kim Boen Pioe toako, ,,Bersama ini soerat akoe minta sabentar malem kaoe madjoeken pasoekan balatentara menjerang barisan negri jang sabelah tengah, dan itoe serangan moesti dilakoeken dengen nekat soepaja bikin moesoeh tida bisa mendapat koetika boewat membantoe pada marika poenja kadoewa sajap, jang akoe telah atoer boewat diserang oleh kita poenja pasoekan jang soeda moendoer, tapi bikin persediahan boewat bertaroeng dengen mati-matian. Inilah ada satoe pertempoeran paling penting, berhasil dan gagalnja kita poenja pergerakan ada bergantoeng sama kita poenja paperangan satoe kali ini. Maka kita moesti berperang dengen soenggoesoenggoe dan nekat. Akoe sendiri soeda tarohken djiwa'koe, kaloe sadja kita kalah, akoe aken mati dalem 27.

(36) paperangan. Lebih baek mati dalem medan perang dengen sendjata di tangan, dari pada moesti mati di lapangan peranti mendjalanken hoekoeman. Akoe rasa toako poen ada mempoenjai pikiran jang satoe roepa dengen akoe. „Toako moesti madjoe menjerang pada djam sapoeloeh malem dengen diam-diam, djangan pasang api dan djangan boenjiken tamboer atawa gembreng, apabila soeda dekat pada pesanggrahannja moesoeh baroelah njalaken obor, boenjiken tamboer dan gembreng sembari berseroeh dengen keras, kamoedian masoek menjerang dehgen nekat dan seroeh. Akoe harap sadja toako bisa beroentoeng. Djika kita soeda berhasil, kita sama-sama masoek menjerang ka Tionggoan, dan itoe waktoe baroelah kita sama-sama minoem arak kagirangan. (terteekend) Tjio Kim Liong" „Siapa itoe Kim Boen Pioe ?" menanja Hong le Lie Hiap pada sasoedanja membatja soerat itoe sampe di achirnja. ,,Hajo kaoe moesti bitjara dengen teroes terang, kaloe sadja kaoe masi ingin idoep." Itoe tiga spion—sebab terang sekali marika me­ mang ada spion-spion dari kaoem pembrontak—koetika meliat marika poenja resia terboeka, merasa tida goenanja menjangkal dan berpoera-poera lebih djaoe, maka sala-satoe antaranja, itoe orang jang di dalem tali pinggangnja ada terdapat itoe soerat, boeroe-boeroe berloetoet dan mendjoera di hadepannja Hong le Lie Hiap, perboewatan mana ditoeroet oleh kadoewa kawannja. ,,Lie Tjiangkoen, akoe memoehoen kaoe poenja balas kasian boewat mengampoenin djiwa kita bertiga," kata ia dengen soewara meratap, ,,sebab kita bertiga poen boekannja dengen segala senang hati mendjadi pembrontak, hanja meloeloe lantaran terpaksa kerna 28.

(37) kita soeda terdjato di bawah pengaroehnja kaoem pembrontak, hingga maoe atawa tida kita moesti menoeroet pada iaorang " „Itoelah kita nanti timbang kamoedian," memotong Shie Lee Tjeng, „dan jang paling penting sekarang lebih doeloe kaoe orang moesti bitjara dengen sadjelasnja dan sateroes terangnja ; kaloe sadja kanjatahan kaoe berdjoesta, tida ampoen lagi akoe lantas soeroe tabas kaoe orang poenja batang leher." Berpaling pada salasatoe onderofficier dan menambahken : „Ong Patjong, kaoe boleh bawa doeloe ini doewa kawannja ka tempat jang sedikit djaoe, soepaja iaorang tida bisa denger katerangannja ini satoe, dan moesti djaga keras djangan sampe iaorang bisa bitjara satoe dengen laen." Itoe doewa spion jang dimaksoedken lantas dibawa berlaloe oleh itoe onderofficier dengen didjaga oleh anam soldadoe. „Sekarang kaoe boleh moelai mengasi katerangan," kata Hong le Lie Hiap pada itoe spion jang ditinggal­ kan berloetoet di hadepannja; „tapi moesti ringkes dan terang. Sekarang kaoe moesti kasi katerangan doeloe siapa adanja itoe orang jang diseboet Kim Boen Pioe ?" „Kim Boen Pioe ada sala-satoe begal di Ban-hongnia," menerangken itoe spion, „di atas mana ada berkoempoel tida koerang dari lima jiboe liauwlo bersama lima kapala begal, sedang Kim Boen Pioe ada toatjeetjoe dari itoe kawanan rampok, dan ampat soedara angkat jang laen-laennja, jalah djitjeetjoe Phoei Tjin Seng, samtjeetjoe Phoei Tjin Gie, soetjeetjoe Oei Liang dan ngotjeetjoe Ko Kioe Sin. Marika semoewa ada gaga perkasa dan mempoenjai ilmoe silat tinggi, sedang marika poenja pasoekan liauwlo poen telah mendapat didikan baek hingga boleh diandelin dalem medan paperangan." 29.

(38) „Kim Boen Pioe ada mempoenjai perhoeboengan apa sama itoe kaoem pembrontak ?" menanja lagi Shie Lee Tjeng. „Kim Boen Pioe ada soedara angkafnja Tjio Kim Liong," saoet itoe spion ; „tapi sabagitoe djaoe itoe kawanan brandal di Ban-hong-nia belon perna membantoe apa-apa pada kaoem pembrontak, kabarnja lantaran Kim Boen Pioe tida satoedjoe sama laen-Iaen kapala pembrontak, hingga ia maoe menoenggoe dengen meliat glagat." „Letaknja Ban-hong-nia brapa djaoenja dari sini ?" menanja Hong Ie Lie Hiap ,,ltoe goenoeng letaknja di djoeroesan mana ?" ,,Ban-hong-nia letaknja di sabelah selatan-barat dan terpisa kira-kira limapoeloeh lie dari sini. Tapi boewat menjerang pada pasoekan negri jang di tengah bisa dilakoeken dati Gan-tjioe-tjoei, sala-satoe straat jang berada di antara Ban-hong-nia dan Soei-liam-san, ka mana pasoekan negri jang tengah moesti meliwat, oleh kerna itoe djoega, Tjio Kim Liong telah prentahken kita pergi ka Ban-hong-nia boewat minta bantoeannja Kim Boen Pioe dan kawan-kawannja." Shie Lee Tjeng lantas manggoet-manggoetken kapalanja, sebab ia soeda jakinken itoe petahan boemi, jang goeroenja kasiken padanja, dengen terang dan bisa inget di loewar kapala, hingga ia taoe bahoewa itoe straat-goenoeng jang dinamaken Gan-tjioe-tjoei sasoenggoenja ada berbahaja, dan kaloe sampe kadjadian pasoekan tengah kena diserang oleh kawanan brandal dari Ban-hong-nia, tentoe aken terpoetoes per­ hoeboengan sama iapoenja kadoewa sajap dan terantjem bahaja diserang dari depan dan blakang. Inilah moesti diijega. Sasoedanja ia menanjaken lagi katrangan pada itoe doea spion jang laennja dan katrangannja satoe 30.

(39) roepa sadja, laloe ia panggil satoe officier jang berpang­ kat tjamtjiang, pada siapa ia pasrahkan kakoewasahan mamerentah atas itoe pasoekan jang ia kapalaken, boewat samentara ia lagi melakoeken itoe pakerdjahan jang ia telah pikir. Sasoedanja beres memasrahken commando pada itoe tjamtjiang, ia lantas lompat dari sela koedanja, ampir berbareng dengen itoe ia kaloewarken ilmoe kiamtoennja melajang ka djoeroesan selatan barat. Tida antara lama kamoedian ia soeda linjap dari pemandangan. Hong Ie Lie Hiap menoedjoe ka Ban-hong-nia, dalem tempo jang pendek sakaii ia soeda sampe di atas Tji-gie-thia dari goenoeng terseboet. Ia mendekam di atas genteng sembari pasang koeping. Ternjata dalem itoe roewangan ada kira-kira ampat lima orang jang lagi biljara, dan marika lagi bitjaraken prihal membantoe pada kaoem pembrontak atawa tida. Sasoedanja mendengerin kira-kira sapoeloeh minuut lamanja, Hong le Lie Hiap mendapat kanjatahan bahoewa Kim Boen Pioe beranggapan moesti membantoe pada Tjio Kim Liong, biar poen ia tida satoedjoe sama kapala-kapala pembrontak jang laennja ; ini pikiran ditoendjang oleh bebrapa orang jang laennja, katjoewali satoe, jaitoe Oei Liang, berkeras menjataken moesti tinggal neutraal sadja, hingga achirnja terdjadi pertjektjokan antara Kim Boen Pioe dan Oei Liang. Itoe pertjektjokan samingkin lama djadi samingkin sengit, hingga achirnja Kim Boen Pioe menjataken ia sabagi toatjoetjoe ada hak boewat ambil poetoesan boewat itoe oeroesan menoeroet sabagimana jang ia rasa baek, terlebih lagi lantaran pikirannja disatoedjoein oleh tiga tjeetjoe jang laennja. Tapi Oei Liang menjataken jang ia poen ada hak boewat tida menjetoedjoein itoe poetoesan dan tida aken toeroet ambil bagian dalem itoe pergerakan, hal 31.

(40) mana soeda membikin Kim Boen Pioe djadi goesar. Itoe waktoe kadengeran Kim Boen Pioe berseroeh dengen keras dibarengin sama soewara krosi jangterbalik-balik dan soewaranja sendjata jang beradoe. „Kim Toako, sabar doeloe !" kadengeran soewara­ nja Oei Liang berkata. „Soenggoe djelek sekali kaloe lantaran oeroesan laen orang kita moesti berkiai di antara soedara sendiri. Akoe harap kaoe bisa berpikir dengen otak dingin dan menimbang dengen mateng. Djangan kaboeroe napsoe. Masatah kita jang soeda bersoempa boewat bersetia dan saling membela sampe mati moesti saling boenoeh?" „Kaloe kaoe maoe bitjaraken tentang perkara me­ ngangkat soedara, kaoe toch haroes taoe bahoewa akoe poen soeda mengangkat soedara sama Tjio Kini Liong hiantee, hingga akoe moesti membela padanja jang ini waktoe terantjem bahaja kamatian. Kaloe kaoe maoe pegang soempa, mengapa akoe tida ? Lagian kita toch tjoema membantoe sadja pada Tjio hiantee boekannja maoe membantoe pada kaoem pembrontak, pada siapa akoe sendiri poen memang tida begitoe satoedjoe. Tapi kaloe sekarang kaoe membantah akoe poenja kahendakan, itoelah artinja kaoe soeda tida endahken lagi akoe sabagi kaoe poenja toako, tegesnja kaoe soeda melang­ gar kaoe poenja soempa. Kaloe kaoe melanggar kaoe poenja soempa, akoe ada hak boewat bikin poetoes kaoe poenja leher. Di sini akoe jang berkoewasa, kaoe tida ada hak boewat membantah akoe poenja segala ka­ hendakan. Mengarti ?" „Kaloe kaoe maoe djalanken kaoe poenja kakoewasahan dengen sawenang-wenang, akoe poen ada hak boewat membantah dan tida menoeroet," saoet Oei Liang dengen soewara goesar. ,,Akoe maoe liat kaoe bisa djalanken kaoe poenja kakoewasahan sampe di mana." 32.

(41) Moe waktoe djoega lantas kadengeran soewara sendjata jang beradoe dengen keras dan tjepat, dan soewaranja bebrapa orang laen jang memboedjoek soepaja itoe doewa orang soeka bersabar ; tapi blakangan lantaran itoe boedjoekan tida diladenin, itoe orang-orang jang memboedjoek, jang memangnja sedi­ kit banjak berpihak pada Kim Boen Pioe, sabaliknja lantas mengantjam pada Oei Liang, kaloe sadja ia itoe tida maoe mengala iaorang aken ambil fihaknja Kim Boen Pioe, membantoein ia ini menjerang padanja. ,,Tida apa, kaloe sadja kaoe orang poen maoe berlakoe sawenang-wenang, akoe jang membela kaädilan dan kabenaran aken terpaksa bertanding sama kaoe orang sampe ada sala-satoe fihak jang binasa," begitoelah kadengeran Oei Liang berkata dengen sabar. Hong le Lie Hiap jang mendengerin sampe di sini, rasa ia tida boleh tinggal diam teroes, sebab Oei Liang poenja djiwa terantjem bahaja, sekali poen ia tida taoe bagimana motivenja Oei Liang toch itoe waktoe ia berada di fihak betoel dan perboewatannja mengoentoengin iapoenja fihak. Salaennja itoe, Shie Lee Tjeng telah pikir boewat goenaken tenaganja Oei Liang soe­ paja itoe lima riboe pasoekan brandal tida menjoesaken pada gerakannja pasoekan negri jang lagi maoe mem­ basmi kawanan pembrontak. Satelah ia berpikir tetap lantas sadja ia lontjat toeroen ka bawah sembari berseroeh : „Oei Liang, kaoe djangan koewatir, akoe dateng membantoein pada kaoe !" Itoe ampat brandal jang mengepoeng pada Oei Liang, jaitoe Kim Boen Pioe, Phoei Tjin Seng, Phoei Tjin Oie dan Ko Kioe Sin djadi sangat terkedjoet koetika mendenger soewaranja ini djago prampoewan, jang sabagi djoega dengen koenjoeng-koenjoeng toeroen dari atas langit. Pada sabelonnja taoe apa jang terdjadi, 33.

(42) Kim Boen Pioe kapalanja soeda poetoes dan djato bergloetoekan ka atas djoebin lantaran disamber oleh satoe sinar poeti, hingga Phoei Tjin Seng dan doewa kawannja djadi kemekmek dan gerakannja lambat, ampir dalem sa'at itoe djoega, Phoei Tjin Seng mengaloewarken satoe treakan keras dan roeboe ka atas djoebin dengen berloemoeran darah, sebab goloknja Oei Liang soeda bikin poetoes iapoenja poendak kanan, sedang itoe sinar poeti menjamber ka djoeroesan lehernja Phoei Tjin Gie hingga mendjadi poetoes dan kapalanja ter­ lempar ka loewar djendelanja itoe roewangan. Tatkala Shie Lee Tjeng maoe gerakin pedang resianja ka djoeroesan Ko Kioe Sin, dengen tjepat Oei Liang berloetoet di hadepannja sambil mendjoera dan berkata : „Akoe harap siankouw soeka ampoenin djiwanja akoe poenja Ko hiantee ini, sebab akoe taoe betoel iapoenja tabeat jang djoedjoer, dan baroesan makanja ia toeroet ambil fihaknja Kim Boen Pioe meloeloe lantaran soeda kena gosokannja omongan manis ; tapi sekarang akoe tanggoeng ia aken menoeroet akoe poenja segala omongan." Hong le Lie Hiap tarik poelang pedang resianja sembari berkata pada Oei Liang ; „Akoe ada kiamsian dari Koen-loen-san. Kaoe tentoe soeda danger bahoewa di djeman ahala Tong ada satoe Hong Sian Lie, satoe liekiamhiap jang kamoedian bertapa mendjadi kiamsian. Itoelah akoe sendiri. Akoe telah mendapat taoe jang kaoe orang di sini aken bertjektjok dan bertempoer lantaran membelaken kaädilan di satoe fihak dan me­ noeroet pengrasahan tjinta jang memboeta di laen fihak, maka dengen sengadja akoe toeroen dari pertapahan'koe boewat membantoe pada kaoe jang membelaken kabenaran dan kaädilan. Oleh kerna akoe soeda taoe kaoe poenja hati, maka akoe poen tida maoe mamesen banjak. 34.

(43) Akoe tjoema maoe pesen sadja soepaja kaoe bersama ini Ko Kioe Sin mengepalai ini kawanan liauwlo tinggal diam di ini goenoeng boewat menoenggoe panggilan menaloek dari fihaknja Tjoa Tjiangkoen. Satoe laki-laki jang mempoenjai kagagahan dan kapandean, boekantaii sajang sekali djika moesti mendjadi brandal jang meroesak kaämanan negri dan katentremannja rahajat? Dengen kaoe orang poenja kagagalian dan kapandean kaloe bakerdja pada negri, akoe taoe pasti bisa berboewat djasa jang membawa kabaekan goena negri dan kaberoentoengan goena rahajat. Ting­ gal diam di mana kaoe orang berada sekarang, akoe tanggoeng jang kaoe orang aken mendapat kasenangan dan kaberoentoengan ; tapi kaloe brani berboewat hianat, kaoe orang boleh liat tjonto pada Kim Boen Pioe dan Phoei Tjin Gie. Sekarang akoe maoe ada oeroesan ka laen tempat, tida bisa berdiam lama-lama di sini. Harap sadja kaoe orang perhatiken betoel akoe poenja pesenan tadi." Sahabisnja berkata begitoe Hong le Lie Hiap goenaken lagi iapoenja ilmoe kiamtoen, dalem sakedjapan mata sadja ia linjap dari depannja itoe doewa kapala brandal. Sapandjang itoe waktoe bebrapa banjak thauwbak soeda pada dateng memboeroe ka Tji-gie-thia boewat membantoein pada Kim Boen Pioe, tapi lantaran meliat ada Hong le Lie Hiap jang dengen pedang resianja dalem sakedjapan mata sadja soeda bisa binasaken Kim Boen Pioe dan Phoei Tjin Gie. malah Phoei Tjin Seng poen kena diboenoeh oleh Oei Liang, maka iaorang tjoema bisa tinggal mengawasin dengen tida brani ambil fihak pada jang mana djoega. Achirnja ia denger apa jang Hong le Lie Hiap bilang dan tjara bagimana itoe dewi pedang berlaloe-sabagi djoega kilat jang tjoema kaliatan satoe 35.

(44) sinar poeti berklebat dan lantas Hnjap dari peman­ dangan mata. Soeda tentoe sadja, itoe waktoe terlebih lagi iaorang tida brani berboewat satoe apa jang me­ nentang pada Oei Liang, salaennja menoeroet dan mengangkat pada ia itoe mendjadi marika poenja toatjeetjoe. Sedang Ko Kioe Sin jang memangnja djoedjoer dan baek pada Oei Liang, dengen lantas tersedar dari kakli roeannja, hingga ia poen tida membantah lagi, dan oleh Oei Liang ia diangkat mendjadi djitjeetjoe. Menoeroet sabagimana pesenannja Hong le Lie Hiap, Oei Liang tida bikin gerakan apa-apa, hanja tinggal menoenggoe dalem bentengnja jang terletak di atas Ban-hong-nia.. Tjio Kim Liong alias Tok-gan-liong, lantaran tida menjangka bahoewa iapoenja spion-spion jang mem­ bawa soerat pada Kim Boen Pioe katangkap pada itoe malem lakoeken penjerangan dengen berbareng pada sajap kanan dan kirinja pasoekan negri, tapi boewat mendjaga kaloe Kim Boen Pioe gagal, ia sediaken djoega satoe pasoekan jang terdiri dari tiga riboe orang boewat menghalangin gerakannja pasoekan negri jang di tengah. Tok-gan-liong taoe bahoewa sajap kiri dari pasoekan negri jang paling koeat, kerna itoe pasoekan dikapalai oleh Tio Liang Tong yoekie, satoe panglima perang moeda jang paling ditakoetin oleh kawanan brandal, maka ia sendiri jang mengepalai pasoekannja menjarang itoe sajap kiri. Tapi apa maoe fihaknja pasoekan negri soeda lakoeken pendjagahan tegoe dan atoer tipoe bagoes dengen menoeroet pikirannja Shie Lee Tjeng, hingga boekan sadja itoe pasoekan pembrontak jang menjerang sajap kanan dan kiri mendapat karoesakan besar, malah itoe tiga riboe soldadoe 36.

(45) pembrontak jang diwadjibken menghalangin pasoekati tengah telah dikepoeng dari ampat pendjoeroe hingga berantakan dan moesna. Tok-gan-liong Tjio Kim Liong koetika mendapat taoe pasoekan negri telah bikin persediahan tegoe boewat menjamboet iapoenja serangan dengen men­ dadak lantas djadi nekat dan mengamoek sabagi djoega kerbo gila, bebrapa banjak panglima perang negri jang kena diloekain atawa poen dibinasaken oleh ianja, dan tjoema Tio Liang Tong sendiri sadja jang sanggoep meladenin padanja ; tapi lama kalamahan Tio Liang Tong poen kena terdesak oleh itoe kapala pembrontak jang soeda djadi nekat betoel-betoel dan tida hargaken lagi djiwanja. Samingkin lama Tio Liang Tong samingkin kateter, hingga iapoenja sakoedjoer badan mandi keringet dan napas sengal-sengal. Laen-laen officier dan soldadoe tida bisa daleng dekat, sebab masingmasing moesti membelaken diri sendiri dari serangannja Tok-gan-liong poenja pasoekan pengawal jang terdiri dari tiga ratoes soldadoe pilihan dan semoewanja gaga dan paham ilmoe silat. Djoestroe pada waktoe kaädahan sedang berbahajanja, kerna itoe waktoe Tio Liang Tong Ijoema bisa menangkis sadja, tapi tida mempoenjai lagi kakoewatan boewat membales menjerang pada lawanannja ; malah itoe officier moeda sendiri poen anggap satoe kali ini iapoenja djiwa tentoe binasa di tangannja ini kapala pembrontak jang sangat koewat dan ilmoe silatnja tinggi; koenjoeng -koenjoeng berklebat satoe sinar poeti dibarengin sama soewaranja satoe prampoewan jang berseroeh dengen keras: ,He, Tok-gan-liong! djangan oendjoek kakosenan di sini, kaoe poenja moesoe besar soeda dateng." 37.

(46) Tjio Kim Liong djadi sangat terkedjoet koetika meliat itoe sinar poeti, sebab ia lantas kenalin bahoewa itoelah ada sinarnja pedang resia, boeroe-boeroe ia menangkis sama goloknja sembari lompat moendoer ka blakang. Koetika itoe sinar poeti beradoe sama goloknja Tok-gan-liong kadengeran satoe soewara keras diberikoetken sama lelatoe api jang pada meletik sabagi djoega bintang-bintang di langit. Dengen sangat katakoetan Tjio Kim Liong boeroe-boeroe preksa iapoenja golok wasiat bikinan djeman Tjiankok jang dikasi nama Koei-tjoe-to, ternjata soeda gompal sabesarnja beras, hal mana soeda membikin iapoenja soemangat terbang saparonja. Tapi ia tida sempet berpikir lebiti djaoe, sebab Hong le Lie Hiap soeda ber­ diri di hadepannja sambil menoeding sama pedangnja. „He, bangsat mata pitjek ! apa kaoe kenal pada kaoe poenja nona?" berseroeh ia dengen keras. »Akoe ini Shie Lee Tjeng, poetrinja Shie Tjwan almarhoem, itoe sioepie jang doeloean mendjaga kota Tengtjioe dan binasa di kaoe poenja tangan, dan sekarang akoe dateng bikin pembalesan atas kamatiannja ajah'koe itoe." Tjio Kim Liong bermoela merasa sangat kaget dan takoet, tapi koetika meliat pada Hong le Lie Hiap lantas sadja ia berobah djadi goesar dan sengit. Ia poen goenaken goloknja menoeding pada itoe gadis gaga sambil berseroeh : „Oh ! kiranja kaoe, penghianat ! memang soeda lama akoe tjari pada kaoe, satoe prampoewan botjeng dan hina-dina, meloepaken orang poenja boedi kabaekan dan membales dengen kadjahatan. Biar poen kaoe ada mempoenjai ilmoe kapandean pedang resia, tida oeroeng akoe aken boenoeh mati pada kaoe." „Kaoe sama sekali tida ada hak boewat berkata begitoe pada'koe" kata Shie Lee Tjeng sambil berse38.

(47) njoem ewa, „sebab kaoe ada akoe poenja moesoe besar jang telah binasaken djiwanja ajah'koe. Tapi terhadep pada Lim Hong Goan jang telah merawat dan memiara pada'koe, biar poen sekarang akoe menentangin gerakannja, tapi akoe aken berdaja boewat raenoeloeng djiwanja djangan sampe mendapat hoekoeman negri, hingga akoe tida aken membales boedi dengen kadjahatan. Tapi, kaoe pendjahat jang hina-dina sedikit poen tida ada hak boewat berkata begitoe roepa padakoe." Sahabisnja berkata begitoe ia lantas lepasken pe­ dang resianja menjerang pada Tjio Kim Liong, siapa goenaken iapoenja Koei-tjoe-to boewat menangkis, ternjata ini kapaia pembrontak poen ada paham ilmoe pedang resia, tjoema ia masi belon bisa jakinken sampe pedang bisa mendjadi satoe sama badannja, hingga ia tida bisa goenaken pedang resia, tapi ia bisa menangkis serangannja pedang resia dengen satjara bagoes, hingga Hong le Lie Hiap poen merasa kagoem dan sekarang ia tida merasa heran lagi djika doeloean ajahnja moesti binasa di tangannja ini orang. Tapi biar bagimana djoega, sabetoelnja Shie Lee Tjeng bisa desak Tjio Kim Liong dengen keras, tapi lantaran ia merasa sajang sama itoe Koei-tjoe-to jang sangat berharga, maka sabisanja ia tida maoe menjerang terlaloe keras hingga membikin itoe golok wasiat djadi roesak, malah baroesan poen ia merasa sangat menjesel soeda membikin itoe golok wasiat djadi gompal sedikit, kaloe sad ja lebih doeloe ia taoe Tok-gan-liong goenaken satoe golok wasiat, pasti sekali ia tida maoe menjerpg pada itoe kapaia pembrontak dengen satjara begitoe mendadak. Oleh kerna itoe djoega, sabisanja ia maoe roeboehken Tok-gan-liong dengen akal bagoes soepaja itoe Koei-tjoe-to tida sampe mendapat karoesakan lagi, biar bagimana sedikit sekali poen. 39.

(48) Begitoelah pertempoeran antara itoe doewa orang kaliatannja djadi sangat rameh, sabagi djoega iaorang poenja ilmoe kapandean ada berimbang ; tapi Tjio Kim Liong sendiri merasa kaloe lawanannja sengadja tida maoe mendesak terialoe keras padanja, meloeloe lantaran maoe kasi koetika soepaja golok wasiat jang ia goenaken tida sampe mendapat karoesakan, oleh kerna itoe djoega, sabaliknja ia sengadja menjerang dengen seroeh pada Hong Ie Lie Hiap dengen tida memperdoeliken iapoenja golok wasiat bisa mendjadi roesak. Hal ini soeda mengasi pakerdjahan berat pada Shie Lee Tjeng, kerna ia sabaliknja moesti mendjaga djangan sampe pedangnja beradoe sama goloknja iapoenja lawanan. Tapi dasaran ilmoe silatnja Shie Lee Tjeng ada sangat tinggi, achirnja ia dapatken satoe akal boewat meroeboehken moesoehnja, teroes meneroes ia kasiken dirinja didesak oleh Tok-gan-liong, jang samingkin lama menjerang samingkin seroeh, kerna kiraken kaloe iapoenja maksoed berhasil. Tapi, koenjoeng-koenjoeng Shie Lee Tjeng terpleset djato ka samping kiri, kalia­ tannja iapoenja badan djato berdoedoek, kaki kirinja melondjor ka depan, dan kaki kanannja tertindi di bawah pantatnja, itoelah satoe positie jang sangat djelek dan tida berdaja lagi, maka dengen girang Tjio Kim Liong madjoe satoe tindak sambil mengajoen goloknja ka djoeroesan batok kapalanja Hong Ie Lie Hiap, dan menoeroet pengrasahannja satoe kali ini ia aken bikin kapalanja itoe djago prampoewan djadi terbela. Tjoema sadja, di loewar iapoenja doegahan, koenjoeng-koe­ njoeng Shie Lee Tjeng lompat teroes ka kiri dan ber­ bareng dengen itoe ia poeter badannja jang soeda berada di atas oedara sembari kasi kerdja iapoenja pedang sabagi djoega kilat tjepatnja dengen tangan jang dipoeterken ka blakang, dalem sa'at itoe djoega 40.

(49) kapalanja Tok-gan-liong djadi poetoes dan maitnja roeboe ka atas tanah dengen berloemoeran darah. Tok-gan-liong poenja pasoekan pengawal ternjata ada sangat setia, koetika meliat madjikannja binasa, iaorang teroes berklai dengen nekat sampe semoewanja roeboe dengen loeka-ioeka heibat atawa poen djiwanja melajang. Satoe kali ini pasoekan pembrontak boleh dibilang dibikin antjoer betoel-betoel, hingga sisa jang katinggalan dan bisa meiariken diri, beion ada satoe per sapoeloeh. Itoe waktoe langit poen soeda niendjadi terang, bebrapa officier diwadjibken mengedjar pada itoe kaoem pembrontak jang meiariken diri, sedang TjoaYokEng Tjiangkoen bersama laen-laen officiernja berikoet djoega Hong le Lie Hiap masoek ka dalem satoe pesanggrahan besar jang telah didiriken, di mana dibikin satoe pesta perdjamoean makan minoem boewat menjataken kagirangan atas itoe kamenangan besar. Soeda tentoe sadja, itoe djasa teroefama moesti mendjadi bagiannja Hong le Lie Hiap; tapi itoe gadis gaga marendah dan timpaken itoe djasa pada laen-laen officier dan pasoekan soldadoe jang telah mengaioewarken tenaga soenggoesoenggoe hingga dengen tjepat itoe kaoem pembrontak bisa dibikin antjoer, sedang ia sendiri tjoema melakoeken sadja pakerdjahan ketjil boewat bikin tamat itoe pakerdjahan besar jang telah dikerdjaken oleh laen-laen orang dengen berameh. Dari sini bisa diliat bagimana tabeatnja kita poenja gadis jang gaga itoe. Blakangan atas adviesnja Shie Lee Tjeng itoe kawanan brandal di Ban-hong-nia dipanggil menaloek, dan itoe kawanan brandal dengen senang hati dateng menaloek. Tjoa Yok Eng Tjiangkoen prentahken Tio Liang Tong bikin pengatoeran dan perobahan pada itoe 41.

(50) pasoekan bandiet dengen memake discipline. Satoe boelan kamoedian itoe lima riboe brandal soeda berobah mendjadi satoe pasoekan negri jang terdidik baek dan gaga brani. Tic Liang Tong ditetapken mendjadi kapala dari itoe pasoekan dengen terbantoe oleh Oei Liang dan Ko Kioe Sin. Atas perantahannja Tjoa Yok Eng, Shie Lee Tjeng menikah sama Tio Liang Tong, dan atas voorstelnja itoe Tjiangkoen djoega, Tio Liang Tong diangkat men­ djadi Tjongpeng boewat mendjaga kaämanan itoe tempat bersama itoe lima riboe pasoekan bekas brandal. Di waktoe Tjoa Yok Eng Tjiangkoen bersama pasoekannja maoe balik poelang ka Pakkia, ia mamesen soepaja Tio Liang Tong dalem segala hal moesti minta adviesnja sang istri, kerna tida bisa disangkal ada ba­ njak lebih pintar dari itoe officier sendiri. Sapandjang lima taon lamanja Tio Liang Tong dengen terbantoe oleh istrinja, Shie Lee Tjeng, men­ djaga kaämanan di itoe tempat, tida perna kadengeran ada terdjadi lagi pembrontakan, hingga ia mendapat poedjian tinggi dari pamerentah agoeng dan dinaekin pangkatnja mendjadi Teetok dan diwadjibken mendja­ ga kota Sanhaikoan. Iboenja Shie Lee Tjeng baroe meninggal doenia pada sasoedanja beroemoer 81 taon, pada waktoe mana ia soeda mempoenjai tiga tjoetjoe lelaki jang semoewanja mendjadi panglima perang gaga dan berboedi, dan satoe tjoetjoe prampoewan jang mendjadi tjoetjoe mantoenja Tjoa Yok Eng Tjiangkoen, jaitoe poetranja Siao Go, jang menikah pada satoe ambtenaar moeda jang mempoenjai gelaran Tjonggoan dan itoe waktoe berpangkat Tootay di Thiantjin.. TAMAT.. 42.

(51) SOUW TJENG IN SHOE BEGIIl miHFOmH IMG EILOl DU IIHCCI lEHOE SIUUM OLEH:. KWO LAY YEN.. Di kola Boetjiang ada tinggal satoe pamoeda jang bernama Tjin Ie Sam, tapi ia berasal dari Siamsay, doeloenja ia dateng ka itoe iboe kota dari Ouwpak bersama ajah dan saäntero familienja, jang mendjabat pangkat di itoe iboe kota provincie. Sadari moeda ia telah mejakinken ilmoe silat dan dapatkan ilmoe silat tjabang Siao-lim, blakangan ia dapatken djoega satoe kitab le-kin-keng, jang ia jakinken dengen mendapat pimpinannja iapoenja goeroe Ho Loan Kok, hingga ia telah bisa mejakinken ilmoe silat jang tinggi. Oleh kerna itoe djoega, di bilangan sabelah oetara dan selatannja soengei Yangtjoe tida perna dapatken tandingan. Tjoema sadja, lantaran iapoenja tabeat tida soeka bangga dan selamanja begitoe marendah dan tida maoe kasi oendjoek pada laen orang prihal iapoenja kapandean, hingga sedikit sekali djoemblanja orang jang taoe ia ada mempoenjai ilmoe kapandean silat tinggi. Dari sebab ia tida goenaken ilmoe kapandeannja boewat penghidoepan, iapoenja kaädahan roemah tangga jang tida kaja, itoe waktoe djadi samingkin soesa, hingga achirnja terpaksa ia moesti melakoeken pakerdjahan popio, melindoengin orang poenja barangbarang di antara perdjalanan Ouwpak dan Pakkia. Oleh kerna ia ada mempoenjai ilmoe kapandean jang. 1.

Referenties

GERELATEERDE DOCUMENTEN

Itoe kedjadian lekas djoega diloepaken, kerna apa djoega jang terdjadi kamoedian di itoe kias, Si Dogol teroes perhatiken ia poenja pakerdja an dan laen dari

nja tjoema bisa merasa geli boeat liat satoe anak ketjii jang maoe berlakoe sebagi satoe prempoean jang soeda oeloeng, dan jang tida taoe bahoea itoe :soerat

nja tjoema bisa merasa geli boeat liat satoe anak ketjil jang maoe berlakoe sebagi satoe prempoean jang soeda oeloeng, dan jang tida taoe bahoea itoe :soerat

Deugen pendek kita maoe bilang baiioewa itoe kawanan iiauwlo dari Hong liong san banjak sekali jang binasa atawa poen ditawan oleh pasoekan liauwio dari berbagi bagi goenoeng

tamilienia di Bandoeng. Dan lebih djaoe, Yoen-hoa, poen selamanja keliatan bergoembira sadja, hinqqa laen orang soeda tida bertjoeriga apa-apa pada itoe oeroesan

„Kapan kita memandang pada kalakoeannja satoe pengarang jang djadi termashoer oleh kerna bagoesnja iapDQnja karangan, dan kita lantes merasa kagoemi- langannja itoe

taoe begimana sekarang kau pandang renda pada- koe dan tiada maoe akoe anak lagi, begimana kau ingin akoemali sadja, tapi tiada soeatoeapa. tiada soeatoe apa, R omo, jang bisa

Prempoean toea itoe jang tiada poenja hati keslan, ia soeda maoe paksa oesir anak moeda kita berlaloe dari roema, tapi Giok Ngo soeda tjega dengen sanget, dari ttoe ini niatan