Toko & Drukkerij LIE TEK LONG
SATOE KARIBOETAN
Tatkala kaloear dari dalem roemanja, dengen membawa satoe boengkoesan pakean Koel Hin laloe brangkat menoedjoe ka roemanja ia poenja sobat, jaitoe Lie Kim Tjiang, jang djoestroe koe-tika lagi berdoedoek di depan roemanja.
»Apa isinja itoe boengkoesan jang kaoe bawa, Hin? menanja itoe sobat sambil memandang pada orang poenja moeka.
„Pakean," saoet Koei Hin dengen pendek.
— „Pakean, pakean apa si?"
„Pakean akoe. Ini hari akoe soeda terlepas dari kakoeasaännja akoe poenja ajah dan iboe."
— „Masa, Hin?"
„Kenapatah akoe moesti berdjoesta padamoe.
Soenggoe mati! Nah, akoe bersoempa."
— „Begitoe memang ada paling betoel," kata itoe sobat tjilaka. Itoelah baroe namanja laki-laki !"
„Tjiang?" kata Koei Hin kamoedian: „akoe tiada maoe berdiam lama-lama di sini, ni'pa akoe poenja pakean kaoe toeloeng simpen sadja, akoe hendak pergi doeloe, sabentar akoe balik kombali."
Kim Tjiang tiada menjaoet, tapi laloe tertawa bergeiak-gelak.
„Akoe tiada mengarti lantaran apa kaoe soeda djadi tertawa, sobat," kata Koei Hin jâng lantes berlaioe dari itoe tempat.
Pada itoe hari iiawa oedara panas sekali, samen-tara aboe jang katioep angin membikin djalan-dja-lan besar djadi gelap, jang sebagi asep kaliatannja.
Satoe lelaki moeda jang dengen tindakan pesat sedeng berdjaian spoed sekali. Kaloe diliat dari roepanja jang begitoe terboeroe-terboeroe, njatalah orang itoe sedeng hendak sampeken satoe kabar jang penting atawa laen-laen jang perloe, tapi sasoedanja dapet dikatahoei, itoe orang jalah boe-kan laen, jaitoe Koei Hin sendiri, jang sedeng hendak pergi koendjoengken kampoeng B; di roemanja Keng Nio.
Kaloe dipikir, njatalah Koei Hin itoe ada saorang jang gelo sekali. Boewang orang toea, belain katjinta'an, tapi masi bagoes kaloe jang ditjintaken itoe ada saorang baek-baek atawa saorang prem-poean sopan, jang nanti bisa pimpin padanja ka-djalan jang bener. Tapi orang jang ia tjinta itoe jalah ada satoe prempoean soendel, jang boekan sadja tiada nanti bisa pimpin padanja ka tempat jang bener, malahan nanti bikin dirinja terdje-blos kadalem djoerang katjilaka'an jang heibat.
Sekalipoen Keng Nio itoe ada saorang prempoean
— 30 —
baek-baek, tapi toch perboeatan setjara Koei Hia begitoe roepa sasoenggoenja ada melanggar pada titanja Allah jang maha kwasa, jang tentoe djoega nanti kasi hoekoeman pada orang jang berboeat kedjem begitoe roepa.
Maski djoega itoe waktoe ada panas sekali, tapi Koei Hin berdjalan teroes dengen merasa senang.
Roepa-roepa pikiran ada menggoda hatinja itoe anak moeda. Begitoelah, salagi ia berdjalan dengen enak, koenjoeng-koenjoeng koepingnja dapet denger swara krontjong berserta satoe nja-njian jang merdoe, hingga pendengeran itoe telah membikin Koei Hin djadi terkedjoet sekali.
Ia merandek sabentar di tenga djalan sambil berpikir; „Dimanatah swaranja itoe krontjong?
Tapi kaloe boeat di roemanja akoe poenja katjin-ta'an ini tentoe tiada boleh djadi!"
Sembari berpikir begitoe Koei Hin laloe ber
djalan kombali, tapi hatinja masi merasa tiada enak dan kapalanja poesing.
Baek disini kita menerangken pada pembatja, dimanatah sabenernja itoe swara tetaboean, jang terdengar di koepingnja Koei Hin.
Itoe hari jalah ada hari Minggoe tanggal 15 December 18..., hari mana, jalah ada itoe hari jang telah didjandjiken oleh tiga kongtjoe koetika niarika itoe doedoek plesir di sala satoe soehian
jang terkenal di S., jang berdjandji pasti pada ka-wannja aken dateng koendjoengin pada Keng Nio di itoe hari. Begitoelah pada itoe hari, dengen berpakean netjis Eng Tjoen, Kim Seng dan Peng Hin dateng di kampoeng B. di roemanja Keng Nio, dimana ia doedoek plesir serta rameken itoe de
ngen tetaboean krontjong.
Sigra djoega di itoe tempat telah djadi rame sekali, ßoearanja tetaboean krontjong jang begitoe sedap kadengeran di koeping, samentara itoe ka-dengeran djoega soearanja orang jang menjanji dengen swara jang merdoe sekali.
Orang jang menjanji jaitoe Keng Nio sendiri, jang telah bikin itoe bebrapa gegobrak kampoeng djadi loepa pada segala apa. Koei Hin jang selaloe pasang koepingnja dengen betoe!, koetika denger itoe swara betoel ada di roemanja ia poenja katjin-ta'an, dengen swara jang menjataken goesar ia berkata pada diri sendiri ; „Tida sala, tida boleh sala lagi ! bener itoe swara tetaboean ada di roe
manja si Keng. Hei, siapatah jang soeda per-maenken akoe poenja katjinta'an?"
Sembari berkata begitoe Koei Hin berdjalan lebi tjepet, ia rasaken hatinja begitoe tiada enak, hingga kaloe boleh dengen sekali langka ia ingin sampe di roemanja Keng Nio. Maski begitoe, toch ia sampe djoega di itoe roema jang ia hendak pergiken. Di sitoe baroe ia dapet kanjata'an betoel.
bahoea itoe tetaboean ada di roemanja ia poenja katjinta'an.
Kagoesaran sigra timboel dalem hatinja itoe djedjaka. Sigra djoega ia pergi kablakang roema itoe; lebi goesar lagi koetika ia dapet denger satoe swara lelaki memanggil pada namanja Keng Nio.
Lantaran kagoesarannja, Koei Hin soeda djadi seperti orang gila. Ia djalan moendar-mandir pergi dateng di blakang itoe roema. Kamoedian, dengen tiada merasa lagi ia poengoet satoe batoe besar, dengen apa ia timpoek pager dari itoe roema.
„Beledok !" begitoelah kadengeran swara keras dari itoe batoe jang mengenaken pada sala satoe tiang dan berbareng dengen itoè, swara krontjong lantes brenti, dan kadengeran satoe swara me-nanja: Siapa! siapa?"
„Masa siapa lagi, tentoe djoega ada perboeatan-n|a itoe lelaki boke !" kata Keng Nio dengen swara sengit.
„Siapa, siapa si sabetoelnja ?" menanja Kim Seng dengen roepa sänget kwatir: Tapi sablon-nja ia poesablon-nja pertasablon-nja'an dikasi pesablon-njaoetan, itoe waktoe Koei Hin soeda lompat ka dalem roema, jang dengen tiada menanja lagi laloe menjerang pada Kim Seng dengen goenaken kepelannja.
Poekoelannja Koei Hin njatalah ada djitoe se
kali, kerna di itoe sa'at Kim Seng djato meloso
di tana, dengen mengaloearken satoe treakan :
„adoe!"
Itoe waktoe telah djadi riboet sekali. Peng.
Hin dan Eng Tjoen tiada maoe mengarti kawan-nja dibikin begitoe. la berdoea poen laloe menje-rang pada Koei Hin dengen goenaken kepelannja.
Koei Hin jang njata pande dalem ilmoe silat, tiada merasa djeri maski djoega ia soeda dige-roemoetin oleh itoe doea Kongtjoe idoeng poeti.
la
menangkis sasoeatoe poekoelan jang menjerang padanja. Achir-achirnja itoe doea orang poen roeboe di tana dengen tiada bisa melawan lagi.Meliat moesoenja soeda roeboe semoeanja, Koei Hin baroe inget pada perboeatannja dan merasaken takoet. Sigra ia hendak pergi mela-riken diri, tapi tiba-tiba ia hendak berlaloe, satoe tangan jang keras pegang ia poenja batang leher dengen keras sekali.
„Djangan bergerak, pengamoek!" begitoelah ka-dengeran soeara orang berseroe dari sebla blakang, samentara satoe tangan ditondjolken kadepan dengen kasi oendjoek revolver jang terpegang.
Sedeng begitoe itoe vi^aktoe lantes kadengeran soeara fluit. Berbareng dengen itoe kaliatan
be-brapa orang politie bergroemoetan dateng ka itoe tempat, dimana tadi terbit kariboetan, aken tang-kep pada Koei Hin.
Kongtjoe idoeng poeti. 3.
— 34 —
Koei Hin mengarti jang dirinja soeda terpegang oleh politie. Ia hendak berontak tapi ia merasa takoet dengan itoe sendjata api jang ditoedjoeken pada batok kapalanja, begitoelah dengen tiada membanta lagi ia laloe toeroet pada itoe bebrapa orang pergi ka kantoor politie jang kamoedian sasoedanja dibikin procesverbaal laloe dimasoekin ka dalem hotel gouvernement, samentara pada itoe tiga Kongtjoe, jang lantaran perloe moesti diminta pertoeloengannja dokter laloe di bawa ka roema sakit di kota S.
Sekarang Koei Hin soeda berada di dalem pendjara. Tatkala pertama kali ia masoek di dalem itoe roema boei, baroelah ia dapet inget pada kasalaännja ia poenja diri. Ia menjesel sekali jang dengen setjara kasar ia soeda per-lakoeken pada ia poenja orang toea sendiri.
„Ai, Keng Nio, Keng Nio !" kata Koei Hin dalem hati sendiri dan menjeboet pada namanja ia poenja katjintaän itoe. „Akoe tiada njana sekali kaoe poenja moeloet jang begitoe manis dan mengakoe begitoe tjinta pada akoe sekarang djadi begini roepanja. Lantaran belaken pada kaoe poenja diri, akoe moesti tinggalkan pada orang toeakoe sendiri. Tapi sekarang segala perkara soeda djadi sebaliknja, hingga menjesel sekali akoe soeda pertjaja pada moeloetmoe jang njata ada beratjoen sekali bagi akoe poenja diri.
35
-Sasoedanja berkata begitoè, Koei Hin lantes menangis tersedoe-sedoe, sebab menginget pada dirinja jang tjüaica. Tapi itoe semoea soeda ttada goenanja, tnenjesel poen soeda djadi itasep.
Satoe minggoe telah berselang, Koei Hin jang di dalem pendjara rasaken itoe sepandjang tempo jang telah laloe adalah sebagi bebrapa taon lamanja.
Brapa besar ia poenja rasa menjesel itoelah tiada oesa dibilang lagi. Sadjek ia djadi manoesia baroe perna itoe satoe kali ia masoek di dalem pendjara.
Pada satoe hari, koetika ia sedeng menangis memikirken dirinja, koenjoeng-koenjoeng ia dapet iiat loekang kontji boekaken pintoe kamar jang menoetoep padanja. Kamoedian seraken ia pada satoe oppas boemipoetra, jang lantes bawa padanja kaloear dari itoe roema boei dengen tangan diborgol.
Atas pertanjaännja Koei Hin pada itoe oppas kaloe-kaloe ia maoe dibawa kamana, si oppas menjaoet, jang ia moesti mengadep pada penga
dilan aken dipreksa lebi djaoe tentang kasalaännja.
Tatkala itoe jalah baroe poekoel delapan pagi, kerna di sana sini roema-roema dan roempoet-roempoet masi penoe emboen di waktoe malem.
Sesampenja di gedong landraad, Koei Hin dapet liat djoega ia poenja moesoe-mqesoe, jaitoe Eng TJoen, Kim Seng dan Peng Hin, samentara Keng Nio poen ada toeroet dateng di itoe tempat.