Sebagimana di atas telah ditjeritaken, lantaran kalembekannja orang politie di S., hingga maling-maling dan pemboenoe-pemboenoe djadi seming-kin bran'" 'an tiada mengendaken poela pada politie. L-:üi gila lagi itoe sekalian pendjahat brani lakoeken pakerdjaännja di waktoe siang hari, hingga orang-orang kampoeng ampir merasa takoet berdjalan sendirian, lebi lagi dengan berpakean perlente.
Pada satoe malem, sala satoe pendoedoek di kampoeng B., merajaken pesta kawinan, dimana telah dirameken dengen tontonan topeng, jaitoe -satoe tontonan jang sanget disoeka oleh pen
doedoek anak negri.
Maski djoega itoe waktoe jbaroe djem 8, topeng belon bermaen, tapi penonton soeda penoe, hingga soeara orang itoe waktoe djadi berisik sekali.
Tapi maski djoega itoe waktoe ada roesoe sekali, dengen ^jata kadengeran orang berkata begini:
„Hf ''Tjiang, akoe soeda tiada tahan meliat lebi I?-ijj^pa^.ltoe geladak! Akoe ingin lantes bela
joenja kapala di ini saät djoega!"
«
— 62 —
Orang jang berkata itoe boekannja laen, hanja Koei Hin sendiri.
„Boeat ini waktoe akoe moesti menjega doeloe dengen kaoe poenja kahendak itoe, Hin," mem-boedjoek Kim Tjiang. „Kaoe haroes bersabar, ini waktoe belon sampe waktoenja."
Koei Hin tiada berkata lebi djaoe, koetika men^
denger itoe kawan kata begitoe.
Siapatah jang Koei Hin hendak bela kapalanja ? Boeat tjari taoe orang itoe baek kita toetoerken lebi djaoe.
Itoe orang jang diantjem oleh Koei Hin jalah boekan laen jaitoe bekas ia poenja katjintaän, Kang Nio, jang koetika . bersama bebrapa kawannja jang teritseng boekan prampoean baek-baek dateng menonton di itoe kara-mean.
Keng Nio sendiri poen merasa takoet kaloear dari dalam roemanja, kerna ia poen soeda dapet kabar bahoea Koei Hin hendak binasaken padanja bila ia bertemoe. Tapi lantaran ia soeda dipaksa menonton djoaga, hingga tiada oeroeng ia toeroet maoenja itoe bebrapa taman, dan doadoek di satoe podjok jang tiada kaliatan. Tapi siapa taoe Koei Hin poenja mata ada sampa tjeli, hingga maski djoega ia soeda menjoempet di tempat jang gelap, tiada oeroeng ia soeda dapat liat djoega pada itoe korban jang itoe waktoe ia hendak binasa- /
t
ken bila tiada kaboeroe Kim Tjang menjega pada-nja dengen sanget.
Tapi Keng Nio sendiri tiada mendoesin jang dirinja seialoe ada di'intip betoel-betoel oleh Koei Hin, kerna koetika itoe ia sendiri sedeng ter-tawa-tertawa sama temen-temennja lantaran meliat loetjoenja satoe badoet topeng jang sedeng kasi pertoendjoekan. Maski djoega ia taoe jang dirinja seialoe ada terantjem bahaja dari tangannja itoe bekas katjinta'an.
Kira-kira -poekoel doea bias tenga malem ba-roelah itoe topeng brenti, dan semoea penonton poelang ka roemanja dengen mengantoek.
Samentara itoe Kim Tjiang dan Koei Hin soeda berada di dalem roemanja sendiri. Kadoea orang ini sedeng doedoek bitjara perkara resia, jang berhoeboeng dengen dirinja Koei Hin.
„Baek djoega tatkala itoe kaoe menjega, Tjiang,"
kata Koei Hin pada itoe sobat; „Kaloe tiada tentoe akoe soeda di'iket oleh orang politie."
Kim Tjiang tertawa dan tiada berkata.
„Apa dengen sasoenggoenja kaoe hendak me-noeloeng padakoe, Tjiang?" menanja Koei Hin jang menegesin pada itoe sobat.
—„Boeat perkara apa?"
— „Boeat abisken djiwanja itoe geladak, jang soeda djeblosken akoe poenja diri ka dalem pen-djara !"
— 64 —
—„Inilah akoe nanti pikir kombali."
Mendenger perkata'annja itoe sobat Koei Hin djadi sedikit mendongkol, kerna njata perkata'an
nja Kim Tjiang jang doeloean ia anggep palsoe adanja.
„Perkara boenoe pada djiwanja orang, sebagi-mana kaoe poen tentoe taoe ada soeker sekali aken di lakoeken dengen sembarangan. Hin," kata Kim Tjiang. „Betoel doeloean akoe soeda ber-djangdji hendak toeloeng padamoe, tapi boeat lakoeken itoe di dalem ini satoe atawa doea boelan, sasoenggoenja akoe tiada nanti lakoeken."
Ini perkata'an bikin lebi mendongkol pada Koei Hin. Ia laloe berkata: „Bila akoe moesti me-noenggoe lagi satoe atawa doea boelan, sasoeng
goenja kaoe hendak bikin akoe djadi mati berdiri, Tjiang," kata poela Koei Hin jang merasa koerang senang dengen bitjaranja itoe sobat. „Tapi kaoe tentoe taoe, akoe sebagi satoe laki-laki nanti bales apa jang orang soeda berboeat tiada baek pada dirikoe."
Dengen oetjapken itoe perkata'an, njatalah Koei Hin hendak berlakoe sabrapa ia bisa aken dapet binasaken pada djiwanja Keng Nio. Atas Kim Tjiang poenja perkata'an jang menjimpang begitoe djaoe, telah membikin ia djadi merasa koerang senang sekali, maski djoega di loear ia berlakoe baek pada itoe sobat.
— 65 —
Kim Tjiang mengarti jang Koei Hin merasa koerang senang padanja, tapi hal itoe ia tiada ambil perdoeli. Sebenernja ia sendiri tiada maoe memboenoe orang poenja djiwa, bila jang diboe-noe itoe tiada mempoenjaken harta satoe apa.
Doea boelan telah berlaloe, tapi Koei Hin blon liat jang Kim Tjiang ada gerak-gerakannja aken lakoeken itoe perdjandjian jang ia soeda bitjara di hadepannja. Lantaran begitoe, hatinja djadi semingkin niendongkol.
„Ha, Kim Tjiang", berkata Koei Hin dalem hati sendiri. „Siapa taoe kaloe kaoe poenja moeloet itoe tiada harganja aken dipertjaja. Bermoela akoe kira dengen sabenernja kaoe hendak menoeloeng padakoe dengen sagenep hati, tapi akoe liat kaoe poenja kalakoean begitoe, betoel-betoel kaoe soe
da pandang renda sekali padakoe."
Sambil oetjapken itoe perkata'an Koei Hin raba pistolnja jang terselip di pinggang dan toedjoeken itoe pada betoelan iganja itoe sobat, jang djoestroe sedeng tidoer mengorok di satoe bale di mana Koei Hin berada.
Sablonnja sendjatanja Koei Hin mengambil korban djiwanja Kim Tjiang, koenjoeng-koenjoeng Koei Hin dapet pikiran laen, maka ia lantes se-lipin kombali itoe sendjata di pinggangnja.
„Kaloe akoe abisken djiwanja dengen goenaken Kongtjoe idoeng poeti. 5.
— 66 —
ini sendjata, pakerdja'an itoe sasoenggoenja ada kasar sekali," kata Koei Hin dalem hati sendiri.
„Lagi poen katanja ia ada mempoenjaken ilmoe kedot, jang tiada mempan dengen sendjata api atawa barang tadjem. Itde sebab, kaloe akoe pasang padanja tiada mempan, ini perkara boleh membikin akoe poenja diri jang dapet tjilaka.
Ach, ini perkara sasoenggoenja sanget menjoe-kerken bagi akoe poenja pakerdja'an."
Sambil berpikir begitoe Koei Hin berdjalan kaloear. Ia doedoek di satoe bangkoe jang ada disitoe, samentara hatinja melajang-lajang, lanta
ran ia sedeng berpikir tjara begimana ia bisa abisken djiwanja Kim Tjiang dengen tiada kentara.
„Apa tiada baek kaloe akoe goenaken ratjoen àken binasaken djiwanja itoe sobat jang tjoerang?"
tanja Koei Hin pada diri sendiri." Akoe taoe, dengen goenaken barang begitoe akoe nanti bisa sampeken akoe poenja maksoed."
Ini saroepa djalan telah membikin itoe sobat jang doerhaka djadi girang sekali dan ia ambil poetoesan, ia nanti binasaken Kim Tjiang poenja djiwa dengen goenaken ratjoen.
Sedeng Koei Hin ada ambil poetoesan begitoe roepa, adalah Kim Tjiang sendiri tiada sekali mendoega kaloe Koei Hin hendak aniaja djiwanja, kerna ia liat, tiada ada satoe apa jang boleh me-njataken bahoea itoe sobat hendak berboeat
tiada back pada dirinja. Malahan Koei Hin roepanja ada begitoe takoet pada Kim Tjiang.
Pada itoe hari, sasoedanja ampat djem lamanja ia tidoer dengen poeles, baroelah Kim Tjiang sedar dari tidoernja. Sigra ia pergi tjoetji moeka dan kamoedian doedoek di sala satoe bangkoe di deketnja Koei Hin sambil menanja: „Poekoel berapakah ini, Hin?"
Koei Hin laloe berbangkit dan meliat pada matahari, kamoedian ia menjaoet: „Akoe kira ampir poekoel doea belas."
Kim Tjiang tiada doedoek lama di itoe bang
koe, kerna itoe waktoe djoega ia poen lantes berpake-pake dan berdjalan kaloear, tiada ka-laoean kamana ia hendak pergi.
„Ha, koerang adjar betoel itoe menoesia!" kata Koei Hin dengen pelahan dan ia poen laloe ber
djalan kaloear. „Diliat dari kaoe poenja tingka njatalah kaoe sanget pandang renda padakoe.
Ya, itoe tiada apa, toenggoe lagi sedikit hari akoe nanti kasi makanan jang enak padamoe."
Ia berdjalan sampe di djalan besar, dimana dengen menoenggang satoe kandaran Koei Hin laloe pergi ka S.
Di sala satoe toko di itoe tempat Koei Hin lelah bli doea potong sublimât, jang kamoedian dengen bawa itoe barang ratjoen ia poelang kombali ka kampoeng B.
— 68 —
Sasampenja di roemanja Kim Tjiang, ia liat >
sang sobat belon poelang. Di itoe roema me-laenken ada piara'annja Kim Tjiang, jaitoe saorang boemipoetra bernama Satima.
„Ma, ma!" begitoelah dangen swara keras Koei Hin memanggil. „Apa koetika hèndak pergi ko Kim Tjiang tiada bilang apa-apa pada kaoe?"
„Tiada!" saoet itoe prempoean boemipoetra dengen pendek.
Koei Hin berdjalan masoek ka tempat di mana ia sering tidoer. Ia rébaken dirinja dan sembari berpikir; ,,Ini barang sekarang soeda ada, tapi
begimana akoe moesti bikin soepaja bisa digoe- ^ naken aken ambil djiwanja si Kim Tjiang. Kaloe
akoe goenaken setjara kasar, tiada lebi baek akoe poekoel sadja ia poenja kapala, dan binasa atawa tiada itoelah melaenken akoe poenja oenloeng.
Tapi akoe ingin soepaja pakerdja'an ini tiada dapet dikatahoei, jaitoe soepaja akoe dapet tem
po aken lolosken diri dari tangannja politie.
Lama djoega Kim Tjiang bengong mentjari pikiran. Achirnja ia berkata kombali pada diri
nja sendiri; „Ach, gampang! Kim Tjiang sering soeroe padakoe masak kopi, dan disitoe akoe nanti taroken ini ratjoen, jang tentoe djoega
dengen sabtntaran sadja nanti mendjadi slese." f Bener sebagimana doega'annja Koei Hin. Pada
koetika abis berdjoedi Kim Tjiang telah
berdja-lan poeberdja-lang dan sesampenja di dalem ia poenja roema ia lantes titaken Koei Hin masak aer dan sedoe kopi, jaitoe sebagimana biasanja itoe kapala begal jang sering prenta pada itoe kawan.
Ini hal telah membikin dapet djalan pada Koei Hin. Ia lantas lakoeken apa jang diprenta, kamoedian sasoedanja itoe aer soeda disedoeken di satoe tjawan jang terisi kopi boeboek, ia taroken djoega itoe doea potong sublimaat, jang ia soeda toemboek mendjadi antjoer betoel se
perti tepoeng.
Itoe tjawan jang berisi kopi sigra disoegoeken di hadepannja Kim Tjiang, samentara ia laloe berdjalan kaloear dan bersedia aken pergi mela-riken diri.
Kim Tjiang jang tiada mendoega bahoea di dalem itoe tjawan kopi ada tertjampoer ratjoen, dengen tiada taoe satoe apa laloe itoe satjawan kopi ija minoem hingga kering. Sasoedanja mi-noem itoe baroe ia bisa berkata, jang baoenja itoe kopi tiada begitoe enak dan rasanja getir.
Berselang bebrapa menit kamoedian, Kim Tjiang rasaken peroetnja sakit dan semingkin lama ia rasaken itoe bagian djadi semingkin melilit, hingga ia tiada bisa tahan dengen itoe penjakit.
Kamoedian berselang satoe djem djiwanja Kim Tjiang telah melajang ka tempat jang baka.
Satima jang mendoega bahoea binasanja Kim
— 70 —
Tjiang boekan terdjadi lantaran penjakit, kerna ada bebrapa tanda jang ia rasa djiwanja ija poenja baba ianlaran kena makan ratjoen, lebi lagi ia liat koetika Kim Tjiang ada di dalem dengen ka'ada'an begitoe Koei Hin soeda tiada ada di itoe tempat. Lantaran begitoe itoe orang prampoean boemipoetra laioe rapportken hal itoe pada kapala kampoeng di itoe tempat, jang kamoedian atas prentanja mantri politie jang soeda dapet katrangan tentang binasa-nja itoe kapala begal, maitbinasa-nja Kim Tjiang laloe dibawa ka roema sakit di S., aken dipreksa lebi djaoe oleh docter di sana.
Atas papreksa'an docter, bener djoega dapet dikatahoei bahoea Kim Tjiang telah binasa lan
taran makan ratjoen. Ini perkara sigra ditjari taoe lebi djaoe, dan diseraken pada tangannja pengadilan. Satima diminta ketrangannja oleh hakim, jang laloe tjeritaken bahoea swamir.ja itoe ada poenja sobat jang bernama Koei Hin, anaknja almarhoem Lo Kiong Hin, jang tatkala ia tarik napasnja jang pengabisan, si sobat itoe soeda pegi boeron tiada ketaoean kamana perginja.
Dengen mendapet ini keterangan, hakim lantas toelis namanja Koei Hin dan prenta bebrapa mata-mata politie aken tjari pada itoe pemboe-noe, jang kemoedian telah dapet ditangkep di sala satoe kampoeng jang terkenal dengen nama kampoeng G. di bilangan S.
Hakim sigra preksa pada Koei Hin. Atas per-tanja'an hakim lantaran apa maka ia soeda boenoe pada Kim Tjiang|dengen goenaken ratjoen. Ber-moela Koei Hin berkeras tiada maoe mengakoe, tapi lantaran diantjem oleh hoekoeman berat oleh hakim jang mamereksa itoe perkara, achirnja ia mengakoe djoega, jaitoe lantaran perkara sakit hati, jang itoe sobat tiada bisa toeloeng padanja boeat boenoe pada Keng Nio.
Dianggep kasala'annja persakitan soeda djadi terang seperti katja, laen dari itoe Satima sendiri telah memberatken dengen sanget pada Koei Hin di moeka pengadilan, achirnja hakim djatoken hoekoeman boewang doea poeloe taon lamanja di dalem rante pada itoe pemboenoe.
Begitoelah ada achirnja ini tjerita jang ber
alamat; „Peroentoenganja satoe anak atawa djadi korbannja pergaóelan djahat." Dengen meliat itoe semoea orang bisa menjaksiken, sasoenggoenja orang jang mendjadi anak haroes berbakti pada orang toeanja sendiri, jaitoe sebagi Allah jang kadoea di ini doenia.
Perdjalanan jang diambil oleh Koei Hin sasoeng
goenja ada kliroe sekali. Tjoba pembatja pikir, be-laken satoe katjinta'an sampe boewang pada orang toea sendiri ! Inilah kita rasa ada satoe pikiran dari satoe anak jang soeda djadi gelo bener-bener.
Katjinta'an ajah dan iboe ada berlaenan sekali
— 72
-dengen katjinta'annja istri sendiri, lebi lagi satoe prampoean hina. Itoe sebab, haroeslah orang menjinta pada ajah dan iboe dengen sagenep hati jang sbetji, tentoe djoega Allah nanti kasi kita
tiada terhingga.
AMAT.
l' J A K A