Scbagimana kita soedah toelis pada Volksraad soedah dima-djoeken satoe rentjana baroe boeat oendang - oendang jang kita boleh namaken „brangoes pers" dan boenjinja iloe satoc - persatoe artikel ada kira - kira sebagi berikoet.
Artikel 1.
1. Apabila menoeroct pemandengannja Gouverneur Generaal ada perloe goena melindoengken katentreman oetnoeiri, Gouverneur Generaal boleh, sasoedahnja denger pikirannja Raad van Indie, dengen satoe poetoesan pake alesan - alesan, oendjoek soeatoe soerat kabar jang terbit, boeat dilarang samentara waktoe pener-bitannja.
2. Itoe poetoesan oleh atawa atas prentahnja Procureur Generaal dikasi taoe pada jang menerbitken dan pada jang menji
tak, djoega pada orang atawa orang - orang jang pake nama apa djoega, jang pimpinan dari Redactie itoe courant jang dioendjoek, djBta nama atawa adres dari jang tersangkoet ada terang.
3. Apabila menoeroet pertimbangannja Gouverneur Generaal itoe larangan soedah tida perloe lagi goena katentreman oemoem, itoe poetoesan oleh Gouverneur Generaal baik anteronja maoepoen sebagiannja, goena satoe atawa lebih dari satoe courant, boleh ditarik kombali.
4. Apabila itoe poetoesan tida ditarik lebih lekas, poetoesan itoe berlakoe teroes sampe satoe taoen lamanja.
Artikel 2.
1. Apabila itoe pengoendjoekan (tegoran) terseboet dalem artikel doeloean tida berhasil sebagimana di - ingin Gouverneur Generaal boleh, sasoedahnja denger pikirannja Raad van Indie kaloearken larangan boeat ditjitak, diterbitken dan disiarken itoe soerat kabar jang dioendjoek. Kaloe itoe ada satoe soerat kabar harian, boeat paling lama delapan hari dan terhadep pada lain periodiek, paling lama tiga kali dari tempo penerbitannja.
2. Itoe poetoesan dengen apa Gouverneur Generaal njata-ken itoe larangan, anjata-ken dioemoemnjata-ken dalem „Javasche Courant".
Poetoesan itoe aken berlakoe satoe hari kemoedian sasoedah
nja „Javasche Courant" jang moeat itoe dikaloearken.
3. Djika seliwatnja itoe tempo larangan, penerbitannja itoe soerat kabar soedah dilandjoetken lagi, masi bisa setjara jang ter
seboet dalem lid pertama, boeat itoe soerat kabar djoega, dari baroc (lagi sekali) dilarang boeat samentara waktoe, sebegitoe
lama itoe pengocndjoekan ikoet artikel 1 masi berlakoc. Boeat courant harian, larangan kadoea atawa berikoetnja boleh sampe paling lama 30 hati beroentoen.
Artikel 3.
1. Tentang larangan termaksoed dalem artikel 2 dikasi taoe pada Hoofd van Plaatselijk Bestuur, dalem wewengkon siapa itoe soerat kabar ada ditjitak.
2. Ini kepala negeri dengen lekas atoer daja - oepaja boeat halangken ditjitak, diterbitken dan disiarkennja itoe periodiek boeat lamanja menoeroet itoe larangan dan ia boleh taro beslag atas masin - masin tjitak dan lain - lain perkakas jang dipake dalem itoe peroesahan kantooç t)itak dan zegel roemah - roemah dan roewa-ngan - roewaroewa-ngan dimana itoe barang-barang ada ditaro. Ia ber-koeasa goena itoe, bila perloe, pake bantoear, dari tangan koeat (Politie atawa Militair) boeat masoek dalem semoea tempat jang
tertoetoep, berikoet roemah » roemahnja.
3. Sebegitoe djaoe masi bisa, ia kasih taoe itoe larangan pada orang jang tersangkoet menoeroet apa jang diseboet dalem lid kadoea dari artikel 1.
Artikel 4.
1. Orang jang dengen scngadja melanggar itoe larangan jang terseboet di artikel 2, aken dihoekocm dengen hoekoeman pen-djara paling lama satoe taoen.
2. Dengen ini hoekoeman aken dihoekoem orang jang taoe adanfa itoe larangan, tapi dengen soeatoe tjara ada membantoe lengkepin atawa beresin isinja periodiek jang melawan pada itoe larangan.
3. Kedjadian - kedjadian jang bisa dihoekoem terseboet dalem ini artikel, dipandeng sebagi perboeatan djahat.
Artikel 5,
Ini oendang - oendang aken berlakoe pada harian besoeknja pada hari jang dioemoemken.
•
» *
MEMORIE VAN TOELICHTING.
Daja - oepaja jang tersedia bagi pembesar negri aken dalem tempo - tempo soelit (genting) poenahken toelisan - toelisan djahat dari pers moesti dianggep belon djitoe dan belon tjoekoep.
— 45
-Hoekoeman dengen pengadilan sadja tida kasi hasil tjoekoep, oleh kerna soeara - soeara tadjem dari pers jang dilepas, biasanja diatoer begitoe roepa sampe bisa molos di djaringnja wet : kaloe sampe djadi satoe perkara hoekoem, keseringan didjatoken sadja satoe denda apa itoe kedjadian masi belon ditindes.
Dari daja oepaja administratief, tersedia bagi pembesar negri, jang paling djitoe boeat dipake menindes kedjahatan termaksoed, teroetama adalah hak - hak loear biasa (exorbitante rechten) tapi tida bisa dipoengkir bahoea hak ini baroe bisa digoenaken djika soedah keliwat dari misti.
Di sampingnja soeara pers, baik jang bersifat mengasoet ata-wa menoedoeh - noedoeh, maoepoen menjerang pada pamerentah jang bisa roeboehken kakoeasaännja pamerentah, terdapet djoega kedjahatan dengen sembrono siarken kabar - kabar djoesta hingga menerbitken kagemperan (keriboetan) dan itoe djoestroe terdjadinja dalem koetika di mana katentreman dan kedamian ada perloe. Pamenretah perloe mengambil daja oepaja lebih tadjem tjegah itoe toelisan - toeiisan jang tida karoean.
Melebihken dari daja oepaja administratief sebagi adaken atoe-ran licentie atawa atoeatoe-ran tarok satoe tanggoengan (borg), diang-gep lebih baik adaken satoe atoeran jang membri kasempetan boeat larang, kesantaosaän oemoem, terbitnja soerat kabar jang dioendjoek.
Bagi ini adalah itoe rentjana oendang - oendang jang sekarang dimadjoeken.
Bagian paling berat dari atoeran jang divoorstel, terseboet dalem artikel 1 jalah, pada Gouverneur Generaal dikasi kakoeasaän, apabila katentreman oemoem ada meminta, boeat oendjoek soea-toe soerat kabar jang haroes dilarang penerbitannja.
Itoe pengoendjoekan boekannja pertama haroes dipandeng sebagi satoe tegoran pada pimpinannja itoe soerat kabar soepaja berlakoe sabar, maski djoega sendirinja nanti terdapet begitoe, tapi arti paling tandes dari pengoendjoekan jalah disitoe terboengkoes perwatesan jang loeas sekali dari kamerdikaän pers biasa, bagitoe soerat kabar jang dioendjoeki, Satoe perwatesan jang rada - rada, sama dengen perwatesan hak biasa boeat berkoempoel (vergade
ring) goena soeatoe perkoempoelan jang soedah dilarang (artikel 8 b. dari Koninklijk Besluit 7 December 1918 No, 38, Indische Staatsblad 1919 No. 27).
Lain - lain barang pertjitakan sama sekali tida terganggoe.
Memang pada sifat jang keras dari pengoendjoekan begitoe, maka ditetepken bahoea itoe poetoesan, disertaken dengen alesan-alesannja, dimadjoeken doeloe pada Raad van Indie dan didenger pikirannja Raad ini.
Djika itoe pengoendjoekan tida dapetken hasil jang di - ingin, Gouveneur Generaal, sasoedahnja berdami sama Raad van Indie,
boleh larang samentara waktoe ditjitaknja itoe courant. Lamanja larangan boeat soerat kabar harian, paling lama delapan hari dan boeat lain - lain courant tiga kali dari tempo penerbitannja. Kaloe ini tempo soedah liwat, itoe courant jang dilarang dikasi permisi boeat dikaloearken lagi dan kamoedian boleh dikaloearken lagi larangan samentara waktoe, jalah boeat courant paling lama 30 hari beroentoen.
Itoe pengoendjoeken, kaloe tida lekas ditarik poelang, ber
tenaga teroes sampe satoe taoen lamanja. Tapi kaloe menoeroet pertimbangannja Gouverneur Generaal katentreman soedah kom-bali, itoe pengoendjoeken baik sebagiannja maoepoen anteronja, aken di tarik poelang.
Boeat terangken lagi itoe atoeran, ada perloe begini : Ad. artikel 1. Satoe atoerao jang tentoe boeat oemoemken ini poetoesan, sebagimana terseboet dalem artikel 2, ada tida perloe, dari sebab mengikoetin praktijk bisa dioemoemken pake djalan „Javasche Courant" sadja.
Ad. artikel 2. Ada di'ingin soepaja pembrian taoe dari ini larangan dan berhoeboeng sama ini, harian dari berlakoeaja^iara-ngan, ditetepken terpisah dari pembrian taoe jang dikasi lebih doeloe. Bikin teges sekali itoe larangan boeat tjitak, kaloearken dan siarken soerat kabar ada perloe. teroetama sebab itoe atoeran ada membawa hoekoeman.
Ad. artikel 4. Selaennja dari toekang tjitak jang bersalah orang jang keloearken dan siarken courant, djoega redacteuren dan medewerkers jang bikin copie dan atoer itoe toelisan, bisa di hoekoem djika itoe toelisan djadi masoek dalem pertjitakan, teges-nja sampe si toekang tjitak bermoela kali bikin itoe pelanggaran.
Berhoeboeng sama soenggoe-soenggoenja atoeran jang dipegang, maka bagi hoekoeman tida di tambahken hoekpeman denda.
(Dj. T.)
B a r o c " T c r b i t < -B O E K O E
Satoe boekoe, jang tiap s tiap soedagar haroes mem«
poenjai. Dalem ini boekoe ada dioendjoek djalan bagimana sasoeatoe soedagar aken membesarken dan memadjocken perdagangan n ja,
Djangan sangsi lagi beli ini boekoe. kerna ini kitab ada satoe Adviseur atawa Djoeroe Nasehat bagi säsorang soedagar dalem segala perdagangan besar atawa ketjil.
Harga satoe f 9 5
boekoe ijoema • • Kirim oeang doeloe, ongkost l(irim vrij.
0">o° -••qOO
O o
terbit ! terbit !
Boekoe jang sanget bergoena bagi segala bangsa dan tiap - tiap roemah tangga haroes bersedia ifli boe
koe. Isinja boekoe jalah nasehat pengrawatan, rasa, roepa dari penjakit - penjakit jang berdjangkit di negri
panas, terhias dengen gambar - gambar.
Harga atoe djilid bear tjoema .
. . . f 2 . 2 Ë
— K i r i m o e a n g - d o e l o e , o n g k o s k i r i m v r i j . — —
Boekhandel „KAMADJOEAN" Ambengan 126, - Semarang o o
QOoofi
|o io
•oOO
Ba,ro© Tertoit ! Baro© Tei-toit 1