(Pidatonja Toean Hadji August Salim.
Hoofdredacteur Dagblad „Moestika".)
=S=^=tt=î^=<E=-Dengen djinaka spreker bilang djadi kaget sekali waktoe dapet panggilan boeat koendjoengin ini perhimpoenan, kaget, kerna belon diadaken permoefakatan atawa pembitjarahan apa-apa
sama sekali. Terlebih - lebih lagi kagetnja waktoe selaennja panggilan lebih djaoe ia dibriken kahormatan boeat bitjara. Mas-kipoen itoe panggilan dikirimnja begitoe sekoenjoeng-koenjoeng toch spreker telah dateng djoega. Ia dateng adalah kerna merasa sänget kaget ada bangsanja jang mempoenjain itoe initiatief dan kabranian zonder pikir doeloe apa ini congres bisa djadi apa itoe orang-orang jang dipanggil maoe dateng. lantas sadja ki-rimken ia poenja soerat oendangan. Ini hal baroe perna spreker alamken. kerna kabiasahan dari iapoenja bangsa di dalem perge
rakan apa - senantiasa madjoe satoe tindak, tetapi moendoernja lebi banjak. Selaennja dari itoe collegaliteit wadjibken ia dateng koendjoengin perhimpoenan ini. Kita toekang koran seringkali bermoesoe dan djika soeda bermoesoehan ada lebih tjilaka lagi dari pada doea toekang waroeng riboet satoe pada laen kerna bersaing. Seperti djoega toko - toko jang di dalem pergaoelan hidoepnja marika bersaing satoe pada laen toch di laen fatsal ada memperhatiken pada kerageman dan collegaliteit dengen berdiriken satoe middenstandsvereeniging atawa Siang Boe. Soeda sedari 46 hari spreker berada di dalem perdjalanan dan samentara itoe ia baroe poelang di Djokja doea kali jaitoe satoe kali 3 hari dan
laennja 6 hari. , , j. .
Ada banjak Journalisten Indonesier bekerdja pada soerat kabar Tionghoa dan menoeroet spreker di ini waktoe
kedoedoe-kan, dcradjat dan kcadahan dari soerat - soerat kabar Tionghoa ada sama dengen keadahannja kita.
Djika spreker tida banta pada apa jang dibitjaraken tadi adalah boekannja kerna spreker moefakat dengen segala - galanja, tetapi adalah kerna didalem ini perhimpoenan tida diadaken debat atawa banta - membanta. Spreker toetoerken bahoea sedari di taon 1915 ia soeda moelain pegang pena dan berbareng dengen itoe djadi pemimpin rahajat.
Doea poeloe lima taon kita poenja bangsa jang sama se
kali boleh dibilang tida diperdoeliken, tetapi di ini waktoe ada ditakoetin djoega. Doeloe kita dianggep seperti tida ada, tetapi meliat kita poenja kemadjoean di ini masa, sampe fihak laen ketakcetan dan sampe perloe diadaken perwa-tesan karet perwaperwa-tesan tanem teboe dan laen - laen. Spreker moefakat dengen perbilangannja voorzitter jaitoe bahoea kita poenja djasa tida boleh dibilang sendiri oleh kita tetapi moesti dikataken orang laen.
Spreker diminta bitjaraken soeal „Journalistiek dengen pame-rentah (wet) satoe rentjana sabetoelnja ada soelit sekali. Kita tida perdoeliken pamerentah dan saja tida bisa „non-cooperatie"
dengen wet, tida apapoela perdoeliken itoe. Djika oepamanja di saja poenja kantoor ada dateng mantri - politie atawa commissaris jang bilang : „Toean besok pagi djam 10 Toean moesti mengadep pada resident," saja tida bisa bilang : „akoe tida perdoeli. Djoega saja tida bisa bilang : „Hajolah collega, kita bantras pada wet".
Spreker tjela itoe Toean jang tadi bitjara jang bilang bahoea ia telah ambil tiga koran tetapi pengabisannja lantaran toenggak abonnement sampe senantiasa dioedek - oedek dan diantjem. Ia bilang lebih baek orang ambil sadja satoe koran dan bajar itoe dengen betoel. Djika kapengen batja laen koran baeklah toekar-toekaran pindjem sadja dari kawan-kawannja.
Spreker lantas toetoerken hikajatnja soerat kabar jang menoe-roet penjelidikan jang ia lakoeken dalem boekoe - boekoe djika tida salah adalah soerat kabar pertama seperti djoega dengen laen - laen hal paling doeloe moentjoel di Tiongkok. Selaennja soerat - soerat kabar, laen - laen matjem publiciteit poen boleh dibilang paling doeloe mendjelma di Tiongkok. Seperti djoega ampir segala-gala pendapetan di djaman doeloe didapetken di Tiongkok begitoepoen bapanja koran Melajoe di Indonesia poen adalah bangsa Tionghoa.
Sasoedanja toetoerken soerat - soerat kabar jang paling doeloe diterbitken di Indonesia, spreker lantas toetoerken tentang hikajat pers di Engeland dan Frankrijk dan di itoe doea negri bisa di-njataken teges sekali dari boekoe - boekoe hikajat bahoea mana
kala satoe radja adaken atoeran lebih keras boeat brangoes pers, hikajat ada memboektiken bahoea semingkin pers kaoem oppositie
- 39
-digentjct, adalah djoemblahnja marika poenja abonne djadi ber
tambah banjak.
Doeloe Gouverneur - generaal van Limburg Stirum ingin liat timboel satoe seerat kabar Indonesier jang merdika betoel dan tida bergantoeng pada siapa djoega. Boeat itoe ia telah kasiken oeang satjoekoepnja boeat kapitaal, zonder dengen adaken per-djandjian apa - apa sama sckali, tjoema sajang soerat kabar itoe
maski boleh goenaken kapitaal tjoekoep toch tida bisa berdiri teroes. Blakangan poen pamrentah Indonesia ada toeroet tjam-poer dalem oeroesan pers dengen berdiriken Volkslectuur dan adaken contract dengen Aneta. Spreker anggep itoe contract de
ngen Aneta ada tida adil, kerna sedeng doeloean orang bisa da-petken warta - warta officieel zonder bajaran adalah sekarang Aneta mintaken f 50. — . Selaennja bagitoe Aneta katanja objec
tief, tetapi objectief boekannja terdapet pada kita. Vergadering-vergadering dari I.E. V. atawa V. C senantiasa terdapet verslag jang pandjang lebar, tetapi verslag congres Boedi Oetomo di Jacatra, Pasoendan di Buitenzorg dan P. S. I. di Soerabaja tjoema tjoema diwartaken bebrapa regel sadja Ini sebetoelnja kita tida boeat heran kerna Aneta koerang lebih toch ada satoe koloniaal instelling, dan tjoema pentingken kabaran - kabaran jang menge-naken Blanda sadja. Dj i ka kita sabentar lagi bbebaran, soedah ba-goes djika besoek kita dapet batja kawat Aneta. Journalisten In
donesier telah adaken vergadering dan berdjalan dengen beres Doea kali spreker pernah pergi ka Europa boeat belah-ken perkara heerendienst (patigawe) di Genève. Di Sumatra dan Gorontalo perna terdjadi satoe anak jang beioen beroesia 18 taon dihoekoem kerna tida lakoeken kewadjibannja. Kita sengadja ki
rim kabaran itoe pada Aneta tetapi itoe kabaran tida disiarken sebagimana moestinja.
Spreker lantas moelai toetoerken wet tentang drukpersregle
ment jang moelai diadaken di taon 1853 dan diadaken perobahan pada laon 1906, dimana antara laen - laen ada dilarang dikasi ma-soek koran - koran Arab jang fanatiek. Lebih djaoeh spreker toe
toerken tentang artikel 153 bis jang mengiket betoel - betoel pada pemimpin-pemimpin dan artikel 135 ter jang djiret betoel-betoel lehernja Journalisten. Spreker namaken itoe artikel satoe randjau jaitoe satoe lobang jang didalemnja ditaroken toembak dan dia-tasnja ditoetoepin roempoet hingga berbahaja sekali.
Djika kita bilang sadja : „Hajolah kita berdowa soepaja da-petken kamerdikaän", kita soedah bisa ditjekel lantaran disitoe ada tersimpen perkataan tersemboeni jang mengasoet orang disoe-roe dapetken kamerdikaännja, maskipoen kita tjoema berdowa sadja. Soedara Soerjopranoto dianggep menghinaken ambtenaar, tetapi ia tida dikasi koetika sama sekali boeat membriken katera-ngannja, Satoe Journalist Indonesier djadi bisa dihoekoem zonder
dibriken kasetnpetan sama sekali boeat briken katerangannja.
Menoeroet spreker sänget boleh djadi itoe ordonnantie „maat
regelen tegen ongewenschte periodieken" diambil kerna hal - hal seperti briboet ;
Selama ia mamerentah gouverneur - generaal seringkali dicri-tiek oleh soerat - soerat kabar Blanda setjara jang boekan-boekan sekali. Dalem Memorie van toelichting katanja itoe koran - koran Blanda bisa goenaken perkatahan begitoe melilit sampe ia bisa lolosken dirinja dari djiretannja wet. Waktoe bikin perdjalanan ka Indo - Ghina poen G. G. dicritiek ja boleh dibilang dihinaken.
Maski begitoe toch itoe koran - koran tida ditoentoet adalah kerna di-inget bahoea maski marika itoe ditoentoet, toch hoekoeman jang marika aken dapetken tjoema satoe hoekoeman jang tida berat, tetapi dengen begitoe hinahan pada Wali Negri djadi dioelang-ken kombali.
Boleh djadi oleh kerna adanja itoe maka djadi dipikirken boeat ambil atoeran lebih keras, jaitoe zonder perkaranja dipreksa lagi kantoor soerat kabarnja boleh ditoetoep. Djika kantoor soerat kabarnja ditoetoep dalem 10 atawa 30 hari sadja tentoe abone-mennja pada koetjar - katjir. Spreker tida pertjaja jang itoe ordonnantie oleh Wali Negri jang sekarang diwarisken boeat kita orang. Dan boekannja satoe hal jang mpestail jang itoe ordonnantie dikirim dari Nederland boeat melindoengken G. G.
jang baroe dan itoe dimadjoeken dengen perantarahannja G. G, jang sekarang.
Sasoedanja itoe spreker lantas membitjaraken tentang Jour
nalistiek dengen wet. Antara laen - laen spreker oendjoek itoe perkara Karim jang oleh landraad Batavia didjatoken hoekoeman 15 taon, tetapi waktoe dipreksa iagi oleh Raad van Justitie ter-njata Karim tida bersalah dan moesti dibebasken. Lebih djaoe spreker oendjoek perkara - perkara aniajahan jang dilakoeken di Wonosobo, Soekoredjo dan itoe perkara di Rantja-Ekek dimana satoe loerah dengen enak korek - korekin orang poenja mata. Itoe kadjadian - kadjadian bisa terdjadi dan didjalanken bertaon - taon adalah kerna wet.
Djika di dalem vergadering kita brani bitjaraken itoe hal, politie tentoe lantas menjctop, djika ditoelis di soerat kabar poen jang toelis bisa alamken hal - hal jang tida enak. atoeran baroe lebih - lebih lagi bikin soeker bagi Journalisten aken oetaraken critieknja, Itoe ordonnantie djadi seperti mengelonin sasoeatoe ambtenaar jang lakoeken kedjahatan. Biar kita bilang sariboe kali bahoea kita toelis itoe ada boeat kapentingan oemoem. tapi djika voorzitter landraad golengken kepalanja, kita djadi ketjekei djoega.
Djika ini ordonnantie diteroesken. betoel saja tanggoeng soe-dara - soesoe-dara beli koran dengen isinja penoeh 24 kolom, tetapi saja tida tanggoeng ada isinja jang berfaedah. Boleh djadi disitoe
- 41
-aken tertampak mclaenken tjerita dendek, teka - teki dan laen-iaen.
Dengen adanja itoe ordonnantie baroe djadi boekan kita Journalisten tetapi publiek jang roegi dan tida dapetken apa jang ia perloe dapetken. Di dalem ini oeroesan kita tida bisa berdaja diantara kita golongan Journalisten sadja, tetapi kita moesti minta pertoe-loengannja publiek. Journalisten Kring di Nederland poen telah protest dan minta Volksraad tolak ordonnantie itoe.
Spreker menerangken, bahoea brangoes dari pers, jalah ratjoen djedjahan. Selandjoenja Spreker madjoeken satoe motie, motie
ma-na boenjinja sebagi berikoet:
„Koempoelan rame diadaken dalem Luna Theater di Semarang pada hari Minggoe pagi tanggal 9 Augustus 1931.
Satelah mendenger oeraian dengen djelas tentang kesempitan peratoeran - peratoeran hoekoem jang merintangi kamerdikaän soea-ra djalan pers.
Dan mendenger poela keterangan antjaman jang lebih heibat jang dihadep oleh pers oemoem, istimewa pers Indonesia, dalem rentjana ordonnantie jang telah diandjoer olen pemerentah kepada Volksraad, dengen nama „Maatregelen tengen ongewenschte pe-riodike drukwerk".
Mengataken, bahoea keadaan peratoeran sematjem itoe, djadi satoe halangan besar bagi kemadjoean pers jang perloe men-djadi satoe perlindoengan keamanan rame dengen djalan memboe-atken perbagi kedjahatan orang dan kemestian keadaan, jang hanja dapet dilawan dan dihilangken dengen publieciteit.
Dan melahirken kejakinan bahoea wadjiblah dengen pergeraän rajat jang economie, jang sosial dan teroetama jang politiek mem-bangoenken geraän besar dan melahirken soeara djelas menjang-kal dan menolak terdjandjinja peratoeran ontwerp ordonnantie itoe.
Memoetoesken soepaja motie ini disampekenlah kepada segala pihak pergerakan berorganisatie dengen djalan pers Indonesia.
Sekianlah motie itoe, jang mana Toean Hadji Agust Salim, menjoedahken bitjaranja, dengen dapet applaus dari publiek.
Toean Saeroen bertanjaken kepada congres, apakah moefakat tentang motie terseboet, jang mana didjawab oleh congres dengen Moefakat.
Djam setengah doea siang, vergadering jang pengabisan dari Congres Journalisten Indonesia jang pertama, disoedahken dengen slamet.
*
* *
P E R D J A M O E A N .
Dengen dilajani oleh poetri - poetri Indonesia, maka tetamoe-tetamoe wakil pers Tionghoa dan congresisten, didjamoe makan tjara Indonesia.